ວັນພະຫັດ ທີ 22 ເມສາ 2021

ຈາກເດັກນ້ອຍທະເຍີທະຍານ ສູ່ "ປໍ້ Miss Queen Laos": ເຜີຍການໃຊ້ຊີວິດໃນຖານະສະມາຊິກ LGBTQ ໃນລາວ

ຈາກເດັກນ້ອຍທະເຍີທະຍານ ສູ່ "ປໍ້ Miss Queen Laos": ເຜີຍການໃຊ້ຊີວິດໃນຖານະສະມາຊິກ LGBTQ ໃນລາວ
S! Muan

ສະໜັບສະໜູນເນື້ອຫາ

ເນື່ອງຈາກວ່າເດືອນມິຖຸນານີ້ເປັນເດືອນແຫ່ງຄວາມພາກພູມໃຈຂອງກຸ່ມຄວາມຫຼາກຫຼາຍທາງເພດ (Pride Month), ສະນັ້ນທີມງານມ່ວນເລີຍຖືໂອກາດນີ້ນັ່ງລົມກັບ  ຫຼື ກັນຣະຍານີ ໂພທິມາດ Miss Queen Laos 2019, ທີ່ເປັນອີກໜຶ່ງຄົນທີ່ທັງງາມ ແລະ ທັດສະນະຄະຕິດີ ເປັນແວ່ນແຍງທີ່ດີໃນການເອົາແບບຢ່າງໃນຖານະທີ່ເປັນສະມາຊິກຂອງກຸ່ມ LGBTQ ຄົນໜຶ່ງໃນລາວ ວ່ານາງແບບ-ນາງງາມລາວຄົນນີ້ມີທີ່ໄປທີ່ມາແນວໃດ, ການໃຊ້ຊີວິດໃນຖານະທີ່ເປັນໜຶ່ງໃນສະມາຊິກຂອງກຸ່ມ LGBTQ ເປັນແນວໃດ ແລະ ເລື່ອງອື່ນໆອີກທີ່ກ່ຽວຂ້ອງ.

ເຮົາຈະພາໄປຮູ້ຈັກກັບ ປໍ້ ໃຫ້ຫຼາຍຂຶ້ນຜ່ານບົດສຳພາດສຸດພິເສດນີ້.

ຢາກໃຫ້ປໍ້ເລົ່າເຫດການຊີວິດໃນໄວເດັກ ກ່ອນຈະມາເປັນປໍ້ໃນມື້ນີ້ ຜ່ານຫຍັງມາແດ່?

ປະສົບການໃນໄວເດັກ ປໍ້ ເກີດຢູ່ໃນຄອບຄົວທີ່ຂ້ອນຂ້າງບໍ່ມີ ແລະ ຊີວິດໄວເດັກຂ້ອນຂ້າງເປັນຄົນທີ່ມັກທະເຍີທະຍານ. ຄຳວ່າທະເຍີທະຍານໃນທີ່ນີ້ ແມ່ນປໍ້ເປັນອີກຄົນໜຶ່ງທີ່ມັກຮຽນຮູ້ ແລະ ເຮັດທຸກຢ່າງ, ຍົກເວັ້ນກ່ຽວພັນກັບສິ່ງທີ່ບໍ່ດີ ກໍຄືສິ່ງເສບຕິດ ຫຼື ສິ່ງທີ່ຜິດກົດໝາຍ ເພື່ອຫາລ້ຽງຊີບຕົນເອງ ເພາະທາງຄອບຄົວບໍ່ສາມາດສະໜັບສະໜຸນປໍ້ໄດ້.​ ສະນັ້ນບໍ່ວ່າປໍ້ຢາກຈະໄດ້ຫຍັງ ຮຽນຫຍັງຕ້ອງໄດ້ຫາດ້ວຍໂຕເອງ. ສຳລັບຊີວິດຕອນຍັງນ້ອຍ ປໍ້ມັກໄປເຕັ້ນຕາມງານອີເວັນຕ່າງໆ, ໄປຮັບຈ້າງລ້າງຖ້ວຍ, ເສີບອາຫານ ເພື່ອທີ່ຈະໄດ້ເງິນມາຈ່າຍຄ່າຮຽນ ແລະ ກິນເຂົ້າແຕ່ລະມື້. ປໍ້ເລີ່ມຫາເງິນເອງແຕ່ຕອນຮຽນຢູ່ ປ. 2 ເຊິ່ງເວລາວ່າງປໍ້ຈະມັກໄປຊ້ອມຟ້ອນ,​ ຮ້ອງເພງ, ຊ້ອມເຕັ້ນ, ຫຼິ້ນກີລານຳໝູ່ ເພາະເປັນຄົນມັກ ແລະ ຫຼົງຮັກທາງດ້ານສິລະປະ.

