ວັນເສົາ ທີ 31 ຕຸລາ 2020

ຢຸດບໍລິໂພກສັດປ່າ! ມາຮູ້ຈັກສັດສ່ຽງສູນພັນໃນລາວ ທີ່ໃນອະນາຄົດອາດເຫຼືອໄວ້ພຽງແຕ່ຊື່

ຢຸດບໍລິໂພກສັດປ່າ! ມາຮູ້ຈັກສັດສ່ຽງສູນພັນໃນລາວ ທີ່ໃນອະນາຄົດອາດເຫຼືອໄວ້ພຽງແຕ່ຊື່
S! Muan

ສະໜັບສະໜູນເນື້ອຫາ

ຫຼາກຫຼາຍສາຍພັນຂອງສັດ, ພືດ ຫຼື ແມ່ນແຕ່ສາຍພັນເຫັດຊະນິດຕ່າງໆ ທີ່ຫາເບິ່ງບໍ່ໄດ້ແລ້ວໃນປັດຈຸບັນ ກາຍເປັນລາຍຊື່ໃນບົດຄວາມ, ກາຍເປັນພາບໃນວາລະສານ, ກາຍເປັນຊາກຟອດຊິວ (Fossil) ໃຫ້ນັກບູຮານຄະດີຂຸດໆ ເຂ່ຍໆ ເພາະເປັນສິ່ງທີ່ມີຊີວິດທີ່ສູນພັນໄປແລ້ວ ເຫຼືອໄວ້ພຽງຊາກກະດູກໃນພິພິທະພັນເທົ່ານັ້ນ. ແລ້ວທ່ານຕ້ອງການແບບນັ້ນບໍ່? ຫຼື ຈະເປັນສ່ວນໜຶ່ງໃນການປົກປັກຮັກສາຄວາມຫຼາກຫຼາຍຂອງຊິວະນານາພັນທີ່ມີຢູ່ໃຫ້ຮຸ່ນລູກ ຮຸ່ນຫຼານໄດ້ເຫັນ ໄດ້ສຳຜັດໂຕເປັນໆ?  

ກ້າວເຂົ້າສູ່ເດືອນກໍລະກົດ ໃນໄລຍະຕົ້ນລະດູຝົນຂອງບ້ານເຮົາກໍ່ມີເຫດການ, ວັນສຳຄັນ ຫຼື ປະເພນີທີ່ສືບທອດ ປະຕິບັດກັນທຸກໆ ປີ ເຊັ່ນ: ບຸນເຂົ້າພັນສາປະວໍລະນາ ທີ່ເປັນວັນສຳຄັນທາງສາສະໜາຂອງຊາວພຸດເຮົາ. ນອກຈາກນັ້ນກໍ່ຍັງມີອີກໜຶ່ງວັນ ທີ່ໄດ້ຮັບຄວາມສຳຄັນຈາກທຸກພາກສ່ວນໃນປັດຈຸບັນກໍ່ຄືວັນທີ 13 ກໍລະກົດ ຂອງທຸກໆ ປີ, ທີ່ໄດ້ກຳນົດເອົາເປັນ “ວັນອະນຸລັກສັດນ້ຳ ແຫ່ງຊາດ”.

