ວັນອາທິດ ທີ 17 ຕຸລາ 2021

ມື້ດຽວກໍທ່ຽວໄດ້! ໂຫນສະລິງ ປີນພູ ຂີ່ເຮືອເຂົ້າຖໍ້າ ຢູ່ພູຜາມ່ານ ແລະ ຖໍ້າກອງລໍ

ມື້ດຽວກໍທ່ຽວໄດ້! ໂຫນສະລິງ ປີນພູ ຂີ່ເຮືອເຂົ້າຖໍ້າ ຢູ່ພູຜາມ່ານ ແລະ ຖໍ້າກອງລໍ
S! Muan

ສະໜັບສະໜູນເນື້ອຫາ

ໃຜວ່າໄປທ່ຽວແຂວງຄຳມ່ວນຕ້ອງໃຊ້ເວລາຫຼາຍມື້? ສຳລັບທຣິບທີ່ເຮົາແນະນຳນີ້ແມ່ນໃຊ້ເວລາພຽງ 1 ມື້ເທົ່ານັ້ນ! ແມ່ນແລ້ວ ພຽງ 1 ມື້ກໍສາມາດຫຼິ້ນຜາດໂຜນ ແລະ ຊຶມຊັບບັນຍາກາດຂອງທຳມະຊາດໄດ້ແບບເຕັມອີ່ມແບບທີ່ບໍ່ເຄີຍມີມາກ່ອນ.

ສຳລັບປະໂຫຍກທີ່ວ່າ "ມື້ດຽວກໍທ່ຽວໄດ້" ນີ້ ແມ່ນເດີນທາງໄປກັບຈາກນະຄອນຫຼວງວຽງຈັນເດີ້ ສ່ວນຈາກແຂວງອື່ນໆອາດຕ້ອງໄດ້ເພີ່ມ ຫຼື ຫຼຸດເວລາ ອີງຕາມໄລຍະທາງຕົວຈິງ.

ສຳລັບທຣິບນີ້ເຮົາກໍຂໍເກາະກະແສ #ລາວທ່ຽວລາວ ເຊິ່ງເປັນແຄມເປນປຸກລະດົມໃຫ້ຄົນລາວທ່ອງທ່ຽວພາຍໃນປະເທດ ເພື່ອຟື້ນຟູຄືນການທ່ອງທ່ຽວ ຫຼັງຈາກທີ່ການລະບາດຂອງພະຍາດໂຄວິດ-19 ໃນປະເທດຜ່ອນຄາຍລົງ.

ທັງນີ້ ປາຍທາງຢ່າງແຂວງຄຳມ່ວນກໍເປັນອີກແຂວງໜຶ່ງເຊິ່ງມີບ່ອນທ່ຽວຫຼາຍແຮງ ຂໍຢໍ້າວ່າ ຫຼາຍແຮງ. ແຕ່ໃນທຣິບນີ້ເຮົາຈະພາໄປຫວາດສຽວກັນທີ່ The Rock Viewpoint ແລະ ສຳຜັດຄວາມອະລັງການຂອງສິ່ງທີ່ທຳມະຊາດສ້າງສັນຢ່າງ ຖໍ້າກອງລໍ ຖໍ້ານໍ້າລອດແຫ່ງເມືອງຄູນຄຳ ແຂວງຄຳມ່ວນນັ້ນເອງ!

ສຳລັບການເດີນທາງຈາກນະຄອນຫຼວງວຽງຈັນກໍໃຊ້ເວລາບໍ່ດົນປານໃດ ດ້ວຍໄລຍະທາງ 267 ກິໂລແມັດ ເດີນທາງດ້ວຍລົດສ່ວນຕົວບໍ່ເກີນ 5 ຊົ່ວໂມງກໍຮອດແລ້ວ ຖ້າອອກສີເຊົ້າໆແດ່ ແບບໝາຍເຖິງເຊົ້າແຮງ ຄືເຮົາກໍອອກເດີນທາງຕອນ 6 ໂມງເຊົ້າ ໄປຈົນຮອດທາງແບ່ງໄປຫຼັກ 20 ແມ່ນປະມານ 10 ໂມງ ແລະ ປະມານ 11 ໂມງກໍຮອດພູຜາມ່ານ.

ແຕ່ຊ້າກ່ອນ ຮອດພູຜາມ່ານແລ້ວເຮົາຈະຍັງບໍ່ທັນຫຼິ້ນກິດຈະກຳຫຍັງເທື່ອ ເຮົາພັກຜ່ອນໜ້ອຍໜຶ່ງແລ້ວກາຍໄປຖໍ້າກອງລໍກ່ອນ ເຊິ່ງຢູ່ຫ່າງຈາກນີ້ປະມານ 1 ຊົ່ວໂມງ. ເມື່ອຮອດພຸ້ນ ກໍຫາກິນເຂົ້າກິນນໍ້າ ແລະ ຕິດຕໍ່ເຮືອໃຫ້ພາເຂົ້າຖໍ້ານໍ້າລອດທີ່ມີຊື່ສຽງແຫ່ງບ້ານກອງກໍນີ້ເລີຍ ເຊິ່ງໄປກັບໃຊ້ເວລາບໍ່ເກີນ 1 ຊົ່ວໂມງ.

