ວັນຈັນ ທີ 2 ສິງຫາ 2021

ຄວາມເຊື່ອຜິດໆ ກ່ຽວກັບການສາກແບັດເຕີຣີ

ຄວາມເຊື່ອຜິດໆ ກ່ຽວກັບການສາກແບັດເຕີຣີ
S! Muan

ສະໜັບສະໜູນເນື້ອຫາ

ທຸກຢ່າງມີອາຍຸການໃຊ້ງານ ໂດຍສະເພາະອຸປະກອນເອເລັກໂຕຣນິກ, ແຕ່ລະຊິ້ນສ່ວນຈະມີການເສື່ອມສະພາບໄປຕາມການເວລາ, ການໃຊ້ງານ ແລະ ເງື່ອນໄຂສະພາບແວດລ້ອມອ້ອມຂ້າງ. ບໍ່ເວັ້ນແມ່ນແຕ່ ທີ່ເປັນແຫຼ່ງພະລັງງານທີ່ເຮັດໃຫ້ອຸປະກອນຕ່າງໆ ສາມາດໃຊ້ງານໄດ້, ເປັນສ່ວນທີ່ສຳຄັນ ແລະ ມັກຈະເປັນສ່ວນທີ່ເສື່ອມສະພາບໄວກວ່າສ່ວນອື່ນໆ. ທັງນີ້ທັງນັ້ນ ກໍ່ຂຶ້ນກັບຫຼາຍໆ ປັດໄຈບໍ່ວ່າຈະເປັນ ອາຍຸການໃຊ້ງານ, ວິທີການໃຊ້ງານ ຫຼື ຄຸນນະພາບຂອງອຸປະກອນເອງ ກໍ່ລ້ວນແລ້ວແຕ່ເປັນສາເຫດເຮັດໃຫ້ແບັດເຕີຣີເສື່ອມສະພາບໄວກວ່າທີ່ຄວນຈະເປັນ. ເຊິ່ງກໍ່ຍັງມີຫຼາຍໆ ຄົນທີ່ຍັງມີຄວາມເຊື່ອຜິດໆ ກ່ຽວກັບການໃຊ້ງານແບັດເຕີຣີ ເຊັ່ນ: ຈຳເປັນຕ້ອງຖອດສາຍສາກເມື່ອສາກແບັດເຕັມ ຫຼື ບໍ່, ບໍ່ປ່ອຍໃຫ້ແບັດໝົດກ້ຽງ ແລະ ອື່ນໆ ໂດຍສະເພາະແບັດເຕີຣີອຸປະກອນພົກພາ (ໂທລະສັບມືຖື ຫຼື ຄອມພິວເຕີແລັບທັອບ). ໃນບົດຄວາມນີ້ ຈະພາເພື່ອນໆ ມາໄຂຂໍ້ຂ້ອງໃຈກ່ຽວກັບຄວາມເຊື່ອຕ່າງໆ ທີ່ເຄີຍໄດ້ຍິນກັນ ບອກຕໍ່ໆ ກັນມາວ່າມັນມີມູນຄວາມຈິງເທົ່າໃດ ແລະ ຄວນຈະເຮັດແນວໃດເພື່ອຖະໜອມແບັດເຕີຣີໃຫ້ຢູ່ກັບເຮົາໄປດົນໆ. 

ປະເພດຂອງແບັດເຕີຣີ 

ແບັດເຕີຣີທີ່ໃຊ້ກັນກັບອຸປະກອນພົກພາໃນປັດຈຸບັນທີ່ນິຍົມໃຊ້ກັນໄດ້ແກ່ Lithium-ion (Li-ion), Lithium polymer (Li-pol), Nickel metal hydride (NiMH), Nickel Cadmium (NiCd) ແລະ ອື່ນໆ ອີກຫຼາຍ ແຕ່ຈະບໍ່ຂໍລົງລາຍລະອຽດ. ແຕ່ໂດຍທົ່ວໄປແລ້ວ ທີ່ໃຊ້ກັບອຸປະກອນເຄື່ອນທີ່ (ໂທລະສັບ ຫຼື ແລັບທອບ) ຈະເປັນ Li-ion ຫຼື Li-pol ເພາະມີນ້ຳໜັກເບົາ, ສາມາດເກັບປະຈຸໄດ້ຫຼາຍ ແລະ ສາກເຕັມໄວ. 

