ວັນຈັນ ທີ 19 ເມສາ 2021

HOW TO - ອ່ານໜັງສືແນວໃດບໍ່ໃຫ້ເຫງົານອນ

HOW TO - ອ່ານໜັງສືແນວໃດບໍ່ໃຫ້ເຫງົານອນ
S! Muan

ສະໜັບສະໜູນເນື້ອຫາ

ການອາດແມ່ນຝັນຮ້າຍຂອງຫຼາຍໆຄົນ, ພໍແຕ່ເປີດໜ້າເຈ້ຍໄດ້ 2-3 ໜ້າ ມ່ານຕາກໍຄ່ອຍໆພັບລົງແລ້ວ. ກ່ອນອື່ນ ທ່ານຕ້ອງສັງເກດຕົນເອງ ເພຶ່ອຄົ້ນຫາກົກປາຍສາເຫດຂອງຄວາມຫງົານອນ ທີ່ເກີດຂຶ້ນໃນຂະນະອ່ານໜັງສື, ເພາະບາງຄົນກໍມີບັນຫາກ່ຽວກັບສະພາບແວດລ້ອມ, ບາງຄົນກໍມີບັນຫາທາງດ້ານສະມາທິ, ບາງຄົນກໍຂາດແຮງບັນດານໃຈ ແລະ ຕົວກະຕຸ້ນໃນການອ່ານ. ມື້ນີ້ muan.la ຈະມາໄຂຄວາມລັບເຕັກນິກ ”ອ່ານໜັງສືແນວໃດ ບໍ່ໃຫ້ເຫງົານອນ” ທີ່ໃຜໆກໍສາມາດປະຕິບັດຕາມໄດ້ ເພາະມັນເປັນສິ່ງງ່າຍໆທີ່ມີພະລັງກະຕຸ້ນໃນຕົວ: 

1. ບັນຍາກາດເປັນໃຈ ວຽກໃດກໍສຳເລັດ 

ແມ່ນແລ້ວ, ບັນຍາກາດສົ່ງຜົນຕໍ່ສະມາທິຂອງເຮົາໂດຍກົງ. ນີ້ແມ່ນ 3 ສະຖານທີ່ຕ້ອງຫ້າມ ທີ່ບໍ່ເໝາະແກ່ການອ່ານໜັງສື:

  • ເທິງຕຽງນອນ:

ຍ້ອນຄວາມນຸ້ມ ແລະ ຄວາມສະບາຍຂອງຕຽງ, ຫຼາຍໆຄົນຈິ່ງຫຼົງຕິດກັບດັກ ໂດຍບໍ່ຕ້ອງສົງໄສ. ຕຽງນອນ ມີໄວ້ເພື່ອການນອນ ແລະ ເຮັດກິດຈະກຳເທິງຕຽງເທົ່ານັ້ນ, ຫາກທ່ານເລືອກເປັນສະຖານທີ່ໃນການອ່ານ, ສະໝອງຈະຄິດວ່າ ທ່ານກຳລັງເຂົ້າສູ່ໂໝດພັກຜ່ອນ ອັນເປັນເຫດຂອງຄວາມເຫງົານອນທີ່ຈະຕາມມາ.

  • ບ່ອນທີ່ແສງສະຫວ່າງບໍ່ພຽງພໍ


ຢ່າອ່ານໜັງສືໃນບ່ອນທີ່ມືດ ເພາະມັນສົ່ງຜົນໃຫ້ສາຍຕາເມື່ອຍລ້າ, ຕາແຫ້ງ, ເຈັບຄໍ ແລະ ເກີດອາການເບິ່ງເຫັນບໍ່ແຈ້ງ ເປັນການລົດປະສິດທິພາບຂອງການອ່ານລົງ. 

