ວັນອັງຄານ ທີ 21 ກັນຍາ 2021

ການຊ່ວຍເຫຼືອຜູ້ຖືກຜົນກະທົບຈາກໄພພິບັດສັນເຂື່ອນແຕກຢູ່ສະໜາມໄຊ ຜ່ານມາເກືອບ 2 ປີຮອດໃສແລ້ວ?

ການຊ່ວຍເຫຼືອຜູ້ຖືກຜົນກະທົບຈາກໄພພິບັດສັນເຂື່ອນແຕກຢູ່ສະໜາມໄຊ ຜ່ານມາເກືອບ 2 ປີຮອດໃສແລ້ວ?
S! Muan

ສະໜັບສະໜູນເນື້ອຫາ

ປາຍເດືອນກໍລະກົດ 2020 ມວນນໍ້າມະຫາສານຈາກອ່າງເກັບນໍ້າຂອງໄດ້ໄຫຼບ່າເຂົ້າຖ້ວມເຮືອນຊານບ້ານຊ່ອງ ແລະ ພື້ນທີ່ການຜະລິດ ໄດ້ຮັບຄວາມເສຍຫາຍທາງດ້ານຊີວິດ ແລະ ຊັບສິນຢ່າງຫຼວງຫຼາຍ. ມາຮອດປີນີ້ກໍເປັນໄລຍະເວລາເກືອບ 2 ປີແລ້ວຂອງເຫດການດັ່ງກ່າວ.

muan.la ຈະພາຍ້ອນກັບໄປເບິ່ງວ່າໃນແຕ່ລະໄລຍະຂອງເຫດການຄວາມສູນເສຍດັ່ງກ່າວເກີດຫຍັງຂຶ້ນ ແລະ ການຊ່ວຍເຫຼືອປະຊາຊົນຜູ້ປະສົບໄພດຳເນີນໄປຮອດໃສແລ້ວ.

1. ໃນຕອນກາງຄືນຂອງວັນທີ 23 ກໍລະກົດ 2018 ມວນນໍ້າຈຳນວນມະຫາສານໄດ້ໄຫຼເຂົ້າຖ້ວມບ້ານເຮືອນຂອງປະຊາຊົນໃນຫຼາຍບ້ານຂອງເມືອງສະໜາມໄຊ ເຮັດໃຫ້ມີປະຊາຊົນສູນຫາຍເປັນຈຳນວນຫຼາຍ.

2. ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຊີ້ແຈງຕໍ່ສັງຄົມໃນວັນທີ 26 ກໍລະກົດ 2018 ວ່າ ຜົນກະທົບຂອງໄພພິບັດຄັ້ງນີ້ແມ່ນຮ້າຍແຮງ ແລະ ໃຫຍ່ຫຼວງ ອາດຈະເວົ້າໄດ້ວ່າເປັນຄັ້ງທໍາອິດໃນຮອບຫຼາຍສິບປີກໍວ່າໄດ້ ສາເຫດກໍ່ແມ່ນຝົນຕົກໜັກຕິດຕໍ່ກັນຫຼາຍວັນ ປະລິມານນໍ້າຂຶ້ນສູງຫຼາຍ ເຮັດໃຫ້ອ່າງເກັບນໍ້າສໍາຮອງຂອງເຂື່ອນໄຟຟ້າເຊປ່ຽນ-ເຊນໍ້ານ້ອຍຮັບບໍ່ໄດ້ເລີຍແຕກ ເຂື່ອນແຕກນໍ້າຊຸລົງມາສູ່ລຸ່ມເຂື່ອນສູ່ບ້ານເຮືອນປະຊາຊົນຢ່າງກະທັນຫັນ ປະຊາຊົນຫຼົບໄປຢູ່ບ່ອນສູງບໍ່ທັນ ເຮັດໃຫ້ບ້ານເຮືອນປະຊາຊົນຈົມຢູ່ໃຕ້ນໍ້າ ກະແສນໍ້າໄຫຼແຮງພັດເອົາເຮືອນ ພ້ອມຄົນໄປຕາມກະແສນໍ້າ.

