ວັນອັງຄານ ທີ 27 ກໍລະກົດ 2021

10 ການຕັ້ງຄ່າທີ່ຈະເຮັດໃຫ້ໂທລະສັບ Android ໜ່ວຍເກົ່າຂອງເຈົ້ານັ້ນໄວຂຶ້ນ

10 ການຕັ້ງຄ່າທີ່ຈະເຮັດໃຫ້ໂທລະສັບ Android ໜ່ວຍເກົ່າຂອງເຈົ້ານັ້ນໄວຂຶ້ນ
S! Muan

ສະໜັບສະໜູນເນື້ອຫາ

ຍິ່ງເວລາຜ່ານໄປ ຍິ່ງເຮັດໃຫ້ມືຖືຄູ່ໃຈຊ້າລົງເລື້ອຍໆ … 

ທຸກມື້ນີ້ ໂທລະສັບມືຖື ຫລື Smartphone ເປັນເຄື່ອງມືສື່ສານທີ່ບໍ່ໄດ້ມີໄວ້ສະເພາະຕິດຕໍ່ຫາກັນ, ມັນເປັນສິ່ງອຳນວຍຄວາມສະດວກທີ່ຂາດບໍ່ໄດ້ສຳລັບຫລາຍໆຄົນໄປແລ້ວ, ຫາກທຽບເປັນສ່ວນຮ້ອຍຂອງຈຳນວນປະຊາກອນໂລກ 7.7 ພັນລ້ານຄົນ (ສະຖິຕິປີ 2020 ສາມາດເບິ່ງຈຳນວນປະຊາກອນແບບລະອຽດຈາກທີ່ນີ້) ມີ Smartphone 3.5 ພັນລ້ານໜ່ວຍ (ນັບສະເພາະ Smartphone ບໍ່ໄດ້ລວມມືຖືທີ່ເປັນ Feature-phone ທົ່ວໄປ) ຫລື ປະມານ 45% ຂອງປະຊາກອນໂລກທີ່ຊົມໃຊ້ໂທລະສັບມືຖື Smartphone. ເຫດການແບັດເຕີຣີ່ (Battery) ໝົດນັ້ນເປັນບັນຫາໃຫຍ່ຂອງຫລາຍໆ ຄົນ ເຮັດໃຫ້ກະວົນກະວາຍຫລາຍກວ່າຫິວເຂົ້າຫິວນ້ຳ ແລະ ອີກບັນຫາຂັດໃຈຂອງຫລາຍໆ ຄົນກໍ່ຄື ມືຖືຊ້າ, ຄວາມຈຳເຕັມ ຫລື ຄ້າງໄປເລີຍ ເມື່ອມີຄວາມຈຳເປັນຕ້ອງໃຊ້ງານໃນເວລາຮີບດ່ວນ. ໃຈເຢັນ … ຫາຍໃຈເຂົ້າເລິກໆ ຢ່າຟ້າວແກວ່ງມືຖືເຂົ້າຝາ ຢ່າຟ້າວຊື້ເຄື່ອງໃໝ່, ມື້ນີ້ພວກເຮົາຈະມາແນະນຳວິທີການເຮັດໃຫ້ມືຖືທີ່ວ່າຊ້າຂະຫນາດເຕົ່າຍັງເອີ້ນອ້າຍ ໃຫ້ສາມາດເຮັດວຽກໄດ້ໄວຂຶ້ນກວ່າເກົ່າ. 

ປັດໄຈຫຍັງແດ່ທີ່ກຳນົດຄວາມໄວຂອງມືຖື?  

ກ່ອນອື່ນໝົດເຮົາມາເຂົ້າໃຈກ່ອນວ່າ ມືຖືທີ່ເຮົາໃຊ້ກັນຢູ່ທຸກມື້ນີ້ເປັນຫຍັງມັນຈຶ່ງຊ້າ ຫລື ໄວແຕກຕ່າງກັນ. ສຳລັບຄົນທີ່ມີຄວາມເຂົ້າໃຈໃນເລື່ອງດັ່ງກ່າວແລ້ວ ຫລື ຫາກບໍ່ຕ້ອງການອ່ານ ສາມາດຂ້າມໄປເບິ່ງ 10 ເຕັກນິກທີ່ຈະເຮັດໃຫ້ມືຖືແອນດຣອຍໄວຂຶ້ນດ້ານລຸ່ມເລີຍ.  

  • Hardware: ສະເປັກຂອງ Smartphone ຖືວ່າເປັນປັດໄຈຫລັກທີ່ກຳນົດຄວາມໄວຂອງມືຖືທີ່ທ່ານໃຊ້ງານ ເຊັ່ນ: ຄວາມໄວຂອງໜ່ວຍປະມວນຜົນຫລັກ (CPU) ມີຫົວໜ່ວຍຄວາມໄວເປັນ Hz ແຕ່ເຕັກໂນໂລຊີປັດຈຸບັນຈະໃຊ້ GHz ເພື່ອບົ່ງບອກເຖິງຄວາມໄວຂອງ CPU ເຊິ່ງ 1GHz ນັ້ນເຮັດວຽກໄດ້ໄວເຖິງ 1 ພັນລ້ານຄັ້ງໃນ 1 ວິນາທີ, ຄຽງຄູ່ກັບໜ່ວຍປະມວນຜົນຫລັກ ຍັງມີອີກສ່ວນທີ່ສຳຄັນຄື ໜ່ວຍຄວາມຈຳຫລັກ (RAM) ທີ່ໃຊ້ໃນການຈັດເກັບຄຳສັ່ງຕ່າງໆ ເພື່ອສົ່ງໃຫ້ CPU ປະມວນຜົນໃນຂັ້ນຕໍ່ໄປ ປັດຈຸບັນມືຖືທີ່ຂາຍທົ່ວໄປໃນທ້ອງຕະຫລາດຈະມີຂະໜາດ RAM ລະດັບ GB ຂຶ້ນໄປໝົດແລ້ວ ຫາກ RAM ມີຂະໜາດໃຫຍ່ອຸປະກອນຂອງທ່ານກໍ່ຈະສາມາດບັນທຶກຄຳສັ່ງໄວ້ໄດ້ຫລາຍ ເຮັດໃຫ້ການເຮັດວຽກນັ້ນໄວຂຶ້ນ. ອີກສ່ວນທີ່ຄວນໃສ່ໃຈກໍ່ຄືພື້ນທີ່ຈັດເກັບຂໍ້ມູນ (Storage) ທີ່ໃຊ້ຈັດເກັບລະບົບປະຕິບັດການ (OS), ໂປຣແກຣມ (Application), ຮູບ, ເພງ ແລະ ອື່ນໆ ເພາະຫາກພື້ນທີ່ຈັດເກັບຂໍ້ມູນຫາກໃກ້ເຕັມ ຫລື ມີການຈັດເກັບທີ່ບໍ່ເປັນລະບົບລະບຽບ ຈະເຮັດໃຫ້ການອ່ານ - ຂຽນຂໍ້ມູນເຮັດໄດ້ຊ້າລົງນັ້ນເອງ. ແນ່ນອນວ່າ ເຕັກໂນໂລຊີໃນການຜະລິດ Hardware ທີ່ແຕກຕ່າງກັນ ກໍ່ມີຜົນເຮັດໃຫ້ການເຮັດວຽກຂອງອຸປະກອນນັ້ນແຕກຕ່າງກັນໄປ ແຕ່ຜູ້ຂຽນຈະບໍ່ຂໍລົງລາຍລະອຽດໃນສ່ວນນີ້. 
  • Software: ຫລັກໆ ກໍ່ຈະເປັນລະບົບປະຕິບັດການ (OS) ເຊິ່ງໃນບົດຄວາມນີ້ຈະກ່າວເຖິງສະເພາະລະບົບປະຕິບັດການແອນດຣອຍ (Android). OS ເປັນປັດໄຈຫລັກໆ ທີ່ເຮັດໃຫ້ມືຖືໄວ ຫລື ຊ້າ ເປັນຂົວຕໍ່ລະຫວ່າງການເຮັດວຽກຂອງ Hardware ກັບ Software ດ້ວຍຂະບວນການຈັດການກັບໜ່ວຍຄວາມຈຳ ຫລື ການບໍລິຫານຈັດການໜ່ວຍປະມວນຜົນຫລັກ. ນອກຈາກ OS ໃນສ່ວນຂອງ Software ຈະກວມເອົາໂປຣແກຣມ (Application) ທີ່ເຮັດວຽກເທິງມືຖືເຮົາ ວ່າຖືກອອກແບບ ແລະ ພັດທະນາມາແນວໃດ, ມີການນຳໃຊ້ຊັບພະຍາກອນຂອງເຄື່ອງຄືແນວໃດ ຖືກພັດທະນາມາສຳລັບອຸປະກອນກຸ່ມໃດ ມີການເຮັດວຽກຕະຫລອດເວລາ (Background running) ຫລື ບໍ່ ຈະເປັນໂຕກຳນົດຄວາມໄວຂອງອຸປະກອນຂອງທ່ານ.  

