ວັນສຸກ ທີ 22 ຕຸລາ 2021

ຮ້ອນຈົນຕ້ອງຮ້ອງຂໍຊີວິດ! ຮູ້ບໍວ່າ ປີ 2020 ກາຍເປັນປີທີ່ຮ້ອນທີ່ສຸດໃນຮອບ 141 ປີ?

ຮ້ອນຈົນຕ້ອງຮ້ອງຂໍຊີວິດ! ຮູ້ບໍວ່າ ປີ 2020 ກາຍເປັນປີທີ່ຮ້ອນທີ່ສຸດໃນຮອບ 141 ປີ?
S! Muan

ສະໜັບສະໜູນເນື້ອຫາ

ຮູ້​ ຫຼື ບໍ່​ວ່າ​ປີ 2020 ​ໄດ້​ກາຍ​ເປັນ​ປີ​ທີ່​ຮ້ອນ​ທີ່​ສຸດ​ເທົ່າ​ທີ່​ເຄີຍ​ມີ​ການ​ບັນທຶກ​ຂໍ້​ມູນ​ມາ​ໃນ​ຮອບ 141 ປີ​ເກີດ​ຫຍັງ​ຂຶ້ນ​ກັບ​ອຸນຫະພູມ​ຂອງ​ໂລກ? 

ທ່າມກາງ​ການລະບາດ​ຂອງ​ພະຍາດໂຄວິດ-19 (COVID-19) ທີ່​​ເບິ່ງ​ຄື​ວ່າ​ສະພາບ​ແວດ​ລ້ອມ​ໄດ້​ຮັບ​ການ​ຟື້ນ​ຄືນ, ມົນ​ລະ​ພິດ​ທາງ​ອາກາດ​ຫຼຸດ​ລົງ, ການ​ໃຊ້​ພະລັງງານ​ເຊື້ອ​ໄຟ​ຫຼຸດ​ລົງ, ​ແຕ່​ເປັນ​ຫຍັງ​ປີ​ນີ້​ຈຶ່ງ​ກາຍ​ເປັນ​ປີ​ທີ່​ມີ​ອຸນຫະ​ພູມ​ສູງ​ທີ່​ສຸດ? 

ຫຼື​ ນີ້​ຄື​ສັນຍາ​ນ​ເຕືອນ​ຈາກ​ທຳ​ມະ​ຊາດ? ​ເຮົາ​ມາ​ເບິ່ງ​ນຳ​ກັນ​ວ່າ​ເປັນ​ຍ້ອນ​ຫຍັງ?

