ວັນພະຫັດ ທີ 22 ເມສາ 2021

ເຜີຍເຕັກນິກການເລືອກຊື້ມືຖືໃຫ້ຄຸ້ມຄ່າຄຸ້ມລາຄາທີ່ຈ່າຍໄປ

ເຜີຍເຕັກນິກການເລືອກຊື້ມືຖືໃຫ້ຄຸ້ມຄ່າຄຸ້ມລາຄາທີ່ຈ່າຍໄປ
S! Muan

ສະໜັບສະໜູນເນື້ອຫາ

ໃນປີ 2020 ມີມືຖືອອກໃໝ່ ໃຫ້ໄດ້ຮ້ອງວ້າວກັນຫລາຍຄ້າຍ, ເລີຍເຮັດໃຫ້ມືຖືທີ່ຈັບຢູ່ກໍ່ຮູ້ສຶກໝອງໆ ບິ່ນໆ ແຕກແຫງປານກັບຜ່ານສົງຄາມໂລກມາ (ຢາກໄດ້ໜ່ວຍໃໝ່ແມ່ນບໍ່ ສາລະພາບມາ...) ແຕ່ຈະຊື້ກໍ່ຕັດສິນໃຈບໍ່ໄດ້ວ່າຈະເອົາລຸ້ນໃດດີ ລຸ້ນນັ້ນກໍ່ຄັກ ລຸ້ນນີ້ສະເປັກກໍ່ແຮງ ອີກລຸ້ນກໍ່ກ້ອງໂຫດ … ເອົາລະ ສຳລັບໃຜທີ່ຍັງເລືອກບໍ່ຖືກວ່າຈະຊື້ລຸ້ນໃດດີ ມື້ນີ້ເວບໄຊມ່ວນຈະພາມາຮູ້ຈັກກັບເຕັກນິກການເລືອກຊື້ມືຖືໃຫ້ຖືກໃຈ ແລະ ເໝາະສົມກັບການໃຊ້ງານຂອງທ່ານ. 

Know yourself: ຮູ້ຈັກຄວາມຕ້ອງການຂອງຕົນເອງ 

ການຮູ້ຈັກວ່າຕົນເອງຕ້ອງການຫຍັງ ເປັນສິ່ງທີ່ສຳຄັນທີ່ສຸດໃນການຕັດສິນໃຈເລືອກສິ່ງໃດໜຶ່ງໃຫ້ກັບຕົນເອງ ລວມທັງການເລືອກຊື້ມືຖືກໍ່ເຊັ່ນດຽວກັນ. ຫາກຮູ້ຈັກວ່າຕົນເອງໃຊ້ມືຖືເຮັດຫຍັງເປັນຫລັກ ກໍ່ຈະສາມາດເລືອກມືຖືທີ່ເຂົ້າກັບຮູບແບບການໃຊ້ງານຂອງຕົນເອງໄດ້ ເຊັ່ນ: ໃຊ້ໃນຊີວິດປະຈຳວັນທົ່ວໄປ, ສາຍເກມ, ມັກຖ່າຍຮູບ, ຕ້ອງການແບັດເຕີຣີຂະໜາດໃຫຍ່, ຕ້ອງການຄວາມສົມບຸກສົມບັນ ຖຶກ ທົນ ກັນນ້ຳ ກັນຝຸ່ນ, ມັກຄວາມຫລູຫລາ, ຮືຮາກັບເຕັກໂນໂລຊີໃໝ່ໆ ຫລື ເປັນຄົນທີ່ໃຊ້ມືຖືຍາວໆ ດົນໆ ປ່ຽນຄັ້ງ ເປັນຕົ້ນ. 

Budget: ກຳນົດງົບປະມານ 

ເມື່ອຮູ້ຄວາມຕ້ອງການຂອງຕົນເອງແລ້ວ ຕໍ່ໄປກໍ່ເປັນການກຳນົດງົບປະມານວ່າສາມາດຈ່າຍໄດ້ເທົ່າໃດກັບໂທລະສັບມືຖືໜ່ວຍໃໝ່ທີ່ຕ້ອງການ ເພື່ອຈະໃຊ້ໃນການກຳນົດສະເປັກໃນຂັ້ນຕອນຖັດໄປ. ສຳຄັນແມ່ນຢ່າໃຫ້ການຊື້ມືຖືເປັນພາລະ ຫລື ສ້າງໜີ້, ໃຫ້ກຳນົດງົບປະມານໃຫ້ເໝາະສົມກັບຄວາມສາມາດຂອງຕົນເອງ.