ແລ້ວຈະເຮັດແນວໃດ ໃຫ້ມືຖືທີ່ໃຊ້ຢູ່ລ່ຽນໄຫລໄວຈົນມື່ນລົ້ມຫົວແຕກ?

ເອົາລະ ເມື່ອເຮົາຮູ້ເຖິງປັດໄຈທີ່ກຳນົດຄວາມໄວຂອງອຸປະກອນມືຖືແລ້ວ ເຮົາມາເບິ່ງວ່າເຮົາສາມາດເຮັດຫຍັງໄດ້ແນ່ ເພື່ອເພີ່ມຄວາມໄວໃຫ້ກັບມືຖືຄູ່ໃຈຂອງທ່ານ. ທາງດ້ານ Hardware ເຮົາຄົງຈະບໍ່ສາມາດເຮັດຫຍັງກັັບມັນໄດ້, ນອກຈາກຕັດໃຈປ່ຽນເຄື່ອງໃໝ່ ແລະ OS ກໍ່ເປັນປັດໄຈທີ່ຍາກຕໍ່ການດັດແປງ ຫາກຕ້ອງການດັດແກ້ທ່ານຕ້ອງມີຄວາມຮູ້ ຄວາມເຂົ້າໃຈທາງດ້ານການຂຽນໂປຣແກຣມ ຫລື ເລືອກໃຊ້ OS ອື່ນ (ເຊັ່ນເຄີຍ ທ່ານຕ້ອງຮູ້ວິທີໃນການ Flash Custom ROM ເພື່ອປ່ຽນລະບົບປະຕິບັດການ ແຕ່ກໍ່ບໍ່ມີຫຍັງຮັບປະກັນຄວາມໄວ ຫລື ສະຖຽນລະພາບຂອງ ROM ທີ່ທ່ານເລືອກ ຜູ້ຂຽນຈຶ່ງບໍ່ແນະນຳຫາກທ່ານບໍ່ຮູ້ວ່າກຳລັງເຮັດຫຍັງຢູ່). ດ້ານລຸ່ມຜູ້ຂຽນໄດ້ຮວບຮວມເອົາ 10 ເຕັກນິກທີ່ເຮົາສາມາດເຮັດໄດ້ແບບງ່າຍໆ ເພື່ອມືຖືທີ່ໄວຂຶ້ນໂດຍບໍ່ຈຳເປັນໄປໄງ້ແງະລະບົບປະຕິບັດການ ຫລື ມີຄວາມຮູ້ດ້ານເຕັກໂນໂລຊີເລີຍ. 