ໂລກ​ເຮົາ​ໃນ​ປັດຈຸບັນ​ກຳລັງ​ຜະ​ປະເຊີນ​ກັບ​ປັນຫາ​ດ້ານ​ສິ່ງ​ແວດ​ລ້ອມ​ຢ່າງ​ຮຸນ​ແຮງ, ​ເປັນ​ຕົ້ນ​​ແມ່ນ​ການ​ປ່ຽນ​ແປງ​ຂອງ​ສະພາບ​ອາກາດ​ທີ່​ສົ່ງ​ຜົນ​ກະທົບ​ໃນ​ວົງ​ກວ້າງ​ ​ແລະ ກຳລັງ​ຂົ່ມ​ຂູ່​ທຸກໆ​ຊີວິດ​ໃນ​ໂລກ,  ​​​ເຊິ່ງສາ​ເຫດ​ທີ່​ເຮັດ​ໃຫ້​ສະພາບ​ອາກາດ​ມີ​ການ​ປ່ຽນ​ແປງ​ ນັ້ນ​ກໍ​ຍ້ອນ​ການ​ເພີ່ມ​ຂຶ້ນ​ຂອງ​ກາສ​ເຮືອນ​​ແກ້ວ, ເຖິງວ່າໃນຊ່ວງໄລຍະປີນີ້ຈະມີການລະບາດຂອງພະຍາດ COVID-19 ​ທີ່​ເຮັດ​​ໃຫ້​ມີ​ການ​ປະກາດ Lockdown ​ໃນ​ຫຼາຍໆ​ປະ​ເທດ, ຫຼາຍ​ຄົນ​ອາດ​ຄິດ​ວ່າ​ສະພາບ​ແວດ​ລ້ອມ​ໜ້າ​ຈະ​ດີ​ຂຶ້ນ ເພາະທຳມະຊາດໄດ້ຟື້ນໂຕ, ມົນລະພິດທາງອາກາດຫຼຸດລົງ, ການໃຊ້ພະລັງງານຫຼຸດລົງ, ການປ່ອຍກາສເຮືອນແກ້ວກໍຫຼຸດລົງ ນັ້ນ​ກໍ​ເປັນ​ພຽງສ່ວນໜຶ່ງເທົ່ານັ້ນ, ​ແຕ່​ກໍ​ບໍ່​ສາມາດ​ຫຼຸ​ດຄວາມ​ເຂັ້ມ​ຂຸ້ນຂອງ​ກາສ​ເຮືອນ​​ແກ້ວທີ່​​ສະ​ສົມມາເປັນເວລາຍາວນານ​ຢູ່​​ໃນ​ຊັ້ນ​ບັນຍາກາດ​ໃນ​ປະລິມານ​ທີ່​ສູງ​ໄດ້, ​ເຫັນ​ໄດ້​ຈາກ​ຫົວ​ຂໍ້​ຂ່າວ​ທີ່​ທົ່ວ​​ໂລກ​ໄດ້​ນຳ​ສະ​ເໜີ​ກ່ຽວ​ກັບ ​ອຸນຫະພູມ​ຂອງ​ໂລກ​​ໃນ​ປິ 2020 ນີ້ທີ່​ເພີ່ມ​ຂຶ້ນ​ສູງ​ຈົນ​ກາຍ​ເປັນ​ປີ​ທີ່​ຮ້ອນ​ທີ່​ສຸດ, ທຳລາຍ​ສະຖິຕິ​ຂອງ 4 ​ປີ​ທີ່​ແລ້ວກໍ​ຄື​ປີ 2016 ​ແລະ ​ເປັນ​ການທຳລາຍ​ສະຖິຕິ​ໂລກ​ທີ່​ເຄີຍ​ເກັບ​ກຳ​ບັນທຶກ​ຂໍ້​ມູນ​ໃນ​ຮອບ 141 ປີ ຈາກ​ຂໍ້​ມູນ​ຂອງ​ນັກວິທະຍາສາດ​ແຫ່ງ​ສູນ​ຂໍ້​ມູນ​ສິ່ງ​ແວດ​ລ້ອມ​ແຫ່ງ​ຊາດ​ສະຫະລັດ​ອາ​ເມຣິກາ (National Centers for Environmental Information : NCEI). ​ 