  • ບ່ອນທີ່ອາກາດບໍ່ຖ່າຍເທ 

ຄວນເລືອກສະຖານທີ່ອາກາດຖ່າຍເທສະດວກ, ອຸນຫະພູມບໍ່ໜາວເຢັນເກີນໄປ ເພາະມັນຈະລົບກວນສະມາທິໃນການອ່ານ ແລະ ບໍ່ຮ້ອນອົບເອົ້າຈົນເກີນໄປ ເພາະມັນຈະສົ່ງຜົນໃຫ້ເຮົາເກີດຄວາມອ່ອນເພຍ, ເມື່ອຍລ້າ, ເຫງົານອນ ແລະ ເຜີຫຼັບໃນທີ່ສຸດ. 

ສະຫຼຸບ ບັນຍາກາດທີ່ເໝະສົມແກ່ການອ່ານທີ່ສຸດ ຕ້ອງມີແສງສະຫວ່າງພຽງພໍ, ບໍ່ມີສຽງລົບກວນເຊັ່ນ: ສຽງເຄື່ອງຈັກ, ສຽງໂວຍວາຍ, ສຽງເພງດັງອຶກທຶກ… ແລະ ອາກາດເຢັນສະບາຍຕົວ. ແນະນຳເປັນການອ່ານເທິງໂຕະ ໃນຫ້ອງທີ່ງຽບສະຫງົບ. ຫາກທ່ານຢາກລອງປ່ຽນບັນຍາກາດ ການອ່ານໜັງສືໃນຮ້ານກາເຟ (café), ຫໍສະໝຸດ ຫຼື ສວນສາທາລະນະ ກໍເປັນຕົວເລືອກທີ່ດີ, ນອກຈາກຈະແປກໃໝ່ແລ້ວ ມັຍັງສາມາດກະຕຸ້ນຕ່ອມຈິນຕະນາການ ແລະ ແຮງບັນດານໃຈໄດ້ອີກ.

2. ໃສ່ໃຈອາຫານການກິນ

ຄວນຮັບປະທານສິ່ງທີ່ໃຫ້ສານອາຫານ ແລະ ຄຸນປະໂຫຍດຕໍ່ຮ່າງກາຍ, ບໍ່ແນະນຳໃຫ້ກິນໝີ່ສຳເລັດຮູບ ຫຼື ບັນດາອາຫານໜັກໆທີ່ມີໄຂມັນສູງ ກ່ອນການອ່ານໜັງສື. ທ່ານອາດຈະຮັບປະທານເມັດທັນຍາພືດ, ພືດຕະກຸນຖົ່ວ ເພາະມັນເປັນອາຫານໄຂມັນຕ່ຳ, ບຳລຸງປະສາດ ແລະ ຊ່ວຍໃຫ້ສົດຊື່ນໄດ້ ຫຼື ຈະເປັນຜັກ ແລະ ໝາກໄມ້ທີ່ມີວິຕາມິນ C ສູງ ເຊັ່ນ: ກີວີ, ສະຕໍເບີລີ, ສີດາ, ໝາກມ່ວງ, ໝາກຂາມ… ທີ່ຊ່ວຍລົດຄວາມເຄັ່ງຄຽດ ແລະ ຄວາມກັງວົນໄດ້. ສິ່ງສຳຄັນຕ້ອງກິນໃນປະລິມານທີ່ພໍດີ, ຫາກກິນເກີນຂະໜາດ ຈະສົ່ງຜົນໃຫ້ໜ້າທ້ອງຕຶງ, ໜັງຕາຢ່ອນລົງ ອັນເປັນເຫດຂອງຄວາມອ້ວນ ແລະ ເກີດອາການເຫງົານອນ. 

