ວັນອັງຄານ ທີ 11 ສິງຫາ 2020

ທ່ານເຄີຍສົງໄສບໍ່ວ່າ ເປັນຫຍັງເຮົາຈຶ່ງຕ້ອງຮຽນເລກ?

ທ່ານເຄີຍສົງໄສບໍ່ວ່າ ເປັນຫຍັງເຮົາຈຶ່ງຕ້ອງຮຽນເລກ?
S! Muan

ສະໜັບສະໜູນເນື້ອຫາ

ເຄີຍເປັນບໍ່ ທີ່ສົງໄສ ແລະ ຕັ້ງຄຳຖາມກັບໂຕເອງ ຫຼື ຄົນຮອບຂ້າງວ່າ ຈະຮຽນເລກໄປເພື່ອຫຍັງ? 

ສົມຜົນຂັ້ນສອງ, ໂລກາລິດ, ສັງຄະນິດ, ສົມຜົນເຊີງເສັ້ນ, ມາຕິດ … ໂອ້ຍ!!! ໄດ້ຍິນຊື່ກະເຫງົານອນແລ້ວ...ສາລະພາບມາເລີຍ ວ່າທ່ານເອງກໍ່ເຄີຍເປັນ! ທຸກຄາບຮຽນທີ່ມີເລກ ບວກກັບອາກາດທີ່ຮ້ອນອົບເອົ້າຂອງບ້ານເຮົາ ເຮັດໃຫ້ບັນຍາກາດໃນຫ້ອງຮຽນ ເປັນຫຍັງທີ່ຕ້ອງໃຊ້ຄວາມພະຍາຍາມບັງຄັບຕົນເອງໃຫ້ເປີດຕາຕື່ນຢູ່ຕະຫຼອດເວລາ. ເປັນວິຊາທີ່ນ້ອງໆ ຫຼາຍໆ ຄົນບໍ່ມັກ ແຕ່ກໍ່ປະຕິເສດບໍ່ໄດ້ວ່າມີຫຼາຍໆ ຄົນທີ່ມ່ວນກັບການຮຽນຄະນິດສາດ. ມື້ນີ້ຜູ້ຂຽນຈະພາມາເບິ່ງນຳກັນວ່າ “ຄະນິດສາດ” ທີ່ທຸກຄົນຕ້ອງໄດ້ຮຽນມາແຕ່ນ້ອຍນັ້ນ ຈະເອົາໄປໃຊ້ເຮັດຫຍັງໄດ້ແດ່? ຈະຄຸ້ມຄ່າກັບການພາກພຽນ ຕັ້ງໃຈຮ່ຳຮຽນວິຊາດັ່ງກ່າວ ຫຼື ບໍ່?

ຄະນິດສາດ ເປັນສາດທີ່ເກີດຂຶ້ນມາແຕ່ສະໄໝບູຮານນະການ ເກີດຂຶ້ນມາພ້ອມໆ ກັບປະຫວັດສາດຂອງມະນຸດເຮົາເລີຍກໍ່ວ່າໄດ້. ເຄີຍມີການບັນທຶກໄວ້ວ່າ ຄະນິດສາດເກີດຂຶ້ນມາແຕ່ສະໄໝກ່ອນປະຫວັດສາດ (Prehistory) ໂດຍຄົນໃນຍຸກນັ້ນເລີ່ມມີການນຳໃຊ້ຕົວເລກເຊັ່ນ: ໜຶ່ງ ຫຼື ສອງ ແລະ ຄ່ອຍໆ ວິວັດຈົນກາຍມາເປັນວິທະຍາສາດຂັ້ນສູງທີ່ປະຍຸກໃຊ້ກັບທຸກໆ ສາຂາໃນປັດຈຸບັນ. 