3. ຈຳນວນບ້ານທີ່ໄດ້ຮັບຜົນກະທົບເບື້ອງຕົ້ນລາຍງານວ່າມີທັງໝົດ 13 ບ້ານ ໂດຍຜູ້ທີ່ຫຼົບໄພຢູ່ເທິງຫຼັງຄາເຮືອນ ຫຼື ຕົ້ນໄມ້ ໄດ້ຮັບການກອບກູ້ ແລະ ໃຫ້ພັກເຊົາຢູ່ຫ້ອງການປົກຄອງເມືອງ, ໂຮງຮຽນ ແລະ ບ່ອນສູງ ພ້ອມທັງໃຫ້ໜ່ວຍກູ້ໄພກວດກາ, ລົງທະບຽນ ແລະ ກວດສຸຂະພາບ ຈັດສັນທີ່ຢູ່ອາໄສຊົ່ວຄາວຊ່ວຍບັນເທົາທຸກດ້ວຍເຄື່ອງນຸ່ງຫົ່ມ, ອາຫານ ແລະ ຢາປົວພະຍາດ ໃນລະດັບຕົ້ນ.

4. ລັດຖະບານໄດ້ປະຊຸມກັນດ່ວນພ້ອມຕົກລົງສ້າງຕັ້ງຄະນະສະເພາະກິດຂຶ້ນ ໂດຍມອບໃຫ້ທ່ານ ສອນໄຊ ສີພັນດອນຮອງນາຍົກລັດຖະມົນຕີ ເປັນຫົວໜ້າຄະນະ ປະກອບດ້ວຍພາກສ່ວນກ່ຽວຂ້ອງ ແລະ ແຂວງອັດຕະປື ແລະ ເມືອງສະໜາມໄຊ ສືບຕໍ່ແກ້ໄຂ ມີທັງໄລຍະສະເພາະໜ້າ ແລະ ໄລຍະຍາວ.

5. ວັນທີ 29 ກໍລະກົດ 2018 ອົງການປົກຄອງເມືອງ ສະໜາມໄຊ ໄດ້ປຶກສາຫາລື ແລະ ຕົກລົງກັນຫຼາຍບັນຫາກັບປະທານບໍລິສັດ ບໍລິສັດ SK Engineering ​ເຊິ່ງເປັນໜຶ່ງໃນບັນດາຂາຫຸ້ນທີ່ລົງທຶນໃນໂຄງການກໍ່ສ້າງເຂື່ອນໄຟຟ້າເຊປຽນ-ເຊນ້ຳນ້ອຍ ແມ່ນ​ໄດ້ຕົກລົງຈະກໍ່ສ້າງອາຄານທີ່ພັກຊົ່ວຄາວ​ໃຫ້​ຜູ້​ປະສົບ​ໄພ ຢູ່ 3 ຈຸດ ຄື: ຈຸດທີ 1 ຢູ່ເດີ່ນໂຮງຮຽນບ້ານ ຫາດຍາວ, ຈຸດທີ 2 ຢູ່ເຂດດົງບາກ ແລະ ຈຸດທີ 3 ຢູ່ບ້ານຕະມໍຢອດ. ນອກຈາກນັ້ນ, ທາງບໍລິສັດໄດ້ຕົກລົງຊ່ວຍປຸກສ້າງສາງເກັບມ້ຽນສະບຽງອາຫານທີ່ມີຄວາມຈຳເປັນໃນເບື້ອງຕົ້ນສຳລັບການຄົ້ນຫາຜູ້ສູນຫາຍ.