Specs: ຈັດສະເປັກ 

  • ລະບົບປະຕິບັດການ - ຍີ່ຫໍ້ (OS, Brands): ໃນປັດຈຸບັນລະບົບປະຕິບັດການມືຖື (OS) ທີ່ໄດ້ຮັບຄວາມນິຍົມ ແລະ ຫາຊື້ໄດ້ທົ່ວໄປມີຢູ່ 2 ຄ້າຍໃຫຍ່ໆ ຄື: ແອນດຣອຍ (Android) ແລະ ໄອໂອເອສ໌ (iOS), ເລື່ອງນີ້ຜູ້ຂຽນຈະບໍ່ຂໍຕັດສິນວ່າ OS ໂຕໃດດີກວ່າ ກັນເພາະແຕ່ລະຄ້າຍຕ່າງກໍ່ມີຂໍ້ດີ ຂໍ້ເສຍທີ່ເໝາະກັບກຸ່ມຜູ້ໃຊ້ທີ່ແຕກຕ່າງກັນ ເຊັ່ນ: ຫາກຕ້ອງການມືຖືທີ່ມີຄວາມສະຖຽນ ປອດໄພ ໃຊ້ງານງ່າຍກໍ່ໃຫ້ເລືອກ iOS. ແຕ່ຫາກເປັນຄົນທີ່ມັກປັບແຕ່ງນີ້ນັ້ນ, ແກ້ໄຂຕັ້ງຄ່າຫັນນີ້ ໃຫ້ທ່ານເລືອກ Android ເພາະເປັນລະບົບເປີດ ແລະ ຈະມີຄວາມຢືດຢຸ່ນກວ່າ. ສຳລັບຍີ່ຫໍ້ກໍ່ເຊັ່ນດຽວກັນ (ສະເພາະຝັ່ງ Android ເນາະ) ໃຫ້ເລືອກຕາມຄວາມມັກຂອງທ່ານເລີຍ ເພາະແຕ່ລະຍີ່ຫໍ້ ແຕ່ລະແບຣນກໍ່ມີມືຖືໃຫ້ເລືອກໃນຫລາຍກຸ່ມ ຕັ້ງແຕ່ລະດັບແພງຫລູ (High-end), ລະດັບກາງ (Mid-range) ຫລື ກຸ່ມມືຖືລາຄາຖືກ (Entry level range) ຕາມຄວາມຕ້ອງການຂອງທ່ານ ແບຣນທີ່ມີຊື່ສຽງໃນປັດຈຸບັນໄດ້ແກ່: Samsung, ASUS, Xiaomi, Huawei, Google, Motorola, OnePlus, Oppo, LG ແລະ ອື່ນໆ ອີກຫລາຍ.
  • ໜ້າຈໍ (Screen): ໜ້າຈໍເປັນອີກໜຶ່ງປັດໄຈໃນການເລືອກຊື້ມືຖື ຫາກທ່ານເປັນຄົນທີ່ຕ້ອງໃຊ້ມືຖືໃນການອ່ານຂໍ້ຄວາມ ຫລື ເອກະສານ ໃຫ້ເລືອກຈໍທີ່ມີຂະໜາດໃຫຍ່ຈະເໝາະສົມ ແລະ ສະບາຍຕາກວ່າ. ຫາກເປັນຜູ້ໃຊ້ທີ່ມັກຫລິ້ນເກມ ກໍ່ຕ້ອງເລືອກຈໍທີ່ມີຄວາມລະອຽດ ແລະ Frame rate ຂ້ອນຂ້າງສູງ ຫລື ຫາກແມ່ນທ່ານເປັນຄົນທີ່ມັກມືຖືກະທັດຮັດ ກໍ່ໃຫ້ເລືອກໜ້າຈໍຂະໜາດນ້ອຍທີ່ເໝາະສົມກັບຄວາມຕ້ອງການຂອງທ່ານ. ໃນທຸກມື້ນີ້ ຄວາມລະອຽດຂອງໜ້າຈໍມືຖືທີ່ແນະນຳແມ່ນບໍ່ຄວາມຫລຸດ 1080p ຫລື ທີ່ເອີ້ນຕິດປາກກັນວ່າ Full HD ນັ້ນແຫລະ, ຫາກບໍ່ແມ່ນກຸ່ມຜູ້ໃຊ້ທີ່ເຮັດວຽກກ່ຽວກັບງານກຣາຟຟິກ (Graphic) ຫລື ກຸ່ມຫລິ້ນເກມ (Gamer) ກໍ່ບໍ່ຈຳເປັນຕ້ອງໃຊ້ຄວາມລະອຽດສູງເກີນໄປ ເພາະຈະເປັນການສິ້ນເປືອງແບັດເຕີຣີ. ສ່ວນຂະໜາດໜ້າຈໍ ອັນນີ້ເລືອກແທນບໍ່ໄດ້, ໃຫ້ແນະນຳທົດລອງຈັບ ລອງຖືຫລາຍໆ ຂະໜາດປຽບທຽບກັນເບິ່ງ ວ່າຕົນເອງມັກແບບໃດ.
  • ໜ່ວຍປະມວນຜົນ, ຄວາມຈຳ (CPU, RAM, ROM): ຊິບໜ່ວຍປະມວນຜົນຫລັກ (CPU) ແລະ ຄວາມຈຳຫລັກ (RAM) ເປັນໂຕກຳໜົດຄວາມໄວຂອງມືຖື ສະນັ້ນແລ້ວຄວນເລືອກໃຫ້ເໝາະສົມກັບການໃຊ້ງານຂອງທ່ານເອງ ແນ່ນອນວ່າຍິ່ງໄວຍິ່ງດີ (ແຕ່ບໍ່ແມ່ນທັງໝົດ ຄວາມໄວມາພ້ອມໆ ກັບການໃຊ້ພະລັງງານທີ່ສູງຂຶ້ນ ມັນເຮັດໃຫ້ແບັດເຕີຣີຂອງມືຖືໝົດໄວຂຶ້ນແນ່ນອນ ແລະ ອີກຢ່າງລາຄາທີ່ແພງຂຶ້ນຕາມຄວາມໄວນັ້ນເອງ) ຫາກທ່ານເປັນຄົນທີ່ບໍ່ມີຄວາມຈຳເປັນຕ້ອງໃຊ້ວຽກມືຖືປະມວນຜົນໜັກໆ ກໍ່ບໍ່ຈຳເປັນຕ້ອງເສຍເງິນໄປກັບສິ່ງທີ່ທ່ານບໍ່ໄດ້ໃຊ້ງານ, ໃຫ້ເລືອກສິ່ງທີ່ເໝາະສົມກັບທ່ານຈະດີກວ່າ. CPU ທີ່ໃຊ້ກັນແຜ່ຫລາຍກັບມືຖືຈະມີ Snapdragon ຂອງບໍລິສັດ Qualcomm (ລຸ່ນລ່າສຸດປັດຈຸບັນແມ່ນລະຫັດ 865 ແຕ່ຫາກທ່ານບໍ່ຈຳເປັນຕ້ອງໃຊ້ສະເປັກສູງໆ ກໍ່ສາມາດເລືອກລຸ້ນຮອງລົງມາ ເຊັ່ນ 855 ຫລື 845 ກໍ່ພຽງພໍຕໍ່ການໃຊ້ງານທົ່ວໄປແລ້ວ), ກຸ່ມ Exynos ຂອງຍັກໃຫຍ່ Samsung (ໄດ້ແກ່ລະຫັດ 990, 9825, 9820, 980 