ວັນເສົາ ທີ 31 ຕຸລາ 2020

ເປີດໂຕ "ມິຊລິນ ອາຈິລິສ 3" ເຈາະຕະຫຼາດຢາງລົດບັນທຸກຂະໜາດນ້ອຍເພື່ອການພານິດທີ່ຂະຫຍາຍໂຕສູງ

ເປີດໂຕ "ມິຊລິນ ອາຈິລິສ 3" ເຈາະຕະຫຼາດຢາງລົດບັນທຸກຂະໜາດນ້ອຍເພື່ອການພານິດທີ່ຂະຫຍາຍໂຕສູງ

ມິຊລິນ ອາຈິລິສ 3” ໃໝ່ເປີດໂຕບຸກເຈາະຕະຫຼາດຢາງລົດບັນທຸກຂະໜາດນ້ອຍເພື່ອການພານິດທີ່ມີໂອກາດຂະຫຍາຍໂຕສູງ ນຳສະເໜີການແກ້ໄຂບັນຫາທີ່ເໜືອກວ່າ ພາຍໃຕ້ສະໂລແກນ “ປອດໄພກວ່າເກົ່າ ແລະ ປອດໄພດົນກວ່າເກົ່າ”

ມິຊລິນຜູ້ນຳດ້ານນະວັດຕະກຳ ແລະ ເຕັກໂນໂລຊີຢາງລົດລະດັບໂລກ ເປີດໂຕ ມິຊລິນ ອາຈິລິສ 3 (MICHELIN Agilis 3) ຢາງລົດກະບະ ແລະ ລົດຕູ້ລຸ້ນຫຼ້າສຸດ ທີ່ອອກແບບມາເພື່ອເຈາະຕະຫຼາດກຸ່ມຜູ້ໃຊ້ລົດສຳລັບຂົນສົ່ງຄົນ ຫຼື ສິນຄ້າປະເພດວຽກບັນທຸກເບົາ (Light Load Segment) ຊຶ່ງເປັນຕະຫຼາດຂະໜາດໃຫຍ່ ທີ່ມີປະສິດທິພາບໃນການຂະຫຍາຍໂຕສູງ. ຢາງລົດລຸ້ນນີ້ໂດດເດັ່ນດ້ວຍການນຳສະເໜີການແກ້ໄຂບັນຫາທີ່ເໜືອກວ່າທຸກດ້ານ ທັງດ້ານຄວາມປອດໄພ,​ ປະສິດພາບ ແລະ ຄວາມເປັນມິດກັບສິ່ງແວດລ້ອມ.