ຮອບສາກຂອງແບັດເຕີຣີ ບົ່ງບອກເຖິງອາຍຸທີ່ເຫຼືອຢູ່ 

ແບັດເຕີຣີແຕ່ລະກ້ອນມີອາຍຸການໃຊ້ງານ ໂດຍຈະມີການນັບຈາກຮອບການສາກແບັດ, ການນັບຮອບຂອງແບັດເຕີຣີເລີຍສາມາດບົ່ງບອກເຖິງອາຍຸທີ່ເຫຼືອຢູ່ຂອງແບັດເຕີຣີໄດ້. ໂດຍການນັບຮອບສາກໃນປັດຈຸບັນ ໂດຍສະເພາະແມ່ນ Li-ion ຫຼື Li-pol ຈະເປັນການນັບເປີເຊັນຂອງປະຈຸທີ່ສາກເຂົ້າເຊັ່ນ: ຫາກເພື່ອນໆ ໃຊ້ແບັດເຕີຣີຈາກ 100% ເຫຼືອ 30% ແລ້ວສາກຈົນເຕັມ 100% ໃຊ້ໄປອີກຈົນເຫຼືອ 70% ແລ້ວສາກຈົນເຕັມ 100% ແບັດເຕີຣີຈຶ່ງຈະນັບ 1 ຮອບການສາກ ງ່າຍໆ ເລີຍຄືມັນຈະນັບທຸກໆ 100% ຂອງການໃຊ້ງານ (ຫຼື ການສາກ) ເປັນ 1 ຮອບນັ້ນເອງ. ງົງບໍ່? ຜູ້ຂຽນກໍ່ງົງ ຮ່າໆ. ລອງເບິ່ງຈາກພາບປະກອບດ້ານລຸ່ມ ທີ່ເວບ Apple ເຮັດໄວ້ ໜ້າຈະເຂົ້າໃຈຂຶ້ນ. 