ຈາກທີ່ເຫັນປໍ້ໃນຖານະນາງແບບແລ້ວຜັນໄປສູ່ວົງການປະກວດນາງງາມ ທີ່ເປັນຕົວແທນຂອງກຸ່ມຫຼາກຫຼາຍທາງເພດໃນລາວ ຮ່ວມປະກວດໃນເວທີ Miss International Queen ເມື່ອປີ 2019, ປໍ້ເຫັນໂຕເອງພັດທະນາຂຶ້ນຫຼາຍບໍ່? ແລະ ໃນມຸມມອງຂອງປໍ້ ການຮ່ວມເປັນສ່ວນໜຶ່ງໃນເວທີນີ້ຕ່າງຈາກການເປັນນາງແບບທົ່ວໄປແນວໃດ?

ຈາກທີ່ຫຼາຍໆຄົນແມ່ນຮູ້ໂຕຕົນຂອງປໍ້ໃນນາມນາງແບບ ສາວສອງຜິວສີ ແລະ ລັກສະນະແມ່ນເບິ່ງມີຄວາມໝັ້ນໃຈໃນໂຕເອງ. ​ສຳລັບເລື່ອງນີ້ປໍ້ເອງກໍບໍ່ຄິດວ່າໂຕເອງຈະໄດ້ຜັນໂຕມາເປັນນາງງາມຄືກັນ, ແຕ່ກໍມີຄວາມຝັນຍາກເປັນໂຕແທນກຸ່ມຫຼາກຫຼາຍທາງເພດໃນລາວ. ຈົນມາມື້ໜຶ່ງຄວາມຝັນຂອງປໍ້ກໍໄດ້ກາຍເປັນຈິງ ແລະ ໂຊກດີຫຼາຍທີ່ຕົນເອງໄດ້ເປັນຕົວແທນຄົນລາວໄປຮ່ວມປະກວດ Miss International Queen 2019 ມີການພັດທະນາໂຕເອງຫຼາຍ ເຊັ່ນແຕ່ກ່ອນເປັນຄົນບໍ່ມັກຍິ້ມ, ປໍ້ບອກວ່າຍ້ອນຕົນເອງເຄີຍແຕ່ຄິດວ່າໂຕເອງເປັນນາງແບບ ນາງແບບຕ້ອງເກ໋, ເລີດ, ໝັ້ນໃຈ ບໍ່ຍິ້ມຫຼາຍ. ແຕ່ພໍເຮົາໄດ້ມາປະກວດ ແມ່ນຮູ້ສຶກວ່າໄດ້ປ່ຽນແປງຍິ້ມແຍ້ມຫຼາຍຂຶ້ນ, ຮູ້ສຶກວ່າມີຄວາມຫວານອ່ອນຊ້ອຍຫຼາຍຂຶ້ນໃນກິລິຍາມາລະຍາດແມ່ຍິງລາວ ແລະ ປໍ້ຍັງບອກອີກວ່າໄດ້ມີການປ່ຽນແປງເລື່ອງການຕອບສຳພາດ, ການສ້າງມິດກັບຄົນ, ໄດ້ຮຽນຮູ້ຄວາມຜິດພາດ ແລະ ເບິ່ງເຫັນປະສົບການຫຼາຍຂຶ້ນຈາກເວທີນີ້ ທີ່ສຳຄັນປໍ້ຍັງໄດ້ສ້າງມິດກັບໝູ່ເພື່ອນນາງງາມຈາກທົ່ວໂລກນຳອີກ. ແຕ່ເຖິງຢ່າງໃດກໍ່ຕາມ ບໍ່ວ່າຄວາມເປັນນາງແບບ ແລະ ນາງງາມແມ່ນມັກ ແລະ ນຳເອົາມາປະສົມປະສານໃນການໃຊ້ຊິວິດ, ໃນໜ້າທີ່ການງານຂອງປໍ້ໃຫ້ເກີດປະໂຫຍດ ແລະ ທັງການເປັນນາງແບບ ແລະ ນາງງາມຍັງໃຫ້ໂອກາດປໍ້ ແລະ ປ່ຽນແປງຊີວິດປໍ້ດີຂຶ້ນເລື້ອຍໆ.

