ວັນອາທິດ ທີ 19 ກັນຍາ 2021

ພາທ່ຽວ "ໄຊສະຖານ" ດິນແດນແຫ່ງສາຍໝອກ ພູຜາ ແລະ ອາກາດໜາວເຢັນ

ພາທ່ຽວ "ໄຊສະຖານ" ດິນແດນແຫ່ງສາຍໝອກ ພູຜາ ແລະ ອາກາດໜາວເຢັນ
S! Muan

ສະໜັບສະໜູນເນື້ອຫາ

“ໄປດອຍ” ເປັນຄໍາເວົ້າທີ່ມັກໃຊ້ເວລາເດີນທາງໄປຍັງດິນແດນແຫ່ງໜຶ່ງ 

ດິນແດນທີ່ອ້ອມຮອບໄປດ້ວຍພູຜາ ແລະ ມີອາກາດໜາວເຢັນຕະຫຼອດປີ  

ດິນແດນທີ່ເປັນພູມລຳເນົາຂອງຊົນເຜົ່າ ໄປຣ່ ກຸ່ມໃຫຍ່ທີ່ສຸດໃນປະເທດລາວ 

ດິນແດນທີ່ມີຊື່ສຽງເລື່ອງໝ້ຽງໃບຊາພັນປີ 

ແລະ ດິນແດນທີ່ວ່ານີ້ກໍຄື “ເມືອງ ໄຊສະຖານ ດິນແດນແຫ່ງສາຍໝອກ” 

ເລື່ອງລາວຂອງດິນແດນແຫ່ງນີ້ຈະໜ້າສົນໃຈຄືແນວໃດນັ້ນ ພວກເຮົາມາຕິດຕາມໄປພ້ອມໆກັນເລີຍ! 


ບ້ານສະແມດໃຫຍ່ /ພາບ: Bouavonh Biachampah 

ໃນເມື່ອກ່ອນ ເມືອງ ໄຊສະຖານ ເປັນເຂດທີ່ມີຄວາມກັນດານທີ່ສຸດຂອງແຂວງ ໄຊຍະບູລີ ແລະ ມັກເອີ້ນກັນວ່າ “ເຂດສະແມດ-ສັນແຕ” ເນື່ອງຈາກວ່າເປັນເຂດທີ່ຊົນເຜົ່າໄປຣ່ໄດ້ເຂົ້າມາຕັ້ງຖິ່ນຖານຢູ່ເປັນເທື່ອທໍາອິດເມື່ອຮ້ອຍກວ່າປີມາແລ້ວ ຈົນກາຍເປັນຊຸມຊົນຂະໜາດໃຫຍ່ກວ່າໝູ່ໃນເວລານັ້ນ. ແຕ່ປະຊາຊົນໃນເຂດນີ້ມີຊີວິດການເປັນຢູ່ທີ່ທຸກຍາກ ຍ້ອນດໍາລົງຊີວິດໂດຍອາໄສການຖາງປ່າເຮັດໄຮ່ ແລະ ການເກັບເຄື່ອງປ່າຂອງດົງເພື່ອລ້ຽງຊີບ ແລະ ມີຂໍ້ຈໍາກັດໃນການເຂົ້າເຖິງພື້ນຖານໂຄງລ່າງທີ່ຈໍາເປັນ ແລະ ສິ່ງອໍານວຍຄວາມສະດວກຂັ້ນພື້ນຖານຕ່າງໆ. ຈົນມາຮອດປີ 2009, ເພື່ອພັດທະນາຊີວິດການເປັນຢູ່ຂອງປະຊາຊົນເຂດດັ່ງກ່າວໃຫ້ດີຂຶ້ນ, “ເມືອງ ໄຊສະຖານ” ຈຶ່ງໄດ້ຖືກສ້າງຕັ້ງຂຶ້ນເປັນເມືອງນ້ອງໃໝ່ອັນດັບທີ 11 ຂອງແຂວງ ໄຊຍະບຸລີ.


