ວັນສຸກ ທີ 30 ກໍລະກົດ 2021

ບໍ່ມີບໍ່ໄດ້! ແນະນຳ 20 ໂປຣແກຣມທີ່ຕ້ອງມີສຳລັບຜູ້ໃຊ້ Windows

ບໍ່ມີບໍ່ໄດ້! ແນະນຳ 20 ໂປຣແກຣມທີ່ຕ້ອງມີສຳລັບຜູ້ໃຊ້ Windows
S! Muan

ສະໜັບສະໜູນເນື້ອຫາ

ສຳລັບຜູ້ໃຊ້ພີຊີ (PC - Personal Computer) ແລ້ວ, ການມີດີໆ ໄວ້ໃຊ້ງານເປັນຫຍັງທີ່ຈະເຮັດໃຫ້ການເຮັດວຽກນັ້ນມີປະສິດທິພາບຂຶ້ນຫຼາຍເທົ່າ ມື້ນີ້ທາງເວັບໄຊມ່ວນໄດ້ຮວບຮວມເອົາໂປຣແກຣມດີໆ ມີປະໂຫຍດສຳລັບຜູ້ໃຊ້ລະບົບປະຕິບັດການ Microsoft Windows, ຂໍບອກເລີຍວ່າແຕ່ລະໂປຣແກຣມທີ່ຍົກຂຶ້ນມາ ແນະນຳໃຫ້ຫາດາວໂຫຼດຕິດຕັ້ງໄວ້ໃນເຄື່ອງເລີຍ ສ່ວນວ່າຈະມີໂປຣແກຣມຫຍັງແດ່ນັ້ນ ມາເບິ່ງນຳກັນເລີຍ. 

Productivities | ກຸ່ມໂປຣແກຣມສຳລັບຊ່ວຍໃນການເຮັດວຽກໃນຊີວິດປະຈຳວັນ 

  1. OneNote - ການຈົດບັນທຶກ ຊ່ວຍໃນເລື່ອງການເຕືອນຄວາມຈຳກັນລືມ, ຊ່ວຍຈັດການກັບຂໍ້ມູນມະຫາສານທີ່ໝູນວຽນຢູ່ໃນສະໝອງຂອງເພື່ອນໆ. ບາງຄັ້ງຄາວຄວາມຄິດສ້າງສັນ ຫຼື ໄອເດຍດີໆ ມັກຈະເດັ້ງຂຶ້ນມາໃນຫົວ ຫາກບໍ່ຈົດບັນທຶກເອົາໄວ້ກໍ່ງ່າຍທີ່ຈະລືມເລືອນ ອາດເຮັດໃຫ້ເສຍໂອກາດດີໆ ໃນຊີວິດໄປໄດ້ເຊັ່ນກັນ ຫຼື ແມ່ນແຕ່ນ້ອງໆ ນັກຮຽນທີ່ນັງຟັງບັນຍາຍ (Lecture) ຫາກບໍ່ມີການຈົດກ່າຍ ກໍ່ຍາກທີ່ຈະຈື່ຈຳໄດ້ໝົດທຸກສິ່ງຢ່າງ. ໂປຣແກຣມ OneNote ເລີຍອອກແບບມາໃຫ້ຕອບໂຈດດັ່ງກ່າວ ໂດຍປັດຈຸບັນສາມາດນຳໃຊ້ໄດ້ຟຣີໆ ບໍ່ມີຄ່າໃຊ້ຈ່າຍ ແລະ ມີບໍລິການໃຫ້ຄົບທຸກໆ ແພລັດຟອມ (Platform) ທັງຄອມພິວເຕີ ຫຼື ມືຖື, ດ້ວຍເຕັກໂນໂລຊີ Cloud ເຮັດໃຫ້ສາມາດໃຊ້ງານຮ່ວມກັນຢ່າງບໍ່ສະດຸດ ສາມາດ Sync ຜ່ານອຸປະກອນຕ່າງໆ ແບບ Real-time.

    ດາວໂຫຼດ | Download OneNote 
    ຫຼື ເພື່ອນໆ ສາມາດເລືອກໃຊ້ບໍລິການອອນລາຍອື່ນໆ ທີ່ມີຄວາມສາມາດຄ້າຍໆ ກັນເຊັ່ນ Google Keep ຫຼື Evernote ເປັນຕົ້ນ.

