ວັນອັງຄານ ທີ 11 ສິງຫາ 2020

ພະລັງງານທົດແທນ ທາງເລືອກທີ່ຕ້ອງເລືອກຂອງອະນາຄົດພະລັງງານ

ພະລັງງານທົດແທນ ທາງເລືອກທີ່ຕ້ອງເລືອກຂອງອະນາຄົດພະລັງງານ
S! Muan

ສະໜັບສະໜູນເນື້ອຫາ

ເສດຖີນ້ຳມັນ ເປັນຄຳເວົ້າທີ່ບໍ່ເກີນໄປເລີຍ, ໃນມື້ທີ່ທຸກສິ່ງທຸກຢ່າງຖືກກຳນົດດ້ວຍພະລັງງານຟອສຊິວ (Fossil fuels) ຫຼື ນ້ຳມັນທີ່ພວກເຮົາຕ້ອງຕໍ່ຄິວກັນຈົນລົ້ນປ້ຳ (ນ້ຳມັນ) ເມື່ອມີຂ່າວວ່າຈະປັບລາຄານ້ຳມັນຂຶ້ນ. ເອົາລະ ມື້ນີ້ເຮົາຈະບໍ່ດຶງເຂົ້າໂໝດດຣາມາເນາະ ແຫະໆ ເຮົາຈະພາໄປຮູ້ຈັກກັບ ທີ່ຈະເປັນອະນາຄົດຂອງພະລັງງານວ່າມັນແມ່ນຫຍັງກັນແທ້? ມີຕົວເລືອກໃດແດ່? ເປັນຫຍັງຈຶ່ງຕ້ອງຮູ້ຈັກກັບມັນ? ແລະ ອີກຫຼາຍໆ ຄຳຖາມທີ່ໝູ່ເພື່ອນສົງໄສກ່ຽວກັບພະລັງງານທົດແທນ. 

ພະລັງງານໄດ້ມາຈາກໃສ?

ກ່ອນຈະໄປຮູ້ຈັກກັບພະລັງງານທົດແທນ ເຮົາມາເບິ່ງນຳກັນກ່ອນວ່າພະລັງງານທີ່ໃຊ້ຢູ່ໃນປັດຈຸບັນໄດ້ຈາກໃສ? ຫຼັກໆ ພະລັງງານທີ່ໃຊ້ຢູ່ທຸກມື້ນີ້ໄດ້ຈາກ Fossil Fuels ຫຼື ຊາກທັບຖົມຂອງສິ່ງທີ່ມີຊີວິດ ເມື່ອໄລຍະເວລາຜ່ານໄປ (ຫຼາຍລ້ານປີ) ບວກກັບເງື່ອນໄຂທີ່ເໝາະສົມ, ເຮັດໃຫ້ຊາກດັ່ງກ່າວກາຍເປັນນ້ຳມັນ ຫຼື ອາຍແກສ ທຳມະຊາດ (Natural gas) ທີ່ທຸກຄົນຊົມໃຊ້ໃນການເດີນທາງ ລວມທັງຂັບເຄື່ອນເຄື່ອງຈັກຂອງອຸດສາຫະກຳຕ່າງໆ. ອີກແຫຼ່ງໜຶ່ງທີ່ແຜ່ຫຼາຍກໍ່ແມ່ນພະລັງງານທີ່ໄດ້ຈາກໂຮງງານໄຟຟ້າ ກວມເອົາທັງເຂື່ອນໄຟຟ້ານ້ຳຕົກ, ໂຮງງານໄຟຟ້າຖ່ານຫິນ,  ໂຮງງານໄຟຟ້າພະລັງງານນິວເຄລຍ (Nuclear power plant), ຟາມພະລັງງານລົມ ແລະ ພະລັງງານຈາກແສງແດດ. ແນ່ນອນວ່າຍັງມີອີກຫຼາຍຢ່າງ ຫຼາຍທາງເລືອກທີ່ສາມາດສະໜອງພະລັງງານໃຫ້ແກ່ມະນຸດເຮົາໄດ້ຊົມໃຊ້ກັນ. 

ພະລັງງານທົດແທນແມ່ນຫຍັງ? 

