ວັນສຸກ ທີ 18 ມິຖຸນາ 2021

ບຸນຫໍ່ເຂົ້າປະດັບດິນ: ຄວາມເປັນມາ - ວິທີການເຮັດຫໍ່ເຂົ້າ - ປະເດັນສິ່ງແວດລ້ອມ

ບຸນຫໍ່ເຂົ້າປະດັບດິນ: ຄວາມເປັນມາ - ວິທີການເຮັດຫໍ່ເຂົ້າ - ປະເດັນສິ່ງແວດລ້ອມ
S! Muan

ສະໜັບສະໜູນເນື້ອຫາ

ຮີດສິບສອງຄອງສິບສີ່ ເປັນໜຶ່ງໃນວະລີທີ່ເຮົາໄດ້ຍິນກັນເລື້ອຍມາ ເຊິ່ງວະລີນີ້ແຍກອອກເປັນສອງສ່ວນຄື ຮີດສິບສອງ ແລະ ຄອງສິບສີ່ ເຊິ່ງໃນບົດຄວາມນີ້ເຮົາຈະກ່າວເຖິງສະເພາະແຕ່ຮີດສິບສອງ ໂດຍ muan.la ຈະພາເຈາະເຂົ້າໄປໃນເລື່ອງຂອງບຸນປະເພນີອັນໜຶ່ງທີ່ຊາວລາວສືບຕໍ່ປະຕິບັດກັນມາແຕ່ດົນນານນັ້ນກໍຄື "".

ສຳລັບຊາວພຸດໃນລາວ ແລະ ພາກອີສານຂອງໄທ ແມ່ນໄດ້ປະຕິບັດປະເພນີນີ້ມາແຕ່ບູຮານະການ ໂດຍມີຄວາມເຊື່ອວ່າໃນວັນບຸນດັ່ງກ່າວນີ້ດວງວິນຍານຂອງຍາດພີ່ນ້ອງ ລວມທັງສຳພະເວສີ (ດວງວິນຍານທີ່ບໍ່ມີຍາດ) ແລະ ເຜດຜີຕ່າງໆຈາກນາຮົກຈະໄດ້ຮັບອະນຸຍາດໃຫ້ອອກມາຮັບສ່ວນບຸນຈາກຍາດພີ່ນ້ອງທີ່ຢູ່ໂລກມະນຸດ.

ສຳລັບຄວາມເປັນມາຂອງວັນດັ່ງກ່າວນີ້ ມີເລື່ອງເລົ່າໃນພະທຳມະບົດວ່າ ຍາດພີ່ນ້ອງຂອງພະເຈົ້າພິມພິສານໄດ້ກິນອາຫານຂອງສົງ ເມື່ອຕາຍໄປແລ້ວກໍໄປເກີດໃນນາຮົກ, ເມື່ອພະເຈົ້າພິມພິສານຖະຫວາຍທານແດ່ພະພຸດທະເຈົ້າແລ້ວບໍ່ໄດ້ອຸທິດບຸນກຸສົນໃຫ້ຍາດພີ່ນ້ອງທີ່ຕາຍ ຕົກກາງຄືນມາ ພວກຍາດທີ່ຕາຍນັ້ນກໍມາສະແດງຕົນເປັ່ງສຽງໜ້າຢ້ານກົວໃກ້ກັບບ່ອນທີ່ເພິ່ນພັກອາໄສຢູ່. ເຊົ້າມາກໍໄດ້ໄດ້ສະເດັດໄປຖາມພະພຸດທະເຈົ້າ ເຊິ່ງພະພຸດທະອົງກໍໄດ້ກ່າວເຫດໃຫ້ຊາບ ແລະ ພະເຈົ້າພິມພິສານຈຶ່ງຖະຫວາຍພັດຕາຫານອີກ ແລ້ວອຸທິດສ່ວນກຸສົນໃຫ້ຍາດທີ່ຕາຍໄປຈຶ່ງໄດ້ຮັບສ່ວນກຸສົນ.

