ວັນຈັນ ທີ 2 ສິງຫາ 2021

ຮູ້ບໍວ່າ ສື່ສັງຄົມອອນລາຍເປັນດາບສອງຄົມທີ່ມີອິດທິພົນຕໍ່ພຶດຕິກຳຂອງໄວໜຸ່ມໃນປັດຈຸບັນ?

ຮູ້ບໍວ່າ ສື່ສັງຄົມອອນລາຍເປັນດາບສອງຄົມທີ່ມີອິດທິພົນຕໍ່ພຶດຕິກຳຂອງໄວໜຸ່ມໃນປັດຈຸບັນ?
S! Muan

ສະໜັບສະໜູນເນື້ອຫາ

ໃນ​ຍຸກ​ທີ່​ເຕັກ​ໂນ​ໂລ​ຢີ​ໄດ້​ຮັບ​ການ​ພັດ​ທະ​ນາ​ໄປ​ຢ່າງວ່ອງ​ໄວ ຄຽງ​ຄູ່​ກັບ​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ, ຂໍ້​ມູນ​ຂ່າວ​ສາ​ນ​ຈຶ່ງ​ກາຍ​ເປັນ​ສິ່ງ​ຈຳ​ເປັນ ແລະ ​ຖືກ​ຖ່າຍ​ທອດຢ່າງ​ວ່ອງ​ໄວ​ຜ່ານ social network (ເຄືອ​ຂ່າຍ​ທາງ​ສັງ​ຄົມ) ທີ່​ເອີ້ນ​ວ່າ “ສື່” ເພື່ອ​ທີ່​ຈະໄດ້​ຮັບ​ຮູ້​ເຫດ​ການ​ຕ່າງໆ​ທີ່​ເກີດ​ຂຶ້ນ​ທັງ​ພາຍ​ໃນ ແລະ ຕ່າງ​ປະ​ເທດ, ດ້ວຍ​ເຫດນີ້ “ສື່” ຈຶ່ງ​ເປັນ​ສິ່ງ​ທີ່​ທຸກ​ຄົນ​ສາ​ມາດ​ເຂົ້າ​ເຖິງ​ໄດ້​ງ່າຍ. 

ດັ່ງ​ທີ່​ເຮົາ​ໄດ້​ເຫັນ​ໃນ​ທຸກມື້ນີ້​ວ່າ​ມີ​ສື່ຫຼາກຫຼາຍ​ຮູບ​ແບບ​ເກີດ​ຂຶ້ນ​ປານດອກ​ເຫັດ, ເຊິ່ງ​ກໍ​ໄດ້​ນຳ​ສະ​ເໜີ​ທັງ​ສາ​ລະ​ຄວາມ​ຮູ້, ຄວາມ​ບັນ​ເທີງ​ທີ່​ໜ້າ​ສົນ​ໃຈ ແລະ ເປັນ​ປະ​ໂຫຍດ​ແກ່​ຜູ້​ຄົນ, ໂດຍ​ສະ​ເພາະ​ແມ່ນ “ສື່​ສັງ​ຄົມອອນລາຍ” ທີ່​ໄດ້ເຂົ້າ​ມາ​ມີ​ອິດ​ທິ​ພົນ​ຕໍ່​ການ​ດຳ​ລົງ​ຊີ​ວິດ​ຂອງ​ຄົນ​ໃນ​ສັງ​ຄົມ​ທຸກ​ເພດ​ທຸກ​ໄວ ແລະ ກາຍ​ເປັນ​ດາບ​ສອງ​ຄົມເມື່ອ​ໃຜ​ກໍ​ສາ​ມາດ​ສ້າງ​ສື່​ຂຶ້ນ​ມາ​ໄດ້, ມັນ​ຈຶ່ງ​ເປັນ​ເລື່ອງ​ຍາກ​ທີ່​ຈະ​ຄວບ​ຄຸມທັງ​ໃນ​ດ້ານ​ເນື້ອ​ຫາສາ​ລະ, ​ຄຸນ​ນະ​ພາບ​ຂອງພາບ ແລະ ສຽງ, ຄ​ວາມ​ໜ້າ​ເຊື່ອ​ຖື​ຂອງ​ຂໍ້​ມູນ, ຄວ​າມ​ເໝາະ​ສົມ​ຕໍ່​ຜູ້​ບໍ​ລິ​ໂພກ​ອັນ​ເກີດ​ຈາກ​ຄວາມ​ວ່ອງ​ໄວ​ໃນ​ການ​ນຳ​ສະ​ເໜີໂດຍ​ຂາດ​ການ​ກັ່ນ​ຕອງ ຈຶ່ງ​ເຮັດ​ໃຫ້​ເກີດ​ຄວາມ​ສັບ​ສົນ​ໃນ​ການ​ຮັບ​ຮູ້ຂໍ້​ມູນ ແລະ ​ນຳ​ໄປ​ສູ່ພຶດ​ຕິ​ກຳ​ຮຽນ​ແບບ​ທີ່ບໍ່​ຖືກ​ຕ້ອງ​ທັງ​ທີ່​ຮູ້​ຕົວ ແລະ ບໍ່​ຮູ້​ຕົວ. 