ມາຮອດນີ້ ຫຼາຍໆ ຄົນອາດຈະສົງໄສວ່າ ພະລັງງານທົດແທນ (Alternative energy ຫຼື ບາງຄົນຄຸ້ນຫູວ່າພະລັງງານທາງເລືອກ) ນັ້ນແມ່ນຫຍັງ? ໂດຍອີງຕາມຄຳນິຍາມຈາກວັດຈະນານຸກົມ Cambridge ໄດ້ນິຍາມໄວ້ວ່າ:

ປະໂຫຍດຂອງພະລັງງານທົດແທນ 

ພະລັງງານທົດແທນ ເປັນພະລັງງານທີ່ສະອາດ ແລະ ບໍ່ມີວັນໝົດໄປຈາກໂລກ ເຊິ່ງແຕກຕ່າງຈາກພະລັງງານທີ່ໄດ້ຈາກນ້ຳມັນທີ່ນັບມື້ນັບບົກແຫ້ງລົງ ແລະ ຈະໝົດໄປໃນອະນາຄົດອັນໃກ້ນີ້ (ໃນປີ 2016 ມີການຄາດຄະເນວ່ານ້ຳມັນທີ່ເຫຼືອຢູ່ໃນປັດຈຸບັນສາມາດນຳໃຊ້ໄດ້ອີກປະມານ 50ປີ ໂດຍອີງຈາກສະຖິຕິປະລິມານທີ່ຜະລິດໃນແຕ່ລະປີ). ດັ່ງນັ້ນ ພະລັງງານທົດແທນຈຶ່ງເປັນສິ່ງທີ່ນັກວິທະຍາສາດກຳລັງໃຫ້ຄວາມສົນໃຈ ແລະ ສຸມສັບພະກຳລັງເຂົ້າໃນການວິໄຈ ເພື່ອພັດທະນາເຕັກນິກໃນການຜະລິດພະລັງງານທົດແທນ ຮັບປະກັນໃຫ້ສາມາດຕອບສະໜອງຄວາມຕ້ອງການພະລັງງານຂອງປະຊາກອນໂລກໃນອະນາຄົດ. ພະລັງງານທົດແທນ ສາມາດແກ້ໄຂບັນຫາໄດ້ຫຼາຍຂອດ, ສາມາດຫຼຸດຜ່ອນການປ່ອຍອາຍພິດ (Greenhouse gas) ທີ່ເປັນສາເຫດຂອງພາວະໂລກຮ້ອນ (Global warming), ຫຼຸດຜ່ອນການຂຸດຄົ້ນຊັບພະຍາກອນທຳມະຊາດ ທີ່ກະທົບໄປເຖິງຄວາມຫຼາກຫຼາຍທາງຊີວະນາໆ ພັນ (Biodiversity), ແກ້ໄຂຂໍ້ຂັດແຍ່ງທາງສັງຄົມ ຫຼື ລະຫວ່າງຊາດທີ່ສາມາດເກີດຂຶ້ນໃຫ້ເຫັນເລື້ອຍໆ ຈາກການເຮັດສົງຄາມເພື່ອຍາດແຍ່ງນ້ຳມັນ - ດິນແດນທີ່ເປັນຂົງເຂດຍຸດທະສາດ ແລະ ເປັນທ່າແຮງໃນການພັດທະນາ. 

ພະລັງງານທົດແທນຮູບແບບຕ່າງໆ ທີ່ໜ້າສົນໃຈ 

  • Solar energy: ພະລັງງານແສງແດດ ເປັນພະລັງງານທີ່ຄົນເຮົານຳໃຊ້ມາແຕ່ບູຮານນະການໃນຮູບແບບຂອງການໃຫ້ຄວາມອົບອຸ່ນ, ປູກຝັງລ້ຽງສັດ ຫຼື ຂະບວນການຖະໜອມອາຫານໄວ້ບໍລິໂພກຍາວນານ ແລະ ໃນປັດຈຸບັນເປັນອີກທາງເລືອກທີ່ສະໜອງພະລັງງານໄຟຟ້າໃຫ້ແກ່ການດຳລົງຊີວິດຂອງຄົນເຮົາ. ເມື່ອກ່ອນເຕັກໂນໂລຊີການຜະລິດພະລັງງານແສງແດດຍັງຕ່ຳ ເຮັດໃຫ້ຕົ້ນທຶນຕໍ່ປະລິມານການຜະລິດນັ້ນບໍ່ຄຸ້ມຄ່າທີ່ຈະລົງທຶນ, ແຕ່ປັດຈຸບັນພະລັງງານແສງແດດສາມາດຕອບສະໜອງຄວາມຕ້ອງການຂອງພະລັງງານໄດ້ໃນລາຄາທີ່ຕ່ຳລົງ ແລະ ເຂົ້າເຖິງໄດ້ທຸກກຸ່ມຄົນ. ເນື່ອງຈາກວ່າປະລິມານແສງແດດທີ່ສ່ອງລົງໜ້າພື້ນໂລກເຮົາໃນ 1 ຊົ່ວໂມງ ສາມາດສະໜອງພະລັງງານໃຫ້ແກ່ການຊົມໃຊ້ຂອງຄົນທຸກຄົນໃນໂລກໄດ້ກວ່າ 1 ປີ (NREL - ແລັບວິໄຈພະລັງງານສະອາດແຫ່ງຊາດ), ພະລັງງານແສງແດດ ຈຶ່ງເປັນທາງເລືອກທີ່ສົມເຫດສົມຜົນທີ່ຈະພັດທະນາ ແລະ ໝຸນໃຊ້ໄດ້ຢ່າງບໍ່ມີຂີດຈຳກັດໃນອະນາຄົດ.

