ວັນພຸດ ທີ 16 ມິຖຸນາ 2021

ເມື່ອລູກນ້ອຍໄຫ້ບໍ່ຢຸດ ນີ້ແມ່ນວິທີການທີ່ພໍ່ແມ່ມືໃໝ່ຄວນໃຊ້ເພື່ອຮັບມື

ເມື່ອລູກນ້ອຍໄຫ້ບໍ່ຢຸດ ນີ້ແມ່ນວິທີການທີ່ພໍ່ແມ່ມືໃໝ່ຄວນໃຊ້ເພື່ອຮັບມື
S! Muan

ສະໜັບສະໜູນເນື້ອຫາ

ໂດຍ​ປົກກະຕິ​ແລ້ວ​ເມື່ອ ລູກ​ນ້ອຍ​ຮ້ອງ​ໄຫ້​ບໍ່​ຍອມ​ຢຸດ ເຫຼົ່າພໍ່ແມ່ມື​ໃໝ່​ມັກ​ຈະ​ຮູ້ສຶກ​ກັງ​ວົນ ເນື່ອງ​ຈາກ​ບໍ່​ຮູ້​ວ່າ​ການ​ທີ່​ລູກ​ຮ້ອງ​ໄຫ້​ບໍ່​ຍອມ​ຢຸດ​ເກີດ​ຈາກ​ສາ​ເຫດ​ຫຍັງ ເປັນເພາະ​ບໍ່​ສະບາຍ​ເນື້ອ​ບໍ່​ສະບາຍຕົວ, ຫິວ ຫຼື ສາ​ເຫດ​ອື່ນ​ໆ. ດັ່ງ​ນັ້ນ ເຮົາຈຶ່ງ​ມີ​ເລື່ອງ​ນີ້​ມາ​ຝາກ​ບັນດາພໍ່ແມ່ມື​ໃໝ່​ກັນ.

ເຫດຜົນ​ທີ່ ລູກ​ນ້ອຍ​ຮ້ອງ​ໄຫ້​ບໍ່​ຍອມ​ຢຸດ

ເດັກນ້ອຍ​ເກີດໃໝ່​ທຸກ​ຄົນ​ມັກ​ຈະ​ຮ້ອງ​ໄຫ້​ ແລະ ​ງໍ​ແງ​ໃນ​ບາງເທື່ອ ຊຶ່ງຖື​ເປັນ​ເລື່ອງ​ປົກກະຕິ​ທີ່​ໃນໄລຍະ 6 ອາທິດທຳອິດ, ພວກ​ເຂົາ​ຈະ​ຮ້ອງ​ໄຫ້ 2-3 ຊົ່ວ​ໂມງ​ຕໍ່​ມື້. ສ່ວນ​ໃນ​ໄລຍະ 3 ເດືອນທຳອິດ​ຂອງ​ຊີວິດ​ພວກ​ເຂົາຈະ​ຮ້ອງ​ໄຫ້​ຫຼາຍກວ່າ​ໃນ​ໄລຍະ​ເວລາ​ອື່ນ​ໆຂອງອາຍຸ ເຊິ່ງນີ້​ຄື​ສິ່ງ​ທີ່​ເຮັດໃຫ້ບັນດາພໍ່ແມ່ມື​ໃໝ່​ມັກ​ຈະ​ມີ​ເວລາ​ນອນ​ທີ່​ນ້ອຍ​ລົງ ແຕ່​ກໍ​ຈະ​ຄຸ້ນ​ເຄີຍ​ກັບ​ຊີວິດ​ຂອງ​ລູກ​ນ້ອຍ​ຫຼາຍ​ຂຶ້ນ ເນື່ອງ​ຈາກ​ບັນດາພໍ່ແມ່ຈະ​ໄດ້​ຮຽນ​ຮູ້​ວ່າ​ເມື່ອ​ລູກ​ນ້ອຍ​ຮ້ອງ​ໄຫ້ ນັ້ນ​ໝາຍ​ຄວາມ​ວ່າ​ພວກ​ເຂົາ​ອາດຈະ​ຕ້ອງ​ການ​ສິ່ງ​ຕ່າງ​ໆ ດັ່ງ​ນີ້:

  • ຫິວ
  • ເມື່ອຍ
  • ຈຳ​ເປັນ​ຕ້ອງເອື້ອມ
  • ຖືກ​ກະຕຸ້ນ​ຫຼາຍ​ເກີນ​ໄປ (Overstimulated)
  • ຜ້າ​ອ້ອມ​ປຽກ ​ຫຼື ສົກກະປົກ
  • ຮູ້ສຶກ​ຮ້ອນ ​ຫຼື ເຢັນ​ຫຼາຍ​ເກີນ​ໄປ