ໃນຖານະທີ່ປໍ້ເປັນໜຶ່ງໃນສະມາຊິກຂອງຊຸມຊົນ LGBTQ ໃນລາວ ເຫັນວ່າການໃຊ້ຊີວິດໃນຖານະສ່ວນໜຶ່ງຂອງກຸ່ມຫຼາກຫຼາຍທາງເພດໃນຕອນນີ້ກັບເມື່ອກ່ອນແຕກຕ່າງກັນແນວໃດ? ແລະ ມີຫຍັງທີ່ຄິດວ່າເຮົາຍັງສາມາດເຮັດເພີ່ມເພື່ອສົ່ງເສີມຄວາມຫຼາກຫຼາຍທາງເພດນີ້?

ສຳລັບການໃຊ້ຊີວິດຂອງປໍ້ໃນເມື່ອກ່ອນຮອດປັດຈຸບັນແມ່ນ ບໍ່ມີຫຍັງປ່ຽນແປງຫຼາຍ ຕ້ອງບອກເລີຍວ່າເຮົາທຸກຄົນໂຊກດີຫຼາຍທີ່ເກີດມາເປັນຄົນລາວ. ຄຳວ່າ "ໂຊກດີ" ໃນທີ່ນີ້ແມ່ນຄົນລາວເຮົາສ່ວນຫຼາຍແມ່ນນັບຖືສາສະໜາພຸດ ເຊິ່ງຄົນລາວເຮົາເປັນຄົນມີນໍ້າໃຈ ເຫັນໃຈຄວາມເປັນມະນຸດດ້ວຍກັນ ໂດຍບໍ່ປິດກັ້ນຄວາມຫຼາກຫຼາຍທາງເພດ ແລະ ລັດຖະບານເຮົາກໍໃຈດີບໍ່ໄດ້ປິດກັ້ນ ຫຼື ຫ້າມວ່າໃຜຈະເປັນຫຍັງ ພຽງແຕ່ເມື່ອກ່ອນຄົນລາວເຮົາບໍ່ທັນໄດ້ເປີດໃຈຄວາມປ່ຽນແປງທາງສັງຄົມ ຫຼື ຍອມຮັບສິ່ງໃໝ່ໆ. ແຕ່ປໍ້ຄິດວ່າປັດຈຸບັນນີ້ຄົນລາວທຸກຄົນເລີ່ມທີ່ຈະເຂົ້າໃຈ ແລະ ຍອມຮັບເປີດໃຈກຸ່ມຫຼາກຫຼາຍທາງເພດ. ແຕ່ສິ່ງທີ່ປໍ້ຄິດວ່າສັງຄົມເຮົາຄວນຈະເຮັດເພື່ອເປັນການສົ່ງເສີມ LGBTQ ຄື ເປີດໂອກາດໃຫ້ພວກເຂົາໄດ້ມີໂອກາດໄດ້ສະແດງຄວາມສາມາດຂອງເຂົາເພື່ອເປັນການສົ່ງເສີມໃຫ້ກຸ່ມຫຼາກຫຼາຍທາງເພດມີວຽກເຮັດງານທຳທີ່ດີ ເພາະປໍ້ເຊື່ອວ່າເຮົາທຸກຄົນບໍ່ວ່າຈະເປັນເພດໃດກໍຕາມທຸກຄົນແມ່ນມີຄວາມຮູ້ ຄວາມສາມາດທີ່ຈະເຂົ້າຮອດຄວາມຈິງອັນສູງສຸດ ແລະ ຖ້າສັງຄົມເຮົາຮູ້ຈັກໃຫ້ກຽດ, ຄວາມເຄົາລົບ ແລະ ມີຄວາມຮັກໃຫ້ກັນແລະກັນປໍ້ເຊື່ອວ່າເຮົາຈະຢູ່ໃນໂລກໃບນີ້ຢ່າງມີຄວາມສຸກ.