ເປັນ​ຫຍັງ​ຈຶ່ງ​ເວົ້າ​ວ່າ ສື່​ສັງ​ຄົມອອນລາຍ​ມີ​ອິດ​ທິ​ພົນ​ຕໍ່​ພຶດ​ຕິ​ກຳ​ຂອງ​ໄວ​ໜຸ່ມ? ນັ້ນ​ກໍ​ເພາະ​ໄວ​ໜຸ່ມ​ເປັນ​ໄວ​ທີ່​ຢູ່​ໃນໄລຍະທີ່​ມີ​ພັດ​ທະ​ນາ​ການ​ປ່ຽນແປ​ງ​ທາງ​ດ້ານ​ຮ່າງ​ກາຍ, ຈິດ​ໃຈ ແລະ ສະ​ໝອງ, ​ເຮັດ​ໃຫ້​ຕ້ອງ​ມີ​ການ​ປັບ​ຕົວ​ໃນຫຼາຍໆ​ດ້ານ​ພ້ອມ​ກັນ. ​ປະ​ກອບ​ກັບເວ​ລາ​ທີ່​​ບໍ​ລິ​ໂພກ​ສື່​ສັງ​ຄົມອອນລາຍ​ກໍ​ຈະ​ມີ​ຫຼາກຫຼາຍ​ສິ່ງ​ທີ່​ມາ​ກະ​ຕຸ້ນຄວາມ​​ສົນ​ໃຈ ແລະ ດ້ວຍ​ຄວາມ​ທີ່​ໄວ​ໜຸ່ມ​ເປັນ​ໄວ​ທີ່​ກຳ​ລັງ​ຄົ້ນ​ຫາ​ຕົ​ນ​ເອງ, ​ສະ​ແດງ​ອອກ​ໃນ​ຄວາມ​ເປັນ​ເອ​ກະ​ລັກ​ຂອງ​ຕົນ​ເອງ, ເລືອກອັດ​ຕະລັກ​ໃນ​ການ​ເປັນ​ຕົນ​ເອງວ່າ​ຢາກ​ເປັນ​ແບບ​ໃດ, ເຊິ່ງ​ພາຍ​ໃນ​ໃຈ​ເລິກໆ​ຂອງ​ພວກ​ເຂົາ​ເອງກໍ​ຢາກ​ເປັນ​ທີ່​ຍອມ​ຮັບ, ຢາກ​ມີ​ໝູ່, ມີ​ສັງ​ຄົມ ຈຶ່ງ​ເຮັດ​ໃຫ້​ເກີດ​ມີ​ພຶດ​ຕິ​ກຳ​ຮຽນ​ແບບ​ເພື່ອ​ທີ່​ຈະ​ກາຍ​ເປັນ​ທີ່ຍອມ​ຮັບ, ນີ້​ຈຶ່ງ​ເປັນ​ເລື່ອງ​ທີ່​ໜ້າກັງ​ວົນ​ຕໍ່​ໄວ​ໜຸ່ມ​ໃນ​ປັດ​ຈຸ​ບັນ​​ທີ່​ໄດ້ບໍ​ລິ​ໂພກ​ສື່​​ສັງ​ຄົມອອນລາຍເພີ່ມຫຼາຍ​​ຂຶ້ນ ​ຈົນ​ນຳໄປ​ສູ່​ພຶດ​ຕິ​ກຳ​ຮຽນ​ແບບ​ທີ່​ພາ​ໃຫ້​ເກີດ​ບັນ​ຫາ​ຕ່າງໆ​ຕາມ​ມາ. 