ໂດຍ​ຊ່ວງໄລຍະ​​ເດືອນ​ທຳ​ອິດ​ຂອງ​ປີ​ນີ້ ​ສະພາບ​ອາກາດ​ບໍ​ລິ​ເວນ​ຂົ້ວ​ໂລກ​ເໜືອ​ມີ​ຄວາມ​ຜິດ​ປົກກະ​ຕິເນື່ອງ​ມາຈາກ​ອຸນຫະພູມ​ທີ່​ເພີ່ມ​ຂຶ້ນ ​​ເຮັດ​ໃຫ້ບໍ່​ມີ​ຫິມະ​ປົກ​ຄຸມ​ຄື​ແຕ່ລະ​ປີ, ຕໍ່​ມາ​ເດືອນ​ກຸມພາບໍລິ​ເວນ​ຂົ້ວ​ໂລກ​ໃຕ້ກໍ​ວັດ​ອຸ​ນຫະພູມ​ໄດ້​ສູງ​ເຖິງ 20 ອົງສາ ທຳລາຍ​ສະຖິຕິ​ກ່ອນ​ໜ້າ​ນີ້​ຢູ່​ທີ່ 17.5 ອົງ​ສາ​ໃນ​ປີ 2015, ຖື​ເປັນອຸນຫະພູມ​ທີ່​ສູງ​ສຸດ​ຂອງ​ຂົ້ວ​ໂລກ​ໃຕ້​​ເທົ່າ​ທີ່​ເຄີຍ​ບັນທຶກ​ມາ  ​ແລະ ​ເມື່ອ​​ເດືອນ​ເມສາ​ທີ່​ຜ່ານ​ມາຍັງ​ເຮັດ​ໃຫ້​ພື້ນ​ທີ່​ນ້ຳກ້ອນບໍລິເວນຂົ້ວໂລກເໜືອມີປະລິມານໜ້ອຍທີ່ສຸດເປັນປະຫວັດສາດໃນຮອບ 42 ປີ, ນອກຈາກນີ້ເດືອນເມສາ​ກໍ​ຖື​ວ່າ​ເປັນ​​ເດືອນ​ທີ່​ຮ້ອນ​ເປັນອັນ​ດັບ 2 ຮອງ​ຈາກ​ເດືອນ​ມັງກອນ​ເມື່ອ​ຕົ້ນ​ປີ, ຫຼາຍໆ​ຄົນ​ກໍ​ຄົງ​ຈະ​ຮັບ​ຮູ້​ໄດ້​ດ້ວຍ​ໂຕ​ເອງວ່າ​ສະພາບ​ອາກາດ​ມີ​ການ​ປ່ຽນ​ແປງ​ໄປ​ຫຼາຍ​ເທົ່າ​ໃດ, ແລະ ຈາກຕົວເລກອຸນຫະພູມເຫຼົ່ານີ້ເຮົາສັງເກດເຫັນບໍ່ວ່າມັນຈະພາໃຫ້ເກີດຫຍັງຂຶ້ນ? ສິ່ງ​ທີ່​ຈະ​ຕາມ​ມາ​ກໍ​ຄື ການ​ລະລາຍ​​ໂຕ​ຂອງ​ນ້ຳກ້ອນ​ຢ່າງ​ຕໍ່​ເນື່ອງ​ໃນ​ປະລິມານ​ຫຼາຍ​ຢູ່​ທັງ​ສອງ​ຂົ້ວ​ໂລກ, ​ເຮັດ​ໃຫ້​ປະລິມານ​ນ້ຳ​​ໃນ​ມະຫາ​ສະໝຸດ​ເພີ່ມ​ສູງ​ຂຶ້ນ ​ເຊິ່ງມັນ​ສົ່ງ​ຜົນ​ກະທົ​ບ​ໂດຍ​ກົງ​ຕໍ່ປັນຫາ​ນ້ຳ​ຖ້ວມ​ໃນ​ອະນາ​ຄົດ. 