  2. Sumatra PDF - ການເປີດອ່ານໄຟລ໌ PDF ເປັນສິ່ງຈຳເປັນໃນທຸກສາຍອາຊີບ, ດ້ວຍຄຸນສົມບັດຂອງ Sumatra PDF ທີ່ມີຄວາມສາມາດໃນການເປີດອ່ານໄຟລ໌ PDF ມີຂະໜາດເບົາ ແລະ ເຮັດວຽກໄດ້ໄວ ຈຶ່ງເຮັດໃຫ້ມັນກາຍເປັນໂປຣແກຣມທີ່ໄດ້ຮັບຄວາມນິຍົມຈາກຜູ້ຄົນທົ່ວໂລກ. ແຕ່ຫາກຢາກລອງໂປຣແກຣມທີ່ມີຄວາມສາມາດທີ່ໃກ້ຄຽງກັນ ແຕ່ມີໜ້າຕາທີ່ທັນສະໄໝກວ່າກໍ່ແນະນຳໃຫ້ລອງ Foxit Reader ກໍ່ເປັນອີກໜຶ່ງໂປຣແກຣມທີ່ຕອບໂຈດເຊັ່ນດຽວກັນ ເຊິ່ງທັງສອງເປັນໂປຣແກຣມທີ່ສາມາດໃຊ້ໄດ້ຟຣີບໍ່ມີຄ່າໃຊ້ຈ່າຍ ແຕ່ຫາກຕ້ອງການແກ້ໄຂໄຟລ໌ PDF ຈຳເປັນຕ້ອງໃຊ້ Foxit PhantomPDF ທີ່ຕ້ອງໄດ້ເສຍຄ່າ License.

    ດາວໂຫຼດ | Download Sumatra PDF | Foxit Reader 

  3. LibreOffice ຫຼື Microsoft Office ຫຼື WPS Office - ຊຸດໂປຣແກຣມປະມວນຄຳ (Word processor) ເປັນສິ່ງທີ່ຂາດບໍ່ໄດ້ສຳລັບຄອມພິວເຕີ. ເຊິ່ງປັດຈຸບັນກໍ່ມີໃຫ້ເລືອກຫາໃຊ້ງານກັນທັງຟຣີ ແລະ ມີຄ່າໃຊ້ຈ່າຍ. ທີ່ຄຸ້ນເຄີຍກັນກໍ່ຈະເປັນຊຸດໂປຣແກຣມ Microsoft Office ທີ່ນິຍົມກັນໃຊ້ທົ່ວໂລກ, ແຕ່ຈຳເປັນຕ້ອງຈ່າຍຄ່າ License (ປັດຈຸບັນທັງແບບຊື້ຂາດ ຈ່າຍຄັ້ງດຽວ ຫຼື ເຊົ່າໃຊ້ເປັນລາຍປີ). ຫາກຢາກໃຊ້ຊຸດໂປຣແກຣມ Office ບໍ່ຟ້າວຕົກໃຈວ່າຈະຕ້ອງເສຍເງິນເພີ່ມ, ມື້ນີ້ເຮົາມາແນະນຳຊຸດໂປຣແກຣມທີ່ສາມາດໃຊ້ແທນ Microsoft Office ແຕ່ແຈກຈ່າຍກັນໃຫ້ໃຊ້ແບບຟຣີໆ ບໍ່ມີຄ່າໃຊ້ຈ່າຍຈັກກີບ... ນັ້ນກໍ່ຄື LibreOffice ທີ່ເປັນຊຸດໂປຣແກຣມ Office ແບບ Opensource ທີ່ພັດທະນາ ແລະ ແຈກຈ່າຍກັນໃຫ້ໃຊ້ຟຣີ. ອີກໂປຣແກຣມກໍ່ແມ່ນ WPS Office ທີ່ສາມາດໃຊ້ໄດ້ຟຣີເຊັ່ນກັນ. ເສຍດາຍພຽງແຕ່ພາສາລາວອາດຈະບໍ່ສົມບູນ ສວຍງາມເໝືອນກັນກັບຝັ່ງຂອງ Microsoft Office. ກໍ່ເປັນອີກທາງເລືອກສຳລັບທ່ານທີ່ບໍ່ຢາກເສຍເງິນຊື້ລິຂະສິດໂປຣແກຣມ ຫຼື ບໍ່ຢາກໃຊ້ຊອບແວ (Software) ເຖື່ອນ (ແນະນຳວ່າ ຫາກຫຼີກເວັ້ນໄດ້ ໃຫ້ຫຼີກເວັ້ນເດີ້ໂປຣແກຣມເຖື່ອນທັງຫຼາຍ ອັນຕະລາຍ … ຂໍເລົ່າ...).