​ດ້ວຍ​ຄ່າ​ນິ​ຍົມ​ທາງ​ສັງ​ຄົມ​ໃນ​ປັດ​ຈຸ​ບັນ​ທີ່​ໄວ​ໜຸ່ມ​ສ່ວນ​ໃຫຍ່​ຫັນ​ມານຳ​ໃຊ້ສະມາດໂຟນ (Smartphone) ຈຶ່ງ​ເຮັດ​ໃຫ້​ເຂົ້າ​ເຖິງ​ສື່​ສັງ​ຄົມອອນລາຍ​ໄດ້​ງ່າຍ​ຂຶ້ນ, ມີ​ພື້ນ​ທີ່​ສະ​ແດງ​ອອກ​ທາງ​ຄ​ວາມ​ຄິດ​ທີ່​ເປີດກວ້າງຫຼາຍ​ຂຶ້ນ, ​ມີ​ໂອ​ກາດ​ໄດ້​ຮຽນ​ຮູ້​ສິ່ງ​ຕ່າງໆ​ທີ່​ສົນ​ໃຈ, ນຳ​ໄປ​ສູ່​ການ​ຮຽນ​ແບບ​ເພື່ອ​ໃຫ້ໄດ້​ເປັນ​ທີ່ຍອມ​ຮັບ​ຈາກ​ໝູ່​ເພື່ອນໃນ​ຄ​ອບ​ຄົວ ແລະ ​ໃນ​ສັງ​ຄົມອອນລາຍ ຟັງ​ເບິ່ງ​ແລ້ວນັ້ນ​ອາດ​ເປັນ​ເລື່ອງ​ດີ, ໂດຍ​ສື່​ດັ່ງ​ກ່າວນັ້ນ​ກໍ​ປະ​ກອບ​ມີ Facebook, IG, TikTok, Line, YouTube, Twitter ແລະ ອີກຫຼາກຫຼາຍ​​ແອັບພລິ​ເຄ​ຊັ່ນ​ທີ່​ໄດ້​ກາຍ​ມາ​ເປັນ​ພື້ນ​ທີ່​ສະ​ແດງ​ອອກ​ທາງ​ຄວາມ​ຄິດ, ສະ​ແດງຕົວ​ຕົນ, ​ໂອ້​ລົມ​ສົນ​ທະ​ນາ​​ ແລະ ​ທຳ​ຄວາມຮູ້​ຈັກ​ກັນຂອງ​ໄວ​ໜຸ່ມ, ແຕ່​ມັນ​ກໍ​ອາດ​ນຳ​ມາ​ສູ່​ການ​ສະ​ແດງ​ພຶດ​ຕິ​ກຳ​ທີ່​ພາ​ໃຫ້​ເກີດຄວາມ​ສ່ຽງ ​ເຊິ່ງ​ມີ​ຜົນ​ມາ​ຈາກ​ສື່​ສັງ​ຄົມອອນລາຍ​ອັນ​ເປັນ​ໜຶ່​ງ​ສ່ວນ​ສຳ​ຄັນ​ທີ່​ມີ​ອິດ​ທິ​ພົນ​ຕໍ່​ພຶດ​ຕິ​ກຳ​ຂອງ​ໄວ​ໜຸ່ມ​ຢ່າງ​ປະ​ຕິ​ເສດບໍ່​ໄດ້. 