ແຕ່ທັງນີ້ທັງນັ້ນແລ້ວກຸ່ມ LGBTQ ເຮົາເອງກໍຄວນປະຕິບັດໂຕດີ ສ້າງປະໂຫຍດໃຫ້ສັງຄົມເພາະປໍ້ເຊື່ອວ່າບໍ່ຈະເປັນເພດໃດກໍ່ຕາມ ຖ້າເຮົາຄິດດີທຳດີ ສ້າງປະໂຫຍດແກ່ສັງຄົມ ທຸກຄົນຈະໄດ້ໂອກາດຢ່າງແນ່ນອນ ຄວາມດີຈະພາໃຫ້ສັງຄົມຍອມຮັບເຮົາ ແລະປໍ້ເຊື່ອອີກວ່າໜຶ່ງວ່າ "ຄ່າຂອງຄົນຢູ່ທີ່ຜົນຂອງງານ ບໍ່ໄດ້ຢູ່ທີ່ເພດ".

ວິໄສທັດທີ່ຕັ້ງໃຈຕໍ່ເປົ້າໝາຍ ແລະ ຄວາມຝັນ ທີ່ຢາກເຮັດໃນອະນາຄົດ?

ປໍ້ເປັນຄົນທີ່ມັກຮັກໃນການເຮັດວຽກໃນວົງການຫຼາຍ ແລະ ຕອນນີ້ປໍ້ກໍ່ມ່ວນ ແລະ ມີຄວາມສຸກທີ່ສຸດກັບໜ້າທີ່. ປໍ້ພະຍາຍາມມີຄວາມສຸກກັບປັດຈຸບັນ ແລະ ຄິດວ່າຫາແຕ່ສິ່ງດີໆ, ເພາະຖ້າເຮົາຄິດວ່າຄົນອື່ນຄິດໄດ້ ເຮົາເອງກໍຕ້ອງເຮັດໄດ້ ພຽງມີຄວາມອົດທົນ ແລະ ລົງມືເຮັດ. ເປົ້າໝາຍ ແລະ ອະນາຄົດປໍ້ຢາກຈະເຮັດທຸລະກິດເປັນຂອງໂຕເອງ, ທຸລະກິດທີ່ສາມາດສ້າງອະນາຄົດກຸ່ມຫຼາກຫຼາຍທາງເພດໄດ້ ນັ້ນກໍ່ຄືເປັນຜູ້ໃຫ້ຄຳປຶກສາ ແລະ ຊ່ວຍໃຫ້ພວກເຂົາມີຄວາມໝັ້ນໃຈທີ່ຈະໃຊ້ຊິວິດໃນສັງຄົມຫຼາຍຂຶ້ນ.

ມີວິທີຮັບມື ແລະ ຄິດແນວໃດເພື່ອໃຫ້ກຳລັງໃຈ ຜູ້ທີ່ຢູ່ໃນກຸ່ມຫຼາກຫຼາຍທາງເພດ?