ເປັນຕົ້ນ, ເຊັ່ນເຄີຍຈັດລຽງລຳດັບຈາກລຸ້ນທີ່ແຮງທີ່ສຸດລົງມາຕາມລຳດັບ) ແລະ Kirin ຈາກ HiSilicon ສປ ຈີນ (ລະຫັດປັດຈຸບັນແມ່ນ 990, 985, 920 ເປັນຕົ້ນ) ແລະ ຍັງມີອີກຫລາຍຄ້າຍທີ່ສາມາດເລືອກຊື້ຫາ. ສຳລັບ RAM ນັ້ນຫາກເປັນໄປໄດ້ກໍ່ໃຫ້ເລືອກທີ່ມີຄວາມຈຸສູງໆ ໄວ້ກ່ອນເພື່ອຄວາມຕໍ່ເນື່ອງໃນການໃຊ້ງານ ຢ່າງຕຳ່ແນະນຳໃຫ້ເລືອກ 4GB ຫລື 6GB ຂຶ້ນໄປສຳລັບການໃຊ້ງານທົ່ວໄປ. ຕໍ່ໄປເປັນເລື່ອງຂອງ ROM ຫລື ພື້ນທີ່ຈັດເກັບຂໍ້ມູນ ຫາກເປັນໄປໄດ້ແນະນຳໃຫ້ເລືອກຄວາມຈຸ 32GB ຫລື 64GB ຂຶ້ນໄປສຳລັບການໃຊ້ງານທົ່ວໄປ, ເຊື່ອວ່າຫລາຍໆ ຄົນຈະໃຊ້ມືຖືເປັນອຸປະກອນຫລັກບໍ່ວ່າຈະບັນທຶກຮູບ, ເພງ, ໄຟລ໌ວຽກຕ່າງໆ.
  • ກ້ອງຖ່າຍຮູບ (Camera): ກ້ອງ ເປັນສ່ວນສຳຄັນສຳລັບຫລາຍໆ ຄົນທີ່ມັກຖ່າຍຮູບ ໂດຍສະເພາະສາວໆ ສາຍຖ່າຍເຊວຟີ່ (Selfie) ທັງຫລາຍ. ຫາກເປັນຄົນທີ່ມັກຖ່າຍ Selfie ກໍ່ໃຫ້ເລືອກມືຖືທີ່ມີຄວາມລະອຽດຂອງກ້ອງໜ້າສູງ ຫລື ຫາກເປັນຄົນທີ່ມັກຖ່າຍວິວ ຫລື ຖ່າຍຄົນອື່ນ ກໍ່ໃຫ້ເລືອກຄວາມລະອຽດກ້ອງຫລັງທີ່ສູງ, ເຊັນເຊີ (Sensor) ຂະໜາດໃຫຍ່ ຮູຮັບແສງກວ້າງ ເພື່ອສາມາດທີ່ຈະຖ່າຍຮູບໃນສະຖານທີ່ໆ ມີແສງໜ້ອຍໄດ້ດີ. ນອກນັ້ນ ການເລືອກກຸ່ມກ້ອງ (ທຸກມື້ນີ້ກ້ອງດຽວເຫັນວ່າມັນບໍ່ພໍໃຊ້ງານ ຜູ້ຜະລິດເລີຍໃຈດີຍັດມາໃຫ້ຄົບທຸກໄລຍະການໃຊ້ງານ ທັງເລນກວ້າງ ເລນຂະຫຍາຍ ຫລື ແມ່ນແຕ່ເລນມາໂຄຣ) ທີ່ກົງກັບພຶດຕິກຳການໃຊ້ງານຂອງທ່ານ ເຊັ່ນ: ຫາກຕ້ອງການຖ່າຍພາບໄລຍະໄກໆ ເລື້ອຍໆ ກໍ່ໃຫ້ເລືອກເລນກ້ອງທີ່ມີຄວາມສາມາດຂະຫຍາຍ (Zoom) ແຕ່ຍັງຮັກສາຄວາມລະອຽດໄວ້ໄດ້ (ໂຕ Top