ວັນອາທິດ ທີ 16 ພຶດສະພາ 2021

HOW TO ດູແລສັດລ້ຽງຂອງທ່ານແນວໃດ ໃນຍາມທີ່ມີການຈູດດອກໄມ້ໄຟ

HOW TO ດູແລສັດລ້ຽງຂອງທ່ານແນວໃດ ໃນຍາມທີ່ມີການຈູດດອກໄມ້ໄຟ
S! Muan

ສະໜັບສະໜູນເນື້ອຫາ

ທ່ານເຄີຍພົບພໍ້ບັນຫານີ້ຫຼືບໍ່? ເວລາທີ່ຊຸມຊົນຈັດງານສະເຫຼີມສະຫຼອງຈູດດອກໄມ້ໄຟ, ຢູ່ໆຂອງທ່ານ (ໂດຍສະເພາະແມ່ນໝາ,ແມວແລະໜູນ້ອຍ) ກັບເກີດອາການຕຶງຄຽດ ແລະ ວິຕົກກັງວົນຕໍ່ແສງ,ສີ,ແສງຂອງສິ່ງປະຫຼາດທີ່ປາກົດເທິງທ້ອງຟ້າ. ມື້ນີ້ Muan.la ຈະມາແບ່ງປັນຂໍ້ແນະນຳ ແລະ ເຕັກນິກຕ່າງໆທີ່ຈະຊ່ວຍໃຫ້ສັດລ້ຽງຂອງທ່ານຮູ້ສຶກປອດໄພ, ສາມາດຄວບຄຸມຄວາມເຄັ່ງຄຽດ ແລະ ຈິດໃຈຜ່ອນຄາຍໃນສະຖານະການນີ້ໄດ້.


ພາບ: freestocks / Unsplash

1.ກວດກາໄລຍະເວລາທີ່ຈະມີການຈູດດອກໄມ້ໄຟ 

ຫາກທ່ານຍັງບໍຮູ້ວັນເວລາຂອງການຈັດງານທີ່ແນ່ນອນ, ວິທີທີ່ດີທີ່ສຸດແມ່ນການຕິດຕໍ່ຫາເຈົ້າໜ້າທີ່ທ້ອງຖິ່ນ ຫຼື ພະແນກຂ່າວສານໃນຫ້ອງການບ້ານ. ມັນຈະຊ່ວຍໃຫ້ທ່ານສາມາດບໍລິຫານເວລາໃນການກະກຽມສະຖານທີ່ ແລະ ເຝິກແອບສັດລ້ຽງໃຫ້ມີຄວາມພ້ອມຮັບມືໃນມື້ງານແທ້. 

ອີກປະການໜຶ່ງ, ມັນຈະມີປະໂຫຍດສຳລັບສັດລ້ຽງທີ່ຝັງ Microchips ໄວ້ (ເຄື່ອງຕິດຕາມສັດລ້ຽງທີ່ຝັງໄວ້ກ້ອງຜິວໜັງ). ກ່ອນມື້ງານ, ທ່ານຄວນກວດສອບໄອດີ ແລະ ການຊຳລະເງິນໃຫ້ຖືກຕ້ອງ. ຫາກເກີດກໍລະນີສັດລ້ຽງຂອງທ່ານຫຼົງທາງ ຫຼື ຫາຍໄປໃນຕອນທີ່ຈູດດອກໄມ້ໄຟ, ມັນຈະຊ່ວຍໃຫ້ທ່ານສາມາດສືບຄົ້ນ ແລະ ຕາມຫາພິກັດຂອງ Microchips ໄດ້ງ່າຍຂຶ້ນ.


ພາບ: Free To Use Sounds / Unsplash

2.ເຝິກສັດລ້ຽງໃຫ້ຄຸ້ນເຄີຍກັບສຽງດັງ 

ເພື່ອການເຝິກຝົນທີ່ມີປະສິດທິພາບ, ໄລຍະເວລາທີ່ເໝາະສົມທີ່ສຸດແມ່ນ 2-3 ອາທິດກ່ອນມື້ຈັດງານ. ໃນໄລຍະທຳອິດ, ຄວນເລີ່ມຕົ້ນດ້ວຍການເປີດສຽງດົນຕີເບົາໆ ຫຼື ສຽງດອກໄມ້ໄຟຈຳລອງ ເພື່ອໃຫ້ສັດລ້ຽງຄຸ້ນເຄີຍກັບບັນດາສຽງຕ່າງໆ. ຈາກນັ້ນຄ່ອຍໆເພີ່ມລະດັບສຽງ, ທຳນອງ ແລະ ຄວາມຖີ່ໄປໃນແຕ່ລະວັນ. ນອກນັ້ນ ຢ່າລືມໃຫ້ລາງວັນສັດລ້ຽງຂອງທ່ານດ້ວຍການໃຫ້ອາຫານພິເສດ ແລະ ລູບຫົວຊົມເຊີຍ, ມັນຈະຊ່ວຍໃຫ້ພວກເຂົາຮູ້ສຶກພາກພູມໃຈ ແລະ ມີກຳລັງໃຈສືບຕໍ່ປະຕິບັດອີກເລື້ອຍໆ. 