ທ່ານ ເຊນ ແຊດເດີຕັນ (Shane Chadderton) ຫົວໜ້າຝ່າຍການຕະຫຼາດແບບທຸລະກິດຫາທຸລະກິດ (B2B Marketing) ຝ່າຍການສັນຈອນໃນຕົວເມືອງປະຈຳ ອາຊິຕາເວັນອອກສຽງໃຕ້ ແລະ ໂອເຊຍເນຍເປີດເຜີຍວ່າ “ຢາງມິຊລິນ ອາຈິລິສ 3 ພັດທະນາຂຶ້ນພາຍໃຕ້ພັນທະສັນຍາຂອງແບຣນ ມິຊລິນ ໃນເລື່ອງປະສິດທິພາບ ແລະ ຄວາມປອດໄພທີ່ໃຊ້ໄດ້ຍາວນານ. (Performance and Safety Made to Last) ໂດຍມາພ້ອມນະວັດຕະກຳທາງເຕັກໂນໂລຊີທີ່ໂດດເດັ່ນ ເພື່ອປະສິດທິພາບທີ່ຍາວນານ, ຄວາມປອດໄພ ແລະ ຄວາມເປັນມິດຕໍ່ສິ່ງແວດລ້ອມຂັ້ນສູງ. ປັດໄຈເຫຼົ່ານີ້ ບໍ່ພຽງແຕ່ເຮັດໃຫ້ຢາງລົດລຸ້ນນີ້ມີຂໍ້ໄດ້ປຽບທາງດ້ານການແຂ່ງຂັ້ນທາງທຸລະກິດທີ່ເໜືອກວ່າຄູ່ແຂ່ງໃນຕະຫຼາດດຽວກັນ, ແຕ່ຍັງຢັ້ງຢືນເຖິງຄວາມມຸ່ງໝັ້ນຂອງມິຊລິນ ໃນເລື່ອງການຂັບເຄື່ອນສັນຈອນທີ່ຍືນຍົງກວ່າເກົ່າ ໂດຍພວກເຮົາວາງຈຸດຢືນໃຫ້ຢາງ ມິຊລິນ ອາຈິລິສ 3 ເປັນກົນໄກຂັບເຄື່ອນການເຕີບໃຫຍ່ຂອງການສັນຈອນໃນຕົວເມືອງຢ່າງຍືນຍົງ. ຍິ່ງໄປກວ່ານັ້ນຢາງທີ່ໄດ້ຮັບການພັດທະນາລຸ້ນຫຼ້າສຸດຍັງຢັ້ງຢືນເຖິງຈຸດຢືນທາງກົນລະຍຸດຂອງກຸ່ມບໍລິສັດ ມິຊລິນ ໃນເລື່ອງປະສິດພາບທີ່ຍືນຍົງ ເພື່ອສົ່ງເສີມໃຫ້ເກີດການສັນຈອນທີ່ມີປະສິດທິພາບ, ເຂົ້າເຖິງໄດ້ງ່າຍ, ສະອາດ ແລະ ປອດໄພຫຼາຍຍິ່ງຂຶ້ນ”.

ເຕັກໂນໂລຊີ ແລະ ຄຸນລັກສະນະເດັ່ນທີ່ສຳຄັນຂອງຢາງ ມິຊລິນ ອາຈິລິສ ໄດ້ແກ່ຕົວດີດຫິນ (Stone Ejectors), ແຖບນູນທາງຂວາງໃນຮ່ອງດອກຢາງທີ່ອອກແບບມາເພື່ອຫຼຸດບັນຫາເສດຫິນຕິດຕາມຮ່ອງດອກຢາງ ຊ່ວຍໃຫ້ລູກຄ້າເສຍເວລາໃນການສ້ອມແປງໜ້ອຍທີ່ສຸດ ແລະ ຫຼຸດຄ່າໃຊ້ຈ່າຍໃນການດຳເນີນທຸລະກິດ, ຕົວປ້ອງກັນແກ້ມຢາງ  (Sidewall Shields) ທີ່ມີຄວາມໜາ 1.5 ມິນລີແມັດ ຊຶ່ງບໍ່ມີໃນຢາງລຸ້ນກ່ອນໜ້ານີ້. ພ້ອມນີ້ຍັງຜະລິດຈາກເນື້ອຢາງທີ່ທົນທານຕໍ່ການຂັດຖູ ເພື່ອການປົກປ້ອງບໍລິເວນແກ້ມຢາງ ແລະ ໄຫລ່ຢາງເພີ່ມພິເສດໂດຍຍັງຄົງຮັກສາຄວາມຢືດຢຸ່ນຂອງໂຄງສ້າງຢາງເອົາໄວ້. ສານປະສົມທີ່ລຳ້ສະໄໝ (Innovative Compound) ທີ່ປະກອບຂຶ້ນດ້ວຍຊິລິກາ ແລະ ກາກບອນດຳ ປະລິມານໜາແໜ້ນກວ່າເກົ່າເພື່ອໃຫ້ປະສິດທິພາບດີຍິ່ງຂຶ້ນໃນການຢຶດເກາະຖະໜົນປຽກ, ປະຢັດເຊື້ອໄຟ ແລະ ໃຊ້ງານໄດ້ຍາວນານຂຶ້ນ, ​ຮ່ອງຢາງຮູບຕົວ U (U-Shape Grooves) ທີ່ຊ່ວຍເພີ່ມປະສິດທິພາບໃນການໄຫຼຜ່ານຂອງນໍ້າ ສົ່ງຜົນໃຫ້ປະສິດທິພາບການເກາະຖະໜົນປຽກຂອງຢາງດີຂຶ້ນຕະຫຼອດອາຍຸການໃຊ້ງານ, ຮອຍບາກເທິງໜ້າຢາງທີ່ມີຄວາມເລິກເຕັມທີ່ເທົ່າຮ່ອງດອກຢາງ (Full Depth Sipes) ຈະຊ່ວຍໃຫ້ບລ໋ອກດອກຢາງມີຄວາມຍືດຍຸ່ນດີ ສົ່ງຜົນໃຫ້ຢາງມີປະສິດທິພາບໃນການຢຶດເກາະຖະໜົນປຽກໃນລະດັບແນວໜ້າຂອງຕະຫຼາດ ທັງຕອນຢາງໃໝ່ ແລະ ຢາງໃກ້ໝົດດອກຢາງ. ນອກນັ້ນຍັງ ມີຕ່ອນຢາງເສີມກ້ອງດອກຢາງ (Undertread) ຊ່ວຍໃຫ້ອຸນຫະພູມໃນຂະນະທີ່ຢາງແລ່ນຢູ່ ເຢັນລົງ ເຊິ່ງເຮັດໃຫ້ປະຢັດນໍ້າມັນໄດ້ດີຍິ່ງຂຶ້ນ.