6.ວັນທີ 7 ສິງຫາ 2018, ກອງປະຊຸມສະໄໝວິສາມັນຂອງລັດຖະບານໄດ້ຕົກລົງແຕ່ງຕັ້ງຄະນະສືບສວນ-ສອບສວນ ຄະນະໜຶ່ງຂຶ້ນ ໂດຍມອບໃຫ້ທ່ານ ບຸນທອງ ຈິດມະນີ ເຊິ່ງເປັນຮອງນາຍົກລັດຖະມົນຕີ ແລະ ປະທານອົງການກວດກາລັດຖະບານ ເປັນຫົວໜ້າຄະນະ ເຊິ່ງຄະນະສືບສວນ-ສອບສວນນີ້ມີສິດໃນການຮັບເອົາການຊ່ວຍເຫຼືອທາງດ້ານການເງິນ, ເຕັກນິກ ແລະ ຊ່ຽວຊານ ຈາກຕ່າງປະເທດ ທີ່ມີມາດຕະຖານສາກົນ ມາຊ່ວຍພິສູດ, ກວດກາທາງດ້ານເຕັກນິກ, ຊອກໃຫ້ເຫັນສາເຫດ ທີ່ພາໃຫ້ມີການແຕກພັງຂອງສັນເຂື່ອນ ແລະ ສາມາດເຊີນຕົວແທນຂອງລັດຖະບານ ຂອງປະເທດທີ່ມີບໍລິສັດຜູ້ປະກອບການ ແລະ ຂາຮຸ້ນ ທີ່ຈົດທະບຽນຢູ່ ມາໃຫ້ຄຳປຶກສາ ຫຼື ສັງເກດການ. ທັງນີ້ກໍ່ແນ່ໃສ່ໃຫ້ການສືບສວນ-ສອບສວນ ມີຄຸນນະພາບສູງ, ມີຄວາມໂປ່ງໃສ ແລະ ເປັນທີ່ຍອມຮັບຕໍ່ທັງພາຍໃນ ແລະ ຕ່າງປະເທດ.

7. ໃນຕະຫຼອດເດືອນສິງຫາ 2018 ໄດ້ມີການເລັ່ງສ້າງອາຄານພັກເຊົາຊົ່ວຄາວໃຫ້ຜູ້ປະສົບໄພຕາມຈຸດຕ່າງໆ, ກັນ ແລະ ສະກັດກັ້ນບໍ່ໃຫ້ເກີດພະຍາດລະບາດໃນສູນພັກເຊົາຊົ່ວຄາວ, ເລັ່ງຊອກຫາຜູ້ທີ່ຍັງສູນຫາຍ ແລະ ໃນຕົ້ນເດືອນກັນຍາ 2018 ສູນພັກຊົ່ວຄາວຂອງຜູ້ປະສົບໄພນໍ້າຖ້ວມຈຸດບ້ານຫາດຍາວ ເມືອງສະໜາມໄຊ ກໍໄດ້ກໍ່ສ້າງສຳເລັດ ປະກອບມີ 10 ຫຼັງ ລວມ 140 ຫ້ອງ, ມີຫ້ອງນໍ້າ 5 ຫຼັງ, ນໍ້າບາດານ 2 ບໍ່. ສ່ວນການກໍ່ສ້າງ ແລະ ຕິດຕັ້ງເຮືອນພັກຊົ່ວຄາວແບບສຳເລັດຮູບ ຢູ່ຈຸດບ້ານຕະມໍຢອດ ມີແຜນການກໍ່ສ້າງຈຳນວນ 175 ຫຼັງ ຄາດສຳເລັດໃນທ້າຍເດືອນຕຸລາ 2018.

8. ຕົ້ນເດືອນຕຸລາ 2018, ໄດ້ຢຸດຕິພາລະກິດຊອກຄົ້ນຜູ້ສູນຫາຍຈາກເຫດການຄູກັ້ນນໍ້າເຂື່ອນເຊປຽນ-ເຊນໍ້ານ້ອຍແຕກພັງ ໂດຍກອງທັບໄດ້ຖອນກໍາລັງຫຼວງ 250 ນາຍ ອອກຈາກພື້ນທີ່ຊອກຄົ້ນ ເພື່ອໄປປະຕິບັດໜ້າທີ່ຊ່ວຍຈັດສັນພື້ນທີ່ ແລະ ປຸກສ້າງທີ່ພັກອາໄສຊົ່ວຄາວ ແລະ ຖາວອນໃຫ້ປະຊາຊົນຜູ້ປະສົບໄພ, ແຕ່ຍັງໄດ້ຮັກສາກໍາລັງທະຫານເມືອງ, ພາຫະນະ ແລະ ເຄື່ອງມືຊອກຄົ້ນເພື່ອກຽມພ້ອມປະຕິບັດຫນ້າທີ່ຊອກຄົ້ນຕາມການແຈ້ງຂ່າວ ແລະ ການສະເໜີຂອງປະຊາຊົນ ກໍຄື ຍາດພີ່ນ້ອງຜູ້ສູນຫາຍ.

