ວັນພຸດ ທີ 22 ກັນຍາ 2021

YouTuber ໄດ້ເງິນຫຼາຍສໍ່າໃດ ຖ້າວິດີໂອມີຄົນເບິ່ງຮອດ 1 ລ້ານວິວ?

YouTuber ໄດ້ເງິນຫຼາຍສໍ່າໃດ ຖ້າວິດີໂອມີຄົນເບິ່ງຮອດ 1 ລ້ານວິວ?
S! Muan

ສະໜັບສະໜູນເນື້ອຫາ

ເສັ້ນທາງສູ່ຄວາມສຳເລັດບໍ່ມີທາງລັດ ເຊັ່ນດຽວກັບເຈົ້າຂອງຊ່ອງ YouTube ຫຼື ທີ່ຫຼາຍຄົນເອີ້ນຕິດປາກວ່າ (ຢູທູບເບີ) ຫຼື ສັບທາງການທີ່ເອີ້ນວ່າ Creator ທີ່ຕ້ອງໄດ້ຄິດຄົ້ນເນື້ອຫາໃໝ່ໆ ແລະ ໜ້າສົນໃຈມາລົງໃນຊ່ອງຂອງຕົນເອງເພື່ອໃຫ້ດຶງໃຫ້ຜູ້ຄົນມາເບິ່ງ ແລະ ສ້າງລາຍຮັບຈາກຍອດວິວທີ່ເພີ່ມຂຶ້ນ.

ແລ້ວໝູ່ເພື່ອນເຄີຍສົງໄສບໍວ່າ ໃນແຕ່ລະ 1 ລ້ານວິວ (views) ທີ່ວິດີໂອໃດໜຶ່ງຖືກເປີດເບິ່ງນັ້ນ ເຈົ້າຂອງຊ່ອງຈະໄດ້ຮັບເງິນຈາກ YouTube ຫຼາຍເທົ່າໃດ? ມື້ນີ້ muan.la ຈະພາໄປຊອກຄຳຕອບນຳກັນ.

(ໝາຍເຫດ: ໃນບົດຄວາມນີ້ບໍ່ມີຂໍ້ມູນຈາກ creator ຫຼື ຜູ້ສ້າງວິດີໂອທີ່ຢູ່ລາວວ່າພວກເຂົາໄດ້ຮັບຄ່າຕອບແທນເທົ່າໃດ ຖ້າໃຜມີຄວາມປະສົງຢາກບອກເພື່ອເປັນວິທະຍາທານ ເຮົາກໍມີຄວາມຍິນດີເປັນຍ່າງຍິ່ງເດີ້)

ຂໍ້ມູນຕໍ່ໄປນີ້ແມ່ນເຮົາຄັດມາຈາກເວັບໄຊ Business Insider ເຊິ່ງຜູ້ສ້າງວິດີໂອຈຳນວນ 5 ລາຍໄດ້ເປີດເຜີຍວ່າຕົນເອງໄດ້ຮັບເງິນເທົ່າໃດສຳລັບວິດີໂອທີ່ໄດ້ 1 ລ້ານວິວ. ແຕ່ລະຊ່ອງກໍມີເນື້ອຫາທີ່ແຕກຕ່າງກັນ, ຈຳນວນຜູ້ຕິດຕາມກໍແຕກຕ່າງກັນ ແລະ ລາຍຮັບທີ່ໄດ້ກໍແຕກຕ່າງກັນ ເຖິງວ່າຈຳນວນວິວຈະເທົ່າກັນ ຫຼື ໄລ່ເລ່ຍກັນກໍຕາມ.