ພາບການນັບຮອບສາກຂອງແບັດເຕີຣີ (ແຫຼ່ງທີ່ມາ apple.com

ສາເຫດທີ່ເຮັດໃຫ້ແບັດເຕີຣີເສື່ອມ 

  • ແບັດເຕີຣີບໍ່ມີຄຸນະພາບ: ມີຫຼາຍໆ ຄັ້ງທີ່ຜູ້ຜະລິດ ຫຼື ຊ່າງສ້ອມແປງ ຜູ້ທີ່ຄຳນຶງເຖິງແຕ່ກຳໄລຂອງຕົນເອງເປັນຫຼັກ ບໍ່ຄຳນຶງເຖິງຜູ້ໃຊ້ງານ ແລ້ວເລືອກໃຊ້ແບັດເຕີຣີທີ່ບໍ່ມີຄຸນນະພາບ ຫຼື ບໍ່ໄດ້ມາດຕະຖານ ເຮັດໃຫ້ອາຍຸການໃຊ້ງານສັ້ນ ແລະ ສ່ຽງຕໍ່ການເກີດຄວາມເສຍຫາຍຕໍ່ຊັບສິນ ແລະ ຄວາມປອດໄພຂອງຜູ້ໃຊ້ງານ; 
  • ໝົດອາຍຸການໃຊ້ງານ: ກໍ່ຕາມນັ້ນ ບໍ່ມີຫຍັງຊັບຊ້ອນ, ຫາກໝົດອາຍຸການໃຊ້ງານຈົນເຊວເກັບພະລັງງານບໍ່ມີປະສິດທິພາບແລ້ວ ກໍ່ບໍ່ມີຫຍັງທີ່ສາມາດເຮັດໄດ້ ນອກຈາກກັດແຂ້ວໃຊ້ຕໍ່ໄປ ຫຼື ປ່ຽນກ້ອນໃໝ່; 
  • ພຶດຕິກຳການໃຊ້ງານ: ດັ່ງທີ່ຮູ້ກັນວ່າແບັດກ້ອນໜຶ່ງ ຈະມີຈຳນວນຮອບສາກຈຳກັດ, ເມື່ອຄົບຈຳນວນທີ່ຜູ້ຜະລິດໄດ້ຄາດຄະເນແລ້ວ ແນ່ນອນວ່າປະສິດທິພາບຂອງແບັດເຕີຣີຍ່ອມເລີ່ມຖົດຖອຍ ໝາຍຄວາມວ່າຍິ່ງເພື່ອນໆ ໃຊ້ຫຼາຍ ສາກຫຼາຍ ແບັດກໍ່ຍິ່ງເສື່ອມໄວຂຶ້ນນັ້ນເອງ, ອີກຢ່າງທີ່ຄວນເອົາໃຈໃສ່ຄື ການໃຊ້ໃນລ້ອມສະພາບແວດລ້ອມທີ່ອຸນຫະພູມສູງ ອາກາດຮ້ອນ ຄວາມຊຸ່ມສູງ ຈະເຮັດໃຫ້ອາຍຸແບັດເຕີຣີສັ້ນລົງເຊັ່ນດຽວກັນ; 
  • ອຸປະກອນບໍ່ໄດ້ຄຸນນະພາບ: ຂໍ້ນີ້ສຳຄັນ ແລະ ເປັນສິ່ງທີ່ຄວນເອົາໃຈໃສ່ທີ່ສຸດ ໂດຍສະເພາະແບັດເຕີຣີ, ຫົວສາກ ຫຼື ສາຍສາກກໍ່ຕາມ ຄວນເລືອກໃຊ້ແຕ່ອຸປະກອນທີ່ມີຄຸນະພາບເທົ່ານັ້ນ ເພາະສິ່ງທີ່ບໍ່ຜ່ານການກວດສອບຄຸນະພາບ ນອກຈາກຈະເຮັດໃຫ້ອຸປະກອນຂອງເພື່ອນໆ ອາຍຸສັ້ນລົງ ເພື່ອນໆ ເອງຍັງຈະສ່ຽງກໍ່ໄພອັນຕະລາຍຈາກໄຟຟ້າຮົ່ວອີກດ້ວຍ. 