ບາງເທື່ອ​ການ​ຮ້ອງ​ໄຫ້​ຂອງ​ເດັກ​ເດັກນ້ອຍ​ຈະ​ດົນ​ຂຶ້ນ ເຊິ່ງເຮັດໃຫ້ພໍ່ແມ່ຕ້ອງ​ເບິ່ງ​ແຍງ​ຄວາມ​ຕ້ອງ​ການ​ຂອງ​ເດັກນ້ອຍ​ໃຫ້​ພຽງ​ພໍ ເພື່ອ​ທີ່​ຈະ​ປະໂລມ​ໃຈພວກ​ເຂົາ.

ວິທີ​ຮັບ​ມື​ເມື່ອ ລູກ​ນ້ອຍ​ຮ້ອງ​ໄຫ້​ບໍ່​ຍອມ​ຢຸດ

ສຳລັບພໍ່ແມ່ມື​ໃໝ່ ການ​ຮ້ອງ​ໄຫ້​ຂອງ​ລູກ​ນ້ອຍ​ອາດຈະ​ເປັນ​ເລື່ອງ​ທີ່​ທ້າ​ທາຍ, ໜ້າ​ຢ້ານກົວ ແລະ ​ບາງເທື່ອ​ກໍ​ອາດຈະ​ເຮັດໃຫ້​ຮູ້ສຶກ​ຫງຸດ​ຫງິດ​ຂຶ້ນ​ໄດ້ ເນື່ອງ​ຈາກ​ພວກ​ເຈົ້າ​ບໍ່​ສາມາດ​ຄາດ​ເດົາ​ໄດ້​ເລີຍ​ວ່າ ການ​ທີ່​ລູກ​ນ້ອຍ​ຮ້ອງ​ໄຫ້​ນັ້ນ​ມາ​ສາ​ເຫດ​ມາ​ຈາກ​ຫຍັງ. ການ​ຮ້ອງ​ໄຫ້​ຂອງ​ລູກ​ນ້ອຍ​ມັກ​ຈະ​ເຮັດໃຫ້​ຜູ້​ເປັນ​ແມ່​ມີ​ຄວາມ​ຮູ້ສຶກ​ກັງ​ວົນ​ຢ່າງ​ຍິ່ງ. ດັ່ງ​ນັ້ນ ລອງ​ມາ​ເບິ່ງກົນລະຍຸດທີ່​ຈະ​ເຮັດໃຫ້​ລູກ​ນ້ອຍ​ສະຫງົບ​ລົງ​ກັນ​ດີກວ່າ.

  • ເຮັດ​ສຽງ “ຊູ່” ພ້ອມ​ອຸ້ມ​ລູກ​ແລ້ວສັ່ນ​ຄ່ອຍ​ໆ

Dr.Kristie Rivers ກຸ​ມານ​ແພດ​ຈາກກຸ່ມ​ແພດ Phoenix Physicians LLC ໃນ Fort Lauderdale ກ່າວວ່າ ຈາກ​ການສຶກສາ​ຊີ້​ໃຫ້​ເຫັນ​ວ່າ ການ​ຕອບສະໜອງ​ທີ່​ສະຫງົບ​ງຽບ​ຈະ​ເກີດ​ຂຶ້ນ​ໃນ​ສະໝອງ​ຂອງ​ເດັກນ້ອຍ, ເມື່ອ​ຖືກ​ອຸ້ມ​ ຫຼື ໂຢກໂຕ ເຊິ່ງຈະ​ເຮັດໃຫ້​ອັດຕາ​ການ​ເຕັ້ນ​ຂອງ​ຫົວໃຈ​ຂອງ​ເດັກນ້ອຍ​ຊ້າ​ລົງ. ໃນ​ຂະນະ​ດຽວ​ກັນ​ການ​ສັ່ນ​ເດັກນ້ອຍ​ຄ່ອຍໆ ຊ້ຳ​ໆ ອາດຈະ​ສ້າງ​ຄວາມ​ວຸ່ນ​ໃຈ​ໃຫ້​ລູກ​ນ້ອຍ ຈົນ​ພວກເຂົາ​ຕ້ອງ​ຈົດ​ຈໍ່​ກັບ​ສິ່ງ​ນັ້ນ​ແທນ​ທີ່​ຈະ​ຮ້ອງ​ໄຫ້.

