ວັນອາທິດ ທີ 16 ພຶດສະພາ 2021

"ທິດສະດີ 45.7 ຊັງຕີແມັດ" ທີ່ຄວນຮູ້ຈັກ ຖ້າບໍ່ຢາກຕົກໃນພາວະ ໃກ້ຊິດກັນແຕ່ເປັນໄດ້ພຽງໝູ່

"ທິດສະດີ 45.7 ຊັງຕີແມັດ" ທີ່ຄວນຮູ້ຈັກ ຖ້າບໍ່ຢາກຕົກໃນພາວະ ໃກ້ຊິດກັນແຕ່ເປັນໄດ້ພຽງໝູ່
S! Muan

ສະໜັບສະໜູນເນື້ອຫາ

ມະນຸດ​ທຸກ​ຄົນ​ມີ “ພື້ນ​ທີ່​ສ່ວນຕົວ” ຫຼື ອາດຈະ​ເອີ້ນວ່າ “ຈັກກະວານ​ສ່ວນຕົວ” ກໍ​ຍັງ​ໄດ້ ເປັນ​ພື້ນ​ທີ່​ທີ່​ບໍ່​ອະນຸຍາດ​ໃຫ້​ໃຜ​ເຂົ້າ​ມາ​ລ່ວງ​ລ້ຳ​ໂດຍ​ທີ່​ບໍ່​ໄດ້ຮັບ​ອະນຸຍາດ ເຊິ່ງ​ໂດຍ​ປົກກະຕິ​ແລ້ວ ເຮົາ​ຈະ​ເອົາຕົວ​ເອງ​ເປັນ​ສູນ​ກາງ​ໃນ​ການ​ວັດ​ພື້ນ​ທີ່​ອ້ອມຮອບຕົວ​ສະເໝີ ໂດຍ​ໄລຍະ​ຫ່າງ​ທີ່​ສັ້ນ​ທີ່ສຸດ​ທີ່​ມະນຸດ​ເຮົາ​ຈະສະຫງວນ​ໄວ້​ບໍ່​ໃຫ້​ຄົນທີ່​ບໍ່​ສະໜິດ​ເຂົ້າ​ໃກ້ ຈະ​ຢູ່​ທີ່​ປະ​ມານ 1 ໄລຍະ​ແຂນ, ກາງ​ອອກ​ແລ້ວ​ກວາດ​ອ້ອມໂຕ​ຄືກັບ​ວົງ​ວຽນ ເຊິ່ງ​ກໍ​ຄື​ປະ​ມານ 45-60 ຊັງຕີແມັດ​ນັ້ນ​ເອງ.

ພື້ນ​ທີ່​ສ່ວນຕົວ (Personal space) ໃນ​ທາງ​ມະນຸດວິທະຍາ ຄື ຊ່ອງ​ວ່າງ​ລະຫວ່າງ​ບຸກ​ຄົນ​ແຕ່​ລະ​ຄົນ​ໃນ​ສັງຄົມ ຖື​ເປັນ​ອານາເຂດ​ສ່ວນຕົວ​ຂອງ​ຄົນ​ແຕ່​ລະ​ຄົນ. ຢ່າງໃດ​ກໍ​ຕາມ ໄລຍະ​ຫ່າງ​ນີ້​ສາມາດ​ປັບ​ປ່ຽນ​ໄດ້ ຂຶ້ນ​ຢູ່​ກັບ​ອາລົມ ຄວາມ​ສະໜິດ​ສະໜົມ​ໃນ​ຄວາມ​ສຳພັນ, ສິ່ງ​ແວດ​ລ້ອມ ແລະ​ວັດທະນະທຳ​ທີ່​ເຕີບໂຕ​ມາ.