ສາມາດຂະຫຍາຍໄດ້ໄກຈົນໜ້າຕົກໃຈວ່າກ້ອງມືຖືມາຮອດຈຸດນີ້ໄດ້ແນວໃດ), ສ່ວນຄົນທີ່ມັກຖ່າຍແບບໜ້າແຈ້ງຫລັງລະລາຍ (Bokeh) ກໍ່ໃຫ້ເລືອກເລນທີ່ມີຄວາມສາມາດວັດແທກໄລຍະຕື້ນ - ເລິກໄດ້ນັ້ນເອງ. ຄວາມລະອຽດທີ່ແນະນຳໃນລະດັບໃຊ້ງານທົ່ວໄປ ກ້ອງໜ້າຢ່າງໜ້ອຍກໍ່ 5MP ສ່ວນກ້ອງຫລັງ 8MP ຂຶ້ນໄປ.
  • ແບັດເຕີຣີ ແລະ ການສາກໄຟ (Battery capacity & Charging interface): ແບັດເຕີຣີ ເປັນສິ່ງທີ່ບໍ່ຄວນເບິ່ງຂ້າມ, ເພາະການຈະຢູ່ກັບມືຖືໃຫ້ຄົບມື້ດ້ວຍການສາກພຽງຄັ້ງດຽວນັ້ນເປັນເລື່ອງທີ່ເຮັດໄດ້ຍາກ ຍິ່ງປັດຈຸບັນທີ່ທຸກໆ ກິດຈະກຳຈະເຮັດຜ່ານມືຖື ບໍ່ວ່າຈະຕິດຕໍ່ສື່ສານ, ອ່ານຂ່າວ, ສົ່ງໄຟລ໌ວຽກ, ອັບເດດສື່ສັງຄົມອອນລາຍ, ສັ່ງອາຫານ ແລະ ອື່ນໆ ລ້ວນແລ້ວແຕ່ເປັນການໃຊ້ພະລັງງານຈາກແບັດເຕີຣີ ການເລືອກແບັດເຕີຣີທີ່ມີຄວາມຈຸສູງເປັນສິ່ງຈຳເປັນ ແນະນຳຢ່າງໜ້ອຍໃຫ້ມີຄວາມຈຸ 4000 mah ຂຶ້ນໄປ. ນອກຈາກນັ້ນການເລືອກຮູບແບບການສາກໄຟ ແລະ ສາຍສາກກໍ່ເປັນສິ່ງທີ່ຄວນຄຳນຶງ ເມື່ອຕ້ອງການຊື້ມືຖືໜ່ວຍໃໝ່, ຫາກເປັນໄປໄດ້ໃຫ້ເລືອກການສາກໄຟແບບໄວ (Quick charge) ໄດ້ຈະເປັນການດີ, ເພາະເຕັກໂນໂລຊີທຸກມື້ນີ້ພັດທະນາໄປໄກຫລາຍ ການສາກໃນເວລາສັ້ນໆ ກໍ່ສາມາດເຮັດໃຫ້ຕໍ່ອາຍຸການໃຊ້ງານລະຫວ່າງມື້ໄດ້. ຫົວສາກ (Port) ກໍ່ສາມາດເລືອກໄດ້ຕາມໃຈເລີຍວ່າຈະໃຊ້ແບບໃດ ແຕ່ສ່ວນໃຫຍ່ທຸກມື້ນີ້ຜູ້ຜະລິດ (ຝັ່ງ Android) ຈະຫັນມາເປັນຫົວ USB Type-c ກັນເປັນສ່ວນໃຫຍ່ແລ້ວ ແລະ ຄາດວ່າຈະກາຍເປັນມາດຕະຖານໃນອະນາຄົດ. ຫາກເລືອກຫົວສາກທີ່ຕ່າງຈາກໝູ່ ໄປໃສກໍ່ຢ່າລືມຖືສາຍສາກຂອງຕົນເອງໄປນຳລະ.

