ວັນເສົາ ທີ 8 ພຶດສະພາ 2021

ເມືອງພຽງ ແດນອູ່ເຂົ້າອູ່ປາຂອງໄຊຍະບູລີ ຂອງດີໜ້າແວ່ທ່ຽວ ທີ່ຫຼາຍຄົນອາດຍັງບໍ່ທັນຮູ້

ເມືອງພຽງ ແດນອູ່ເຂົ້າອູ່ປາຂອງໄຊຍະບູລີ ຂອງດີໜ້າແວ່ທ່ຽວ ທີ່ຫຼາຍຄົນອາດຍັງບໍ່ທັນຮູ້
S! Muan

ສະໜັບສະໜູນເນື້ອຫາ

300 ກິໂລແມັດ ຈາກ ນະຄອນຫຼວງວຽງຈັນ ໄປທາງທິດຕາເວັນຕົກ ເລາະຂຶ້ນໄປຕາມເສັ້ນທາງເລກ 4 ແມ່ນທີ່ຕັ້ງຂອງດິນແດນແຫ່ງໜຶ່ງ 

ດິນແດນທີ່ອ້ອມຮອບດ້ວຍພູຜາປ່າໄມ້ທີ່ຂຽວສົດງົດງາມ ແລະ ສາຍນໍ້າທີ່ອຸດົມສົມບູນ 

ດິນແດນທີ່ເປັນພູມລຳເນົາຂອງບັນດາເຜົ່າຫຼາກຫຼາຍສີສັນ ແລະ ດຸໝັ່ນຂະຫຍັນພຽນ 

ດິນແດນທີ່ປົກຄຸມໄປດ້ວຍທົ່ງພຽງອັນກວ້າງໃຫຍ່ສຸດສາຍຫູສາຍຕາ 

ແລະ ດິນແດນທີ່ວ່ານີ້ກໍຄື ‘ເມືອງພຽງ ແດນອູ່ເຂົ້າອູ່ປາຂອງ ແຂວງ ໄຊຍະບູລີ 

ເລື່ອງລາວຂອງດິນແດນແຫ່ງນີ້ຈະໜ້າສົນໃຈຄືແນວໃດນັ້ນ ພວກເຮົາມາຕິດຕາມໄປພ້ອມໆກັນເລີຍ!

 ທົ່ງນາເມືອງພຽງ ຫຼັງລະດູການເກັບກ່ຽວເຂົ້ານາປີ /ພາບ: Bouavonh Biachampah 

ຕາມການບອກເລົ່າຂອງຜູ້ເຖົ້າຜູ້ແກ່ໄດ້ໃຫ້ຮູ້ວ່າ ເມືອງພຽງ ມີຄົນເລີ່ມມາຕັ້ງຖິ່ນຖານຢູ່ຕັ້ງແຕ່ສະຕະວັດທີ 15, ລະຫວ່າງປີ 1496 ແລະ ຊື່ ‘ເມືອງພຽງ’ ແມ່ນຕັ້ງຕາມລັກສະນະພູມສັນຖານທີ່ຮາບພຽງ ແລະ ກວ້າງໃຫຍ່ໄພສານ ນັ້ນເອງ. ເມືອງພຽງ ມີເນື້ອທີ່ທັງໝົດ 2,826 ກິໂລຕາແມັດ, ມີຊາຍແດນຕິດຈອດກັບບັນດາເມືອງ ແລະ ປະເທດເພື່ອນບ້ານ ຄື: ທິດເໜືອຕິດກັບ ເມືອງໄຊຍະບູລີ, ທິດໃຕ້ຕິດກັບ ເມືອງປາກລາຍ ແລະ ເມືອງທົ່ງມີໄຊ, ທິດຕາເວັນອອກຕິດກັບ ເມືອງປາກລາຍ ແລະ ເມືອງໄຊຍະບູລີ, ທິດຕາເວັນຕົກຕິດກັບ ລາຊະອານາຈັກໄທ, ເທດສະບານເມືອງຕັ້ງຢູ່ ບ້ານ ນໍ້າປຸຍ, ຫ່າງຈາກເທດສະບານແຂວງ ປະມານ 52 ກິໂລແມັດ, ປະກອບມີ 51 ບ້ານ, ມີພົນລະເມືອງທັງໝົດ 62.449 ຄົນ, ມີ 8 ຊົນເຜົ່າ ຄື: ລາວ, ມົ້ງ, ກຶມມຸ, ລື້, ໄຕດໍາ, ອິວມຽນ, ຍວນ ແລະ ໄປຣ່. ໃນນັ້ນ, 62.18% ຂອງພົນລະເມືອງທັງໝົດແມ່ນ ຊົນເຜົ່າລາວ ເຊິ່ງເປັນຊົນເຜົ່າທຳອິດທີ່ເລີ່ມເຂົ້າມາຕັ້ງຖິ່ນຖານຢູ່ເຂດດັ່ງກ່າວນີ້.