9. ນັບແຕ່ເດືອນ ຕຸລາ 2018, ລັດສຸມໃສ່ປະຕິບັດມາດຕະການຊ່ວຍເຫຼືອຕໍ່ຜູ້ທີ່ໄດ້ຮັບຜົນກະທົບຢ່າງໜັກ ໃນຈຳນວນ 957 ຄົວເຮືອນ ມີຈຳນວນພົນລະເມືອງ 4,560 ຄົນ ເຊິ່ງນະໂຍບາຍຕ່າງໆທີ່ຈະສະໜອງປະກອບມີ: ເບີກຈ່າຍອັດຕາກິນ 5,000 ກີບ/ຄົນ/ວັນ (ໃຫ້ຈ່າຍເປັນເດືອນບາດດຽວ 150,000 ກີບ/ເດືອນ), ສືບຕໍ່ເບີກຈ່າຍເງິນແຮຖົງ 100,000 ກີບ/ຄົນ/ເດືອນ, ເຂົ້າກິນ 20 ກິໂລ/ຄົນ/ເດືອນ.

10. 23 ມັງກອນ 2019, ຫ້ອງວ່າການສຳນັກງານນາຍົກລັດຖະມົນຕີໄດ້ແຈ້ງຕົກລົງໃຫ້ຈ່າຍຄ່າຊົດເຊີຍແກ່ຜູ້ທີ່ເສຍຊີວິດ ແລະ ຜູ້ສູນຫາຍທັງໝົດຈຳນວນ 71 ຄົນ ໃນມູນຄ່າ 10,000 ໂດລາສະຫະລັດຕໍ່ຄົນ ໂດຍມອບໃຫ້ແຂວງອັດຕະປື, ບໍລິສັດເຊປຽນເຊນໍ້ານ້ອຍ ແລະ ບໍລິສັດ ເອັສເຄ (SK) ພ້ອມດ້ວຍບໍລິສັດປະກັນໄພ ດຳເນີນການມອບ-ຮັບເງິນຊົດເຊີຍດັ່ງກ່າວໃຫ້ແກ່ຄອບຄົວ, ຍາດພີ່ນ້ອງຜູ້ທີ່ເສຍຊີວິດ ແລະສູນຫາຍຕາມກົດໝາຍ, ລະບຽບການ ແລະ ເງື່ອນໄຂຂອງການປະກັນໄພ.

11. 9 ສິງຫາ 2019, ກະຊວງເເຮງງານ ແລະ ສະຫວັດດີການສັງຄົມ (ຮສສ) ແລະ ອົງການຮ່ວມມືສາກົນ ສ. ເກົາຫຼີ (ເກົາຫຼີໃຕ້) ປະຈຳ ສປປ ລາວ ໄດ້ເຊັນສັນຍາຂໍ້ຕົກລົງການສະໜອງທຶນຈຳນວນ 1,200,000 ໂດລາ ເພື່ອນຳໃຊ້ເຂົ້າໃນກິດຈະກຳ ປີ 2019 ພາຍໃຕ້ “ແຜນງານ ຟື້ນຟູຫຼັງໄພພິບັດແບບປະສົມປະສານທີ່ແຂວງອັດຕະປື”, ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມທີ່ສາເຫດມາຈາກອຸບັດເຫດສັນເຂື່ອນເຊໂປນ-ເຊນ້ຳນ້ອຍແຕກ ໃນປີ 2018 ເຊິ່ງເປົ້າໝາຍຂອງໂຄງການດັ່ງກ່າວແມ່ນເລັງໃສ່ພັດທະນາຟື້ນຟູຊີວິດການເປັນຢູ່ຂອງປະຊາຊົນຜູ້ທີ່ໄດ້ຮັບຜົນກະທົບໄດ້ມີຊີວິດການເປັນຢູ່ທີ່ດີຂຶ້ນເລື້ອຍໆ.