ດ້ວຍ​ໄລຍະ​ຫ່າງ​ທີ່​ມະນຸດ​ເຮົາ​ສ້າງ​ຂຶ້ນ​ນີ້​ເກີດ​ເປັນ ທິດສະດີ 45.7 ຊັງຕີແມັດ ເປັນ​ທິດສະດີ​ທີ່​ວ່າ​ດ້ວຍ​ເລື່ອງ​ຂອງ​ໄລຍະ​ຫ່າງ​ລະຫວ່າງ​ບຸກ​ຄົນ ເຊິ່ງ​ຫາກ​ເຮົາ​ເລີ່ມ​ຍິນ​ຍອມ​ໃຫ້​ໃຜ​ຈັກ​ຄົນ​ເຂົ້າ​ໃກ້​ພື້ນ​ທີ່​ປະ​ມານ 45.7 ຊັງຕີແມັດ​ທີ່​ວ່າ ນັ້ນ​ແປ​ວ່າ​ເຂົາ​ອາດຈະ​ກາຍ​ເປັນ​ສ່ວນໜຶ່ງ​ຂອງ​ຈັກກະວານ​ຂອງ​ເຮົາ​ແລ້ວ​ກໍ​ໄດ້.

ທິດສະດີ 45.7 ຊັງຕີແມັດ ແມ່ນຫຍັງ?

ທິດສະດີ 45.7 ຊັງຕີແມັດ (Proxemic Theory, 1966) ເປັນ​ທິດສະດີ​ຂອງ​ເອັດ​ເ​ວີດ ຮ​ໍ (Edward T. Hall) ນັກມະນຸດວິທະຍາ​ຊາວ​ອ​າເມ​ຣິ​ກາ ໄດ້​ສະເໜີວ່າ ການ​ທີ່​ມະນຸດ​ເວັ້ນ​ໄລຍະ​ຫ່າງ​ລະ​ຫ​ວ​່າງ​ກັນ​ນັ້ນ ຖື​ເປັນ​ອ​ະວັດຈະ​ນະ​ພາສາ (ພາສາກາຍ) ​ຮູບ​ແບບ​ໜຶ່ງ​ທີ່​ມີ​ຢູ່ໃນຕົວ​ມະນຸດ​ທຸກ​ຄົນ. ສັງເກດ​ໄດ້​ງ່າຍໆກໍຄື ການ​ທີ່​ເຮົາ​ຈະ​ເວັ້ນ​ຕັ່ງ​ຢ່າງ​ນ້ອຍ 1 ຕັ່ງ ເມື່ອ​ຕ້ອງ​ເຂົ້າໄປ​ນັ່ງ​ຮ່ວມ​ກັບ​ບຸກ​ຄົນ​ອື່ນ, ຫາກ​ມີ​ຕັ່ງ​ວ່າງ​ເຫຼືອ​ຫຼາຍ ກໍ​ມີ​ຄວາມ​ເປັນ​ໄປ​ໄດ້​ສູງ​ທີ່​ເຮົາ​ຈະ​ເວັ້ນ​ຕັ່ງນັ່ງ​ຫຼາຍກວ່າ 1 ຕັ່ງ. ​ຄວາມໝາຍ​ຂອງ​ພຶດຕິກຳ​ນີ້​ກໍ​ຄື “ຢ່າ​ເຂົ້າ​ມາ​ໃກ້​ຂ້ອຍ”. ດັ່ງ​ນັ້ນ ຫາກ​ບໍ່​ມີ​ຂໍ້​ຈຳ​ກັດ​ເລື່ອງ​ຂອງ​ສະຖານ​ທີ່ ນ້ອຍ​ຄົນ​ຫຼາຍ​ທີ່​ຈະ​ເລືອກ​ນັ່ງ​ຕັ່ງຕິດ​ກັບ​ຜູ້​ອື່ນ.