ບໍ່ສະເພາະແຕ່ປະເທດລາວເຮົາ ທີ່ໃຫ້ຄວາມສຳຄັນກັບການອະນຸລັກຊີວະນານາພັນ, ທົ່ວໂລກກໍ່ມີຄວາມຕື່ນຕົວໃນການຫຼຸດຜ່ອນການສູນພັນຂອງສັດ ຫຼື ພືດ. ຈາກບົດລາຍງານຂອງອົງການສະຫະປະຊາຊາດ ໃນກອງປະຊຸມປຶກສາຫາລືກ່ຽວກັບນະໂຍບາຍດ້ານລະບົບນິເວດ ແລະ ຊີວະນາໆ ພັນ (Intergovernment Science-policy Platform on Biodiversity and Ecosystem Service) ທີ່ຈັດຂຶ້ນໃນເດືອນເມສາ ປີ 2019 ທີ່ກຸງປາຣີ ປະເທດຝຣັ່ງ, ໄດ້ລະບຸວ່າມີຫຼາຍກວ່າ 1 ລ້ານ ສາຍພັນຂອງສິ່ງທີ່ມີຊີວິດ (ລວມທັງພືດ ແລະ ສັດ) ທີ່ໄດ້ຮັບໄພຂົ່ມຂູ່ຈາກການສູນພັນໃນທົ່ວໂລກ. ໂດຍຕ້ອງການຫຼຸດຜ່ອນການສູນພັນຂອງສິ່ງທີ່ມີຊີວິດ ເຮັດໃຫ້ມີການສຳຫຼວດ ແລະ ເກັບກຳສະຖິຕິຈຳນວນພືດ-ສັດ ຊະນິດຕ່າງໆ.

ນອກນັ້ນຍັງມີການກຳນົດສະຖານະຕ່າງໆ ຂອງຊະນິດພັນພືດ - ສັດ ວ່າຢູ່ໃນກຸ່ມໃດເຊັ່ນ IUCN (The International Union for Conservation of Nature) ເປັນອົງກອນທີ່ເກັບສະຖິຕິ ແລະ ຂໍ້ມູນພືດ - ສັດໃນທົ່ວໂລກ ໄດ້ແບ່ງກຸ່ມຂອງສິ່ງທີ່ມີຊີວິດອອກເປັນຫຼາຍໆກຸ່ມຕາມຄວາມສ່ຽງຕໍ່ການສູນພັນ ອີງຕາມປະຊາກອນ ແລະ ອັດຕາການແຜ່ພັນ ໄດ້ແກ່: ກຸ່ມທີ່ສູນພັນແລ້ວ (EX - Extinct), ກຸ່ມທີ່ມີຄວາມສ່ຽງຕໍ່ການສູນພັນ (EN - Endangered) ຫຼື ກຸ່ມທີ່ຍັງບໍ່ຢູ່ໃນຂ່າຍສ່ຽງຕໍ່ການສູນພັນ (LC - Least concern) ເປັນຕົ້ນ. ແນ່ນອນວ່າ ຫາກລົງລາຍລະອຽດແລ້ວ ຍັງແບ່ງອອກເປັນກຸ່ມຍ່ອຍໆ (Extinct in the wild, Critically endangered, Vulnerable, Near threatened…) ຫາກໃຜສົນໃຈລາຍລະອຽດສາມາດອ່ານໄດ້ຈາກ ເວັບນີ້ ເລີຍ. 

ສຳລັບບົດຄວາມນີ້ ເຮົາຈະພາໝູ່ເພື່ອນໄປຮູ້ຈັກກັບບາງສາຍພັນທີ່ສູນພັນໄປແລ້ວ ແລະ ກຸ່ມສ່ຽງຕໍ່ການສູນພັນ ລວມທັງໃນປະເທດ ແລະ ຕ່າງປະເທດ, ສ່ວນວ່າຈະມີຊະນິດໃດແນ່ນັ້ນ ນຳມາເບິ່ງກັນດ້ານລຸ່ມເລີຍ. 

ບາງຊະນິດສັດທີ່ສູນພັນຈາກໂລກເຮົາໄປແລ້ວ (ລາຍຊື່ເຕັມເບິ່ງໄດ້ຈາກ ລິ້ງນີ້

Pinta Giant Tortoise (ຊື່ວິທະຍາສາດ: Chelonoidis Abingdonii)

ເປັນສາຍພັນເຕົ່າຍັກທີ່ພົບເຫັນໃນທຸກທະວີບ ນອກຈາກ ອົດສະຕຣາລີ (Australia) ແລະ ແອນຕາກຕິກາ (Antarctica)  ຖືກລະບຸວ່າສູນພັນເມື່ອປີ 2012. ແຫຼ່ງພາບ: IUCN