    ດາວໂຫຼດ | Download LibreOffice | Microsoft Office (ຈຳເປັນຕ້ອງຊື້ License) | WPS Office 

  4. Dropbox ຫຼື Google Drive ຫຼື One Drive - ໝົດຍຸກຂອງການຈິ້ມ USB ກັນແລ້ວ, ປັດຈຸບັນມັນຕ້ອງ Cloud storage ໃຫ້ສົມກັບການໃຫ້ບໍລິການອິນເຕີເນັດຄວາມໄວສູງ (ແທ້ຫວາ?) ໃນປັດຈຸບັນ. ດ້ວຍແນວຄິດ ສະດວກ ປອດໄພ ເຂົ້າເຖິງໄດ້ທຸກທີ່ທຸກເວລາ ຂອງບໍລິການຝາກໄຟລ໌ໄວ້ເທິງອິນເຕີເນັດ. ແນ່ນອນວ່າສາມາດໃຊ້ກັນໄດ້ແບບຟຣີອີກແລ້ວ ແຕ່ຫາກຕ້ອງການເນື້ອທີ່ເພີ່ມເຕີມຈາກບໍລິການຟຣີ ກໍ່ຕ້ອງຍອມຈ່າຍກັນແນ່ລະ (ແຕ່ກໍ່ບໍ່ໄດ້ແພງເກີນໄປ ລາຄາສົມເຫດສົມຜົນ ຄຸ້ມຄ່າຄຸ້ມລາຄາແນ່ນອນ). ແຕ່ໂດຍສ່ວນໂຕ ເນື້ອທີ່ຂອງບໍລິການຟຣີກໍ່ສາມາດໃຊ້ໄດ້ຢ່າງພໍພຽງແລ້ວ. ສາມາດເລືອກໃຊ້ບໍລິການຕ່າງໆ ຈາກບໍລິສັດໃຫຍ່ໆ ມີຊື່ສຽງທາງດ້ານເຕັກໂນໂລຊີໄດ້ຕາມໃຈເລີຍ ທີ່ນິຍົມກັນກໍ່ໄດ້ແກ່ Dropbox, Google Drive (ຫາກເປັນໂປຣແກຣມໃນ PC ຈະຊື່ວ່າ Backup and Sync), One Drive ແລະ ອື່ນໆ ອີກຫຼາຍ.

    ດາວໂຫຼດ | Download >>> Dropbox, Google Drive, One Drive 

  5. LastPass - ພິເສດ, ຈະເປັນສ່ວນເສີມຂອງ Web browser ທີ່ມີໃຫ້ບໍລິການຄົບທຸກໆ ເຈົ້າຕະຫຼາດ ບໍ່ວ່າຈະເປັນ Google Chrome, Mozilla Firefox, Opera ແລະ ອື່ນໆ. ເປັນຕົວຊ່ວຍໃຫ້ເຮົາສາມາດຈັດການກັບລະຫັດຜ່ານ (ທີ່ມີຫຼາຍບໍລິການເຫຼືອເກີນ ຈື່ກັນບໍ່ຫວາດບໍ່ໄຫວ, ຈະຕັ້ງລະຫັດຜ່ານຊ້ຳຄືກັນກໍ່ອັນຕະລາຍໄປອີກ) ສາມາດອ່ານເພີ່ມເຕີມຈາກບົດຄວາເກົ່າທີ່ເຮົາເຄີຍແນະນຳໄປແລ້ວ.

