ວັນເສົາ ທີ 31 ຕຸລາ 2020

ຜົນເສຍຂອງການໃຊ້ໂປຣແກຣມເຖື່ອນ ໃຜມັກຂອງຟຣີແບບນີ້ ໃຫ້ລະວັງ!

ຜົນເສຍຂອງການໃຊ້ໂປຣແກຣມເຖື່ອນ ໃຜມັກຂອງຟຣີແບບນີ້ ໃຫ້ລະວັງ!
S! Muan

ສະໜັບສະໜູນເນື້ອຫາ

ຊື້ຄອມກໍ່ແພງແລ້ວ ເປັນຫຍັງຕ້ອງມາເສຍເງິນຊື້ໂປຣແກຣມອີກ? ເປັນອີກຄຳຖາມທີ່ຫຼາຍຄົນຍັງຄາໃຈຢູ່ ແລະ ຫຼາຍໆ ຄົນກໍ່ໃຊ້ເປັນເຫດຜົນໃນການຫາໂປຣແກຣມເຖື່ອນມາໃຊ້ງານ ເຊິ່ງເປັນພຶດຕິກຳທີ່ິຜິດສີນທຳ ແລະ ກົດໝາຍ ອີກທັງເປັນການເພີ່ມຄວາມສ່ຽງຕໍ່ອັນຕະລາຍທາງໄຊເບີໃຫ້ແກ່ຕົນເອງອີກດ້ວຍ. 

ໂປຣແກຣມເຖື່ອນ (Pirate software) ແມ່ນຫຍັງ? 

Pirate software ຫາກແປແບບບ້ານໆ ກໍ່ແມ່ນ ໂປຣແກຣມໂຈນສະຫຼັດ ດຽວ! ດຽວ! ບໍ່ແມ່ນລະ! ອ່ະໆ ກັບມາສາລະ, Pirate software ຫຼື ໂປຣແກຣມເຖື່ອນ ແມ່ນໂປຣແກຣມທີ່ຖືກລັກໃຊ້ງານໂດຍບໍ່ໄດ້ຮັບອະນຸຍາດຈາກເຈົ້າຂອງຜູ້ສ້າງໂປຣແກຣມ ຫຼື ບໍ່ໄດ້ຈ່າຍຄ່າລິຂະສິດ (License) ຂອງໂປຣແກຣມດັ່ງກ່າວ, ຈະດ້ວຍວິທີທາງໃດກໍ່ຕາມ ບໍ່ວ່າຈະເປັນການ Hack, Crack (ນຳໃຊ້ເຄື່ອງມືທີ່ຄົນອື່ນສ້າງໄວ້ອີກຕໍ່ໜຶ່ງ) ຫຼື ວິທີການຕ່າງໆ.  

ຮູບການແບ່ງປະເພດ License ຂອງໂປຣແກຣມ (ແຫຼ່ງທີ່ມາ Wikipedia.org) 

ປະເພດ License ຂອງໂປຣແກຣມ

ໂປຣແກຣມທີ່ທຸກຄົນຊົມໃຊ້ກັນຢູ່ໃນປັດຈຸບັນ ສາມາດແບ່ງອອກເປັນ 2 ກຸ່ມໃຫຍ່ໆ ຄື:  

