ວັນອັງຄານ ທີ 20 ເມສາ 2021

ເຂົ້າ "ສຳພາດວຽກ" ແລ້ວເບິ່ງຄືວ່າຈະຜ່ານ ແຕ່ເປັນຫຍັງຄືຍັງພາດຢູ່?

ເຂົ້າ "ສຳພາດວຽກ" ແລ້ວເບິ່ງຄືວ່າຈະຜ່ານ ແຕ່ເປັນຫຍັງຄືຍັງພາດຢູ່?
S! Muan

ສະໜັບສະໜູນເນື້ອຫາ

ຫາກ​ເຈົ້າ​ຍື່ນເຣ​ຊູ​ເມ່ (Resume) ຫຼື CV ​ສະໝັກ​ວຽກ​ໄປແລ້ວ​ຖືກເອີ້ນ​ໄປ​ສຳພາດ​ ແປວ່າ​ໂປຣຟາຍຂອງ​ເຈົ້າ ​ພາ​ເຈົ້າ​ມາ​ໄດ້​ເຖິງເຄິ່ງ​ທາງ​ແລ້ວ. ແຕ່​ການ​ສຳພາດ​ທີ່​ກຳ​ລັງ​ຈະ​ເກີດ​ຂຶ້ນ​ນີ້ລະ ​ທີ່​ເປັນ​ສິ່ງ​ຕັດ​ສິນ​ວ່າ​ ເຈົ້າ​ຈະ​ໄດ້​ໄປ​ຕໍ່​ ຫຼື ​ບໍ່.

ເມື່ອ​ການ​ສຳພາດ​ສິ້ນສຸດ​ລົງ. ເຈົ້າ​ຮູ້ສຶກ​ວ່າມີ​ສັນຍານ​ທີ່​ດີ​ແທ້ໆ ວ່າ​ເຈົ້າ​ຈະ​ໄດ້​ວຽກ​ນີ້ ທັງ​ຄວາມ​ຮູ້ສຶກ​ສະບາຍ​ໃຈ ຫຼື ​ການ​ທີ່​ທາງ​ບໍລິສັດ​ເວົ້າຈາ​ກັບ​ເຈົ້າ​ເປັນ​ເວລາ​ດົນ ດັ່ງ​ວ່າ​ຮູ້​ຈັກ​ກັນ​ມາ​ກ່ອນ ຫຼື​ ຖືກ​ພາ​ໄປ​ແນະ​ນຳ​ຕົວ​ກັບ​ຄົນ​ອື່ນໆ ໃນ​ອົງກອນ. ແຕ່​ທ້າຍ​ທີ່ສຸດ​ເຈົ້າຊໍ້າພັດ​ຖືກ​ປະຕິເສດ ຫຼື​ ບໍ່​ໄດ້ຮັບ​ການ​ຕິດ​ຕໍ່​ກັບ​ໄປ​ເລີຍ ຊຶ່ງ​ກໍ​ຄົງ​ເຮັດໃຫ້​ເຈົ້າ​ຂ້ອງ​ໃຈ​ບໍ່​ນ້ອຍ​ວ່າ ​ຂ້ອຍພາດ​ຫຍັງ? ດັ່ງ​ນັ້ນ ມາ​ເບິ່ງ​ກັນ​ດີກວ່າ​ວ່າ​ເປັນຫຍັງ​ເຈົ້າ​ຈຶ່ງ​ບໍ່​ໄດ້ວຽກຈາກ​ບ່ອນນີ້.