ເປັນຫຍັງຈຶ່ງຄວນມາທີ່ຖໍ້າກອງລໍ? ຖໍ້າແຫ່ງນີ້ໄດ້ຮັບການບັນທຶກໄວ້ວ່າ ເປັນໜຶ່ງໃນຖໍ້ານໍ້າລອດທີ່ຍາວທີ່ສຸດໃນລາວ ເຊິ່ງມີຄວາມຍາວປະມານ 7 ກິໂລແມັດ. ພາຍໃນຖໍ້າມີທັງຈຸດຊົມຫິນງອກ ຫິນຍ້ອຍ, ຄວາມກວ້າງໂອ່ໂຖງຂອງຖໍ້າ ບວກກັບຄວາມງຽບສະຫງົບພາຍໃນ ກໍຊ່ວຍໃຫ້ເຮົາຫຼົບໜີຈາກຄວາມວຸ່ນວາຍຂອງໂລກພາຍນອກໄດ້ຫຼາຍເຕີບ. ລອງຫຼັບຕາລົງຈັກເທື່ອໃນຂະນະທີ່ນັ່ງເຮືອ ແລະ ເມື່ອຫົວເຮືອພາລອດປາກຖໍ້າອີກດ້ານອອກໄປ ເຮົາຈະຮູ້ສຶກຄືກັບອອກໄປສູ່ໂລກໃໝ່.

  • ແຜນທີ່ ຈິ້ມໂລດ ແລ້ວມັນຈະພາເຮົາໄປ ຖໍ້າກອງລໍhttps://g.page/Konglorcave

ກັບອອກມາຈາກຖໍ້າກໍເປັນເວລາບ່າຍແກ່ໆ ເຮົາເລີ່ມອອກລົດຕອນ 15:30 ໂມງ ກັບມາຮອດພູຜາມ່ານປະມານ 16:30 ໂມງ ແລະ ເລີ່ມຫຼິ້ນກິດຈະກຳຜາດໂຜນຢູ່ນີ້ກັນຕອນປະມານ 17:45 ໂມງ. ຢູ່ນີ້ມີຫຍັງໃຫ້ເຮັດແດ່? ກ່ອນອື່ນໝົດຂໍຍ້ອງແບບບໍ່ມີກັກວ່າ ບ່ອນນີ້ເປັນຈຸດຊົມວິວທີ່ງາມທີ່ສຸດໃນລະຫວ່າງທາງເລກທີ 10 ແລະ ໃນທ້າຍປີ 2019 ກໍໄດ້ເປີດເປັນແຫຼ່ງທ່ອງທ່ຽວແບບແອັດເວນເຈີ (Adventure) ເຊິ່ງມີທັງຊິບລາຍ (ສະລິງ) ຈຳນວນ 5 ເສັ້ນ, ຂົວເຫຼັກ 1 ເສັ້ນ, ຂົວຕາໜ່າງແມງມຸມ 1 ເສັ້ນ, ຂົວໂຕ V 1 ເສັ້ນ ແລະ ປິດທ້າຍດ້ວຍການປີນຜາອີກ 300 ແມັດ. ເວົ້າໄດ້ວ່າ ທັງງາມ, ທັງຫວາດສຽວ, ຕື່ນເຕັ້ນ ແລະ ເມື່ອຍໄປພ້ອມໆກັນ.

ເມື່ອເຮົາຫຼິ້ນທັງໝົດຄົບແລ້ວ ປະມານເກືອບ 8 ໂມງແລງ ກໍໄດ້ເວລາເດີນທາງກັບສູ່ນະຄອນຫຼວງວຽງຈັນ ໄລຍະເວລາທີ່ເດີນທາງກັບກໍສໍ່າກັນກັບຕອນທີ່ເຮົາມາເລີຍ ຮອດປະຕູເຮືອນກຽມພັກຜ່ອນກໍເປັນເວລາປະມານ 1 ໂມງເດິກຂອງມື້ໃໝ່. ເປັນອັນວ່າຈົບທຣິບຢ່າງສວຍງາມ.

ສຳລັບຄ່າໃຊ້ຈ່າຍຕ່າງໆ ເຮົາໄດ້ແຈກແຈງອອກມາໃຫ້ເຫັນໂດຍປະມານດັ່ງນີ້:

  • ຄ່າເຮືອເຂົ້າຖໍ້າກອງລໍ ຄົນລະ 65,000 ກີບ
  • ຄ່າຝາກລົດໃຫຍ່ຢູ່ຖໍ້າກອງລໍ ຄັນລະ 20,000 ກີບ
  • ນໍ້າມັນໄປກັບ ປະມານ 50 ລິດ (ໄລຍະທາງລວມ 600 ກວ່າກິໂລແມັດ)
  • ຄ່າຫຼິ້ນກິດຈະກຳທີ່ພູຜາມ່ານ ຄົນລະ 40 ໂດລາ
  • ລວມຄ່າໃຊ້ຈ່າຍທັງໝົດປະມານ 500,000 ກີບ

ຂອບໃຈຮູບງາມໆຈາກ: ປີລະທ່ຽວ

Advertisement Replay Ad
5 ເຕັກນິກເຮັດວຽກຢູ່ເຮືອນ ບອກລາສະມາທິສັ້ນ

5 ເຕັກນິກເຮັດວຽກຢູ່ເຮືອນ ບອກລາສະມາທິສັ້ນ

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