Tips: ທ່ານສາມາດໃຊ້ສຽງທີ່ເກີດຕາມທຳມະຊາດກົມກືນກັບສຽງຂອງດອກໄມ້ໄຟໄດ້ເຊັ່ນ: ສຽງດົນຕີຄລາສສິກ, ສຽງຝົນຕົກ ຫຼື ສຽງໂທລະພາບ. ເພາະມັນເປັນສຽງທົ່ວໄປທີ່ສາມາດປອບໃຈສັດລ້ຽງຂອງທ່ານໄດ້.


ພາບ: Carolina Sánchez / Unsplash

3.ຈັດສະຖານທີ່ຫຼົບໄພ

ວິທີນີ້ປຽບສະເໝືອນການສ້າງ “Comfort zone” ໃຫ້ແກ່ສັດລ້ຽງ, ທ່ານອາດລອງຈັດຫາມຸມລັບຈັກບ່ອນພາຍໃນເຮືອນຂອງທ່ານ ທີ່ເຮັດໃຫ້ພວກເຂົາຮູ້ສຶກປອດໄພ ແລະ ອົບອຸ່ນໃຈ ຫຼື ຈະປະດິດຂຶ້ນມາເອງດ້ວຍການຕັດແກັດ ແລ້ວວາງຜ້າຫົ່ມໜາໆໄວ້ຂ້າງໃນ, ມີຕຸກກະຕາ ຫຼື ຂອງຫຼິ້ນທີ່ພວກເຂົາມັກ. ນອກນັ້ນ ຢ່າລືມວາງອາຫານ, ຂອງວ່າງ ແລະ ນ້ຳດື່ມໄວ້ໃກ້ໆເຂດຫຼົບໄພພ້ອມເດີ້! 

Tips: ເພື່ອໃຫ້ສັດລ້ຽງຂອງທ່ານຮູ້ສຶກປອດໄພເປັນພິເສດ, ສາມາດວາງສິ່ງຂອງທີ່ມີກິ່ນຂອງທ່ານເຊັ່ນ: ເສື້ອຜ້າທີ່ທ່ານນຸ່ງ. 


ພາບ: Nikola Johnny Mirkovic / Unsplash

4.ຫ່າງໄກຈາກປ່ອງຢ້ຽມ 

ທ່ານຕ້ອງກວດສອບໃຫ້ໝັ້ນໃຈວ່າ ຫ້ອງທີ່ໃຫ້ສັດລ້ຽງຢູ່ນັ້ນຫ່າງໄກຈາກປ່ອງຢ້ຽມ (ຫຼື ພິຈາລະນາໃສ່ຜ້າກັ້ງກັນແສງ), ພ້ອມທັງເກັບມ້ຽນສິ່ງຂອງທີ່ຢູ່ພາຍໃນຫ້ອງໃຫ້ເປັນລະບຽບ. ຫາກເກີດກໍລະນີພວກເຂົາແລ່ນລົນລານ ອາດສ້າງຄວາມເສຍຫາຍຕໍ່ຊັບສິນພາຍໃນເຮືອນໄດ້. 

ຫາກທ່ານມີສັດລ້ຽງຫຼາຍກວ່າໜຶ່ງໂຕ, ຕ້ອງໝັ້ນໃຈວ່າພວກເຂົາສາມາດອາໄສຢູ່ຮ່ວມຫ້ອງດຽວກັນໄດ້. ເພື່ອແກ້ໄຂບັນຫາ ທ່ານສາມາດແຍກຫ້ອງຕາມປະເພດສັດໄດ້. ຕົວຢ່າງ: ໝາ ແລະ ແມວ ຫາກຢູ່ບ່ອນດຽວກັນຄົງຈະບໍ່ເປັນການດີ, ສະນັ້ນ ແຍກຫ້ອງເລີຍດີກວ່າ. 

