ວັນເສົາ ທີ 18 ກັນຍາ 2021

ເຜີຍບັນດາມາດຕະການຈຸດສຸມ 6 ເດືອນທ້າຍປີທີ່ລັດຖະບານຈະປະຕິບັດ ເພື່ອພັດທະນາເສດຖະກິດ-ສັງຄົມຂອງປະເທດ

ເຜີຍບັນດາມາດຕະການຈຸດສຸມ 6 ເດືອນທ້າຍປີທີ່ລັດຖະບານຈະປະຕິບັດ ເພື່ອພັດທະນາເສດຖະກິດ-ສັງຄົມຂອງປະເທດ
S! Muan

ສະໜັບສະໜູນເນື້ອຫາ

ໃນໄລຍະ 6 ເດືອນທ້າຍປີນີ້ ລັດຖະບານຈະດຳເນີນວຽກງານພັດທະນາເສດຖະກິດ-ສັງຄົມ ຂອງປະເທດ ທ່າມກາງຄວາມສ່ຽງຂອງພະຍາດໂຄວິດ-19 ແນວໃດ? ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ສະເໜີມາດຕະການທີ່ຈະດຳເນີນໃນໄລຍະດັ່ງກ່າວຕໍ່ກັບເມື່ອບໍ່ດົນມານີ້.

ກອງປະຊຸມສະໄໝສາມັນຄັ້ງທີ 9 ຂອງສະພາແຫ່ງຊາດ ຊຸດທີ 8 ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 24 ມິຖຸນາ ໂດຍການເປັນປະທານຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ແລະ ໃຫ້ກຽດເຂົ້າຮ່ວມຂອງທ່ານ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານ ງານສູນກາງພັກ ປະທານປະເທດແຫ່ງ ສປປ ລາວ, ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາລັດຖະມົນຕີ, ຮອງລັດຖະມົນຕີ ແລະ ສະມາຊິກສະພາແຫ່ງຊາດເຂົ້າຮ່ວມ.

ໃນກອງປະຊຸມພາກເຊົ້າຂອງວັນທີ 24 ມິຖຸນາ 2020, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໄດ້ສະເໜີມາດຕະການຈຸດສຸມທີ່ຈະຈັດຕັ້ງປະຕິບັດໃນ 6 ເດືອນທ້າຍປີນີ້ ດັ່ງນີ້:

ມາດຕະການດ້ານການເງິນ ແລະ ເງິນຕາ: ສູ້ຊົນເກັບລາຍຮັບຈາກບັນດາຫົວໜ່ວຍທຸລະກິດທີ່ບໍ່ຖືກກະທົບຫຼາຍປານໃດຈາກພະຍາດໂຄວິດ-19 ແລະ ຫົວໜ່ວຍອື່ນໆພາຍຫຼັງທີ່ມາດຕະການຜ່ອນຄາຍໄດ້ຄົບຖ້ວນຕາມກົດໝາຍໄດ້ກຳນົດຢ່າງເຂັ້ມງວດ ແລະ ປະຕິບັດລາຍຈ່າຍທີ່ຈຳເປັນໃຫ້ໄດ້ຕາມແຜນ ລວມທັງສືບຕໍ່ຊຳລະໃຫ້ແກ່ການລົງທຶນຂອງລັດເພື່ອສ້າງສະພາບຄ່ອງໃນການດຳເນີນທຸລະກິດ ແລະ ການຈ້າງງານຂອງທຸກພາກສ່ວນໃນສັງຄົມ; ສືບຕໍ່ຫັນລະບົບເກັບລາຍຮັບງົບປະມານໃຫ້ເປັນທັນສະໄໝໃຫ້ຫຼາຍຂຶ້ນ ໂດຍສືບຕໍ່ລະບົບທະນາຄານຢ່າງກວ້າງຂວາງເພື່ອຫຼຸດຜ່ອນການຮົ່ວໄຫຼຂອງງົບປະມານ; ສືບຕໍ່ສຶກສາອົບຮົມການເມືອງແນວຄິດ, ກວດກາ ແລະ ປະຕິບັດການລົງວິໄນຕໍ່ພະນັກງານທີ່ເຮັດຜິດກົດໝາຍ ແລະ ລະບຽບການ. ປັບປຸງການຈັດຕັ້ງຢູ່ຫົວໜ່ວຍເກັບ ແລະ ຄຸ້ມຄອງລາຍຮັບ, ກະຊວງການເງິນໄດ້ອອກລະບຽບການສະເພາະເພີ່ມເຕີມ ເພື່ອສະກັດກັ້ນ ແລະ ແກ້ໄຂປະກົດການຫຍໍ້ທໍ້ຢູ່ກົງຈັກຂອງກະຊວງ. ສືບຕໍ່ປະຢັດ-ຈຳກັດລາຍຈ່າຍທີ່ເປັນເງິນຕາຕ່າງປະເທດທີ່ສາມາດປະຕິບັດໄດ້ ແລະ ຄົ້ນຄວ້າຊອກແຫຼ່ງທຶນລາຍຮັບເພື່ອເພີ່ມຄັງສຳຮອງເງິນຕາຕ່າງປະເທດໂດຍການສົ່ງເສີມການສົ່ງອອກ-ຈຳກັດການນຳເຂົ້າສິນຄ້າຟຸມເຟືອຍ ແລະ ສົ່ງເສີມການຊົມໃຊ້ສິນຄ້າທີ່ຜະລິດພາຍໃນປະເທດຂອງເຮົາໃຫ້ຫຼາຍຂຶ້ນ. ສືບຕໍ່ກວດກາບັນດາໂຄງການລົງທຶນຂອງລັດໃຫ້ສຳເລັດ ແລະ ຕໍ່ລອງບັນດາມູນຄ່າໃຫ້ຖືກຄວາມເປັນຈິງ ເປັນທຳ ໃຫ້ສຳເລັດເປັນຮູບປະທຳໄວ.

ສືບຕໍ່ແກ້ໄຂໜີ້ສິນສາທາລະນະທີ່ມີຍຸດທະສາດທີ່ມີຍຸດທະສາດໂດຍນຳໃຊ້ມາດຕະການໄລຍະສັ້ນ, ໄລຍະກາງ ແລະ ໄລຍະຍາວ ເປັນຕົ້ນແມ່ນຫຼຸດການຂາດດຸນງົບປະມານລົງເທື່ອລະກ້າວ. ຫັນໜີ້ສິນເປັນທຶນສຳລັບໂຄງການທີ່ຈຳເປັນ ທີ່ຕ້ອງກູ້ຢືມກໍຕ້ອງເຂັ້ມງວດໃນການປະເມີນປະສິດທິຜົນ ແລະ ມີຜົນຕອບແທນທາງດ້ານເສດຖະກິດແທ້. ປະເມີນຄວາມອາດສາມາດໃນການກູ້ຢືມໄລຍະກາງ ແລະ ໄລຍາວ, ການບໍລິຫານໜີ້ສິນດ້ວຍຄວາມລະມັດລະວັງ ແລະ ປະເມີນຄວາມສ່ຽງໃນອັດຕາແລກປ່ຽນສະກຸນເງິນກູ້ຢືມ, ຈຳນວນເງິນກູ້ຢືມ ແລະ ໄລຍະເວລາກູ້ຢືມ. ພ້ອມກັນນັ້ນກໍຕ້ອງສ້າງຄວາມເຊື່ອໝັ້ນຂອງຕະຫຼາດຕໍ່ການບໍລິຫານໜີ້ສິນຂອງລັດ ແລະ ຫັນການບໍລິຫານໜີ້ສິນດ້ວຍລະບົບທັນສະໄໝ ເພື່ອຫຼຸດຜ່ອນຄວາມສ່ຽງທາງດ້ານໜີ້ສິນລົງເທື່ອລະກ້າວ.