  • Nuclear power: ພະລັງງານນິວເຄລຍ ເປັນສາຂາທີ່ໄດ້ຮັບການພັດທະນາມາເປັນເວລາຍາວນານ, ມັນໃຫ້ພະລັງງານແບບໄຮ້ຂີດຈຳກັດກັບມະນຸດເຮົາມາຫຼາຍຊົ່ວອາຍຸຄົນ. ຜົນເສຍທີ່ເຫັນໄດ້ກໍ່ຈະເປັນການສ້າງເປັນອາວຸດ ຫຼື ຫາກມີຫຍັງຜິດພາດກັບໂຮງງານໄຟຟ້າພະລັງງານນິວເຄລຍ ມັນຈະສົ່ງຜົນກະທົບອັນມະຫາສານດັ່ງທີ່ເຄີຍເຫັນໃນຂ່າວທີ່ຜ່ານມາແລ້ວນັ້ນເອງ.  
  • Hydroelectric energy: ພະລັງງານທີ່ໄດ້ຈາກນ້ຳ ຫຼື ເຂື່ອນໄຟຟ້ານ້ຳຕົກທີ່ແຈກຢາຍແຕ່ເໜືອຮອດໃຕ້ຂອງປະເທດລາວເຮົາ. ນັບເປັນພະລັງງານທາງເລືອກທີ່ຖືກພັດທະນາໃຫ້ສາມາດດຶງຂີດຄວາມສາມາດໃນການສະໜອງພະລັງງານໃຫ້ແກ່ຄົນເຮົາໄດ້ສູງສຸດອີກຢ່າງໜຶ່ງ ໂດຍສະເພາະປະເທດລາວເຮົາທີ່ຂຶ້ນຊື່ວ່າເປັນໝໍ້ໄຟຂອງອາຊີອາຄະເນ (ຈາກລາຍງານຂອງທະນາຄານໂລກ ໃນປີ 2017 ປີດຽວປະເທດລາວສາມາດຜະລິດໄຟຟ້າທັງໝົດຫຼາຍກວ່າ 30 TWh, ຫຼື 30 ວັດໂມງ ແລະ ເພີ່ມສູນ (Zero) ດ້ານຫຼັກອີກ 12 ຕົວ ລອງໄປນັບກັນເບິ່ງ). ຫາກມີການບໍລິຫານຈັດການ ແລະ ການສຶກສາ - ຫຼຸດຜ່ອນຜົນກະທົບຈາກການສ້າງເຂື່ອນທີ່ດີ ພະລັງງານໄຟຟ້ານ້ຳຕົກກໍ່ເປັນອີກທາງເລືອກສຳລັບແຫຼ່ງພະລັງງານໃນອະນາຄົດ.