  • ກຸ່ມໂປຣແກຣມທີ່ຜູ້ພັດທະນາແຈກຈ່າຍໃຫ້ສາມາດນຳໃຊ້ໄດ້ຟຣີບໍ່ມີຄ່າໃຊ້ຈ່າຍ ພາຍໃຕ້ເງື່ອນໄຂໃດໜຶ່ງ ຫຼື ບໍ່ມີເງື່ອນໄຂໃດໆ ເຊັ່ນ: Public domain ຫຼື ກຸ່ມໂປຣແກຣມທີ່ສາມາດໃຊ້ ເຮັດຊ້ຳ ແຈກຈ່າຍ ຫຼື ດັດແປງໄດ້ຢ່າງອິດສະຫຼະ ໂດຍບໍ່ມີເງື່ອນໄຂໃດໆ. ກຸ່ມໂປຣແກຣມ Permissive license ແລະ Copyleft, ທັງສອງກຸ່ມຈັດຢູ່ໃນກຸ່ມໂປຣແກຣມທີ່ສາມາດໃຊ້ໄດ້ຟຣີເຊັ່ນດຽວກັບກຸ່ມທີ່ກ່າວມາຂ້າງເທິງນັ້ນ, ແຕ່ການດັດແປງ ເຮັດຊ້ຳ ແຈກຈ່າຍ ຕ້ອງເປັນໄປຕາມເງື່ອນໄຂທີ່ທາງຜູ້ພັດທະນາກຳນົດໄວ້ ເຊິ່ງໂດຍສ່ວນໃຫຍ່ຈະຢູ່ພາຍໃຕ້ລິຂະສິດແບບ BSD ຫຼື GPL (ດັດແປງ ແຈກຈ່າຍດ້ວຍ License ເດີມຂອງໂປຣແກຣມ) ທີ່ເຫັນກັນໄດ້ທົ່ວໄປກໍ່ໄດ້ແກ່ Linux kernel, GIMP, Libre Office ເປັນຕົ້ນ. 
  • ກຸ່ມໂປຣແກຣມທີ່ຜູ້ພັດທະນາສ້າງຂຶ້ນມາເພື່ອການຄ້າ ຫຼື ຈຳເປັນຕ້ອງເສຍຄ່າລິຂະສິດໃນການໃຊ້ງານ. ໃນນັ້ນລວມເຖິງເປັນໂປຣແກຣມທີ່ສາມາດໃຊ້ໄດ້ຟຣີພາຍໃຕ້ເງື່ອນໄຂຕ່າງໆ ເຊັ່ນ: ສາມາດໃຊ້ສ່ວນຕົວໄດ້ຟຣີ ແຕ່ຫ້າມໃຊ້ໃນເຊີງພານິດ (ແຕ່ບໍ່ສາມາດດັດແປງ ແລ້ວແຈກຈ່າຍຕໍ່ໄດ້), ໃຊ້ໄດ້ຟຣີບາງຄຸນສົມບັດ ຫາກຕ້ອງການໃຊ້ງານເຕັມຮູບແບບຕ້ອງຈ່າຍຄ່າ License ຫຼື ຈະມີໂຄສະນາສຳລັບຊຸດໂປຣແກຣມທີ່ແຈກໃຫ້ນຳໃຊ້ຟຣີ ຫາກຕ້ອງການນຳໂຄສະນາອອກຕ້ອງຊື້ License ທີ່ກ່າວມາຮູ້ຈັກກັນໃນຊື່ Freeware, Shareware ຫຼື Freemium. ນອກນັ້ນກໍ່ຍັງມີອີກປະເພດທີ່ຈຳເປັນຕ້ອງຊື້ License ຈຶ່ງສາມາດໃຊ້ງານໄດ້ (Proprietary license) ເຊັ່ນ: ລະບົບປະຕິບັດການ Windows (ແມ່ນແລ້ວ ອ່ານບໍ່ຜິດເດີ້ Microsoft Windows ທີ່ໃຊ້ໆ ກັນຢູ່ຈຳເປັນຕ້ອງໄດ້ຈ່າຍຄ່າ License ກ່ອນຈຶ່ງສາມາດໃຊ້ໄດ້ ຍົກເວັ້ນທີ່ມາພ້ອມກັບ License ແບບ OEM), Photoshop ແລະ ອື່ນໆ. ຍັງບໍ່ໝົດ, ຍັງມີອີກກຸ່ມທີ່ເປັນໂປຣແກຣມລິຂະສິດທີ່ເອີ້ນວ່າ Trade secret ເປັນກຸ່ມໂປຣແກຣມທີ່ພັດທະນາໃຫ້ສະເພາະກຸ່ມໃຊ້ງານ ເຊັ່ນ: ອົງກອນໃດໜຶ່ງ ສ່ວນໃຫຍ່ຈະບໍ່ສາມາດນຳມາເຜີຍແຜ່ໃຫ້ໃຊ້ທົ່ວໄປ ເພາະຈະຖືກຄຸ້ມຄອງໂດຍກົດໝາຍຄວາມລັບທາງການຄ້າ ແລະ ລິຂະສິດມັກຈະເປັນຂອງຜູ້ວ່າຈ້າງໃຫ້ພັດທະນາໂປຣແກຣມນັ້ນໆ. 

