ສ່ອງຄວາມງາມສາວໆ The WOW Laos ບອກເລີຍປັດຈຸບັນງາມຂຶ້ນເປັນກອງ!

ເຖິງລາຍການ The WOW Laos ຈະຈົບໄປແລ້ວ ແຕ່ກໍຍັງຝາກຄວາມຊົງຈຳດີໆ ທຸກລົດຊາດໃຫ້ກັບຜູ້ຊົມ ບໍ່ວ່າຈະເປັນຜູ້ເຂົ້າແຂ່ງຂັນ ແລະ ບັນດາ Angel. ເຊິ່ງເປັນລາຍການເລືອກຫານາງແບບຜູ້ທີ່ມີຄວາມສາມາດ ແລະ ເປັນອີກລາຍການທີ່ສ້າງສີສັນໃຫ້ວົງການບັນເທີງ. ມື້ນີ້ມ່ວນເລີຍບໍ່ພາດທີ່ຈະພາທຸກຄົນໄປສ່ອງ 3​ ສາວ The WOW ວ່າປັດຈຸບັນພວກເຂົາເຮັດຫຍັງຢູ່, ເປັນແນວໃດ ພິເສດງາມ ແລະ ໂດດເດັ່ນຂຶ້ນເປັນກອງ! ພາກັນຈື່ ແລະ ຄິດຮອດສາວໆກັນຢູ່ບໍ່? ໄປສ່ອງກັນເລີຍ  

1.ປູເປ້ ລັດດາວັນ:

ເລີ່ມຈາກຜູ້ຊະນະການປະກວກວດ The WOW Laos ສາວປູເປ້ທີມ Angel ເລດີ້ ສາວງາມທີ່ໄດ້ຮັບສາຍາຈາກຊາວເນັດວ່າເປັນເຈນນີ້ພາກ 2. ງາມຢູ່ແລ້ວປັດຈຸບັນຍິ່ງງາມຕື່ມ. ຫຼັງຈາກຈົບໂຄງການປະກວດ ປູເປ້ກໍຍັງສືບຕໍ່ເຮັດວຽກໃນສາຍວົງການບັນເທີງບໍ່ວ່າຈະເປັນການເດີນແບບ,​ຖ່າຍແບບ, MC, ​ພິທິກອນ, ​ພຣີເຊັນເຕີ ແລະ ຣີວິວສິນຄ້າ ເວົ້າໄດ້ວ່າໂດດເດັ່ນໃນວົງການບັນເທີງສຸດໆ.​ ດັ່ງທີ່ຮູ້ວ່າສາວຄົນນີ້ສະລະໂສດ ຕັດສິນໃຈແຕ່ງງາມກັບຫນຸ່ມຮູ້ໃຈໃນເດືອນມັງກອນ ປີ 2020 ທີ່ຜ່ານມາ. ນອກນັ້ນເປ້ກຳລັງເຮັດຊ່ອງຢູທູບ Poupay channel ຝາກທຸກຄົນໄປຕິດຕາມຊ່ອງສາວຄົນນີ້ແດ່ເດີ້! ເປັນການແນະນຳບ່ອນທ່ອງທ່ຽວ, ການໃຊ້ຊີວິດຂອງເປ້ແບບເປັນໂຕຂອງໂຕເອງຢາກຮູ້ຕ້ອງໄປຕິດຕາມເດີ້.

ຊ່ອງທາງຕິດຕໍ່: poupay_thewow

2.ຕຸກ ມາລາວອນ:

ວິນາທີນີ້ຄົງຈະບໍ່ມີໃຜທີ່ຈະບໍ່ຮູ້ຈັກສາວໝັ້ນຄົນນີ້ ຢ່າງ "ຕຸກ - ມາລາວອນ ສິງທອງປະດິດ" ຫຼື ຕຸກ The WOW Laos ຕົວເດັ່ນໃນທີມ Angel ເບວ. ນາງແບບຫຸ່ນເປະທີ່ມີຄວາມເປັນເອກກະລັກ ສາວຄົນນີ້ນັບມື້ນັບງາມ ແລະ ມີຄວາມເປັນສາຍ.ຝ ສຸດໆ! ປັດຈຸບັນຕຸກຍັງເດີນສາຍວົງການບັນເທີງຄືໄປເປັນໜຶ່ງໃນຄະນະກຳມະການປະກວດເຕັ້ນ! ແລະ ຄວາມງາມໃນປັດຈຸບັນທີ່ຖ້າບໍ່ເວົ້າເຖິງກໍບໍ່ໄດ້ ແບບປ້ຽວສຸດ ໃຫ້ພາບເປັນຄຳຕອບ!

ຊ່ອງທາງຕິດຕໍ່: took_the_wow

3.ປານ້ອຍ ສະລຸມະນີ

ຍັງຈື່ກັນໄດ້ບໍ່ ປານ້ອຍອອກ ຫຼື ປານ້ອຍ The WOW Laos  ນັ້ນເອງ. ໃນຕອນນັ້ນຖືວ່າເປັນກະແສມາແຮງຫຼາຍໃນໂລກອອນລາຍ ສຳລັບລາຍການ The WOW Laos ແລະ ວະລີເດັດທີ່ວ່າ: "ງາມຢ່າງດຽວບໍ່ໄດ້ເດີ້ ປານ້ອຍອອກ" ຂອງສາວສອນໜຶ່ງໃນຜູ້ເຂົ້າປະກວດ ທີ່ເປັນຄຳຮິດຕິດປາກໃນຕອນນັ້ນ ສະລຸມະນີ ພະເມືອງ ຫຼື ປານ້ອຍ.​ ລູກທີມ Angel ນຸຖາ ເຊິ່ງປານ້ອຍເປັນຄົນໜຶ່ງທີ່ໜ້າຕາດີ ແລະ ຂຶ້ນກ້ອງ ຈົນໄດ້ຮັບຄຳຍ້ອງຍໍຈາກເພື່ອນໆ ແລະ ທີມງານລາຍການຫລາຍຄົນ. ເຊິ່ງປັດຈຸບັນຍິ່ງງາມຂຶ້ນບໍ່ເຊື່ອໃຫ້ພາບບັນລະຍາຍ. ປານ້ອຍ ປັດຈຸບັນ ອາຍຸ 23 ປີ, ຮຽນຈົບຢູ່ມະຫາວິທະຍາໄລແຫ່ງຊາດ ຄະນະສຶກສາສາດ. ຕອນນີ້ແມ່ນເຮັດວຽກຢູ່ ສູນຝຶກອົບຮົມ ກິປູນ ເຊິ່ງເປັນສູນທີ່ສອນພາສາລາວໃຫ້ກັບຄົນເກົາຫຼີ ແລະ ສອນພາສາເກົາຫຼີໃຫ້ກັບຄົນລາວ. 

ຊ່ອງທາງຕິດຕໍ່: IG: panoy_pny

ເຟສບຸກ Panoy Salumany Phamuang