ວັນພຸດ ທີ 26 ມັງກອນ 2022

ບອກເລົ່າປະສົບການຈາກເດັກໃນຍຸກ 90: ຜູ້ທີ່ເກີດໃນຍຸກນີ້ເທົ່ານັ້ນຈຶ່ງຈະເຂົ້າໃຈ

ບອກເລົ່າປະສົບການຈາກເດັກໃນຍຸກ 90: ຜູ້ທີ່ເກີດໃນຍຸກນີ້ເທົ່ານັ້ນຈຶ່ງຈະເຂົ້າໃຈ
S! Muan

ສະໜັບສະໜູນເນື້ອຫາ

“People grow older, birthdays stay the same.”

ທີ່ເວົ້າກັນຕິດປາກກັນວ່າ ອາຍຸເປັນພຽງຕົວເລກ ອາດຈະເປັນຄຳເວົ້າທີ່ໃຊ້ໄດ້ແຕ່ພຽງບາງໂອກາດເທົ່ານັ້ນ ເພາະໂດຍທຳມະຊາດແລ້ວ, ອາຍຸ ຍ່ອມມາພ້ອມໆ ກັບປະສົບການຊີວິດ ແລະ ຄວາມຊົງຈຳທັງທີ່ດີ ຫຼື ທີ່ຢາກລືມ.  

ເປີດເລື່ອງມາແບບນີ້ ຄົງຈະໜີບໍ່ພົ້ນເລື່ອງຂອງໄວ ແລະ ອາຍຸ, ແຕ່ດ້ວຍທີ່ສະຖານະການຕ່າງໆ ໃນປັດຈຸບັນເຮັດໃຫ້ຫຼາຍໆຄົນເຄັ່ງຄຽດກັບຫຼາຍໆຢ່າງ, ມື້ນີ້ ຜູ້ຂຽນຈະຂໍຍົກເອົາເລື່ອງເບົາສະໝອງມາເລົ່າສູ່ກັນຟັງ ມາແບ່ງປັນປະສົບການອັນຫອມຫວານໃນໄວເດັກ ທີ່ຈະເຮັດໃຫ້ຫຼາຍໆ ຄົນອົມຍິ້ມໄປຕາມໆກັນ. 

ແມ່ນແລ້ວ ບົດຄວາມນີ້ຈະຍົກເອົາປະສົບການຂອງການເປັນຄົນຍຸກ 90 ຫຼື ທີ່ຮູ້ຈັກກັນທົ່ວໄປວ່າກຸ່ມ Millennials ຫຼື ບາງຄົນກໍ່ເອີ້ນວ່າ Gen-Y (Generation-Y), Gen-Me, Gen-We ນັ້ນເອງ. ອ່າ … ຢ່າຟ້າວເຮັດໜ້າງົງກັນ ດຽວເຮົາຈະມາອະທິບາຍກັນກ່ອນວ່າຄົນກຸ່ມ Millennials ນີ້ໝາຍເຖິງຄົນກຸ່ມໃດແນ່.

ກຸ່ມ Millennials ຫຼື Gen-Y (Generation Y) ນັ້ນ, ຖືກນິຍາມຂຶ້ນມາຈາກຫຼາຍໆ ສະຖາບັນ ເພື່ອຈັດແບ່ງກຸ່ມຄົນຕາມເກນອາຍຸ ສຳລັບໃຊ້ວິເຄາະພຶດຕິກຳທາງການຕະຫຼາດ ເຊິ່ງແຕ່ລະສະຖາບັນນັ້ນກໍ່ໄດ້ກຳນົດເອົາເກນອາຍຸຂອງກຸ່ມດັ່ງກ່າວໄວ້ແຕກຕ່າງກັນ. ແຕ່ໂດຍລວມແລ້ວສາມາດເວົ້າໄດ້ວ່າຄົນໃນກຸ່ມ Millennials ນັ້ນເກີດໃນໄລຍະຊຸມປີ 1980 ຫາຊຸມປີ 1990 ແຕ່ບໍ່ເກີນປີ ຄ.ສ. 2000, ເຊິ່ງກຸ່ມຄົນທີ່ເກີດຫຼັງຈາກນີ້ ຈະຖືກເອີ້ນວ່າ Gen-Z ທີ່ເປັນກຸ່ມຄົນຫຼ້າສຸດໃນຂະນະນີ້ (ປີ ຄ.ສ. 2020). ສ່ວນວ່າ Gen-Y ນັ້ນແບ່ງອອກເປັນກຸ່ມຍ່ອຍໆຫຍັງແດ່ນັ້ນ, ຜູ້ຂຽນຈະບໍ່ຂໍລົງລາຍລະອຽດໃນເລື່ອງດັ່ງກ່າວ ເອົາໄວ້ມີໂອກາດຈະມາເລົ່າສູ່ຟັງໃໝ່. 

