ວັນຈັນ ທີ 25 ຕຸລາ 2021

“ວຽງຈັນບັນດານໃຈ” ຕອນ: ໜຸ່ມວິທະຍາໄລ ຫົວໃຈນັກກະເສດ

“ວຽງຈັນບັນດານໃຈ” ຕອນ: ໜຸ່ມວິທະຍາໄລ ຫົວໃຈນັກກະເສດ
S! Muan

ສະໜັບສະໜູນເນື້ອຫາ

ຈົບ ມ.7 ແລ້ວຊິຮຽນຫຍັງດີ? ຊິໄປຮຽນຢູ່ໃສ? ຮຽນຈົບແລ້ວຊິເຮັດຫຍັງ? ເປັນຄໍາຖາມທີ່ມັກໄດ້ຍິນຢູ່ເລື້ອຍໆຈາກນ້ອງໆນັກຮຽນທີ່ຫາກໍຮຽນຈົບຊັ້ນ ມ. ປາຍ ໃໝ່ໆ ແລະ ບໍ່ຕ່າງຫຍັງກັບຊາຍໜຸ່ມຄົນນີ້ທີ່ເຄີຍຕັ້ງຄໍາຖາມເຫຼົ່ານີ້ກັບຕົນເອງເຊັ່ນກັນ ກ່ອນທີ່ຈະຕັດສິນໃຈມາຮຽນຕໍ່ໃນສາຂາລ້ຽງສັດ ຢູ່ທີ່ວິທະຍາໄລແຫ່ງໜຶ່ງໃນນະຄອນຫຼວງວຽງຈັນແຕ່ກ່ອນຈະໄດ້ຄໍາຕອບທີ່ເໝາະສົມໃຫ້ກັບຕົນເອງ ແລະ ສາມາດເຮັດອອກມາໄດ້ຢ່າງໜ້າພຶງພໍໃຈນັ້ນ ບໍ່ແມ່ນເລື່ອງງ່າຍ ແລະ ກວ່າຈະກ້າວມາເຖິງຈຸດນີ້ ລາວຕ້ອງໄດ້ຜ່ານຜ່າບັນຫາຄືແນວໃດແດ່?  ມາຕິດຕາມເລື່ອງລາວຂອງຊາຍໜຸ່ມຄົນນີ້ໄດ້ ໃນບົດຄວາມຊຸດ  ຕອນໜຸ່ມວິທະຍາໄລ ຫົວໃຈນັກກະເສດ.

ບົວໄລ ເປັນລູກຫຼານຊາວນາ ມີຖິ່ນກໍາເນີດມາຈາກ ເມືອງ ທ່າໂທມ, ແຂວງ ໄຊສົມບູນ. ໃນປີ 2018 ຖືວ່າເປັນປີທີ່ຊາຍໜຸ່ມຄົນນີ້ໄດ້ກ້າວເຂົ້າສູ່ໄລຍະບາດລ້ຽວໜຶ່ງທີ່ສໍາຄັນຂອງຊີວິດ ນັ້ນກໍຄືການຮຽນຈົບຊັ້ນມັດທະຍົມຕອນປາຍ ແລະ ການຕັດສິນໃຈເລືອກສາຍຮຽນໃນລະດັບວິຊາສະເພາະ. ສໍາລັບຫຼາຍຄົນທີ່ບໍ່ມີບັນຫາທາງດ້ານການເງິນແລ້ວ ນີ້ອາດບໍ່ແມ່ນເລື່ອງຍາກ, ແຕ່ສໍາລັບ ບົວໄລ ເຖິງວ່າຈະມີສາຍຮຽນທີ່ຕົນເອງມັກ ແລະ ສົນໃຈພຽງໃດກໍຕາມ ລາວຕ້ອງໄດ້ຊັ່ງຊາເບິ່ງອີກວ່າສາຍຮຽນດັ່ງກ່າວນັ້ນມີຄວາມເປັນໄປໄດ້ພຽງໃດທີ່ພໍ່ແມ່ຈະສາມາດສົ່ງເສຍໃຫ້ຕົນເອງຈົນກວ່າຈະຮຽນຈົບໄດ້ ແລະ ທີ່ສໍາຄັນໄປກວ່ານັ້ນ ເມື່ອຮຽນຈົບແລ້ວຕ້ອງສາມາດສ້າງວຽກເຮັດງານທໍາໄດ້.