#TIPS: ຮ່າງກາຍຂອງຄົນເຮົາປະກອບດ້ວຍນ້ຳເຖິງ 70%. ເພາະດັ່ງນັ້ນ ຄວນຈັດຫານ້ຳດື່ມມາຕັ້ງໄວ້ເທິງໂຕະ ແລະ ດື່ມທຸກໆ 30 ນາທີ ຈະຊ່ວຍໃຫ້ຮ່າງກາຍສົດຊື່ນ ແລະ ພ້ອມລຸຍງານຕໍ່. ອີກເຫດຜົນໜຶ່ງ ແມ່ນເພື່ອຫຼີກເວັ້ນອາການຂາດນ້ຳ (Dehydration) ທີ່ເຮັດໃຫ້ຫົວໃຈຟອກເລືອດລຳບາກ ອັນເປັນສາເຫດເຮັດໃຫ້ຮ່າງກາຍອ່ອນເພຍ.  

3. ນຳໃຊ້ເຕັກນິກ Pomodoro

ພາບ: https://desklodge.com/desklodgeblogs/pomodorotechnique

”Pomodoro” ເປັນພາສາອີຕາລີທີ່ແປວ່າ ໝາກເລັ່ນ. ເຕັກນິກນີ້ຖືກປະດິດຂຶ້ນໃນໄລຍະທ້າຍປີ ຄ.ສ. 1980 ໂດຍ ທ່ານ ຟຣານເຊສໂກ ຊີຣິລໂລ (Francesco Cirillo). ມັນເປັນວິທີການແບ່ງໄລຍະເວລາອ່ານອອກເປັນຮອບ, ຮອບລະ 25 ນາທີ ພ້ອມດ້ວຍເວລາພັກນ້ອຍ 5-10 ນາທີ. 

#ຂັ້ນຕອນປະຕິບັດ 

  1. ກຳນົດລາຍການສິ່ງທີ່ຈະອ່ານ.
  2. ຕັ້ງເວລານັບຖອຍຫຼັງ 25 ນາທີ.
  3. ເລີ່ມອ່ານ ຕ້ອງສົນໃຈໄປທີ່ວຽກເທົ່ານັ້ນ.
  4. ຄົບ 25 ນາທີ ສາມາດພັກຜ່ອນໄດ້ 5 ນາທີ.
  5. ສືບຕໍ່ປະຕິບັດແບບດຽວກັນ ຈົນຮອດ 4 ຮອບ (ສະເລ່ຍເວລາອ່ານ 100 ນາທີ) ຈາກນັ້ນຈະສາມາດພັກໃຫຍ່ໄດ້ 15-20 ນາທີ.
  6. ເລີ່ມປະຕິບັດຂັ້ນຕອນທີໜຶ່ງອີກຄັ້ງ.

ຂໍ້ດີ:

  • ຊ່ວຍໃຫ້ເຮົາມີພະລັງງານຫຼາຍຂຶ້ນ
  • ວຽກເຮັດແລ້ວໄວຂຶ້ນ
  • ສ້າງກຳລັງໃຈໃນການອ່ານ
  • ສະໝອງບໍ່ໄດ້ເຮັດວຽກໜັກຫຼາຍເກີນໄປ
  • ເພີ່ມສະມາທິ
  • ງານມີປະສິດທິພາບຫຼາຍຂຶ້ນ

4. ເປີດດົນຕີບັນເລງເບົາ 

ຖ້າວ່າທ່ານເປັນຄົນທີ່ເບື່ອງ່າຍ ແລະ ເວລາອ່ານມັກບໍ່ມີສະມາທິ, ການຟັງສຽງເສບດົນຕີເບົາໆ ບໍ່ວ່າຈະເປັນ Piano, Jazz, Kalimba, Guitar… ຫຼື ຈະເປັນສຽງທຳມະຊາດເຊັ່ນ: ສຽງຝົນຕົກ, ສຽງລົມພາຍຸ, ສຽງເຕົາຜິງ… ກໍເປັນຕົວເລືອກທີ່ດີ ຊ່ວຍໃຫ້ທ່ານຈົດຈໍ່ກັບສິ່ງທີ່ອ່ານໄດ້ຫຼາຍຂຶ້ນ. ສິ່ງສຳຄັນຄືບໍ່ຄວນຟັງເພງທີ່ມີເນື້ອຮ້ອງ ຫຼື ເພງທີ່ທ່ານຮູ້ຈັກ ແທນທີ່ການເອົາໃຈໃສ່ອ່ານໜັງສື ທ່ານອາດຈະໂຍກໄປກັບຈັງຫວະຂອງສຽງເພງກໍເປັນໄດ້. 