ກ່ອນຈະເຂົ້າເລື່ອງການຕັ້ງຄ່າ ຜູ້ຂຽນມີເຕັກນິກເລັກໆ ນ້ອຍໆ ມາຝາກ, ເປັນວິທີການຄົ້ນຫາຈາກກ່ອງຄົ້ນຫາໂດຍກົງ (ທຸກຕົວຢ່າງ ແລະ ຮູບພາບອ້າງອີງຈາກ Samsung Galaxy Note 8 ທີ່ໃຊ້ລະບົບປະຕິບັດການແອນດຣອຍເວີຊັນ 9 ແລະ One UI ເວີຊັນ 1.0) ໂດຍທ່ານສາມາດເຂົ້າເຖິງກ່ອງຄົ້ນຫາດ້ວຍການລາກຈາກເທິງໜ້າຈໍ (Notifications bar) ແລະ ເຂົ້າເຖິງກ່ອງຄົ້ນຫາໄດ້ເລີຍ (ຮູບ 1, 2 ດ້ານລຸ່ມ) ຫລື ທ່ານສາມາດຄົ້ນຫາຈາກດ້ານເທິງສຸດຂອງໜ້າ Settings (ຮູບ 3 ດ້ານລຸ່ມ) ໄດ້ເຊັ່ນກັນ.

ໂອເຄ ມາຕໍ່ກັບເຕັກນິກທີ່ຈະເຮັດໃຫ້ມືຖືຂອງທ່ານໄວຂຶ້ນກັນ, ນຳມາເລີຍ... 

1. Restart your device: ເຕັກນິກງ່າຍໆ ແຕ່ໄດ້ຜົນເກືອບທຸກຄັ້ງໄປ ໂດຍການ ປິດ-ເປີດ ເຄື່ອງໃໝ່ຈະເຮັດໃຫ້ລະບົບເລີ່ມເຮັດວຽກໃໝ່ຈາກສະຖານະມາດຕະຖານ, ແນະນຳໃຫ້ Restart ເຄື່ອງຢ່າງໜ້ອຍອາທິດລະຄັ້ງຈະເປັນການດີ ເພາະເມື່ອປິດເຄື່ອງ Process ຕ່າງໆ ຈະຖືກປິດການເຮັດວຽກໄປທັງໝົດ ລວມທັງບາງໂປຣແກຣມທີ່ເຮັດວຽກຢູ່ເບື້ອງຫລັງ ຫລື ໂປຣແກຣມທີ່ເປັນສາເຫດເຮັດໃຫ້ເຄື່ອງຊ້າ.

 

 ຂອບໃຈແຫລ່ງທີ່ມາພາບ: https://tinyurl.com/yarnunuy 

2. Stay up to date: ການປັບປຸງ (Update) ທັງລະບົບປະຕິບັດການ (OS) ແລະ ໂປຣແກຣມ (Application) ເປັນສິ່ງຈຳເປັນຫລາຍສຳລັບການໃຊ້ງານອຸປະກອນໄອທີ ບໍ່ສະເພາະແຕ່ມືຖື, ເພາະການປັບປຸງແຕ່ລະຄັ້ງທີ່ປ່ອຍອອກມາໂດຍຜູ້ຜະລິດນັ້ນຈະເປັນການປັບປຸງແກ້ໄຂຈຸດທີ່ເຮັດວຽກບົກພ່ອງ ຫລື ເປັນບັນຫາດ້ານຕ່າງໆ ລວມທັງບັນຫາຄວາມປອດໄພ. ສະນັ້ນ ໝັ່ນອັບເດດໃຫ້ເປັນເວີຊັນ (Version) ທີ່ໃໝ່ທີ່ສຸດສະເໝີ ຈະເຮັດໃຫ້ມືຖືຂອງທ່ານໄວຂຶ້ນ ແລະ ປອດໄພຈາກການຖືກເຈາະຂໍ້ມູນ. 