ຕອນນີ້ກໍ່ຮູ້ແລ້ວເນາະ ວ່າຕົນເອງຈັດຢູ່ໃນ Generation ໃດ? ໃຜທີ່ຈັດຢູ່ໃນ Gen-Y ກຸ່ມດຽວກັບຜູ້ຂຽນ ກໍ່ຢ່າລືມສົ່ງຕໍ່ບົດຄວາມນີ້ໄປໃຫ້ໝູ່ເພື່ອນໃນກຸ່ມແນ່, ແລ້ວຢ່າລືມມາແບ່ງປັນປະສົບການຂອງຍຸກນັ້ນ ເພື່ອໃຫ້ເດັກລຸ່ນຫຼັງໄດ້ຮຽນຮູ້ ແລະ ເຂົ້າໃຈນຳກັນ. 

ເຖິງແມ່ນວ່າກຸ່ມ Millennials ເປັນກຸ່ມທີ່ເກີດມາພ້ອມໆກັບອິນເຕີເນັດ, ແຕ່ໃນໄລຍະຕົ້ນໆຂອງການພັດທະນາອິນເຕີເນັດນັ້ນ ການເຂົ້າເຖິງຍັງຖືວ່າຫຍຸ້ງຍາກຫຼາຍປະການ. ເຮັດໃຫ້ເດັກທີ່ເກີດໃນຍຸກດັ່ງກ່າວນັ້ນ ມີຮູບແບບການໃຊ້ຊີວິດ ແລະ ເຕີບໂຕແຕກຕ່າງຈາກເດັກໃນຍຸກປັດຈຸບັນຫຼາຍ. ການດຳລົງຊີວິດ ຍັງເອື່ອຍອີງກັບທຳມະຊາດ ໃຊ້ຊີວິດແບບລຽບງ່າຍ, ຕິດດິນ ອາໄສການຫຼິ້ນແບບພື້ນບ້ານທີ່ມີມາແຕ່ສະໄໝພໍ່ແມ່ ເພື່ອສ້າງເປັນກິດຈະກຳເພື່ອຄວາມບັນເທີງ ພ້ອມທັງເປັນການສ້າງຈິນຕະນາການ ແລະ ອອກກຳລັງກາຍໄປໃນໂຕ ສ່ວນວ່າຈະມີຫຍັງແນ່ນັ້ນ ລອງມາເບິ່ງນຳກັນ. 

ຫາກທ່ານເປັນຄົນທີ່ເກີດໃນຍຸກ 90 ຮັບຮອງວ່າຕ້ອງເຄີຍຫຼິ້ນ “ເຕັ້ນຢາງ” ມາບໍ່ຫຼາຍກໍ່ຫນ້ອຍ. ຜູ້ຂຽນເອງກໍ່ເຄີຍຫຼິ້ນ ແລະ ຂໍພາບວ່າໄມ້ສູງໆນັ້ນ ບໍ່ເຄີຍຊະນະກຸ່ມຜູ້ຍິງເລີຍ (ພາສາເດັກສະໄໝນັ້ນເອີ້ນ “ໄມ້” ແທນຄວາມໝາຍວ່າ “ດ່ານ” ເຊັ່ນ: ໄມ້ແອວ, ໄມ້ຄໍ ທີ່ຈັບເອົາຢາງບ້ວງທີ່ຖັກສານໄວ້ຢ່າງປານີດແນວໄວ້ຢູ່ລະດັບ ແອວ, ຄໍ ຕາມລຳດັບ). ຍ້ອນກັບໄປຄິດແລ້ວ ຫາກຝຶກເປັນລະບົບດີໆ ກໍ່ນັກກາຍຍະກຳເກັ່ງໆ ລະດັບແຖວໜ້າເລີຍລະ (ຂໍເລົ່າ ໆ … ຢຽດສຸດແຂນແລ້ວ ແຖມຍັງຢັ່ງຢີ້ຂຶ້ນຕື່ມ ກໍ່ຍັງສາມາດຜ່ານໄດ້ ຮ່າໆ). ກິດຈະກຳດັ່ງກ່າວ ສາມາດຫຼິ້ນໄດ້ເປັນກຸ່ມ ທັງຍິງ ແລະ ຊາຍເລີຍ (ໃນຊ່ວງທີ່ກຸ່ມຜູ້ຊາຍເຂົາຜິດທາງກັນ (ຜິດໃຈກັນ ເລັກໆ ນ້ອຍໆ) ຜູ້ຂຽນກໍ່ແອ້ມແປະມາຂໍຫຼິ້ນເຕັ້ນຢາງນຳກຸ່ມຜູ້ຍິງນີ້ລະ ຫຸໆ), ໄດ້ທັງສຸຂະພາບຈິດ ແລະ ສຸຂະພາບກາຍ. ແຕ່ກໍ່ເປັນການລະຫຼິ້ນທີ່ໜ້າເປັນຫ່ວງຢູ່ເຊັ່ນກັນ ຫາກພາດອາດເຮັດໃຫ້ໄດ້ຮັບບາດເຈັບໄດ້, ຫາກນ້ອງໆ ຄົນໃດຍັງຫຼິ້ນຢູ່ ກໍ່ລະມັດລະວັງກັນ. 

