ວັນອັງຄານ ທີ 11 ສິງຫາ 2020

5 ວິທີ ທີ່ຜູ້ນຳໃຊ້ ເພື່ອສ້າງຂວັນກຳລັງໃຈໃນສະຖານະການວິກິດຮ້າຍແຮງ

5 ວິທີ ທີ່ຜູ້ນຳໃຊ້ ເພື່ອສ້າງຂວັນກຳລັງໃຈໃນສະຖານະການວິກິດຮ້າຍແຮງ
S! Muan

ສະໜັບສະໜູນເນື້ອຫາ

ເຈົ້າຈະຕ້ອງສາມາດທີ່ຈະນຳພາ, ປຸກລະດົມມວນຊົນ ແລະ ສ້າງຂວັນກຳລັງໃຈໃຫ້ເປັນ! 

ໃນສະຖານະການປັດຈຸບັນທີ່ທົ່ວໂລກຕ້ອງປະເຊີນກັບການແຜ່ລະບາດຄັ້ງໃຫຍ່ຂອງໄວຣັດ ພ້ອມໆສະຖານະການເສດຖະກິດທີ່ຕົກຕ່ຳທົ່ວໂລກ, ໃນອາເມລິກາທີ່ເຈົ້າໜ້າທີ່ຕຳຫຼວດຈັບກຸມຜູ້ຕ້ອງຫາແຕ່ໃຊ້ກຳລັງເກີນເຫດຈົນເຮັດໃຫ້ຜູ້ຕ້ອງຫາ ຈອດ ຟລອຍ (George Floyd) ເສຍຊີວິດ ເຊິ່ງເປັນສາເຫດໃຫ້ເກີດການປະທ້ວງຄັ້ງໃຫຍ່ທົ່ວປະເທດ ແລະ ສົ່ງກະແສຄວາມບໍ່ພໍໃຈໄປທົ່ວໂລກ ເປັນຕົ້ນ. ບັນດາເຫດການຄວາມສັບສົນວຸ້ນວາຍຕ່າງໆນັ້ນພວກເຮົາມັກຈະເບິ່ງໄປຍັງຜູ້ນຳວ່າຈະມີທິດທາງ ແລະ ປະຕິກິລິຍາໄປແນວໃດ ເຊິ່ງຄວາມທ້າທາຍຂອງຜູ້ນຳກໍ່ຄື ຈະຮັບມືກັບເຫດການຕ່າງໆແນວໃດ, ຈະສະແດງອອກແນວໃດເພື່ອຮັບມືກັບອາລົມຄຽດແຄ້ນຂອງມວນຊົນ ແລະ ບໍ່ໃຫ້ເກີດເຫດການບານປາຍໄປ, ຈະຮັບມືກັບເຫດການຄວາມບໍ່ສະຫງົບທີ່ຄວບຄຸມບໍ່ໄດ້, ຄວາມບໍ່ພໍໃຈ ແລະ ຄຽດແຄ້ນຂອງຝູງຊົນທີ່ບໍ່ພໍໃຈແນວໃດດີ ເປັນຕົ້ນ. ນີ້ຄືວິທີ່ທີ່ຖືກຕ້ອງທີ່ຜູ້ນຳຄວນເຮັດ. 

ມາເບິ່ງ 5 ວິທີ ທີ່ຜູ້ນຳໃຊ້ເພື່ອຮັບມືກັບເຫດການຕ່າງໆໄດ້ຢ່າງຖືກຕ້ອງເໝາະສົມ:

ສະແດງອອກເຖິງຄວາມຫ່ວງໃຍ ແລະ ວິຕົກກັງວົນ (ກັບສະຖານະການທີ່ກຳລັງເກີດຂຶ້ນ) 

ໃນສະຖານະການທີ່ຄົນຜິວດຳຮູ້ສຶກວ່າບໍ່ໄດ້ຮັບຄວາມເຄົາລົບ ແລະ ການປະຕິບັດທີ່ບໍ່ເທົ່າທຽມກັນຂອງສັງຄົມຈາກກໍລະນີຂອງຊາຍຜິວດຳເຊື້ອສາຍອາຟຣິກາ ອາເມລິກາ  ຈ໊ອດ ຟລອຍ ຖືກຈັບກຸມແຕ່ເຈົ້າໜ້າທີ່ໃຊ້ກຳລັງເກີນເຫດຈົນເຮັດໃຫ້ລາວເສຍຊີວິດ ເປັນສາເຫດໃຫ້ເກີດການປະທ້ວງໃນທົ່ວປະເທດສະຫະລັດອາເມລິກາ.  