ອັນຕະລາຍຈາກຊອບຊອບແວເຖື່ອນ 

ຫຼັງຈາກມຶນງົງກັບການແຍກປະເພດຂອງຊອບຊອບແວກັນໄປແລ້ວ ຕໍ່ໄປເຮົາມາງົງກັບກັບອັນຕະລາຍ ແລະ ຄວາມສ່ຽງທີ່ເກີດຂຶ້ນ ເມື່ອເພື່ອນໆ ເລືອກໃຊ້ໂປຣແກຣມເຖື່ອນກັນ. ດັ່ງທີ່ຮູ້ກັນດີແລ້ວວ່າໄພອັນຕະລາຍທາງໄຊເບີ ເກີດຂຶ້ນຢູ່ທຸກທີ່ທຸກເວລາ ແມ່ນແຕ່ຂະນະທີ່ເພື່ອນໆ ກຳລັງອ່ານບົດຄວາມນີ້, ມີການປະມານການຂອງຜູ້ຊ່ວຍທີ່ປຶກສາດ້ານອາຊະຍາກຳທາງດິຈີຕອລຂອງບໍລິສັດໄມໂຄຊອບເອເຊຍກ່າວໄວ້ວ່າ ໃນທຸກໆ ນາທີມີຜູ້ຄົນຕົກເປັນເຫຍື່ອອາຊະຍາກຳທາງໄຊເບີກວ່າ 720 ຄົນ. ເຊິ່ງແນ່ນອນວ່າປັດໄຈໜຶ່ງແມ່ນເກີດມາຈາກການນຳໃຊ້ຊອບຊອບແວເຖື່ອນ ໂດຍອີງຕາມການສຶກສາຂອງນັກວິໄຈຫຼາຍໆ ສະຖາບັນ ລວມທັງນັກວິໄຈຂອງບໍລິສັດພັດທະນາໂປຣແກຣມປ້ອງກັນໄວຣັດໄດ້ບອກເປັນສຽງດຽວກັນວ່າ ເມື່ອນຳໃຊ້ຊອບຊອບແວເຖື່ອນ: 