 

Settings > Software update > Download and install  

3. Storage: ສຳລັບລະບົບປະຕິບັດການແອນດຣອຍທີ່ກ່າວເຖິງໃນບົດຄວາມສະບັບນີ້ ໂປຣແກຣມຕ່າງໆ ຈະມີການເກັບຂໍ້ມູນຊົ່ວຄາວ (Cache) ເພື່ອຄວາມໄວໃນການໃຊ້ງານໂປຣແກຣມ. ເມື່ອເວລາຜ່ານໄປຫາມີການນຳໃຊ້ໂປຣແກຣມເລື້ອຍໆ ເຮັດໃຫ້ຂະໜາດຂອງ Cache ນັ້ນເພີ່ມຂຶ້ນ, ຫລັງຈາກໃຊ້ງານມືຖືໄປໄລຍະໜຶ່ງການລົບ Cache ຈຶ່ງເປັນສິ່ງຈຳເປັນ. ອີກບັນຫາທີ່ພົບເຫັນເລື້ອຍໆ ກໍ່ຄືເນື້ອທີ່ຈັດເກັບຂໍ້ມູນຂອງໂທລະສັບເຕັມ, ເຊິ່ງເນື້ອງມາຈາກພຶດຕິກຳການໃຊ້ງານຂອງຜູ້ໃຊ້ ເຊັ່ນ: ການບັນທຶກຮູບພາບ (ລວມທັງຈາກການຖ່າຍຮູບ ຫລື ຈາກໂປຣແກຣມ Social media ຕ່າງໆ), ການບັນທຶກເພງ ເປັນຕົ້ນ. ຄວນກວດສອບພື້ນທີ່ໃນການຈັດເກັບຂອງອຸປະກອນຂອງທ່ານເລື້ອຍໆ ແລະ ລົບສິ່ງທີ່ເຫັນວ່າບໍ່ຈຳເປັນອອກ ເພື່ອເພີ່ມເນື້ອທີ່ໃນການຈັດເກັບຂໍ້ມູນເທິງມືຖືຂອງທ່ານເອງ, ຫາກເປັນຮູບທີ່ຕ້ອງການເກັບຮັກສາ ກໍ່ຄວນຫາທາງເລືອກອື່ນເພີ່ມເຕີມ ເຊັ່ນ: ບໍລິການຝາກໄຟລ໌ເທິງອິນເຕີເນັດ (Cloud storage) ທີ່ສາມາດເລືອກໃຊ້ໄດ້ທັງຟຣີ ແລະ ມີຄ່າບໍລິການ.  

 

Settings > Device care > Storage 

ຮູບຂັ້ນຕອນວິທີການກວດສອບປະລິມານເນື້ອທີ່ເກັບຂໍ້ມູນຂອງມືຖື

Settings > Apps > Facebook > Storage > Clear Cache 

ຮູບຂັ້ນຕອນວິທີການລົບຄວາມຈຳ Cache ຂອງແອັບ ໃນຕົວຢ່າງຂໍເລືອກເປັນແອັບ Facebook ແຕ່ແອັບອື່ນໆ ທີ່ມີການເກັບ Cache ກໍ່ສາມາດເຮັດຊ້ຳຂັ້ນຕອນດັ່ງກ່າວໄດ້ເຊັ່ນກັນ 