  • ເປີດເພງ ​ຫຼື ຮ້ອງ​ເພງ​ກ່ອມ

Dr.Rivers ກ່າວວ່າ ຢ່າ​ອາຍ​ທີ່​ເຈົ້າ​ຈະ​ຮ້ອງ​ເພງ​ກ່ອມ​ລູກ​ນ້ອຍ ເພາະ​ການ​ຮ້ອງ​ເພງ​ກ່ອມ ​ແລະ ​ການ​ເຄື່ອນ​ໄຫວ​ຕາມ​ຈັງ​ຫວະ​ຂອງ​ດົນຕີ ສາມາດ​ເຮັດໃຫ້​ການ​ເຮັດ​ວຽກງານ​ຂອງ​ລະບົບ​ປະສາດ, ອັດຕາ​ການ​ເຕັ້ນ​ຂອງ​ຫົວໃຈ ແລະ​ການ​ຫາຍ​ໃຈ​ຂອງ​ເດັກນ້ອຍ​ຫຼຸດລົງ. ດັ່ງ​ນັ້ນ​ເຫຼົ່າພໍ່ແມ່ຈົ່ງ​ຢ່າ​ເບິ່ງຂ້າມ​ພະລັງ​ສຽງ​ຂອງຕົວ​ເອງ ເນື່ອງ​ຈາກ​ເດັກນ້ອຍ​ອາດຈະ​ໄດ້ຮັບ​ການປະ​ໂລມ​ຈາກ​ສຽງເພງ​ຂອງ​ແມ່​ຮ້ອງ ເພາະ​ເຂົາເຈົ້າຄຸ້ນ​ເຄີຍ​ກັບ​ສຽງ​ຂອງ​ແມ່​ ແລະ ​ຈັງ​ຫວະ​ທີ່​ສະຫງົບ​ນັ້ນ​ເອງ.

  • ບັນ​ທຶກ​ສຽງ​ຮ້ອງ​ຂອງ​ລູກ​ນ້ອຍ​ແລ້ວ​ເປີດ​ໃຫ້​ພວກ​ເຂົາ​ຟັງ

Dr.Rivers ກ່າວວ່າ ບາງເທື່ອ​ເດັກນ້ອຍ​ກໍ​ມີ​ຄວາມ​ທຸກ ແລະ​ຮູ້ສຶກ​ຍາກ​ລຳ​ບາກ​ໃນ​ການ​ທີ່​ຈະ​ຕ້ອງ​ສະຫງົບ​ສະຕິ​ອາລົມ​ຂອງຕົວ​ເອງ ເຖິງວ່າ​ສິ່ງ​ທີ່​ເຮັດໃຫ້​ທ່ານ​ຮ້ອງ​ໄຫ້​ອາດຈະ​ເກີດ​ຈາກ​ການ​ທີ່​ຜ້າ​ອ້ອມ​ສົກກະປົກ ແລະ ​ໄດ້ຮັບ​ການ​ປ່ຽນ​ແລ້ວ​ກໍ​ຕາມ ການ​ບັນ​ທຶກ​ສຽງ​ຮ້ອງ​ຂອງ​ເດັກນ້ອຍ​ຕອນ​ທີ່​ພວກເຂົາ​ຮ້ອງ​ໄຫ້​ເອົາ​ໄວ້ ແລ້ວ​ເປີດ​ໃຫ້​ພວກ​ເຂົາ​ຟັງ​ຕອນ​ທີ່​ພວກເຂົາ​ຮ້ອງ​ໄຫ້.

ມັນ​ສາມາດ​ເຮັດໃຫ້​ລູກ​ນ້ອຍ​ຂອງ​ເຈົ້າ​ເກີດ​ຄວາມ​ສັບສົນ​ໄດ້​ຢ່າງ​ໜ້າ​ປະ​ຫຼາດ​ໃຈ ເມື່ອ​ພວກເຂົາ​ໄດ້ຍິນ​ສຽງ​ຂອງຕົວ​ເອງ​ຕອນ​ຮ້ອງ​ໄຫ້ ມັນ​ຈະ​ເຮັດໃຫ້​ພວກ​ເຂົາ​ຕື່ນ​ຂຶ້ນ​ຈາກ​ສິ່ງ​ທີ່​ກຳ​ລັງ​ເຮັດໃຫ້​ພວກ​ເຂົາ​ອາລົມ​ເສຍ​ໄດ້. ປົກກະຕິ​ແລ້ວ​ເດັກ​ນ້ອຍ​ມັກ​ຈະ​ສົນ​ໃຈ​ສິ່ງ​ອ້ອມຕົວ​ຫຼາຍ ຈົນ​ສາມາດ​ຊ່ວຍ​ໃຫ້​ຢຸດ​ການ​ຮ້ອງ​ໄຫ້​ໄດ້.