ສະຖານທີ່ຈັດງານບຸນເຂົ້າກອງໃຫຍ່  /ພາບ: Bouavonh Biachampah 

ລັກສະນະພູມສັນຖານທີ່ຮາບພຽງຫຼາຍກວ່າຫ້າພັນເຮັກຕາ ບວກໃສ່ແຫຼ່ງນໍ້າສໍາຄັນສອງສາຍ ຄື: ນໍ້າພຽງ ແລະ ນໍ້າຕານ ທີ່ປຽບເໝືອນເສັ້ນເລືອດໃຫຍ່ຫຼໍ່ລ້ຽງຜືນແຜ່ນດິນໃນແຖບນີ້ມາແຕ່ດົນນານ ໄດ້ເຮັດໃຫ້ ເມືອງພຽງ ກາຍເປັນແຫຼ່ງຂຸມຊັບອັນລໍ້າຄ່າທີ່ເປັນເງື່ອນໄຂອັນດີໃຫ້ແກ່ການຜະລິດເຂົ້າປາອາຫານເພື່ອລ້ຽງຊີບຂອງປະຊາຊົນພາຍໃນເມືອງ ແລະ ເປັນສິນຄ້າສົ່ງອອກໃຫ້ແກ່ບັນດາເມືອງໃກ້ຄຽງ ແລະ ຕ່າງແຂວງໄດ້ອີກດ້ວຍ ຈົນໄດ້ຖືກຂະໜານນາມວ່າເປັນ ‘ອູ່ເຂົ້າອູ່ປາ ຂອງ ແຂວງ ໄຊຍະບູລີ’ ຕະຫຼອດມາ.

ການກະກຽນດິນເພື່ອປູກເຂົ້ານາແຊງ /ພາບ: Bouavonh Biachampah

ການປູກໝາກຖົ່ວເຫຼືອງໃນໄລຍະລະດູແລ້ງ /ພາບ: Bouavonh Biachampah

 
ນາທີ່ບໍ່ສາມາດປູກພືດໃນລະດູແລ້ງຈະຖືກນໍາໃຊ້ເພື່ອລ້ຽງສັດໃຫຍ່ /ພາບ: Bouavonh Biachampah 

ຊາວເມືອງພຽງ ເປັນກຸ່ມຄົນທີ່ມີມູນເຊື້ອດຸໝັ່ນຂະຫຍັນພຽນໃນການຜະລິດກະສິກໍາມາແຕ່ດຶກດໍາບັນ ຈຶ່ງບໍ່ແມ່ນເລື່ອງແປກທີ່ການເຮັດນາຍັງຄົງເປັນອາຊີບຕົ້ນຕໍຂອງເຂົາເຈົ້າ ຄຽງຄູ່ກັນນັ້ນ ຍັງມີການປູກພືດຜັກເປັນສິນຄ້າ, ການລ້ຽງສັດ, ຫັດຖະກໍາ ແລະ ການບໍລິການຄ້າຂາຍຕ່າງໆ ເປັນອາຊີບສໍາຮອງອີກດ້ວຍ.

ຖຽງນາທີ່ສາມາດພົບເຫັນຈາກສອງຟາກທາງ /ພາບ: Bouavonh Biachampah 

ຖ້າພວກເຮົາເດີນທາງຈາກເທດສະບານແຂວງລົງມາຕາມເສັ້ນທາງເລກ 4 ປະມານ 28 ກິໂລແມັດ ກໍຈະໄດ້ພົບພໍ້ກັບຄວາມງົດງາມຂອງທົ່ງນາທີ່ທອດຍາວໄປຕາມສອງຟາກທາງ ເຊິ່ງມົນສະເໜ່ຢ່າງໜຶ່ງທີ່ປະສົມປະສານຢູ່ໃນທົ່ງນາອັນກວ້າງໃຫຍ່ນີ້ແມ່ນ ຖຽງນາ ທີ່ຕັ້ງຢູ່ກະແຈກກະຈາຍຕາມຈຸດຕ່າງໆ ແລະ ມີຫຼາຍແບບຫຼາຍຮູບຊົງແຕກຕ່າງກັນໄປ. ໃນເມື່ອກ່ອນ ຖຽງນາ ເກືອບຖືໄດ້ວ່າເປັນເຮືອນຫຼັງທີ່ສອງຂອງປະຊາຊົນໃນເຂດນີ້ເລີຍກໍວ່າໄດ້ ເນື່ອງຈາກວ່າໃນເວລານັ້ນການເຮັດນາຕ້ອງອາໄສແຮງງານຄົນ ແລະ ສັດເປັນຫຼັກ ເຊິ່ງກວ່າຈະສໍາເລັດອາດໃຊ້ເວລາເປັນເດືອນ ຫຼື ອາດຫຼາຍກວ່ານັ້ນ. ປັດຈຸບັນນີ້ ເມື່ອມີການນໍາກົນຈັກທີ່ທັນສະໄໝເຂົ້າໃນການເຮັດນາລວມເຖິງຖະໜົນຫົນທາງທີ່ສະດວກສະບາຍຂຶ້ນ ໄລຍະເວລາໃນການຜະລິດກໍຫຼຸດລົງຫຼາຍຖ້າທຽບໃສ່ເມື່ອກ່ອນ ເຮັດໃຫ້ ຖຽງນາ ມີບົດບາດໜ້ອຍລົງ ແຕ່ກໍຍັງຄົງມີໄວ້ໃຫ້ເຫັນຈົນເຖິງທຸກມື້ນີ້.