ຮຽນຫຍັງກໍໄດ້ ຂໍພຽງແຕ່ຈົບອອກມາແລ້ວມີວຽກເຮັດງານທໍາກໍພໍ’ 

ໃນເວລານັ້ນ, ບົວໄລ ມີພຽງສອງທາງເລືອກເທົ່ານັ້ນຄື ກະສິກໍາ ແລະ ໄຟຟ້າ ເຊິ່ງລາວກໍໄດ້ລົງທະບຽນສອບເສັງໃນສອງສາຂາດັ່ງກ່າວ. ເມື່ອຜົນການສອບເສັງອອກມາ ປາກົດວ່າ ລາວສາມາດສອບເສັງຜ່ານການຄັດເລືອກໄດ້ທັງໝົດ. ແຕ່ເພື່ອແບ່ງເບົາພາລະຂອງຄອບຄົວ ບົວໄລ ໄດ້ຕັດສິນໃຈເລືອກຮຽນ ກະສິກໍາ ແລະ ລົງເລິກໃນສາຂາ ລ້ຽງສັດ ເພາະເຫັນວ່າເປັນສາຂາທີ່ມີຄ່າໃຊ້ຈ່າຍໃນການຮຽນຂ້ອນຂ້າງຕໍ່າ, ມີເງິນເບ້ຍລ້ຽງໃຫ້ ແລະ ມີຄວາມເປັນໄປໄດ້ສູງວ່າເມື່ອຮຽນຈົບແລ້ວຈະສາມາດປະກອບອາຊີບເປັນຂອງຕົນເອງໄດ້.


ສາມເດືອນທໍາອິດຂອງການໃຊ້ຊີວິດໃນຫໍພັກນັກສຶກສາ ມີຫຼາຍເທື່ອທີ່ ບົວໄລ ເກີດມີແນວຄິດລັງເລ,  ສັບສົນ ແລະ ທໍ້ໃຈ ຕໍ່ສິ່ງທີ່ປະເຊີນຢູ່ ບໍ່ວ່າຈະເປັນເລື່ອງການກິນການຢູ່ທີ່ຍັງປັບຕົວບໍ່ທັນໄດ້ ຫຼື ແມ່ນແຕ່ການຮຽນທີ່ຍັງບໍ່ທັນເປັນໄປດັ່ງທີ່ຕົນເອງຄາດໄວ້ກ່ອນໜ້ານີ້. ຈົນມາຮອດມື້ໜຶ່ງ ຫົວໜ້າພາກວິຊາ ໄດ້ແຈ້ງຕໍ່ນັກສຶກສາຮ່ວມຊັ້ນທັງໝົດວ່າພາກວິຊາຕ້ອງການອາສາສະໝັກໄປປະຈໍາຢູ່ສູນຮຽນຮູ້ ຫຼື ສະຖານທີ່ປະຕິບັດຕົວຈິງດ້ານວິຊາສະເພາະ ເຊິ່ງປະກອບດ້ວຍກິດຈະກໍາການລ້ຽງປາ, ກົບ, ໝູ, ແບ້, ເປັດ, ໄກ່ ແລະ ອື່ນໆ ໂດຍມີເງື່ອນໄຂວ່າ ຕ້ອງເປັນຄົນທີ່ມີຄວາມດຸໝັ່ນ ແລະ ສາມາດຢູ່ເຮັດວຽກປະຈໍາບໍ່ເວັ້ນແມ່ນແຕ່ວັນເສົາ-ອາທິດ, ບົວໄລ ຈຶ່ງຕັດສິນໃຈສະໝັກໂດຍທັນທີ ເພາະຄິດວ່າຖ້າມີໂອກາດໄດ້ໃກ້ຊິດກັບການປະຕິບັດຕົວຈິງຫຼາຍຂຶ້ນ ບັນຫາແນວຄິດທີ່ກວນໃຈຕົນເອງຢູ່ນີ້ອາດຈະໝົດໄປ ແລະ ນັ້ນຖືເປັນຈຸດປ່ຽນທີ່ສໍາຄັນທີ່ເຮັດໃຫ້ ບົວໄລ ໄດ້ກ້າວເຂົ້າສູ່ເສັ້ນທາງແຫ່ງການຮຽນຮູ້ທາງດ້ານວິຊາສະເພາະຢ່າງແທ້ຈິງ ໂດຍສະເພາະແມ່ນ ການປະມົງ ຫຼື ການລ້ຽງສັດນໍ້າ ນັ້ນເອງ.

ບາງເທື່ອເວລາເຮັດວຽກຄົນດຽວກໍຄິດທໍ້ໃຈ ວ່າເປັນຫຍັງຕ້ອງມາອົດທົນເຮັດວຽກໜັກແບບນີ້? 

ແຕ່ເມື່ອໄດ້ຄຸກຄີຢູ່ກັບມັນທຸກໆມື້ ຈຶ່ງຮູ້ວ່າ ນີ້ມັນດີທີ່ສຸດແລ້ວ! 