1.ຄວາມ​ປະ​ທັບ​ໃຈ​ແຮກພົບ​ບໍ່​ມີ

ປະຕິເສດ​ບໍ່​ໄດ້​ເລຍ​ວ່າ​ບຸກຄະລິກ​ພາຍນອກ​ເປັນ​ດ່ານ​ທຳອິດ​ທີ່​ເຮັດໃຫ້​ເຈົ້າ​ເບິ່ງ​ໂດດ​ເດັ່ນ​ຈາກ​ຄົນ​ອື່ນ. ແຕ່​ຖ້າ​ຫາກ​ວ່າ ​ການ​ພົບ​ກັນ​ເທື່ອ​ທຳອິດ​ລະຫວ່າງ​ເຈົ້າ​ກັບ​ບໍລິສັດ​ທີ່​ເປັນ​ຄົນ​ແປກ​ໜ້າ​ກັນ ຝ່າຍ​ໜຶ່ງ​ຈະ​ຈ້າງ​ວຽກ ແລະ​ອີກ​ຝ່າຍ​ຢາກ​ໄດ້ວຽກ ເທົ່າ​ນີ້​ກໍ​ເຫັນ​ແລ້ວ​ວ່າ​ໃຜ​ມີ​ອຳນາດ​ໃນ​ການ​ຕັດ​ສິນ​ໃຈຫຼາຍກວ່າ​ກັນ ຊຶ່ງ​ຖ້າ​ເຈົ້າ​ແຕ່ງ​ຕົວ​ບໍ່​ເໝາະ​ສົມ ເນື້ອໂຕບໍ່ສະອາດສະອ້ານ, ຜົມຫຍຸ້ງ ຄະ​ແນນ​ຄວາມ​ປະ​ທັບ​ໃຈ​ກໍ​ຫາຍ​ໄປ​ແລ້ວ​ກວ່າເຄິ່ງ. ຍິ່ງ​ຖ້າ​ເຈົ້າ​ໄປ​ຊ້າ​ອີກ​ ກໍ​ຍິ່ງ​ແລ້ວ​ໃຫຍ່ ເພາະ​ຄຸນສົມບັດ​ເລື່ອງ​ການ​ກົງ​ຕໍ່​ເວລາ​ເປັນ​ເລື່ອງ​ທີ່​ສຳຄັນຫຼາຍ​ສຳລັບ​ການ​ເຮັດ​ວຽກງານ.

2.ເຂົາ​ເຮັດ​ດີ​ກັບ​ທຸກ​ຄົນ

ຂໍ້​ນີ້​ອາດຈະ​ເຮັດໃຫ້​ເຈົ້າ​ຮູ້ສຶກ​ບໍ່ດີແດ່ຈັກໜ້ອຍ ແຕ່​ເຈົ້າ​ຕ້ອງ​ຍອມ​ຮັບ​ຄວາມ​ຈິງວ່າ ບໍລິສັດ​ທີ່​ຢູ່ໃນ​ສ​ະຖາ​ນະ​ເຈົ້າ​ບ້ານ​ເອີ້ນເຈົ້າ​ທີ່​ຢູ່ໃນ​ສະ​ຖາ​ນະ​ແຂກ​ເຂົ້າໄປ​ສຳພາດ​ວຽກ ກໍ​ເປັນ​ເລື່ອງ​ທຳມະດາ​ທີ່​ເຈົ້າ​ບ້ານ​ຈະ​ຕ້ອນ​ຮັບ​ແຂກ​ເປັນ​ຢ່າງ​ດີ ແລະ ​ການ​ປະຕິບັດ​ຕໍ່​ແຂກ​ທຸກ​ຄົນ​ກໍ​ບໍ່​ໄດ້​ຕ່າງ​ກັນ. ດັ່ງ​ນັ້ນ ການ​ທີ່​ພວກເຂົາສະແດງ​ສັນຍາ​ນ​ບວກ​ກັບ​ເຈົ້າ, ​ກໍ​ບໍ່​ໄດ້​ແປວ່າພວກເຂົາ​ຈະ​ບໍ່​ສະແດງ​ກັບ​ຄົນ​ອື່ນ. ພວກເຂົາ​ອາດຈະ​ພະຍາຍາມ​ເປັນ​ກັນ​ເອງ​ເພື່ອ​ຫຼຸດ​ອາການ​ເຂີນອາຍ ຫຼື ບໍ່ກ້າ​ຂອງ​ເຈົ້າ ແລະ ​ເຈົ້າ​ຕ້ອງ​ແຍກ​ໃຫ້​ອອກ​ເພາະ​ບາງ​ຄຳ​ຖາມ​ກໍ​ເປັນ​ຄຳ​ຖາມ​ພື້ນໆ ໃນ​ການ​ສຳພາດ​ວຽກ ເຊັ່ນ: ເງິນ​ເດືອນ, ວັນທີ​ເລີ່ມ​ວຽກ ຊຶ່ງ​ບໍ່​ໄດ້​ແປວ່າ​ພວກເຂົາ​ຈະ​ຈີບ​ເຈົ້າ​ມາ​ເປັນ​ສ່ວນໜຶ່ງ​ຂອງ​ທີມ​ຢ່າງ​ແນ່ນອນ​ກໍ​ເປັນ​ໄດ້.