ເຂື່ອນໄຟຟ້ານໍ້າງື່ມ 1 / ພາບ: Chaoborus

  • Wave/Tidal energy: ເປັນເຕັກນິກການຜະລິດໄຟຟ້າທີ່ຫາກໍ່ຄິດຄົ້ນຂຶ້ນມາເມື່ອບໍ່ດົນມານີ້ ແລະ ຍັງຢູ່ໃນໄລຍະພັດທະນາ. ແນວຄິດຄືການນຳໃຊ້ກະແສນ້ຳທີ່ມາກັບຄື້ນໃນທະເລ - ມະຫາສະໝຸດ ແລະ ກະແສນ້ຳຂຶ້ນ - ນ້ຳລົງ ໃນການໝູນໃບພັດຂອງໄດນາໂມ (ຄ້າຍໆ ກັບການການຜະລິດໄຟຟ້າດ້ວຍພະລັງງານລົມ ແຕ່ໃບພັດໄດນາໂມຈະຢູ່ໃນນ້ຳແທນ). ໃນປັດຈຸບັນ ຍັງເປັນການທົດລອງຜະລິດໃນຂະໜາດໂມເດວຕົ້ນແບບ ເພື່ອເກັບຂໍ້ມູນທາງດ້ານເຕັກນິກ ແລະ ຜົນກະທົບຕໍ່ຊີວະນາໆ ພັນໃນເຂດທົດລອງ. ຫາກແມ່ນສາມາດເຮັດໄດ້ແທ້ ເພື່ອນໆ ລອງຄິດເບິ່ງວ່າເຮົາຈະມີແຫຼ່ງພະລັງງານໄວ້ໃຊ້ຫຼາຍເທົ່າໃດ ໃນເມື່ອພື້ນທີ່ຂອງມະຫາສະໝຸດກວມເອົາກວ່າ 70% ຂອງເນື້ອທີ່ໂລກ. 
  • Biofuels: ເປັນອີກໜຶ່ງພະລັງງານທາງເລືອກທີ່ສະອາດ ແລະ ສາມາດຜະລິດໄດ້ຄືນໃນຮອບວຽນທີ່ສັ້ນກວ່າພະລັງງານ Fossil ຫຼາຍເທົ່າ, ເພາະເປັນພະລັງງານທີ່ໄດ້ຈາກພືດເປັນຫຼັກ ເຊັ່ນ: ນ້ຳມັນຈາກໝາກປາມ, ອ້ອຍ ແລະ ທັນຍາພືດອື່ນໆ ທີ່ສາມາດປູກໃໝ່ໄດ້ເລື້ອຍ ແຕກຕ່າງຈາກນ້ຳມັນທີ່ໄດ້ຈາກ Fossil ທີ່ຕ້ອງອາໄສໄລຍະເວລາເປັນລ້ານໆ ປີພາຍໃຕ້ເງື່ອນໄຂທີ່ເໝາະສົມໃນການປ່ຽນຮູບໃຫ້ກາຍເປັນນ້ຳມັນທີ່ເຮົາຊົມໃຊ້ທຸກມື້ນີ້. 
  • Geothermal power: ແມ່ນການນຳພະລັງງານຄວາມຮ້ອນຈາກໃຕ້ດິນຂຶ້ນມາໃຊ້ງານ, ເພາະໃຈກາງຂອງໜ່ວຍໂລກເປັນລາວາແຫຼວທີ່ມີຄວາມຮ້ອນສູງ ຈະມີບາງພື້ນທີ່ໆ ມີຮອຍແຕກສາມາດເຂົ້າເຖິງພະລັງງານຄວາມຮ້ອນມະຫາສານດັ່ງກ່າວໄດ້ ເຊັ່ນ: ບໍ່ນ້ຳຮ້ອນ ກໍ່ເກີດຈາກສາຍນ້ຳທີ່ໄຫຼຜ່ານຮອຍແຕກຂອງແຫຼ່ງຄວາມຮ້ອນໃຕ້ດິນ ເປັນຕົ້ນ. ການໝູນໃຊ້ແຫຼ່ງພະລັງງານດັ່ງກ່າວຈະເປັນການຂຸດເຈາະຮູ (ຄ້າຍຄືກັນກັບການເຈາະນ້ຳບາດານ ແຕ່ເປັນການເຈາະຫາແຫຼ່ງຄວາມຮ້ອນ) ສູບນ້ຳລົງຮູທີ່ຂຸດ ແລ້ວອາຍນ້ຳທີ່ລະເຫີຍຈະຖືກສົ່ງຂຶ້ນມາໜູນໃບພັດໄດນາໂມຂອງໂຮງງານໄຟຟ້າ. ທະນາຄານໂລກມີການສຳຫຼວດຄວາມເປັນໄປໄດ້ໃນການສ້າງໂຮງງານໄຟຟ້າຈາກແຫຼ່ງຄວາມຮ້ອນໃຕ້ດິນ ເຊິ່ງທົ່ວໂລກມີປະມານ 40 ປະເທດທີ່ມີເງື່ອນໄຂໃນການສ້າງໂຮງງານໄຟຟ້າຈາກຄວາມຮ້ອນໃຕ້ດິນໄດ້, ເຖິງວ່າຈະບໍ່ສົ່ງຜົນກະທົບຕໍ່ສິ່ງແວດລ້ອມ ແຕ່ການກໍ່ສ້າງ ຫຼື ຂຸດເຈາະນັ້ນເຮັດໄດ້ຍາກ (ຊັ້ນຫີນເປັນຫີນທີ່ມີຄວາມແຂງກວ່າຊັ້ນຫີນປົກກະຕິ ເພາະໄດ້ຮັບຄວາມຮ້ອນຈາກໃຕ້ດິນ) ແລະ ໃຊ້ງົບປະມານສູງ ຈຶ່ງເຮັດໃຫ້ທາງເລືອກດັ່ງກ່າວຍັງບໍ່ທັນຂະຫຍາຍຕົວເທົ່າທີ່ຄວນ. 