ເລີ່ມຕົ້ນກັນທີ່ Jade Darmawangsa ຢູທູເບີໄວ 18 ປີ ເຊິ່ງຊ່ວຍໃຫ້ຄົນດັງ ແລະ ນັກສ້າງວິດີໂອໜຸ່ມນ້ອຍສ້າງຊ່ອງ ແລະ ທຸລະກິດທາງອອນລາຍ ເປີດເຜີຍວ່າໄດ້ຮັບເງິນຈຳນວນ 3,600 ໂດລາ ສຳລັບວິດີໂອທີ່ມີຜູ້ເບິ່ງ 1.2 ລ້ານວິວ ເມື່ອເດືອນພຶດສະພາ 2020. ວິດີໂອນັ້ນຊື່ວ່າ "How to grow on Instagram,". ຊ່ອງຂອງ Jade ເປີດຂຶ້ນໃນປີ 2015 ແລະ ຖືກ YouTube ຄັດເລືອກໃຫ້ຂຶ້ນໜ້າແນະນຳເປັນເວລາ 24 ຊົ່ວໂມງໃນຖານະ "ນັກສ້າງວິດີໂອດາວຮຸ່ງ" ເຊິ່ງນີ້ໄດ້ຊ່ວຍໃຫ້ນາງເປັນທີ່ຮູ້ຈັກຫຼາຍຂຶ້ນ.

ຕໍ່ມາແມ່ນ Austen Alexander ຄົນດັງໃນຢູທູບ ເຊິ່ງມີຜູ້ຕິດຕາມ 359,000 ຄົນ ແລະ ຍັງເປັນທະຫານເຮືອຂອງກອງທັບເຮືອສະຫະລັດບອກວ່າ ລາວໄດ້ເງິນປະມານ 6,000 ໂດລາ ຈາກວິດີໂອທີ່ມີຄົນເບິ່ງ 1 ລ້ານວິວ. ສຳລັບເຄັບຂອງລາວກໍຄື ລາວຈະສ້າງຄວາມຄາດຫວັງໃຫ້ຄົນເບິ່ງມີຄວາມຢາກຕິດຕາມວິດີໂອຕັ້ງແຕ່ຕອນຕົ້ນເພື່ອຊ່ວຍເພີ່ມໄລຍະເວລາການເບິ່ງຂອງຜູ້ຊົມ. ພ້ອມນັ້ນລາວຍັງໄດ້ເປີດໃຊ້ທຸກໆຕົວເລືອກຂອງການໂຄສະນາ ບໍ່ວ່າຈະເປັນ ປ້າຍໂຄສະນາ (banner), ໂຄສະນາກ່ອນເລີ່ມວິດີໂອ (preroll) ແລະ ໂຄສະນາຂັ້ນໃນລະຫວ່າງກາງວິດີໂອ (midroll). ການເຮັດແບບນີ້ ຊ່ວຍເພີ່ມລາຍຮັບຈາກວິດີໂອໄດ້ເພີ່ມຂຶ້ນ.

ສ່ວນ Marina Mogilko ເຈົ້າຂອງຊ່ອງ YouTube 3 ຊ່ອງ ປະກອບດ້ວຍ ຊ່ອງກ່ຽວກັບພາສາ, ຊ່ອງກ່ຽວກັບວິຖີຊີວິດ ແລະ ຊ່ອງກ່ຽວກັບທຸລະກິດ. ໃນນັ້ນຊ່ອງກ່ຽວກັບທຸລະກິດຂອງນາງໄດ້ຮັບຜົນຕອບຮັບຈາກຜູ້ລົງໂຄສະນາທີ່ດີກວ່າອີກສອງຊ່ອງ ເນື່ອງຈາກປະເພດຂອງເນື້ອຫາ ແລະ ເຮັດໃຫ້ມີລາຍຮັບເຂົ້າມາຫຼາຍກວ່າ. ວິດີໂອທີ່ຊື່ວ່າ  "10 HIGH PAYING JOBS YOU CAN LEARN AND DO FROM HOME" (10 ອາຊີບທີ່ໄດ້ຮັບຄ່າຕອບແທນສູງທີ່ເຈົ້າສາມາດຮຽນຮູ້ ແລະ ເຮັດຢູ່ເຮືອນໄດ້) ມີຍອດວິວ 1.5 ລ້ານວິວໃນຕອນນັ້ນ ແລະ ໄດ້ຮັບເງິນຈຳນວນ 10,000 ໂດລາ.