#Playlist ແນະນຳ

  • Alpha Waves: ສຽງດົນຕີກະຕຸ້ນສະໝອງທີ່ຄິດຄົ້ນໂດຍນັກຈິດຕະວິທະຍາ https://youtu.be/WPni755-Krg 
  • LoFi- hip-hop: ສຽງບັນເລງດົນຕີອອກແນວ RnB ເປັນອາລະບ້ຳໃນດວງໃຈຫຼາຍໆຄົນ https://youtu.be/5qap5aO4i9A 

5. ໃຊ້ພາສາກາຍ  

ໃນຂະນະອ່ານ ທ່ານອາດນຳໃຊ້ມື ຫຼື ປາຍບິກຊີ້ໜັງສືໄປນຳ. ຫາກຕ້ອງການຈື່ຈຳເນື້ອຫາໄດ້ ຈົ່ງອ່ານອອກສຽງໜັງສືໄປນຳ ພ້ອມສວມບົດບາດໃຫ້ຕົນເອງເປັນນາຍຄູ ທີ່ກຳລັງສິດສອນລູກສິດ, ມັນຈະເປັນການກະຕຸ້ນໃຫ້ສະໝອງຕື່ນຮູ້ ແລະ ຈື່ຈຳບົດຮຽນໃນໄລຍະຍາວ. 

6. ພັກຜ່ອນໃຫ້ພຽງພໍ

ການອ່ານໜັງສືເປັນເວລາດົນ ຈະສົ່ງຜົນໃຫ້ເຮົາເມື່ອຍລ້າ. ສະໝອງຂອງເຮົາມີຂີດຈຳກັດໃນການຮຽນຮູ້ ເພາະສະນັ້ນ, ຫາກທ່ານຮູ້ສຶກອ່ອນເພຍ ຢ່າລັງເລທີ່ຈະພັກຜ່ອນ ເພື່ອຟື້ນຟູຮ່າງກາຍ. ຕົວຢ່າງ: ຫຼັງຈາກອ່ານໜັງສື ແລະ ພັກຜ່ອນນ້ອຍມາໄດ້ 3 ຊົ່ວໂມງແລ້ວ, ທ່ານອາດໃຫ້ລາງວັນຕົນເອງດ້ວຍການນອນພັກຜ່ອນໃຫຍ່ປະມານ 30 ນາທີ- 1 ຊົ່ວໂມງ ຈະຊ່ວຍໃຫ້ຮ່າງກາຍສົດຊື່ນຂຶ້ນ ພ້ອມສືບຕໍ່ປະຕິບັດງານໃນເວລາຕໍ່ໄປ.  

ແລະ ນີ້ແມ່ນເຄັດລັບທັງໝົດ ທີ່ຈະຊ່ວຍໃຫ້ທ່ານມີສະມາທິຈົດຈໍ່ກັບການອ່ານຫຼາຍຂຶ້ນ. ໃນໄລຍະທຳອິດ ທ່ານອາດປັບໂຕຂ້ອນຂ້າງຍາກ ແລະ ທ້າທາຍ, ຫາກທ່ານສືບຕໍ່ປະຕິບັດເລື້ອຍໆ ຈົນກາຍເປັນກິດຈະວັດປະຈຳວັນ ອີກບໍ່ດົນ ທ່ານຈະກາຍເປັນນັກອ່ານທີ່ມີຄຸນນະພາບ ແລະ ມີຄວາມສຸກທຸກຄັ້ງທີ່ໄດ້ອ່ານໜັງສື. 