Parras Characodon (ຊື່ວິທະຍາສາດ: Characodon Garmani)

ປາຊະນິດໜຶ່ງຂອງອາເມຣິກາເໜືອ ທີ່ລະບຸວ່າສູນພັນໄປແລ້ວໃນປັດຈຸບັນໂດຍ IUCN. ແຫຼ່ງພາບ: IUCN 

Schomburgk’s Deer (ຊື່ວິທະຍາສາດ: Rucervus Schomburgki)

ກວາງ ທີ່ພົບເຫັນຕາມລຳນ້ຳເຈົ້າພະຍາ ປະເທດໄທ, ມີບັນທຶກໄວ້ວ່າແງ່ງເຂົາມີຫຼາຍເຖິງ 33 ຍອດ ແລະ ຍາວເກືອບໆ 1ແມັດ, ເຊື່ອກັນວ່າໂຕສຸດທ້າຍຖືກຂ້າຕາຍໃນປີ 1938 ແລະ ຖືກລະບຸວ່າສູນພັນໄປແລ້ວໃນປັດຈຸບັນ. ແຫຼ່ງພາບ: IUCN 

Christmas Island Pipistrelle (ຊື່ວິທະຍາສາດ: Pipistrellus Murrayi)

ເຈຍ ສາຍພັນທີ່ພົບເຫັນແຕ່ໃນເກາະ Christmas ທີ່ອົດສະຕາຣີ (Austraria) ຖືກລະບຸວ່າສູນພັນໃນປີ 2009. ແຫຼ່ງພາບ: IUCN 

ສັດໃກ້ສູນພັນບາງສ່ວນ (ລາຍຊື່ເຕັມເບິ່ງໄດ້ຈາກ ລິ້ງນີ້

ຊ້າງ Asian Elephant (ຊື່ວິທະຍາສາດ: Elephas Maximus)

ຊ້າງທີ່ພົບເຫັນໃນເຂດອາຊີ ຖືກຈັດຢູ່ໃນກຸ່ມສ່ຽງງຕໍ່ການສູນພັນ, ປະເມີນວ່າຢູ່ໃນລາວມີປະມານ 500 ເຊືອກ ຈາກ 5000 ກວ່າເຊືອກທົ່ວໂລກ. ແຫຼ່ງພາບ: IUCN

ເສືອໂຄ່ງ (Tiger ຊື່ວິທະຍາສາດ: Panthera Tigris)

ເປັນອີກຊະນິດພັນທີ່ໃກ້ສູນພັນ, ໃນປີ 2006 ປະເມີນຈຳນວນປະຊາກອນເສືອໃນລາວປະມານ 20 ພັນ ກວ່າໂຕເທົ່ານັ້ນ. ແຫຼ່ງພາບ: IUCN

ເສົາຫຼາ Saola (ຊື່ວິທະຍາສາດ: Pseudoryx Ngherinhensis)

ພົບເຫັນໃນເຂດຮອຍຕໍ່ລາວ - ຫວຽດນາມ ໃນຄວາມສູງຈາກລະດັບໜ້ານ້ຳທະເລບໍ່ເກີນ 1500ແມັດ, ປະຊາກອນຕົວຈິງຍັງບໍ່ມີລາຍງານຢ່າງເປັນທາງການ ແຕ່ປະເມີນໄວ້ວ່າມີປະມານ 700 ກວ່າໂຕໃນລາວ. ແຫຼ່ງພາບ: IUCN 

ປາຝາໄລ Mekong Freshwater Stingray (ຊື່ວິທະຍາສາດ: Hemitrygon Laosensis)

ປາຝາໄລແຫ່ງແມ່ນ້ຳຂອງ, ມີການສຶກສາພົບວ່າ ໃນໄລຍະ 20 ປີທີ່ຜ່ານມາ ຈຳນວນປະຊາກອນຂອງປາຝາໄລດັ່ງກ່າວຫຼຸດລົງເຖິງ 50%. ແຫຼ່ງພາບ: IUCN 