ພາບ: Antoine Dautry https://unsplash.com/photos/05A-kdOH6Hw

ຄະນິດສາດມີຢູ່ທຸກບ່ອນ 

ຜູ້ຂຽນໝາຍຄວາມແບບນັ້ນແທ້ໆ ເພາະທຸກສິ່ງທຸກຢ່າງອ້ອມຮອບຕົວເຮົານັ້ນມີຄະນິດສາດເຈືອປົນຢູ່ ເຊິ່ງເພື່ອນໆ ເອງອາດຈະບໍ່ທັນໄດ້ສັງເກດກໍ່ເປັນໄດ້. ຄະນິດສາດຖືກນຳໃຊ້ໃນກິດຈະກຳຕ່າງໆ ໃນເລື່ອງງ່າຍໆ ເຊັ່ນ: ການຊື້ເຄື່ອງຂາຍຂອງ ໄປຈົນເຖິງການອະທິບາຍປາກົດການທາງວິທະຍາສາດອັນຊັບຊ້ອນ ເຊັ່ນ: ການກຳເນີດຂອງຈັກກະວານ; ຄະນິດສາດຖືກປະຍຸກໃຊ້ກັບຂະບວນການພື້ນຖານ ເຊັ່ນ: ການຕັດສິນໃຈວ່າຕອນສວາຍຈະກິນຫຍັງ ໂດຍອີງຈາກເງື່ອນໄຂຕ່າງໆ ໄປຈົນເຖິງການອອກແບບລະບົບວົງຈອນໄຟຟ້າທີ່ເຮັດໃຫ້ເຮົາມີມືຖື - ຄອມພິວເຕີ ໃນການອ່ານບົດຄວາມນີ້. ຄະນິດສາດເຮັດໃຫ້ຄົນເຮົາເອົາຊະນະກົດເກນຂອງທຳມະຊາດໄດ້ ເຊັ່ນ: ການສ້າງເຮືອບິນ - ຍານອະວະກາດ, ການເຈາະອຸມົງລອດພູ ຫຼື ທະເລ ເປັນຕົ້ນ. ຄະນິດສາດ ເປັນພື້ນຖານໃຫ້ແກ່ສາດດ້ານຕ່າງໆ ເຊັ່ນ: ສິນລະປະ, ເສດຖະສາດ, ສະຖິຕິ, ວິສະວະກຳສາຂາຕ່າງໆ, ທໍລະນີສາດ, ດາລາສາດ ແລະ ອື່ນໆ... ຫາກຈະຍົກຕົວຢ່າງການນຳໃຊ້ຄະນິດສາດຂຶ້ນມາທັງໝົດນັ້ນ ຄົງຈະອ່ານກັນບໍ່ໄຫວ, ໃນບົດຄວາມຕອນນີ້ເລີຍຈະຂໍຍົກບາງສ່ວນ ທີ່ຕິດພັນກັບການໃຊ້ຊີວິດປະຈຳວັນຂອງເຮົາເຊັ່ນ: 

  • ຄະນິດສາດ ເປັນພາສາສາກົນ, ເປັນພາສາທີ່ທຸກຄົນ (ຫຼື ເຄື່ອງຈັກ) ທົ່ວໂລກສາມາດເຂົ້າໃຈ ແລະ ສື່ສານກັນໄດ້ ຫຼື ໃນອີກແງ່ມຸມໜຶ່ງ ຄະນິດສາດຍັງເປັນຕົວກາງເຮັດໃຫ້ການສື່ສານຂ້າມທະວີບນັ້ນໃຊ້ເວລາສັ້ນລົງ ເພາະການເຮັດວຽກຂອງລະບົບສື່ສານ ຫຼື ອຸປະກອນສື່ສານຕ່າງໆ ນັ້ນອາໄສເລກຖານສອງ (Binary) ໃນການເຮັດວຽກ;

  • ຄະນິດສາດ ດີຕໍ່ສະໝອງ, ຊ່ວຍພັດທະນາທັກສະໃນການແກ້ໄຂບັນຫາ. ມີການສຶກສາຂອງນັກວິໄຈ ດຣ. ອີແວນ ທັນຢ້າ (Dr. Tanya Evans) ຈາກມະຫາວິທະຍາໄລສະແຕນຟອດ (Standford University) ພົບວ່າ: ນັກຮຽນທີ່ຝຶກແກ້ໂຈດຄະນິດສາດເລື້ອຍໆ ຈະມີທັກສະໃນການແກ້ໄຂບັນຫາດີກວ່າຄົນທີ່ບໍ່ມີການຝຶກແກ້ໂຈດຄະນິດສາດ. ເໝືອນກັນກັບການຮັກສາສຸຂະພາບຮ່າງກາຍໃຫ້ແຂງແຮງ ເຮົາຕ້ອງໝັ່ນອອກກຳລັງກາຍ, ເຊັ່ນດຽວກັນ ຫາກຕ້ອງການທີ່ຈະພັດທະນາສະໝອງໃຫ້ສະຫຼາດຫຼັກແຫຼມຢູ່ຕະຫຼອດເວລາ ກໍ່ຕ້ອງໝັ່ນຝຶກຝົນໃຊ້ສະໝອງຢູ່ເລື່ອຍໆ ເຊັ່ນກັນ;