  • ຄອມພິວເຕີຈະສ່ຽງຕໍ່ໂປຣແກຣມປະສົງຮ້າຍ (ຂໍລວມເອົາທັງ Virus, Malware, Ramsomeware, Rootkit ແລະ ອື່ນໆ) ທັງນີ້ກໍ່ຍ້ອນແຮັກເກີຮູ້ເຖິງຄວາມຕ້ອງການຢາກໃຊ້ຂອງ ຟຣີ ຂອງຜູ້ໃຊ້ຈຳນວນໜຶ່ງ ເລີຍຄິດຫາວິທີທາງໃນການສ້າງເຄື່ອງມືເພື່ອສາມາດຂ້າມຂັ້ນຕອນການກວດສອບລິຂະສິດ (Bypass) ຂອງໂປຣແກຣມທີ່ໄດ້ຮັບຄວາມນິຍົມ ແລ້ວເພີ່ມໂປຣແກຣມປະສົງຮ້າຍ (Malware) ລົງໄປນຳເປັນຂອງແຖມ, ເມື່ອຜູ້ໃຊ້ທຳການຕິດຕັ້ງ Crack ຫຼື Patch ຫຼື ເປີດໂປຣແກຣມສ້າງຄີ (Key Generator) ຂຶ້ນມາ ຈະໄປເປີດການເຮັດວຽກຂອງ Malware ທີ່ລໍຖ້າຮັບຄຳສັ່ງໄວ້ຢູ່ກ່ອນແລ້ວ; 
  • ສ່ຽງຕໍ່ການຮົ່ວໄຫຼຂອງຂໍ້ມູນ, ຕໍ່ຈາກຂໍ້ທີ່ແລ້ວ ຫາກແຮັກເກີມີການຕິດຕັ້ງໂປຣແກຣມປະສົງຮ້າຍລົງໃນຄອມພິວເຕີຂອງເພື່ອນໆ ແລ້ວ, ອາດຈະເປັນຊ່ອງຫວ່າງໃນການໂຈລະກຳຂໍ້ມູນຕ່າງໆ ເຊັ່ນ: ຂໍ້ມູນຄວາມລັບທາງການຄ້າ, ຂໍ້ມູນບັດເຄຣດິດ, ອີເມວ ແລະ ລະຫັດຜ່ານ ຫຼື ແມ່ນແຕ່ບັນຊີ Social media;  
  • ບໍ່ສາມາດປັບປຸງ (Update) ໂປຣແກຣມໄດ້ເມື່ອມີອັບເດດໃນອະນາຄົດ, ເພາະສ່ວນໃຫຍ່ແລ້ວຜູ້ພັດທະນາໂປຣແກຣມເອງກໍ່ມີວິທີທາງໃນການກວດສອບລິຂະສິດຂອງໂຕໂປຣແກຣມໃນຂັ້ນຕອນການອັບເດດ, ດັ່ງນັ້ນເຮົາຈະເຫັນໃນຂໍ້ແນະນຳການໃຊ້ Crack ຕ່າງໆ ຂອງໂປຣແກຣມເຖື່ຶອນນັ້ນ ຈະໃຫ້ປິດການອັບເດດຂອງໂປຣແກຣມ ຫຼື Crack ດັ່ງກ່າວທຳການປິດການອັບເດດໂດຍອັດຕະໂນມັດ (ດຽວຈະຖາມກັນມາວ່າ ໄປເຫັນຢູ່ໃສຕອນໃດຮ່າໆ ສາລະພາບຢູ່ນີ້ເລີຍວ່າ ເມື່ອກ່ອນຜູ້ຂຽນກໍ່ເຄີຍໃຊ້ຊອບຊອບແວເຖື່ອນ ແຕ່ເພື່ອການສຶກສາເທົ່ານັ້ນເດີ້ ແຕ່ດຽວນີ້ຫັນມາເພິ່ງໃບບຸນ Freeware ຫຼ Opensource ແລ້ວ), ເມື່ອບໍ່ສາມາດອັບເດດໂປຣແກຣມໄດ້ ສົ່ງຜົນໃຫ້ໂປຣແກຣມລ້າສະໄໝ ແລະ ມີຊ່ອງຫວ່າງໃຫ້ແຮັກເກີສາມາດເຈາະເຂົ້າລະບົບຄອມພິວເຕີຂອງເພື່ອນໆ ໄດ້ນັ້ນເອງ; 
  • ໂປຣແກຣມເຮັດວຽກບໍ່ສົມບູນ, ເປັນອີກສາເຫດໜຶ່ງທີ່ມັກພົບເຈິະກັນ ເມື່ອໃຊ້ຊອບຊອບແວເຖື່ອນ ເພາະໂຕໂປຣແກຣມຖືກແກ້ໄຂຈາກແຮັກເກີ ແລະ ອາດສົ່ງຜົນຕໍ່ການເຮັດວຽກສ່ວນອື່ນໆ ກໍ່ເປັນໄດ້; 
  • ເຮັດໃຫ້ຄອມພິວເຕີເຮັດວຽກຊ້າຜິດປົກກະຕິ, ອາດຈະເພາະສາເຫດຂອງການເຮັດວຽກຂອງໂຕໂປຣແກຣມບໍ່ຖືກຕ້ອງ ຫຼື ຖືກແຮັກເກີຍຶດເຄື່ອງ ເພື່ອໃຊ້ເປັນ Bot net ໃນການໂຈມຕີຄົນອື່ນ ຫຼື ແມ່ນແຕ່ໃຊ້ຊັບພະຍາກອນເຄື່ອງຂອງເຮົາໃນການຂຸດເໝືອງ Bitcoin (ສະກຸນເງິນດິຈິຕອນ) ເປັນຕົ້ນ; 
  • ແລະ ທີ່ສຳຄັນທີ່ສຸດ ການກະທຳດັ່ງກ່າວເປັນການກະທຳທີ່ຜິດຕໍ່ກົດໝາຍ ທີ່ອາດຈະນຳໄປສູ່ການຮ້ອງຟ້ອງ ແລະ ປັບໄໝໃນອະນາຄົດໄດ້ເຊັ່ນກັນ (ບອກກ່ອນເລີຍວ່າ ຫາກຖືກເອີ້ນຄ່າເສຍຫາຍ ຫຼ ປັບໄໝ ຈະແພງກວ່າລາຄາໂປຣແກຣມນັ້ນຫຼາຍເທົ່າ ບໍ່ຄຸ້ມ  ຂໍບອກ...)