ສິ່ງທີ່ຈະເຮັດໃຫ້ກຸ່ມຫຼາຍທາງເພດ ຢູ່ໃນສັງຄົມຕໍ່ໄປໄດ້ຄືເລີ່ມຕົ້ນຈາກການບໍ່ຄິດນ້ອຍໃຈວ່າເຮົາເປັນເພດທີ 3 ເຮົາຈົ່ງພູມໃຈໃນສິ່ງທີ່ເຮົາເປັນ, ໝັ່ນເຝິກຝົນພັດທະນາໂຕເອງ ໃຫ້ມີຄວາມຮູ້ຄວາມສາມາດ ແລະ ຫ້າມຄິດວ່າເຮົາແຕກຕ່າງ ເມື່ອໃດເຮົາຄີດວ່າເຮົາແຕກຕ່າງຈາກຄົນອື່ນເຮົາຈະບໍ່ມີຄວາມສຸກແລ້ວເຮົາເອງຕ່າງຫາກທີ່ແຕກແຍກຈາກສັງຄົມເອງ.

"ເຮົາຕ້ອງສູ້ ແລະ ສ້າງຄວາມດີແກ່ສັງຄົມ ແລ້ວສັງຄົມຈະຍອມຮັບໃນໂຕເຮົາ ວ່າເຮົາເອງກໍ່ເປັນຄົນໆໜຶ່ງມີຄວາມຮູ້ຄວາມສາມາດ ເພາະເຮົາທຸກຄົນມີຄ່າຄວາມເປັນມະນຸດເທົ່າທຽມກັນ.​"

Advertisement Replay Ad
ກ່ອນຈະມາເປັນ "ເຈນນີ້" ເຈົ້າຂອງມຸງກຸດ Miss World Laos ຄົນທຳອິດ ຄືທຸກມື້ນີ້!

ກ່ອນຈະມາເປັນ "ເຈນນີ້" ເຈົ້າຂອງມຸງກຸດ Miss World Laos ຄົນທຳອິດ ຄືທຸກມື້ນີ້!

ຜູ້ກຳກັບ & ດາລາໃນ HSI ສ້າງຮູບເງົາກາຕູນ "Save Ralph" ລົນນະລົງຢຸດທົດລອງສັດເພື່ອເຮັດເຄື່ອງສຳອາງ

ຜູ້ກຳກັບ & ດາລາໃນ HSI ສ້າງຮູບເງົາກາຕູນ "Save Ralph" ລົນນະລົງຢຸດທົດລອງສັດເພື່ອເຮັດເຄື່ອງສຳອາງ

ຊະນະໃຈທຸກຄົນ "ໂດ່ງ ພັດທະນາ" ສິລະປິນຈາກຄ້າຍ Tara ຄວ້າຫຼຽນເງິນ ຈາກການແຂ່ງຂັນກີລາເທຄວັນໂດ

ຊະນະໃຈທຸກຄົນ "ໂດ່ງ ພັດທະນາ" ສິລະປິນຈາກຄ້າຍ Tara ຄວ້າຫຼຽນເງິນ ຈາກການແຂ່ງຂັນກີລາເທຄວັນໂດ