ເນື່ອງ​ມາ​ຈາກ​ສື່​ສັງ​ຄົມອອນລາຍ​ນັ້ນ​ໄດ້​ມີ​ອິ​ດ​ທິ​ພົນ​ຕໍ່​ກັບ​ຄົນ​ເຮົາ​ຕັ້ງ​ແຕ່​ຄວາມ​ຮູ້​ສຶກ​ນຶກ​ຄິດ, ການ​ຮັບ​ຮູ້ ແລະ ເຂົ້າ​ໃຈ​ສິ່ງ​ຕ່າງໆ ໄປ​ຈົນ​ເຖິງ​ພຶດ​ຕິ​ກຳ​ທີ່​ສະ​ແດງ​ອອກ​ມາ, ເຊິ່ງສິ່ງ​ເຫຼົ່າ​ນີ້​ມັນ​ໄດ້​ສົ່ງ​ຜົນ​ຕໍ່​ວິ​ທີ​ຄິດ, ການ​ໃຊ້​ຊີ​ວິດ, ພາ​ວະ​ທາງ​ອາ​ລົມ, ຄວາມຢັ້ງ​ຄິດ, ການ​ແກ້​ບັນ​ຫາ​ຕ່າງໆ, ການ​ສະ​ແດງ​ອອກ ແລະ ຕອບ​ໂຕ້​ຕໍ່​ສະ​ຖາ​ນະ​ການ​ຕ່າງໆ​ທີ່​ເກີດ​ຂຶ້ນ​ໃນ​ຊີ​ວິດ​​ຂອງ​ໄວ​ໜຸ່ມ ໂດຍ​ຈະ​ເຫັນ​ໄດ້​ຈາກ​ພຶດ​ຕິ​ກຳ​ຕ່າງໆ​ທີ່​ພວກ​ເຂົາສະ​ແດງ​ອອກ​ເຊັ່ນ:  