ທາງເລືອກຊອບຊອບແວຟຣີ

ໃນເມື່ອຈະໃຊ້ໂປຣແກຣມເຖື່ອນກໍ່ຢ້ານຈະຖືກແຮັກ ຈະຊື້ License ກໍ່ແພງເຫຼືອເກີນ, ແລ້ວຈະໃຫ້ເຮັດແນວໃດ? ງ່າຍໆ ເລີຍ… ເລືອກໃຊ້ໂປຣແກຣມທີ່ເຂົາແຈກຟຣີ ເຊິ່ງປັດຈຸບັນກໍ່ມີໂປຣແກຣມຟຣີທີ່ສາມາດທົດແທນໂປຣແກຣມເສຍເງິນເກືອບຄົບທຸກໆ ສາຍງານແລ້ວ (ແນ່ນອນວ່າບາງໂປຣແກຣມທີ່ເປັນໂປຣແກຣມສະເພາະທາງກໍ່ອາດຈະບໍ່ມີ ແຕ່ຫາກສຳລັບການນຳໃຊ້ໃນຊີວິດປະຈຳວັນແລ້ວ ສາມາດຫາໂປຣແກຣມຟຣີໆ ດີໆ ມາໃຊ້ທົດແທນໄດ້ຢ່າງບໍ່ມີບັນຫາໃດໆ) ເຊັ່ນ:  

  • Linux ທີ່ໃຊ້ເປັນລະບົບປະຕິບັດການທົດແທນ Microsoft Windows 
  • GIMP ໂປຣແກຣມແຕ່ພາບທີ່ສາມາດໃຊ້ແທນ Adobe Photoshop 
  • Libre Office ທີ່ສາມາດໃຊ້ແທນ Microsoft Office 
  • draw.io ແທນ Microsoft Visio
  • Darktable ທົດແທນ Adobe Lightroom
  • ແທນ Adobe Illustrator ດ້ວຍ Inkscape
  • Audacity ແທນ Adobe Audition
  • FreeCAD ແທນ AutoCAD
  • Blender ແທນ Maya ແລະ ອີກຫຼາຍໂປຣແກຣມທີ່ສາມາດໃຊ້ໄດ້ຟຣີໆ. 

ຫຼາກຫຼາຍເຫຼືອເກີນ ສຳລັບ License ປະເພດຕ່າງໆ ແຕ່ສຳລັບຜູ້ໃຊ້ທົ່ວໄປແບບເຮົາ (End user) ໃຫ້ຮູ້ພຽງແຕ່ໂປຣແກຣມໃດໃຫ້ໃຊ້ຟຣີ ຫຼື ໂປຣແກຣມໃດທີ່ຕ້ອງເສຍຄ່າລິຂະສິດກໍ່ພຽງພໍແລ້ວ. ແລ້ວພະຍາຍາມຫຼີກຫຼ່ຽງໂປຣແກຣມເຖື່ອນທັງຫຼາຍ ທັງເປັນການສະໜັບສະໜຸນນັກພັດທະນາທີ່ຕ້ອງອົດຫຼັບອົດນອນ ນັ່ງຫຼັງກົ່ງຂຽນໂຄດເພື່ອໃຫ້ເຮົາໄດ້ໃຊ້ກັນ ແລະ ເປັນການປ້ອງກັນຕົນເອງຈາກໄພອັນຕະລາຍທີ່ເບິ່ງບໍ່ເຫັນອີກທາງ.  

ໝາຍເຫດ: ກ່ອນຈະໂຫຼດຫຍັງຈາກອິນເຕີເນັດ ໃຫ້ຮູ້ໄວ້ວ່າ ມີ 1 ໃນ 3 ຂອງໂປຣແກຣມເຖື່ອນ ຈະມີຫຍັງສອດໄສ້ມານຳເຊິ່ງຄົງຈະບໍ່ຕ້ອງອະທິບາຍວ່າແມ່ນຫຍັງເນາະ ບໍ່ໄດ້ຂູ່ເດີ້ ຮ່າໆ. 