ອິນດີ້ແທ້ບໍ່? ເຜີຍຕົວຕົນ 5 ໜຸ່ມ ວົງ OOPS ຂວັນໃຈໄວລຸ້ນຄົນຟັງເພງ

ອິນດີ້ແທ້ບໍ່? ເຜີຍຕົວຕົນ 5 ໜຸ່ມ ວົງ OOPS ຂວັນໃຈໄວລຸ້ນຄົນຟັງເພງ

ອັບເດດຜົນງານໃໝ່ ນາງແບບສາວສຸດເຊັກຊີ "ຟ້າ ກໍລະພິນ" ລາວຊຸບເປີໂມເດວ 2019

ອັບເດດຜົນງານໃໝ່ ນາງແບບສາວສຸດເຊັກຊີ "ຟ້າ ກໍລະພິນ" ລາວຊຸບເປີໂມເດວ 2019

ງາມສົມມົງ! ພາຮູ້ຈັກ "ຄຣິສຕິນາ ລາສະສິມມາ" ຜູ້ຄອງມຸງກຸດ Miss Universe Laos ຄົນທີ 4

ງາມສົມມົງ! ພາຮູ້ຈັກ "ຄຣິສຕິນາ ລາສະສິມມາ" ຜູ້ຄອງມຸງກຸດ Miss Universe Laos ຄົນທີ 4

ແນວໃດກໍເປັນໄດ້ແຕ່ໝູ່! ປ່ອຍແລ້ວ "ຮູ້ຢູ່" ເພງໃໝ່ຂອງກຸ່ມຮິບຮັອບໄວໜຸ່ມລາວ MAOMUN

ແນວໃດກໍເປັນໄດ້ແຕ່ໝູ່! ປ່ອຍແລ້ວ "ຮູ້ຢູ່" ເພງໃໝ່ຂອງກຸ່ມຮິບຮັອບໄວໜຸ່ມລາວ MAOMUN

ຮູ້ຈັກ ເເຟັ້ງ ຫຼື Gomen ເຈົ້າຂອງຜົນງານເພງອົກຫັກກະຊາກອາລົມ "Regrets ຜິດຫວັງ"

ຮູ້ຈັກ ເເຟັ້ງ ຫຼື Gomen ເຈົ້າຂອງຜົນງານເພງອົກຫັກກະຊາກອາລົມ "Regrets ຜິດຫວັງ"

ດີຕໍ່ໃຈ ຟັງຍາມໃດກໍລະມຸນ! ສົ່ງຕໍ່ເພງຄູ່ "ແຮ່ນນ້າ-ເບີ່ດີ້" ຄູ່ຈິ້ນແຫ່ງປີ 2021

ດີຕໍ່ໃຈ ຟັງຍາມໃດກໍລະມຸນ! ສົ່ງຕໍ່ເພງຄູ່ "ແຮ່ນນ້າ-ເບີ່ດີ້" ຄູ່ຈິ້ນແຫ່ງປີ 2021

ລາວ-ໄທຮ້ອງເພງຮ່ວມກັນ! ຟັງ ຫຼື ຍັງ? "ພະທາດຫຼວງ" ຜົນງານຈາກ 2 ສິລະປິນດັງ ຈິນຕະຫຼາ x ສິລິພອນ

ລາວ-ໄທຮ້ອງເພງຮ່ວມກັນ! ຟັງ ຫຼື ຍັງ? "ພະທາດຫຼວງ" ຜົນງານຈາກ 2 ສິລະປິນດັງ ຈິນຕະຫຼາ x ສິລິພອນ