  • ປິດໄຟ

ເດັກ​ນ້ອຍ​ມັກ​ຈະ​ໃຊ້​ສຽງ​ ແລະ ​ແສງ​ໄຟ​ໃນ​ການ​ໃຊ້​ຊີວິດ​ປະຈຳ​ວັນ​ຫຼາຍ​ຈົນ​ເກີນ​ໄປ ເຊິ່ງຄວາມ​ຈິງ​ແລ້ວ​ເດັກນ້ອຍ​ເກີດໃໝ່​ນັ້ນ​ມັກ​ຈະ​ເຄີຍ​ຊິນ​ກັບ​ຄວາມ​ງຽບ​ ແລະ ​ຄວາມ​ມືດ​ມິດ​ໃນ​ມົດລູກ​ຂອງ​ແມ່​ຫຼາຍກວ່າ. ດັ່ງ​ນັ້ນ ເມື່ອ​ພວກ​ເຂົາ​ຮ້ອງ​ໄຫ້ ການ​ປິດ​ໄຟ​ອາດ​ເປັນຄືກັບ​​ການ​ປິດ​ກັ້ນ​ສິ່ງ​ກະຕຸ້ນ​ທັງ​ໝົດ​ທີ່​ອາດຈະ​ສາມາດ​ເຮັດໃຫ້​ພວກເຂົາ​ສະຫງົບ​ລົງ​ໄດ້.

  • ປ່ຽນ​ທິວທັດ

ຫາກ​ເຈົ້າ​ບໍ່​ສາມາດ​ປ່ຽນ​ຜູ້​ເບິ່ງ​ແຍງ​ເດັກ​ນ້ອຍ​ບໍ່​ໄດ້ ການ​ປ່ຽນ​ສະພາບ​ແວດ​ລ້ອມ ຫຼື ທິວທັດ​ໃຫ້​ແຕກ​ຕ່າງ​ອອກ​ໄປ​ຈາກ​ເດີມ ກໍ​ສາມາດ​ເຮັດໃຫ້​ເດັກນ້ອຍ​ຢຸດ​ຮ້ອງ​ໄຫ້​ໄດ້ ພຽງ​ແຕ່ຍ່າງ​ອອກ​ໄປ​ທີ່​ສວນ, ເຮືອນ ຫຼື ຊານ​ເຮືອນ ເທົ່ານີ້​ກໍ​ພຽງ​ພໍ​ແລ້ວ. ການ​ປ່ຽນ​ສະຖານ​ທີ່​ໃໝ່​ໃຫ້​ເດັກນ້ອຍ​ໂຟ​ກັດ ຖື​ເປັນ​ການ​ປ່ຽນ​ອາລົມ​ຂອງ​ພວກເຂົາ.

  • ປ້ອນ​ອາຫານ​ໃຫ້​ແກ່​ລູກ​ນ້ອຍ

ເມື່ອ​ລູກ​ນ້ອຍ​ຂອງ​ເຈົ້າ​ເລີ່ມຮ້ອງ​ໄຫ້ ສິ່ງທຳອິດ​ທີ່​ເຈົ້າ​ອາດຈະ​ເຮັດ​ກໍ​ຄື​ການ​ໃຫ້​ນົມ​ແກ່​ພວກເຂົາ ບໍ່​ວ່າ​ຈະໃຫ້​ຈາກ​ເຕົ້າ​ນົມ ​ຫຼື ຂວດ​ນົມ ແຕ່​ຜົນ​ລັບ​ອາດຈະ​ບໍ່​ໄດ້​ເປັນ​ຢ່າງ​ທີ່​ເຈົ້າ​ຄາດ​ຫວັງ​ເອົາ​ໄວ້ ແລະ ​ບາງເທື່ອ​ອາດຈະ​ສົ່ງ​ຜົນ​ເຮັດໃຫ້​ເກີດ​ການ​ດູດ​ນົມ​ທີ່​ຮຸນແຮງ ​ແລະ ​ບໍ່​ເປັນ​ລະບຽບ, ການ​ທີ່​ເດັກນ້ອຍ​ຫິວ​ຈົນ​ຮ້ອງ​ໄຫ້​ນັ້ນ​ສະແດງ​ວ່າ​ມັນ​ຊ້າເກີນ​ໄປ​ແລ້ວ​ທີ່​ຈະ​ເຮັດໃຫ້​ພວກເຂົາ​ຢຸດ​ຮ້ອງ​ໄຫ້​ໄດ້.