ທັງນີ້ການເຮັດບຸນຫໍ່ເຂົ້າປະດັບດິນກໍເຮັດເພື່ອອຸທິດສ່ວນກຸສົນໃຫ້ຍາດຜູ້ທີ່ຕາຍແລ້ວ ຖືເປັນປະເພນີທີ່ຕ້ອງເຮັດເປັນປະຈຳທຸກປີໃນວັນແຮມ 14 ຄໍ່າເດືອນ 9 ເຊິ່ງຄົນລາວເຊື່ອກັນວ່າ ມື້ນີ້ຈະເປັນມື້ທີ່ປະຕູນາຮົກເປີດ ຍົມມະບານຈະປ່ອຍໃຫ້ຜີນາຮົກອອກມາຢາມຍາດພີ່ນ້ອງໃນໂລກມະນຸດໃນມື້ນີ້ມື້ດຽວເທົ່ານັ້ນໃນຮອບປີ. ດັ່ງນັ້ນຈຶ່ງພາກັນຈັດຫໍ່ເຂົ້າໃຫ້ແກ່ດວງວິນຍານຂອງຍາດພີ່ນ້ອງທີ່ຕາຍໄປແລ້ວ ຖືວ່າເປັນງານບຸນເພື່ອອຸທິດສ່ວນກຸສົນໃຫ້ແກ່ຍາດຜູ້ລ່ວງລັບໄປແລ້ວ.

ງານບຸນຫໍ່ເຂົ້າປະດັບດິນເຮັດຫຍັງແດ່?

ໃນຕອນແລງຂອງມື້ແຮມ 13 ຄໍ່າເດືອນ 9, ຍາດໂຍມຈະຈັດກຽມອາຫານຄາວຫວານ ແລະ ໝາກພູຢາສູບໄວ້ໃຫ້ໄດ້ 4 ສ່ວນ. ສ່ວນໜຶ່ງລ້ຽງກິນກັນໃນຄອບຄົວ, ສ່ວນທີສອງແຈກໃຫ້ຍາດພີ່ນ້ອງ, ສ່ວນທີສາມອຸທິດໃຫ້ຍາດທີ່ຕາຍໄປແລ້ວ ແລະ ສ່ວນທີສີ່ນຳໄປຖະຫວາຍພະສົງ.

 

ຈຸດເດັ່ນຂອງບຸນຫໍ່ເຂົ້າປະດັບດິນຈະຢູ່ໃນສ່ວນທີສາມນີ້ເອງ ເຊິ່ງຍາດໂຍມຈະຫໍ່ເຂົ້ານ້ອຍໃສ່ໃບຕອງ ເຊິ່ງມີວິທີການຫໍ່ກໍຄື ໃຊ້ໃບຕອງຂະໜາດເທົ່າຝາມື ຄວາມຍາວນັ້ນໃຫ້ຍາວສຸດຊີກຂອງໃບຕອງ. ອາຫານຄາວຫວານທີ່ໃສ່ຫໍ່ຈະຈັດໃສ່ຫໍ່ຢ່າງລະເລັກລະນ້ອຍ ເຊັ່ນ:

  • ເຂົ້າໜຽວສຸກປັ້ນເປັນກ້ອນນ້ອຍໆ ຂະໜາດເທົ່າຫົວໂປ້ມື 1 ກ້ອນ.
  • ຊີ້ນປາ, ຊີ້ນໄກ່, ໝູ (ສຸກດີ) ໃສ່ລົງໄປເລັກນ້ອຍ ຖືເປັນອາຫານຄາວ.
  • ໝາກກ້ວຍ, ໝາກຂຽບ, ໝາກສີດາ, ໝາກຫຸ່ງ, ອ້ອຍ ຫຼື ເຂົ້າໜົມຫວານອື່ນໆ (ເທົ່າທີ່ເຫັນແມ່ນມັກໃສ່ກອຍໜຶ່ງປົນໝາກອຶ) ລົງໄປ ຖືວ່າເປັນອາຫານຫວານ.
  • ໝາກໜຶ່ງຄຳ, ຢາສູບໜຶ່ງກອກ ແລະ ໝ້ຽງໜຶ່ງຄຳ.