5.ລອງໃຊ້ຟີໂຣໂມນເຂົ້າຊ່ວຍ 

Pheromone (ຟີໂຣໂມນ) ແມ່ນສານເຄມີທີ່ສັດຕ່າງໆສ້າງຂຶ້ນມາເອງຕາມທຳມະຊາດ, ເມື່ອຖືກປ່ອຍອອກນອກຮ່າງກາຍ ຈະສົ່ງຜົນໃຫ້ສັດເກີດການປ່ຽນແປງທາງດ້ານພຶດຕິກຳ ແລະ ສະລີລະ ເຊັ່ນ: ການດຶງດູດເພດກົງກັນຂ້າມ, ບອກອານາເຂດ ຫຼື ເຕືອນໄພອັນຕະລາຍພາຍໃນຝູງ. 

ໄອເທັມໜຶ່ງທີ່ຄົນຮັກສັດລ້ຽງຄວນມີຄື: ຜະລິດຕະພັນຟີໂຣໂມນ, ມັນຈະຊ່ວຍໃຫ້ສັດລ້ຽງຂອງທ່ານ ຫຼຸດຜ່ອນຄວາມເຄັ່ງຄຽດ ແລະ ອາການຊຶມເສົ້າໃນສະຖານະການທີ່ອຶດອັດໄດ້. ເຖິງຢ່າງໃດກໍຕາມ, ກ່ອນເລືອກຊື້ທ່ານຄວນກວດສອບສະຫຼາກ ແລະ ຂໍ້ມູນຂອງສິນຄ້າໃຫ້ລະອຽດ, ພ້ອມທັງນຳມາທົດລອງຕົວຈິງກັບສັດລ້ຽງຂອງທ່ານ ຢ່າງໜ້ອຍ 2-3 ອາທິດກ່ອນຮອດມື້ງານ. 

ຜະລິດຕະພັນຟີໂຣໂມນສຳລັບໝາ ແລະ ແມວ ກໍມີໃຫ້ໃນຮູບແບບສຽບປັກໄຟ ເຊິ່ງທ່ານສາມາດເລືອກຊື້ໄດ້ໃນຮ້ານຄ້າສັດລ້ຽງ, ຄລີນິກສັດຕະວະແພດ ແລະ ຮ້ານຄ້າອອນລາຍ.


ພາບ: Werzk Luuu / Unsplash

6.ປຶກສາສັດຕະວະແພດ 

ກ່ອນງານຈູດດອກໄມ້ໄຟ, ທ່ານຄວນເຂົ້າພົບສັດຕະວະແພດ ເພື່ອໃຫ້ໝໍກວດເຊັກວ່າ ສັດລ້ຽງຂອງທ່ານຕ້ອງການຢາກ່ອມປະສາດ ຫຼື ບໍ່, ເນື່ອງຈາກໝາບາງຕົວມີຄວາມຮູ້ສຶກໄວຕໍ່ສຽງລົບກວນພາຍນອກ ຫຼື ບໍ່ສາມາດຄວບຄຸມສະຕິໃນເວລາເກີດສຽງດັງສະໜັ່ນ. ນອກນັ້ນ, ທ່ານຍັງສາມາດຖາມຂໍ້ມູນກັບສະຕະວະແພດ ກ່ຽວກັບການສີດຢາ Sileo (ຢາລົດຄວາມວິຕົກກັງວົນສຳລັບໝາ, ໃຊ້ສີດລະຫວ່າງເຫງືອກ ແລະ ໂພງແກ້ມ ໂດຍໃຊ້ບັ້ງສີດຢາທີ່ບໍ່ມີເຂັມ). 

7.ຈັດບ້ານກັບສູໂໝດປົກກະຕິອີກຄັ້ງ 

ຫຼັງຈາກຜ່ານພົ້ນການຈູດພຸໄຟໄປແລ້ວ, ທ່ານກໍສາມາດເກັບມ້ຽນສິ່ງຂອງ ແລະ ຈັດສະຖານທີ່ໃຫ້ກັບຄືນສູ່ສະພາບເດີມໄດ້, ພ້ອມທັງລອງປ່ອຍສັດລ້ຽງແລ່ນຫຼິ້ນຢູ່ພາຍໃນເຮືອນ ເພື່ອສັງເກດພຶດຕິກຳຂອງມັນ ກ່ອນປ່ອຍກັບໄປຂ້າງນອກ. 