    ດາວໂຫຼດ | Download 

Internet and communication | ອິນເຕີເນັດ ແລະ ການສື່ສານ 

  1. Google Chrome / Mozilla Firefox - ຫາກຕ້ອງການທ່ອງອິນເຕີເນັດ Web browser ດີໆ ຄົງຈະຂາດບໍ່ໄດ້ ຫາກຕ້ອງການຄວາມສາມາດຄອບຈັກກະວານໃຫ້ຕິດຕັ້ງ Google Chrome ແຕ່ອາດຈະເປືອງຊັບພະຍາກອນເຄື່ອງຄອມພິວເຕີກວ່າໂຕເລືອກອື່ນໆ ເລັກໜ້ອຍເພື່ອແລກກັບຄຸນສົມບັດໃນການເຮັດວຽກທີ່ຫຼາກຫຼາຍ, ໄດ້ຮັບການຊັບພອດຈາກຍັກໃຫຍ່ Google ໂດຍກົງ ຫຼື ຫາກຕ້ອງການທາງເລືອກອື່ນ Mozilla Firefox ກໍ່ເປັນອີກຕົວເລືອກໜຶ່ງທີ່ສາມາດເຮັດວຽກໄດ້ທຽບເທົ່າກັບ Chrome, ລອງໄປໃຊ້ກັນເບິ່ງ ມັກໂຕໃດ ຖະໜັດໂຕໃດກໍ່ເລືອກສັນກັນຕາມໃຈເພື່ອນໆ ເລີຍ.

    ດາວໂຫຼດ | Download Chrome | Firefox

  2. Chat and Streaming: WeChat, WhatsApp, LINE, Discord, Twitch - ການຕິດຕໍ່ສື່ສານໃນປັດຈຸບັນ ຫັນມາເປັນການເພິ່ງພາອິນເຕີເນັດໃນການເຊື່ອມຕໍ່ເຖິງກັນ, ທັງລາຄາຖືກກວ່າ ແລະ ຄວາມສາມາດຮອບດ້ານ. ສຳລັບ WeChat, WhatsApp ຫຼື LINE ຄົງຈະບໍ່ຕ້ອງອະທິບາຍຫຍັງຫຼາຍ, ທຸກຄົນໜ້າຈະຮູ້ຈັກ ແລະ ຊົມໃຊ້ກັນຢູ່ແລ້ວ. ສ່ວນ Discord ນັ້ນເບື້ອງຕົ້ນເປັນ Platform ທີ່ສ້າງຂຶ້ນມາເພື່ອສື່ສານກັນລະຫວ່າງກຸ່ມຄົນຫຼິ້ນເກມ ແຕ່ປັດຈຸບັນສາມາດໃຊ້ໄດ້ທົ່ວໄປແລ້ວທັງ ຂໍ້ຄວາມສຽງ, ວີດີໂອ, ຂໍ້ຄວາມສັ້ນ ທັງແບບບຸກຄົນ ແລະ ສົນທະນາແບບກຸ່ມ. ສຳລັບ Twitch ກໍ່ເປັນ Platform ສຳລັບຖ່າຍທອດສົດການຫຼິ້ນເກມຂອງ Gamer ຕ່າງໆ ທົ່ວໂລກ, ສາຍເກມບໍ່ຄວນພາດ (ໃຜມີ Channel ເຈັງໆ ກໍ່ມາແບ່ງປັນໃຫ້ຜູ້ຂຽນຕິດຕາມນຳກັນແດ່ ໂດຍສະເພາະຊ່ອງເກມເມີສາວໜ້າຮັກ ໆ ຫຸໆ).

    ດາວໂຫຼດ | Download WeChat | WhatsApp | LINE | Discord | Twitch

  3. Thunderbird - ຫາກເພື່ອນໆ ເປັນອີກໜຶ່ງຄົນທີ່ຕ້ອງຈັດການກັບອີເມວຈຳນວນຫຼາຍ Thunderbird ເປັນໂປຣແກຣມຮັບ-ສົ່ງອີເມວທີ່ມາພ້ອມກັບຄຸນສົມບັດຕ່າງໆ ທີ່ຈະເຮັດໃຫ້ການຈັດການກັບອີເມວທີ່ໜ້າເບື່ອຂອງເພື່ອນໆ ງ່າຍຂຶ້ນເປັນກອງ ເຊັ່ນ: ການຕັ້ງຄ່າທີ່ງ່າຍດາຍ, ສາມາດຄົ້ນຫາ ຫຼື ສ້າງເງື່ອນໄຂໃນການຄົ້ນຫາອີເມວ ແລະ ອີກຫຼາຍ (ສາມາດອ່ານຄຸນສົມບັດເພີ່ມເຕີມໄດ້ຈາກເວັບໄຊນີ້ເລີຍ).