ໃນເມືອງແອັດແລນຕ້າ ເມື່ອເກີດເຫດການປະທ້ວງຈົນວຸ້ນວາຍ ສິ່ງທີ່ຜູ້ນຳຂອງລັດແອັດແລນຕາ Keisha Lance Bottoms ໄດ້ກ່າວຄວາມຮູ້ສຶກຜ່ານການປາໄສຕໍ່ກັບມວນຊົນທີ່ມາປະທ້ວງວ່າ "ຂ້ອຍເປັນແມ່ຂອງເດັກນ້ອຍຜິວດໍາ 4 ຄົນ ເຊິ່ງໜຶ່ງໃນນັ້ນອາຍຸ 18 ປີ. ແລະ ເມື່ອສິ່ງທີ່ພວກເຂົາເຮັດກັບ ຈອດ ຟລອຍ ຈົນເສຍຊີວິດນັ້ນ, ມັນເຮັດໃຫ້ຂ້ອຍຮູ້ເຈັບໃນແບບທີ່ແມ່ຄົນໜຶ່ງຈະຮູ້ສຶກເມື່ອລູກຊາຍຕ້ອງເສຍຊີວິດ. ຂ້ອຍໂທຫາລູກຂອງຂ້ອຍ ແລະ ເວົ້າວ່າ ດຽວນີ້ລູກຢູ່ໃສ? ຂ້ອຍເວົ້າອີກວ່າ ຂ້ອຍບໍ່ສາມາດປົກປ້ອງເຈົ້າໄດ້ ດັ່ງນັ້ນ ເດັກໜຸ່ມຜິວດຳ ບໍ່ຄວນອອກໄປນອກບ້ານໃນມື້ນີ້". 

ຕໍ່ມາລາວໄດ້ໃຫ້ສຳພາດກັບສຳນັກຂ່າວ CNN ວ່າ ນີ້ມັນເປັນສະຖານະການທີ່ຍາກທີ່ຈະຮັກສາຄວາມສົມດຸນເພາະວ່າຂ້ອຍຮູ້ສຶກວ່າຂ້ອຍບໍ່ສາມາດຊ່ວຍໃຜໄດ້ເລີຍ ຂ້ອຍຮູ້ສຶກໃຈຮ້າຍໃຫ້ຕົວເອງ ແລະ ຂ້ອຍຮູ້ສຶກຜິດຫວັງ. 

ສິ່ງທີ່ເຮົາໄດ້ເຫັນ ແລະ ສິ່ງທີ່ມວນຊົນ ໄດ້ຟັງ ແລະ ໄດ້ຮັບຮູ້ເຖິງຄວາມວິຕົກກັງວົນຂອງ ຜູ້ນຳຂອງລັດທີ່ສະແດງອອກມາ ເຊິ່ງມັນເປັນການກ່າວປາໄສແບບສົດໆບໍ່ໄດ້ກຽມຕົວມາກ່ອນ ແລະ ເປັນການສົ່ງຂໍ້ຄວາມໄປຫາມວນຊົນທີ່ຮັບຟັງນາງໂດຍກົງ ເຊິ່ງນີ້ມັນເປັນປັດໄຈສໍາຄັນໃນການສະແດງອອກເຖິງຄວາມຫ່ວງໃຍ ແລະ ວິຕົກກັງວົນກັບເຫດການທີ່ທຸກຄົນກຳລັງປະເຊີນຢູ່ ພ້ອມໆກັບ ເປັນການໃຫ້ກຳລັງໃຈທີ່ເຂົ້ເຖິງທຸກຄົນທີ່ໄດ້ຟັງ. 

