ວັນອາທິດ ທີ 16 ພຶດສະພາ 2021

ໃຜກໍປະສົບຄວາມສຳເລັດໃນຄວາມຮັກໄດ້ ຖ້າເຂົ້າໃຈ 5 ປັດໄຈເຫຼົ່ານີ້ທີ່ມີຜົນຕໍ່ຄວາມສຳພັນຂອງຄູ່ຮັກ

ໃຜກໍປະສົບຄວາມສຳເລັດໃນຄວາມຮັກໄດ້ ຖ້າເຂົ້າໃຈ 5 ປັດໄຈເຫຼົ່ານີ້ທີ່ມີຜົນຕໍ່ຄວາມສຳພັນຂອງຄູ່ຮັກ
S! Muan

ສະໜັບສະໜູນເນື້ອຫາ

ຍັງຄົງເປັນສິ່ງທີ່ອະທິບາຍໄດ້ຍາກວ່າມັນແມ່ນຫຍັງກັນແທ້. ໃນແຕ່ລະທັດສະນະຂອງຄົນແຕ່ລະຍຸກແຕ່ລະສະໄໝ ແຕ່ລະສັງຄົມ ລ້ວນແລ້ວແຕ່ຕີຄວາມໝາຍຂອງຄວາມຮັກໃນຫຼາຍແງ່ມຸມທີ່ແຕກຕ່າງກັນ. ແຕ່ໂດຍທົ່ວໄປແລ້ວ ນັກວິທະຍາສາດຄິດວ່າ ຄວາມຮັກເປັນການປະສົມປະສານທີ່ຊັບຊ້ອນລະຫວ່າງເລື່ອງຂອງສານເຄມີ, ຄວາມຄິດ, ຄວາມຮູ້ສຶກ ແລະ ພຶດຕິກຳ. ຍ້ອນຄວາມທີ່ມັນເປັນສິ່ງທີ່ຊັບຊ້ອນເຂົ້າໃຈຍາກນີ້ເອງເຮັດໃຫ້ຫຼາຍຄົນສົງໄສວ່າ ເຮົາຈະສາມາດປະສົບຄວາມສຳເລັດໃນຄວາມຮັກໄດ້ແນວໃດ?

ຕໍ່ໄປນີ້ແມ່ນ 5 ປັດໄຈທີ່ມີການອ້າງອີງທາງວິທະຍາສາດວ່າ ສາມາດຊ່ວຍໃຫ້ເຈົ້າປະສົບຄວາມສຳເລັດໃນການຄົ້ນຫາ ແລະ ຄອງຮັກກັບຄູ່ຄອງຂອງເຈົ້າໄດ້ຢ່າງມີຄວາມສຸກ.

ຮູບລັກພາຍນອກ ແລະ ຮູບຮ່າງ

ອາດຈະຟັງເບິ່ງຄືວ່າບໍ່ຍຸຕິທຳປານໃດ ແຕ່ວ່າມີຜົນການສຶກສາທີ່ສະແດງໃຫ້ເຫັນວ່າ ໂອກາດໃນການໄດ້ລອງຄົບຫາ ຫຼື ມີການຕອບກັບທາງອອນລາຍ ໄດ້ຮັບອິດທິພົນເປັນຢ່າງສູງຈາກຄວາມດຶງດູດທາງກາຍະພາບ. ນີ້ເປັນເຫດຜົນທີ່ວ່າ ຍ້ອນຫຍັງຜູ້ທີ່ມີຄູວາມດຶງດູດຫຼາຍຈຶ່ງປະສົບຄວາມສຳເລັດ, ມີຄວາມດຶງດູດທາງເພດຫຼາຍກວ່າ, ໜ້າສົນໃຈ ແລະ ສ້າງຄວາມມ່ວນຊື່ນໃນຈິດໃຈໄດ້ຫຼາຍກວ່າ. ຜົນການສຶກສາສະແດງໃຫ້ເຫັນອີກວ່າ ຜູ້ຊາຍຈະຖືກດຶງດູດເຂົ້າຫາແມ່ຍິງທີ່ມີອັດຕາສ່ວນລະຫວ່າງຮອບເອິກ ແລະ ຮອບແອວທີ່ນ້ອຍກວ່າ. ຖ້າຄິດບໍ່ອອກວ່າຮູບຮ່າງແບບໃດ ໃຫ້ຄິດເຖິງຮູບຮ່າງຂອງ "ໂມງຊາຍ". ທັງນີ້ ຮູບຮ່າງດັ່ງກ່າວທາງວິທະຍາສາດເຫັນວ່າ ເປັນສັນຍານຂອງສຸຂະພາບທີ່ດີ, ຄວາມໜຸ່ມແໜ້ນ ແລະ ຄວາມສົມບູນ ເພາະວ່າໜ້າທ້ອງຂອງເຮົາຈະເພີ່ມຂຶ້ນອີງຕາມລະດັບຄວາມເຄັ່ງຄຽດ ແລະ ອາຍຸ. ພ້ອມນີ້ກໍຍັງພົບອີກວ່າ ຜູ້ທີ່ມີໃບໜ້າທີ່ສົມສ່ວນ ຈະເປັນທີ່ດຶງດູດຫຼາຍກວ່າອີກດ້ວຍ.