Photo by Magdalena Kula Manchee on Unsplash 

ນີ້​ເປັນ​ພຽງສ່ວນ​ໜຶ່ງ​ຂອງ​ຄວາມ​ເສຍ​ຫາຍ​ທີ່​ເກີດ​ຈາກ​ພາວະ​ໂລກ​ຮ້ອນ ອັນ​ເປັນສາ​ເຫດ​ມາ​ຈາກ​ກາ​ນ​ເພີ່ມ​ຂຶ້ນ​ຂອງ​ກາສ​ເຮືອນ​ແກ້ວ, ​ເຊິ່ງມັນ​ໄດ້​ສົ່ງ​ຜົນ​ກະທົບ​ຕໍ່​ສະພາບ​ອາກາດ​ໃນ​ທົ່ວ​ໂລກ, ​ໂດຍ​ກ່ຽວຂ້ອງ​ກັນ​ໝົດ ພຽງ​ແຕ່​ຈະ​ໃນ​ທາງ​ກົງ​ ຫຼື ທາງ​ອ້ອມ​ເທົ່າ​ນັ້ນ, ​ເປັນ​ຕົ້ນ​ແມ່ນ​ຄວາມດັນ​ອາກາດທີ່​ຫຼຸດ​ລົງ​ກໍ​ຈະ​ສົ່ງ​ຜົນ​ກະທົບ​ໄປ​ຫາ​ພື້ນ​ທີ່​ອື່ນໆ​ຂອງ​ໂລກ ​ເຮັດ​ໃຫ້​ເກີດຝົນຕົກໜັກ, ພາຍຸ ຫຼື ກະ​ແສ​ນ້ຳທີ່​ປ່ຽນ​ໄປ​ຍ້ອນ​ການ​ລະລາຍ​ຂອງນ້ຳ​ກ້ອນ​ຢູ່​ຂົ້ວ​ໂລກ, ລວມ​ໄປ​ເຖິງທິດ​ທາງ​ລົມ ຫຼື ລະ​ດູ​ການ​ກໍ​ອາດ​ປ່ຽນ​ເພາະ​ໄດ້​ຮັບ​ຜົນ​ກະທົບ​ມາ​ຈາກ​ການ​ປ່ຽນ​ແປງ​ທາງ​ສະພາບ​ອາກາດ, ທັງ​ໝົດນີ້​​ເກີດ​​ເປັນ​ຜົນ​ກະທົບແບບ​ຕ່ອງ​ໂສ້ທີ່​ຈະ​ສົ່ງ​ຜົນ​​ໄປ​ສູ່ພູມີພາ​ກອື່ນໆ​ໃນ​ໂລກ. 

ຈາກທີ່ອ່ານມາດ້ານເທິງ ຫຼາຍຄົນອາດຄິດວ່ານີ້ເປັນເລື່ອງທີ່ໄກໂຕ, ຄວນເປັນໜ້າທີ່ຂອງພາກລັດ ແລະ ພາກສ່ວນທີ່ກ່ຽວຂ້ອງຕ້ອງຮັບຜິດຊອບ, ແຕ່ຄວາມຈິງແລ້ວເຮົາທຸກຄົນລ້ວນແຕ່ເປັນຜູ້ສ້າງວິກິດການເຫຼົ່ານັ້ນ, ມາເບິ່ງນຳກັນວ່າກິດຈະວັດປະຈຳວັນທີ່ເຮົາເຮັດມີຫຍັງແດ່ທີ່ມີ​ສ່ວນ​ໃນການປ່ອຍກາສເຮືອນແກ້ວຂຶ້ນສູ່ຊັ້ນບັນຍາກາດ, ເລີ່ມຈາກການໃຊ້ພະລັງງານໄຟຟ້າໃນຄົວເຮືອນ, ການໃຊ້ລົດລາພາຫະນະຕ່າງໆ, ການນຳໃຊ້ອຸປະກອນເຄື່ອງໃຊ້, ການຢູ່ການກິນຕ່າງໆລ້ວນແຕ່ສ້າງສິ່ງເສດເຫຼືອກໍຄືຂີ້ເຫຍື້ອ ໂດຍສະເພາະແມ່ນພລາສຕິກທີ່ໄດ້​ຕົກ​ຄ້າງ​ໃນ​ສະພາບ​ແວດ​ລ້ອມຢ່າງ​ຍາວ​ນານ ​ແລະ ຍັງສົ່ງ​ຜົນ​ກະທົບ​ຕໍ່​ສັດ​ຫຼາກ​ຫຼາຍ​ຊະນິດ, ​ເລື່ອງ​ອາຫານ​ການກິນ​​ກໍ​​ຖື​ໄດ້​ວ່າ​ເປັນອີກ​ປັນຫາ​ທີ່​ສຳຄັນ ​ຫຼາຍ​ຄົນ​ອາດ​ຈະ​ຄິດ​ບໍ່​ເຖິງ​ວ່າການ​ກິນ​ຊີ້ນ​ສັດຈະ​ເຮັດ​​ໃຫ້​​ເກີດ​ພາວະ​ໂລກ​ຮ້ອນ, ​​​ແຕ່ເພາະ​ການ​ລ້ຽງສັດ​ໄດ້​ກາຍ​ເປັນ​ອຸດສາຫະກຳ​ຂະໜາດ​ໃຫຍ່ ເພື່ອສະໜອງ​ຊີ້ນ​ສັດ​ໃຫ້​ກາຍ​ເປັນ​ອາຫານ​ຂອງ​ເຮົາ, ​​ເຊິ່ງມັນຕ້ອງໃຊ້​ພື້ນ​ທີ່​ຂະໜາດ​ກວ້າງຂວາງ​​​ໃນການ​ລ້ຽງ ​ແລະ ​ໃຊ້ພື້ນ​ທີ່ອີກຫຼາຍ​ເທົ່າ​ໂຕ​ໃນ​ການ​ປູກພືດ ​ເພື່ອມາ​ເປັນ​ອາຫານ​ໃຫ້​ສັດ, ສະ​ເພາະ​ການ​ຜະລິດ​ຊີ້ນ​ສັດ​ຢ່າ​ງດຽວ​ກໍ​ມີ​ສ່ວນ​ໃນ​ການ​ປ່ອຍ​ກາສ​ເຮືອນ​ແກ້ວ​ຫຼາຍ​ເຖິງ 14% ​ແລ້ວ. 