ວິທີການຖະໜອມແບັດເຕີຣີ 

ດັ່ງທີ່ກ່າວໄວ້ຂ້າງເທິງນັ້ນວ່າ ສັດຕູທີ່ມີຜົນຕໍ່ອາຍຸຂອງແບັດເຕີຣີແມ່ນ ຄວາມຮ້ອນ. ດັ່ງນັ້ນ, ການທີ່ຕ້ອງການໃຫ້ອາຍຸແບັດເຕີຣີຢູ່ກັບເຮົາໄປດົນໆ ກໍ່ພະຍາຍາມຫຼີກເວັ້ນການໃຊ້ງານໃນສະພາບແວດລ້ອມທີ່ມີຄວາມຮ້ອນສູງ ເພາະອຸນຫະພູມສູງຈະເຮັດໃຫ້ແບັດເຕີຣີເສຍປະຈຸໄວຂຶ້ນກວ່າເກົ່າ, ບໍ່ວາງອຸປະກອນໄວ້ໃກ້ແຫຼ່ງກຳເນີດຄວາມຮ້ອນ, ຫາກເປັນໄປໄດ້ ສຳລັບອາກາດຮ້ອນອົບເອົ້າເຊັ່ນບ້ານເຮົາ ແນະນຳໃຫ້ຖອດເຄສ (Case) ໂທລະສັບອອກກ່ອນສາກ ມັນຈະຊ່ວຍເລື່ອງການລະບາຍຄວາມຮ້ອນໄດ້ດີ, ອີກຢ່າງທີ່ຕ້ອງຫຼີກເວັ້ນຄື ການວາງໂທລະສັບ ຫຼື ແລັບທັອບ ໄວ້ເທິງຕຽງນອນ, ຜ້າພົມ ເວລາສາກ ຫຼື ໃຊ້ງານ ເພາະຈະເຮັດໃຫ້ການລະບາຍຄວາມຮ້ອນນັ້ນເຮັດບໍ່ໄດ້ດີ ແນະນຳໃຫ້ວາງໄວ້ໃນບ່ອນທີ່ອາກາດຖ່າຍເທໄດ້ສະດວກ ຈະຊ່ວຍຍືດອາຍຸການໃຊ້ງານອຸປະກອນຂອງເພື່ອນໆ ໄດ້ດົນຂຶ້ນຕື່ມແນ່ນອນ. ການສາກແບັດເຕີຣີ ບໍ່ວ່າຈະເປັນໂທລະສັບມືຖືກໍ່ດີ ຫຼື ແລັບທອບ ບໍ່ຈຳເປັນຕ້ອງຖ້າໃຫ້ແບັດເຕີຣີໃກ້ໝົດແລ້ວຄ່ອຍສາກ ເມື່ອເຫັນວ່າແບັດເຕີຣີເຫຼືອປະມານ 40% ຫາກມີໂອກາດ ກໍ່ສາມາດສາກໄດ້ເລີຍ. ເພາະຫາກທຽບກັນລະຫວ່າງສາກຈາກ 0% ຈົນເຕັມ ແລະ 40% ຈົນເຕັມແລ້ວ ການສາກຈາກ 0% ຈະໃຊ້ເວລາດົນກວ່າ ແລະ ນັ້ນໝາຍເຖິງຄວາມຮ້ອນສະສົມ ທີ່ອາດຈະສົງຜົນເຮັດໃຫ້ອາຍຸຂອງແບັດເຕີຣີສັ້ນລົງນັ້ນເອງ. ຫຼີກເວັ້ນການສາກຂ້າມຄືນ ເຖິງແມ່ນວ່າແບັດເຕີຣີປັດຈຸບັນຈະມີວົງຈອນໃນການຕັດກະແສໄຟເມື່ອສາກເຕັມ 100% ແລ້ວ, ແຕ່ການສາກແຊ່ໄວ້ແບບນັ້ນນອກຈາກຈະເພີ່ມຄວາມຮ້ອນສະສົມໃຫ້ແກ່ອຸປະກອນ ແລະ ແບັດເຕີຣີແລ້ວ ມັນຍັງເຮັດໃຫ້ຮອບສາກ (Charge cycle) ເພີ່ມຂຶ້ນ, ອີກທັງມັນຍັງເຮັດໃຫ້ສູນເສຍກະແສໄຟໄປໂດຍໄຮ້ປະໂຫຍດ (ສາຍສິ່ງແວດລ້ອມກໍ່ມາ) ເພາະໂດຍທຳມະຊາດແລ້ວ ແບັດເຕີຣີຈະສູນເສຍປະຈຸໄປເລັກນ້ອຍ ເຖິງແມ່ນວ່າບໍ່ໄດ້ໃຊ້ງານກໍ່ຕາມ ແລະ ເມື່ອປະຈຸຫຼຸດລົງຈາກ 100% ມັນກໍ່ຈະເລີ່ມສາກອີກຮອບນັ້ນເອງ, ຄຳແນະນຳຈາກຜູ້ຊ່ຽວຊານຫຼາຍໆ ຄົນບອກວ່າ ແນະນຳໃຫ້ປິດໂທລະສັບ ຫຼື ເປີດໂໝດເຮືອບິນ (Airplane mode) ເມື່ອບໍ່ໄດ້ໃຊ້ງານ ເພື່ອປະຢັດພະລັງງານ.  