ຫຼຸດຜ່ອນການກູ້ຢືມທີ່ບໍ່ສ້າງມູນຄ່າເພີ່ມ ແລະ ບໍ່ມີຜົນຕອບແທນທາງດ້ານເສດຖະກິດ ດ້ວຍການຈຳກັດໂຄງການໃໝ່ທີ່ບໍ່ມີຜົນຕອບແທນທາງເສດຖະກິດທັງເປັນການຫຼຸດຜ່ອນການສ້າງໜີ້ໃໝ່, ສຸມໃສ່ການແກ້ໄຂໜີ້ສິນທີ່ຕິດພັນກັບການປ່ອຍສິນເຊື່ອຂອງທະນາຄານ ໂດຍສະເພາະແມ່ນໂຄງການທ້າງດ້ານໄພພິບັດທີ່ກາຍເປັນໜີ້ແກ່ຍາວມາຫຼາຍປີ. ສຳລັບຕົ້ນທຶນແມ່ນຕ້ອງເຍື້ອນອາຍຸໜີ້ອອກໄປໃນໄລຍະເວລາທີ່ເໝາະສົມໂດຍການກູ້ຢືມໃໝ່ມາບໍລິຫານໜີ້ເກົ່າ ໂດຍສະເພາະແມ່ນຮັບປະກັນການກູ້ຢືມທີ່ມີໄລຍະເວລາ ແລະ ເງື່ອນໄຂທີ່ເໝາະສົມ ແລະ ມີຄວາມອາດສາມາດດຸ່ນດ່ຽງໄດ້. ການເຈລະຈາຂໍເລື່ອນໜີ້ສິນຕາມນະໂຍບາຍຂອງຜູ້ໃຫ້ກູ້ນັ້ນ ກຳລັງສືບຕໍ່ ແລະ ຈະເປັນໄປໄດ້ໃນທາງບວກຫຼາຍພໍສົມຄວນໃນໄລຍະນີ້.

ສືບຕໍ່ປະຕິບັດນະໂຍບາຍເງິນຕາ ໂດຍຈະຄວບຄຸມປະລິມານເງິນໃຫ້ຂະຫຍາຍຕົວລະດັບບໍ່ເກີນ 20% ທຽບໃສ່ປີຜ່ານມາ. ຄວບຄຸມອັດຕາເງິນເຟີ້ໃຫ້ຢູ່ໃນລະດັບເໝາະສົມ, ອັດຕາແລກປ່ຽນເງິນກີບທຽບໃສ່ເງິນໂດລາສະຫະລັດ ຫຼື ເງິນບາດໃຫ້ມີຄວາມເໜັງຕີງປະມານ 5% ທຽບໃສ່ປີຜ່ານມາ. ຄັງຊຳລະເງິນຕາຕ່າງປະເທດໃຫ້ຢູ່ໃນລະດັບທີ່ສາມາດກຸ້ມການນຳເຂົ້າ 3 ເດືອນໃຫ້ໄດ້. ຊຸກຍູ້ໃຫ້ຍອດເງິນຝາກຂອງທະນາຄານທຸລະກິດຢູ່ໃນລະດັບ 58.43% ຂອງຈີດີພີ ແລະ ຍອດເງິນສິນເຊື່ອຂອງຂະແໜງທະນາຄານຢູ່ໃນລະດັບ 9.56% ຂອງຈີດີພີ.​ ພ້ອມນັ້ນກໍຄວບຄຸມອັດຕາສ່ວນໜີ້ບໍ່ເກີດດອກອອກຜົນໃຫ້ຢູ່ໃນລະດັບບໍ່ເກີນ 3%. ສືບຕໍ່ຄວບຄຸມອັດຕາເງິນເຟີ້ ແລະ ຮັບປະກັນສະຖຽນລະພາບຂອງຄ່າເງິນກີບຢ່າງເຂັ້ມງວດ. ບໍລິໂພກ ແລະ ນຳໃຊ້ຜະລິດຕະພັນຂອງລາວເຮົາໃຫ້ຫຼາຍຂຶ້ນ ເນັ້ນເລື່ອງການກະສິກຳສະອາດ.