ສາເຫດຂອງການສູນພັນ 

ສາເຫດຫຼັກທີ່ເຮັດໃຫ້ຊະນິດພັນຂອງສິ່ງທີ່ມີຊີວິດສ່ຽງຕໍ່ການສູນພັນນັ້ນ ສາມາດເວົ້າໄດ້ວ່າເກີດຈາກການກະທຳຂອງມະນຸດເປັນສ່ວນໃຫຍ່ ເພາະເປັນຜົນກະທົບຈາກການພັດທະນາທັງຫຼາຍທີ່ເກີດຂຶ້ນ, ບໍ່ວ່າຈະເປັນການຂຸດຄົ້ນຊັບພະຍາກອນທຳມະຊາດຂະແໜງຕ່າງໆ (ມີການຂຸດຄົ້ນຊັບພະຍາກອນປະມານ 60 ພັນລ້ານໂຕນໃນແຕ່ລະປີ, ຈາກບົດລາຍງານຂອງສະຫະປະຊາຊາດ), ນອກຈາກນັ້ນ ການພັດທະນາຍັງເຮັດໃຫ້ 85% ຂອງພື້ນທີ່ຊຸ່ມນ້ຳ (ເປັນເຂດທີ່ອຸດົມສົມບູນດ້ວຍຊີວະນາໆ ພັນ) ທີ່ເຄີຍມີໃນປີ ຄ.ສ 1700 ນັ້ນຫາຍໄປ ເຊິ່ງມັນເປັນການສູນເສຍທີ່ໄວກວ່າການທຳລາຍປ່າໄມ້ເຖິງ 3 ເທົ່າ. 

ບໍ່ພຽງແຕ່ເທົ່ານີ້, ພາວະໂລກຮ້ອນ ກໍ່ເປັນອີກປັດໄຈທີ່ສົ່ງຜົນກະທົບຕໍ່ຄວາມຫຼາກຫຼາຍຂອງຊີວະນາໆ ພັນໃນໂລກ, ທັງຜົນກະທົບທີ່ເກີດຈາກອຸນຫະພູມທີ່ເພີ່ມຂຶ້ນ ທີ່ສົ່ງຜົນຕໍ່ການດຳລົງຊີວິດ ແລະ ການຂະຫຍາຍພັນຂອງສິ່ງທີ່ມີຊີວິດແລ້ວ, ພາວະໂລກຮ້ອນຍັງເຮັດໃຫ້ລະດັບໜ້ານ້ຳທະເລນັບມື້ນັບສູງຂຶ້ນ ທຳລາຍແຫຼ່ງທີ່ຢູ່ອາໄສ ແລະ ແຫຼ່ງອາຫາຂອງສັດ. ແມ່ນແຕ່ຂີ້ເຫຍື້ອທີ່ເກີດຈາກມະນຸດເຮົາ ກໍ່ສົ່ງຜົນກະທົບໂດຍກົງ ແລະ ທາງອ້ອມແກ່ສັດ, ເຫັນໄດ້ຈາກເຫດການທີ່ສັດຕາຍເພາະກິນຂີ້ເຫຍື້ອ ຫຼື ສານປົນເປື້ອນຈາກກິດຈະກຳຂອງມະນຸດເຮົາ. 