ສະຫຼຸບ (ຈາກຄວາມຄິດເຫັນສ່ວນຕົວ) 

ເອົາເປັນວ່າການສາກແບັດເຕີຣີທີ່ຖືກຕ້ອງນັ້ນຂຶ້ນກັບຫຼາຍເງື່ອນໄຂ ແຕ່ໂດຍສ່ວນໂຕແລ້ວຈະພະຍາຍາມສາກທຸກຄັ້ງທີ່ສະດວກ ແລະ ມີໂອກາດ, ບໍ່ໄດ້ຫ່ວງເລື່ອງອາຍຸການໃຊ້ງານໄລຍະຍາວ ເພາະຫ່ວງເລື່ອງການໃຊ້ງານໄລຍະສັ້ນຫຼາຍກວ່າ (ເພື່ອເກີດກໍລະນີສຸກເສີນ ຕ້ອງການໃຊ້ແລ້ວແບັດໝົດ ຄົງຈະບໍ່ດີເທົ່າໃດ). ສ່ວນເລື່ອງການສຽບສາຍສາກຄ້າງໄວ້ ຜູ້ຂຽນເອງກໍ່ສາກປະໄວ້ໝົດຄືນ ຫຼື ສຽບສາຍສາກເມື່ອໃຊ້ງານແລັບທອບຕະຫຼອດເວລາ , ເພາະຫຼັງຈາກແບັດເຕີຣີສາກເຕັມ 100% ແລ້ວ, ວົງຈອນຈະຕັດການຮັບກະແສໄຟເຂົ້າແບັດເຕີຣີ ເພື່ອຄວາມປອດໄພ ແລະ ຈະບໍ່ມີການສາກເກີນ (Overcharged) ກັບແບັດເຕີຣີຍຸກໃໝ່ໆ ແລ້ວ, ສຳລັບແລັບທອບ ກະແສໄຟຈະຜ່ານເຂົ້າໄປລ້ຽງເຄື່ອງຄອມພິວເຕີໂດຍກົງ ແລະ ບໍ່ມີການສາກເຂົ້າເພີ່ມເຕີມ ຫຼັງຈາກສາກເຕັມ 100% ເຊັ່ນດຽວກັນ (ເຖິງແມ່ນວ່າຈະເປັນວິທີທີ່ບໍ່ດີເທົ່າໃດກໍ່ຕາມ). ອີກຢ່າງໃນຍຸກນີ້ ຄິດວ່າຫຼາຍໆ ຄົນຄົງຈະປ່ຽນໂທລະສັບກ່ອນແບັດຈະເສື່ອມດ້ວຍຊ້ຳໄປ ຫຼື ບໍ່ກໍ່ຫຼຸດມືຕົກແຕກ (ໂດຍບໍ່ຕັ້ງໃຈ ຫຼື ຕັ້ງໃຈເພາະຢາກໄດ້ເຄື່ອງໃໝ່ກໍ່ຕາມ ຮ່າໆ) ຫຼື ຫາກແບັດເສື່ອມແທ້ ກໍ່ຫາປ່ຽນໄດ້ບໍ່ຍາກ ແລະ ລາຄາບໍ່ໄດ້ແພງເໝືອນກັບເມື່ອກ່ອນແລ້ວ. ໃນເມື່ອເຮົາຕັດສິນໃຈລົງທຶນຊື້ອຸປະກອນໃດໜຶ່ງມາອຳນວຍຄວາມສະດວກ ເຮັດໃຫ້ການໃຊ້ຊີວິດຂອງເຮົານັ້ນງ່າຍຂຶ້ນ ກໍ່ບໍ່ຈຳເປັນຕ້ອງຫຍຸ້ງຍາກໄປກັງວົນຫຍັງຫຼາຍກັບມັນ, ຂໍແຕ່ໃຊ້ອຸປະກອນທີ່ໄດ້ຄຸນະພາບ ໄດ້ມາດຕະຖານ ເພື່ອຄວາມປອດໄພຂອງຊັບສິນ ແລະ ຕົວທ່ານເອງ. ແລ້ວເພື່ອນໆ ເດມີພຶດຕິກຳການໃຊ້ງານ ຫຼື ການສາກແບັດເຕີຣີແນວໃດ ຢ່າລືມມາແບ່ງປັນກັນ. 


ຂຽນໂດຍ: Nilavath 

ອ້າງອີງ:  

Advertisement Replay Ad
ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