8.ກວດສອບສັນຍານຄວາມເຄັ່ງຄຽດ 

ສັດລ້ຽງບາງຕົວອາດກັບມາເປັນປົກກະຕິທັນທີ ຫຼັງສຽງດັງ ແລະ ປະກາຍດອກໄມ້ໄຟຫຼຸດລົງ. ກົງກັນຂ້າມ, ສັດລ້ຽງບາງຕົວອາດຕ້ອງການຄວາມສົນໃຈເພີ່ມເປັນພິເສດ ເພື່ອໃຫ້ຮູ້ສຶກປອດໄພອີກຄັ້ງ. ເພາະສະນັ້ນ ທ່ານຕ້ອງຄອຍສັງເກດພຶດຕິກຳທີ່ຜິດປົກກະຕິຈາກສັດລ້ຽງຂອງທ່ານ.

  • ນີ້ແມ່ນສັນຍານຄວາມເຄັ່ງຄຽດຂອງສັດລ້ຽງທີ່ມີການປັບຕົວຍາກ: 
  • ແມວ: ແລ່ນລົນລານ, ເຮັດບ້ານຮົກ, ລີ້ໃນບ່ອນມືດ ແລະ ບໍ່ຢາກອາຫານ. 
  • ໝາ: ເຫົ່າດ້ວຍຄວາມວິຕົກກັງວົນ, ແລ່ນລົນລານ, ເຮັດບ້ານຮົກ, ປີນກອດເຈົ້າຂອງ, ຫອນສຽງດັງ ແລະ ບໍ່ຢາກອາຫານ.
  • ໜູນ້ອຍ: ຫຼົບລີ້ງຽບໆ, ກັດແຂ້ວຫຼາຍເກີນໄປ ແລະ ສະແດງພຶດຕິກຳຮຸນແຮງກວ່າປົກກະຕິ. 

Tips: ຫາກທ່ານຄິດວ່າ ສັດລ້ຽງມີອາການຕຶງຄຽດ ຫຼື ວິຕົກກັງວົນດັ່ງກໍລະນີທີ່ໄດ້ກ່າວໃນຂ້າງເທິງ, ໃຫ້ປ່ອຍພວກເຂົາອາໄສຄ້າງຄືນພາຍໃນເຮືອນໄປກ່ອນ. ຫຼັງຈາກນັ້ນ ຈຶ່ງພາໝາອອກໄປຍ່າງຫຼິ້ນ ເພື່ອປັບໂຕກັບຄືນອີກຄັ້ງ. ສິ່ງທີ່ຕ້ອງລະວັງຄື ຢ່າປ່ອຍໃຫ້ມັນຫຼຸດອອກຈາກສາຍຄ້ອງຄໍເດັດຂາດ!


ພາບ: Yogendra Singh / Unsplash

9.ເຮັດໃຫ້ພວກເຂົາຮູ້ສຶກໄດ້ກັບມາຢູເຮືອນອີກຄັ້ງ 

ຫຼັງຈາກຜ່ານໄລຍະເວລາທີ່ຍາກລຳບາກໄປແລ້ວ, ນອກຈາກການຈັດເຮືອນໃຫ້ກັບມາສູ່ສະພາບປົກກະຕິ ທ່ານຕ້ອງໃຫ້ຄວາມສົນໃຈ ແລະ ດູແລສັດລ້ຽງທີ່ທ່ານຮັກໃຫ້ຫຼາຍຂຶ້ນເປັນພິເສດ, ອາດດ້ວຍການໃຫ້ອາຫານວ່າງ, ໂອບກອດຊົມເຊີຍ ແລະ ສື່່ສານກັບພວກເຂົາດ້ວຍຄວາມອ່ອນໂຍນ. ທ່ານຮູ້ບໍ່ວ່າ ສັດລ້ຽງສາມາດຮັບຮູ້ອາລົມ ແລະ ຄວາມຮູ້ສຶກຂອງມະນຸດໄດ້ສຸດຍອດກ່ອນທີ່ເຮົາຄິດ. 

ກ່ອນຈາກກັນໄປ, ຢ່າລືມນຳເອົາເຕັກນິກດີໆແບບນີ້ ໄປປະຍຸກໃຊ້ໃຫ້ເຂົ້າກັບ Life Style ຂອງທ່ານ, ພ້ອມທັງນຳໃຊ້ທຸກໆໄລຍະເວລາຮ່ວມກັນກັບສັດລ້ຽງທີ່ທ່ານຮັກ ໃຫ້ມີຄຸນຄ່າ ແລະ ມີຄວາມສຸກທີ່ສຸດເດີ້! 


ຂຽນ-ຮຽບຮຽງໂດຍ: Phavady PHOMMABOUT (Tina) 

ອ້າງອີງ: 

Advertisement Replay Ad
ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