ອີກໜຶ່ງເຫດຜົນທີ່ເຮັດໃຫ້ສັດປ່າສ່ຽງຕໍ່ການສູນພັນກໍ່ຄື ການນິຍົມບໍລິໂພກສັດປ່າຂອງກຸ່ມຄົນຈຳນວນໜຶ່ງ, ເຊິ່ງທາງພັກ ແລະ ລັດຖະບານເຮົາກໍ່ບໍ່ໄດ້ປ່ອຍປະລະເລີຍກັບບັນຫາດັ່ງກ່າວ ມີການອອກມາດຕະການເພື່ອແກ້ໄຂບັນຫາດັ່ງກ່າວເຊັ່ນ: ມີການການອອກກົດໝາຍວ່າດ້ວຍສັດນ້ຳ ແລະ ສັດປ່າ ສະບັບເລກທີ 05/ປປທ ລົງວັນທີ 14 ມັງກອນ 2008 (ອ່ານກົດໝາຍສະບັບເຕັມຕາມລິ້ງນີ້) ເພື່ອເປັນນິຕິກຳໃນການຈັດຕັ້ງປະຕິບັດທົ່ວປະເທດ ໃນການປົກປັກຮັກສາ ແລະ ອະນຸລັກສັດນ້ຳ ສັດປ່າ, ຮັບປະກັນໃຫ້ສາມາດຫຼຸດຜ່ອນການສູນພັນຂອງຊະນິດພັນສັດ ຄວາມສົມບູນຂອງທຳມະຊາດ ແລະ ລະບົບນິເວດ ທີ່ເປັນປັດໄຈໃນການກຳນົດສະພາບຊີວິດການເປັນຢູ່ຂອງປະຊາຊົນລາວບັນດາເຜົ່າໃຫ້ດີຂຶ້ນ ແລະ ໃຊ້ເປັນທ່າແຮງໃນການພັດທະນາປະເທດຊາດໃນຕໍ່ໜ້າອີກດ້ວຍ. 

ຢຸດບໍລິໂພກສັດປ່າ ໄດ້ປະໂຫຍດຫຼາຍກວ່າທີ່ທ່ານຄິດ 

ລະບົບນິເວດວິທະຍາໜຶ່ງໆ ຈະມີຄວາມກ່ຽວພັນກັນເປັນລັກສະນະຕ່ອງໂສ້ລະຫວ່າງສິ່ງທີ່ມີຊີວິດ, ໄດ້ຮັບການຄັດສັນຈາກທຳມະຊາດ ເພື່ອໃຫ້ເກີດຄວາມສົມດູນໃນລະບົບນິເວດນັ້ັນໆ. ຫາກມີຜົນກະທົບຕໍ່ຊະນິດພັນໃດໜຶ່ງ ກໍ່ຈະເປັນການກະທົບທັງລະບົບນິເວດ. ຍົກຕົວຢ່າງ ຫາກແມ່ນໝາປ່າທີ່ເປັນສັດກິນເນື້ອຫາກສູນພັນ, ກໍ່ເຮັດໃຫ້ຕ່ອງໂສ້ອາຫານນັ້ນຂາດໄປ ບໍ່ມີຕົວຄວບຄຸມປະລິມານຂອງສັດ (ທີ່ເປັນເຫຍື່ອຂອງໝາປ່າ) ອາດເຮັດໃຫ້ເກີດການແຜ່ພັນເກີນຂະໜາດ ເກີນຄວາມສາມາດຮອງຮັບຂອງລະບົບນິເວດ, ບໍ່ສາມາດສະໜອງອາຫານຢ່າງພຽງພໍ ແລະ ກະທົບໄປຍັງວົງຈອນອື່ນໆ ຕໍ່ໆ ໄປ. 

