ວັນອາທິດ ທີ 16 ພຶດສະພາ 2021

ທ່ຽວພະລາຊະວັງເກົ່າຫຼວງພະບາງໃນມຸມມອງໃໝ່ ຕາມຫາ "ຫິນຈາກດວງຈັນ" ທີ່ຫຼາຍຄົນອາດຈະຍັງບໍ່ທັນຮູ້

ທ່ຽວພະລາຊະວັງເກົ່າຫຼວງພະບາງໃນມຸມມອງໃໝ່ ຕາມຫາ "ຫິນຈາກດວງຈັນ" ທີ່ຫຼາຍຄົນອາດຈະຍັງບໍ່ທັນຮູ້
S! Muan

ສະໜັບສະໜູນເນື້ອຫາ

ຫຼວງພະບາງ ເມືອງມໍລະດົກໂລກທີ່ຫຼາຍຄົນຢາກໄປຢ້ຽມຢາມ ໃນເມືອງທີ່ມີແມ່ນໍ້າສອງສາຍໄຫຼຜ່ານແຫ່ງນີ້ມີທັງຄວາມງາມທາງດ້ານທຳມະຊາດ, ວັດທະນະທຳ ແລະ ປະຫວັດສາດ ແບບທີ່ຫາເບິ່ງໄດ້ຍາກຢູ່ບ່ອນອື່ນຂອງປະເທດ. ໜຶ່ງໃນນັ້ນແມ່ນພະລາຊະວັງເກົ່າ ຫຼື ຊື່ທາງການເອີ້ນວ່າຫໍພິພິທະພັນຫຼວງພະບາງ ທີ່ເປັນແຫຼ່ງລວມປະຫວັດສາດຄວາມເປັນມາຂອງລາວເຮົາ.

ຂຶ້ນຊື່ວ່າເປັນພະລາຊະວັງ ບໍ່ບອກກໍຄົງຮູ້ກັນແລ້ວວ່າເປັນບ່ອນປະທັບຂອງກະສັດລາວໃນອະດີດ ອີກຊື່ໜຶ່ງທີ່ເອີ້ນກັນແມ່ນ "ຫໍຄຳ". ພາຍໃນມີວັດຖຸທາງດ້ານປະຫວັດສາດຈຳນວນຫຼາຍ ໂດຍສະເພາະທີ່ກ່ຽວຂ້ອງກັບເຈົ້າມະຫາຊີວິດ ແລະ ລາຊະວົງ ທັງເຄື່ອງນຸ່ງຫົ່ມ, ເຄື່ອງໃຊ້ພາຍໃນພະລາຊະວັງ, ຮູບພາບ, ບັນລັງ ແລະ ຂອງຂວັນຈາກຕ່າງຊາດທີ່ມອບໃຫ້ລາວໃນສະໄໝກ່ອນ.

ອາຄານຂອງພະລາຊະວັງເກົ່າແຫ່ງນີ້ເປັນການອອກແບບຕາມສະຖາປັດຕະຍະກຳຝຣັ່ງ ແລະ ລາວ ໂດຍສ້າງຂຶ້ນເພື່ອເປັນບ່ອນປະທັບຂອງເຈົ້າສີສະຫວ່າງວົງ ແລະ ຄອບຄົວໃນໄລຍະທີ່ລາວເປັນອານານິຄົມຂອງຝຣັ່ງ.

ພາຍຫຼັງທີ່ເຈົ້າສີສະຫວ່າງວົງໄດ້ສິ້ນພະຊົນ, ອົງມຸງກຸດຣາຊະກຸມມານ ກໍຄື ເຈົ້າຟ້າສະຫວ່າງວັດທະນາ ແລະ ຄອບຄົວ ເປັນຄະນະສຸດທ້າຍຂອງລາຊະວົງທີ່ໄດ້ອາໄສຢູ່ໃນພະລາຊະວັງດັ່ງກ່າວ. ຫຼັງຈາກທີ່ສະຖາປະນາເປັນ ສາທາລະນະລັດ ປະຊາທິປະໄຕ ປະຊາຊົນລາວ ໃນປີ 1975, ອາຄານດັ່ງກ່າວນີ້ກໍໄດ້ຖືກຄຸ້ມຄອງໂດຍລັດຖະບານ ແລະ ປ່ຽນເປັນພິພິທະພັນແຫ່ງຊາດ ແລະ ເປີດໃຫ້ແກ່ມວນຊົນເຂົ້າຢ້ຽມຊົມໃນປີ 1995 ເປັນຕົ້ນມາ.