ຫຼັງຈາກນັ້ນ ກໍນຳເອົາທັງໝົດນີ້ມາຫໍ່ດ້ວຍໃບຕອງເປັນໝົກດຽວກັນ ໃຊ້ໄມ້ຂັດຫົວ ແລະ ທ້າຍ ກໍຈະໄດ້ຫໍ່ເຂົ້າທີ່ມີລັກສະນະຍາວໆ ຍົກເວັ້ນຫໍ່ໝາກພູ, ຢາສູບ ແລະ ໝ້ຽງ ທີ່ຈະແຍກເປັນຫໍ່ນ້ອຍ ແລ້ວຂັດໃສ່ປາຍດ້ານໃດດ້ານໜຶ່ງຂອງຫໍ່ເຂົ້າ.

ເມື່ອເຮັດແລ້ວຈະໄປວາງຫໍ່ເຂົ້າຢູ່ໃສ ແລະ ຕອນໃດ?

ການວາງຫໍ່ເຂົ້ານ້ອຍ ໂດຍທົ່ວໄປມັກຈະໄປວາງໃນເວລາ 3 ຫາ 4 ໂມງເຊົ້າ ຂອງມື້ແຮມ 14 ຄໍ່າເດືອນ 9. ບ່ອນທີ່ນຳໄປວາງແມ່ນ ກົກໄມ້ໃນວັດ, ຕາມດິນແຄມຮົ້ວວັດ, ວາງໄວ້ແຄມສິມ, ແຄມອ້ອມຮອບເຈດີໃນວັດ. ການວາງແບບນີ້ເອີ້ນວ່າການ "ຢາຍ" ເຊິ່ງຈະເວັ້ນໄລຍະຫ່າງ ໂດຍຈະຢາຍແບບງຽບໆ ບໍ່ມີການຕີຄ້ອງຕີກອງແຕ່ຢ່າງໃດ.

ຫຼັງຈາກທີ່ຢາຍຫໍ່ເຂົ້າແລ້ວ ກໍຈະກັບເຮືອນເພື່ອກະກຽມອາຫານຄາວຫວານໄວ້ໃສ່ບາດໃນຕອນເຊົ້າຂອງມື້ແຮມ 14 ຄໍ່າເດືອນ 9. ຫຼັງຈາກນັ້ນ ພະສົງຈະສະແດງທຳມະເທສະໜາ ກ່ຽວກັບເລື່ອງອານິສົງຂອງບຸນຫໍ່ເຂົ້າປະດັບດິນໃຫ້ຟັງ. ຕໍ່ຈາກນັ້ນຊາວບ້ານຈະນຳປັດໄຈໄທຍະທານຖະຫວາຍແດ່ພະສົງ ແລະ ເມື່ອພະສົງໃຫ້ພອນແລ້ວ ຊາວບ້ານທີ່ມາເຮັດບຸນຈະຢາດນໍ້າອຸທິດສ່ວນກຸສົນໃຫ້ຍາດພີ່ນ້ອງຜູ້ທີ່ລ່ວງລັບໄປແລ້ວທຸກໆຄົນ.