  • ຄະນິດສາດ ຊ່ວຍໃນການຈັດການດ້ານການເງິນ, ແນ່ນອນແລ້ວວ່າ ເລື່ອງຂອງການເງິນ ການບັນຊີນັ້ນກ່ຽວຂ້ອງກັບຄະນິດສາດໂດຍກົງ, ເປັນເຄື່ອງມືທີ່ຈະເຮັດໃຫ້ທ່ານສາມາດເກັບທ້ອນເງິນທີ່ຫາມາໄດ້ຢ່າງລຳບາກ ເພື່ອເປັນທຶນຮອນໃນການໃຊ້ຊີວິດໃນອະນາຄົດ. ຫາກຄຳນວນບັນຊີລາຍຮັບລາຍຈ່າຍ ກໍ່ສາມາດຮູ້ໄດ້ວ່າສະຖານະທາງການເງິນຂອງເຮົາ ປັດຈຸບັນເປັນແນວໃດ, ສາມາດເຮັດຫຍັງໄດ້ແດ່, ຈະໃຊ້ຈ່າຍແນວໃດເພື່ອໃຫ້ລາຍຮັບ - ລາຍຈ່າຍສົມດຸນກັນ ແລະ ບໍ່ເກີດເປັນໜີ້ສະສົມ. ຫາກຕ້ອງການລົງທຶນ ກໍ່ຕ້ອງອາໄສຄວາມຮູ້ດ້ານຄະນິດສາດເຊັ່ນເຄີຍໃນການຄຳນວນ ຄາດກະ ແລະ ວິເຄາະຂໍ້ມູນປະກອບການຕັດສິນໃຈໃນການລົງທຶນໃດໜຶ່ງ;


    ພາບ: Antoine Dautry https://unsplash.com/photos/_zsL306fDck

  • ຄະນິດສາດ ຊ່ວຍພັດທະນາການເຮັດວຽກ ແລະ ສ້າງໂອກາດໃນອະນາຄົດ. ດັ່ງທີ່ກ່າວໄວ້ຂ້າງເທິງແລ້ວວ່າ ຄະນິດສາດເປັນສ່ວນໜຶ່ງຂອງທຸກໆ ສາຂາວິຊາ, ຫາກມີການນຳໃຊ້ຢ່າງຖືກຕ້ອງ ຈະເຮັດໃຫ້ການປະຕິບັດວຽກງານນັ້ນມີປະສິດທິພາບຫຼາຍຂຶ້ນ, ສາມາດເຮັດວຽກໄດ້ຫຼາຍຂຶ້ນ ໃນເວລາ ແລະ ແຮງງານຄົນເທົ່າເດີມ. ແນ່ນອນວ່າ ຫາກເຮັດວຽກໄດ້ດີ, ໂອກາດທີ່ຈະກ້າວໜ້າໃນໜ້າທີ່ການງານກໍ່ເພີ່ມສູງຂຶ້ນ. ການທີ່ເຮົາຮຽນຮູ້ຄະນິດສາດໄດ້ດີ ມັນຍັງຊ່ວຍໃຫ້ເຮົາສາມາດຝຶກຝົນທັກສະດ້ານອື່ນໆ ໄດ້ງ່າຍຂຶ້ນ ເຮັດໃຫ້ເປັນຊ່ອງທາງໃນການນຳໄປປະຍຸກໃຫ້ເໝາະສົມກັບໜ້າທີ່ວຽກງານ ຫຼື ການປ່ຽນໜ້າວຽກໄປເລີຍກໍ່ບໍ່ແມ່ນບັນຫາອີກຕໍ່ໄປ; 
  • ຄະນິດສາດ ຊ່ວຍໃນເລື່ອງການຈັດການເວລາ, ເວລາ ເປັນສິ່ງທີ່ມີຄ່າ ແລະ ເປັນສິ່ງທີ່ຄົນໃນສັງຄົມຄວນຮັກສາໃຫ້ໄດ້, ການຜິດນັດ ຫຼື ມາຊ້າ ເປັນສິ່ງທີ່ຄວນຫຼີກຫຼ່ຽງໃນທຸກໆ ວາລະໂອກາດ. ໃນຂະນະທີ່ປັດຈຸບັນນີ້ ບັນຫາລົດຕິດເປັນບັນຫາໃນທົ່ວໂລກ ບໍ່ເວັ້ນແມ່ນແຕ່ໃນປະເທດລາວເຮົາ. ຫາກມີການຄິດ ຄຳນວນດ້ວຍຂໍ້ມູນທີ່ມີຢູ່ແລ້ວ, ຈະສາມາດໃຊ້ເວລາ ແລະ ໄລຍະທາງໃນການເດີນທາງໜ້ອຍລົງໄປຫຼາຍ. ບໍ່ແມ່ນແຕ່ສະເພາະເລື່ອງຂອງການເດີນທາງ ຄະນິດສາດຍັງສາມາດແກ້ໄຂຂະບວນການເຮັດວຽກດ້ານຕ່າງໆ ໃຫ້ຫຼຸດລົງທັງເວລາ ແລະ ແຮງງານຄົນ (Optimization) ອີກດ້ວຍ; 