ຊື່ສັດ, ຈິງຈັງ ແລະ ຈິງໃຈ

Erika Shields ຫົວໜ້າຕໍາຫຼວດຂອງເມືອງແອັດແລນຕາໄດ້ເນັ້ນຢໍ້າເຖິງຄວາມຈໍາເປັນທີ່ຕ້ອງໄດ້ເຝິກຝົນຕໍາຫຼວດຕໍ່ໄປ, ກຳຈັດເຈົ້າໜ້າທີ່ທີ່ໃຊ້ກຳລັງເກີນກວ່າເຫດອອກໄປ ແລະ ຕ້ອງໃກ້ຊິດກັບຊຸມຊົນ. Shields ເຊິ່ງເປັນໜຶ່ງໃນຜູ້ປະທ້ວງທີ່ເດີນຂະບວນສະແດງຄວາມບໍ່ພໍໃຈຕໍ່ກັບເຫດການທີ່ເກີດຂຶ້ນ ແລະ ລາວຍັງໄດ້ເວົ້າແບບກົງໄປກົງມາວ່າ ການບັງຄັບໃຊ້ກົດໝາຍຢ່າງເຄັ່ງຄັດແມ່ນມີບົດບາດສຳຄັນ ແຕ່ບົດບາດຂອງພາກສ່ວນ ເສດຖະກິດ - ສັງຄົມ ກໍ່ເປັນສ່ວນໜຶ່ງຂອງສັງຄົມນີ້ ແລະ ຊ່ອງວ່າງຂອງຄຳວ່າ ສົມຄວນ ແລະ ບໍ່ສົມຄວນໃຊ້ກຳລັງຮຸນແຮງ ແມ່ນຍັງມີຄວາມຫ່າງກັນຫຼາຍ, ການຂາດເຈົ້າໜ້າທີ່ລະດັບສູງເປັນຕົວແທນຈາກຄົນກຸ່ມນ້ອຍ ແມ່ນເຮັດໃຫ້ເກີດຄວາມບໍ່ດຸນດ່ຽງເກີດຂຶ້ນເຊິ່ງເຮົາເອີ້ນວ່າ ຄວາມບໍ່ສະເໝີພາບ ແລະ ມັນເປັນຕົວຂັບເຄື່ອນສິ່ງນີ້, ແນ່ນອນ ຕຳຫຼວດພວກເຂົາມີຄວາມຮັບຜິດຊອບທີ່ໃຫຍ່ຫຼວງ ແລະ ພວກເຂົາຈຳເປັນຕ້ອງໄດ້ປັບປຸງໃຫ້ດີຂຶ້ນ.


Erika Shields ຫົວໜ້າຕໍາຫຼວດຂອງເມືອງແອັດແລນຕາ / ພາບ: AP

ສິ່ງທີ່ຫົວໜ້າຕຳຫຼວດເຊິ່ງເປັນເຈົ້າໜ້າທີ່ຕຳຫຼວດໄດ້ກ່າວອອກມາ ມັນສະແດງໃຫ້ເຫັນເຖິງຄວາມກົງໄປກົງມາ ຊື່ສັດບໍລິສຸດຕໍ່ກັບປະຊາຊົນ ຕໍ່ໜ້າຄວາມຖືກຕ້ອງ, ມີຄວາມຈິງຈັງໃນການສະເໜີບັນຫາທີ່ເກີດກັບໜ່ວຍງານຂອງຕົນ ແລະ ສະເໜີຂໍ້ແກ້ໄຂບັນຫາໃນຕໍ່ໜ້າ ພ້ອມໆກັນນັ້ນ ເຂົາກໍ່ຍັງໄດ້ສະແດງຄວາມຈິງໃຈກັບມວນຊົນໂດຍການອອກມາເປັນສ່ວນໜຶ່ງກັບຜູ້ປະທ້ວງເພື່ອສະແດງຄວາມບໍ່ພໍໃຈ ແລະ ບໍ່ເຫັນດີກັບການປະຕິບັດທີ່ບໍ່ຖືກຕ້ອງຂອງເຈົ້າໜ້າທີ່ຕຳຫຼວດດ້ວຍກັນເອງກ່ຽວກັບກໍລະນີຂອງຈ໊ອດຟລອຍແທນທີ່ຈະເວົ້າປາໄສພຽງຢ່າງດຽວ. 