ຄົນຖັດມາແມ່ນ Shelby Church ເຈົ້າຂອງຊ່ອງຢູທູບເຊິ່ງມີຜູ້ຕິດຕາມ 1.2 ລ້ານຄົນ ເປີດເຜີຍວ່າ ວິດີໂອທີ່ມີຜູ້ເບິ່ງປະມານ 1 ລ້ານວິວ ສ້າງລາຍຮັບປະມານ 2,000 ໂດລາຫາ 30,000 ໂດລາ ຂຶ້ນກັບຫົວຂໍ້ຂອງວິດີໂອ. ໃນນັ້ນ ວິດີໂອກ່ຽວກັບ Amazon FBA (Fulfillment By Amazon) ມີຄ່າ CPM (ເຮົາຈະອະທິບາຍພາຍຫຼັງວ່າມັນແມ່ນຫຍັງ) ທີ່ສູງຫຼາຍເປັນພິເສດ ແລະ ເຮັດໃຫ້ໄດ້ຄ່າຕອບແທນປະມານ 30,000 ໂດລາ ຈາກຍອດວິວ 1.8 ລ້ານວິວ.

ຄົນສຸດທ້າຍແມ່ນ Kevin David ເຊິ່ງເປັນເຈົ້າຂອງຊ່ອງທີ່ມີຜູ້ຕິດຕາມເກືອບຮອດ 1 ລ້ານຄົນ. ວິດີໂອ "Shopify Tutorial for Beginners" ເຊິ່ງຖ່າຍທຳແບບງ່າຍໆ ໂດຍບັນທຶກໜ້າຈໍຄອມພິວເຕີຂອງຕົນເອງ ສ້າງເມັດເງິນຈຳນວນ 40,000 ໂດລາ ສຳລັບ 1.1 ລ້ານວິວ. ເຄັດລັບການສ້າງເນື້ອຫາຂອງລາວກໍຄື ລາວຈະຄົ້ນເບິ່ງຄຳສັບຈາກ Google Ads Keyword Planner ເພື່ອເບິ່ງວ່າ ຄົນທົ່ວໄປຄົ້ນຫາວະລີ ຫຼື ຄຳສັບໃດຫຼາຍເປັນພິເສດ ລວມທັງຊອກເບິ່ງວ່າ ຫົວຂໍ້ວິດີໂອ ແລະ ຮູບປົກ (thumbnail) ແບບໃດທີ່ເຮັດໃຫ້ໄດ້ຮັບຍອດວິວຫຼາຍ. ສ່ວນເປັນຫຍັງ ວິດີໂອຂອງລາວຈຶ່ງເຮັດໃຫ້ໄດ້ເງິນຫຼາຍກວ່າວິດີໂອແບບອື່ນໆກໍຍ້ອນວ່າ ຫົວຂໍ້ທີ່ໃຊ້ເປັນຫົວຂໍ້ກ່ຽວກັບທຸລະກິດ ແລະ ກໍເປັນຫົວຂໍ້ທີ່ເປັນທີ່ນິຍົມຊົມຊອບສຳລັບບັນດາຜູ້ລົງໂຄສະນານັ້ນເອງ.

CPM ເປັນທຸກສິ່ງ...

ບາດນີ້ເຮົາຈະມາເວົ້າເລື່ອງຂອງ CPM. ຄຳສັບນີ້ແມ່ນຫຍັງ? ເປັນຫຍັງຜູ້ເຮັດວິດີໂອລົງ YouTube ແລະ ຢາກໄດ້ລາຍຮັບທີ່ສູງຕ້ອງເຂົ້າໃຈ? CPM ຫຍໍ້ມາຈາກ Cost per mille ແປວ່າ ລາຍຮັບທີ່ນັກສ້າງວິດີໂອຈະໄດ້ຮັບໃນທຸກໆ 1,000 ວິວ. CPM ໄດ້ມາຈາກຜູ້ລົງໂຄສະນາ ເຊິ່ງສ່ວນໃຫຍ່ກໍເປັນທຸລະກິດຕ່າງໆທີ່ຈ່າຍໃຫ້ກັບ YouTube ເຊິ່ງກ່ອນທີ່ຈະມາຮອດເຮົາ, YouTube ກໍຈະຫັກສ່ວນແບ່ງໄປກ່ອນ.