ເຕັກໂນໂລຊີ ແລະ ຄຸນລັກສະນະຂ້າງເທິງນີ້ເຮັດໃຫ້ຜູ້ໃຊ້ຢາງ ມິຊລິນ ອາຈິລິສ 3 ໄດ້ຮັບປະໂຫຍດທີ່ສຳຄັນ 3 ຢ່າງຄື: (1) ໄລຍະການເບຣກເທິງຖະໜົນປຽກທີ່ສັ້ນລົງ ໂດຍມີໄລຍະການເບຣກສັ້ນກວ່າຢາງຄູ່ແຂ່ງຊັ້ນນຳຕ່າງໆເຖິງ 5% ຫຼື ຄິດເປັນໄລຍະ 1.9 ແມັດ ສຳລັບຢາງໃໝ່ ແລະ 11% ຫຼື ຄິດເປັນໄລຍະທາງ 3.8 ແມັດ ສຳລັບຢາງໃກ້ໝົດດອກຢາງ1, ປະສິດທິພາບອາຍຸການໃຊ້ງານທີ່ເໜືອກວ່າ ໃຊ້ງານໄດ້ຍາວນານກວ່າຢາງລຸ້ນກ່ອນ ເຖິງ 25% ແລະ ຫຼຸດການເສຍເວລາໃນການສ້ອມແປງຢາງທີ່ເສຍຫາຍລົງ2 ແລະ ມີແຮງຕ້ານການໝຸນຂອງຢາງລົດທີ່ດີຂຶ້ນເຖິງ 12%3, ເຮັດໃຫ້ອັດຕາການສິ້ນເປືອງນ້ຳມັນຕໍ່າກວ່າ 90 ມິລີລິດຕໍ່ 100 ກິໂລແມັດ ແລະ ອັດຕາການປ່ອຍອາຍ CO2 ຕໍ່າກວ່າເຖິງ 228 ກຣາມ/100 ກິໂລແມັດ.