ນີ້​ສະ​ແດງ​ໃຫ້​ເຫັນ​ແລ້ວ​ວ່າ​ກິດຈະ​ວັດ​ປະຈຳ​ວັນທີ່​ເຮົາ​ໃຊ້​ເປັນ​ປະຈຳ​ນັ້ນ​ ​ກໍ​ມີ​ສ່ວນ​ໃນ​ການ​​ເຮັດ​ໃຫ້​ເກີດ​ພາວະ​ໂລກ​ຮ້ອນ ​ແລະ ມັນ​​ເປັນ​ເລື່ອງ​ທີ່​ໃກ້​ຕົວ​ເຮົາ​ຫຼາຍ, ສະ​ນັ້ນທຸກ​ຄົນຄວນ​ຫັນ​ມາ​ໃສ່​ໃຈ ​ເພື່ອ​ຊ່ວຍ​ໃຫ້​ສະພາບ​ແວດ​ລ້ອມ​ທີ່​ເຮົາ​ຢູ່​ນີ້​ດີ​ຂຶ້ນ, ​ຖ້າ​ເຮົາ​ບໍ່​ເລີ່​ມ “ລົງມື” ຊ່ວຍ​ກັນ “ຮັກສາ​ສິ່ງ​ແວດ​ລ້ອມ” ​ໃນ​ມື້​ນີ້ ວິ​ກິດ​ການ​ດ້ານ​ສິ່ງ​ແວດ​ລ້ອມ​ທີ່​ເຮົາ​ກຳລັງ​ຜະ​ເຊີນ​ຢູ່​ນີ້​ກໍ​ບໍ່​ມີ​ທາງ​ປ່ຽນ​ແປງ​​ໄປ ຫຼື ຫຼຸດຜ່ອນ​ລົງ​ໄດ້, ກົງກັນຂ້າມ​ມັນ​ຈະ​ຍິ່ງ​ເພີ່ມ​ທະວີ​ຄວາມ​ຮຸນ​ແຮງ​ຫຼາຍ​ຂຶ້ນ ຈົນ​ເຮົາ​ບໍ່​ອາດ​ປະ​ເມີນ​ຄ່າ​ຄວາມ​ເສຍ​ຫາ​ຍ​ໄດ້, ​​ເພາະສະ​ນັ້ນ​ ມັນ​ເຖິງ​ເວລາ​ແລ້ວ​ທີ່​ເຮົາ​ທຸກ​ຄົນ​ຈະ​ຕ້ອງ​ຮ່ວມ​ມື​ກັນ​ແກ້​ໄຂ​ປັນຫາ​ດ້ານ​ສິ່ງ​ແວດ​ລ້ອມ​ຢ່າງ​ຈິງ​ຈັງ, ​ໂດຍ​ເລີ່​ມຕົ້ນ​ທີ່​ໂຕ​ເຮົາ​ເອງ​ໃນ​ຕອນ​ນີ້ ດັ່ງ​ຄຳ​ເວົ້າ​ຂອງ ມະຫາ​ອຸ​ຕະມະ ຄານ​ທີ ​ໄດ້​ກ່າວ​ໄວ້​ວ່າ: “Be the change you want to see in the world” ທີ່​ມີ​ຄວາມ​ໝາຍວ່າ “ຈົ່ງ​ເປັນຄວາມ​ປ່ຽນ​ແປງ​ທີ່​ເຮົາ​ປາຖະໜາ​ຈະ​ເຫັນ​ໃນ​ໂລກ​ນີ້” ກໍ​ຄື​ເລີ່​ມຕົ້ນ​ປ່ຽນ​ແປງ​ທີ່​​ໂຕ​ເຮົາ​ເອງ​ກ່ອນ. 