ຮັບຟັງຄວາມຄິດເຫັນຈາກສັງຄົມຢ່າງຈິງຈັງເພື່ອນຳໄປສູ່ການແກ້ໄຂບັນຫາ 

Tim Ryan, CEO ຂອງບໍລິສັດ PwC ຕ້ອງປະເຊີນໜ້າກັບປັນຫາຄວາມບໍ່ຍຸຕິທຳໃນເລື່ອງເຊື້ອຊາດພາຍໃນອົງກອນ, ເຊິ່ງໃນນາມ CEO ສິ່ງທີ່ເຂົາຈຳເປັນຕ້ອງໄດ້ດຳເນີນການເພື່ອຮັບມືກັບບັນຫານີ້ຄື Ryan ໂຕ້ແຍ້ງກັບທຸກຄົນໃນບໍລິສັດ ໂດຍໃຫ້ພິຈາລະນາ ການກະທຳຂອງພວກເຂົາໃຫ້ດີເພື່ອບໍ່ເຮັດໃຫ້ສະຖານະການຄວາມວຸ້ນວາຍຂະຫຍາຍວົງກວ້າງໄປໃນອະນາຄົດ.  

ດ້ວຍເຫດນີ້ເຂົາ ແລະ ທີມງານຝ່າຍບໍລິຫານໄດ້ຮັບຜິດຊອບຈັດການປະຊຸມເພື່ອຮັບຟັງຄວາມຄິດເຫັນ ແລະ ໂອ້ລົມກັບພະນັກງານທຸກຄົນເພື່ອຫາທາງອອກໃຫ້ກັບບັນຫານີ້ໂດຍໃຫ້ເປັນໄປດ້ວຍດີ ແລະ ພໍໃຈຂອງທຸກຝ່າຍ. 

Ryan ໄດ້ກ່າວພາຍຫຼັງກັບສຳນັກຂ່າວ Wall Street Journal ວ່າ “ໂດຍພື້ນຖານແລ້ວ, ພວກເຮົາພະຍາຍາມທີ່ຈະສ້າງບັນຍາກາດໃຫ້ສະບາຍເພື່ອເຮັດໃຫ້ຄົນຢາກທີ່ຈະແບ່ງປັນຄວາມຮູ້ສຶກເລິກໆຂອງພວກເຂົາອອກມາ ເພາະວ່ານັ້ນເປັນສິ່ງທີ່ຈະເຮັດໃຫ້ເຮົາໄດ້ຮັບຜົນລັບທີ່ດີ, ເຮັດໃຫ້ຄົນທີ່ຕ້ອງການທີ່ຈະເຂົ້າມາ ແລະ ເຮັດວຽກຢູ່ກັບບໍລິສັດຂອງພວກເຮົາ”.


Tim Ryan, CEO ຂອງບໍລິສັດ PwC / ພາບ: PwC

ການຮັບຟັງຄວາມຄິດເຫັນຂອງສັງຄົມ ຫຼື ຄົນໃນອົງກອນມັນຈະຊ່ວຍໃຫ້ພວກເຂົາຮູ້ສຶກສະບາຍໃຈຂຶ້ນ ແລະ ຮູ້ສຶກວ່າຫົວໜ້າ ຫຼື ບຸກຄົນໃນລະດັບສູງທີ່ຮັບຜິດຊອບໄດ້ຮັບຟັງຄວາມຄິດຂອງພວກເຂົາ ເຊິ່ງນີ້ມັນເຮັດໃຫ້ການແກ້ໄຂບັນຂໍ້ຂັດແຍ້ງໃນສະຖານະການທີ່ວຸ້ນວາຍເປັນໄປໃນທາງທີ່ດີ ແລະ ຕອບສະໜອງກັບການແກ້ໄຂບັນຫາແບບຍືນຢາວ ແລະ ທຸກຝ່າຍຕ່າງກໍ່ເພິ່ງພໍໃຈ. 