ສ່ວນກຸ່ມຜູ້ຊາຍ ສ່ວນໃຫຍ່ແລ້ວແມ່ນຈຸ້ມຫົວຫັນຫຼິ້ນຍິງບີ່ ຫຼື ດຶກແປັກ. ໂດຍສະເພາະແມ່ນການດຶກແປັກ ໃຜທີ່ມີເກີບແຕະລຸ້ນໜາໆ ໜັກໆ ນິ, ຄົນຂ້າງໆ ແນມກັນຕາເປັນໄຟ ຮ່າໆ. ບາງເຂດທີ່ໃກ້ນ້ຳ ຫຼື ຄອງເໝືອງ ກໍ່ພາກັນໄປຫຼິ້ນນ້ຳ ແຕ່ບອກໄວ້ເລີຍວ່າໃຫ້ຫຼິ້ນຢ່າງມີສະຕິ ດີແທ້ກໍ່ໃຫ້ມີຜູ້ໃຫຍ່ໄປນຳ, ເພາະອັນຕະລາຍ ໂດຍສ່ວນໂຕແລ້ວລອຍນ້ຳບໍ່ເປັນ ກໍ່ເລີຍໄດ້ແຕ່ໄປນັ່ງເຝົ້າເຄື່ອງໃຫ້ເຂົາ ຢ່າງດີແນ່ກໍ່ເອົາຂາລົງໄປແກວ່ງໆ ນ້ຳພາໃຫ້ຊື່ນໃຈ. ແລງໆ ຄ້ອຍຄ່ຳມາກໍ່ພາກັນລວມຕົວຫຼິ້ນກິລາຕາມເດີ່ນບ້ານ ຫຼື ໄຮ່ນາ (ໄລຍະທີ່ຫຼັງຈາກກ່ຽວເຂົ້າອອກໝົດແລ້ວ), ຫາກເປັນໜ້າແລ້ງ ເຂດທີ່ມີເດີ່ນກວ້າງໆ ແນ່ກໍ່ພາກັນປະດິດວ່າວດ້ວຍຕົນເອງ ຫຼື ຂັດຜູ້ປົກຄອງເຮັດຊ່ວຍ. 

ຫາກວ່າໄປຮຽນ ຊ່ວງເວລາພັກຜ່ອນກໍ່ຈັບກຸ່ມກັນຫຼິ້ນມອນເຊື່ອງຜ້າບໍ່ ຫຼື ອາດຈະຫຼິ້ນໝາກລີ້, ຫາກເປັນກຸ່ມນ້ອຍແນ່ກໍ່ຫຼິ້ນເຊື່ອງໄມ້ກັນກໍ່ມີ. ຫຼິ້ນເມື່ອຍໆ ຫິວໆ ກໍ່ມີຂົ້ວໝີ່ ຫຼື ເຂົ້າປຽກຂາຍ, ຮ້ອນໆ ກໍ່ກິນໂອລ້ຽງ ຫຼື ນ້ຳເຊໂລ່ (ບໍ່ຮູ້ແຕ່ລະຄົນເອີ້ນກັນແນວໃດ ທີ່ເອົານ້ຳຫວານເຮບຣູບອຍຫຼາກຫຼາຍສີ ມາປົນໃສ່ນ້ຳຂາຍກັນ, ໃຜຮູ້ຊື່ເອີ້ນທາງການກໍ່ຄອມເມັນມາບອກກັນແນ່).

