ລວມພາບໜ້າຮັກຂອງໜຸ່ມ "ຕ່າຍ ອາກາດ" ແລະ ແຟນສາວ "ສຽວອີ້" ຫວານສຸດ 5 ປີທີ່ຄອງຮັກ!

ຫວານຈົນຫລາຍຄົນອິດສາ ​ເຮົາມາຮູ້ຈັກກັບໜຸ່ມ "​ຕ່າຍ ອາ​ກາດ" ນັກ​ຮ້ອງ​ສຽງ​ຄຸນ​ນະ​ພາບ ເຈົ້າ​ຂອງ​ຜົນ​ງານ​ເພງ "ເຈົ້າ​ບໍ່​ແມ່ນ​ອາ​ກາດ" ແລະ ອີກຫຼາຍໆ​ເພງ​ທີ່​ມ່ວນ ​ທີ່ຕິ​ດ​ທັອບ​ຕະຫຼອດ ແລະ ເພງ​ທີ່​ກຳ​ລັງ​ດັງ​ຮິດທົ່ວບ້ານທົ່ວເມືອງກໍຄື: "ເພງ ພ​າບ​ເຄື່ອນ​ໄຫວ"​ ໂດຍຫຼ້າສຸດໜຸ່ມຕ່າຍໄດ້ປ່ອຍຜົນງານເພງໃໝ່ ເຈົ້າບໍ່ແມ່ນໂອກາດ ເວີຊັນໄທ ເພື່ອຂະຫຍາຍຕະຫຼາດຜູ້ຟັງ. ນອກນັ້ນໜຸ່ມຕ່າຍຍັງສະແດງເອັມວີເພງໃຫ້ໜຸ່ມໂອລ້າ ວົງ BLACK EYES ນຳອີກດ້ວຍທີ່ມີຊື່ວ່າຄົນລະຟ້າ.

ນອກຈາກເຮັດໜ້າທີ່ເປັນສິລະປິນທີ່ດີແລ້ວ, ໃນບົດບາດຄວາມເປັນແຟນກໍດີບໍ່ແພ້ກັນເລີຍ ເຖິງຈະຫວານຜ່ານສື່ບໍ່ຕະຫຼອດ ແຕ່ມື້ສຳຄັນທັງ 2 ກໍບໍ່ພາດທີ່ຈະອັບຮູບໂຊລົງຄວາມຫວານ! ເພາະໜຸ່ມຕ່າຍ ແລະ ແຟນສາວຍັງມີອີກ​ມຸມ​ຊຶ້ງໆ​ຫວານ​ໆ, ເຮັດໃຫ້ແຟນຄລັບຟິນກະຈາຍເລີຍແຫຼະ! ເຊິ່ງທີມງານມ່ວນໄດ້ນຳເອົາພາບຂອງທັງ 2 ມາຝາກທຸກຄົນນຳທີ່ອາລະບໍ້າດ້ານລຸ່ມເດີ້! ເຊິ່ງ​ໃນໄລຍະທີ່ຜ່ານມາບໍ່​ໄດ້​ເຄື່ອນ​ໄຫວ ຫຼື ອອກ​ໄປ​ໃສ ທາງ​ແຟນ​ສາວ​ໜຸ່ມ​ຕ່າຍ ກໍ​ໄດ້​ໂພ​ສ​ຄວາມ​ຮູ້​ສຶກດີໆ ເຊິ່ງ​ບໍ່​ຮູ້​ວ່າ​ເປັນ​ວັນ​ຄົບ​ຮອບຫຼືບໍ່? ແຕ່​ອ່ານ​ເບິ່ງ​ແລ້ວ ກໍ​ເປັນ​ກຳ​ລັງ​ໃຈ​ດີໆ​ໃຫ້​ກັບ​ໜຸ່ມ​ຕ່າຍ ແລະ ຄົນ​ອື່ນໆ​ໄດ້.

ທາງສາວ "ສຽວ​ອີ້" ແຟນ​ສາວ​ຂອ​ງໜຸ່ມ​ຕ່າຍ​ກໍເຄີຍໂພ​ສ​ຮູບ​ຄູ່ ໂດຍ​ໃສ່​ປີ​ໃນ​ແຕ່​ລະ​ຮູບ​ແລ້ວ​ເອົ​າ​ມາ​ຕໍ່​ກັນ ພ້ອມ​ຄຳ​ບັນ​ຍາຍ​ວ່າ: “ຈາກມື້ນັ້ນສູ່ມື້ນີ້ 2016 – 2020” ສິ່ງສໍາຄັນຄືຄວາມເຂົ້າໃຈ, ໃສ່ໃຈ, ຫ່ວງໃຍ, ເຫັນໃຈ ແລະ ພະຍາຍາມເຮັດໃຫ້ນ້ອງທຸກຢ່າງຈຶ່ງມີຮອດທຸກມື້ນີ້ຂອບໃຈທີ່ຢູ່ຄຽງຂ້າງ, ຊ່ວຍເປັນກໍາລັງໃຈ, ໃຫ້ຄໍາປຶກສາ, ຊ່ວຍເຫຼືອເບິ່ງແຍງນ້ອງຕະຫຼອດມາ,​ ຜ່ານຮ້ອນຜ່ານໜາວຜ່ານທຸກເທດສະການທຸກໄລຍະເວລາໄປນໍາກັນແລະຂອບໃຈທີ່ເປັນໄຟແຍງທາງ ໃນມື້ທີ່ນ້ອງທຸກໃຈ ແຕ່ກໍຍັງມີແສງສະຫວ່າງສະເໝີ.

ບໍ່​ມີ​ຫຍັງຫຼາຍ​ເຫັນ​ແລ້ວ ກໍ​ອິດ​ສາ 55 ຂໍ​ໃຫ້​ທັງສອງຄອງຮັກ​ກັນ​ໄປ​ຕະຫຼອດ​ເດີ້ ແລະ ສາມາດຜ່ານອຸປະສັກ​ໄປ​ນຳ​ກັນໄດ້ ລວ​ມ​ທັງ​ຄູ່ຮັກຄູ່ອື່ນໆອີກດ້ວຍ.

ສາມາດຕິດຕາມໄດ້ທີ່ເຟສບຸກໜຸ່ມຕ່າຍໄດ້ທີ່: Facebook: Khounkham Taiy Akard ຫຼື ທີ່ລິ້ງ https://www.facebook.com/taiy.sittiyom/photos

ສາມາດຕິດຕາມສາວສຽວອີ້ໄດ້ທີ່: Facebook: Xiaoey Sinthasone ຫຼື ທີ່ລິ້ງ: https://www.facebook.com/xiaoey.sinthasone