ດັ່ງ​ນັ້ນ ​ພໍ່​ແມ່​ມື​ໃໝ່​ຄວນ​ຈະ​ສັງເກດ​ພຶດຕິກຳ​ຂອງ​ລູກ​ວ່າ​ກຳ​ລັງ​ສົ່ງ​ສັນຍາ​ນວ່າ​ພວກເຂົາ​ກຳ​ລັງ​ຫິວ​ຢູ່ ​ຫຼື ບໍ່ ໂດຍ​ພວກ​ເຂົາ​ມັກ​ຈະ​ສົ່ງ​ສັນຍານ​ທີ່​ບົ່ງ​ບອກ​ຄວາມ​ຫິວ​ດ້ວຍ​ການ​ດູດ​ມື ຫຼື ເອົາ​ມື​ຖືກ​ທີ່​ຫົວນົມ​ຂອງ​ແມ່​ແຮງ​ໆ ນັ້ນ​ເອງ.

  • ພະຍາຍາມ​ຈຳແນກ​ສຽງ​ຮ້ອງ​ໄຫ້​ໃຫ້​ອອກ

ໂດຍ​ທົ່ວ​ໄປ​ແລ້ວ​ສຽງ​ຮ້ອງ​ທີ່​ມີ​ສຽງ​ແຫຼມ ​ແລະ ​ຍາວ​ຢ່າງ​ກະ​ທັນ​ຫັນ ມັກ​ຈະ​ໝາຍ​ເຖິງ​ຄວາມ​ເຈັບ​ປວດ. ໃນ​ຂະນະ​ທີ່​ສຽງ​ຮ້ອງ​ສັ້ນ​ໆ, ສຽງ​ຕ່ຳ ທີ່​ດັງ​ຂຶ້ນ​ ແລະ ​ລົງ ຈະ​ບົ່ງ​ບອກ​ເຖິງ​ຄວາມ​ຫິວ​. ແຕ່​ບາງເທື່ອ​ມັນ​ກໍ​ບໍ່​ແມ່ນແບບ​ນັ້ນ​ສະເໝີ​ໄປ. ສຳລັບ​ເດັກ​ເດັກນ້ອຍ ການ​ຮ້ອງ​ໄຫ້​ເປັນ​ເລື່ອງ​ຂອງ​ແຕ່​ລະ​ບຸກ​ຄົນ ໂດຍ​ມີ​ສ່ວນ​ກ່ຽວ​ຂ້ອງ​ກັບ​ອາລົມ. ຫາກ​ເຈົ້າ​ພະຍາຍາມ​ສັງເກດ ​ແລະ ​ຟັງ​ສຽງ​ຮ້ອງ​ໄຫ້​ຂອງ​ລູກ​ນ້ອຍ​ທຸກ​ມື້ ເຈົ້າ​ຈະ​ເລີ່ມຈຳແນກ​ສຽງ​ຮ້ອງ​ໄຫ້​ຂອງ​ພວກ​ເຂົາ​ໄດ້​ວ່າ​ພວກເຂົາ​ກຳ​ລັງ​ຕ້ອງ​ການ​ຫຍັງ.

  • ສັງເກດ​ພຶດຕິກຳ​ຂອງ​ລູກ​ນ້ອຍ

ບາງເທື່ອ​ພຶດຕິກຳ​ຂອງ​ລູກ​ນ້ອຍ​ກໍ​ສາມາດ​ບອກ​ຄວາມ​ຂອງ​ຕ້ອງ​ການ​ຂອງ​ພວກເຂົາ​ໄດ້​ຢ່າງ​ຊັດເຈນ ເຊັ່ນ: ການສີຕາ ​ຫຼື ຫາວ ນັ້ນ​ໝາຍ​ຄວາມ​ວ່າ​ພວກເຂົາ​ກຳ​ລັງ​ເມື່ອຍ. ແຕ່​ຄວາມ​ຈິງ​ແລ້ວ ພໍ່ແມ່ມື​ໃໝ່​ຄວນ​ຈະ​ຕ້ອງ​ສັງເກດ​ພຶດຕິກຳ​ຕ່າງ​ໆ ຢ່າງ​ໃກ້​ຊິດ​ໃນ​ໄລຍະ​ເວລາ​ຕ່າງ​ໆ ຂອງ​ມື້ ບໍ່​ວ່າ​ຈະ​ເປັນ ການ​ເຄື່ອນ​ໄຫວ​ຂອງ​ຮ່າງກາຍ, ຕຳແໜ່ງ, ການ​ສະແດງ​ອອກ​ທາງ​ສີ​ໜ້າ ແລະ ​ສຽງ​ຮ້ອງ ເພື່ອ​ຮຽນ​ຮູ້​ພຶດຕິກຳ​ທີ່​ບົ່ງ​ບອກ​ຄວາມ​ຕ້ອງ​ການ​ຂອງ​ພວກເຂົາ.