12. ເດືອນກຸມພາປີ 2020 ສະຫະພັນກາແດງ ແລະ ຊີກວົງເດືອນສາກົນ ສະໜອງທຶນຊ່ວຍເຫຼືອຈຳນວນ 2.6 ຕື້ກີບ ດຳເນີນໂຄງການຊ່ວຍເຫຼືອຟື້ນຟູຜູ້ປະສົບໄພໃນ 12 ບ້ານເປົ້າໝາຍ ປະກອບດ້ວຍ: ບ້ານ ທ່າອວນ, ປິນດົງ, ຕະມໍຢອດ, ຫີນລາດ, ດອນບົກ, ດອນມ່ວງ, ໂຄກກ່ອງ, ຫາດອຸດົມໄຊ, ສົ້ມປ່ອຍ, ຫາດຍາວ, ຕະເງົາ ແລະ ບ້ານຫີນສົມບັດ. ໜ້າວຽກຕ່າງໆໃນການຊ່ວຍເຫຼືອປະກອບດ້ວຍ: ສ້ອມແປງເຮືອນ 314 ຫຼັງ,  ສົ່ງເສີມຊີ​ວິດ​ການ​ເປັນຢູ່ຂອງປະຊາຊົນໃຫ້ດີຂຶ້ນ, ນຳໃຊ້ຊື້ວັດຖຸສິ່ງຂອງທີ່ຈຳເປັນ ແລະ ປູກຝັງລ້ຽງສັດ 550 ຫຼັງ​ຄາເຮືອນ, ສ້າງວິດຖ່າຍຄົວ​ເຮືອນ 520 ໜ່ວຍ, ປັບປຸງລະບົບນ້ຳບາດານຕິດໂບມ, ກໍ່ສ້າງອ່າງເກັບນ້ຳ 4 ແຫ່ງ, ສ້າງວິດຖ່າຍ 6 ໜ່ວຍໃຫ້ໂຮງຮຽນ 2 ແຫ່ງ, ສ້ອມ​ແປງ​ປັບ​ປຸງ​ລະ​ບົບ​ນ້ຳ​ບາ​ດານ 9 ແຫ່ງ​ ທີ່ນອນໃນໜ້າວຽກຕົ້ນຕໍຂອງອົງການກາແດງ ທີ່ໃຫ້ການຊ່ວຍເຫຼືອໄລຍະຟື້ນຟູ ເພື່ອເຮັດໃຫ້ທີ່ພັກອາໄສ ເຮືອນຊານບ້ານຊ່ອງຂອງປະຊາຊົນມີຊີວິດການເປັນຢູ່ທີ່ດີຂຶ້ນ.

13. ນອກຈາກການຊ່ວຍເຫຼືອຂອງພາກລັດ, ບໍລິສັດເຈົ້າຂອງໂຄງການ ແລະ ອົງການຈັດຕັ້ງສາກົນແລ້ວ ກໍຍັງມີການຊ່ວຍເຫຼືອຈາກປະຊາຊົນທັງພາຍໃນ ແລະ ຕ່າງປະເທດ ໃນຮູບແບບຂອງສິ່ງຂອງຊ່ວຍເຫຼືອ ແລະ ເງິນບໍລິຈາກ ເປັນຈຳນວນຫຼາຍ.