ບາດນີ້ຕ້ອງເຂົ້າໃຈວ່າ CPM ຂອງແຕ່ລະວິດີໂອ ຫຼື ແຕ່ລະຊ່ອງກໍບໍ່ເທົ່າກັນ. ເຫດຜົນກໍຍ້ອນກວ່າ YouTube ມີຂໍ້ກຳນົດກ່ຽວກັບຄວາມຍາວຂອງວິດີໂອທີ່ຈະສາມາດໃຫ້ໂຄສະນາມາປາກົດໄດ້ ເຊິ່ງຖ້າວິດີໂອທີ່ສັ້ນກວ່າ ກໍມີໂອກາດທີ່ໂຄສະນາຈະສະແດງຂຶ້ນມາໄດ້ໜ້ອຍກວ່າ. ພ້ອມດຽວກັນນີ້ ເນື້ອໃນ ແລະ ຫົວຂໍ້ຂອງວິດີໂອກໍເປັນອີກປັດໄຈທີ່ເຮັດໃຫ້ຄ່າ CPM ແຕກຕ່າງກັນ ໂດຍວິດີໂອທີ່ດີ ຈະຕ້ອງເປັນມິດກັບຜູ້ລົງໂຄສະນາ ໝາຍເຖິງເປັນຫົວຂໍ້ທີ່ກ່ຽວຂ້ອງ ແລະ ໄດ້ຮັບຄວາມສົນໃຈ. ເວົ້າໄດ້ວ່າຈະໄດ້ເງິນຫຼາຍ ຫຼື ໜ້ອຍແມ່ນຂຶ້ນກັບຄ່າ CPM ນີ້ເອງ.

ສະນັ້ນ ຖ້າຢາກເປັນ YouTuber ທີ່ໄດ້ຮັບເງິນຄ່າໂຄສະນາຫຼາຍ ກໍຕ້ອງໄດ້ສຶກສາເລື່ອງນີ້ເພີ່ມເຕີມ. ສາມາດອ່ານໄດ້ແບບເຕັມໆ (ພາສາອັງກິດ) ໄດ້ທີ່ https://mediashark.co/youtube-cpm/.

ເອົາລະ ມາຮອດນີ້ ຫຼາຍຄົນອາດຈະມີຈິດໃຈທີ່ຫຶກເຫີມຢາກເປີດຊ່ອງຢູທູບ ຢາກເຮັດວິດີໂອແລ້ວ. ຈັດໄປເລີຍ! ແລະ ຢ່າລືມມາເລົ່າປະສົບການສູ່ເຮົາຟັງແດ່ວ່າ ຢູ່ບ້ານເຮົາໄດ້ຮັບຄ່າຕອບແທນສູງຄືກັບຕົວຢ່າງຈາກ 5 ຢູທູບເບີຂອງຕ່າງປະເທດໃນບົດຄວາມນີ້ ຫຼື ບໍ່?


ອ້າງອີງ:

Codashop ເປີດຕົວຮູບໂສມໃໝ່ທີ່ໂດດເດັ່ນ

Codashop ເປີດຕົວຮູບໂສມໃໝ່ທີ່ໂດດເດັ່ນ

ໂລກ້າ ຮ່ວມມືກັບ ບີວາຍດີ ເປີດໂຕໂຄງການທົດລອງນຳໃຊ້ລົດໄຟຟ້າໃຫ້ບໍລິການແທັກຊີຢູ່ລາວ

ໂລກ້າ ຮ່ວມມືກັບ ບີວາຍດີ ເປີດໂຕໂຄງການທົດລອງນຳໃຊ້ລົດໄຟຟ້າໃຫ້ບໍລິການແທັກຊີຢູ່ລາວ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