ສັນລະເສີນຄົນອື່ນ

Sylvester Turner, ເຈົ້າເມືອງ Houston, ໄດ້ກ່າວໃນການໃນງານຖະແຫຼງຂ່າວວ່າ “ຂ້ອຍຕ້ອງຂໍຂອບໃຈຊາວເມືອງໃນເມືອງ Houston ຫຼາຍໆ, ຜູ້ທີ່ເດີນຂະບວນທຸກຄົນ, ນັກສະແດງອອກທຸກໆຄົນ, ຜູ້ປະທ້ວງທຸກໆຄົນ ທີ່ປະທ້ວງດ້ວຍຄວາມຮັບຜິດຊອບແບບສັນຕິວິທີ, ໂດຍສະເພາະ ຄໍ່ຳຄືນວັນເສົາທີ່ຜ່ານມາ, 98% ຂອງຄົນທີ່ເຂົາຮ່ວມດ້ວຍຄວາມສະຫງົບ” ລາວຍັງໄດ້ກ່າວອີກວ່າ “ຂ້ອຍຕ້ອງການທີ່ຈະຂອບຢ່າງສຸດໃຈກັບເລື່ອງລາວເຫຼົ່ານັ້ນ” ໃນອີກທາງໜຶ່ງລາວກໍ່ຍັງຂໍຂອບໃຈເຈົ້າໜ້າທີ່ຕໍາຫຼວດທີ່ມີຄວາມຮັບຜິດຊອບໃນການເຮັດໜ້າທີ່ຂອງຕົວເອງດ້ວຍຄວາມຮັບຜິດຊອບເພື່ອຮັບປະກັນຄວາມປອດໄພຂອງຜູ້ທີ່ເດີນຂະບວນປະທ້ວງ ແລະ ຄວາມປອດໄພຂອງສາທາລະນະ ເຊິ່ງໃນກໍລະນີແບບນີ້ ເຈົ້າເມືອງຂອງເມືອງແອັດແລນຕາ ໄດ້ກ່າວສັນລະເສີນຕໍ່ການປະຕິບັດງານຂອງເຈົ້າໜ້າທີ່ຕຳຫຼວດຕໍ່ຜູ້ປະທ້ວງວ່າ “ຂ້ອຍຮູ້ວ່າໃນແຕ່ລະມືື້ ຊາວໜຸ່ມ, ຍິງ ແລະ ຊາຍ ຜູ້ທີ່ຮັກໃນຄວາມຍຸຕິທຳ ແລະ ໃສ່ໃຈກັບສັງຄົມ ແຕ່ກໍ່ຈຳເປັນຕ້ອງໄດ້ໃສ່ເຄື່ອງແບບທຸກມື້ເພື່ອອອກໄປເຮັດໜ້າທີ່ຂອງພວກເຂົາເພື່ອຄວາມຖືກຕ້ອງ” ເປັນຕົ້ນ. 


Sylvester Turner, ເຈົ້າເມືອງ Houston / ພາບ: ROBYN BECK/AFP

ສິ່ງທີ່ຜູ້ນຳໄດ້ສະແດງອອກໃຫ້ເຮົາເຫັນໃນເຫດການນີ້ ແມ່ນການກ່າວຊືື່ນຊົມ ແລະ ສັນລະເສີນ ທຸກໆຄົນທີ່ໄດ້ໃຫ້ຄວາມຮ່ວມມືກັບມາດຕະການລວມ ມີຄວາມຮັບຜິດຊອບໃນໜ້າທີ່ ແລະ ບໍ່ລະເມີດສິດຂອງຄົນອື່ນ. ການສັນລະເສີນຄົນທີ່ໃຫ້ຄວາມຮ່ວມມື, ທຸກໆຝ່າຍທີ່ຮ່ວມມືກັນ ແລະ ບໍ່ລະເມີດກັນ ມັນເຮັດໃຫ້ບັນຍາກາດໂດຍລວມບໍ່ເຄັງຕືງ ເປັນໄປດ້ວຍດີ ແລະ ທຸກໆພ້ອມໃຫ້ການຮ່ວມມື ໃນມາດຕະການລວມທີ່ເໝາະສົມທີ່ຜູ້ນຳວາງອອກມາ. 