    ດາວໂຫຼດ | Download

  4. qBittorent - ສາຍໂຫຼດບິດກໍ່ຕ້ອງໂປຣແກຣມນີ້, ມາພ້ອມກັບໜ້າຕາທີ່ລຽບງ່າຍ, ການເຮັດວຽກທີ່ບໍ່ເປືອງຊັບພະຍາກອນເຄື່ອງ ແລະ ຄວາມສາມາດທີ່ຄົບຖ້ວນ (ພາກັນໂຫຼດແຕ່ຄອນເທັນທີ່ຖືກລິຂະສິດເດີ້ ຜູ້ຂຽນບໍ່ສົ່ງເສີມໃຫ້ມີການລະເມີດລິຂະສິດແຕ່ຢ່າງໃດ).

    ດາວໂຫຼດ | Download

Entertainment and media | ຄວາມບັນເທີງ ແລະ ສື່ (ວີດີໂອຮູບພາບ) 

  1. VLC - ໂປຣແກຣມເບິ່ງໜັງຟັງເພງຟຣີທີ່ຄຸນສົມບັດຄອບຈັກກະວານອີກໂຕໜຶ່ງ, ເທົ່າທີ່ຮູ້ມາແມ່ນສາມາດຮອງຮັບນາມສະກຸນວີດີໂອໄດ້ຢ່າງຫຼາກຫຼາຍທີ່ສຸດໂປຣແກຣມໜຶ່ງ ແລະ ສາມາດປັບແຕ່ງການຕັ້ງຄ່າຕ່າງໆ ຫຼື ແມ່ນແຕ່ສາມາດ Stream ຄອນເທັນອອນລາຍຈາກເຊີເວີໄດ້ໂດຍກົງ. ເປັນອີກໜຶ່ງໂປຣແກຣມທີ່ຄວນມີຕິດເຄື່ອງເປັນຢ່າງຍິ່ງ.

    ດາວໂຫຼດ | Download 

  2. foobar - ໂປຣແກຣມຟັງເພງທີ່ໄດ້ຮັບຄວາມນິຍົມຈາກນັກຟັງເພງທົ່ວໂລກ. ທີ່ມາພ້ອມກັບໜ້າຕາລຽບຫຼູ ແລະ ຍັງສາມາດປັບແຕ່ງໄດ້ເພີ່ມເຕີມ, ຮອງຮັບນາມສະກຸນເພງໄດ້ຫຼາກຫຼາຍ, ຄວາມງ່າຍໃນການເພີ່ມ Tag ໃຫ້ກັບເພງຕ່າງໆ ແລະ ຄຸນສົມບັດອີກຫຼາຍ ເພື່ອນໆ ສາມາດທົດລອງ ດາວໂຫຼດ | Download ມາໃຊ້ງານກັນໄດ້ແບບຟຣີໆ. 

  3. Gimp - ເປັນ Photoshop ເວີຊັນຟຣີກໍ່ວ່າໄດ້ ເປັນອີກໜຶ່ງໂຄງການ Opensource ທີ່ໄດ້ຮັບການພັດທະນາຈາກໂປຣແກຣມເມີທົ່ວໂລກ ນິຍົມກັນຫຼາຍໃນຝັ່ງຜູ້ໃຊ້ Linux ແຕ່ກໍ່ມີເວີຊັນທີ່ເປັນຂອງ Windows ເຊັ່ນກັນ, ຄຸນສົມບັດໃກ້ຄຽງກັນ. ຫາກຝຶກຝົນກັນດີໆ ຮັບຮອງວ່າສາມາດນຳເປັນເຮັດວຽກຍາກໆ ແທນ Photoshop ໄດ້ເລີຍ.