  • ​ຄ່າ​ນິ​ຍົມ​ໃນ​ການ​ແຕ່ງ​ໂຕ​ຕາມ​ກະ​ແສ​ສັງ​ຄົມ  
  • ການ​ໃຊ້​ຊີ​ວິດ, ການ​ຢູ່​ການ​ກິນ​ທີ່​ຂ້ອນ​ຂ້າງ​ສິ້ນ​ເປືອງ  
  • ການ​ມີ​ຊູ້​ມີ​ແຟນ​ທີ່​ນຳ​ໄປ​ສູ່​ການ​ມີ​ເພດ​ສຳ​ພັນ​ກ່ອນ​ໄວ​ອັນ​ຄວນ ດ້ວຍ​ຄວາມ​ຮູ້​ເທົ່າ​ບໍ່​ເຖິງ​ການ, ເຮັດ​ໃຫ້​ເກີດ​ມີການ​ຖື​ພາ​ໃນໄລຍະ​ອາ​ຍຸ​ທີ່ບໍ່​ທັນ​ບັນ​ລຸ​ນິ​ຕິ​ພາ​ວະ​ສົ່ງ​ຜົນ​ກະ​ທົບ​ຕໍ່​ທັງ​ຮ່າງ​ກາຍ​, ຈິດ​ໃຈ, ຄອບ​ຄົວ ແລະ ອະ​ນາ​ຄົດ​​ຂອງ​ພວກ​ເຂົາ 
  • ການຮຽນ​ແບບການ​ລ່ວງ​ລະ​ເມີດ​ທາງ​ເພດ​ທີ່​ພາ​ໃຫ້​ເກີດ​ເຫດ​ການ​ຕ່າງໆ ເຊິ່ງ​ເຫັນ​ໄດ້​ຈາກ​ຂ່າວ​ຂອງ​ປະ​ເທດ​ເພື່ອນ​ບ້ານ​ທີ່​ເຫດ​ການ​ດັ່ງ​ເກີດ​ຂຶ້ນ​ເກືອບ​ຈະ​ທຸກມື້ ​ 
  • ການ​ໃຊ້​ຄວາມ​ຮຸນ​ແຮງໃນ​ການ​ຕັດ​ສິນ​ບັນ​ຫາ, ​ກ້າ​ສະ​ແດງ​ອອກຫຼາຍ​ເກີນ​ໄປ ໂດຍ​ຂາດ​ການ​ຄິດ​ໄຕ່​ຕອງ​ນຳ​ໄປ​ສູ່​ການ​ໃຊ້​ກຳ​ລັງ​ຕີ​ກັນ, ທ້າ​ທາຍ, ຂົ່ມ​ຂູ່​ກັນ  
  • ​ມີ​ມະ​ນຸດ​ສຳ​ພັນ​ຕ່ຳ, ມີ​ໂລກ​ສ່ວນ​ຕົວ​ສູງ ເພາະ​ສົນ​ໃຈ​ແຕ່​ພຽງ​ໂລກອອນລາຍ​ເທິງ​ໜ້າ​ຈໍ​ມື​ຖື ຫຼື ຄອ​ມ​ພິວ​ເຕີ້ 
  • ເຫັນ​ຄວາມ​ສຳ​ຄັນ​ ແລະ ໄວ້​ວາງ​ໃຈ​ຄົນ​ແປກ​ໜ້າ​ໃນ​ສື່ອອນລາຍ​ຫຼາຍກວ່າ​ຄົນ​ໃນ​ຄອບ​ຄົວ ຈົນ​ພາ​ໃຫ້​ເກີດ​ການ​ຖືກ​ລໍ້​ລວງ​ໄປ​ໃນ​ທາງ​ທີ່ບໍ່​ດີ​ເປັນ​ຕົ້ນ  
  • ການ​ຂົ່ມເຫັງ​ຄົນ​ອື່ນ​ເພື່ອ​ຄວາ​ມ​ພໍ​ໃຈ​ຂອງ​ຕົນ​ເອງ ແລະ ໝູ່​ຄູ່ 
  • ​ຕິດ​ເກມ​ຈົນ​ສົ່ງ​ຜົນ​ກະ​ທົບ​ຕໍ່​ສຸ​ຂະ​ພາບ, ການ​ຮຽນ ແລະ ຄວາມ​ສຳ​ພັນ​ຕໍ່​ຜູ້​ຄົນ​ອ້ອມ​ຂ້າງ 
  • ການ​ຮຽນ​ແບບກິ​ລິ​ຍາ​ທ່າ​ທາງ​ໃນການ​ວາງ​ໂຕ​ຕໍ່​ກັ​ບ​ເພດ​ກົງ​ກັນ​ຂ້າມຈາກຄ່າ​ນິ​ຍົມ​ຕ່າງໆ​ທີ່​ເຫັ​ນ​ໃນ​ສື່​  
  • ການ​ເຂົ້າ​ເຖິງ​ສື່​ລາ​ມົ​ກ​ໄດ້​ໂດຍ​ງ່າຍ ຈົນ​ນຳ​ໄປ​ສູ່​ການ​ຮຽນ​ແບບ, ທົດ​ລອງ ແລະ ເກີດ​ບັນ​ຫາ​ຕ່າງໆ​ຕາມ​ມາ​ທັງ​ຕໍ່​ຕົນ​ເອງ ແລະ ຕໍ່​ສັງ​ຄົມ 
  • ກ​າ​ນ​ລອງເສບ​ສິ່ງ​ເສບ​ຕິດ​ທີ່​ເຫັນ​ໃນ​ສື່​ດ້ວຍ​ຄວາມ​ຄຶກ​ຄະ​ນອງ ​ເຮັດ​ໃຫ້​ເກີດ​ຜົນ​ຮ້າຍ​ຕ່າງໆ​ຕາມ​ມາ​ 
  • ການ​ມົ້ວ​ສຸມ​ສິ່ງ​ມຶນ​ເມົາ​ດ້ວຍ​ຄວາມ​ຢາກ​​ຮູ້​ຢາກລອງ ແລະ ຮຽນ​ແບບ​ໄວ​ຜູ້​ໃຫຍ່ 
  • ການ​ແຂ່ງ​ລົດດ້ວຍ​ຄວາມ​ຄຶກ​ຄະ​ນອງ ແລະ ຕ້ອງ​ການ​ໃຫ້​ຜູ້​ອື່ນຍອມ​ຮັບ​ໃນ​ຄວາມ​ສາ​ມາດ 