391745

ໂປຣໂມຊັນພິເສດສຳລັບລູກຄ້າຢູ່ ສປປ ລາວ! ຊື້ຢາງ Michelin Agilis 3 ຄົບ 4 ເສັ້ນ ຮັບຟຣີ ການຮັບປະກັນຕໍ່ຄວາມອັນຕະລາຍທີ່ເກີດຂຶ້ນຢູ່ຕາມທ້ອງຖະໜົນ ແລະ ຍັງມີສິດລຸ້ນໂຊກ ຮັບຢາງ 4 ເສັ້ນຟຣີ.​ ພຽງແຕ່ທ່ານ ຊື້ຢາງ Michelin Agilis 3 ທີ່ ສູນບໍລິການ ມວນຊົນ ຫຼື ຕົວແທນຈຳໜ່າຍຢາງ MICHELIN ທົ່ວປະເທດ ແລ້ວທ່ານຈະໄດ້ຮັບ QR CODE ເພື່ອໃຫ້ທ່ານລົງທະບຽນ ໃນການຮັບປະກັນ ແລະ ຍັງມີສິດລຸ້ນຮັບຢາງ 4 ເສັ້ນຟຣີ ຕັ້ງແຕ່ມື້ນີ້ຈົນເຖິງວັນທີ 30 ພະຈິກ 2020.​ ປະກາດຫາຜູ້ໂຊກດີຫຼັງເດືອນ ພະຈິກ 2020​.

ສາມາດຕິດຕໍ່ສອບຖາມຂໍ້ມູນເພີ່ມເຕີມກັບເງື່ອນໄຂແບບລະອຽດກັບ ບໍລິສັດ ມວນຊົນ ໄດ້ທີ່ເບີ 021265588

#MICHELINTYRE #MUANSONCOMPANY #ຮັບປະກັນ6ເດືອນນັບແຕ່ມື້ຊື້​ ​

1ການທົດສອບຢາງການເບຣກເທິງຖະໜົນປຽກ ດ້ວຍຄວາມໄວຈາກ 80 ເຖິງ 0 ກິໂລແມ້ດຕໍ່ຊົ່ວໂມງ, ທີ່ຈັດຂຶ້ນໂດຍ ບໍລິສັດ TUV Rheinland ປະເທດໄທ ຈຳກັດ, ຕາມຄຳຮ້ອງຂໍຂອງ Michelin, ໃນເດືອນ ມີຖຸນາ 2020 ດ້ວຍຢາງລົດຂະໜາດ 215/70R15C ທີ່ຕິດຕັ້ງໃສ່ກັບລົດ Toyota Hi-ace Commuter, ບັນທຸກນ້ຳໜັກ 2,950 ກິໂລກຼາມ GVW. ເປັນການປຽບທຽບຢາງ MICHELIN Agilis 3 ໃໝ່ ແລະ ຢາງທີ່ໃກ້ໝົດດອກຢາງແລ້ວ ກັບ ຢາງລົດຂອງຄູ່ແຂ່ງອື່ນໆອີກ ສາມ ຍີ່ຫໍ້. ຂໍ້ມູນອ້າງອິງການເບຣກເທິງຖະໜົນປຽກ ຈາກ ບໍລິສັດ TUV Rheinland ປະເທດໄທ ຈຳກັດ, ບົດລາຍງານດ້ານວິຊາການສະບັບເລກທີ 242107901 001. ຢາງທີ່ໃກ້ໝົດດອກຢາງທີ່ນຳມາທົດສອບມີຄວາມເລິກຂອງດອກຢາງເຫຼືອ 2 ມິລີແມັດ.

2ຜົນການທົດສອບເທິງຖະໜົນຈິງຢູ່ປະເທດໄທທີ່ຈັດຂຶ້ນພາຍໃນໂດຍ Michelin ໂດຍໄດ້ໃຊ້ຢາງ 215/70R15C ກັບລົດ Ford Ranger (ລົດກະບະ). ບັນທຸກນ້ຳໜັກ: ເພົາໜ້າ: 1446 ກິໂລກຼາມ / ເພົາຫຼັງ: 1443 ກິໂລກຼາມ. ດັດຊະນີອາຍຸການຫ້ຽນໄດ້ຖືກຄຳນວນໂດຍໃຊ້ຄ່າສະເລ່ຍ "Harmonic average“ ຂອງຢາງ 4 ເສັ້ນ ເທິງສົມມຸດຕິຖານທີ່ວ່າລູກຄ້າຜູ້ຊົມໃຊ້ຈະມີການສະລັບຢາງລົດເປັນປະຈຳ.