ຮໍໂມນ ແລະ ສານເຄມີໃນສະໝອງ

ເຮເລນ ຟີເຊີ ນັກຊີວະມະນຸດວິທະຍາ ຈາກສະຖາບັນຄິນຊີ, ຫົວໜ້າທີ່ປຶກສາດ້ານວິທະຍາສາດຂອງເວັບໄຊຫາຄູ່ Match.com ແລະ ເພື່ອນຮ່ວມງານຂອງລາວ ໄດ້ອະທິບາຍກ່ຽວກັບພື້ນຖານດ້ານເຄມີຂອງຄວາມຮັກ ດ້ວຍ 3 ຂັ້ນ ປະກອບດ້ວຍ: ຂັ້ນຂອງຄວາມຫຼົງ (Lust stage) ເຊິ່ງນີ້ເປັນຂັ້ນທຳອິດຂອງການດຶງດູດ ທີ່ໄດ້ຮັບອິດທິພົນຈາກການຫຼັ່ງຂອງຮໍໂມນ ເທສໂທສເຕີໂຣນ ເຊິ່ງເປັນຮໍໂມນເພດຊາຍ ແລະ ເອສໂຕຣເຈນ ເຊິ່ງເປັນຮໍໂມນເພດຍິງ. ໃນຂ້ັນນີ້ ການດຶງດູດຈະຂາດການພິຈາລະນາ ທັງນີ້ກໍເພື່ອເພີ່ມໂອກາດໃນການໄດ້ຄູ່ໃຫ້ຫຼາຍຂຶ້ນ.

ຕໍ່ມາໃນ ຂັ້ນດຶງດູດ (Attraction stage), ສະໝອງຂອງເຮົາຈະຄົງທີ່ຫຼາຍຂຶ້ນກັບບຸກຄົນໃດໜຶ່ງ ເຊິ່ງຈະມີການຫຼັ່ງຂອງສານເຄມີຫຼາຍຊະນິດອອກມາເພື່ອເຮັດໃຫ້ເຮົາເລັງຈຸດສົນໃຈໄປທີ່ຄົນຮັກໃໝ່ຂອງເຮົາ ແລະ ເຮັດໃຫ້ພວກເຮົາຕ້ອງການທີ່ຈະໃຊ້ເວລາຮ່ວມກັນກັບເຂົາໃຫ້ຫຼາຍທີ່ສຸດ. ໃນນັ້ນ ການຫຼັ່ງຂອງຮໍໂມນ ໂດພາມີນ ຈະເຮັດໃຫ້ເຮົາມີແຮງບັນດານໃຈ ແລະ ມີຄວາມຕ້ອງການສິ່ງຕອບແທນ. ຂະນະທີ່ຮໍໂມນ ຄໍທິຊອລ (cortisol) ເຊິ່ງເປັນຮໍໂມນຂອງຄວາມເຄັ່ງຕຶງ ຈະເຮັດໃຫ້ເຮົາຫຼຸດຜ່ອນຄວາມຢາກອາຫານ ແລະ ຕ້ອງການນອນຫຼັບ ເພື່ອໃຫ້ເຮົາສາມາດໃຊ້ພະລັງການໄປກັບການສ້າງຄວາມສຳພັນກັບຄົນທີ່ເຮົາຮັກ. ພ້ອມນີ້ ການຫຼຸດລົງຂອງ ເຊໂຣໂທນິນ ອາດຈະເຮັດໃຫ້ເຮົາຢຶດຕິດກັບຄົນຮັກ ເຊິ່ງໃນຜົນການສຶກສາໜຶ່ງພົບວ່າ ລະດັບເຊໂຣໂທນິນໃນເພດຊາຍເຊິ່ງກຳລັງມີຄວາມຮັກ ຢູ່ໃນລະດັບທີ່ຕໍ່າເທົ່າກັນກັບຜູ້ທີ່ເປັນພະຍາດຢໍ້າຄິດຢໍ້າທຳ (OCD). ຂະນະທີ່ອີກໜຶ່ງຜົນການສຶກສາສະແດງໃຫ້ເຫັນວ່າ ແມ່ຍິງເຊິ່ງກຳລັງມີຄວາມຮັກ ມີລະດັບເຊໂຣໂທນິນທີ່ເພີ່ມຂຶ້ນ ສ່ວນຜູ້ຊາຍຈະກົງກັນຂ້າມ.