4. Background processes: ການເຮັດວຽກຢູ່ເບື້ອງຫລັງຂອງບາງໂປຣແກຣມ ເຮັດໃຫ້ການເອີ້ນໃຊ້ງານຂອງໂປຣແກຣມດັ່ງກ່າວພາຍຫລັງເຮັດໄດ້ໄວຂຶ້ນ, ແຕ່ມັນກໍ່ຕ້ອງແລກມາກັບການສູນເສຍຊັບພະຍາກອນຂອງເຄື່ອງທີ່ມີຢູ່ຢ່າງຈຳກັດໄປ. ທ່ານຄວນປິດບັນດາໂປຣແກຣມທີ່ທ່ານບໍ່ໃຊ້ອອກຈາກປະຫວັດການໃຊ້ງານແອັບ (Recent apps) ເພາະການກົດພຽງປຸ່ມ Home ນັ້ນຈະເປັນການອອກມາສູ່ໜ້າຫລັກເທົ່ານັ້ນໂປຣແກຣມບາງຢ່າງຈະຍັງເຮັດວຽກຢູ່ເບື້ອງຫລັງ, ບໍ່ໄດ້ເປັນການປິດໂປຣແກຣມພຽງແຕ່ຢ່າງໃດ. ລົບແອັບທີ່ທ່ານບໍ່ໃຊ້ງານອອກ ຫລື ຫາກເປັນແອັບທີ່ຕິດຕັ້ງມາກັບເຄື່ອງ (Bloatware) ທ່ານສາມາດປິດການໃຊ້ງານ (Disable) ໄດ້ເຊັ່ນກັນ. ວິທີການປິດແອັບທີ່ຍັງເຮັດວຽກເບື້ອງຫລັງ ໃຫ້ທ່ານເອີ້ນເມນູ Recent Apps (ແຕ່ລະເຄື່ອງອາດຈະມີວິທີເອີ້ນທີ່ແຕກຕ່າງກັນ ສຳລັບຕົວຢ່າງຜູ້ຂຽນຕັ້ງເປັນປຸ່ມດ້ານຂວາມືຂ້າງປຸ່ມ Home). 

 

ຮູບແອັບທີ່ຍັງເຮັດວຽກຢູ່ເບື້ອງຫລັງ

 Settings > Apps > Briefing (ແອັບທີ່ຕ້ອງການປິດ) > Disable > Disable 

ຮູບວິທີການປິດ (Disable) ແອັບທີ່ມາກັບເຄື່ອງ ແລະ ບໍ່ສາມາດລົບອອກໄດ້ (Bloatware) 

5. Homescreen: ໜ້າຫລັກຂອງມືຖື ກໍ່ເປັນອີກໜຶ່ງປັດໄຈທີ່ເຮັດໃຫ້ເຄື່ອງຊ້າ ໂດຍສະເພາະການເລືອກໃຊ້ງານ Live wallpaper ເຖິງແມ່ນຈະເຮັດໃຫ້ມືຖືເຮົາໜ້າສົນໃຈຂຶ້ນ ແຕ່ມັນກໍ່ເປັນການສິ້ນເປືອງຊັບພະຍາກອນຂອງເຄື່ອງໃນການປະມວນຜົນ ແລະ ພະລັງງານອີກດ້ວຍ. ນອກນັ້ນ ການໃຊ້ Widget ຫລາຍເກີນຄວາມຈຳເປັນກໍ່ເຮັດໃຫ້ມືຖືສູນເສຍຊັບພະຍາກອນໃນການເຮັດວຽກ ເພື່ອສົ່ງຂໍ້ມູນອັບເດດຕ່າງໆ ທີ່ທ່ານເປີດຜ່ານ Widget ສະນັ້ນ, ທ່ານຄວນເລືອກເປີດສະເພາະ Widget ທີ່ສຳຄັນ ແລະ ຈຳເປັນສຳລັບການໃຊ້ງານຂອງທ່ານເອງເທົ່ານັ້ນ. 

6. Auto-sync: ເຖິງເປັນສິ່ງທີ່ອຳນວຍຄວາມສະດວກໃຫ້ເຮົາສາມາດ Sync ຂໍ້ມູນຕ່າງໆ ໄດ້ໂດຍອັດຕະໂນມັດ, ແຕ່ມັນກໍ່ເປັນການນຳໃຊ້ຊັບພະຍາກອນຂອງມືຖື ແລະ ອິນເຕີເນັດຂອງທ່ານໃນການຮັບ - ສົ່ງຂໍ້ມູນ. ຫາກຮູ້ສຶກວ່າມືຖືຂອງທ່ານເຮັດວຽກຊ້າ ກໍ່ລອງປິດການເຮັດວຽກໃນສ່ວນນີ້ເບິ່ງ ແລ້ວປ່ຽນເປັນການ Sync ດ້ວຍຕົວຂອງທ່ານເອງເມື່ອຕ້ອງການ. 