ເມື່ອ​ມີ​ການ​ເວັ້ນ​ໄລຍະ​ຫ່າງ ຮ​ໍ ​ຈຶ່ງ​ໄດ້​ແບ່ງ​ໄລຍະ​ຫ່າງ​ລະຫວ່າງ ບຸກ​ຄົນ​ອອກ​ເປັນ 4 ໄລຍະ:

1. ໄລຍະ​ໃກ້​ຊິດ (Intimate Distance) ເປັນ​ໄລຍະ​ທີ່​ໃກ້​ທີ່ສຸດ ມີ​ໄລຍະ​ຫ່າງ​ປະ​ມານ 0-15 ຊັງຕີແມັດ. ໃນ​ໄລຍະ​ນີ້​ເປັນ​ໄລຍະ​ທີ່​ມະນຸດ​ເຮົາ​ສາມາດ​ສື່​ສານ​ກັນ​ໄດ້​ຢ່າງ​ໃກ້​ຊິດ. ການ​ໃຊ້​ພາສາ​ໃນ​ລະ​ດັບ​ກັນ​ເອງ, ມີ​ພາສາ​ກາຍ​ໃນ​ການສຳຜັດ​ໃກ້​ຊິດ​ກັນ ໂດຍ​ໄລຍະ​ນີ້​ຈະ​ເປັນ​ໄລຍະ​ສະເພາະ​ຄົນ​ພິເສດ ເຊັ່ນ: ຄູ່ຮັກ, ສະມາຊິກ​ໃນ​ຄອບຄົວ, ເພື່ອນ​ທີ່​ສະໜິດ​ກັນ​ຫຼາຍໆ ຫຼື ໃນ​ເຫ​ດການສະເພາະ ເຊັ່ນ: ​ການ​ຫຼິ້ນ​ກີລາ​ບາງ​ປະ​ເພດ​ທີ່​ຕ້ອງ​ຢູ່ໃນ​ໄລຍະ​ປະ​ຊິດຕົວ.

ຢ່າງໃດ​ກໍ​ຕາມ ໄລຍະ​ໃກ້​ຊິດ​ຍັງ​ສາມາດ​ເກີດ​ຂຶ້ນ​ໄດ້​ໃນ​ສະຖານະການ​ທີ່​ມີ​ຂໍ້​ຈຳ​ກັດ​ບາງຢ່າງ ໂດຍ​ສະເພາະ​ຂໍ້​ຈຳ​ກັດ​ຂອງ​ສະຖານ​ທີ່ ໃນ​ກໍລະນີ​ທີ່​ເຮົາ​ຈຳ​ເປັນ​ຈະ​ຕ້ອງ​ຢູ່ໃນ​ໄລຍະ​ໃກ້​ຊິດ​ກັບ​ຄົນ​ແປກ​ໜ້າ ເຊັ່ນ: ການ​ຢືນ​ບຽດ​ກັນ​ເທິງ​ລົດ​ໂດຍ​ສານ​ສາທາລະນະ, ການ​ນັ່ງ​ຕັ່ງລໍຖ້າ​ຄິວ​ໃນ​ການ​ຕິດ​ຕໍ່​ວຽກ​ບາງຢ່າງ ຈະ​ເຫັນ​ໄດ້​ວ່າ​ບໍ່​ວ່າ​ລົດ​ຈະ​ແໜ້ນ​ຂະໜາດ​ໃດ ເຮົາ​ຈະ​ພະຍາຍາມ​ສ້າງ​ພື້ນ​ທີ່​ວ່າງ​ໄວ້​ສະເໝີ​ເຖິງວ່າຈະ​ພຽງ 1 ຊັງຕີແມັດ​ກໍ​ຕາມ ເພື່ອ​ບໍ່​ໃຫ້​ຄົນແປກ​ໜ້າສຳຜັດຕົວ ຫຼື ຖ້າ​ມີ​ໂອ​ກາດ ເຮົາ​ຈະ​ເລືອກ​ຍ້າຍບ່ອນນັ່ງ​ໃຫ້​ຫ່າງ​ຈາກ​ຄົນ​ອື່ນ.