3.ພວກເຂົາ​ໄດ້​ຕົວ​ເລືອກ​ທີ່​ດີກວ່າ

ການ​ທີ່​ບໍລິສັດ​ເອີ້ນ​ຄົນ​ເຂົ້າ​ມາ​ນັ້ນ ເຂົາເຈົ້າມີ​ຕົວ​ເລືອກຫຼາຍກວ່າ​ໜຶ່ງ​ຢູ່​ແລ້ວ. ​ໜ້າທີ່​ຂອງພວກເຂົາ​ກໍ​ຄື​ ຫາ​ຄົນທີ່​ເໝາະ​ສົມ​ທີ່ສຸດ​ມາ​ເຮັດວຽກ. ຈຸດ​ນີ້​ເຈົ້າ​ອາດຈະ​ໝັ້ນໃຈ​ວ່າ​ເຈົ້າ​ມີ​ໂປຣ​ຟາຍ​ດີ, ສຳພາດ​ໄດ້​ດີ, ແຖມ​ສັນຍານ​ຫຼັງ​ສຳພາດ​ກໍ​ບໍ່​ແມ່ນວ່າບໍ່ດີ ແຕ່​ເຈົ້າ​ບໍ່​ມີ​ທາງ​ຮູ້​ດອກ​ວ່າ ​ຄົນທີ່​ນັ່ງລໍຖ້າ​ສຳພາດ​ຢູ່​ຂ້າງໆ ຫຼື ​ກົງກັນຂ້າມ​ເຈົ້າ​ນັ້ນ​ ເຂົາເຈົ້າ​ມີ​ຂອງດີສໍ່າ​ໃດ. ​ຄຸນສົມບັດ​ຂອງ​ເຂົາເຈົ້າ​ອາດຈະ​ໂດດ​ເດັ່ນ​ກວ່າ​ເຈົ້າ​ກໍ​ໄດ້. ສະ​ນັ້ນ​ກໍ​ບໍ່​ແມ່ນ​ເລື່ອງ​ໜ້າ​ສົງ​ໄສ​ເລີຍ​ວ່າ​ ເປັນຫຍັງ​ບໍລິສັດ​ຈຶ່ງ​ບໍ່​ເລືອກ​ເຈົ້າ ແຕ່​ກໍ​ຢ່າ​ນ້ອຍ​ໃຈ​ວ່າ ​ເຈົ້າ​ບໍ່​ເກັ່ງ ​ຫຼື​ ບໍ່ດີຫຍັງ​ແບບ​ນັ້ນ, ພຽງ​ແຕ່ເຈົ້າຍັງ​ບໍ່​ແມ່ນ​ສຳລັບ​ບ່ອນນີ້​ເທົ່າ​ນັ້ນ​ເອງ.

4.ເຈົ້າພາດ (ຢ່າງ​ແຮງ) ໂດຍ​ບໍ່​ຮູ້​ຕົວ

ເມື່ອ​ຖືກ​ເອີ້ນສຳພາດວຽກ ໃຜກໍ​ຕ້ອງ​ຕຽມ​ຕົວ​ລ່ວງ​ໜ້າ​ກັນ​ທັງ​ນັ້ນ. ແຕ່​ດ້ວຍ​ຄວາມ​ກົດ​ດັນ​ຄວາມ​ຕື່ນ​ເຕັ້ນ ກໍ​ອາດ​ເຮັດໃຫ້​ເກີດ​ອາການ​ຕົກໃຈຈົນ​ເຜີເຮັດ​ຫຍັງ​ໄປ​ໂດຍ​ບໍ່​ຮູ້​ຕົວ ເຊັ່ນ: ຊື່​ອີ​ເມວ​ທີ່​ເບິ່ງ​ບໍ່ເປັນ​ມື​ອາ​ຊີບ, ຫຼຸດ​ເວົ້າຄຳ​ບໍ່ສຸພາບ (ຫຼາຍໆ). ຕອນ​ລົມ​ໂທລະ​ສັບ​ກັບ​ໝູ່​ລະຫວ່າງ​ທີ່​ນັ່ງ​ລໍຖ້າ, ກຳມະການ​ບາງ​ຄົນ​ອາດ​ຍ່າງ​ມາເຫັນ​ກໍ​ໄດ້ ຫຼື ​ຂະນະ​ທີ່​ກຳ​ລັງ​ສຳພາດ​ ເຈົ້າ​ກໍ​ເຜີ​ເຮັດ​ກິ​ຣິ​ຍາ​ທີ່​ ຜູ້ສຳພາດ​ບໍ່​ມັກ​ອອກ​ມາ. ເຈົ້າ​ອາດ​ຄິດ​ວ່າ​ເປັນ​ເລື່ອງເລັກ​ນ້ອຍ ແຕ່​ບໍລິສັດ​ເຂົາເຈົ້າເບິ່ງ​ໄກ​ກວ່າ​ນັ້ນ ວ່າ​ຖ້າ​ຕອນ​ເຜີ​ເຈົ້າຍັງ​ຂະໜາດ​ນີ້, ຖ້າ​ເຂົ້າ​ມາ​ເຮັດວຽກ​ແລ້ວ​ສະໜິດ​ຊິດ​ເຊື້ອ​ກັບ​ຄົນ​ອື່ນ ​ແລະ ​ຄຸ້ນ​ເຄີຍ​ກັບ​ສະພາບ​ແວດ​ລ້ອມ​ແລ້ວ ເຈົ້າ​ອາດຈະ​ໜັກ​ກວ່າ​ນັ້ນ​ກໍ​ໄດ້.