ທຸກໆວັດຖຸທີ່ຢູ່ໃນພະລາຊະວັງເກົ່າແຫ່ງນີ້ລ້ວນແລ້ວແຕ່ບອກເລື່ອງລາວໃນອະດີດ ທັງການເປັນຢູ່ຂອງລາຊະວົງລາວ, ສາຍພົວພັນທາງການທູດກັບຕ່າງປະເທດ ແລະ ໃນນັ້ນອາດມີໜຶ່ງຈຸດທີ່ຫຼາຍຄົນອາດຈະຍັງບໍ່ທັນຮູ້ວ່າມີຢູ່ນັ້ນກໍຄື ຂອງຂວັນຈາກລັດຖະບານສະຫະລັດອາເມລິກາ ເຊິ່ງເປັນ "ກ້ອນຫິນຈາກດວງຈັນ" ເຊິ່ງກໍເປັນອີກໜຶ່ງວັດຖຸທີ່ມີເລື່ອງລາວທີ່ໜ້າສົນໃຈ.


ພາບ: dalbera / Flickr

ຈາກດວງຈັນ ສູ່ພະລາຊະວັງ ຫຼວງພະບາງ

ຊື່ທາງການຂອງວັດຖຸອັນນີ້ແມ່ນ "ເຄື່ອງວາງສະແດງຕົວຢ່າງຈາກດວງຈັນ ໂດຍຍານອະພອນໂລ 11" (Apollo 11 lunar sample display) ຫຼື ຊື່ຫຼິ້ນແມ່ນ "ກ້ອນຫິນຈາກດວງຈັນ". ສຳລັບໜ້າຕາຂອງຫິນນີ້ແມ່ນບໍ່ໄດ້ມາເປັນກ້ອນ ແຕ່ມາໃນຮູບຂອງເຄື່ອງວາງສະແດງທີ່ເປັນແທ່ນຂະໜາດນ້ອຍເຮັດຈາກໄມ້ ປະກອບມີທຸງຊາດ, ແຜ່ນຂໍ້ຄວາມເຖິງປະເທດຜູ້ຮັບ ແລະ ປຸ່ມອະຄລີລິກໃສທີ່ມີຄຸນສົມບັດໃນການຂະຫຍາຍ ທີ່ມີຊິ້ນສ່ວນຫິນຈາກດວງຈັນຈຳນວນໜຶ່ງຢູ່ດ້ານໃນ.

ແລ້ວຫິນຈາກດວງຈັນນີ້ມາຢູ່ທີ່ພະລາຊະວັງຫຼວງພະບາງໄດ້ແນວໃດ? ອັນນີ້ຕ້ອງໄດ້ຍ້ອນກັບໄປໃນສະໄໝທີ່ໂລກຂອງເຮົາຊ່ວງຊີງກັນທາງດ້ານວິທະຍາສາດ ແລະ ສະຫະລັດກໍກາຍເປັນປະເທດທຳອິດທີ່ສົ່ງມະນຸດໄປກັບຍານອະວະກາດ ແລະ ລົງຢຽບດວງຈັນເປັນກຸ່ມທຳອິດຂອງໂລກ. ພາລະກິດດັ່ງກ່າວເອີ້ນວ່າ ອະພອນໂລ 11 ເຊິ່ງມີນັກບິນອະວະກາດ 2 ຄົນປະກອບດ້ວຍ ນີລ ອາມສະຕຣອງ (Neil Armstrong) ແລະ ບັສ ອັລດຣິນ (Buzz Aldrin) ເປັນຜູ້ນຳເອົາຕົວຢ່າງດິນ ແລະ ຫິນຈາກດວງຈັນກັບມາສູ່ໂລກໃນປີ 1969.

ຕອນນັ້ນ ຜູ້ທີ່ເປັນປະທານາທິບໍດີຂອງສະຫະລັດ ກໍຄື ຣິຊາດ ນິດສັນ ໄດ້ເກີດແນວຄິດໃນການມອບຫິນຈາກດວງຈັນດັ່ງກ່າວນັ້ນເປັນຂອງຂວັນໃຫ້ນານາຊາດ ຈຶ່ງໄດ້ສັ່ງໃຫ້ເອົາອະນຸພາກຂະໜາດສໍ່າກັບເມັດເຂົ້າ ເຊິ່ງເປັນຊິ້ນສ່ວນນ້ອຍໆ 4 ເມັດຂອງດິນຈາກດວງຈັນ ເຊິ່ງໜັກປະມານ 50 ມິນລີກຣາມ ແລະ ຖືກຫຸ້ມໄວ້ໃນປຸ່ມທີ່ເຮັດຈາກອະຄຣີລິກໃສຂະໜາດເທົ່າກັບຫຼຽນເຄິ່ງໂດລາສະຫະລັດ. ປຸ່ມອະຄຣີລິກນີ້ຂະຫຍາຍເສດຫິນຈາກດວງຈັນນີ້ໃຫ້ເຫັນວ່າມີຂະໜາດໃຫຍ່ຂຶ້ນ. ຂອງຂວັນດັ່ງກ່າວນີ້ໄດ້ຖືກສົ່ງໃຫ້ກັບບັນດາລັດທັງໝົດລວມທັງເຂດແດນອື່ນໆຂອງສະຫະລັດ ແລະ ອີກ 135 ປະເທດທົ່ວໂລກໃນປີ 1970 ແລະ ລາວກໍແມ່ນໜຶ່ງໃນນັ້ນ.