2. ໄລຍະ​ສ່ວນຕົວ (Personal Distance) ເປັນ​ເຂດ​ປ້ອງ​ກັນຕົວ​ໄລຍະໃກ້ ມີ​ໄລຍະ​ປະ​ມານ 45-60 ຊັງຕີແມັດ. ໃນ​ໄລຍະ​ນີ້​ເອງ​ທີ່​ຕໍ່​ໃຫ້​ສະໜິດ​ໃນລະດັບ​ໜຶ່ງ ແຕ່​ຍັງມີ “ເສັ້ນ​ບາງໆ ກັ້ນ​ລະຫວ່າງ​ເຮົາ​ສອງ” ປົກກະຕິ​ແລ້ວ ໄລຍະ​ນີ້​ເປັນ​ໄລຍະ​ທີ່​ເຮົາ​ໃຊ້​ກັບ​ໝູ່ເພື່ອນ ຫຼື ຄົນທີ່​ສະໜິດ​ສະໜົມ​ກັນ​ໃນລະດັບ​ໜຶ່ງ ສາມາດ​ຢື້​ມື​ເຖິງ​ກັນ​ໄດ​້, ຍັງສຳຜັດ​ກັນ​ ແລະ ​ກັນ​ໄດ້, ເວົ້າຈາ​ກັນ​ດ້ວຍລະດັບ​ສຽງ​ປົກກະຕິ ແຕ່​ຍັງ​ຄົງຮັກສາໄລຍະ​ຫ່າງ​ໄວ້. ໃຜ​ທີ່​ຈະ​ເຂົ້າ​ໃກ້​ກວ່າ​ນີ້ ຈະ​ຕ້ອງ​ໄດ້ຮັບ​ການ​ຍິນ​ຍອມ​ຈາກ​ເຮົາ​ກ່ອນ.

3. ໄລຍະ​ສັງຄົມ (Social Distance) ເປັນ​ໄລຍະ​ທີ່​ໃຊ້​ກັບ​ຜູ້​ທີ່ ບໍ່​ຄຸ້ນ​ເຄີຍ. ໄລຍະ​ຫ່າງ​ປະ​ມານ 2-3.5 ແມັດ ເປັນ​ໄລຍະ​ທີ່​ໃຊ້​ເວົ້າ​ຈາທາງ​ສັງຄົມ ​ແລະ ​ຫຼືຕິດ​ຕໍ່​ກັນ​ໃນ​ລັກສະນະ​ທີ່​ບໍ່​ສາມາດ​ຢື້​ມື​ເຖິງກັນ​ໄດ້ ພາສາ​ທີ່​ໃຊ້​ຈະ​ເປັນ​ພາສາ​ທີ່​ເປ​ັ​ນ​ທາງ​ການ​ຫຼາຍ​ຂຶ້ນ ການ​ສະແດງ​ກິລິຍາ​ທ່າ​ທາງ​ຈະ​ຢູ່​ພາຍໃຕ້​ເງື່ອນ​ໄຂ​ຂອງ​ມາລະຍາດ​ທາງ​ສັງຄົມ ອາດ​ໃຊ້​ສຽງ​ທີ່​ດັງ​ຂຶ້ນ ເພາະ​ຢູ່​ຫ່າງ​ກັນ.

4. ໄລຍະ​ສາທາລະນະ (Public Distance) ມັກ​ເປັນ​ການ​ສື່​ສານ​ທາງດຽວ ໄລຍະ​ຫ່າງ​ປະ​ມານ 3.5 ແມັດ​ຂຶ້ນ​ໄປ ເຊັ່ນ: ​ການ​ປາກົດຕົວ​ໃນ​ທີ່​ສາ​ທາລະນະ, ມີ​ຄວາມ​ສຸ​ພາບ​ສູງ, ໃຊ້​ພາສາລະດັບ​ທາງ​ການ ແລະ​ ຕ້ອງ​ໃຊ້​ສຽງ​ເວົ້າ​ດັ່ງ​ຂຶ້ນ​ໄປ​ອີກ ເຊັ່ນ: ການກ່າວ​ສຸນ​ທອນ​ພົດ ຫຼື ການ​ປາ​ໄສໃນ​ສະຖານທີ່​ສາທາລະນະ ເປັນ​ຕົ້ນ.