ສົ່ງເສີມການຜະລິດເປັນສິນຄ້າ: ຊຸກຍູ້ການຜະລິດເປັນສິນຄ້າອະປຸໂພກ-ບໍລິໂພກ ເພື່ອຕອບສະໜອງຄວາມຕ້ອງການພາຍໃນ ແລະ ມີມາດຕະການຜ່ອນຜັນການນຳເຂົ້າ, ຄຸ້ມຄອງ ແລະ ດັດສົມລາຄາສິນຄ້າທີ່ມີຄວາມອ່ອນໄຫວຕໍ່ການດຳລົງຊີວິດຂອງປະຊາຊົນໃຫ້ສົມເຫດສົມຜົນ. ສືບຕໍ່ຈັດຕັ້ງປະຕິບັດມາດຕະການເພື່ອຊຸກຍູ້ສົ່ງເສີມ ແລະ ໃຫ້ຄຳແນະນຳໃຫ້ບັນດາຫົວໜ່ວຍທຸລະກິດຂະໜາດນ້ອຍ ແລະ ຂະໜາດກາງ, ປັບປຸງ ສ້າງເງື່ອນໄຂຄົບຖ້ວນໃຫ້ສາມາດເຂົ້າເຖິງແຫຼ່ງທຶນໃຫ້ສະດວກ ແລະ ວ່ອງໄວກວ່າເກົ່າ. ຊຸກຍູ້ການຜະລິດເຂົ້າ, ລ້ຽງງົວ ເພື່ອສົ່ງອອກໄປຈີນໃຫ້ຫຼາຍຂຶ້ນກວ່າເກົ່າ ຕາມທີ່ຈີນຮັບຮອງເອົາແລ້ວແມ່ນ 50,000 ໂຕນຕໍ່ປີ ສຳລັບເຂົ້າ ແລະ ງົວ 500,000 ໂຕຕໍ່ປີ ແຕ່ວ່າຕ້ອງໄດ້ສົ່ງເສີມການລົງທຶນຂະໜາດໃຫຍ່ຄົບວົງຈອນເພື່ອໃຫ້ລາວມີສິນຄ້າສົ່ງອອກຢ່າງແທ້ຈິງ.

ມາດຕະການຟື້ນຟູຂະແໜງການບໍລິການ ແລະ ທ່ອງທ່ຽວ: ສືບຕໍ່ປະຕິບັດນະໂຍບາຍຕາມທີ່ໄດ້ກຳນົດ, ຮີບຮ້ອນຄົ້ນຄວ້າພິຈາລະນາເພີ່ມເຕີມມາດຕະການເພື່ອກະຕຸ້ນການທ່ອງທ່ຽວພາຍໃນຂອງພວກເຮົາຄື "ລາວທ່ຽວລາວ" ໃຫ້ຫຼາຍຂຶ້ນ ເພື່ອກຽມພ້ອມໄວ້ດອງດູດເອົາການທ່ອງທ່ຽວຈາກຕ່າງປະເທດພາຍຫຼັງທີ່ພະຍາດໂຄວິດ-19ໄດ້ຖືກຄວບຄຸມໄດ້ໃນທົ່ວໂລກ. ສຸມໃສ່ປັບປຸງບໍລິການຂົນສົ່ງສິນຄ້າຜ່ານແດນໃຫ້ສະດວກ ແລະ ວ່ອງໄວໄປຕາມຫຼັກການຂອງສາກົນ ແລະ ມີການຕິດຕາມກວດກາແກ້ໄຂສິ່ງອັດຕັນຢູ່ເປັນປະຈຳ. ປັບປຸງຂັ້ນຕອນການບໍລິການ ແລະ ການອຳນວຍຄວາມສະດວກໃຫ້ແກ່ການນຳເຂົ້າ-ສົ່ງອອກສິນຄ້າຢູ່ບັນດາດ່ານຊາຍແດນໃຫ້ກະທັດຮັດ, ວ່ອງໄວ ແລະ ໂປ່ງໃສ. ຊຸກຍູ້ບັນດາໂຄງການລົງທຶນພັດທະນາທ່າບົກທີ່ໄດ້ອະນຸຍາດ ໃຫ້ມີຄວາມຄືບໜ້າ ແລະ ສຳເລັດຕາມແຜນ.

