ສາວໝັ້ນຄິດບວກ ຕຸກ The WOW Laos ກ້າວຜ່ານຄຳເວົ້າ Bully ເປັນຄົນໃໝ່ທີ່ດີກວ່າ

ຕຸກສາວໝັ້ນນາງແບບຊື່ດັງຂອງວົງການບັນເທີງລາວ ຫຼື ຮູ້ຈັກກັນດີໃນນາມສາວຕຸກ The WOW Laos ນັບມື້ຍິ່ງງາມ ແລະ ເຊັກຊີ່ເວີ້. ແຕ່ກ່ອນຈະເປັນສາວຕຸກຄືທຸກມື້ນີ້ຕ້ອງຜ່ານການຖືກຂົ່ມເຫງທາງຄຳເວົ້ານັບບໍ່ຖ້ວນ, ຖືກກະແສໂຈມຕີດຣາມານັບບໍ່ໜ້ອຍ ແຕ່ແມ່ນຫຍັງຄືຈຸດປ່ຽນທີ່ເຮັດສາວຄົນນີ້ກາຍເປັນຄົນທີ່ກ້າສະແດງອອກ ແລະ ສາມາດກ້າວສູ່ຄວາມຝັນໂດຍຜ່ານຄຳເວົ້າເຫຼົ່ານັ້ນໄປໄດ້? ບົດຄວາມນີ້ຄືຄຳຕອບທີ່ຈະພາໃຫ້ທ່ານຮູ້ຈັກກັບ ຕຸກ The WOW Laos.

ສາວຕຸກໄດ້ໃຫ້ສຳພາດກັບທີມງານບັນເທີງຂ່າວມ່ວນວ່າກວ່າຈະເປັນຕຸກໃນມື້ນີ້ໄດ້ຜ່ານຄຳດູໝິ່ນມາຈາກສັງຄົມ ແລະ ຄົນອ້ອມຂ້າງມາຫຼາຍ. ເລີ່ມຈາກຊີວິດຕອນເດັກ ສາວຕຸກເປັນຄົນໜຶ່ງທີ່ມັກເຕັ້ນ, ຟ້ອນ, ເດີນແບບ ແຕ່ດ້ວຍຄວາມທີ່ເປັນຄົນຂີ້ຮ້າຍ ເລີຍຖືກເວົ້າສຽດສີ ຖືກຂົ່ມເຫງມາຕັ້ງແຕ່ນ້ອຍ ບໍ່ວ່າຈະເປັນຄຳເວົ້າເຊັ່ນວ່າ: ດຳຕັບເປັດ, ແກ້ວຫນ້າມ້າ, ເຈີງ ເປັນຕົ້ນ. ມັນເລີຍເຮັດໃຫ້ສາວຕຸກກາຍເປັນຄົນທີ່ເວົ້າຫນ້ອຍ, ບໍ່ກ້າສະແດງອອກ ແລະ ເປັນຄົນຂີ້ອາຍ. ພ້ອມທັງສາວຕຸກຍັງໄດ້ບອກຕື່ມອີກວ່າການບູລີ້ (Bully) ນີ້ຖືກຕັ້ງແຕ່ປະຖົມຈົນຮອດເຂົ້າຮຽນມະຫາວິທະຍາໄລ ໄລຍະເວລານັ້ນຄືໄລຍະທີ່ອ່ອນແອທີ່ສຸດ. ສາວຕຸກຍັງເຜີຍວ່າຕົນເອງຮ້ອງໄຫ້ຕະຫລອດ ຍ້ອນຄຳເວົ້າພວກນັ້ນ ຖືວ່າຫນັກຫນ່ວງຫລາຍກວ່າຈະຜ່ານຈຸດນັ້ນມາ ແລະ ຕ້ອງມີຄວາມພະຍາຍາມຫລາຍກວ່າຄົນອື່ນເຮົາຈຶ່ງຈະມີມື້ນີ້ໄດ້. ພວກເຮົາຂໍເປັນກຳລັງໃໜຶ່ງໃຫ້ສາຕຸກຄືກັນເດີ້!

ໃນຖານະທີ່ຕຸກເປັນຄົນຫນຶ່ງທີ່ຫມັ້ນໃຈໃນໂຕເອງ ເປັນໄອດໍ້ຂອງຄວາມກ້າສະແດງອອກ ແລະ ສາວໝັ້ນໃຫ້ແກ່ຫຼາຍໆຄົນມີວິທີຮັບມືຈາກຄຳເວົ້າຂົ່ມເຫງແນວໃດ?