ຫາກທ່ານຄິດວ່າບົດຄວາມນີ້ມີປະໂຫຍດ, ຢ່າລືມກົດແບ່ງປັນ ເພື່ອສ້າງສັງຄົມລາວ ໃຫ້ຮັກການອ່ານຫຼາຍຂຶ້ນ.

ຂຽນໂດຍ: Phavady PHOMMABOUT (Tina) / Under The Serene Sky 
FB: Je m’appelle Phavady

ອ້າງອີງ: 

Advertisement Replay Ad
ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ອອກແລ້ວເດີ້! ຜົນຫວຍລາວງວດວັນທີ 15 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 15 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 9 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 9 ມີນາ 2021

[LIVE UPDATE] ສະຫຼຸບຜົນຂອງການເລືອກຕັ້ງສະມາຊິກສະພາແຫ່ງຊາດ & ສະພາປະຊາຊົນຂັ້ນແຂວງ 2021

[LIVE UPDATE] ສະຫຼຸບຜົນຂອງການເລືອກຕັ້ງສະມາຊິກສະພາແຫ່ງຊາດ & ສະພາປະຊາຊົນຂັ້ນແຂວງ 2021

ອອກແລ້ວເດີ້! ຜົນຫວຍລາວງວດວັນທີ 4 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 4 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 1 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 1 ມີນາ 2021

ເລື່ອງໜ້າຮູ້ກ່ຽວກັບ "ປາຂ່າ" ໂລມານໍ້າຈືດແຫ່ງແມ່ນໍ້າຂອງ ສາຍພັນທີ່ຖືກຄຸກຄາມຢ່າງໜັກ

ເລື່ອງໜ້າຮູ້ກ່ຽວກັບ "ປາຂ່າ" ໂລມານໍ້າຈືດແຫ່ງແມ່ນໍ້າຂອງ ສາຍພັນທີ່ຖືກຄຸກຄາມຢ່າງໜັກ

ອອກແລ້ວເດີ້! ຜົນຫວຍລາວງວດວັນທີ 22 ກຸມພາ 2021

ອອກແລ້ວເດີ້! ຜົນຫວຍລາວງວດວັນທີ 22 ກຸມພາ 2021

ໃນມື້ທີ່ໂຄວິດກີດກັ້ນໄທ ແລະ ລາວ ຄົນໄທຈຶ່ງຜຸດໄອເດຍ "ຫຼວງພະບາງຈຳລອງ" ຢູ່ໃຈກາງບາງກອກ

ໃນມື້ທີ່ໂຄວິດກີດກັ້ນໄທ ແລະ ລາວ ຄົນໄທຈຶ່ງຜຸດໄອເດຍ "ຫຼວງພະບາງຈຳລອງ" ຢູ່ໃຈກາງບາງກອກ

ອອກແລ້ວເດີ້! ຜົນຫວຍລາວງວດວັນທີ 18 ກຸມພາ 2021

ອອກແລ້ວເດີ້! ຜົນຫວຍລາວງວດວັນທີ 18 ກຸມພາ 2021

ອອກແລ້ວເດີ້! ຜົນຫວຍລາວງວດວັນທີ 15 ກຸມພາ 2021

ອອກແລ້ວເດີ້! ຜົນຫວຍລາວງວດວັນທີ 15 ກຸມພາ 2021

ຜົນຫວຍວັນທີ 4 ກຸມພາ 2021 ເລກ 6 5 4 3 2 1 ໂຕ ແລະ ຫວຍຕຳລາຝັນ 3/40

ຜົນຫວຍວັນທີ 4 ກຸມພາ 2021 ເລກ 6 5 4 3 2 1 ໂຕ ແລະ ຫວຍຕຳລາຝັນ 3/40

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