ແນ່ນອນວ່າ ການໄປປະຈໍາຢູ່ສູນຮຽນຮູ້ນັ້ນ ບົວໄລ ຕ້ອງໄດ້ເຮັດວຽກໜັກຫຼາຍຂຶ້ນກວ່າເກົ່າ, ຕ້ອງໄດ້ຕື່ນເດິກລຸກເຊົ້າເພື່ອໃຫ້ອາຫານສັດ, ມ້ຽນມັດປັດກວາດ, ພ້ອມທັງກະກຽມອາຫານການກິນ ແລະ ກຽມຕົວເພື່ອໄປເຂົ້າຫ້ອງຮຽນໃຫ້ທັນເວລາ, ວັນເສົາ-ອາທິດ ກໍຕ້ອງໄດ້ຢູ່, ຍາມເດິກດື່ນທ່ຽງຄືນກໍຕ້ອງຕື່ນຖ້າມີວຽກຈໍາເປັນ, ຈົນບາງເທື່ອກໍເກີດມີຄວາມທໍ້ໃຈ. ແຕ່ເມື່ອຫຼາຍເດືອນຜ່ານໄປ ຍ້ອນໄດ້ຮັບການຝຶກຝົນຫຼໍ່ຫຼອມ ແລະ ຖ່າຍທອດຄວາມຮູ້-ປະສົບການຕົວຈິງຈາກຄູ-ອາຈານທີ່ໄດ້ຕິດຕາມ ແລະ ໃຫ້ຄໍາແນະນໍາຢ່າງໃກ້ຊິດ, ບົວໄລ ຈາກຊາຍໜຸ່ມນ້ອງໃໝ່ໄຮ້ດຽງສາທີ່ເຄີຍມີແນວຄິດຫຍໍທໍ້ ແລະ ລັງເລໃນການຕັດສິນໃຈຂອງຕົນເອງໃນບາງຄັ້ງ ກໍໄດ້ກາຍເປັນນັກສຶກສາທີ່ມີຄວາມໝັ້ນໃຈ ແລະ ມີຄວາມຊໍານິຊໍານານດ້ານວິຊາສະເພາະທີ່ພົ້ນເດັ່ນໃນໝູ່ເພື່ອນນັກສຶກສາຮ່ວມສະຖາບັນດຽວກັນ ບໍ່ວ່າຈະເປັນ ການລ້ຽງ ແລະ ຂະຫຍາຍພັນປາ, ກົບ ລວມເຖິງເຕັກນິກການຈັດການລະບົບການລ້ຽງສັດຕ່າງໆ ຈົນສາມາດເຮັດໜ້າທີ່ເປັນຜູ້ຊ່ວຍທັງໃນການຝຶກອົບຮົມ ແລະ ການຮຽນ-ການສອນພາກປະຕິບັດ ທີ່ໄດ້ຈັດຂຶ້ນພາຍໃນວິທະຍາໄລ. ຄຽງຄູ່ກັນນັ້ນ, ລາວຍັງໄດ້ໃຊ້ເວລາວ່າງຫຼັງເລີກຮຽນ ແລະ ຫຼັງຈາກເຮັດໜ້າທີ່ຮັບຜິດຊອບຂອງຕົນສໍາເລັດ ເພື່ອປູກພືດຜັກສວນຄົວ ແລະ ລ້ຽງເປັດລ້ຽງໄກ່ ເຊິ່ງເປັນກິດກະຈະກໍາທີ່ສາມາດຫຼຸດຜ່ອນລາຍຈ່າຍໃນການຊື້ອາຫານໄດ້ຫຼາຍພໍສົມຄວນ ເຮັດໃຫ້ແຕ່ລະເດືອນເກືອບວ່າບໍ່ໄດ້ແຕະຕ້ອງເງິນເບ້ຍລ້ຽງທີ່ໄດ້ຮັບເລີຍ ແລະ ບໍ່ພຽງແຕ່ເທົ່ານັ້ນ ຍັງເຫຼືອທ້ອນໄວ້ເພື່ອຝາກກັບໄປໃຫ້ພໍ່ແມ່ຢູ່ບ້ານອີກດ້ວຍ.