  • Wind energy: ລົມ ເປັນແຫຼ່ງພະລັງງານສະອາດອີກຢ່າງທີ່ສຳຄັນ, ທັງຕົ້ນທຶນການຜະລິດທີ່ຕ່ຳ ແຕ່ໃຫ້ປະສິດທິພາບໃນການຜະລິດໄຟຟ້າສູງ (ຍ້ອນເຕັກນິກວິທະຍາສາດດ້ານການຜະລິດເຄື່ອງປັ່ນໄຟຟ້າທີ່ມີປະສິດທິພາບສູງໃນປັດຈຸບັນ). ພະລັງງານລົມ ນັບມື້ນັບໄດ້ຮັບຄວາມນິຍົມສູງຂຶ້ນ ເຫັນໄດ້ຈາກປະລິມານສ່ວນແບ່ງຂອງການຜະລິດໄຟຟ້າທີ່ສະໜອງໃຫ້ແກ່ສະຫະລັດອາເມຣິກາໃນປີ 2019 ໄດ້ຈາກພະລັງງານລົມປະມານ 7.3% ຂອງພະລັງງານທັງໝົດ (The US Energy Information Administration). 
  • Biomass energy: ເປັນພະລັງງານທີ່ໄດ້ຈາກການເຜົາສິ່ງທີ່ມີຊີວິດ ເຊັ່ນ: ເສດໄມ້ ຕ່າງໆ ເພື່ອນຳເອົາພະລັງງານຄວາມຮ້ອນໄປປ່ຽນເປັນພະລັງງານຮູບແບບອື່ນ (ຕົວຢ່າງ: ໃຊ້ພະລັງງານຄວາມຮ້ອນຕົ້ມນ້ຳ ເພື່ອໃຊ້ອາຍນ້ຳໝູນໄດນາໂມໃນການສ້າງພະລັງງານໄຟຟ້າອີກຕໍ່ໜຶ່ງ). ເປັນແນວຄວາມຄິດທີ່ດີ ເພື່ອເປັນການຫຼຸດຜ່ອນການຝັງກົບເສດຂີ້ເຫຍື້ອທີ່ໄດ້ຈາກການປູກຝັງຕ່າງໆ ແລະ ຫຼຸດຜ່ອນການຈຸດເຜົາທຳລາຍທີ່ກໍ່ໃຫ້ເກີດພາວະໂລກຮ້ອນ. ແຕ່ຍັງມີຂໍ້ຈຳກັດໃນການຫັນເປັນໂຮງງານຂະໜາດອຸດສາຫະກຳຫຼາຍດ້ານ ເຊັ່ນ: ການຈັດການກັບອາຍພິດທີ່ເກີດຈາກການເຜົາ ຫຼື ປະສິດທິພາບໃນການຜະລິດພະລັງງານຕໍ່ຕົ້ນທຶນ ລວມທັງຂໍ້ຈຳກັດທາງດ້ານກົດໝົດຂອງບາງປະເທດອີກດ້ວຍ. 

ເປັນຫຍັງຈຶ່ງຍັງໃຊ້ພະລັງງານ Fossil ຢຸ່ໃນເມື່ອພະລັງງານທົດແທນນັ້ນດີກວ່າ... 

ມີຫຼາຍຄົນຄົງຈະຂ້ອງໃຈວ່າ ເປັນຫຍັງພະລັງງານ Fossil ຈຶ່ງເປັນຕົວເລືອກຫຼັກໃນປັດຈຸບັນ ໃນຂະນະທີ່ມີທາງເລືອກທີ່ຫຼາກຫຼາຍ, ສົ່ງຜົນກະທົບຕໍ່ສິ່ງແວດລ້ອມໜ້ອຍກວ່າ ແລະ ເປັນແຫຼ່ງພະລັງງານທີ່ຍືນຍົງ. ມະຫາວິທະຍາໄລອາຄານຊັດ (University of Arkansas) ໄດ້ຮວບຮວມເຫດຜົນວ່າເປັນຫຍັງໂລກເຮົາໃນປັດຈຸບັນຍັງຊົມໃຊ້ພະລັງງານ Fossil ຢູ່ ໄດ້ແກ່:  