  • ຄະນິດສາດ ຊ່ວຍໃຫ້ເຮົາເຂົ້າໃຈໂລກໄດ້ດີຂຶ້ນ, ດ້ວຍຄະນິດສາດ ເຮົາສາມາດຮຽນຮູ້ ແລະ ສຶກສາປາກົດການຕ່າງໆ ທີ່ເກີດຂຶ້ນເທິງໂລກເຮົາໄດ້ ສາມາດພະຍາກອນສິ່ງທີ່ອາດຈະເກີດຂຶ້ນໄດ້ລ່ວງໜ້າ, ສາມາດສຶກສາຜົນກະທົບ ແລະ ຫຼີກຫຼ່ຽງໄພອັນຕະລາຍໄດ້ດ້ວຍການວິເຄາະຂໍ້ມູນທາງສະຖິຕິ, ການຕິດຕາມຂໍ້ມູນປັດຈຸບັນທີ່ບັນທຶກໄດ້ຈາກເຊັນເຊີຕ່າງໆ (Real-time sensor monitoring). ນອກນັ້ນ ຄະນິດສາດຍັງສາມາດເຮັດໃຫ້ຄົນເຮົາເຂົ້າໃຈໄດ້ເຊິ່ງການເກີດ - ດັບໄປຂອງສິ່ງທີ່ມີຊີວິດໃນໂລກ ແລະ ອື່ນໆ ອີກຫຼາຍ. 

ເອົາລະພໍກ່ອນ ຂຽນຫຼາຍດຽວເພື່ອນໆ ຈະເຫງົານອນໄປກ່ອນ, ທີ່ຍົກມານັ້ນ ເປັນພຽງສ່ວນນ້ອຍໆ ຂອງປະໂຫຍດທີ່ໄດ້ຮັບຈາກຄະນິດສາດ. ເຫັນບໍ່ວ່າ ຄະນິດສາດ ນັ້ນສຳຄັນກັບການໃຊ້ຊີວິດຂອງເຮົາຂະໜາດໃດ, ສຳລັບນ້ອງໆ ທີ່ບໍ່ມັກຄະນິດສາດ ກໍ່ລອງຫາທາງອື່ນໃນການຮຽນຮູ້ຄະນິດສາດ ເຊັ່ນ: ການຮຽນຮູ້ຄະນິດສາດຜ່ານການຫຼິ້ນກີລາ, ຜ່ານການຫຼິ້ນເກມ, ຜ່ານການສ້າງສັນງານສິນລະປະ ເປັນຕົ້ນ. 

ສຳລັບໝູ່ເພື່ອນທ່ານໃດຫາກມີເຕັກນິກການຮຽນຄະນິດສາດໃຫ້ມ່ວນ ບໍ່ໜ້າເບື່ອ ສາມາດແບ່ງປັນກັບພວກເຮົາໄດ້ ເພື່ອເປັນແນວທາງໃຫ້ແກ່ນ້ອງໆ ທີ່ຈະເປັນຕົວຂັບເຄື່ອນປະເທດເຮົາໃນອະນາຄົດ.  

ຂຽນໂດຍ: Nilavath 

ແຫຼ່ງອ້າງອີງ: 

Advertisement Replay Ad
ກວດຜົນຫວຍລາວງວດນີ້ (10 ສິງຫາ 2020) ຖືກ ຫຼື ບໍ່? ກົດເບິ່ງເລີຍ!