ຜົນ​ຂອງ​ການ​ມີ​ໄລຍະ​ຫ່າງ​ຕໍ່​ກັນ

ຈາກ​ການ​ເວັ້ນ​ໄລຍະ​ຫ່າງ​ຕາມ​ທິດສະດີ ເມື່ອ​ເຮົາ​ຕ້ອງ​ເຂົ້າໄປ​ຢູ່ໃນ​ບ່ອນ​ທີ່​ມີ​ຂໍ້​ຈຳ​ກັດ​ເລື່ອງ​ສະຖານ​ທີ່ ຈະ​ເຮັດໃຫ້​ເຮົາ​ຮູ້ສຶກ​ອຶດ​ອັດ​ເມື່ອ​ຕ້ອງ​ຢູ່ໃນ​ທີ່​ທີ່​ຄົນຫຼາຍໆ ຫຼື ແອອັດ​ກັນ. ການ​ທີ່​ມີ​ຄົນແປກ​ໜ້າ​ເຂົ້າ​ມາ​ປະ​ຊິດຕົວ​ ຫຼື ກຳ​ລັງ​ຖືກ​ຄຸກ​ຄາມ ໂດຍ​ສະໝອງ​ຂອງ​ເຮົາ​ຈະ​ເລີ່ມ​ສັ່ງ​ການ​ໃຫ້​ເຂົ້າ​ສູ່​ໂໝດ “ລະວັງໄພ” ລວມທັງ​ຄວາມ​ບໍ່​ພໍ​ໃຈ (ແມ່ນແຕ່​ກັບ​ຄົນ​ຮູ້​ຈັກ) ເມື່ອ​ໃຜ​ກໍ​ຕາມ​ລ່ວງ​ລ້ຳ​ເຂົ້າ​ມາ​ໃນ​ອານາເຂດ​ສ່ວນຕົວ​ຂອງ​ເຮົາ ຫຼື ເຂົ້າ​ມາ​ວຸ່ນວາຍ​ກັບ​ເຂົ້າ​ຂອງ​ສ່ວນຕົວ​ໂດຍ​ບໍ່​ໄດ້ຮັບ​ອະນຸຍາດ.

ໃນ​ທາງ​ກົງ​ກັນ​ຂ້າມ ຫາກ​ເຮົາຍິ່ງ​ສະໜິດ​ສະໜົມ​ກັບ​ໃຜ ເຮົາ​ຈະ​ຄ່ອຍໆຫຼຸດກຳ​ແພງ​ລົງ (ແຕ່​ອາດຈະ​ຍັງມີ​ເສັ້ນ​ບາງໆກັ້ນ) ຍິນ​ຍອມ​ໃຫ້​ເຂົາເຂົ້າ​ໃກ້​ໃນ​ໄລຍະ​ສ່ວນຕົວ ເຮັດໃຫ້​ໄລຍະ​ຫ່າງ​ຕໍ່​ກັນ​ເລີ່ມ​ນ້ອຍ​ລົງ. ແຕ່​ເມື່ອ​ໃດ​ກໍ​ຕາມ​ທີ່​ເກີດ​ບັນຫາ​ລະຫວ່າງ​ກັນ​ຂຶ້ນ ເຮົາ​ກໍ​ສາມາດ​ທວງ​ຄືນ​ພື້ນ​ທີ່​ສ່ວນຕົວ​ຄືນ​ໄດ້​ດ້ວຍ​ການ​ຂໍ “ຫ່າງ​ກັນຄາວໜຶ່ງ” ເຊິ່ງ​ເປັນ​ ຄາວໜຶ່ງ ​ທີ່​ບໍ່​ຮູ້​ວ່າ​ດົນ​ສໍ່າ​ໃດ ຫຼື ອາດຈະ​ຕະຫຼອດ​ໄປ​ເລີຍ​ກໍ​ໄດ້.