ເຄື່ອງສະແດງຕົວຢ່າງຈາກດວງຈັນ ໂດຍຍານອະພອນໂລ 11 ທີ່ສະຫະລັດອາເມລິກາມອບໃຫ້ປະເທດນໍເວ / ພາບ: Åge Hojem, NTNU Museum / Wikimedia Creative Commons Attribution-Share Alike 3.0 Unported

ເຄື່ອງວາງສະແດງແຕ່ລະຊຸດມີຂໍ້ຄວາມເຖິງປະເທດນັ້ນ ຫຼື ລັດນັ້ນຈາກທ່ານນິກສັນ ໂດຍອະທິບາຍວ່າ ນັ້ນເປັນຂອງຂວັນມອບໃຫ້ແກ່ພວກເຂົາ. ຂໍ້ຄວາມດັ່ງກ່າວໄດ້ອະທິບາຍວ່າ ວັດຖຸເຊິ່ງເປັນດິນຈາກດວງຈັນແມ່ນມາຈາກພາລະກິດອະພອນໂລ 11 ພ້ອມທັງບອກອີກວ່າ ທຸງຊາດຂອງພວກເຂົາກໍໄດ້ຖືກນຳໄປສູ່ດວງຈັນ ແລະ ກັບມາໃນພາລະກິດທີ່ມີຄົນເດີນທາງໄປນຳເປັນຄັ້ງທຳອິດຂອງໂລກ. 

ສຳລັບກ້ອນຫິນຈາກດວງຈັນໃນພະລາຊະວັງເກົ່ານີ້ເຮົາກໍບໍ່ສາມາດຖ່າຍຮູບອອກມາໃຫ້ເບິ່ງໄດ້ ເພາະເພິ່ນບໍ່ອະນຸຍາດ ຖ້າໃຜຢາກເບິ່ງດ້ວຍຕາຂອງຕົນເອງ ກໍສາມາດໄປຊອກຫາກັນໄດ້ທີ່ຫໍພິພິທະພັນຫຼວງພະບາງ (ຈຸດທີ່ຕັ້ງຂອງຫິນແມ່ນຢູ່ໃນຕູ້ຊ້າຍມືຂອງຫ້ອງສຸດທ້າຍກ່ອນອອກຈາກພະລາຊະວັງ).


ຫໍພະແກ້ວທີ່ຢູ່ໃນເຂດພະລາຊະວັງເກົ່າ

ສິ່ງທີ່ຄວນຮູ້ກ່ອນຈະໄປ:

  • ດ້ານໃນຂອງພະລາຊະວັງຫ້າມບໍ່ໃຫ້ຖ່າຍຮູບເດີ້ ສະນັ້ນບໍ່ຕ້ອງເອົາກ້ອງ ຫຼື ໂທລະສັບມືຖືເຂົ້າໄປ ເພາະເມື່ອພະນັກງານກວດກ່ອນເຂົ້າພົບເຫັນ ກໍຈະໄດ້ເສຍເວລາເອົາໄປຝາກກ່ອນຄືເກົ່າ.
  • ບໍ່ອະນຸຍາດໃຫ້ເອົາກະເປົາເຂົ້າໄປ ສະນັ້ນໃຫ້ຝາກໄວ້ຢູ່ຕູ້ຢູ່ອາຄານດ້ານຊ້າຍຂອງທາງເຂົ້າພິພິທະພັນ.
  • ປົດເກີບກ່ອນເຂົ້າໄປພາຍໃນອາຄານພະລາຊະວັງ.
  • ແຕ່ງໂຕສຸພາບຮຽບຮ້ອຍຕາມແບບລາວ ເຊັ່ນ: ແມ່ຍິງຕ້ອງນຸ່ງສິ້ນ (ມີໃຫ້ເຊົ່າຢູ່ອາຄານດຽວກັບຕູ້ຝາກເຄື່ອງ) ສ່ວນຜູ້ຊາຍກໍຕ້ອງນຸ່ງເຄື່ອງສຸພາບເຊັ່ນກັນ ໂດຍບໍ່ອະນຸຍາດໃຫ້ຜູ້ທີ່ນຸ່ງໂສ້ງຢີນທີ່ມີຮອຍຂາດເຂົ້າໄປ.
  • ບໍ່ຄວນແຕະຕ້ອງວັດຖຸຕ່າງໆພາຍໃນພະລາຊະວັງ ເພາະອາດເຮັດໃຫ້ເກີດຄວາມເສຍຫາຍ
  • ເປີດໃຫ້ບໍລິການທຸກມື້ຕັ້ງແຕ່ເວລາ 8:30 ໂມງ ຫາ 11:00 ໂມງ ແລະ 13:30 ໂມງ ຫາ 16:00 ໂມງ (ປິດຂາຍປີ້ເຂົ້າຊົມເວລາ 15:30 ໂມງ). ສຳລັບຄ່າປີ້ເຂົ້າຊົມກໍຍ່ອມເຍົາ ພຽງ 5,000 ກີບຕໍ່ຄົນເທົ່ານັ້ນ.
Advertisement Replay Ad
ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