14. ທ່ານ ສຸລິວົງ ອະໄພວົງ ເລຂາຄະນະບໍລິຫານງານພັກເມືອງ ເຈົ້າເມືອງສະໜາມໄຊ ໄດ້ລາຍງານຕໍ່ກອງປະຊຸມຜູ້ແທນອົງຄະນະພັກເມືອງສະໜາມໄຊ ຄັ້ງທີ 12 ໃນເດືອນພຶດສະພາ 2020 ວ່າ: ຄະນະບໍລິຫານງານພັກເມືອງສະໜາມໄຊ ໄດ້ກໍານົດເອົາວຽກງານການຟື້ນຟູຊີວິດການເປັນຢູ່ຂອງປະຊາຊົນທີ່ໄດ້ຮັບຜົນກະທົບຈາກເຫດການຄູກັນນໍ້າເຂື່ອນໄຟຟ້າເຊປຽນ-ເຊນໍ້ານ້ອຍແຕກ ຢູ່ເມືອງສະໜາມໄຊ ແຂວງອັດຕະປື ໃນທ້າຍປີ 2018 ຜ່ານມາ ເປັນວຽກບຸລິມະສິດສໍາຄັນ, ເຊິ່ງໄດ້ກໍານົດແຕ່ນີ້ຮອດປີ 2023 ການຟື້ນຟູທຸກວຽກງານຕ້ອງໃຫ້ສໍາເລັດ 100%. 

15. ວຽກຕົ້ນຕໍເພື່ອຟື້ນຟູຊີວິດການເປັນຢູ່ຂອງປະຊາຊົນແມ່ນການສືບຕໍ່ປຸກສ້າງເຮືອນຖາວອນໃຫ້ 5 ບ້ານ ຈໍານວນຫຼາຍກວ່າ 700 ຫຼັງ, ສະເໜີຊົດເຊີຍ 100% ໃຫ້ 5 ບ້ານທີ່ຖືກຜົນກະທົບໜັກ ທີ່ມີຂໍ້ມູນຮັບຮອງນໍາກັນແລ້ວ, ຈັດສັນທີ່ດິນປຸກສ້າງໃຫ້ປະຊາຊົນ ບ້ານສະໝອງໃຕ້ ຢູ່ຈຸດປີນດົງ, ຟື້ນຟູຊົນລະປະທານ ຝາຍນໍ້າລົ້ນ ເພື່ອສົ່ງເສີມການຜະລິດກະສິກໍາໃຫ້ປະຊາຊົນຢ່າງທົ່ວເຖິງ, ສືບຕໍ່ເກັບກໍາຂໍ້ມູນຮ່ວມກັບບໍລິສັດຜູ້ພັດທະນາໂຄງການ ແລະ ຟື້ນຟູຊີວິກການເປັນຢູ່ຂອງປະຊາຊົນໃຫ້ມີຄວາມຢູ່ດີກິນດີ ໃຫ້ສໍາເລັດໃນປີ 2023 ຕາມທິດການສ້າງບ້ານແຕ່ຮາກຖານຂຶ້ນມາ.

16. ແນວໃດກໍຕາມ ມາຮືອເດືອນກໍລະກົດ 2020 ເຊິ່ງນັບວ່າເກືອບ 2 ປີແລ້ວຫຼັງຈາກເກີດເຫດ, ການປຸກສ້າງເຮືອນຖາວອນໃຫ້ປະຊາຊົນຜູ້ປະສົບໄພ ສຳເລັດແລ້ວປະມານ 30-40% ຂອງແຜນການ. ໃນນັ້ນ 102 ຫຼັງແມ່ນໄດ້ຮັບທຶນຊ່ວຍເຫຼືອລ້າຈາກປະຊາຊົນໄທ ແລະ ອົງການ UN-HABITAT ແລະ ອີກ 700 ຫຼັງ ແມ່ນນຳໃຊ້ທຶນຈາກບໍລິສັດພັດທະນາເຂື່ອນເຊປຽນ-ເຊນ້ຳນ້ອຍ.

ແຫຼ່ງອ້າງອີງ:

Advertisement Replay Ad
ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 5 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 5 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 2 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 2 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 29 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 29 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