ສາວຕຸກໄດ້ໃຫ້ສຳພາດວ່າ ເມື່ອເວົ້າເຖິງການຂ້າມຜ່ານການບູລີ້ມັນຍາກ ແລະ ທໍ້ຫລາຍ ແຕ່ຈຸດເລີ່ມຕົ້ນຄືຢູ່ທີ່ໂຕເຮົາເອງ ເຮົາຕ້ອງປ່ຽນຄວາມຄິດເຮົາເອງກ່ອນ, ຄົນໃຫ້ກຳລັງໃຈເຮົາກໍມີ. ສະນັ້ນຕຸກຢາກໃຫ້ໂຟກັສທີ່ຄວາມຄິດບວກຫລາຍກວ່າລົບ ໃຜທີ່ຂົ່ມເຫງເຮົາຢ່າເກັບມາຄິດ, ມັນບໍ່ມີປະໂຫຍດກັບຊີວິດເຮົາ ສຳຄັນທີ່ເຮົາຕ້ອງປະຕິບັດລົງມືເຮັດ ເພື່ອພິສູດໃຫ້ຄົນທີ່ຂົ່ມເຫງເຮົາເຫັນວ່າ "ເຮົາເຮັດມັນໄດ້ດ້ວຍຄວາມສາມາດຂອງເຮົາ ແລະ ຢູ່ກັບສິ່ງທີ່ເຮົາເປັນ (ປົມດ້ອຍ) ໃຫ້ຄຽງຄູ່ໄປນຳກັນໄດ້. ການຮັບມືສະບັບຕຸກ The WOW Laos ໃນປະເດັນຄຳເວົ້າບູລີ້ຂອງຄົນອື່ນຄື ຢ່າໄປໃສ່ໃຈມາເກັບໄປຄິດ, ປາກຄົນຫ້າມກັນບໍ່ໄດ້ ສະນັ້ນຕຸກແນະນຳໃຫ້ເຮົາເຮັດໃນສ່ວນຂອງເຮົາໃຫ້ດີທີ່ສຸດກໍພໍ ກຳລັງໃຈຍອມມີຈາກຄົນອ້ອມຂ້າງ ແລ້ວມື້ຫນຶ່ງເຈົ້າຈະເຮັດໃຫ້ຄົນທີ່ບູລີ້ເຈົ້າ ຍອມຮັບໃນຄວາມສາມາດຂອງເຈົ້າ. ຂໍແຕ່ຢ່າຍອມແພ້ ເມື່ອຍກໍພັກແລ້ວຍ່າງຕໍ່ ເປັນກຳລັງໃຈໃຫ້ທຸກຄົນ.

ຫວັງວ່າຫຼາຍຄົນຄົງຈະໄດ້ຂໍ້ຄິດດີໆນຳໄປປັບໃຊ້, ເພື່ອກ້າວຜ່ານສິ່ງທີ່ທຳຮ້າຍຈິດໃຈ ປ່ຽນເປັນພະລັງບວກໃຫ້ຕົນເຮົາເອງມີຄວາມສຸກເດີ້!

ພາມາອັບເດດຄວາມງາມຂອງສາວຕຸກກັນແດ່ ທີ່ນັບວັນຍິ່ງງາມ ແລະ ເຊັກຊີ່ຂຶ້ນເປັນພິເສດ. ເຊິ່ງຕຸກໃຫ້ສຳພາດວ່າຕຸກມີຄວາມຄິດບວກບໍ່ຄຽດເກີນໄປ ເປັນຄົນອາລົມດີແດ່ , ແລະ ອີກຢ່າງປັດຈຸບັນສາວຕຸກຈັດແຂ້ວ ແລະ ເສີມດັງ ເລີຍເບິ່ງຕ່າງຈາກເກົ່າຫນ້ອຍຫນຶ່ງ.

ເຖິງຢ່າງໃດກໍຍັງງາມ ແລະ ເລີດເດີ້! ສຳລັບຜົນງານໃຫມ່ຖ້າລຸ້ນກັນກ່ອນ ເພາະເນື່ອງຈາກໂຄວິດ-19, ພ້ອມຝາກຕິດຕາມໃນລາຍການຫມາກນັດພາລົມໃນໄວໆນີ້ ພ້ອມຜົນງານເກົ່າໆທຸກຄົນສາມາດຕິດຕາມຍ້ອນຫລັງໄດ້ ໃກ້ຫາຍຄິດຮອດ, ຄິດເຖິງ. ອີກໜຶ່ງຢ່າງທີ່ສາວຕຸກຢາກບອກກັບແຟນຄລັບຄືຢາກຂອບໃຈແຟນຄັບທຸກໆຄົນ ບໍ່ວ່າຈະຄົນລາວ ແລະ ຄົນໄທ ຖ້າບໍ່ມີແຟນຄລັບທີ່ຄ່ອຍສະຫນັບສະຫນຸນກໍບໍ່ມີ ຕຸກ The WOW ໃນມື້ນີ້. ໃຜຢາກຝາກໂຕເປັນແຟນຄລັບອີກຄົນ ສາມາດຕິດຕາມຜົນງານສາວຕຸກໄດ້ທີ່ລິ້ງເຟສບຸກສ່ວນຕົວຕຸກເລີຍ https://www.facebook.com/malavone.singthongpadith?epa=SEARCH_BOX