  1. ປະສິດທິພາບ (Efficiency) - ດ້ວຍຄຸນສົມບັດຂອງ Fossil fuels ທີ່ມີປະສິດທິພາບໃນການສະໜອງພະລັງງານເມື່ອທຽບກັບພະລັງງານທົດແທນແບບອື່ນໆ, ໃນປະລິມານເທົ່າກັນພະລັງງານ Fossil ສາມາດສະໜອງພະລັງງານໄດ້ຢ່າງມີປະສິດທິພາບກວ່າ ວ່າໄປແລ້ວກໍ່ເໝືອນກັນກັບທີ່ຟືນຖືກແທນທີ່ດ້ວຍຖ່ານຫີນໃນໄລຍະການປະຕິວັດອຸດສາຫະກຳໃນຊ່ວງສັດຕະວັດທີ່ XV
  2. ຄວາມສະດວກສະບາຍ (Convenience) - ຄວາມສະດວກສະບາຍໃນນີ້ ໝາຍເຖິງຄວາມສະດວກສະບາຍໃນການຂຸດຄົ້ນ, ຜະລິດ ແລະ ເກັບຮັກສາ, ຍ້ອນທຳມະຊາດໄດ້ກະກຽມພະລັງງານທີ່ມີຄວາມພ້ອມໃນການຊົມໃຊ້ ເຊັ່ນ: ນ້ຳມັນດິບທີ່ເກີດຈາກການຍ່ອຍສະຫຼາຍຊາກສັດ ພືດມາເປັນເວລາຫຼາຍລ້ານປີ ເມື່ອຂຸດຄົ້ນຂຶ້ນມາຊັບພະຍາກອນທຳມະຊາດດັ່ງກ່າວກໍ່ພ້ອມທີ່ຈະໃຫ້ພະລັງງານ, ອີກທັງເຕັກນິກການຂຸດຄົ້ນ ແລະ ຜະລິດໄດ້ຮັບການພັດທະນາມາແຕ່ອະດີດ ເຮັດໃຫ້ປະສິດທິພາບໃນການຜະລິດນັ້ນດີກວ່າການຜະລິດພະລັງງານດ້ານອື່ນໆ ທີ່ຫາກໍ່ເລີ່ມພັດທະນາກຳມະວິທີເມື່ອບໍ່ດົນມານີ້ ແລະ ຍ້ອນການຂຸດຄົ້ນພະລັງງານ Fossil ນັ້ນແຕກຕ່າງຈາກພະລັງງານອື່ນໆ ເຊັ່ນ: ພະລັງງານແສງຕາເວັນ ທີ່ຈຳເປັນຕ້ອງໄດ້ອີງໃສ່ສະພາບພູມອາກາດໃນການຜະລິດ ແລະ ຖືກຈຳກັດດ້ວຍແສງສະຫວ່າງໃນຍາມກາງເວັນເທົ່ານັ້ນຈຶ່ງຈະສາມາດຜະລິດໄດ້ ໃນຂະນະທີ່ນ້ຳມັນນັ້ນສາມາດນຳມາໃຊ້ໄດ້ບໍ່ວ່າສະພາບອາກາດ ຫຼື ພູມສາດຈະເປັນແນວໃດກໍ່ບໍ່ເປັນອຸປະສັກໃນການດຶງອອກມາຊົມໃຊ້.
  3. ໂລຈິສຕິກ (Logistics) - ໂຄງລ່າງພື້ນຖານຂອງໂລກເຮົາ ຖືກປູມາດ້ວຍເຄື່ອງຈັກທີ່ໃຊ້ນ້ຳມັນເປັນຫຼັກ, ເຮັດໃຫ້ການປ່ຽນຖ່າຍຈາກຍຸກການບໍລິໂພກພະລັງງານ Fossil ໄປໃຊ້ພະລັງງານທົດແທນເປັນໄປໄດ້ຍາກ ແລະ ຕ້ອງໃຊ້ເວລານັ້ນເອງ. 

ອ່ານມາຮອດນີ້ ເຊື່ອວ່າຫຼາຍໆ ຄົນກໍ່ຄົງຈະມີຄວາມເຂົ້າໃຈກ່ຽວກັບພະລັງງານທົດແທນບໍ່ໜ້ອຍກໍ່ຫຼາຍເນາະ, ຈັ່ງໃດກໍ່ຢ່າລືມແບ່ງປັນຄວາມຮູ້ຄວາມເຂົ້າໃຈໃຫ້ໝູ່ຄູ່ ຄົນອ້ອມຂ້າງແດ່. ໃຜມີຄຳຄິດເຫັນ ຫຼື ຂໍ້ສົງໄສເພີ່ມເຕີມ, ຝາກໄດ້ໃນຊ່ອງໃຫ້ຄຳຄິດເຫັນດ້ານລຸ່ມເລີຍ. 