ທຸກຄົນຄືຄົນທີ່ມີສ່ວນຮ່ວມ 

ໃນສະຖານະການທີ່ ໂຄວິດ-19 ແຜ່ລະບາດ ແລະ ເກີດການເສຍຊີວິດເປັນຈຳນວນຫຼາຍ ສິ່ງທີ່ຜູ້ນຳສ່ວນໃຫຍ່ສະແດງອອກມາໃຫ້ເຫັນກໍ່ຄື ຫຼັງຈາກພວກເຂົາສາມາດຄຸມສະຖານະການໄດ້ແລ້ວ ພວກເຂົາໄດ້ກ່າວຊື່ນຊົມ ແລະ ສະແດງໃຫ້ສັງຄົມເຫັນວ່າ ສິ່ງທີ່ເກີດຂຶ້ນບໍ່ແມ່ນຜົນງານຂອງລັດຖະບານ ຫຼື ຄົນພຽງຄົນດຽວ, ຜູ້ນຳຂອງສິງກະໂປ, ຜູ້ນຳຂອງໄຕ້ຫວັນ, ຜູ້ນຳຂອງຈີນ, ຫຼາຍໆປະເທດໃນເອີຣົບ ລວມທັງຜູ້ນຳຂອງລາວເອງ ເປັນຕົ້ນ ແມ່ນໄດ້ຍົກຜົນງານທັງໝົດທີ່ເກີດຂຶ້ນມາຈາກການຮ່ວມມືຂອງທຸກຝ່າຍທຸກພາກສ່ວນທີ່ຊ່ວຍໆກັນຈົນສະຖານະການເບົາບາງລົງກວ່າທີ່ຜ່ານມາ ທຸກໆຄົນໃນສັງຄົມປະກອບສ່ວນຊ່ວຍກັນຈົນຜ່ານມາໄດ້ຮອດຕອນນີ້້ ແລະ ຈະດີຂຶ້ນໃນໄວໆນີ້.  

ຈາກຜົນງານທັງໝົດນີ້ມັນໄດ້ສະແດງໃຫ້ເຫັນວ່າ “ພວກເຮົາທຸກຄົນຮູ້ແລ້ວວ່າພວກເຮົາທຸກຄົນປ່ຽນໄດ້ເມື່ອພວກເຮົາສາມັກຄີກັນຢ່າງໜັກແໜ້ນ” ຜູ້ວ່າການລັດນິວຢອກ Andrew Cuomo ໄດ້ກ່າວຕອນໜຶ່ງກັບປະຊາຊົນຊາວເມືອງນິວຢອກ.  

ແນ່ນອນ, ບໍ່ແມ່ນວ່າຜູ້ນຳທຸກຄົນຈະສາມາດເຂົ້າໃຈສະຖານະການ ແລະ ມີການຕອບສະໜອງໄດ້ທັນກັບເຫດການຕ່າງໆທີ່ເກີດຂຶ້ນໄດ້ຢ່າງຖືກຕ້ອງ ຢູ່ຕະຫຼອດເວລາ, ແຕ່ຜູ້ນຳທີ່ດີຈະໃຫ້ຄວາມສົນໃຈກັບສິ່ງທີ່ເຮັດໃຫ້ມວນຊົນຈຳນວນຫຼາຍມາຮ່ວມຕົວກັນ. ພວກເຮົາຈຳຕ້ອງໄດ້ເລືອກຂ້າງສະເໝີ ເຈົ້າຂອງລາງວັນໂນເບລສາຂາສັນຕິພາບ Elie Wiesel ໄດ້ຂຽນໄວ້. ຄວາມເປັນກາງຊ່ວຍໃຫ້ຜູ້ທີ່ກົດຂີ່ບໍ່ກາຍເປັນເຫຍື່ອ. ຄວາມງຽບສົ່ງເສີມຜູ້ທີ່ທໍລະມານຄົນອື່ນ, ບໍ່ໃຫ້ຖືກທໍລະມານ 

ຜູ້ນຳຈະຊຸກຍູ້ ແລະ ສ້າງແຮງບັນດານໃຈ ໃຫ້ຄົນອື່ນລົງມືເຮັດ ເພາະວ່າມັນເປັນສິ່ງທີ່ຖືກຕ້ອງທີ່ຈະຕ້ອງໄດ້ເຮັດ. 


ຂຽນໂດຍ: Thanakone LLS

ແຫຼ່ງອ້າງອີງ:

Advertisement Replay Ad
ກວດຜົນຫວຍລາວງວດນີ້ (10 ສິງຫາ 2020) ຖືກ ຫຼື ບໍ່? ກົດເບິ່ງເລີຍ!

ກວດຜົນຫວຍລາວງວດນີ້ (10 ສິງຫາ 2020) ຖືກ ຫຼື ບໍ່? ກົດເບິ່ງເລີຍ!