ແຕ່ລະຂັ້ນຂອງຄວາມຮັກ ຕາມແມ່ແບບຂອງ ເຮເລນ ຟີເຊີ / ພາບ: harvard.edu

ຂັ້ນສຸດທ້າຍແມ່ນ ຂັ້ນຜູກພັນ (Attachement stage) ໂດຍໃນຂັ້ນນີ້ນັ້ນ ຮໍໂມນອັອກຊີໂທຊິນ ແລະ ເວໂຊເພຣຊິນ ຈະສົ່ງເສີມຄວາມສຳພັນໃຫ້ຍາວນານ. ທັງສອງຮໍໂມນນີ້ຈະຫຼັ່ງອອກມາໃນລະຫວ່າງ ຫຼື ຫຼັງມີເພດສຳພັນ ເຊິ່ງອາດຈະອະທິບາຍໄດ້ວ່າຍ້ອນຫຍັງເພດສຳພັນຈຶ່ງມີຜົນຕໍ່ຄວາມໃກ້ຊິດ ແລະ ຄວາມເພິງພໍໃຈໃນໄລຍະຍາວຂອງຄູ່ຮັກ.

ມີຄວາມເຂົ້າກັນໄດ້ດີ

ຄົນທົ່ວໄປຖືກດຶງດູດເຂົ້າຫາທັງຜູ້ຊາຍ ແລະ ແມ່ຍິງເຊິ່ງເຂົາເຈົ້າສຳຜັດໄດ້ວ່າ ມີຄວາມເຂົ້າກັນໄດ້ດີ. ໃນການສຶກສາເມື່ອປີ 2009 ກ່ຽວກັບການຫາຄູ່, ນິໂຄລັສ ເຈີເກີນ ເຊິ່ງເປັນນັກວິໄຈໄດ້ຝຶກໃຫ້ແມ່ຍິງຮຽນແບບການເຄື່ອນເໜັງທີ່ບໍ່ແມ່ນການເວົ້າ ແລະ ຮຽນແບບຄຳເວົ້າຂອງຄູ່ທີ່ເປັນເພດຊາຍ ເຊັ່ນ: ຖ້າຄູ່ຂອງພວກເຂົາແຕະແຂນຂອງເຂົາເຈົ້າ, ເຂົາເຈົ້າຈະໄດ້ຮັບຄຳສັ່ງໃຫ້ສຳຜັດແຂນຂອງລາວໃນອີກບໍ່ເທົ່າໃດນາທີຖັດໄປ. ເມື່ອແມ່ຍິງຮຽນແບບການເຄື່ອນໄຫວຂອງຄູ່ຂອງເຂົາເຈົ້າ, ຜູ້ຊາຍເຫຼົ່ານັ້ນມີທ່າອ່ຽງທີ່ຈະຢາກໃຫ້ຂໍ້ມູນຕິດຕໍ່ຂອງຕົນເອງ ແລະ ໃຫ້ຄະແນນບັນດາແມ່ຍິງທີ່ເປັນຄູ່ວ່າມີຄວາມດຶງດູດທາງເພດ. ການວິໄຈຂອງ ເດນຽລ ໄຊເຈລ ໄດ້ເນັ້ນເຖິງຄວາມສຳຄັນຂອງການປັບໂຕໃຫ້ເຂົ້າກັນ ແລະ ການສະທ້ອນກັບ ທີ່ມີຕໍ່ຄວາມຜູກພັນ ແລະ ຄວາມໃກ້ຊິດ. ໃນດ້ານຈິດຕະວິທະຍາ, ເຮົາມັກຖືກດຶງດູດເຂົ້າຫາຜູ້ທີ່ຍອມ "ຟ້ອນລຳຮ່ວມກັນກັບເຮົາ".