ດັ່ງ​ນັ້ນ ນີ້​ຈຶ່ງ​ເປັນ​ວິທີ​ສື່​ສານ​ຢ່າງ​ໜຶ່ງ​ທີ່​ບອກ​ໃຫ້​ຝ່າຍ​ກົງກັນຂ້າມ​ຮູ້​ວ່າ​ເຮົາ​ທັງ 2 ມີ​ຄວາມ​ຮູ້ສຶກ ​ຫຼື ຄວາມ​ສຳພັນ​ຕໍ່​ກັນແນວໃດ​ເຊັ່ນ: ໝູ່​ສະໜິດ​ກັນ​ຈະ​ນັ່ງ​ໃກ້​ກັນ ​ແລະ ສຳ​ຜັດຕົວ​ກັນ​ໄດ້ ແຕ່​ກັບ​ຄົນທີ່​ເຮົາ​ບໍ່​ຮູ້​ຈັກ ​ຫຼື ຄົນທີ່​ເຮົາ “ເໝັນ​ຂີ້​ໜ້າ” ເຮົາ​ຈະ​ພະຍາຍາມ​ຢູ່​ຫ່າງ, ຖືຕົວ, ໄວ້ຕົວ​ຕໍ່​ກັນ ຫຼື ອາດ​ເປັນ​ໃນ​ທາງ​ລົບ​ກວ່າ​ນັ້ນ ຄື​ສະແດງ​ອາການ​ລັງ​ກຽດ, ບໍ່​ໄວ້​ໃຈ ​ຫຼື ລະວັງ​ໄພ.

ໄລຍະ​ຫ່າງ​ຈຶ່ງ​ສົ່ງ​ຜົນ​ຕໍ່​ອາລົມ ​ແລະ ​ຄວາມ​ສຳພັນ​ໄດ້. ເມື່ອ​ມະນຸດ​ກຳນົດ​ໄລຍະ​ຫ່າງ​ລະຫວ່າງຕົວ​ເອງ​ກັບ​ບຸກ​ຄົນ​ອື່ນ ຈຶ່ງ​ເກີດ​ເປັນ​ພື້ນ​ທີ່​ວ່າງ​ທີ່​ເໝາະ​ສົມ​ ຫຼື ບໍ່​ເໝາະ​ສົມ​ຂຶ້ນ. ໃນ​ໄລຍະ​ໃກ້​ຊິດ ພໍ່​ແມ່​ທີ່​ບໍ່​ເຄີຍ​ກອດ ຫຼື ສຳຜັດ​ລູກ ກໍ​ອາດ​ເຮັດໃຫ້​ລູກ​ໃຫຍ່​ມາ​ຢ່າງ​ຮູ້ສຶກ​ໂດດດ່ຽວ ​ແລະ ​ຂາດ​ຄວາມ​ອົບ​ອຸ່ນ ຫຼື ຄູ່​ຮັກ​ທີ່​ຕ້ອງ​ຢູ່​ຫ່າງ​ໄກ​ທັງ​ໄລຍະ​ທາງ​ ແລະ ​ເວລາ ຫາກ​ບໍ່​ມີ​ການ​ຕິດ​ຕໍ່​ເວົ້າ​ຈາ​ກັນເທົ່າ​ທີ່​ຄວນ​ຈະ​ເກີດ​ຂຶ້ນ​ໃນ​ໄລຍະ​ໃກ້​ຊິດ ກໍ​ອາດ​ເກີດ​ຜົນ​ກະທົບ​ຕໍ່​ຄວາມ​ສຳພັນ, ເລີ່ມ​ຫ່າງ​ເຫີນ ຈົນ​ຮູ້ສຶກ​ຫວາດ​ລະ​ແວງ​ເຊິ່ງ​ກັນ ​ແລະ ​ກັນ.