ຂຽນໂດຍ: Nilavath 

ອ້າງອີງ:  

Advertisement Replay Ad
ກວດຜົນຫວຍລາວງວດນີ້ (10 ສິງຫາ 2020) ຖືກ ຫຼື ບໍ່? ກົດເບິ່ງເລີຍ!

ກວດຜົນຫວຍລາວງວດນີ້ (10 ສິງຫາ 2020) ຖືກ ຫຼື ບໍ່? ກົດເບິ່ງເລີຍ!

10 ແຫຼ່ງທ່ອງທ່ຽວໃນອາຊຽນທີ່ບໍ່ຄວນມອງຂ້າມ ​ຫຼັງໂຄວິດ-19 ຄັ້ງໜຶ່ງໃນຊີວິດຕ້ອງໄປໃຫ້ໄດ້

10 ແຫຼ່ງທ່ອງທ່ຽວໃນອາຊຽນທີ່ບໍ່ຄວນມອງຂ້າມ ​ຫຼັງໂຄວິດ-19 ຄັ້ງໜຶ່ງໃນຊີວິດຕ້ອງໄປໃຫ້ໄດ້

ປະຕິກິລິຍາຂອງຜູ້ນຳໂລກຕໍ່ເຫດລະເບີດຢູ່ເບຣຸດ  ໃຜເປັນເຈົ້າຂອງສານເຄມີ  ໃຜຮັບຜິດຊອບຄວາມເສຍຫາຍ?

ປະຕິກິລິຍາຂອງຜູ້ນຳໂລກຕໍ່ເຫດລະເບີດຢູ່ເບຣຸດ ໃຜເປັນເຈົ້າຂອງສານເຄມີ ໃຜຮັບຜິດຊອບຄວາມເສຍຫາຍ?

ເຫດຜົນທີ່ຄັ້ງໜຶ່ງໃນຊີວິດເຮົາຕ້ອງໄປເປັນນັກຮຽນເເລກປ່ຽນຢູ່ຕ່າງປະເທດ

ເຫດຜົນທີ່ຄັ້ງໜຶ່ງໃນຊີວິດເຮົາຕ້ອງໄປເປັນນັກຮຽນເເລກປ່ຽນຢູ່ຕ່າງປະເທດ

COVID-19: Fast Track ແມ່ນຫຍັງ? ຕອນນີ້ຈັດຕັ້ງປະຕິບັດ ຫຼື ຍັງ?

COVID-19: Fast Track ແມ່ນຫຍັງ? ຕອນນີ້ຈັດຕັ້ງປະຕິບັດ ຫຼື ຍັງ?

ດື່ມເຫຼົ້າ ຫຼື ເບຍແລ້ວໜ້າແດງ ເກີດຈາກຫຍັງ? ເປັນອັນຕະລາຍບໍ? ແດງສະເພາະຄົນເລືອດກຣຸບໂອບໍ?

ດື່ມເຫຼົ້າ ຫຼື ເບຍແລ້ວໜ້າແດງ ເກີດຈາກຫຍັງ? ເປັນອັນຕະລາຍບໍ? ແດງສະເພາະຄົນເລືອດກຣຸບໂອບໍ?

ຄວນເລືອກແນວທາງຊີວິດແນວໃດໃຫ້ເໝາະສົມກັບເຮົາ?

ຄວນເລືອກແນວທາງຊີວິດແນວໃດໃຫ້ເໝາະສົມກັບເຮົາ?

ເບື້ອງຫຼັງຄວາມຍາກງ່າຍຂອງການກວດຫາເຊື້ອ ໂຄວິດ-19 ໃນຫ້ອງທົດລອງ

ເບື້ອງຫຼັງຄວາມຍາກງ່າຍຂອງການກວດຫາເຊື້ອ ໂຄວິດ-19 ໃນຫ້ອງທົດລອງ

"ເບຍ" ບໍ່ໄດ້ມີແຕ່ຊະນິດດຽວ ຮູ້ ຫຼື ຍັງ?

"ເບຍ" ບໍ່ໄດ້ມີແຕ່ຊະນິດດຽວ ຮູ້ ຫຼື ຍັງ?