ແຖມໆ … ປັດໄຈອື່ນໆ ທີ່ຕ້ອງຄຳນຶງໃນການຊື້ມືຖືໃໝ່ໄດ້ແກ່  

  • ຮູບແບບການເຊື່ອມຕໍ່ທີ່ຮອງຮັບ (3G/4G/5G) ເຊິ່ງມືຖືສ່ວນໃຫຍ່ທີ່ອອກມາໃນປັດຈຸບັນກໍ່ໜ້າຈະຮອງຮັບ 4G ກັນໝົດແລ້ວ (ແຕ່ເຄື່ອຂ່າຍໃນບ້ານເຮົາອາດຈະບໍ່ທັນທົ່ວເຖິງ ເອ໊! ຫລື ຈັ່ງໃດ? ແຫະໆ) ຫາກໃຜຕ້ອງການທົດລອງໃຊ້ 5G ກໍ່ສາມາດເລືອກຊື້ມືຖືໄວ້ຖ້າ ສ່ວນວ່າເຄືອຂ່າຍຈະພ້ອມໃຊ້ງານເມື່ອໃດນັ້ນຍັງບໍ່ເປັນທີ່ຊັດເຈນເທື່ອ ຄິດວ່າໜ້າຈະອີກດົນສົມຄວນ (ສ່ວນຕົວເລີຍບໍ່ເອົາຄວາມສາມາດຮອງຮັບ 5G ເປັນປັດໄຈສຳຄັນໃນການເລືອກຊື້ມືຖືໃນປັດຈຸບັນ ກວ່າຈະໄດ້ໃຊ້ງານຢ້ານມືຖືໝົດອາຍຸການໃຊ້ໄປສາກ່ອນ ຮ່າໆ).  
  • Bluetooth ຄວນເປັນແບບກິນພະລັງງານໜ້ອຍ (Bluetooth Low Energy) ຈະໄດ້ປະຢັດແບັດເຕີຣີເວລາໃຊ້ງານ.  
  • WiFi ກໍ່ຄວນຮອງຮັບມາດຕະຖານທັງສອງຄື້ນຄວາມຖື 2.4GHz ແລະ 5GHz.
  • ລະບົບການຮັກສາຄວາມປອດໄພ ມືຖືທີ່ຕ້ອງການຮອງຮັບການສະແກນລາຍນິ້ວມື ຫລື ບໍ່? ຫາກມີເຊັນເຊີສະແກນລາຍນິ້ວມື (Fingerprint sensor) ມັນຢູ່ສ່ວນໃດຂອງມືຖື, ສາມາດໃຊ້ງານໄດ້ງ່າຍ ຫລື ບໍ່? ຮອງຮັບການສະແກນມ່ານຕາ ຫລື ໃບໜ້າບໍ່? ຢ່າງໜ້ອຍກໍ່ໃຫ້ມີຈັກຢ່າງໜຶ່ງ ເພື່ອຄວາມສະດວກໃນການໃຊ້ງານໃນຊີວິດປະຈຳວັນ.
  • Port ຫລື ຊ່ອງທາງການເຊື່ອມຕໍ່ເດ, ມີມາໃຫ້ຄົບກັບຄວາມຕ້ອງການຂອງທ່ານ ຫລື ບໍ່? ເພາະບາງລຸ້ນບາງຍີ່ຫໍ້ຈະບໍ່ມີ Port ເຊື່ອມຕໍ່ຫູຟັງຂະໜາດ 3.5mm ມາໃຫ້ແລ້ວ.
  • ຄວາມທົນທານ, ທຸກມື້ນີ້ມີເຕັກໂນໂລຊີຜະລິດໜ້າຈໍທີ່ເອີ້ນວ່າ Gorilla glass ທີ່ທົນແຮງກະທົບໄດ້ລະດັບໜຶ່ງ ເຊິ່ງປັດຈຸບັນພັດທະນາມາຮອດເວີຊັນ 6 ແລ້ວ ແຕ່ຈະມີໃນມືຖືທີ່ລາຄາຂ້ອນຂ້າງແພງ. ອີກຄຸນສົມບັດຂອງມືຖືທີ່ຄວນມີໃນປັດຈຸບັນແມ່ນຄວາມສາມາດໃນການກັນນ້ຳ ກັນຝຸ່ນຕາມມາດຕະຖານ IP67 ເປັນຢ່າງຕ່ຳ.