10 ແຫຼ່ງທ່ອງທ່ຽວໃນອາຊຽນທີ່ບໍ່ຄວນມອງຂ້າມ ​ຫຼັງໂຄວິດ-19 ຄັ້ງໜຶ່ງໃນຊີວິດຕ້ອງໄປໃຫ້ໄດ້

10 ແຫຼ່ງທ່ອງທ່ຽວໃນອາຊຽນທີ່ບໍ່ຄວນມອງຂ້າມ ​ຫຼັງໂຄວິດ-19 ຄັ້ງໜຶ່ງໃນຊີວິດຕ້ອງໄປໃຫ້ໄດ້

ປະຕິກິລິຍາຂອງຜູ້ນຳໂລກຕໍ່ເຫດລະເບີດຢູ່ເບຣຸດ  ໃຜເປັນເຈົ້າຂອງສານເຄມີ  ໃຜຮັບຜິດຊອບຄວາມເສຍຫາຍ?

ປະຕິກິລິຍາຂອງຜູ້ນຳໂລກຕໍ່ເຫດລະເບີດຢູ່ເບຣຸດ ໃຜເປັນເຈົ້າຂອງສານເຄມີ ໃຜຮັບຜິດຊອບຄວາມເສຍຫາຍ?

ເຫດຜົນທີ່ຄັ້ງໜຶ່ງໃນຊີວິດເຮົາຕ້ອງໄປເປັນນັກຮຽນເເລກປ່ຽນຢູ່ຕ່າງປະເທດ

ເຫດຜົນທີ່ຄັ້ງໜຶ່ງໃນຊີວິດເຮົາຕ້ອງໄປເປັນນັກຮຽນເເລກປ່ຽນຢູ່ຕ່າງປະເທດ

COVID-19: Fast Track ແມ່ນຫຍັງ? ຕອນນີ້ຈັດຕັ້ງປະຕິບັດ ຫຼື ຍັງ?

COVID-19: Fast Track ແມ່ນຫຍັງ? ຕອນນີ້ຈັດຕັ້ງປະຕິບັດ ຫຼື ຍັງ?

ດື່ມເຫຼົ້າ ຫຼື ເບຍແລ້ວໜ້າແດງ ເກີດຈາກຫຍັງ? ເປັນອັນຕະລາຍບໍ? ແດງສະເພາະຄົນເລືອດກຣຸບໂອບໍ?

ດື່ມເຫຼົ້າ ຫຼື ເບຍແລ້ວໜ້າແດງ ເກີດຈາກຫຍັງ? ເປັນອັນຕະລາຍບໍ? ແດງສະເພາະຄົນເລືອດກຣຸບໂອບໍ?

ຄວນເລືອກແນວທາງຊີວິດແນວໃດໃຫ້ເໝາະສົມກັບເຮົາ?

ຄວນເລືອກແນວທາງຊີວິດແນວໃດໃຫ້ເໝາະສົມກັບເຮົາ?

ເບື້ອງຫຼັງຄວາມຍາກງ່າຍຂອງການກວດຫາເຊື້ອ ໂຄວິດ-19 ໃນຫ້ອງທົດລອງ

ເບື້ອງຫຼັງຄວາມຍາກງ່າຍຂອງການກວດຫາເຊື້ອ ໂຄວິດ-19 ໃນຫ້ອງທົດລອງ

"ເບຍ" ບໍ່ໄດ້ມີແຕ່ຊະນິດດຽວ ຮູ້ ຫຼື ຍັງ?

"ເບຍ" ບໍ່ໄດ້ມີແຕ່ຊະນິດດຽວ ຮູ້ ຫຼື ຍັງ?

ຕົ້ນກຳເນີດ "ເຂົ້າຈີ່ປາເຕ້" ອາຫານເຊົ້າສຸດແຊບທີ່ຄົນລາວຄຸ້ນເຄີຍ

ຕົ້ນກຳເນີດ "ເຂົ້າຈີ່ປາເຕ້" ອາຫານເຊົ້າສຸດແຊບທີ່ຄົນລາວຄຸ້ນເຄີຍ

ແອວ 13.7 ນິ້ວ! Su Naing ສາວມຽນມາກຽມຊິງສະຖິຕິເຈົ້າຂອງເເອວນ້ອຍທີ່ສຸດໃນໂລກ

ແອວ 13.7 ນິ້ວ! Su Naing ສາວມຽນມາກຽມຊິງສະຖິຕິເຈົ້າຂອງເເອວນ້ອຍທີ່ສຸດໃນໂລກ

ກວດຜົນຫວຍລາວງວດນີ້ (6 ສິງຫາ 2020) ຖືກ ຫຼື ບໍ່? ກົດເບິ່ງເລີຍ!