ບັນ​ຫາ​ທັງ​ໝົດ​ທີ່​ກ່າວ​ມາ​ນີ້​ນັບ​ມື້​ນັບ​ຮຸນ​ແຮງຫຼາຍ​ຂຶ້ນ ເຊິ່ງ​ເຮົາ​ບໍ່​ສາ​ມາດ​​ປ່ອຍ​ປະລະ​ເລີຍ​ໄດ້ ເພາະ​ໄວ​ໜຸ່ມ​ເຫຼົ່າ​ນັ້ນ​ກໍ​ຄື​ອະ​ນາ​ຄົດ​ຂອງ​ຊາດ, ​ເພາະ​ສະ​ນັ້ນ ສິ່ງ​ສຳ​ຄັນທີ່​ຈະ​ເຮັດ​ໃຫ້​ບັນ​ຫາ​ເຫຼົ່າ​ນີ້ຫຼຸດ​ໜ້ອຍ​ລົງ​ໄດ້​ກໍ​ຄື ຄອ​ບ​ຄົວ, ໂຮງ​ຮຽນ ແລະ ສັງ​​ຄົມ​ຄວນ​ຈະ​ອະ​ທິ​ບາຍ​ໃຫ້​ພວກ​ເຂົາ​ໄດ້​ຮັບ​ຮູ້, ເຂົ້າ​ໃຈເຖິງ​ປະ​ໂຫຍດ ແລະ ຜົນ​ເສຍ​ຂອງ​ສື່​ສັງ​ຄົມອອນລາຍ, ​ບອກ​ສອນໃຫ້​ຮູ້​ການບໍ​ລິ​ໂພກ ແລະ ຮັບ​ສື່​ທີ່​ຖືກ​ຕ້ອງ, ສ້າງ​ສັນ, ຮູ້​ຜົນ​ທີ່​ຈະ​ຕາມ​ມາ​ຫາກ​ນຳ​ໃຊ້​ສື່​ດັ່ງ​ກ່າວ​ຜິດ​ວິ​ທີ ເຊິ່ງ​ຄວນ​ໃຊ້​ວິ​ທີ​ບອກ​ກ່າວ​ໂອ້​ລົມ​ ແລະ ຕັກ​ເຕືອນ​ດ້ວຍ​ເຫດ​ຜົນ, ເປີດ​ໃຈ​ຮັບ​ຟັງ​ບັນ​ຫາ​ຂອງ​ເຂົາ​ເຈົ້າ​ໃຫ້ຫຼາຍ​ຂຶ້ນ, ໂດຍຫຼີກ​​ເວັ້ນ​ການ​ໃຊ້​ອາ​ລົມ, ຮ້າຍ​ດ່າ, ການ​ສັ່ງ​ຫ້າມ ແລະ ​ໃຊ້ຄວາມ​ຮຸນ​ແຮງ ເພາະ​ຈະ​ເຮັດ​ໃຫ້​​ເຂົາ​ເຈົ້າ​ເກີດ​ການ​ຕໍ່​ຕ້ານ ແລະ ທ້າ​ທາ​ຍ​ກໍ​ເປັນ​ໄດ້. ອີກ​ທັງ​ພາກ​ລັດ​ເອງ​ກໍ​ຄວນ​ສົ່ງ​ເສີມ​ໃຫ້​ໄວ​ໜຸ່ມ​ໄດ້​ມີ​ພື້ນ​ທີ່​ເຮັດ​ກິດ​ຈະ​ກຳ​​ຕ່າງໆ, ມີ​ເວ​ທີ​ສະ​ແດງ​ອອກ​ທີ່​ສ້າງ​ສັນ​ໃຫ້ຫຼາຍ​ຂຶ້ນ, ຄອບ​ຄົວ​ກໍ​ຄວນ​ສົ່ງ​ເສີມ​ໃຫ້​ລູກຫຼານ​ໄດ້​ອອກ​ມາ​ເຮັດ​ກິດ​ຈະ​ກຳ​ອື່ນໆ​ກັບ​ໝູ່​ເພື່ອນ ຫຼື ກັບ​ອ້າຍ​ເອື້ອຍ​ນ້ອງ ບໍ່​ວ່າ​ຈະ​ເປັນ​ການຫຼິ້ນກີລາ, ຫຼິ້ນ​ດົນ​ຕີ, ການ​ເຕັ້ນ​ເປັນ​ຕົ້ນ, ບໍ່​ຄວນ​ປ່ອຍ​ໃຫ້​ເຂົາ​ເຈົ້າ​ຢູ່​ກັບ​ແຕ່​ໜ້າ​ຈໍ​ມື​ຖື ຫຼື ຄອມ​ພິວ​ເຕີພຽງ​ຢ່າງ​ດຽວ ພຽງ​ເທົ່າ​ນີ້​ບັນ​ຫາ​ດັ່ງ​ກ່າວ​ກໍ​ຈະຫຼຸດ​ຜ່ອນ​ລົງ​ໄປ​ໄດ້. 


ຂຽນໂດຍ: Toulaphone Sommalath

​ອ້າງ​ອີງ: 

Advertisement Replay Ad
ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