Try it yourself: ລອງສຳຜັດເຄື່ອງຕົວຈິງ 

ໃກ້ແລ້ວ ໃກ້ຈະໄດ້ເປັນເຈົ້າຂອງມືຖືໜ່ວຍໃໝ່ແລ້ວ, ເມື່ອສາມາດຕັດສິນໃຈວ່າຈະເອົາຍີ່ຫໍ້ໃດ ລຸ້ນໃດ ໄດ້ແລ້ວ, ກ່ອນຈະຕັດສິນໃຈຊື້ ຢາກໃຫ້ທ່ານໄປເບິ່ງ ໄປລອງຈັບເຄື່ອງຈິງສາກ່ອນ. ເພື່ອສຳຜັດກັບຮູບຮ່າງ ຫລ່ຽມມຸມວ່າເໝາະສົມກັບມືທ່ານ ຫລື ບໍ່? ນ້ຳໜັກເຄື່ອງຕົວຈິງໜັກ - ເບົາເກີນໄປ ຫລື ບໍ່? ແລະ ທົດລອງໃຊ້ Feature ຕ່າງໆ ວ່າຖືກໃຈທ່ານແທ້ ຫລື ບໍ່? ເພາະເມື່ອຊື້ໄປແລ້ວ ມືຖືດັ່ງກ່າວຈະກາຍມາເປັນສ່ວນໜຶ່ງໃນຊີວິດຂອງທ່ານ ຈະຢູ່ກັບທ່ານຕັ້ງແຕ່ຕື່ນນອນຈົນເຖິງເວລາທີ່ທ່ານເຂົ້ານອນ. ຫາກຖືກໃຈແລ້ວກໍ່ສາມາດເລືອກຮ້ານ ເພື່ອຈັບຈອງເປັນເຈົ້າຂອງໄດ້ເລີຍ, ແຕ່ຫາກບໍ່ຖືກໃຈ ໃຫ້ຍ້ອນກັບໄປຂໍ້ກ່ອນໜ້າ ເພື່ອຫາຕົວເລືອກອື່ນທີ່ກົງກັບຄວາມຕ້ອງການຂອງຕົນເອງຫລາຍທີ່ສຸດ. 

Final: ປຽບທຽບທາງເລືອກ 

ເມື່ອເລືອກໄດ້ແລ້ວ ສຸດທ້າຍກໍ່ເປັນການຕັດສິນໃຈເລືອກຮ້ານວ່າຈະຊື້ຈາກຮ້ານໃດ ໂດຍສາມາດຕັດສິນໃຈຈາກ ລາຄາ, ໄລຍະຮັບປະກັນ, ສ່ວນຫລຸດ ຂອງແຖມ ແລະ ສິດທິປະໂຫຍດອື່ນໆ. ແນະນຳໃຫ້ເລືອກຈາກຮ້ານທີ່ເຊື່ອຖືໄດ້ ອາດຈະຖາມຈາກຄົນອ້ອມຂ້າງວ່າເຄີຍຊື້ຈາກຮ້ານໃດ ແລ້ວປະສົບການທີ່ໄດ້ຮັບຈາກຮ້ານເປັນແນວໃດ ຫລື ຫາອ່ານຈາກຄຳຄິດເຫັນຕາມ Facebook Fan Page ຂອງຮ້ານຕ່າງໆ ອີກທາງ. ເມື່ອຊື້ແລ້ວ ກ່ອນອອກຈາກຮ້ານຢ່າລືມກວດສອບ ທົດລອງເປີດເຄື່ອງໃຊ້ເພື່ອປ້ອງກັນບັນຫາທີ່ອາດຈະເກີດຂຶ້ນ ສຳລັບລາຍການທີ່ຕ້ອງກວດສອບກ່ອນຮັບເຄື່ອງນັ້ນ ຂໍເກັບໄວ້ເລົ່າໃນບົດຄວາມໜ້າ, ດຽວມັນຈະຍາວເກີນໄປ ລໍຖ້າຕິດຕາມກັນໄດ້ໃນໄວໆ ນີ້. 