ບຸນຫໍ່ເຂົ້າປະດັບດິນກັບປະເດັນສິ່ງແວດລ້ອມ

ໃນໄລຍະບໍ່ເທົ່າໃດປີຜ່ານມາ ບຸນຫໍ່ເຂົ້າປະດັບດິນມີການວິວັດທະນາການໄປໃນດ້ານທີ່ຖືກສັງຄົມ ໂດຍສະເພາະຜູ້ທີ່ໃສ່ໃຈ ແລະ ສົນໃຈໃນເລື່ອງການອະນຸຮັກສິ່ງແວດລ້ອມ ໂຈມຕີກ່ຽວກັບການນຳໃຊ້ວັດສະດຸທີ່ເໝາະສົມ ເນື່ອງຈາກພົບວ່າ ປະຊາຊົນບາງສ່ວນໄດ້ນຳໃຊ້ວັດສະດຸທີ່ບໍ່ເປັນມິດກັບສິ່ງແວດລ້ອມເຊັ່ນ: ຖ້ວຍໂຟມ, ກ່ອງໂຟມ ລວມທັງຖົງປຼາສະຕິກ ມາເຮັດເປັນຫໍ່ເຂົ້າ ຈາກປົກກະຕິແລ້ວຄວນໃຊ້ໃບຕອງເຮັດ. ເມື່ອມີການຢາຍຫໍ່ເຂົ້າໄປແລ້ວ "ຫໍ່ເຂົ້າກາຍພັນ" ດັ່ງກ່າວນັ້ນກໍກາຍເປັນຂີ້ເຫຍື້ອ ເຊິ່ງບໍ່ແມ່ນປະລິມານໜ້ອຍ ແຕ່ມີຫຼາຍຂຶ້ນໃນແຕ່ລະປີ ທັງນີ້ສ່ວນໜຶ່ງກໍຍ້ອນວັດສະດຸທີ່ນຳໃຊ້ນັ້ນຫາງ່າຍກວ່າໃບຕອງ ແລະ ສະດວກກວ່າ.

ສະນັ້ນເພື່ອໃຫ້ບຸນຫໍ່ເຂົ້າປະດັບດິນເປັນໄປຕາມຮີດຄອງປະເພນີ ແລະ ເປັນການຮັກສາສິ່ງແວດລ້ອມ ເຮົາຄວນໃສ່ໃຈບັນຫານີ້ນຳກັນໃຫ້ຫຼາຍຂຶ້ນ ໂດຍການນຳໃຊ້ໃບຕອງເຮັດຫໍ່ເຂົ້າຈະດີກວ່າ ບໍ່ດັ່ງນັ້ນບຸນຫໍ່ເຂົ້າປະດັບດິນທີ່ເຮົາເຄີຍເຮັດກັນມາ ແລະ ຂຶ້ນຊື່ວ່າເປັນປະເພນີທີ່ດີງາມຂອງຊາດນັ້ນ ຈະກາຍມາເປັນ "ບຸນສ້າງປຼາສະຕິກປະດັບດິນ" ຊໍ້າ.


ອ້າງອີງ:

Advertisement Replay Ad
ອ່ານດວງລາຍວັນປະຈໍາວັນພະຫັດ ທີ 17 ມິຖຸນາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 17 ມິຖຸນາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 14 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 14 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 10 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 10 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 7 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 7 ມິຖຸນາ 2021

ຜົນການວິໄຈພົບ ອາຍຸໄຂສູງສຸດຂອງມະນຸດອາດສູງເຖິງ 150 ປີ

ຜົນການວິໄຈພົບ ອາຍຸໄຂສູງສຸດຂອງມະນຸດອາດສູງເຖິງ 150 ປີ

ອອກແລ້ວເດີ້! ຜົນຫວຍລາວງວດວັນທີ 31 ພຶດສະພາ 2021

ອອກແລ້ວເດີ້! ຜົນຫວຍລາວງວດວັນທີ 31 ພຶດສະພາ 2021

ໄວຣັສສາຍພັນໃໝ່ເກີດຂຶ້ນໄດ້ແນວໃດ? ແລະ ເຮັດແນວໃດຈຶ່ງຈະຢຸດການກາຍພັນໄດ້?

ໄວຣັສສາຍພັນໃໝ່ເກີດຂຶ້ນໄດ້ແນວໃດ? ແລະ ເຮັດແນວໃດຈຶ່ງຈະຢຸດການກາຍພັນໄດ້?

Sexual Harassment: ມຸກຕະຫຼົກທາງເພດສ້າງສຽງຫົວໃດ! ແຕ່ເຮົາຄວນຍອມຮັບ ຫຼື ບໍ່?

Sexual Harassment: ມຸກຕະຫຼົກທາງເພດສ້າງສຽງຫົວໃດ! ແຕ່ເຮົາຄວນຍອມຮັບ ຫຼື ບໍ່?

ອອກແລ້ວເດີ້! ຜົນຫວຍລາວງວດວັນທີ 27 ພຶດສະພາ 2021

ອອກແລ້ວເດີ້! ຜົນຫວຍລາວງວດວັນທີ 27 ພຶດສະພາ 2021

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