ງານເທດສະການບຸນກອງເຂົ້າໃຫຍ່ /ພາບ: Phoonsab Thevongsa 

ໃນແຕ່ລະປີພາຍຫຼັງທີ່ສໍາເລັດການເກັບກູ້ຜົນຜະລິດແລ້ວ ປະຊາຊົນຈະພ້ອມກັນສະຫຼອງບຸນປະເພນີ ດ້ວຍການເຮັດເຂົ້າເປືອກ-ເຂົ້າສານໄປທານທີ່ວັດ ເພື່ອລະນຶກເຖິງບຸນຄຸນເຂົ້າ ແລະ ເປັນການເຕົ້າໂຮມທຶນຮອນ ເພື່ອປະຕິສັງຂອນວັດວາອາຣາມຕ່າງໆ ເຊິ່ງບຸນປະເພນີດັ່ງກ່າວໄດ້ຖືກຍົກລະດັບຂຶ້ນເປັນ ງານເທດສະການບຸນກອງເຂົ້າໃຫຍ່ ນັບຕັ້ງແຕ່ປີ 2010 ເປັນຕົ້ນມາ ແລະ ໄດ້ກໍານົດເອົາເດືອນມັງກອນຂອງທຸກໆປີເປັນໄລຍະຈັດງານເທດສະການດັ່ງກ່າວ ເຊິ່ງພາຍໃນງານຈະມີຫຼາກຫຼາຍກິດຈະກໍາເຊັ່ນ: ກິດຈະກໍາທາງສາສະໜາ, ພິທີແຫ່ເຂົ້າເປືອກ-ເຂົ້າສານ, ຂະບວນກ້ອນແຫ່ມະຫາຊົນບັນດາເຜົ່າ, ການປະກວດນາງທິດາກອງເຂົ້າໃຫຍ່, ການປະກວດນັກຮ້ອງສຽງດີ, ສິລະປະວັນນະຄະດີບັນດາເຜົ່າ ແລະ ກິລາພື້ນເມືອງຕ່າງໆ ນອກນັ້ນ, ກໍຍັງມີຕະຫຼາດນັດເພື່ອວາງສະແດງສິນຄ້າໜຶ່ງເມືອງໜຶ່ງຜະລິດຕະພັນຂອງຊາວບ້ານ (ODOP), ກິດຈະກໍາຊົມວິຖີຊີວິດຂອງປະຊາຊົນບັນດາເຜົ່າ ເພື່ອການອະນຸລັກ ແລະ ສົ່ງເສີມການທ່ອງທ່ຽວທາງວັດທະນະທໍາ ແລະ ຮີດຄອງປະເພນີທີ່ເປັນມູນເຊື້ອອັນດີງາມຂອງທ້ອງຖິ່ນ.

ງານບຸນບັ້ງໄຟທີ່ ບ້ານ ເມືອງພຽງ /ພາບ: Phoonsab Thevongsa  

ນອກຈາກນີ້, ໃນໄລຍະເດືອນພຶດສະພາ ຫຼື ເດືອນຫົກລາວ ເຊິ່ງເປັນໄລຍະກ່ອນກ້າວເຂົ້າສູ່ລະດູການຜະລິດເຂົ້ານາປີ ຢູ່ທີ່ ບ້ານເມືອງພຽງ ຈະມີງານບຸນໃຫຍ່ອີກງານໜຶ່ງ ເອີ້ນວ່າ: ບຸນບັ້ງໄຟ. ບຸນປະເພນີດັ່ງກ່າວນີ້ປົກກະຕິຈະຈັດຂຶ້ນທຸກໆປີ (ຍົກເວັ້ນປີນີ້ທີ່ຖືກໂຈະຍ້ອນສະພາບການລະບາດຂອງພະຍາດໂຄວິດ-19) ເພື່ອເປັນການບູຊາ ແລະ ຂໍນໍ້າຝົນຈາກພະຍາແຖນ ຕາມຄວາມເຊື່ອຖືຂອງຊາວພຸດທີ່ຍຶດຖືປະຕິບັດມາແຕ່ບູຮານນະການ.