ກວດຜົນຫວຍລາວງວດນີ້ (6 ສິງຫາ 2020) ຖືກ ຫຼື ບໍ່? ກົດເບິ່ງເລີຍ!

ຄົນຈະດັງຊ່ວຍບໍ່ໄດ້ ບ່າວອິນໂດອັດຄລິບນັ່ງຢູ່ຊື່ໆຍາວ 2 ຊົ່ວໂມງປາຍ ຄົນແຫ່ເຂົ້າເບິ່ງເກືອບ 3 ລ້ານເທື່ອ

ຄົນຈະດັງຊ່ວຍບໍ່ໄດ້ ບ່າວອິນໂດອັດຄລິບນັ່ງຢູ່ຊື່ໆຍາວ 2 ຊົ່ວໂມງປາຍ ຄົນແຫ່ເຂົ້າເບິ່ງເກືອບ 3 ລ້ານເທື່ອ

ເຫດລະເບີດຄັ້ງຮ້າຍແຮງຢູ່ເລບານອນສ້າງຄວາມເສຍຫາຍຫຼາຍເທົ່າໃດ?

ເຫດລະເບີດຄັ້ງຮ້າຍແຮງຢູ່ເລບານອນສ້າງຄວາມເສຍຫາຍຫຼາຍເທົ່າໃດ?

ເຂົ້າ-ອອກປະເທດຕັ້ງແຕ່ 1 ສິງຫາເປັນຕົ້ນໄປຕ້ອງເຮັດແນວໃດ? ຈຳກັດບໍລິເວນມີຄ່າໃຊ້ຈ່າຍບໍ່? ເຮົາມີຄຳຕອບ

ເຂົ້າ-ອອກປະເທດຕັ້ງແຕ່ 1 ສິງຫາເປັນຕົ້ນໄປຕ້ອງເຮັດແນວໃດ? ຈຳກັດບໍລິເວນມີຄ່າໃຊ້ຈ່າຍບໍ່? ເຮົາມີຄຳຕອບ

ໄປເຊັນເອກະສານຢູ່ຫ້ອງການບ້ານ ເສຍເງິນເທົ່າໃດ?

ໄປເຊັນເອກະສານຢູ່ຫ້ອງການບ້ານ ເສຍເງິນເທົ່າໃດ?

"ເສືອໂຄ່ງ" ເຫຼືອຢູ່ໃນລາວຫຼາຍປານໃດ ຫຼື ວ່າສັດຊະນິດນີ້ຈະເຫຼືອໄວ້ພຽງແຕ່ຊື່?

"ເສືອໂຄ່ງ" ເຫຼືອຢູ່ໃນລາວຫຼາຍປານໃດ ຫຼື ວ່າສັດຊະນິດນີ້ຈະເຫຼືອໄວ້ພຽງແຕ່ຊື່?

ກວດຜົນຫວຍງວດວັນທີ 3 ສິງຫາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດຜົນຫວຍງວດວັນທີ 3 ສິງຫາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ມາຮູ້ຈັກກັບຄຳວ່າ "ຮິກິໂກະໂມະຣິ (Hikikomori)" ອາການຂອງຄົນທີ່ "ແຍກໂຕຈາກສັງຄົມ"

ມາຮູ້ຈັກກັບຄຳວ່າ "ຮິກິໂກະໂມະຣິ (Hikikomori)" ອາການຂອງຄົນທີ່ "ແຍກໂຕຈາກສັງຄົມ"

ບົດສຳພາດ ກິສັນ ຈັນທີ ນັກຮ້ອງສຽງດີ ດີກຣີນັກຮຽນເກັ່ງຜູ້ໄດ້ຮັບທຶນ HONDA Y-E-S Award 2019

ບົດສຳພາດ ກິສັນ ຈັນທີ ນັກຮ້ອງສຽງດີ ດີກຣີນັກຮຽນເກັ່ງຜູ້ໄດ້ຮັບທຶນ HONDA Y-E-S Award 2019

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