ສ່ວນໃນອີກໜຶ່ງການສຶກສາ, ນັກວິໄຈໄດ້ໃຫ້ຜູ້ເຂົ້າຮ່ວມທີ່ເປັນນັກຮຽນໃຫ້ຄະແນນຄວາມໜ້າດຶງດູດຂອງໃບໜ້າທີ່ແຕກຕ່າງກັນ. ແຕ່ໃນນັ້ນ ລາວໄດ້ລັກຖ່າຍໃບໜ້າຂອງຜູ້ເຂົ້າຮ່ວມ ແລະ ໄດ້ລວມພວກມັນເຂົ້າກັບຮູບໃບໜ້າທີ່ສ້າງຂຶ້ນໂດຍຄອມພິວເຕີ. ຮູບພາບທີ່ຄ້າຍຄືກັບຜູ້ທີ່ໃຫ້ຄະແນນທີ່ສຸດ ໄດ້ຖືກໃຫ້ຄະແນນວ່າມີຄວາມດຶງດູດຫຼາຍຢ່າງເຫັນໄດ້ຊັດເຈນ. ນັກວິໄຈກ່າວວ່າ ໃບໜ້າຂອງເຮົາເປັນເງົາສະທ້ອນລັກສະນະຂອງໃບໜ້າພໍ່ແມ່ຂອງເຮົາ ເຊິ່ງເປັນຈຸດສຸມຂອງຄວາມຜູກພັນໃນໄລຍະຕົ້ນຂອງເຮົາ.

ມີຄວາມພ້ອມ ແລະ ເປີດໃຈ

ບໍ່ມີໃຜມັກຖືກປະຕິເສດ ເຊິ່ງນີ້ເປັນເຫດຜົນທີ່ວ່າ ຍ້ອນຫຍັງເຮົາຈຶ່ງຖືກດຶງດູດໂດຍຄົນທີ່ສື່ສານຢ່າງເປີດໃຈ, ຕ້ອງການທີ່ຈະມີສ່ວນຮ່ວມ ແລະ ໃຈອ່ອນ, ​ແລະ ແນ່ນອນວ່າ ມີຄວາມຫຼົງໃຫຼໃນໂຕເຮົານຳ. ອາດ ແອຣອນ ເຊິ່ງເປັນນັກວິໄຈ ແລະ ເພື່ອຮ່ວມວີໄຈຂອງລາວໄດ້ສ້າງຄວາມໃກ້ຊິດ ແລະ ຄວາມດຶງດູດທາງຄວາມຮັກຕໍ່ຄົນແປກໜ້າເຊິ່ງເປັນເພດກົງກັນຂ້າມໄດ້ໃນເວລາ 90 ນາທີ ໂດຍການໃຫ້ພວກເຂົາປ່ຽນກັນຖາມຄຳຖາມ ເຊິ່ງຄຳຕອບຈະກ່ຽວກັບເລື່ອງສ່ວນຕົວຈຳນວນໜຶ່ງ, ແນມເຂົ້າໃນໃນຕາຂອງແຕ່ລະຄົນ ໂດຍບໍ່ເວົ້າກັນເປັນເວລາ 2 ນາທີ ພ້ອມທັງບອກກັນວ່າ ພວກເຂົາມັກຫຍັງໃນໂຕຂອງແຕ່ລະຄົນ. ການທົດລອງນີ້ໄດ້ຮັບຜົນດີຫຼາຍໃນບາງຄູ່ ຈົນເຖິງຂັ້ນທີ່ພວກເຂົາໄດ້ລອງຄົບຫາກັນຢ່າງຈິງຈັງ ແລະ ໄດ້ແຕ່ງດອງກັນຫຼັງຈາກການວິໄຈດັ່ງກ່າວພຽງ 6 ເດືອນ ພ້ອມນີ້ຄູ່ຮັກໃໝ່ຍັງໄດ້ສົ່ງບັດເຊີນໃຫ້ທີມວິໃຈເຂົ້າຮ່ວມງານອີກດ້ວຍ.