ບ້ານດອຍກາວ, ເທດສະບານເມືອງ ໄຊສະຖານ /ພາບ: Bouavonh Biachampah 

ເມືອງ ໄຊສະຖານ ມີເນື້ອທີ່ທັງໝົດ 952 ກມ2, ຕັ້ງຢູ່ພາກຕາເວັນຕົກສຽງເໜືອຂອງແຂວງ ໄຊຍະບູລີ, ທິດເໜືອຕິດກັບ ເມືອງ ຫົງສາ, ທິດໃຕ້ຕິດກັບ ເມືອງ ພຽງ, ທິດຕາເວັນອອກຕິດກັບ ເມືອງ ໄຊຍະບູລີ ແລະ ທິດຕາເວັນຕົກຕິດກັບ ລາຊະອານາຈັກໄທ, ມີເທດສະບານເມືອງຕັ້ງຢູ່ ບ້ານ ດອຍກາວ ຫ່າງຈາກເທດສະບານແຂວງ ໄຊຍະບູລີ ປະມານ 64 ກມ, ປະກອບມີ 21 ບ້ານ, ມີພົນລະເມືອງທັງໝົດ 15,693 ຄົນ, ມີ 7 ຊົນເຜົ່າ ຄື: ລາວ, ມົ້ງ, ກຶມມຸ, ໄປຣ່, ລື້, ໄທດໍາ ແລະ ຍວນ. ໃນນັ້ນ, 96.23% ຂອງພົນລະເມືອງທັງໝົດແມ່ນ ຊົນເຜົ່າ ໄປຣ່ ເຊິ່ງເປັນຊົນເຜົ່າທຳອິດທີ່ເລີ່ມເຂົ້າມາຕັ້ງຖິ່ນຖານຢູ່ເຂດດັ່ງກ່າວນີ້ເປັນເວລາຮ້ອຍກວ່າປີມາແລ້ວ. 


ພູເຂົາທະເລໝອກທີ່ສາມາດແນມເຫັນຈາກເທດສະບານເມືອງ /ພາບ: Bouavonh Biachampah
 

ສິ່ງໜຶ່ງທີ່ເປັນເອກະລັກສະເພາະຂອງເມືອງ ໄຊສະຖານ ແມ່ນສະພາບພູມິປະເທດທີ່ເຕັມໄປດ້ວຍພູຜາປ່າດົງທີ່ສູງຊັນ, ສະຫຼັບສັບຊ້ອນ ແລະ ຍາວຢຽດສຸດສາຍຕາ ແມ່ນແຕ່ເທດສະບານເມືອງຍັງຕັ້ງຢູ່ເທິງສັນພູສູງ ສົມກັບວ່າເປັນເມືອງພູດອຍຂອງແຂວງ ໄຊຍະບູລີ ແທ້ໆ. ລັກສະນະພູມສັນຖານດັ່ງກ່າວນີ້ ເອື້ອອໍານວຍໃຫ້ເມືອງ ໄຊສະຖານ ກາຍເປັນດິນແດນທີ່ແຫ່ງນີ້ປົກຫຸ້ມໄປດ້ວຍມວນໝອກໜາແໜ້ນເກືອບຕະຫຼອດປີ ເຊິ່ງເປັນສິ່ງທີ່ສາມາດດຶງດູດຄວາມສົນໃຈຂອງຄົນທີ່ຕ້ອງການສໍາຜັດອາກາດບໍລິສຸດພ້ອມທັງທິວທັດທໍາມະຊາດທີ່ສວຍສົດງົດງາມ ພາກັນຫຼັ່ງໄຫຼເຂົ້າມາພື້ນທີ່ແຫ່ງນີ້ນັບມື້ນັບຫຼາຍຂຶ້ນ. 

ມີຫຍັງແດ່ທີ່ໜ້າສົນໃຈ?

ຈຸດຊົມວິວ ບ້ານດອຍກາວ /ພາບ: Mone Phetsamone 

ສະຖານທີ່ທ່ຽວຊົມທັດສະນິຍະພາບທີ່ໄດ້ຮັບຄວາມນິຍົມທີ່ສຸດ ແມ່ນ ຈຸດຊົມວິວດອຍກາວ, ເຊິ່ງນອກຈາກຈະເປັນຈຸດທີ່ສາມາດແນມເຫັນທິວທັດເທດສະບານເມືອງ ແລະ ທໍາມະຊາດແບບ 360 ອົງສາແລ້ວ ຍັງມີ ສະຖານທີ່ໄວ້ສໍາລັບກາງເຕັ້ນຄ້າງຄືນ ແລະ ເຮືອນຍາວທີ່ເປັນເອກະລັກຂອງຊົນເຜົ່າໄປຣ່ ໄວ້ໃຫ້ເບິ່ງເພື່ອສຶກສາຮຽນຮູ້ອີກດ້ວຍ. ຄຽງຄູ່ກັນນັ້ນ, ໃນໄລຍະລະດູໜາວ ຍັງມີສວນສະຕໍເບຣີ ໄວ້ໃຫ້ເຂົ້າທ່ຽວຊົມ, ຊິມລົດຊາດ ແລະ ຊື້ເປັນຂອງຕ້ອນຂອງຝາກໄດ້ອີກດ້ວຍ.