    ລອງດາວໂຫຼດເລີຍ | Download 

Utilities | ເຄື່ອງມື 

  1. 7-Zip - ໂປຣແກຣມແຕກໄຟລ໌ ZIP ຟຣີໆ ດີໆ ພາດບໍ່ໄດ້ ດາວໂຫຼດເລີຍ | Download 

  2. Notepad++ - ເປັນ Text editor ທີ່ຄຸນສົມບັດເຫຼືອລົ້ນ, ຈະໃຊ້ເປີດໄຟລ໌ .TXT ກໍ່ດີ ຫຼື ແມ່ນແຕ່ໃຊ້ໃນການຂຽນໂປຣແກຣມກໍ່ຍັງໄດ້ ຂະໜາດໄຟລ໌ກໍ່ເບົາຫວິວ ເຮັດວຽກໄວ ແລະ ໃຊ້ໄດ້ຕາມຈຸດປະສົງ ດາວໂຫຼດ | Download

  3. Wiztree - ຫາກເພື່ອນໆ ເປັນຜູ້ໃຊ້ Windows ແນ່ນອນວ່າຕ້ອງມີຈັກຄັ້ງທີ່ຕ້ອງພົບວ່າ ຮາດດີສ (Harddisk) ຫຼື ພື້ນທີ່ເກັບໄຟລ໌ໃກ້ເຕັມ ແຕ່ກໍ່ບໍ່ຮູ້ວ່າເຕັມຍ້ອນຫຍັງ, ລືມວ່າເກັບຮູບພາບ ວີດີໂອ ຫຼື ໄຟລ໌ຂະໜາດໃຫຍ່ໆ ໄວ້ຢູ່ໃສ. ໂປຣແກຣມ Wiztree ສ້າງຂຶ້ນມາແກ້ບັນຫາດັ່ງກ່າວ, ໂດຍການສະແກນເຄື່ອງຄອມພິວເຕີ ແລ້ວສະແດງໃຫ້ເຫັນວ່າຂະໜາດໄຟລ໌ທີ່ເກັບຢູ່ແຕ່ລະບ່ອນນັ້ນມີຂະໜາດເທົ່າໃດ ເພື່ອງ່າຍໃນການນຳໄປລົບອອກຈາກຄວາມຈຳ (ຈະລົບກໍ່ກວດເບິ່ງດີໆ ລະ, ດຽວຫຼົງໄປລົບໄຟລ໌ໂປຣແກຣມອື່ນ ຫຼື ໄຟລ໌ລະບົບແລ້ວຈະຫຍຸ້ງໄປໜ້າ).

    ດາວໂຫຼດ | Download 

  4. Avast - ໃນຍຸກທີ່ການເພິ່ງພາລະບົບອອນລາຍເປັນຫຼັກ ກຸ່ມຄົນບໍ່ດີກໍ່ຍິ່ງເພີ່ມທະວີຄວາມຕ້ອງການສ້າງຄວາມເສຍຫາຍໃຫ້ແກ່ຜູ້ໃຊ້, ການມີໂປຣແກຣມສະແກນໄວຣັດດີໆ ຈັກໂຕກໍ່ເປັນຄວາມຄິດທີ່ດີບໍ່ໜ້ອຍ. Avast ເປັນບໍລິການທີ່ສາມາດນຳໃຊ້ໄດ້ຟຣີໃນຄວາມສາມາດທີ່ຈຳກັດ, ຫາກຕ້ອງການຄວາມສາມາດເຕັມກໍ່ສາມາດຈ່າຍເງິນຊື້ License ໄດ້ເຊັ່ນກັນ ເຊິ່ງຫາກມີເງື່ອນໄຂ ກໍ່ແນະນຳໃຫ້ໃຊ້ໂຕເຕັມ, ເພາະຈະມີຄຸນສົມບັດທີ່ສາມາດປົກປ້ອງໄພອັນຕະລາຍເທິງໂລກໄຊເບີໄດ້ອີກລະດັບນັ້ນເອງ.

    ດາວໂຫຼດ | Download 

  5. TeamViewer - ເປັນໂປຣແກຣມຄວບຄຸມເຄື່ອງໄລຍະໄກ (Remote Desktop) ທີ່ໄດ້ຮັບຄວາມນິຍົມສູງ ແລະ ແນ່ນອນວ່າມີເວີຊັນໃຊ້ຟຣີ. ເປັນອີກໂປຣແກຣມທີ່ຄວນມີໃນເຄື່ອງໄວ້ ເພື່ອຫາກເກີດບັນຫາໃນຄອມພິວເຕີບໍ່ຮູ້ຈະແກ້ແນວໃດ, ສາມາດສົ່ງ ID ແລະ ລະຫັດຜ່ານເພື່ອເຊື່ອມຕໍ່ເຂົ້າຄອມພິວເຕີຂອງຕົນເອງໃຫ້ກັບໝູ່ ຫຼື ພະນັກງານ IT ເພື່ອ Remote ຜ່ານອິນເຕີເນັດເຂົ້າມາແກ້ໄຂໃຫ້ໂດຍກົງ.