ເດັກນ້ອຍ​ແຕ່​ລະ​ຄົນ​ຈະ​ມີ​ເອກ​ະລັກ​​ສະເພາະຕົວ. ດັ່ງ​ນັ້ນ ຢ່າ​ຄິດວ່າ​ພຶດຕິກຳ​ຂອງ​ລູກ​ຄົນທຳອິດ ​ແລະ ​ຄົນທີ 2 ຈະ​ຄືກັນ​ສະເໝີ​ໄປ. ເຈົ້າ​ຈຳ​ເປັນ​ຈະ​ຕ້ອງ​ໃຈ​ເຢັນ​ໆ ແລະ ​ສັງເກດ​ພຶດຕິກຳ​ຂອງ​ພວກເຂົາ.

  • ສິ່ງ​ທີ່ພໍ່ແມ່ມື​ໃໝ່​ຄວນ​ເຮັດ ເມື່ອ​ລູກ​ນ້ອຍ​ຮ້ອງ​ໄຫ້​ບໍ່​ຍອມ​ຢຸດ  

ແນ່ນອນ​ວ່າ​ເມື່ອ​ລູກ​ນ້ອຍ​ຮ້ອງ​ໄຫ້​ໜັກ​ເຂົ້າ​ແບບ​ບໍ່​ຍອມ​ຢຸດ ນອກ​ຈາກ​ຈະ​ສ້າງ​ຄວາມ​ກັງ​ວົນ​ໃຈ​ໃຫ້​ກັບພໍ່ແມ່ມື​ໃໝ່​ແລ້ວ ບາງເທື່ອ​ຍັງ​ເຮັດໃຫ້​ເກີດ​ພາ​ວະ​ເຄັ່ງຄຽດ​ຂຶ້ນ​ມາ​ໄດ້​ອີກ​ດ້ວຍ. ດັ່ງ​ນັ້ນ ຫາກ​ລູກ​ນ້ອຍ​ບໍ່​ຍອມ​ຢຸດ​ຮ້ອງ​ໄຫ້​ແທ້ໆ ພໍ່ແມ່ມື​ໃໝ່​ອາດຈະ​ຕ້ອງ​ຈັດການ​ກັບຕົວ​ເອງ​ດ້ວຍ​ວິທີ​ຕ່າງ​ໆ ເຫຼົ່າ​ນີ້ ກ່ອນທີ່ຈະກັບໄປ​ຈັດການ​ອອຍ​ລູກ​ນ້ອຍ​ໃຫ້​ຢຸດ​ຮ້ອງ​ໄຫ້.

  • ຈັດການ​ກັບ​ຄວາມເຄັ່ງຄຽດ

ແນ່ນອນ​ວ່າ​ເມື່ອ​ລູກ​ຮ້ອງ​ໄຫ້​ບໍ່​ຍອມ​ຢຸດ ກໍ​ອາດຈະ​ເຮັດໃຫ້​ແມ່ເກີດ​ຄວາມເຄັ່ງຄຽດ​ໄດ້. ດັ່ງ​ນັ້ນ ການ​ອອກ​ກຳ​ລັງ​ກາຍ​ຈຶ່ງ​ຖື​ເປັນ​ເລື່ອງ​ທີ່​ແມ່ຄວນ​ເຮັດ ເພາະ​ເມື່ອ​ອອກ​ກຳ​ລັງ​ກາຍ​ແລ້ວ ຮ່າງກາຍ​ຈະ​ປ່ອຍຮໍໂມນ​ເອນດໍຟິນ (Endorphin) ເຊິ່ງເປັນ​ຮ​ໍ​ໂມນ​ທີ່​ເຮັດໃຫ້​ອາລົມ​ດີ​ຂຶ້ນ.

ນອກ​ຈາກ​ນີ້​ເຈົ້າ​ຍັງ​ຕ້ອງ​ບ່ຽງຄວາມ​ສົນ​ໃຈ​ທີ່​ມີ​ຕໍ່​ລູກ​ນ້ອຍ ເພື່ອ​ຫັນ​ມາ​ໃຫ້​ຄວາມ​ສົນ​ໃຈ​ກັບ​ຮ່າງກາຍຕົວ​ເອງ​ໄລຍະໜຶ່ງ ເພື່ອຈະ​ໄດ້​ຄວບ​ຄຸມ​ຮ່າງກາຍ​ເວລາ​ອອກ​ກຳ​ລັງ​ກາຍ​ໄດ້. ເມື່ອ​ແມ່ໄດ້​ຜ່ອນຄາຍ​ຄວາມເຄັ່ງຄຽດ​ລົງ ກໍ​ຈະ​ເຮັດໃຫ້​ເຈົ້າ​ພ້ອມ​ທີ່​ຈະ​ກັບ​ເຂົ້າ​ສູ່​ການ​ຕໍ່ສູ້​ ແລະ ​ຈັດການ​ກັບ​ການ​ຮ້ອງ​ໄຫ້​ຂອງ​ລູກ​ນ້ອຍ​ໄດ້​ຢ່າງ​ສະຫງົບ.