ຂຽນ ​ແລະ ຮຽບຮຽງໂດຍ: ຕຸລາ​ພອນ​ ​ໂສມ​ມະ​ລັດ 

ອ້າງ​ອີງ​: 

  • ນັກວິທະຍາສາດ​ເຜີຍ ປີ 2020 ກຳລັງ​ຈະ​ເປັນ​ປີ​ທີ່​ຮ້ອນ​ທີ່​ສຸດ​ເທົ່າ​ທີ່​ເຄີຍ​ບັນທຶກ​ອຸນຫະພູມ​ກັນ​ມາ​ຕະຫຼອດ 140 ປີ, today.line.me , ຈາກ  www.today.line.me/th/
  • ປີ 2020 ອາດ​ເປັນ​ປີ​ທີ່​ຮ້ອນ​ທີ່​ສຸດ​ໃນ​ປະຫວັດສາດ : PPTVHD36, ​pptvhd36.com, ຈາກ https://www.pptvhd36.com/
  • ປີ 2020 ກຳລັງທຳລາ​ຍສະຖິຕິ​​ໂລກ​ຮ້ອນ​ທີ່​ສຸດ ນັກ​ວິທະຍາສາດ​ເຕືອນ! ພາວະ​ໂລ​ກຮ້ອນ​ ຄື​ຫາ​ຍະ​ນະ​ອັນ​ດັບ​ຕໍ່​ໄປ​ຂອງ​ມະນຸ​ດຊາດ, mgronline.com , ຈາກ https://mgronline.com/greeninnovation/detail/9630000048041
  • ປີ 2020 ອຸນຫະພູມ​ໂລກ​ຈໍ່​ຕິດ​ອັນ​ດັບ​ສູງ​ສຸດ​ອີກ​ປີ ງານ​ວິ​ໄຈ​ພົບ​ຄວາມ​ຮ້ອນ​ແຕະ​ຂີດ​ຄວາມ​ອົດທົນ​ຂອງ​ມະນຸດ​ແລ້ວ, thaipublica.org , ຈາກ https://thaipublica.org/2020/05/2020-to-be-to-hottest-year-heat-reaching-human-tolerance/
  • ​ເມື່ອ​ນ້ຳ​​​ແຂງ​ຂົ້ວ​ໂລກ​ລະລາຍ ​ແມ່ນ​ຫຍັງ​ຈະ​ເກີດ​ຂຶ້ນ?, news.thaipbs.ro.th, ຈາກ https://news.thaipbs.or.th/content/274574
Advertisement Replay Ad
ອ່ານດວງລາຍວັນປະຈໍາວັນພະຫັດ 14 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ 14 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 4 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 4 ກັນຍາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 27 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 27 ກັນຍາ 2021

ອັບເດດສະຖານະການ COVID-19 ປະຈຳວັນທີ 27 ກັນຍາ 2021

ອັບເດດສະຖານະການ COVID-19 ປະຈຳວັນທີ 27 ກັນຍາ 2021

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