 

Settings > Accounts and backup > Accounts > Auto sync personal data 

7. Lite mode (Data saver): ສຳລັບໃຜທີ່ໃຊ້ Google Chrome ເປັນ Web browser, ການເປີດໃຊ້ໂໝດປະຢັດຂໍ້ມູນຈະສາມາດຊ່ວຍໃຫ້ການເປີດໜ້າເວັບນັ້ນ ເຮັດໄດ້ໄວຂຶ້ນ, ເພາະ Google ຈະບີບອັດໜ້າເວັບໃຫ້ມີຂະໜາດນ້ອຍລົງກວ່າເກົ່າ. 

 

Options > Settings > Lite mode > On

8. Reduce animations: ວິບໆ ວັບໆ ເລື່ອນຊ້າຍ ປັດຂວາ ກໍ່ເຫັນກຣາບຟິກ (Graphic) ທີ່ຕື່ນຕາຕື່ນໃຈ ເປັນເອັຟເຟັກ (Effect) ທີ່ໜ້າສົນໃຈ ແລະ ສວຍງາມ ແຕ່ທ່ານຮູ້ບໍ່ວ່າມັນໃຊ້ຊັບພະຍາກອນເຄື່ອງໃນການປະມວນຜົນ (Render) ຫລາຍສົມຄວນ. ເຊິ່ງລະບົບປະຕິບັດການແອນດຣອຍກໍ່ມີຕົວເລືອກສຳລັບການປັບຕັ້ງຄ່າ ຫລື ປິດຄວາມສາມາດດັ່ງກ່າວຈາກເມນູທີ່ຖືກເຊື່ອງໄວ້ຄື Developer Options.  

 

Settings > About phone > Software Information > Built number (ກົດຊ້ຳໆ 7 ຄັ້ງ) 

ຮູບຂັ້ນຕອນວິທີການເປີດເມນູ Developer Options ທີ່ຖືກເຊື່ອງໄວ້ 

 

Settings > Developer options > Window animation scale / Transition animation scale / Animator animation scale 

ຮູບຂັ້ນຕອນວິທີການຕັ້ງຄ່າ Animation (ທັງ 3 ຕົວເລືອກ) ໂດຍຄ່າມາດຕະຖານຈາກໂຮງງານຈະມີຄ່າເທົ່າ 1x, ທ່ານສາມາດຫລຸດເຫລືອ 0.5x ຫລື 0x ເລີຍກໍ່ໄດ້ຫາກທ່ານບໍ່ຕ້ອງການ Effect ການເຄື່ອງໄຫວຕ່າງໆ.

9. Force GPU rendering: ເປັນການບັງຄັບໃຫ້ໜ່ວຍປະມວນຜົນດ້ານກຣາບຟິກ (GPU) ເຮັດວຽກໃນການປະມວນຜົນ Graphic ທີ່ເປັນ 2 ມິຕິ (2D) ແທນທີ່ຈະເກັບໄວ້ປະມວນຜົນສະເພາະ 3 ມິຕິຢ່າງດຽວ. ການເປີດຕົວເລືອກດັ່ງກ່າວເຮັດໃຫ້ການເຮັດວຽກໂດຍລວມດີຂຶ້ນ ເພາະຈະດຶງເອົາຄວາມສາມາດຂອງ GPU ມາຊ່ວຍໃນການເຮັດວຽກໄດ້ເຕັມທີ່. ວີທີການເປີດຕົວເລືອກດັ່ງກ່າວ ແມ່ນສາມາດເປີດໄດ້ຈາກເມນູ Developer Options ແລ້ວຫາຫົວຂໍ້ Force CPU rendering ດັ່ງຮູບ. 