  • ອອກຈາກ​ເຮືອນ

ປົກກະຕິ​ແລ້ວ​ແມ່ມື​ໃໝ່​ສ່ວນ​ໃຫຍ່​ອາດຈະ​ເປັນ​ກັງ​ວ​ົນວ່າ ຫາກ​ພາ​ລູກ​ທີ່​ກຳ​ລັງ​ຮ້ອງ​ໄຫ້​ໄປ​ຍ່າງ​ໃນ​ສວນ​ສາທາລະນະ​ຈະ​ສ້າງ​ຄວາມ​ລຳຄານ​ໃຫ້​ກັບ​ຜູ້​ອື່ນ, ແຕ່​ຄວາມ​ຈິງ​ແລ້ວ​ເຈົ້າ​ຄວນ​ພາ​ລູກ​ນ້ອຍ​ອອກ​ໄປ​ຂ້າງ​ນອກ ​ແລະ ​ຮັບ​ອາ​ກາດ​ບໍລິສຸດ​ຈະ​ດີກວ່າ ເຖິງວ່າ​ເດັກນ້ອຍ​ຈະ​ຍັງ​ຮ້ອງ​ໄຫ້​ກໍ​ຕາມ. ການເຮັດແບບ​ນີ້​ມັນ​ຈະ​ດີກວ່າ​ຕອນ​ທີ່​ເຈົ້າ​ນອນ​ຢູ່ໃນ​ເຮືອນ ເພາະ​ເປັນ​ການ​ຊ່ວຍຫຼຸດ​ຄວາມເຄັ່ງຄຽດ​ຂອງຜູ້ເປັນແມ່ລົງ.

  • ອອຍຕົວ​ເອງ​ກ່ອນ

ແນ່ນອນ​ວ່າ​ການ​ລ້ຽງ​ລູກ​ນັ້ນ​ສາມາດ​ສົ່ງ​ຜົນ​ເຮັດໃຫ້​ແມ່ເກີດ​ຄວາມເຄັ່ງຄຽດ​ໄດ້ ບາງເທື່ອ​ການ​ເປີດເພງ​ເພື່ອ​ອອຍ​ລູກ ກໍ​ຕ້ອງ​ຖືກ​ນຳ​ມາ​ໃຊ້ອອຍຕົວ​ແມ່ເອງ​ເຊັ່ນ​ກັນ. ຖ້າ​ການ​ຮ້ອງ​ໄຫ້​ຂອງ​ລູກໜັກ​ຫຼາຍ, ເຈົ້າ​ອາດຈະ​ຕ້ອງປ່ອຍ​ໃຫ້​ພວກເຂົານອນ​ຮ້ອງ​ໄຫ້​ໃນ​ເປ ແລະ ເອົາຕົວເອງ​ອອກ​ມາ​ຟັງເພງ​ໃນ​ຫ້ອງ​ງຽບ​ໆ ຄົນ​ດຽວ ເພື່ອ​ທີ່​ຈະ​ໄດ້​ຮູ້ສຶກ​ຜ່ອນ​ຄາຍ ​ແລະ ປຸກ​ຄວາມ​ອົດ​ທົນ​ຂຶ້ນ​ມາ​ອີກ​ເທື່ອ.

ການ​ຫຼີກ​ໜີ​ຈາກ​ສຽງ​ຮ້ອງ​ໄຫ້​ຂອງ​ລູກ​ນ້ອຍ​ໄປ​ຢູ່ໃນ​ທີ່​ງຽບ​ໆ ຈັກ 2-3 ນາ​ທີ ສາມາດ​ເຮັດໃຫ້​ແມ່ຢຸດ​ຫົວໝຸນ​ ແລະ ຫຼຸດ​ການ​ເຕັ້ນ​ຂອງ​ຫົວໃຈ​ທີ່​ແຮງ​ລົງ​ໄດ້ ເມື່ອ​ແມ່ຮູ້ສຶກ​ສະຫງົບ​ແລ້ວ ຈຶ່ງ​ຄ່ອຍ​ກັບ​ໄປ​ພະຍາຍາມ​ອອຍ​ລູກ​ນ້ອຍ​ທີ່​ກຳ​ລັງ​ຮ້ອງ​ໄຫ້​ຢູ່​ອີກ​ເທື່ອ.