ປັດຈຸບັນນີ້, ເຖິງວ່າ ບົວໄລ ຫາກໍສໍາເລັດການສຶກສາໃນຊັ້ນປີທີ 2 ແຕ່ສິ່ງທີ່ລາວໄດ້ຮຽນຮູ້ ແລະ ຝຶກຝົນຈາກລົງມືເຮັດຢ່າງຈິງຈັງນັ້ນ ໄດ້ເຮັດໃຫ້ຄໍາຕອບຂອງຄໍາຖາມທີ່ວ່າ “ຮຽນຈົບແລ້ວຊິເຮັດຫຍັງ?” ບໍ່ແມ່ນເລື່ອງຍາກສໍາລັບລາວອີກຕໍ່ໄປ ເພາະເຊື່ອແນ່ວ່າສິ່ງທີ່ລາວກໍາລັງເຮັດຢູ່ໃນທຸກມື້ນີ້ສາມາດນໍາໄປສ້າງເປັນອາຊີບທີ່ໝັ້ນຄົງໄດ້ຢ່າງແນ່ນອນ. ບົວໄລ ໄດ້ຕັ້ງເປົ້າໝາຍໄວ້ວ່າ ພາຍຫຼັງຮຽນຈົບ ຈະພະຍາຍາມນໍາເອົາຄວາມຮູ້-ຄວາມສາມາດຂອງຕົນ ເພື່ອໄປພັດທະນາຢູ່ບ້ານເກີດເມືອງນອນໃຫ້ເກີດປະໂຫຍດສູງສຸດ ແລະ ຖ້າເປັນໄປໄດ້ຈະຂໍໄປສະໝັກເປັນຄູສອນເພື່ອຈະໄດ້ມີໂອກາດຖ່າຍທອດຄວາມຮູ້ດ້ານກະສິກໍາໃຫ້ແກ່ຄົນທີ່ສົນໃຈໃນດ້ານນີ້ ພ້ອມທັງຈະຖືເອົາປູກຝັງ ແລະ ລ້ຽງສັດເປັນອາຊີບເສີມໃນການສ້າງເສດຖະກິດຄອບຄົວໄປພ້ອມໆກັນ.  

ບົວໄລ ຍັງໄດ້ຝາກເຖິງນ້ອງໆທີ່ຫາກໍຮຽນຈົບ ມ.7 ວ່າ: ຖ້າເປັນໄປໄດ້ກໍຢາກໃຫ້ຫັນມາສົນໃ ແລະ ຮຽນຮູ້ດ້ານກະສິກໍາໃຫ້ຫຼາຍຂຶ້ນ ເພາະວ່າທຸກມື້ນີ້ສັງເກດໄດ້ວ່າໃນຂະນະທີ່ຄວາມຕ້ອງການດ້ານສະບຽງອາຫານຂອງຄົນມີທ່າອ່ຽງນັບມື້ນັບສູງຂຶ້ນ ແຕ່ຄົນທີ່ຈະພັດທະນາ ແລະ ດໍາເນີນກິດຈະການດ້ານກະສິກໍາ ພັດມີຈໍານວນຈໍາກັດ ແລະ ຖ້ານ້ອງໆ ຫຼື ທ່ານໃດສົນໃຈ ກໍຂໍແນະນໍາໃຫ້ມາຮຽນຮູ້ນໍາກັນຢູ່ທີ່ ວິທະຍາໄລເຕັກນິກະສິກໍາດົງຄໍາຊ້າງ ເພາະສະຖາບັນແຫ່ງນີ້ຈະເນັ້ນໃສ່ການປະຕິບັດຕົວຈິງເປັນຫຼັກ ເຊິ່ງເປັນສິ່ງທີ່ດີສໍາລັບຜູ້ຮຽນ ແລະ ຖ້າຕັ້ງໃຈຮຽນຮູ້ ແລະ ລົງມືເຮັດຢ່າງເຕັມທີ່ແລ້ວ ຮັບຮອງວ່າຈະບໍ່ຜິດຫວັງແນ່ນອນ” 

ທັງໝົດນີ້ກໍຄືເລື່ອງລາວຂອງຊາຍໜຸ່ມນັກສຶກສາທີ່ເຕັມປ່ຽມໄດ້ດ້ວຍຄວາມມັກ-ຮັກໃນການກະເສດ ແລະ ຄົນທີ່ຄວາມມຸ່ງໝັ້ນທີ່ຈະສົ່ງຕໍ່ ແລະ ນໍາໃຊ້ຄວາມຮູ້ຄວາມສາມາດທີ່ມີ ໄປເຜີຍແຜ່ ແລະ ພັດທະນາຢູ່ຖິ່ນຖານບ້ານເກີດຂອງຕົນໃຫ້ເກີດດອກອອກຜົນໃນອະນາຄົດ. 

ຕິດຕາມເລື່ອງລາວແບບນີ້ໄດ້ໃໝ່ ໃນບົດຄວາມຊຸດ “ວຽງຈັນບັນດານໃຈ” ໃນຕອນຕໍ່ໄປ! 


ບົດ ແລະ ຮູບພາບ ໂດຍ: ​Bouavonh Biachampah 

Advertisement Replay Ad
ອ່ານດວງລາຍວັນປະຈໍາວັນພະຫັດ 14 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ 14 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 4 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 4 ກັນຍາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 27 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 27 ກັນຍາ 2021

ອັບເດດສະຖານະການ COVID-19 ປະຈຳວັນທີ 27 ກັນຍາ 2021

ອັບເດດສະຖານະການ COVID-19 ປະຈຳວັນທີ 27 ກັນຍາ 2021

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