ໃນ​ຂະນະ​ດຽວ​ກັນ ໃນ​ໄລຍະ​ສ່ວນຕົວ​ທີ່​ເຮົາ​ຂີດ​ເສັ້ນ​ແບ່ງ​ໄວ້ ກໍ​ແປ​ວ່າ​ເຮົາ​ບໍ່​ຍິນ​ຍອມ​ໃຫ້​ຄົນທີ່​ບໍ່​ໄດ້ຮັບ​ອະນຸຍາດ​ເຂົ້າ​ໃກ້ ແລະ ​ພະຍາຍາມ​ທີ່​ຈະຮັກສາໄລຍະ​ຫ່າງ​ໄວ້ ຈົນ​ບາງເທື່ອ​ອາດ​ເກີດ​ການ​ເຂົ້າໃຈ​ຜິດ​ວ່າ​ຝ່າຍ​ກົງກັນຂ້າມ​ເຂົ້າ​ເຖິງ​ຍາກ, ຫຍິ່ງ, ລັງ​ກຽດ ຫຼື ເກີດ​ບໍ່​ໝັ້ນໃຈ​ຂຶ້ນ​ມາ​ວ່າຕົວ​ເອງ​ອາດ​ມີ​ລັກສະນະ​ບໍ່​ພຶງ​ປະສົງ​ບາງຢ່າງ​ທີ່​ເຮັດໃຫ້​ຄົນ​ບໍ່​ຢາກ​ເຂົ້າ​ໃກ້.

ອີກ​ສິ່ງ​ທີ່​ຕ້ອງ​ລະວັງ​ໃຫ້​ຫຼາຍ ຄື “ການ​ຄິດ​ໄປ​ເອງ” ໂດຍ​ສະເພາະ​ຄົນທີ່​ສະໜິດ​ສະໜົມ​ຢູ່​ໃກ້​ຊິດ​ກັນ​ຫຼາຍໆ, ແຕ່​ໃນ​ທາງ​ຄວາມ​ຮູ້ສຶກ ຄົນ 2 ຄົນ​ອາດຈະ​ມີ​ບໍ່​ເທົ່າ​ກັນ ຫາກ​ຄວາມ​ຮູ້ສຶກ​ທີ່​ມີ​ຄືກັນ​ ແລະ ​ເທົ່າໆກັນກໍ​ອາດຈະ​ເກີດ​ຄວາມ​ສຳພັນ​ໃໝ່​ຂຶ້ນ. ແຕ່​ຖ້າ​ໃຜຈັກ​ຄົນ​ເລີ່ມ​ຮູ້ສຶກຕົວ​ວ່າ​ຖືກລ່ວງລ້ຳ​ຫຼາຍ​ເກີນ​ໄປ ເພາະ​ຄວາມ​ຮູ້ສຶກ​ທີ່​ມີ​ຕໍ່​ກັນ​ບໍ່​ຄືກັນ ກໍ​ອາດຈະ “ຕີຕົວ​ອອກ​ຫ່າງ” ແລະ ​ນຳ​ມາ​ເຊິ່ງ​ຄວາມ​ສຳພັນ​ທີ່​ຈົບ​ບໍ່​ງາມ​ປານໃດ.

ໄລຍະ​ຫ່າງ​ຈຶ່ງ​ມີ​ຄວາມ​ສຳຄັນ

ແຕ່​ບາງເທື່ອ​ເຮົາ​ອາດຈະ​ລ່ວງ​ລ້ຳ​ເຂົ້າ​ໄປ​ໃນ​ພື້ນ​ທີ່​ສ່ວນຕົວ​ຂອງ​ຄົນ​ອື່ນ​ໂດຍ​ບໍ່​ຕັ້ງ​ໃຈ ຈຶ່ງ​ຈຳ​ເປັນ​ຢ່າງ​ຫຼາຍ​ທີ່​ເຮົາ​ຕ້ອງ​ສັງເກດ​ພາສາ​ກາຍ​ຂອງ​ອີກ​ຝ່າຍ​ໃຫ້​ເຂົ້າໃຈ​ວ່າ ເຂົາ​ໃຫ້​ເຮົາ​ເຂົ້າ​ໃກ້​ໄດ້​ຫຼາຍ​ສໍ່າ​ໃດ ແລະ ​ທີ່​ສຳຄັນ​ເຖິງ​ຈະ​ຍອມ​ໃຫ້​ເຂົ້າ​ໃກ້​ໄດ້​ຫຼາຍກວ່າ 45.7 ຊັງຕີແມັດ ກໍ​ອາດຈະ​ເປັນພຽງແຕ່ ເຟ​ຣ​ນ​​ໂຊນ (Friend zone) ທີ່​ມີກ​ະ​ຈົກ​ໃສ​ບາງໆກັ້ນ​ໄວ້ ເຖິງວ່າ​ຈະ​ຢືນຕົວ​ຕິດ​ກັນ​ກໍ​ຕາມ.