ເຫັນບໍ່ວ່າ ຄວາມສຳຄັນຂອງຊະນິດພັນພື້ນຖິ່ນນັ້ນສຳຄັນຫຼາຍ ຕໍ່ລະບົບນິເວດວິທະຍາໃດໜຶ່ງ, ດັ່ງນັ້ນ ເຮົາໃນຖານະທີ່ເປັນສ່ວນໜຶ່ງຂອງສັງຄົມ ກໍ່ຄວນເອົາໃຈໃສ່ຕໍ່ບັນຫາດັ່ງກ່າວ ເພື່ອເປັນການປົກປັກຮັກສາລະບົບນິເວດໃຫ້ສົມບູນ, ສຳລັບໃຜທີ່ຍັງມີພຶດຕິກຳບໍລິໂພກສັດປ່າຢູ່ ກໍ່ຄວນຢຸດເຊົາພຶດຕິກຳດັ່ງກ່າວ ທັງເປັນການອະນຸລັກພັນສັດ ແລະ ຫຼຸດຜ່ອນຄວາມສ່ຽງຕໍ່ອັນຕະລາຍຈາກການບໍລິໂພກສັດປ່າອີກດ້ວຍ. ດັ່ງທີ່ມີການວິໄຈເຄີຍຢັ້ງຢືນວ່າ ຫຼາຍໆ ພະຍາດລະບາດທີ່ເກີດຂຶ້ນໃນໂລກ ມີແຫຼ່ງຕົ້ນຕໍຈາກສັດປ່າ ເຊັ່ນ: ຈາກວາລະສານທາງດ້ານວິທະຍາສາດຂອງສຳນັກພິມ Clin Microbiol Rev ຊື່ “Bats: Important Reservoir Hosts of Emerging Viruses” (ສະບັບເດືອນມີຖຸນາ 2006.19(3):531-545) ລະບຸວ່າມີເຊື້ອພະຍາດ (Virus) ທີ່ເຈຍເປັນພາຫະເຖິງ 66 ຊະນິດ, ໃນນັ້ນລວມທັງພະຍາດລະບາດອີໂບລາ (Ebola, ລະບາດຄັ້ງທຳອິດໃນປີ 1976) ແລະ ຊາຣ (SARS, ລະບາດໃນປີ 2002) ລວມຢູ່ນຳ, ແມ່ນແຕ່ພະຍາດ Covid-19 ທີ່ເກີດການລະບາດເມື່ອບໍ່ດົນມານີ້ ກໍ່ຖືກສັນນິຖານວ່າເຈຍເປັນພາຫະ. ທັງນີ້ກໍ່ຍ້ອນສາຍພັນຂອງເຈຍ ເປັນສັດລ້ຽງລູກດ້ວຍນ້ຳນົມຄືກັນກັບມະນຸດ ອີກທັງລະບົບນິເວດທີ່ເຈຍອາໄສຢູ່ ເປັນລະບົບນິເວດທີ່ເໝາະແກ່ການຈະເລີນພັນຂອງເຊື້ອພະຍາດ ໃນຂະນະທີ່ເຈຍເປັນສັດທີ່ບິນໄດ້ ເຮັດໃຫ້ການແຜ່ກະຈາຍຂອງເຊື້ອພະຍາດຈາກເຈຍທີ່ເປັນພາຫະນັ້ນກະຈາຍອອກໄປໄດ້ກວ້າງຂຶ້ນຫຼາຍ. ນັກວິທະຍາສາດກ່າວວ່າ “ເຈຍ” ເປັນໜຶ່ງໃນສັດທີ່ຍັງມີຄວາມລຶກລັບຫຼາຍທີ່ສຸດ ເພາະມະນຸດເຮົາຍັງຄົ້ນບໍ່ພົບຂໍ້ເທັດຈິງອີກຫຼາຍຢ່າງຂອງເຈຍ ຫຼື ສິ່ງທີ່ເຈຍພາມານັ້ນເອງ. 

ອາວະສານ ປີ້ງຫຼັນເຈຍສະໝຸນໄພ !!! 

ນອກຈາກຢຸດການບໍລິໂພກສັດປ່າ, ຍັງມີອີກຫຼາຍທາງທີ່ຊ່ວຍຮັກສາຄວາມຫຼາກຫຼາຍຂອງຊີວະນາໆ ພັນເຊັ່ນ: ການຫຼີກຫຼ່ຽງການນຳໃຊ້ຢາປາບສັດຕູພືດ ທີ່ສົ່ງຜົນເສຍຕໍ່ສັດນ້ຳ ແລະ ພັນພືດ, ການຫຼຸດຜ່ອນການສ້າງຂີ້ເຫຍື້ອໃນຄົວເຮືອນ ທີ່ໃຜໆ ກໍ່ສາມາດເຮັດໄດ້, ຫຼີກຫຼ່ຽງການນຳພັນສັດຕ່າງຖິ່ນ (Alien species) ມາປ່ອຍສູ່ທຳມະຊາດ ເພາະຈະສົ່ງຜົນກະທົບຕໍ່ພັນສັດພື້ນຖິ່ນ ເປັນຕົ້ນ. ຈັ່ງໃດກໍ່ຊ່ວຍໆ ກັນຄົນລະເລັກລະໜ້ອຍ ເພື່ອລູກຫຼານໃນອະນາຄົດຈະຍັງມີສາຍພັນພືດ - ສັດໄວ້ເຊີຍຊົມໂຕເປັນໆ ກັນ. 