  • ສ້າງ​ສຽງຫົວ

ການຫົວ​ມີ​ປະໂຫຍດ​ສຳລັບ​ທຸກ​ຄົນທີ່​ກຳ​ລັງ​ຮູ້ສຶກ​ບໍ່​ສະບາຍ​ໃຈ ໂດຍ​ສະເພາະ​ແມ່ມື​ໃໝ່​ທີ່​ມັກ​ຈະ​ຕ້ອງ​ຮັບ​ມື​ກັບ​ການ​ຮ້ອງ​ໄຫ້​ຂອງ​ລູກ​ນ້ອຍ​ໃນ​ເວລາ​ດຽວ​ກັນ​ທຸກ​ເຊົ້າ ໃນ​ຂະນະ​ທີ່​ເຈົ້າ​ກຳ​ລັງຫຍຸ້ງ. ລອງ​ຫາ​ກາ​​ຕູນ​ຜ່ອນຄາຍຄວາມເຄັ່ງຄຽດ​ມາ​ອ່ານ​ໃຫ້​ຮູ້ສຶກ​ມ່ວນ​ທີ່ສຸດ​ເທົ່າ​ທີ່​ຈະ​ເຮັດ​ໄດ້ ເພາະ​ມັນ​ຈະ​ເຮັດໃຫ້​ເຈົ້າ​ຜ່ອນຄາຍຄວາມເຄັ່ງຄຽດ, ບໍ່​ຮູ້ສຶກ​ຫົດ​ຫູ່ ຫຼື ວິ​ຕົກ​ກັງ​ວົນ​ອີກ​ດ້ວຍ.

  • ຫາຍ​ໃຈ​ເລິກ​ໆ

Jana Davis ນັກ​ບຳ​ບັດ​ພະຍາດ ​ແລະ ​ແມ່ມື​ໃໝ່​ຈາກ​ນໍຟອກ, ລັດເວີ​ຈິ​ເນຍ ສະ​ຫະລັດ​ອ​າເມ​ລິ​ກາ ພົ​ບວ່າ ບໍ່​ແມ່ນ​ພຽງ​ການ​ຮ້ອງ​ໄຫ້​ຂອງ​ເດັກນ້ອຍ​ເທົ່າ​ນັ້ນ​ທີ່​ເຮັດໃຫ້​ແມ່ຮູ້ສຶກ​ບໍ່​ສະບາຍ​ໃຈ ແຕ່​ການ​ນອນ​ຫຼັບ​ບໍ່​ພຽງ​ພໍ, ຮໍໂມນ​ທີ່​ປ່ຽນ​ແປລງ​ຢ່າ​ງວ່ອງໄວ ແລະ​ ບົດ​ບາດ​ໃໝ່​ໃນ​ການ​ເປັນ​ແມ່ ກໍ​ສາມາດ​ເຮັດໃຫ້​ຮູ້ສຶກເຄັ່ງຄຽດ​ ແລະ ​ວິ​ຕົກ​ກັງ​ວົນ​ໄດ້​ເຊັ່ນ​ກັນ.

ການ​ໃຊ້​ເຕັກ​ນິກ​ການ​ຫາຍ​ໃຈ​ເຂົ້າ​ມາ​ຊ່ວຍ ດ້ວຍ​ການ​ນັ່ງ​ຫຼັບ​ຕາ ແລະ ​ໃຊ້​ມື​ທັງ 2 ຂ້າງ​ວາງ​ໄປ​ເທິງ​ທ້ອງ ຈາກ​ນັ້ນ​ຫາຍ​ໃຈ​ເຂົ້າ​ຊ້າ​ໆ ແລະ ​ເລິກ​ໆ ໃຫ້​ມື​ຮູ້ສຶກ​ໄດ້​ວ່າ​ໜ້າ​ທ້ອງ​ກຳ​ລັງ​ຍຸບ​ລົງ, ການ​ຫາຍ​ໃຈ​ແບບ​ນີ້​ຈະ​ຊ່ວຍ​ຜ່ອນ​ຄາຍ ທັງ​ຍັງ​ສາມາດ​ຄວບ​ຄຸມ​ຄວາມ​ຮູ້ສຶກ​ຂອງຕົວ​ເອງ​ໄດ້​ອີກ​ດ້ວຍ.


ບົດຄວາມໂດຍ: https://hellokhunmor.com/

Advertisement Replay Ad
ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