ຂຽນໂດຍ: Nilavath

ອ້າງອີງ:  

Advertisement Replay Ad
ເບິ່ງຢູທູບຫຼາຍກາຍເວລາຫຼັບນອນ ນີ້ຄືວິທີຕັ້ງຄ່າໃຫ້ YouTube ເຕືອນເຮົາວ່າຮອດເວລາເຂົ້ານອນແລ້ວ

ເບິ່ງຢູທູບຫຼາຍກາຍເວລາຫຼັບນອນ ນີ້ຄືວິທີຕັ້ງຄ່າໃຫ້ YouTube ເຕືອນເຮົາວ່າຮອດເວລາເຂົ້ານອນແລ້ວ

ຄວາມແຕກຕ່າງ ລະຫວ່າງອາຊະຍາກໍາທາງລະບົບຄອມພິວເຕີ ແລະ ອາຊະຍາກໍາທົ່ວໄປ

ຄວາມແຕກຕ່າງ ລະຫວ່າງອາຊະຍາກໍາທາງລະບົບຄອມພິວເຕີ ແລະ ອາຊະຍາກໍາທົ່ວໄປ

ເປີດໂຕສະມາດໂຟນ vivo V20 Pro 5G ໂຕເຄື່ອງເບົາທີ່ສຸດໃນໂລກ ພ້ອມໂໝດຖ່າຍຮູບທີ່ຫຼາກຫຼາຍ

ເປີດໂຕສະມາດໂຟນ vivo V20 Pro 5G ໂຕເຄື່ອງເບົາທີ່ສຸດໃນໂລກ ພ້ອມໂໝດຖ່າຍຮູບທີ່ຫຼາກຫຼາຍ

ແອັບ ToolaKit ໃຫ້ຄົນລາວສ້າງທຸລະກິດທາງອອນລາຍງ່າຍໆໄດ້ຜ່ານປາຍນິ້ວ ດາວໂຫຼດຟຣີ!

ແອັບ ToolaKit ໃຫ້ຄົນລາວສ້າງທຸລະກິດທາງອອນລາຍງ່າຍໆໄດ້ຜ່ານປາຍນິ້ວ ດາວໂຫຼດຟຣີ!

ເປີດໂຕ Pulse by Prudential ໃຫ້ຄົນລາວເຂົ້າເຖິງຂໍ້ມູນສຸຂະພາບຂອງຕົວເອງຜ່ານມືຖືໂດຍບໍ່ເສຍຄ່າ

ເປີດໂຕ Pulse by Prudential ໃຫ້ຄົນລາວເຂົ້າເຖິງຂໍ້ມູນສຸຂະພາບຂອງຕົວເອງຜ່ານມືຖືໂດຍບໍ່ເສຍຄ່າ

UX ແລະ UI ແມ່ນຫຍັງ? ມາຮູ້ຈັກຄວາມແຕກຕ່າງລະຫວ່າງ UX ແລະ UI

UX ແລະ UI ແມ່ນຫຍັງ? ມາຮູ້ຈັກຄວາມແຕກຕ່າງລະຫວ່າງ UX ແລະ UI

ໃຫ້ໝູ່ຢືມມືຖື ແຕ່ບໍ່ຢາກໃຫ້ເຂົ້າແອັບອື່ນ ຕ້ອງຮູ້ໃຊ້ Guided Access/Pinned ຕັດວົງຈອນສາຍລັກສ່ອງ

ໃຫ້ໝູ່ຢືມມືຖື ແຕ່ບໍ່ຢາກໃຫ້ເຂົ້າແອັບອື່ນ ຕ້ອງຮູ້ໃຊ້ Guided Access/Pinned ຕັດວົງຈອນສາຍລັກສ່ອງ