ຂຽນໂດຍ: Nilavath 

ແຫຼ່ງອ້າງອີງ: 

Advertisement Replay Ad
ໜຸ່ມດວງເຮັງ ຖືກເລກ 5 ໂຕ 4 ໂຕ ແລະ 3 ໂຕພ້ອມກັນ ກວາດເງິນລາງວັນໄປຫຼາຍກວ່າ 300 ລ້ານກີບ

ໜຸ່ມດວງເຮັງ ຖືກເລກ 5 ໂຕ 4 ໂຕ ແລະ 3 ໂຕພ້ອມກັນ ກວາດເງິນລາງວັນໄປຫຼາຍກວ່າ 300 ລ້ານກີບ

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 29 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 29 ຕຸລາ 2020

ເຈົ້າເຊື່ອວ່າພະຍານາກມີຈິງບໍ່? ເປີດເລື່ອງລາວກ່ຽວກັບພະຍານາກທີ່ຜູກພັນກັບສັງຄົມລາວມາແຕ່ບູຮານ

ເຈົ້າເຊື່ອວ່າພະຍານາກມີຈິງບໍ່? ເປີດເລື່ອງລາວກ່ຽວກັບພະຍານາກທີ່ຜູກພັນກັບສັງຄົມລາວມາແຕ່ບູຮານ

ຊົມເຊີຍລີນ້າ! ສາວໃຈເດັດ ສູ້ບໍ່ຍອມຈຳນົນ ໄດ້ຮັບລາງວັນຄວາມກ້າຫານ ຈາກຄ້າຍມວຍແຫ່ງຊາດລາວ

ຊົມເຊີຍລີນ້າ! ສາວໃຈເດັດ ສູ້ບໍ່ຍອມຈຳນົນ ໄດ້ຮັບລາງວັນຄວາມກ້າຫານ ຈາກຄ້າຍມວຍແຫ່ງຊາດລາວ

ໂຈນທີ່ດຶງກະເປົາສາວນັກສຶກສາ ຈະຖືກລົງໂທດໃນສະຖານໃດ?

ໂຈນທີ່ດຶງກະເປົາສາວນັກສຶກສາ ຈະຖືກລົງໂທດໃນສະຖານໃດ?

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 22 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 22 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 21 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 21 ຕຸລາ 2020

ແມ່ຍິງຄົນນີ້ຖືກເລກຫຼາຍກວ່າ 14 ຕື້ ປະຕິເສດທີ່ຈະໃຊ້ຊີວິດຢ່າງຫຼູຫຼາ ແລ້ວມາລ້ຽງໝູໃນຟາມແທນ

ແມ່ຍິງຄົນນີ້ຖືກເລກຫຼາຍກວ່າ 14 ຕື້ ປະຕິເສດທີ່ຈະໃຊ້ຊີວິດຢ່າງຫຼູຫຼາ ແລ້ວມາລ້ຽງໝູໃນຟາມແທນ

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 15 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 15 ຕຸລາ 2020

ລວມສະຖານທີ່ສຳຄັນໃນໃບເງິນກີບ ແຕ່ລະໃບມີຮູບບ່ອນໃດແດ່?

ລວມສະຖານທີ່ສຳຄັນໃນໃບເງິນກີບ ແຕ່ລະໃບມີຮູບບ່ອນໃດແດ່?