ກວດຜົນຫວຍລາວງວດນີ້ (10 ສິງຫາ 2020) ຖືກ ຫຼື ບໍ່? ກົດເບິ່ງເລີຍ!

10 ແຫຼ່ງທ່ອງທ່ຽວໃນອາຊຽນທີ່ບໍ່ຄວນມອງຂ້າມ ​ຫຼັງໂຄວິດ-19 ຄັ້ງໜຶ່ງໃນຊີວິດຕ້ອງໄປໃຫ້ໄດ້

10 ແຫຼ່ງທ່ອງທ່ຽວໃນອາຊຽນທີ່ບໍ່ຄວນມອງຂ້າມ ​ຫຼັງໂຄວິດ-19 ຄັ້ງໜຶ່ງໃນຊີວິດຕ້ອງໄປໃຫ້ໄດ້

ປະຕິກິລິຍາຂອງຜູ້ນຳໂລກຕໍ່ເຫດລະເບີດຢູ່ເບຣຸດ  ໃຜເປັນເຈົ້າຂອງສານເຄມີ  ໃຜຮັບຜິດຊອບຄວາມເສຍຫາຍ?

ປະຕິກິລິຍາຂອງຜູ້ນຳໂລກຕໍ່ເຫດລະເບີດຢູ່ເບຣຸດ ໃຜເປັນເຈົ້າຂອງສານເຄມີ ໃຜຮັບຜິດຊອບຄວາມເສຍຫາຍ?

ເຫດຜົນທີ່ຄັ້ງໜຶ່ງໃນຊີວິດເຮົາຕ້ອງໄປເປັນນັກຮຽນເເລກປ່ຽນຢູ່ຕ່າງປະເທດ

ເຫດຜົນທີ່ຄັ້ງໜຶ່ງໃນຊີວິດເຮົາຕ້ອງໄປເປັນນັກຮຽນເເລກປ່ຽນຢູ່ຕ່າງປະເທດ

COVID-19: Fast Track ແມ່ນຫຍັງ? ຕອນນີ້ຈັດຕັ້ງປະຕິບັດ ຫຼື ຍັງ?

COVID-19: Fast Track ແມ່ນຫຍັງ? ຕອນນີ້ຈັດຕັ້ງປະຕິບັດ ຫຼື ຍັງ?

ດື່ມເຫຼົ້າ ຫຼື ເບຍແລ້ວໜ້າແດງ ເກີດຈາກຫຍັງ? ເປັນອັນຕະລາຍບໍ? ແດງສະເພາະຄົນເລືອດກຣຸບໂອບໍ?

ດື່ມເຫຼົ້າ ຫຼື ເບຍແລ້ວໜ້າແດງ ເກີດຈາກຫຍັງ? ເປັນອັນຕະລາຍບໍ? ແດງສະເພາະຄົນເລືອດກຣຸບໂອບໍ?

ຄວນເລືອກແນວທາງຊີວິດແນວໃດໃຫ້ເໝາະສົມກັບເຮົາ?

ຄວນເລືອກແນວທາງຊີວິດແນວໃດໃຫ້ເໝາະສົມກັບເຮົາ?

ເບື້ອງຫຼັງຄວາມຍາກງ່າຍຂອງການກວດຫາເຊື້ອ ໂຄວິດ-19 ໃນຫ້ອງທົດລອງ

ເບື້ອງຫຼັງຄວາມຍາກງ່າຍຂອງການກວດຫາເຊື້ອ ໂຄວິດ-19 ໃນຫ້ອງທົດລອງ

"ເບຍ" ບໍ່ໄດ້ມີແຕ່ຊະນິດດຽວ ຮູ້ ຫຼື ຍັງ?

"ເບຍ" ບໍ່ໄດ້ມີແຕ່ຊະນິດດຽວ ຮູ້ ຫຼື ຍັງ?

ຕົ້ນກຳເນີດ "ເຂົ້າຈີ່ປາເຕ້" ອາຫານເຊົ້າສຸດແຊບທີ່ຄົນລາວຄຸ້ນເຄີຍ

ຕົ້ນກຳເນີດ "ເຂົ້າຈີ່ປາເຕ້" ອາຫານເຊົ້າສຸດແຊບທີ່ຄົນລາວຄຸ້ນເຄີຍ

ແອວ 13.7 ນິ້ວ! Su Naing ສາວມຽນມາກຽມຊິງສະຖິຕິເຈົ້າຂອງເເອວນ້ອຍທີ່ສຸດໃນໂລກ

ແອວ 13.7 ນິ້ວ! Su Naing ສາວມຽນມາກຽມຊິງສະຖິຕິເຈົ້າຂອງເເອວນ້ອຍທີ່ສຸດໃນໂລກ

ກວດຜົນຫວຍລາວງວດນີ້ (6 ສິງຫາ 2020) ຖືກ ຫຼື ບໍ່? ກົດເບິ່ງເລີຍ!