ຕົ້ນກຳເນີດ "ເຂົ້າຈີ່ປາເຕ້" ອາຫານເຊົ້າສຸດແຊບທີ່ຄົນລາວຄຸ້ນເຄີຍ

ຕົ້ນກຳເນີດ "ເຂົ້າຈີ່ປາເຕ້" ອາຫານເຊົ້າສຸດແຊບທີ່ຄົນລາວຄຸ້ນເຄີຍ

ແອວ 13.7 ນິ້ວ! Su Naing ສາວມຽນມາກຽມຊິງສະຖິຕິເຈົ້າຂອງເເອວນ້ອຍທີ່ສຸດໃນໂລກ

ແອວ 13.7 ນິ້ວ! Su Naing ສາວມຽນມາກຽມຊິງສະຖິຕິເຈົ້າຂອງເເອວນ້ອຍທີ່ສຸດໃນໂລກ

ກວດຜົນຫວຍລາວງວດນີ້ (6 ສິງຫາ 2020) ຖືກ ຫຼື ບໍ່? ກົດເບິ່ງເລີຍ!

ກວດຜົນຫວຍລາວງວດນີ້ (6 ສິງຫາ 2020) ຖືກ ຫຼື ບໍ່? ກົດເບິ່ງເລີຍ!

ຄົນຈະດັງຊ່ວຍບໍ່ໄດ້ ບ່າວອິນໂດອັດຄລິບນັ່ງຢູ່ຊື່ໆຍາວ 2 ຊົ່ວໂມງປາຍ ຄົນແຫ່ເຂົ້າເບິ່ງເກືອບ 3 ລ້ານເທື່ອ

ຄົນຈະດັງຊ່ວຍບໍ່ໄດ້ ບ່າວອິນໂດອັດຄລິບນັ່ງຢູ່ຊື່ໆຍາວ 2 ຊົ່ວໂມງປາຍ ຄົນແຫ່ເຂົ້າເບິ່ງເກືອບ 3 ລ້ານເທື່ອ

ເຫດລະເບີດຄັ້ງຮ້າຍແຮງຢູ່ເລບານອນສ້າງຄວາມເສຍຫາຍຫຼາຍເທົ່າໃດ?

ເຫດລະເບີດຄັ້ງຮ້າຍແຮງຢູ່ເລບານອນສ້າງຄວາມເສຍຫາຍຫຼາຍເທົ່າໃດ?

ເຂົ້າ-ອອກປະເທດຕັ້ງແຕ່ 1 ສິງຫາເປັນຕົ້ນໄປຕ້ອງເຮັດແນວໃດ? ຈຳກັດບໍລິເວນມີຄ່າໃຊ້ຈ່າຍບໍ່? ເຮົາມີຄຳຕອບ

ເຂົ້າ-ອອກປະເທດຕັ້ງແຕ່ 1 ສິງຫາເປັນຕົ້ນໄປຕ້ອງເຮັດແນວໃດ? ຈຳກັດບໍລິເວນມີຄ່າໃຊ້ຈ່າຍບໍ່? ເຮົາມີຄຳຕອບ

ໄປເຊັນເອກະສານຢູ່ຫ້ອງການບ້ານ ເສຍເງິນເທົ່າໃດ?

ໄປເຊັນເອກະສານຢູ່ຫ້ອງການບ້ານ ເສຍເງິນເທົ່າໃດ?

"ເສືອໂຄ່ງ" ເຫຼືອຢູ່ໃນລາວຫຼາຍປານໃດ ຫຼື ວ່າສັດຊະນິດນີ້ຈະເຫຼືອໄວ້ພຽງແຕ່ຊື່?

"ເສືອໂຄ່ງ" ເຫຼືອຢູ່ໃນລາວຫຼາຍປານໃດ ຫຼື ວ່າສັດຊະນິດນີ້ຈະເຫຼືອໄວ້ພຽງແຕ່ຊື່?

ກວດຜົນຫວຍງວດວັນທີ 3 ສິງຫາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດຜົນຫວຍງວດວັນທີ 3 ສິງຫາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ມາຮູ້ຈັກກັບຄຳວ່າ "ຮິກິໂກະໂມະຣິ (Hikikomori)" ອາການຂອງຄົນທີ່ "ແຍກໂຕຈາກສັງຄົມ"

ມາຮູ້ຈັກກັບຄຳວ່າ "ຮິກິໂກະໂມະຣິ (Hikikomori)" ອາການຂອງຄົນທີ່ "ແຍກໂຕຈາກສັງຄົມ"

ບົດສຳພາດ ກິສັນ ຈັນທີ ນັກຮ້ອງສຽງດີ ດີກຣີນັກຮຽນເກັ່ງຜູ້ໄດ້ຮັບທຶນ HONDA Y-E-S Award 2019

ບົດສຳພາດ ກິສັນ ຈັນທີ ນັກຮ້ອງສຽງດີ ດີກຣີນັກຮຽນເກັ່ງຜູ້ໄດ້ຮັບທຶນ HONDA Y-E-S Award 2019

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