ມາດຕະການສົ່ງເສີມການລົງທຶນທັງພາຍໃນ ແລະ ຕ່າງປະເທດ: ສືບຕໍ່ຜັນຂະຫຍາຍ ແລະ ຈັດຕັ້ງປະຕິບັດຄຳສັ່ງສະບັບເລກທີ 02/ນຍ ແລະ ເລກທີ 03/ນຍ ເພື່ອແກ້ໄຂຂັ້ນຂອດ, ຕົວຊີ້ວັດ, ອຸປະສັກ ແລະ ດຶງດູດການລົງທຶນໃຫ້ດີຂຶ້ນ. ໃນໄລຍະທີ່ມີຄວາມຈຳເປັນຕ້ອງມີນະໂຍບາຍພິເສດ ຫຼື ນະໂຍບາຍໂຍະຍານຈຳນວນໜຶ່ງເພື່ອແກ່ງແຍ້ງດຶງດູດເອົາການລົງທຶນເຂົ້າປະເທດເຮົາ. ຊຸກຍູ້ຕິດຕາມໂຄງການໃຫຍ່ລະດັບຊາດທີ່ກຳລັງກໍ່ສ້າງ ແລະ ໂຄງການທີ່ເຊັນສັນຍາແລ້ວໃຫ້ໄດ້ຮັບການຈັດຕັ້ງປະຕິບັດ. ສືບຕໍ່ກວດກາຄືນໂຄງການລົງທຶນຂອງລັດໂດຍສະເພາະໂຄງການທີ່ມີມູນຄ່າສູງ, ສືບຕໍ່ປະຕິບັດຄຳສັ່ງເລກທີ 12/ນຍ ວ່າດ້ວຍ 8 ມາດຕະການຊຸກຍູ້ເສດຖະກິດ ແລະ ຕິດຕາມການຈັດຕັ້ງປະຕິບັດໂຄງການລົງທຶນຂະໜາດໃຫຍ່ເຊັ່ນ: ໂຄງການກໍ່ສ້າງທາງລົດໄຟ, ທາງດ່ວນ ຫຼື ເຂື່ອນໄຟຟ້າ ເປັນຕົ້ນ ໃຫ້ທັນກັບສັນຍາຊີ້ຂາຍກັບປະເທດເພື່ອນບ້ານ.

ມາດຕະການປັບປຸງລັດວິສາຫະກິດ: ສືບຕໍ່ກວດກາປັບປຸງລັດວິສາຫະກິດທີ່ເຄື່ອນໄຫວບໍ່ມີປະສິດທິຜົນ, ມີໜີ້ສິນຄຸມເຄືອຫຼາຍ, ຫຼຸບທຶນຕໍ່ເນື່ອງ ເພື່ອຈັດການບໍລິຫານ ແລະ ຈັດການໃຫ້ມີລະບົບ ແລະ ມີປະສິດທິຜົນກວ່າເກົ່າ. ຄົ້ນຄວ້າປັບປຸງລັດວິສາຫະກິດດ້ວຍຮູບແບບ ແລະ ຫຼາຍວິທີເຊັ່ນ: ການຫັນເປັນຮຸ້ນສ່ວນ, ການໂອນຮຸ້ນ ຫຼື ການຂາຍກິດຈະການ ແລະ ອື່ນໆ ເປັນແຕ່ລະກໍລະນີຕາມຄວາມເໝາະສົມ.