ອີກກິດຈະກຳໜຶ່ງທີ່ຜູ້ຂຽນເຫັນວ່າ ປັດຈຸບັນນີ້ເລີ່ມຄ່ອຍໆ ເລືອນຫາຍໄປນັ້ນກໍ່ຄື ປະເພນີວຽນທຽນຍາມບຸນປະເພນີຕ່າງໆ, ຈະເຫັນແຕ່ເທດສະການໃຫຍ່ໆ ຕາມບາງວັດທີ່ຍັງມີການຮັກສາປະເພນີໄວ້ຢູ່. ສຳລັບເມື່ອກ່ອນ ຫາກມີງານບຸນປະເພນີ ເດັກນ້ອຍກໍ່ດີ ໄວລຸ້ນກໍ່ດີ ຈະຂຸ້ນຂ້ຽວກັນກຽມດອກໄມ້ທູບທຽນສຳລັບໄປວຽນທຽນ, ຫຼັງຈາກກິນເຂົ້າແລງແລ້ວ ກໍ່ຮີບພາກັນຍ່າງເປັນຂະບວນ ເປັນກຸ່ມກ້ອນຕາມຄວາມສະໜິດສະໜົມຂອງໃຜລາວໄປວັດ ເພາະໄປຊ້າດຽວບໍ່ມີເວລາສຽບປິ່ງໂກ້, ນ້ຳເຕົ້າປູປາ ຫຼື ຊັດປຸມເປົ້າ ຮ່າໆ (ຜູ້ຂຽນບໍ່ສະໜັບສະໜູນການພະນັນເດີ້ ຈັ່ງໃດກໍ່ຫຼິ້ນຢ່າງມີສະຕິແລ້ວກັນ) ເອົ໋າ! ກັບມາເລື່ອງວຽນທຽນສາກ່ອນ, ການວຽນທຽນ ເປັນກິດຈະກຳທາງສາສະໜາທີ່ຕ້ອງອາໄສສະມາທິໃນການຍ່າງຢ່າງລະມັດລະວັງ ທັງປະຄອງດອກໄມ້ທູບທຽນ ທັງຢ້ານໄຟຍອດທຽນດັບ ທັງຢ້ານໄຟໄປຈູດເອົາຜົມຄົນທາງໜ້າ ທັງຢ້ານມື່ນຕົມພະລາດລົ້ມ ໂດຍສະເພາະບຸນເຂົ້າພັນສາທີ່ມັກມີຝົນຕົກຢູ່, ຫຼັງຈາກວຽນຄົບ 3 ຮອບແລ້ວກໍ່ວົນກັນຊອກເກີບໃຜລາວ ບາງຄົນກໍ່ໄດ້ເກີບຄູ່ໃໝ່ກັບບ້ານໄປກໍ່ມີ. 

ຍັງມີການຫຼິ້ນອີກຫຼາຍຢ່າງ ທີ່ຜູ້ຂຽນເຄີຍຫຼິ້ນໃນເມື່ອກ່ອນ ແຕ່ບໍ່ຄ່ອຍເຫັນໃນປັດຈຸບັນ, ຍ້ອນຍຸກສະໄໝປ່ຽນໄປ ວິຖີຊີວິດກໍ່ປ່ຽນໄປຕາມການເວລາ. ເມື່ອກ່ອນໃຊ້ເວລາຕາມເດີ່ນຫຍ້າເດີ່ນດິນ ປັດຈຸບັນລົດຕິດເລີຍຕ້ອງໃຊ້ຊີວິດເທິງລົດ ຈົດຈໍ່ໜ້າຈໍໂທລະສັບ. ດິນນາສ່ວນຫຼາຍກໍ່ຫັນກາຍເປັນຕົວເມືອງ ບໍ່ມີບ່ອນໃຫ້ແລ່ນເຕະບານ, ຫຼິ້ນກອງເຟືອງຄືແຕ່ກ່ອນ. ຫາກຈະປ່ອຍລູກຫຼານອອກໄປແລ່ນຫຼິ້ນຕາມບ້ານ ກໍ່ຢ້ານທັງລົດລາງ ຢ້ານທັງມິດສາຊີບທີ່ນັບມື້ນັບຫຼາຍຂຶ້ນ. 