ສະຫຼຸບຂໍ້ມູນ iPhone 12 ທຸກຮຸ່ນຫຼັງງານເປີດໂຕ ມີຫຍັງຄັກໆແດ່ ມາເບິ່ງກັນ

ສະຫຼຸບຂໍ້ມູນ iPhone 12 ທຸກຮຸ່ນຫຼັງງານເປີດໂຕ ມີຫຍັງຄັກໆແດ່ ມາເບິ່ງກັນ

ວິທີການສ້າງ Apple ID ໃຜກໍເຮັດໄດ້ ງ່າຍໆ ບໍ່ຕ້ອງງໍ້ຮ້ານ ຫຼື ລົບກວນໝູ່ເຮັດໃຫ້

ວິທີການສ້າງ Apple ID ໃຜກໍເຮັດໄດ້ ງ່າຍໆ ບໍ່ຕ້ອງງໍ້ຮ້ານ ຫຼື ລົບກວນໝູ່ເຮັດໃຫ້

ພາຮູ້ຈັກ ບລັອກເຊນ (Blockchain) ທີ່ຈະເປັນເທຣນໃນອານາຄົດ

ພາຮູ້ຈັກ ບລັອກເຊນ (Blockchain) ທີ່ຈະເປັນເທຣນໃນອານາຄົດ

ໂຄງການ Samsung Love & Care ໄດ້ຮັບການຍ້ອງຍໍຈາກ Asia-Pacific SABRE Awards 2020

ໂຄງການ Samsung Love & Care ໄດ້ຮັບການຍ້ອງຍໍຈາກ Asia-Pacific SABRE Awards 2020

ແອັບສາມັນປະຈຳເຄື່ອງ iPhone / iPad ທີ່ຈະເຮັດໃຫ້ຊີວິດຂອງທ່ານດີຂຶ້ນ

ແອັບສາມັນປະຈຳເຄື່ອງ iPhone / iPad ທີ່ຈະເຮັດໃຫ້ຊີວິດຂອງທ່ານດີຂຶ້ນ

Instagram ສະຫຼອງວັນເກີດຄົບຮອບ 10 ປີ ພ້ອມປ່ອຍຟີເຈີໃໝ່ເພື່ອໃຫ້ພວກເຮົາປະພຶດດີຕໍ່ກັນ

Instagram ສະຫຼອງວັນເກີດຄົບຮອບ 10 ປີ ພ້ອມປ່ອຍຟີເຈີໃໝ່ເພື່ອໃຫ້ພວກເຮົາປະພຶດດີຕໍ່ກັນ

ການໃສ່ສາຍຫູຟັງໃນຂະນະທີ່ສາກໂທລະສັບອັນຕະລາຍແທ້ ຫຼື ບໍ່?

ການໃສ່ສາຍຫູຟັງໃນຂະນະທີ່ສາກໂທລະສັບອັນຕະລາຍແທ້ ຫຼື ບໍ່?

ຣີວິວການໃຊ້ Google Find My Device ເພື່ອຄົ້ນຫາສະມາດໂຟນ Android ທີ່ຕົກເຮ່ຍເສຍຫາຍ

ຣີວິວການໃຊ້ Google Find My Device ເພື່ອຄົ້ນຫາສະມາດໂຟນ Android ທີ່ຕົກເຮ່ຍເສຍຫາຍ

ເຮັດການຕະຫຼາດ ຢາກນຳເທຣນຕ້ອງຮູ້ຈັກໃຊ້ Google Trends

ເຮັດການຕະຫຼາດ ຢາກນຳເທຣນຕ້ອງຮູ້ຈັກໃຊ້ Google Trends

Twitter ຖືກແຮັກ! ເຖິງເວລາແລ້ວ ຫລື ຍັງທີ່ຕ້ອງຢຸດເຊົາເອື່ອຍອີງກັບສັງຄົມອອນລາຍ?

Twitter ຖືກແຮັກ! ເຖິງເວລາແລ້ວ ຫລື ຍັງທີ່ຕ້ອງຢຸດເຊົາເອື່ອຍອີງກັບສັງຄົມອອນລາຍ?

ຮູ້ຈັກກັບ 'ລົດຍົນໄຟຟ້າ' ອະນາຄົດແຫ່ງການເດີນທາງ

ຮູ້ຈັກກັບ 'ລົດຍົນໄຟຟ້າ' ອະນາຄົດແຫ່ງການເດີນທາງ

ໄຂຂໍ້ຂ້ອງໃຈ! ລໍາດັບຄົນເບິ່ງ Story ໃນອິນສະຕາແກຣມຂອງເຮົານັ້ນຮຽງຈາກຫຍັງ?

ໄຂຂໍ້ຂ້ອງໃຈ! ລໍາດັບຄົນເບິ່ງ Story ໃນອິນສະຕາແກຣມຂອງເຮົານັ້ນຮຽງຈາກຫຍັງ?

ເຄັດລັບຂັ້ນເທບ ໃຊ້ Google Search ຄົ້ນຫາຫຍັງກໍພົບໄດ້ດັ່ງໃຈຕ້ອງການ

ເຄັດລັບຂັ້ນເທບ ໃຊ້ Google Search ຄົ້ນຫາຫຍັງກໍພົບໄດ້ດັ່ງໃຈຕ້ອງການ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