ຖ້າບໍ່ນົວຄືຈົບ! Iron Chef ເຖິງຕ້ອງເຊ ເມື່ອຕ້ອງເຈິໂຈດ ເຮັດອາຫານລາວ

ຖ້າບໍ່ນົວຄືຈົບ! Iron Chef ເຖິງຕ້ອງເຊ ເມື່ອຕ້ອງເຈິໂຈດ ເຮັດອາຫານລາວ

ອີກດົນປານໃດຈຶ່ງຈະໄດ້ໃຊ້? ອົງການອະນາໄມໂລກຄາດ ວັກຊີນໂຄວິດ-19 ອາດຜະລິດທັນພ້ອມໃຊ້ໃນປາຍປີນີ້

ອີກດົນປານໃດຈຶ່ງຈະໄດ້ໃຊ້? ອົງການອະນາໄມໂລກຄາດ ວັກຊີນໂຄວິດ-19 ອາດຜະລິດທັນພ້ອມໃຊ້ໃນປາຍປີນີ້

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 12 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 12 ຕຸລາ 2020

ແຈກສູດ "3 ເມນູອາຫານເຈ" ເຮັດງ່າຍໆ ໃຜກໍເຮັດໄດ້ ຕ້ອນຮັບເທດສະການກິນເຈ 2020

ແຈກສູດ "3 ເມນູອາຫານເຈ" ເຮັດງ່າຍໆ ໃຜກໍເຮັດໄດ້ ຕ້ອນຮັບເທດສະການກິນເຈ 2020

ໄດ້ກົ້ມໜ້າແລ້ວບໍ່ຢາກເງີຍ! ພາຮູ້ຈັກNomophobia ໂຣກຂອງຄົນຕິດໂທລະສັບ (ສະມາຄົມກົ້ມໜ້າ)

ໄດ້ກົ້ມໜ້າແລ້ວບໍ່ຢາກເງີຍ! ພາຮູ້ຈັກNomophobia ໂຣກຂອງຄົນຕິດໂທລະສັບ (ສະມາຄົມກົ້ມໜ້າ)

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 8 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 8 ຕຸລາ 2020

ຄະນະສະເພາະກິດຍັງໃຫ້ຮ້ານບັນເທີງ-ຄາຣາໂອເກະສືບຕໍ່ປິດ - ສ່ວນງານບຸນໃຫ້ເຂັ້ມງວດມາດຕະການປ້ອງກັນ

ຄະນະສະເພາະກິດຍັງໃຫ້ຮ້ານບັນເທີງ-ຄາຣາໂອເກະສືບຕໍ່ປິດ - ສ່ວນງານບຸນໃຫ້ເຂັ້ມງວດມາດຕະການປ້ອງກັນ

ອ່ານດວງລາຍວັນປະຈໍາວັນພະຫັດ ທີ 8 ຕຸລາ 2020 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 8 ຕຸລາ 2020 ຕາມແຕ່ລະວັນເກີດ

ສ້າງອະນາຄົດໄປພ້ອມກັນ! ຄູ່ຮັກແບບຢ່າງ ຊ່ວຍກັນຫາ ທ້ອນເງິນພຽງ 4 ເດືອນໄດ້ 10 ກວ່າລ້ານ

ສ້າງອະນາຄົດໄປພ້ອມກັນ! ຄູ່ຮັກແບບຢ່າງ ຊ່ວຍກັນຫາ ທ້ອນເງິນພຽງ 4 ເດືອນໄດ້ 10 ກວ່າລ້ານ

ຫຼື ວ່າໂລກນີ້ຈະມີເຊື້ອພະຍາດຈາກ "ແມວ" ທີ່ສາມາດຄວບຄຸມຈິດໃຈຂອງເຮົາໃຫ້ຫຼົງຮັກແມວໄດ້?

ຫຼື ວ່າໂລກນີ້ຈະມີເຊື້ອພະຍາດຈາກ "ແມວ" ທີ່ສາມາດຄວບຄຸມຈິດໃຈຂອງເຮົາໃຫ້ຫຼົງຮັກແມວໄດ້?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