ມາດຕະການດ້ານວັດທະນະທຳ-ສັງຄົມ: ສືບຕໍ່ປັບປຸງຂະຫຍາຍລະບົບການຮຽນການສອນໂດຍນຳໃຊ້ລະບົບໄອທີໃຫ້ກວ້າງຂວາງ, ມີຄວາມພ້ອມ ແລະ ມີປະສິດທິຜົນ ແລະ ສືບຕໍ່ສ້າງຝຶກອົບຮົມແຮງງານລາວທີ່ມາຈາກຕ່າງປະເທດທີ່ກຳລັງເຮັດວຽກຢູ່ລາວໃຫ້ແຂງແຮງຂຶ້ນກວ່າເກົ່າ.

ມາດຕະການດ້ານວຽກງານພັດທະນາຊົນນະບົດ: ສືບຕໍ່ຍູ້ແຮງມາດຕະການຍຸດທະສາດກໍ່ສ້າງຮາກຖານການເມືອງພັດທະນາຊົນນະບົດ ລົບລ້າງຄວາມທຸກຍາກໃຫ້ເປັນຮູບປະທຳຫຼາຍກວ່າເກົ່າ; ໃຫ້ເປັນເຈົ້າການທຳການຜະລິດໃຫ້ມີກິນມີໃຊ້ ກຸ້ມຕົນເອງ ເພິ່ງຕົນເອງ ແລະ ຕີຖອຍແນວຄິດລໍຄອຍ ແລະ ສ້າງວິຖີຊີວິດ ແລະ ວິຖີທຳມາຫາກິນໃຫ້ປະຊາຊົນແທ້ໆ. ສຸມໃສ່ພັດທະນາຊົນນະບົດ ແລະ ແກ້ໄຂຄວາມທຸກຍາກຕໍ່ການພັດທະນາໂຄງລ່າງພື້ນຖານສູ່ຊົນນະບົດທີ່ຫ່າງໄກສອກຫຼີກ ບັນດາເຂດຈຸດສຸມເພື່ອໃຫ້ປະຊາຊົນເຂົ້າເຖິງການບໍລິການການຕະຫຼາດ ແລະ ແຫຼ່ງທຶນໄດ້.

ນອກຈາກນັ້ນກໍຍັງມີມາດຕະການອີກບາງສ່ວນທີ່ໄດ້ຮັບການກ່າວເຖິງເຊັ່ນ: ມາດຕະການວຽກງານປ້ອງກັນຊາດ-ປ້ອງກັນຄວາມສະຫງົບ ໂດຍຮັບປະກັນຄວາມສະຫງົບປອດໄພຂອງສັງຄົມ ເພື່ອຕ້ອນຮັບກອງປະຊຸມໃຫຍ່ຕ່າງໆໃນທົ່ວປະເທດ, ວຽກງານຕ່າງປະເທດ ໂດຍການພົວພັນຮ່ວມມືກັບປະເທດເພື່ອນມິດຍຸດທະສາດ, ອາຊຽນ ແລະ ປະເທດອື່ນໆ ເພື່ອດຶງດູດເອົາທຶນຮອນ ການລົງທຶນ ແລະ ການຊ່ວຍເຫຼືອໃຫ້ໄດ້ຕາມແຜນ. ກຽມພ້ອມເພື່ອເຂົ້າຮ່ວມກອງປະຊຸມທາງໄກໃນລະດັບພາກພື້ນ ແລະ ເປັນເຈົ້າພາບກອງປະຊຸມຕ່າງໆໃນປະເທດເຊິ່ງມີແຜນຈັດຂຶ້ນໃນປາຍປີນີ້.

Advertisement Replay Ad
ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 5 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 5 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 2 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 2 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 29 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 29 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