ຕົ້ນໝາກຂາມເຕ້ຍ /ພາບ: Bouavonh Biachampah 

ນອກຈາກວິຖີຊີວິດທີ່ເປັນເອກະລັກ ແລະ ຮີດຄອງປະເພນີອັນດີງາມທີ່ໄດ້ກ່າວມາແລ້ວນັ້ນ, ເມືອງພຽງ ຍັງມີສະຖານທີ່ທ່ອງທ່ຽວທີ່ໜ້າສົນໃຈອີກຈໍານວນໜຶ່ງ ເປັນຕົ້ນແມ່ນ: 

  • ຕົ້ນໝາກຂາມເຕ້ຍ ຫຼື ກົກຂາມເຕ້ຍ (ຕາມພາສາທ້ອງຖິ່ນ) ເປັນຕົ້ນໄມ້ເກົ່າແກ່ອາຍຸຫຼາຍກວ່າ 600 ປີ ຕັ້ງຢູ່ເຂດ ທົ່ງນາຕອມ, ລະຫວ່າງບ້ານກາງ ແລະ ບ້ານນາກອກ ຫ່າງຈາກເທດສະບານເມືອງ ປະມານ 20 ກິໂລແມັດ. 
  • ນໍ້າປຸ້ນ: ເປັນຍອດນໍ້າທໍາມະຊາດທີ່ໄຫຼລອດຈາກພື້ນດິນ ຕັ້ງຢູ່ເຂດ ບ້ານໂພນທອງ ຫ່າງຈາກເທດສະບານເມືອງ 4 ປະມານ 43 ກິໂລແມັດ. 
  • ຕົ້ນໄມ້ແຕ້ຂ່າໃຫຍ່: ເປັນຕົ້ນໄມ້ຂະໜາດໃຫຍ່ທີ່ມີອາຍຸຫຼາຍກວ່າ 1.000 ປີ ເຊິ່ງຕັ້ງຢູ່ ບ້ານ ສົມສະຫວາດ ເຂດປ່າສະຫງວນແຫ່ງຊາດນໍ້າປຸຍ ຫ່າງຈາກເທດສະບານເມືອງ ປະມານ 35 ກິໂລແມັດ.

ສໍາລັບທ່ານໃດທີ່ສົນໃຈໄປຢ້ຽມຢາມເມືອງພຽງແຫ່ງນີ້ ສາມາດເດີນທາງໄດ້ສອງທາງ ດັ່ງນີ້: 

  1. ຈາກນະຄອນຫຼວງວຽງຈັນ ໄປຕາມເສັ້ນທາງແຄມຂອງຜ່ານເມືອງຊະນະຄາມ ແຂວງວຽງຈັນ ຂ້າມຂົວແມ່ນໍ້າຂອງທີ່ເມືອງປາກລາຍ ຈາກນັ້ນ ເລາະຂຶ້ນໄປຕາມເສັ້ນທາງເລກທີ 4 ໄປທາງທິດເໜືອ ລວມໄລຍະທາງທັງໝົດປະມານ 300 ກິໂລແມັດ ໃຊ້ເວລາເດີນທາງປະມານ 6-8 ຊົ່ວໂມງ.
  2. ຈາກແຂວງຫຼວງພະບາງ ໄປຫາເທດສະບານແຂວງໄຊຍະບູລີ ຕາມເສັ້ນທາງເລກທີ 4 ລົງໄປທາງທິດໃຕ້ ລວມໄລຍະທາງທັງໝົດປະມານ 160 ກິໂລແມັດ ໃຊ້ເວລາເດີນທາງປະມານ 3-4 ຊົ່ວໂມງ. 

ທັງໝົດນີ້ກໍຄື ເລື່ອງລາວຂອງ ‘ເມືອງພຽງ ແດນອູ່ເຂົ້າອູ່ປາຂອງ ແຂວງ ໄຊຍະບູລີ ທີ່ນໍາມາຝາກກັນໃນມື້ນີ້ 

ຮູ້ຈັກແລ້ວ ຢ່າລືມຫາໂອກາດໄປສໍາຜັດດ້ວຍຕົວເອງແດ່ເດີ! 


ໂດຍ: ​Bouavonh Biachampah 

Advertisement Replay Ad
ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