ລາຍຊື່ມືຖືທີ່ໜ້າສົນໃຈສຳລັບປີ 2020 ນີ້ (ຄັດຈາກເວບໄຊຂໍ້ມູນມືຖືຊື່ດັງ GSMARENA

  • Flagship/High-end: ຫາກງົບປະມານບໍ່ຈຳກັດຈັດເລີຍ Samsung galaxy S20+ ຫລື iPhone 11
  • Camera: ເນັ້ນກ້ອງກໍ່ Samsung galaxy S20 Ultra 5G ແຕ່ລາຄາກໍ່ໂຫດເຊັ່ນກັນ
  • Gamer: ສາຍເກມໃຫ້ເລືອກ Asus ROG Phone II ZS660KL ແລ້ວຈະຕິດໃຈ
  • Mid-rage: ລາຄາກາງໆ ແຕ່ສະເປັກດີໆ ກໍ່ມີ Xiaomi Mi 9T ຫລື Realme 6 ຫລື iPhone 8 ທີ່ຖືວ່າຍັງໃຊ້ງານທົ່ວໄປໄດ້ດີ ໃນລາຄາທີ່ເອື້ອມເຖິງ
  • Entry level: ລາຄາເບົາໆ Realme 5s / Samsung galaxy A series ທັງຫລາຍ 

ການປ່ຽນມືຖືໃໝ່ ເປັນເລື່ອງທີ່ດີເພາະເປັນການອັບເກຣດເຄື່ອງມືທີ່ຈະຊ່ວຍໃຫ້ການໃຊ້ຊີວິດຂອງເຮົານັ້ນງ່າຍຂຶ້ນ ຫາກບໍ່ເປັນການລຳບາກທາງດ້ານການເງິນຂອງຕົນເອງ ຫລື ຄອບຄົວ. ສະນັ້ນ ໃຫ້ເລືອກມືຖືທີ່ເໝາະສົມກັບການໃຊ້ງານຂອງຕົນເອງ ແລະ ໃນລາຄາທີ່ຈ່າຍແລ້ວບໍ່ເດືອດຮ້ອນ ຍິ່ງໃນຊ່ວງທີ່ເສດຖະກິດຝຶດເຄືອງ ເຮົາບໍ່ຈຳເປັນຕ້ອງນຳກະແສ ນຳເທຣນ ໃຊ້ອຸປະກອນທີ່ລາຄາແພງເກີນຕົວ, ແຕ່ຫາກທ່ານບໍ່ມີຂໍ້ຈຳກັດທາງດ້ານການເງິນ ກໍ່ສາມາດເລືອກໄດ້ຕາມໃຈເລີຍ.


ຂຽນໂດຍ: Nilavath 

ອ້າງອີງ: 

Advertisement Replay Ad
Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ກ້ອງໂປຣຍັງຈຳເປັນບໍ່? ໃນເມື່ອກ້ອງມືຖືກໍ່ສາມາດຊູມຈົນເຫັນຮູຂຸມຂົນ

ກ້ອງໂປຣຍັງຈຳເປັນບໍ່? ໃນເມື່ອກ້ອງມືຖືກໍ່ສາມາດຊູມຈົນເຫັນຮູຂຸມຂົນ

Digital Marketing ແມ່ນຫຍັງ? ນີ້ແມ່ນສິ່ງທີ່ເຈົ້າຕ້ອງຮູ້ຖ້າຢາກເປັນນັກການຕະຫຼາດໃນຍຸກນີ້

Digital Marketing ແມ່ນຫຍັງ? ນີ້ແມ່ນສິ່ງທີ່ເຈົ້າຕ້ອງຮູ້ຖ້າຢາກເປັນນັກການຕະຫຼາດໃນຍຸກນີ້

ວາງຈຳໜ່າຍແລ້ວ! Huawei Watch GT2 Pro ມາພ້ອມ 12 ຟັງຊັນໂດດເດັ່ນ ດ້ວຍລະບົບການໃຊ້ງານອັດສະລິຍະ

ວາງຈຳໜ່າຍແລ້ວ! Huawei Watch GT2 Pro ມາພ້ອມ 12 ຟັງຊັນໂດດເດັ່ນ ດ້ວຍລະບົບການໃຊ້ງານອັດສະລິຍະ

ເບິ່ງຢູທູບຫຼາຍກາຍເວລາຫຼັບນອນ ນີ້ຄືວິທີຕັ້ງຄ່າໃຫ້ YouTube ເຕືອນເຮົາວ່າຮອດເວລາເຂົ້ານອນແລ້ວ

ເບິ່ງຢູທູບຫຼາຍກາຍເວລາຫຼັບນອນ ນີ້ຄືວິທີຕັ້ງຄ່າໃຫ້ YouTube ເຕືອນເຮົາວ່າຮອດເວລາເຂົ້ານອນແລ້ວ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