3ການທົດສອບແຮງຕ້ານການໝຸນຂອງຢາງລົດ ໄດ້ຈັດຂຶ້ນໂດຍ ສະຖາບັນ Thailand Automotive Institute ແລະ ຢັ້ງຢືນຜົນການທົດສອບໂດຍ ບໍລິສັດ TUV Rheinland ປະເທດໄທ ຈຳກັດຕາມຄຳຮ້ອງຂໍຂອງ Michelin, ໃນເດືອນ ທັນວາ 2019, ດ້ວຍຢາງລົດຂະໜາດ 215/70R15C. ປຽບທຽບລະຫວ່າງຢາງ MICHELIN Agilis 3 ກັບ ຢາງລົດຂອງຄູ່ແຂ່ງອື່ນໆ.

ກ່ຽວກັບມິຊລິນ

ມິຊລິນ ໃນຖານະຜູ້ນຳອຸດສະຫະກຳຢາງລົດ ມຸ່ງໝັ້ນການສົ່ງເສີມການສັນຈອນຂອງລູກຄ້າຢ່າງຍືນຍົງ ອອກແບບ ແລະ ຈັດຈຳໜ່າຍຢາງທີ່ເໝາະກັບການໃຊ້ງານຫຼາຍທີ່ສຸດ ຕະຫຼອດຈົນເຖິງການໃຫ້ບໍລິການ ແລະ ແກ້ໄຂບັນຫາກົງກັບຄວາມຕ້ອງການຂອງລູກຄ້າ ຊຶ່ງກວມເອົາການໃຫ້ບໍລິການທາງດ້ານດິຈິຕອນ, ແຜນທີ່ ແລະ ຄູ່ມືແນະນຳສະຖານທີ່ ທ່ອງທ່ຽວ ເພື່ອເຮັດໃຫ້ປະສົບການໃນການເດີນທາງທ່ອງທ່ຽວມີຄວາມແຕກຕ່າງບໍ່ຄືໃຜ. ລວມໄປເຖິງການພັດທະນາວັດສະດຸຕ່າງໆທີ່ໃຊ້ເຕັກໂນໂລຊີຂັ້ນສູງ ເພື່ອຕອບສະໜອງອຸດສາຫະກຳຕ່າງໆ. ສຳນັກງານໃຫຍ່ຂອງ ມິຊລິນ ຕັ້ງຢູ່ທີ່ເມືອງ ແກລມົງ-ແຟຣອງ ປະເທດ ຝຣັ່ງເສດ ແລະ ມີຕົວແທນຢູ່ໃນ 170​ ປະເທດ ໂດຍມີພະນັກງານຫຼາຍກວ່າ 127,000 ຄົນທົ່ວໂລກ ແລະ ມີໂຮງງານຜະລິດຢາງ 69 ແຫ່ງ ທີ່ສາມາດຮ່ວມກັນຜະລິດຢາງລົດໄດ້ເຖິງ 200 ລ້ານເສັ້ນໃນປີ 2019 (www.michelin.la)

Advertisement Replay Ad
ເຮັດແນວໃດດີ ເມື່ອຂ້ອຍຫຼົງຮັກໝູ່ຂອງຕົນເອງ?

ເຮັດແນວໃດດີ ເມື່ອຂ້ອຍຫຼົງຮັກໝູ່ຂອງຕົນເອງ?

ເປັນຫຍັງສະພາແຫ່ງຊາດຈຶ່ງມີສິດ ແລະ ໜ້າທີ່ໃນການຕີຄວາມໝາຍກົດໝາຍ?

ເປັນຫຍັງສະພາແຫ່ງຊາດຈຶ່ງມີສິດ ແລະ ໜ້າທີ່ໃນການຕີຄວາມໝາຍກົດໝາຍ?