ເຈັບໄປຕາມໆກັນ! "ຫຼົງໃຈ" ຜົນງານເພງໃໝ່ຈາກ ໂຊໂລ້ ພ້ອມຖ່າຍທອດຄວາມເຈັບໃຫ້ເຖິງຂີດສຸດ

ເຈັບໄປຕາມໆກັນ! "ຫຼົງໃຈ" ຜົນງານເພງໃໝ່ຈາກ ໂຊໂລ້ ພ້ອມຖ່າຍທອດຄວາມເຈັບໃຫ້ເຖິງຂີດສຸດ

ຕ້ອງສ່ອງແລ້ວ! "ປູ ແສງລັດສະໝີ" ດີກຣີສາວຮູບຮ່າງສວຍງາມ ຈາກເວທີນາງສາວລາວ 2020

ຕ້ອງສ່ອງແລ້ວ! "ປູ ແສງລັດສະໝີ" ດີກຣີສາວຮູບຮ່າງສວຍງາມ ຈາກເວທີນາງສາວລາວ 2020

ອັບເດດຄວາມງາມປັດຈຸບັນ "ນີ່ນ່າ" ນາງສາວມິດຕະພາບ 2020 ຂໍບອກງາມທັງກາຍ ແລະ ຈິດໃຈ

ອັບເດດຄວາມງາມປັດຈຸບັນ "ນີ່ນ່າ" ນາງສາວມິດຕະພາບ 2020 ຂໍບອກງາມທັງກາຍ ແລະ ຈິດໃຈ

ຟັງກັນ ຫຼື ຍັງ? "ຮັກຊົ່ວຄາວ" ຜົນງານເພງຮ້ອນແຮງຈາກນັກຮ້ອງດີວ້າ ຕິ່ງ ໄພລາວັນ ແລະ ດາລຸນນີ

ຟັງກັນ ຫຼື ຍັງ? "ຮັກຊົ່ວຄາວ" ຜົນງານເພງຮ້ອນແຮງຈາກນັກຮ້ອງດີວ້າ ຕິ່ງ ໄພລາວັນ ແລະ ດາລຸນນີ

ລາວເຮົາຕ້ອງປັງ! ເຜີຍໂສມໜ້າ ສາວງາມຫຼາຍເຊື້ອຊາດ ໃນເວທີ Miss Grand International 2020

ລາວເຮົາຕ້ອງປັງ! ເຜີຍໂສມໜ້າ ສາວງາມຫຼາຍເຊື້ອຊາດ ໃນເວທີ Miss Grand International 2020

ສົມຄວາມຕັ້ງໃຈ "ຈຽບ ມະນີພອນ" ກ້າວສູ່ວົງການບັນເທີງເຕັມໂຕ ໃນຖານະສິລະປິນ First Modeling

ສົມຄວາມຕັ້ງໃຈ "ຈຽບ ມະນີພອນ" ກ້າວສູ່ວົງການບັນເທີງເຕັມໂຕ ໃນຖານະສິລະປິນ First Modeling

ຟິນເວີ້ "ເດໂມ້-ໜຶ່ງ" ຕ້ອງຂະໜາດນີ້ເລີຍຫວາ? ສາລະພາບຮັກກັນແບບນີ້ ເອົາໃຈແຟນໆໄປເລີຍ!

ຟິນເວີ້ "ເດໂມ້-ໜຶ່ງ" ຕ້ອງຂະໜາດນີ້ເລີຍຫວາ? ສາລະພາບຮັກກັນແບບນີ້ ເອົາໃຈແຟນໆໄປເລີຍ!

ຕົວແທນຄົນລາວສູ່ເວທີລະດັບໂລກ! ຮູ້ຈັກ ໂຕມີວ ເຈົ້າຂອງມຸງກຸດ Miss Grand Laos ຄົນຫຼ້າສຸດ

ຕົວແທນຄົນລາວສູ່ເວທີລະດັບໂລກ! ຮູ້ຈັກ ໂຕມີວ ເຈົ້າຂອງມຸງກຸດ Miss Grand Laos ຄົນຫຼ້າສຸດ

ພິສູດຕົນເອງ! "ບ໋ອບບີ້" ຊະນະການປະກວດ LTC Boy 2020 ພ້ອມສາຍແວວໃນວົງການບັນເທີງ

ພິສູດຕົນເອງ! "ບ໋ອບບີ້" ຊະນະການປະກວດ LTC Boy 2020 ພ້ອມສາຍແວວໃນວົງການບັນເທີງ

ຊີ້ເປົ້າ "ຄູນແພງ" ໄອດໍ້ສາວຂວັນໃຈໄວລຸ້ນ ຜູ້ຮັກການຖ່າຍພາບເປັນຊີວິດຈິດໃຈ

ຊີ້ເປົ້າ "ຄູນແພງ" ໄອດໍ້ສາວຂວັນໃຈໄວລຸ້ນ ຜູ້ຮັກການຖ່າຍພາບເປັນຊີວິດຈິດໃຈ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