 

Settings > Developer options > Force GPU rendering 

 ໝາຍເຫດ: ໃນສ່ວນທີ່ກຽວຂ້ອງກັບ Developer options ບໍ່ຄວນຕັ້ງຄ່າອື່ນໃດນອກເໜືອຈາກທີ່ແນະນຳໄປຂ້າງເທິງ ເພາະອາດເຮັດໃຫ້ມືຖືຂອງທ່ານຜິດປົກກະຕິໄດ້ ຢ່າຫາວ່າບໍ່ເຕືອນ! ຖ້າຢາກເຮັດກໍຂໍໃຫ້ສຶກສາຂໍ້ມູນເພີ່ມເຕີມໃຫ້ດີກ່ອນ ຈະດີຫຼາຍ.

10. Factory reset: ໄມ້ຕາຍຂອງຜູ້ໃຊ້ມືຖື, ຕົວເລືອກນີ້ເປັນທາງເລືອກສຸດທ້າຍເມື່ອເຫັນວ່າມືຖື ຫລື ອຸປະກອນຂອງທ່ານເຮັດວຽກບໍ່ປົກກະຕິ ອາດຈະດ້ວຍສາເຫດໃດກໍ່ຕາມ ການກັບຄືນສູ່ສະຖານະໂຮງງານຈຶ່ງເປັນທາງເລືອກທີ່ສົມເຫດສົມຜົນ. ຄຳເຕືອນ: ການ Factory reset ຈະເປັນການລົບຂໍ້ມູນອອກຈາກເຄື່ອງຖາວອນ ບໍ່ສາມາດກູ້ກັບຄືນໄດ້ ລວມທັງໂປຣແກຣມຕ່າງໆ, ສະນັ້ນ ກ່ອນຈະລົງມືລ້າງເຄື່ອງ ໃຫ້ທ່ານບັນທຶກຂໍ້ມູນທີ່ສຳຄັນທຸກຢ່າງໄວ້ບ່ອນອື່ນ (ຄອມພິວເຕີ, Cloud …) ຫລັງຈາກລ້າງເຄື່ອງສຳເລັດແລ້ວຈຶ່ງເອີ້ນກັບ (Restore) ຂໍ້ມູນຕ່າງໆ ຄືນ. 

Settings >General management > Reset > Factory data reset > Reset > (ລະບົບຈະຖາມລະຫັດຜ່ານ) > Delete all (ໃນຮູບຕົວຢ່າງຈະມີບໍ່ຄົບ ເພາະບໍ່ສາມາດຈັບພາບໜ້າຈໍຂະນະທີ່ປ້ອນລະຫັດໄດ້ ແລະ ຜູ້ຂຽນບໍ່ມີຄວາມຕ້ອງການຢາກລ້າງເຄື່ອງເທື່ອ ແຫະໆ) 

ລອງນຳເອົາເຕັກນິກທີ່ກ່າວມາຂ້າງເທິງນັ້ນໄປໃຊ້ກັນເບິ່ງ ເພື່ອປະສົບການໃຊ້ງານທີ່ດີຂຶ້ນກວ່າເກົ່າໄວ້ມີເຕັກນິກຫຍັງດີໆ ຈະມາເລົ່າສູ່ກັນຟັງໃໝ່ ຫລື ຜູ້ອ່ານຢາກຮູ້ເລື່ອງຫຍັງຝາກໄວ້ໃນຊ່ອງໃຫ້ຄຳຄິດເຫັນເລີຍ ດຽວຈະໄປຫາຄຳຕອບມາໃຫ້ອ່ານກັນ. 

ຂຽນໂດຍ: Nilavath 

ແຫຼ່ງອ້າງອີງ: 

Advertisement Replay Ad
ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ກ້ອງໂປຣຍັງຈຳເປັນບໍ່? ໃນເມື່ອກ້ອງມືຖືກໍ່ສາມາດຊູມຈົນເຫັນຮູຂຸມຂົນ

ກ້ອງໂປຣຍັງຈຳເປັນບໍ່? ໃນເມື່ອກ້ອງມືຖືກໍ່ສາມາດຊູມຈົນເຫັນຮູຂຸມຂົນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