ຢູ່ດີໆຄວາມຊົງຈໍາກໍຫາຍ "TGA" ກຸ່ມອາການສູນເສຍຄວາມຊົງຈໍາຊົ່ວຄາວ

ຢູ່ດີໆຄວາມຊົງຈໍາກໍຫາຍ "TGA" ກຸ່ມອາການສູນເສຍຄວາມຊົງຈໍາຊົ່ວຄາວ

ແຈກ 5 ເມນູ ໃຫ້ພໍ່ແມ່ຊວນລູກນ້ອຍເຂົ້າເຮືອນຄົວ ເຮັດອາຫານແຊບໆ ມ່ວນຊື່ນໝົດຄອບຄົວ

ແຈກ 5 ເມນູ ໃຫ້ພໍ່ແມ່ຊວນລູກນ້ອຍເຂົ້າເຮືອນຄົວ ເຮັດອາຫານແຊບໆ ມ່ວນຊື່ນໝົດຄອບຄົວ

ລວມວິທີ ທີ່ຈະຊ່ວຍໃຫ້ໜ້າທີ່ການງານຂອງເຮົາມີຄວາມໝັ້ນຄົງ

ລວມວິທີ ທີ່ຈະຊ່ວຍໃຫ້ໜ້າທີ່ການງານຂອງເຮົາມີຄວາມໝັ້ນຄົງ

ລວມ 6 ເຕັກນິກດີໆ ທີ່ສາມາດມັດໃຈພໍ່ແມ່ແຟນໄດ້

ລວມ 6 ເຕັກນິກດີໆ ທີ່ສາມາດມັດໃຈພໍ່ແມ່ແຟນໄດ້

ເປີດຕໍານານຍອດນັກສືບ Sherlock Holmes ຕົວລະຄອນຈາກນະວະນິຍາຍທີ່ມີຊື່ສຽງ ແລະ ໂດ່ງດັງໄປທົ່ວໂລກ

ເປີດຕໍານານຍອດນັກສືບ Sherlock Holmes ຕົວລະຄອນຈາກນະວະນິຍາຍທີ່ມີຊື່ສຽງ ແລະ ໂດ່ງດັງໄປທົ່ວໂລກ

ເປັນຫຍັງຈຶ່ງຕ້ອງໂຄສະນາ ເຜີຍແຜ່ ລັດຖະທໍາມະນູນ ແລະ ກົດໝາຍ?

ເປັນຫຍັງຈຶ່ງຕ້ອງໂຄສະນາ ເຜີຍແຜ່ ລັດຖະທໍາມະນູນ ແລະ ກົດໝາຍ?

ວັນໜຶ່ງຂ້ອຍຈະຕ້ອງລືມເຈົ້າໃຫ້ໄດ້ How to ເຮັດແນວໃດໃຫ້ລືມແຟນເກົ່າແບບຈົມດິນ

ວັນໜຶ່ງຂ້ອຍຈະຕ້ອງລືມເຈົ້າໃຫ້ໄດ້ How to ເຮັດແນວໃດໃຫ້ລືມແຟນເກົ່າແບບຈົມດິນ

ຮູ້ຈັກ 9 ນິໄສນ້ອຍໆທີ່ຈະປ່ຽນແປງໃຫ້ຊີວິດເຮົາດີຂຶ້ນ

ຮູ້ຈັກ 9 ນິໄສນ້ອຍໆທີ່ຈະປ່ຽນແປງໃຫ້ຊີວິດເຮົາດີຂຶ້ນ

ກ່ອນຈະມາເປັນນະຄອນຫຼວງວຽງຈັນ ແລະ ພະທາດຫຼວງທີ່ປວງຊົນລາວສັກກາລະບູຊາ

ກ່ອນຈະມາເປັນນະຄອນຫຼວງວຽງຈັນ ແລະ ພະທາດຫຼວງທີ່ປວງຊົນລາວສັກກາລະບູຊາ

ແຕ່ງໜ້າຫຼາຍ ພັກຜ່ອນໜ້ອຍ ກໍສາມາດມີຜິວຂາວສະຫວ່າງໃສໄດ້ ຕາມແບບ "ບາບີ້ ປິຍະມາດ"