ອີກໜຶ່ງການສຶກສາພົບວ່າ ພວກເຮົາມັກຈະຖືກດຶງດູດເຂົ້າຫາຄົນທີ່ມີຄວາມເມດຕາ ແລະ ເປັນມິດ ລວມທັງຜູ້ທີ່ໃຊ້ພາສາກາຍທີ່ກົງໄປກົງມາ ເຊັ່ນ: ນັ່ງເຊິ່ງໜ້າກັບເຮົາ, ຍິ້ມ, ໂນ້ມໂຕເຂົ້າຫາ ແລະ ປະສານສາຍຕາກັນ. ການວາງຕົວທີ່ໃກ້ ແຕ່ບໍ່ມີການປະຕິສຳພັນກັນ ເຊັ່ນ: ແນມໄປທາງອື່ນ, ຫຼິ້ນໂທລະສັບ, ກອດເອິກ ແລະ ນັ່ງຫຼັງກົ່ງ ເປັນສິ່ງທີ່ມີຜົນກົງກັນຂ້າມ.


ພາບ: https://unsplash.com/photos/OSboZGvoEz4

ຄວາມໝັ້ນໃຈ ແລະ ຄວາມຢາກຮູ້

ການຂາດຄວາມໝັ້ນໃຈເປັນອຸປະສັກໜຶ່ງທີ່ພົບເຫັນໄດ້ຕະຫຼອດກ່ຽວກັບການດຶງດູດຂອງຄູ່ຮັກ. ຄວາມວິຕົກກັງວົນ ເຮັດໃຫ້ເຮົາສົນໃຈແຕ່ໂຕເອງ ແລະ ລັງເລ ເຊິ່ງນັ້ນເຂົ້າມາມີສ່ວນໃນການປະຕິສຳພັນ ແລະ ປັບປ່ຽນຕົນເອງໃຫ້ເຂົ້າກັບຄູ່ຮັກ ຫຼື ການມີຄວາມສົນໃຈ ແລະ ທັດສະນະຮ່ວມກັນ. ອີງຕາມທິດສະດີຂອງ ແອຣອນ ກ່ຽວກັບ "ການຂະຫຍາຍຕົວຕົນ" (Self-expansion), ເຮົາມັກຈະຄົ້ນຫາຄູ່ຮັກທີ່ມາຊ່ວຍຂະຫຍາຍຄວາມເປັນຕົວຕົນຂອງເຮົາ ພ້ອມທັງຊ່ວຍໃຫ້ເຮົາກາຍເປັນຄົນທີ່ມີຄວາມສາມາດ ແລະ ໃຊ້ຊີວິດຢ່າງມີປະສິດທິພາບຫຼາຍຂຶ້ນ. ການມີຕົວຕົນທີ່ເຂັ້ມແຂງ ປະກອບດ້ວຍ ມີຄວາມສົນໃຈ, ເປົ້າໝາຍ ແລະ ຄວາມສຳພັນອື່ນໆ ເຮັດໃຫ້ເຮົາມີບາງຢ່າງທີ່ມອບໃຫ້ຄູ່ຂອງເຮົາໄດ້ ແລະ ຍັງເຮັດໃຫ້ເຮົາເປັນຄົນທີ່ມີຄວາມໜ້າສົນໃຈນຳອີກ. ຜົນການວິໄຈຊີ້ວ່າ ການເປັນຄົນທີ່ມີຄວາມຕື່ນເຕັ້ນໃນຊີວິດ ແລະ ມີຄວາມສົນໃຈທີ່ເປັນອິດສະຫຼະ ຍັງມີສ່ວນເຮັດໃຫ້ມີຄວາມສຸກໃນຄວາມສຳພັນທີ່ຍາວນານອີກດ້ວຍ.

ທັງໝົດນັ້ນກໍຄືບາງຂໍ້ມູນທາງດ້ານວິທະຍາສາດທີ່ເຮັດໃຫ້ເຮົາປະສົບຄວາມສຳເລັດໃນຄວາມຮັກໄດ້. ແນວໃດກໍຕາມ ຍັງມີບາງດ້ານຂອງການດຶງດູດທີ່ຢູ່ນອກເໜືອການຄວບຄຸມຂອງເຮົາ ເຊິ່ງເຮົາສາມາດປັບປຸງມັນໄດ້ດ້ວຍຄວາມຮູ້ ແລະ ການຝຶກຝົນແລະ ນັ້ນກໍຂຶ້ນກັບໂຕເຮົາເອງວ່າເຮົາພ້ອມແລ້ວ ຫຼື ບໍ່ທີ່ຈະກ້າວຜ່ານສິ່ງທີ່ອັດຕັນເຮົາໃນການຕາມຫາຄວາມຮັກທີ່ເຮົາຕ້ອງການ.

ຂຽນໂດຍ: ຈັນທະສອນ
ກວດແກ້: ທີມບັນນາທິການ muan.la

ແຫຼ່ງອ້າງອີງ:

 

Advertisement Replay Ad
ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