ຕົ້ນດອກຄາຍ ເຂດບ້ານກໍ່ໃຫຍ່ /ພາບ: Hangham Rum 

ນອກຈາກນີ້, ຢູ່ເຂດບ້ານ ກໍ່ໃຫຍ່ ເຊິ່ງຕັ້ງຢູ່ຫ່າງຈາກເທດສະບານເມືອງປະມານ 18 ກິໂລແມັດ ຈະມີຕົ້ນດອກຄາຍ ຫຼື ທີ່ຄົນສ່ວນຫຼາຍມັກເອີ້ນວ່າ ຕົ້ນຊາກຸລະເມືອງລາວ ປະກົດໃຫ້ເຫັນຢູ່ຕາມສອງຟາກທາງໂດຍສະເພາະໃນໄລຍະເດືອນທັນວາ-ເດືອນມັງກອນ. ບໍ່ມີພຽງເທົ່ານັ້ນ, ເມືອງ ໄຊສະຖານ ແມ່ນ “ຕົ້ນຊາໃຫຍ່ພັນປີ” ເຊິ່ງສາມາດແວ່ຊົມໄດ້ຕະຫຼອດປີຢູ່ທີ່ ບ້ານ ສະແມດນ້ອຍ ເຊິ່ງຕັ້ງຢູ່ລະຫວ່າງທາງກ່ອນຈະຮອດເທດສະບານເມືອງອີກດ້ວຍ.

ປະຊາຊົນ ບ້ານດອຍກາວ /ພາບ: Bouavonh Biachampah 

ຍິ່ງໄປກວ່ານັ້ນ, ສໍາລັບຄົນທີ່ສົນໃຈຮຽນຮູ້ວີຖີຊີວິດຂອງຊົນເຜົ່າໄປຣ່ ທີ່ມີເອກະລັກສະເພາະແລ້ວ ຢູ່ໃສກໍຄົງຈະບໍ່ເໝາະສົມໄປກວ່າຢູ່ເມືອງ ໄຊສະຖານ ແຫ່ງນີ້ ເພາະເຖິງວ່າບ້ານເມືອງຈະມີການພັດທະນາຂຶ້ນຫຼາຍແລ້ວກໍ່ຕາມ ແຕ່ປະຊາຊົນທ້ອງຖິ່ນສ່ວນຫຼາຍກໍຍັງຍຶດຖືການດໍາລົງຊີວິດແບບເກົ່າໄວ້ຢູ່.

ເສັ້ນທາງເຂດ ບ້ານ ປາກລອງ/ພາບ: Bouavonh Biachampah 

ສໍາລັບການເດີນທາງ ເຖິງວ່າຈະເປັນເມືອງພູດອຍ ແຕ່ສາມາດເດີນທາງໄປໄດ້ຕະຫຼອດປີ, ໄດ້ທັງລົດຈັກ ແລະ ລົດໃຫຍ່ ທັງລົດກະບະ ແລະ ລົດເກັງ (ແຕ່ລົດກະບະຈະສະດວກກວ່າ) ເຊິ່ງຈະໃຊ້ເວລາບໍ່ເກີນ 2 ຊົ່ວໂມງກໍຈະຮອດຈຸດໝາຍແລ້ວ. ເລື່ອງບ່ອນພັກ ກໍມີເຮືອນພັກໄວ້ໃຫ້ບໍລິການຈໍານວນໜຶ່ງ. ແຕ່ຖ້າຕ້ອງການນອນໃນເຕັ້ນ ອາດຈໍາເປັນຕ້ອງໄດ້ເອົາເຕັ້ນໄປພ້ອມ ເພາະໄລຍະຜ່ານມາເພິ່ນຍັງບໍ່ທັນມີໃຫ້ເຊົ່າເທື່ອ ແລະ ລະດູໜາວ ຈະເປັນໄລຍະເວລາທີ່ເໝາະສົມສໍາລັບການເດີນທາງ ຫຼື ໃນໄລຍະເດືອນຕຸລາ ຫາ ເດືອນກຸມພາ ຂອງທຸກໆປີ ເພາະເປັນໄລຍະທີ່ສະພາບອາກາດເອື້ອອໍານວຍໃຫ້ຜູ້ມາຢ້ຽມເຢືອນມີໂອກາດໄດ້ສໍາຜັດແສງແດດ ແລະ ສາຍໝອກທີ່ສວຍສົດງົດງາມຫຼາຍກວ່າ. 

ທັງໝົດນີ້ກໍຄື ເລື່ອງລາວຂອງ “ເມືອງ ໄຊສະຖານ ດິນແດນແຫ່ງສາຍໝອກ” 

ຮູ້ຈັກແລ້ວ ຢ່າລືມຫາໂອກາດໄປສໍາຜັດດ້ວຍຕົວເອງແດ່ເດີ 

ແລ້ວມາເລົ່າສູ່ກັນຟັງແດ່ວ່າ “ການໄປດອຍ ນັ້ນເປັນແນວໃດ? 


ບົດຄວາມໂດຍ: ​Bouavonh Biachampah

ພາບປະກອບ: Bouavonh Biachampah

 

Advertisement Replay Ad
ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