5.ຄຸນສົມບັດ​ບາງຢ່າງ​ຂອງ​ເຈົ້າ​ເຮັດໃຫ້​ເຂົາເຈົ້າ​ລັງ​ເລ

ຍ້ອນ​ກັບໄປ​ທີ່ “ຕົວ​ເລືອກ​ທີ່​ດີກວ່າ” ແລະ “ພາດ​ໂດຍ​ບໍ່​ຮູ້​ຕົວ”, ບໍລິສັດ​ເອີ້ນ​ເຈົ້າ​ໄປ​ສຳພາດ ກໍ​ເພື່ອ​ເບິ່ງ​ການ​ສະແດງ​ອອກ, ການ​ເວົ້າ​ຈາ, ຄວາມ​ສາມາດ​ໃນ​ການ​ສື່​ສານ, ທັດສະ​ນະຄະ​ຕິ ເປັນ​ຕົ້ນ. ແຕ່​ຖ້າ​ເຈົ້າ​ເກີດ​ມີ​ຄຸນສົມບັດ​ບາງຢ່າງ​ທີ່​ເຮັດໃຫ້​ບໍລິສັດ​ລັງ​ເລ​ວ່າ​ຈະ​ເອົາແນວໃດ, ຈະ​ຈ້າງ ​ຫຼື​ ບໍ່​ຈ້າງ​ດີ ຫຼື ​ມີ​ຄົນທີ່​ມີ​ຄຸນສົມບັດ​ພ້ອມ​ກວ່າ ເຊັ່ນ: ເຈົ້າ​ອາດຈະ​ບອກ​ວ່າ​ເຈົ້າ​ພ້ອມ​ຮຽນ​ຮູ້​ສິ່ງ​ໃໝ່ໆ ທີ່​ບໍ່​ຖະໜັດ, ແຕ່​ຖ້າ​ຄູ່​ແຂ່ງ​ຂອງ​ເຈົ້າ​ຊໍ້າພັດ​ພ້ອມ​ໃນ​ສິ່ງ​ທີ່​ເຈົ້າ​ບໍ່​ພ້ອມ ບໍລິສັດ​ກໍ​ຕ້ອງ​ເລືອກ​ຄົນທີ່​ມີ​ຄຸນສົມບັດ​ພ້ອມ​ກວ່າ​ຢູ່​ແລ້ວ ເພາະ​ສາມາດ​ເຮັດວຽກ​ໄດ້​ເລີຍ ບໍ່​ຕ້ອງ​ເສຍ​ເວລາຝຶກຝົນຫຼາຍ.