ດັ່ງ​ນັ້ນ ຄວາມ​ເປັນ​ສ່ວນຕົວ​ຂອງ​ມະນຸດ​ເຮົາ​ຈະ​ສິ້ນສຸດ​ລົງ ຕັ້ງ​ແຕ່ຍ​ອມ​ໃຫ້​ອີກ​ຝ່າຍ​ເຂົ້າ​ໃກ້​ໄດ້​ເຖິງ 45.7 ຊັງຕີແມັດ​ເປັນ​ຕົ້ນ​ໄປ. ເຖິງແມ່ນວ່າ​ໄລຍະ​ຫ່າງ​ລະຫວ່າງ​ບຸກ​ຄົນ​ເປັນ​ສິ່ງ​ທີ່​ເຮົາ​ເບິ່ງ​ບໍ່​ເຫັນ ແຕ່​ໄລຍະ​ນັ້ນ​ມີ​ຢູ່ແທ້ ​ແລະ ສຳຜັດ​ໄດ້. ການ​ເວັ້ນ​ໄລຍະ​ຫ່າງ​ຈຶ່ງ​ສົ່ງ​ຜົນ​ຕໍ່​ຄວາມ​ສຳພັນ​ທັງ​ແບບ​ໃກ້​ຊິດ​ ແລະ​ ແບບ​ຄົນ​ຮູ້​ຈັກ​ທຳມະດາ.


ພາບ:

Advertisement Replay Ad

ຂໍຂອບໃຈ

ຂໍ້ມູນ : tonkit via sanook ຊັງ

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ອອກແລ້ວເດີ້! ຜົນຫວຍລາວງວດວັນທີ 15 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 15 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 9 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 9 ມີນາ 2021

[LIVE UPDATE] ສະຫຼຸບຜົນຂອງການເລືອກຕັ້ງສະມາຊິກສະພາແຫ່ງຊາດ & ສະພາປະຊາຊົນຂັ້ນແຂວງ 2021

[LIVE UPDATE] ສະຫຼຸບຜົນຂອງການເລືອກຕັ້ງສະມາຊິກສະພາແຫ່ງຊາດ & ສະພາປະຊາຊົນຂັ້ນແຂວງ 2021

ອອກແລ້ວເດີ້! ຜົນຫວຍລາວງວດວັນທີ 4 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 4 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 1 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 1 ມີນາ 2021

ເລື່ອງໜ້າຮູ້ກ່ຽວກັບ "ປາຂ່າ" ໂລມານໍ້າຈືດແຫ່ງແມ່ນໍ້າຂອງ ສາຍພັນທີ່ຖືກຄຸກຄາມຢ່າງໜັກ

ເລື່ອງໜ້າຮູ້ກ່ຽວກັບ "ປາຂ່າ" ໂລມານໍ້າຈືດແຫ່ງແມ່ນໍ້າຂອງ ສາຍພັນທີ່ຖືກຄຸກຄາມຢ່າງໜັກ

ອອກແລ້ວເດີ້! ຜົນຫວຍລາວງວດວັນທີ 22 ກຸມພາ 2021

ອອກແລ້ວເດີ້! ຜົນຫວຍລາວງວດວັນທີ 22 ກຸມພາ 2021

ໃນມື້ທີ່ໂຄວິດກີດກັ້ນໄທ ແລະ ລາວ ຄົນໄທຈຶ່ງຜຸດໄອເດຍ "ຫຼວງພະບາງຈຳລອງ" ຢູ່ໃຈກາງບາງກອກ

ໃນມື້ທີ່ໂຄວິດກີດກັ້ນໄທ ແລະ ລາວ ຄົນໄທຈຶ່ງຜຸດໄອເດຍ "ຫຼວງພະບາງຈຳລອງ" ຢູ່ໃຈກາງບາງກອກ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