ເຖິງແມ່ນວ່າຍຸກສະໄໝປ່ຽນໄປກໍ່ຕາມ ສຳລັບຜູ້ປົກຄອງທັງຫຼາຍກໍ່ຄວນເອົາໃຈໃສ່ລູກໆ ຫຼານໆ ຂອງຕົນ, ຢ່າປ່ອຍໃຫ້ເຂົາຫຼິ້ນໂທລະສັບຫຼາຍເກີນໄປ ເພາະມີການສຶກສາຢັ້ງຢືນແລ້ວວ່າການທີ່ເດັກຕິດໜ້າຈໍຫຼາຍເກີນໄປນັ້ນສົ່ງຜົນດ້ານບໍ່ດີແກ່ເດັກຫຼາຍກວ່າ ທັງເລື່ອງຂອງການມີປະຕິສຳພັນກັບຄົນໃນຄອບຄົວ, ກະທົບຕໍ່ຄວາມຄິດສ້າງສັນ, ນອນບໍ່ອີ່ມ, ກະທົບຕໍ່ການຮຽນ ຫຼື ກະທົບຕໍ່ສະພາບຈິດໃຈ ອາດມີແນວໂນ້ມກໍ່ເຫດຮຸນແຮງໄດ້. ຄວນໃຫ້ເດັກໄດ້ສຳຜັດກັບທຳມະຊາດ ໃຊ້ຄວາມຄິດສ້າງສັນຂອງເຂົາໄດ້ເຕັມທີ່ ມີຄວາມສຸກ ແລະ ຮ່າງກາຍແຂງແຮງ. 

ຫາກຍັງມີການຫຼິ້ນແບບໃດທີ່ຜູ້ອ່ານຢາກແບ່ງປັນກັບພວກເຮົາ ຄອມເມັນໄວ້ໄດ້ເລີຍ, ເກາະກ້ອຍໄວ້ເລີຍ ວ່າຈະບໍ່ເອົາເລື່ອງອາຍາມາບູລີ້ກັນ. ຂໍໃຫ້ທຸກຄົນມີຄວາມສຸກກັບການຫວນຄິດເຖິງອະດີດໄວຫວານຂອງທຸກທ່ານ.  

ຂຽນໂດຍ: Nilavath 

ແຫຼ່ງອ້າງອີງ: 

Advertisement Replay Ad
7 ເຫດຜົນທີ່ເຮັດໃຫ້ຄ່າຄອງຊີບກຳລັງສູງຂຶ້ນໃນທົ່ວໂລກ

7 ເຫດຜົນທີ່ເຮັດໃຫ້ຄ່າຄອງຊີບກຳລັງສູງຂຶ້ນໃນທົ່ວໂລກ

ອ່ານດວງລາຍວັນປະຈໍາວັນສຸກ ທີ 21 ມັງກອນ 2022 ຕາມແຕ່ລະວັນເກີດ

ອ່ານດວງລາຍວັນປະຈໍາວັນສຸກ ທີ 21 ມັງກອນ 2022 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 6 ມັງກອນ 2022 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 6 ມັງກອນ 2022 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອາທິດ ທີ 4 ພະຈິກ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອາທິດ ທີ 4 ພະຈິກ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອັງຄານ ທີ 26 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອັງຄານ ທີ 26 ຕຸລາ 2021 ຕາມແຕ່ລະວັນເກີດ

ມອບເຄື່ອງບໍລິຈາກມູນຄ່າລວມ 30 ລ້ານກີບໃຫ້ສູນສຸຂະພາບແມ່ ແລະ ເດັກ ປະກອບສ່ວນວຽກງານຕ້ານໂຄວິດ-19

ມອບເຄື່ອງບໍລິຈາກມູນຄ່າລວມ 30 ລ້ານກີບໃຫ້ສູນສຸຂະພາບແມ່ ແລະ ເດັກ ປະກອບສ່ວນວຽກງານຕ້ານໂຄວິດ-19

ອ່ານດວງລາຍວັນປະຈໍາວັນພະຫັດ 14 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ 14 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 4 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 4 ກັນຍາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 27 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 27 ກັນຍາ 2021

ອັບເດດສະຖານະການ COVID-19 ປະຈຳວັນທີ 27 ກັນຍາ 2021

ອັບເດດສະຖານະການ COVID-19 ປະຈຳວັນທີ 27 ກັນຍາ 2021

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