ແຕ່ງໜ້າຫຼາຍ ພັກຜ່ອນໜ້ອຍ ກໍສາມາດມີຜິວຂາວສະຫວ່າງໃສໄດ້ ຕາມແບບ "ບາບີ້ ປິຍະມາດ"

ລວມຊ່ອງຝຶກພາສາອັງກິດໃຫ້ແກ່ລູກນ້ອຍຂອງທ່ານ

ລວມຊ່ອງຝຶກພາສາອັງກິດໃຫ້ແກ່ລູກນ້ອຍຂອງທ່ານ

ຜິວພັນດີຕ້ອງມີຕົວຊ່ວຍ! "ແກ້ວຕາ" ມີເຄັດລັບຜິວງາມສຸຂະພາບດີມາຝາກສາວລາວທຸກຄົນ

ຜິວພັນດີຕ້ອງມີຕົວຊ່ວຍ! "ແກ້ວຕາ" ມີເຄັດລັບຜິວງາມສຸຂະພາບດີມາຝາກສາວລາວທຸກຄົນ

ພາຮູ້ 30 ຂໍ້ກົດໝາຍທີ່ເປັນ "ການກະທຳຜິດຕໍ່ຄວາມສະຫງົບຂອງຊາດ"

ພາຮູ້ 30 ຂໍ້ກົດໝາຍທີ່ເປັນ "ການກະທຳຜິດຕໍ່ຄວາມສະຫງົບຂອງຊາດ"

ສຽງດັງເກີນ "ເປັນມົນລະພິດ" ພ້ອມທັງຜິດກົດໝາຍ ມີໂທດປັບໃໝເດີ

ສຽງດັງເກີນ "ເປັນມົນລະພິດ" ພ້ອມທັງຜິດກົດໝາຍ ມີໂທດປັບໃໝເດີ

ຮູ້ຈັກ "ບຸນກະຖິນ" ປະເພນີຂອງຄົນລາວທີ່ນິຍົມຈັດຂຶ້ນຫຼັງອອກພັນສາ

ຮູ້ຈັກ "ບຸນກະຖິນ" ປະເພນີຂອງຄົນລາວທີ່ນິຍົມຈັດຂຶ້ນຫຼັງອອກພັນສາ

ຄະລຳ 9 ຢ່າງທີ່ຄົນລາວບູຮານຫ້າມເຮັດເວລາໄປເຮືອນດີ ຫຼື ສົ່ງສະການຄົນຕາຍ ພ້ອມເຫດຜົນເບື້ອງຫຼັງ

ຄະລຳ 9 ຢ່າງທີ່ຄົນລາວບູຮານຫ້າມເຮັດເວລາໄປເຮືອນດີ ຫຼື ສົ່ງສະການຄົນຕາຍ ພ້ອມເຫດຜົນເບື້ອງຫຼັງ

7 ສິ່ງທີ່ບອກວ່າທ່ານຄືມະຫາເສດຖີຈາກ 1 ສະໝອງ 2 ມື!

7 ສິ່ງທີ່ບອກວ່າທ່ານຄືມະຫາເສດຖີຈາກ 1 ສະໝອງ 2 ມື!

Jump start - ຮູ້ຈັກກັບການຕໍ່ສາຍພ່ວງແບັດເຕີຣີລົດຍົນ ວິທີແກ້ບັນຫາເມື່ອແບັດໝົດ

Jump start - ຮູ້ຈັກກັບການຕໍ່ສາຍພ່ວງແບັດເຕີຣີລົດຍົນ ວິທີແກ້ບັນຫາເມື່ອແບັດໝົດ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