ກວດຜົນຫວຍລາວງວດນີ້ (6 ສິງຫາ 2020) ຖືກ ຫຼື ບໍ່? ກົດເບິ່ງເລີຍ!

ຄົນຈະດັງຊ່ວຍບໍ່ໄດ້ ບ່າວອິນໂດອັດຄລິບນັ່ງຢູ່ຊື່ໆຍາວ 2 ຊົ່ວໂມງປາຍ ຄົນແຫ່ເຂົ້າເບິ່ງເກືອບ 3 ລ້ານເທື່ອ

ຄົນຈະດັງຊ່ວຍບໍ່ໄດ້ ບ່າວອິນໂດອັດຄລິບນັ່ງຢູ່ຊື່ໆຍາວ 2 ຊົ່ວໂມງປາຍ ຄົນແຫ່ເຂົ້າເບິ່ງເກືອບ 3 ລ້ານເທື່ອ

ເຫດລະເບີດຄັ້ງຮ້າຍແຮງຢູ່ເລບານອນສ້າງຄວາມເສຍຫາຍຫຼາຍເທົ່າໃດ?

ເຫດລະເບີດຄັ້ງຮ້າຍແຮງຢູ່ເລບານອນສ້າງຄວາມເສຍຫາຍຫຼາຍເທົ່າໃດ?

ເຂົ້າ-ອອກປະເທດຕັ້ງແຕ່ 1 ສິງຫາເປັນຕົ້ນໄປຕ້ອງເຮັດແນວໃດ? ຈຳກັດບໍລິເວນມີຄ່າໃຊ້ຈ່າຍບໍ່? ເຮົາມີຄຳຕອບ

ເຂົ້າ-ອອກປະເທດຕັ້ງແຕ່ 1 ສິງຫາເປັນຕົ້ນໄປຕ້ອງເຮັດແນວໃດ? ຈຳກັດບໍລິເວນມີຄ່າໃຊ້ຈ່າຍບໍ່? ເຮົາມີຄຳຕອບ

ໄປເຊັນເອກະສານຢູ່ຫ້ອງການບ້ານ ເສຍເງິນເທົ່າໃດ?

ໄປເຊັນເອກະສານຢູ່ຫ້ອງການບ້ານ ເສຍເງິນເທົ່າໃດ?

"ເສືອໂຄ່ງ" ເຫຼືອຢູ່ໃນລາວຫຼາຍປານໃດ ຫຼື ວ່າສັດຊະນິດນີ້ຈະເຫຼືອໄວ້ພຽງແຕ່ຊື່?

"ເສືອໂຄ່ງ" ເຫຼືອຢູ່ໃນລາວຫຼາຍປານໃດ ຫຼື ວ່າສັດຊະນິດນີ້ຈະເຫຼືອໄວ້ພຽງແຕ່ຊື່?

ກວດຜົນຫວຍງວດວັນທີ 3 ສິງຫາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດຜົນຫວຍງວດວັນທີ 3 ສິງຫາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ມາຮູ້ຈັກກັບຄຳວ່າ "ຮິກິໂກະໂມະຣິ (Hikikomori)" ອາການຂອງຄົນທີ່ "ແຍກໂຕຈາກສັງຄົມ"

ມາຮູ້ຈັກກັບຄຳວ່າ "ຮິກິໂກະໂມະຣິ (Hikikomori)" ອາການຂອງຄົນທີ່ "ແຍກໂຕຈາກສັງຄົມ"

ບົດສຳພາດ ກິສັນ ຈັນທີ ນັກຮ້ອງສຽງດີ ດີກຣີນັກຮຽນເກັ່ງຜູ້ໄດ້ຮັບທຶນ HONDA Y-E-S Award 2019

ບົດສຳພາດ ກິສັນ ຈັນທີ ນັກຮ້ອງສຽງດີ ດີກຣີນັກຮຽນເກັ່ງຜູ້ໄດ້ຮັບທຶນ HONDA Y-E-S Award 2019

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