    ດາວໂຫຼດ | Download 

  6. Revo Uninstaller - ຫາກຕ້ອງການຖອນການຕິດຕັ້ງໂປຣແກຣມ (Uninstall) ອອກຈາກເຄື່ອງຄອມພິວເຕີຢ່າງໝົດຈົດ ບໍ່ຫຼົງເຫຼືອຮ່ອງຮອຍອາລິຍະທຳໄວ້ ແນະນຳໂປຣແກຣມນີ້ (ມີທັງເວີຊັນຟຣີ ແລະ ເສຍເງິນ), ຫຼັງຈາກຖອນການຕິດຕັ້ງແລ້ວ ໂປຣແກຣມດັ່ງກ່າວຈະສະແກນຫາໄຟລ໌ທີ່ຍັງຄ້າງຢູ່ໃນລະບົບ ຈາກກັບໂປຣແກຣມທີ່ຫາກໍ່ຖອນການຕິດຕັ້ງອອກໄປນັ້ນ.

    ດາວໂຫຼດ | Download 

  7. wox - ເປັນໂປຣແກຣມທີ່ເຮັດວຽກຄ້າຍກັນກັບ Spotlight ທີ່ຢູ່ໃນ macOS ຫຼື Cotana search ໃນ Windows ນັ້ນແຫຼະ ພຽງແຕ່ວ່າມັນມີຕົວເລືອກ ແລະ ຄວາມສາມາດທີ່ຫຼາຍກວ່າ ເຊັ່ນ: ສາມາດພິມເພື່ອຄົ້ນຫາລາຍຊື່ໂປຣແກຣມທີ່ຕິດຕັ້ງໃນຄອມພິວເຕີ ແລະ ສາມາດໃຊ້ແທນກ່ອງຄຳສັ່ງ Run ໃນ Windows ໄດ້ເລີຍ. ນອກນັ້ນ ເພື່ອນໆ ຍັງສາມາດບວກເລກໃນຊ່ອງຄົ້ນຫາ, ສາມາດສະແດງສີຈາກການພິມລະຫັດສີ, ຄົ້ນຫາການຕັ້ງຄ່າໃນ Control Panel, ຄຳສັ່ງລະບົບ (ປິດເຄື່ອງ, ຣີສຕາດ, ລ້າງຖັງຂີ້ເຫຍື້ອ...) ແລະ ອື່ນໆ ອີກຫຼາຍທີ່ສາມາດຕິດຕັ້ງ Plugin ເພີ່ມເຕີມໄດ້ (ສາມາດຄົ້ນຫາເພີ່ມເຕີມຈາກ). ຫາກໃຊ້ໄດ້ຄ່ອງແຄ້ວແລ້ວເພື່ອນໆ ຈະສາມາດປະຢັດເວລາໃນການໃຊ້ຄອມພິວເຕີໄປໄດ້ຫຼາຍເລີຍ.

    ດາວໂຫຼດ | Download  

  8. Greenshot - ຫາກຈຳເປັນຕ້ອງໄດ້ຈັບພາບໜ້າຈໍ ຈະດ້ວຍເຫດຜົນໃດກໍ່ຕາມ, ຫ້າມພາດກັບໂປຣແກຣມນ້ອຍໆ ແຕ່ຄວາມສາມາດມະຫາສານ ທີ່ຈະເຮັດໃຫ້ການຈັບພາບໜ້າຈໍນັ້ນສະດວກງ່າຍດາຍ ແລະ ມາພ້ອມກັບຄວາມສາມາດທີ່ຈະແກ້ໄຂພາບທີ່ບັນທຶກໜ້າຈໍອີກດ້ວຍ. ຢາກລອງກໍ່ ດາວໂຫຼດ | Download 

ໃຜແດ່ທີ່ມີໂປຣແກຣມຄົບທຸກໂຕໃນຄອມທີ່ກ່າວມາຂ້າງເທິງນັ້ນ? ຫາກຍັງບໍ່ມີກໍ່ໂຫຼດມາຕິດຕັ້ງໄວ້ເລີຍ. 


ຂຽນໂດຍ: Nilavath 

ອ້າງອີງ:  

Advertisement Replay Ad
ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