6. ງົບ​ປະ​ມານ​ໃນ​ການ​ຈ້າງ​ງານ​ມີ​ຈຳ​ກັດ

ທຸກ​ມື້​ນີ້​ມີ​ບໍລິສັດ​ນ້ອຍໆ ຢູ່ຫຼວງຫຼາຍ​ໄປໝົດ ຊຶ່ງ​ບາງ​ເທື່ອງົ​ບ​ປະ​ມານ​ໃນ​ການ​ຈ້າງ​ງານຂອງພວກເຂົາ​ກໍ​ບໍ່​ໄດ້ຫຼາຍ​ຂະໜາດ​ນັ້ນ ເຮັດໃຫ້​ເຖິງວ່າ​ໂປຣ​ຟາຍຂອງ​ເຈົ້າ​ຈະ​ເຂົ້າ​ຕາ, ຄຸນສົມບັດ​ດີ​ພ້ອມ ແຕ່​ຖ້າ​ເງິນ​ເດືອນ​ທີ່​ເຈົ້າ​ເອີ້ນ​ສູງ​ເກີນ​ທີ່​ບໍລິສັດ​ຕັ້ງ​ໄວ້ (ປົກກະຕິ​ປ່ຽນ​ວຽກກໍ​ມັກ​ຈະ​ເອີ້ນ​ເງິນ​ສູງ​ກວ່າ​ທີ່​ເກົາ​ຢູ່​ແລ້ວ). ຖ້າ​ບໍລິສັດ​ສູ້​ລາ​ຄາ​ບໍ່​ໄຫວ ເຂົາເຈົ້າ​ອາດຈະ​ພະຍາຍາມ​ຕໍ່ລອງ​ກ່ອນ. ແຕ່​ຖ້າ​ເຂົາເຈົ້າ​ມີ​ຕົວ​ເລືອກ​ທີ່​ໃກ້​ຄຽງ​ກັບ​ເຈົ້າ ແຕ່​ປະຢັດ​ເງິນ​ກວ່າ ເຂົາ​ກໍ​ຄົງ​ເລືອກ​ຂອງ​ດີ​ລາ​ຄາ​ປະ​ຢັດ​ຢູ່​ແລ້ວ. ຢ່າ​ລືມ​ວ່າ​ທຸລະກິດ​ເປັນ​ອົງກອນ​ທີ່​ສະແຫວ​ງ​ຫາ​ຜົນ​ກຳ​ໄລ ບໍ່​ແມ່ນ​ອົງກອນ​ການ​ກຸ​ສົນ ຖ້າ​ຈ້າງ​ແລ້ວ​ບໍ່​ຄຸ້ມ, ບໍລິສັດ​ກໍ​ມີ​ສິດ​ເລືອກ ​ແລະ ​ປະຕິເສດ​ຢູ່​ແລ້ວ​ຕໍ່​ໃຫ້​ເຈົ້າ​ຈະ​ພຽບ​ພ້ອມ​ສໍ່າໃດ​ກໍ​ຕາມ.

7.ຕົວ​ຕົນແທ້​ຈິງໆຂອງ​ເຈົ້າ​ອັນຕະລາຍ​ເກີນ​ໄປ

ສັງເກດ​ ຫຼື​ ບໍ່​ວ່າ​ໃບ​ສະໝັກ​ທີ່​ເຈົ້າ​ຕ້ອງຂຽນແຈ້ງກ່ອນ​ເຂົ້າ​ສຳພາດ​ນັ້ນ ບາງເທື່ອຈະ​ມີ​ຊ່ອງ​ທີ່​ເຈົ້າ​ຕ້ອງ​ໃສ່ຂໍ້ມູນ​ໂຊ​ຊຽວ​ມີ​ເດຍ​ຂອງ​ເຈົ້ານຳ. ແລ້ວ​ມີ ​ຫຼື​ ທີ່​ບໍລິສັດ​ຈະ​ຂໍ​ເຈົ້າ​ໄປ​ເສີຍໆ ໂດຍ​ບໍ່​ເຮັດ​ຫຍັງ? ໂດຍ​ສະເພາະ​ການ​ຮູ້​ຈັກ​ເຈົ້າ​ໃຫ້ຫຼາຍ​ຂຶ້ນ​ຜ່ານ​ໂຊ​ຊຽວ​ມີ​ເດຍ ເຂົາເຈົ້າ​ຈະ​ເຂົ້າໄປ “ສ່ອງ​ຕົວ​ຕົນ” ຂອງ​ເຈົ້າ ເພາະ​ຫຼາຍ​ຄົນ​ມີ​ຄວາມ​ຄິດວ່າ​ ນີ້ເປັນ​ພື້ນ​ທີ່​ສ່ວນ​ຕົວ ຂ້ອຍ​ຈະ​ເຮັດ​ຫຍັງ​ກໍ​ໄດ້. ແຕ່​ເຈົ້າ​ຄົງ​ລືມ​ວ່າ ​ສະຖານທີ່​ຂອງ​ເຈົ້າ​ນັ້ນ​ມັນ​ເຜີຍແຜ່​ສູ່​ສາຍ​ຕາ​ຄົນ​ທົ່ວ​ໂລກ ຖ້າ​ທັດສະ​ນະຄະ​ຕິ​ທີ່​ເຈົ້າ​ສະແດງ​ອອກ​ຜ່ານ​ໂຊ​ຊຽວ​ມີ​ເດຍ​ມັນ​ບໍ່​ໄຫວ ບໍລິສັດ​ກໍ​ຈະ​ເຫັນວ່າ ​ເຈົ້າ​ເປັນ​ຄົນທີ່​ອັນຕະລາຍ​ເກີນ​ໄປ​ກໍ​ໄດ້. ສະ​ນັ້ນ ຖ້າ​ເປັນ​ໄປ​ໄດ້​ກໍ​ຢ່າ​ສະແດງ​ຫຍັງ​ທີ່ບໍ່ດີຜ່ານ​ໂຊ​ຊຽວ​ມີ​ເດຍ​ເລີຍ.


ອ້າງອີງ:

Advertisement Replay Ad
"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