ວັນເສົາ ທີ 4 ກໍລະກົດ 2020

ຫຼື ນີ້ຄືຄວາມຫວັງຂອງມວນມະນຸດ? ເປີດລາຍຊື່ຢາທີ່ເຊື່ອວ່າມີສັກກະຍະພາບໃນການປິ່ນປົວ COVID-19 ໄດ້

ຫຼື ນີ້ຄືຄວາມຫວັງຂອງມວນມະນຸດ? ເປີດລາຍຊື່ຢາທີ່ເຊື່ອວ່າມີສັກກະຍະພາບໃນການປິ່ນປົວ COVID-19 ໄດ້
S! Muan

ສະໜັບສະໜູນເນື້ອຫາ

ໃນຂະນະທີ່ພະຍາດອັກເສບປອດຈາກເຊື້ອໄວຣັດໂຄໂຣນາສາຍພັນໃໝ່ ຫຼື ກຳລັງແພ່ລະບາດໄປທົ່ວໂລກ ເຊິ່ງເຮັດໃຫ້ມີຜູ້ເສຍຊີວິດຫຼາຍແສນຄົນ ລວມທັງຜູ້ຕິດເຊື້ອອີກຫຼາຍລ້ານຄົນ ຊໍ້າບໍ່ໜຳຍັງກະທົບເສດຖະກິດອີກຢ່າງມະຫາສານ, ທາງນັກວິທະຍາສາດເອງກໍເລັ່ງຄົ້ນຫາວິທີທາງທີ່ປອດໄພໃນການປິ່ນປົວ ແລະ ປ້ອງກັນພະຍາດດັ່ງກ່າວ ເພາະບັນຫາທີ່ໃຫຍ່ສຸດໃນຕອນນີ້ກໍຄືເຮົາຍັງບໍ່ຮູ້ຢ່າງຊັດເຈນເລີຍວ່າ ຢາຊະນິດໃດທີ່ສາມາດໃຊ້ປິ່ນປົວພະຍາດດັ່ງກ່າວໄດ້ມີປະສິດທິພາບ.

ຫຼາຍຄົນກໍອາດຈະໄດ້ອ່ານຂ່າວວ່າມີຕົວຢາຫຼາຍຊະນິດທີ່ສາມາດ "ບັນເທົາ" ອາການຂອງພະຍາດໄດ້ ເຊັ່ນ ອາການຫາຍໃຈຝືດ ເປັນຕົ້ນ ແຕ່ນັ້ນບໍ່ແມ່ນວິທີແກ້ທີ່ກົງຈຸດ ເປັນພຽງການຊື້ເວລາເພື່ອຮັກສາຊີວິດຂອງຄົນເຈັບໄວ້ເທົ່ານັ້ນ. ສາເຫດແຫ່ງການເຈັບເປັນຂອງພະຍາດນີ້ແມ່ນ "ໄວຣັດ", ສະນັ້ນການກຳຈັດໄວຣັດອອກຈາກຮ່າງກາຍຂອງຄົນເຈັບຈຶ່ງເປັນເປົ້າໝາຍໜຶ່ງທີ່ສຳຄັນຂອງບັນດາແພດໝໍ, ນັກວິທະຍາສາດ ແລະ ລັດຖະບານໃນທົ່ວໂລກ.

muan.la ໄດ້ລວບລວມເອົາບັນດາຢາທີ່ຕອນນີ້ເຊື່ອວ່າມີປະສິດທິພາບໃນການຕ້ານເຊື້ອໄວຣັດທີ່ກໍ່ໃຫ້ເກີດພະຍາດໂຄວິດ-19 ໄດ້ ແລະ ມີການທົດລອງໃຊ້ທາງຄລີນິກກັບຄົນເຈັບໃນວົງແຄບ ລວມທັງໄດ້ຮັບການຊຸກຍູ້ຈາກອົງການອະນາໄມໂລກອີກດ້ວຍ.

ພາບ: AFP/Ulrich Perrey

ເຣມເດຊິເວຍ (Remdesivir)

ເຣມເດຊີເວຍເປັນຢາຕ້ານໄວຣັດເຊິ່ງສັກເຂົ້າເສັ້ນເລືອດດຳ ທີ່ໄດ້ຮັບການພັດທະນາເພື່ອຕ້ານການຕິດເຊື້ອເຊິ່ງກ່ຽວຂ້ອງກັບໄວຣັດໂຄໂຣນາ ລວມທັງ ອີໂບລາ ແລະ ນີ້ຍັງເປັນໜຶ່ງໃນຢາທີ່ອົງການອະນາໄມໂລກ ກຳລັງຊຸກຍູ້ໃຫ້ມີການສຶກສາເພື່ອນຳໄປໃຊ້ໃນການປິ່ນປົວຄົນເຈັບໂຄວິດ-19 ອີກດ້ວຍ.

ໃນປັດຈຸບັນ, ພົບວ່າຢາ ເຣມເດຊິເວຍ ສາມາດຊ່ວຍຕ້ານເຊື້ອ SARS-CoV-2 ທີ່ຢູ່ໃນເຊວໃນຫ້ອງທົດລອງ ແລະ ໜູທີ່ຕິດເຊື້ອໄວຣັດດັ່ງກ່າວ. ຕົວຢານີ້ຈະອອກລິດໂດຍມຸ່ງເປົ້າໄປທີ່ໂປຣຕີນຂອງໄວຣັດທີ່ມີໜ້າທີ່ໃນການເພີ່ມຈຳນວນໄວຣັດໃໝ່ ແລະ ປ້ອງກັນບໍ່ໃຫ້ເກີດການແຜ່ຂະຫຍາຍຂອງເຊື້ອ.

ຕອນນີ້ມີການທົດລອງໃຊ້ຢາເຣມເດຊິເວຍກັບຄົນເຈັບໂຄວິດ-19 ໃນສະຫະລັດອາເມລິກາ ແລະ ພົບວ່າປອດໄພ ແຕ່ແນວໃດກໍຕາມຍັງຄົງຕ້ອງມີການທົດລອງໃຊ້ກັບຄົນເຈັບໃນວົງກວ້າງເພື່ອຢັ້ງຢືນເຖິງຄວາມປອດໄພ ແລະ ມີປະສິດທິພາບຂອງຕົວຢາ.

ໂລພິນາເວຍ/ຣິໂທນາເວຍ (Lopinavir/ritonavir)

ນີ້ເປັນການປະສົມປະສານຂອງຕົວຢາທີ່ໃຊ້ເພື່ອຕ້ານໄວຣັດເປັນຕົ້ນແມ່ນ HIV ເຊິ່ງກໍໃຫ້ເກີດພະຍາດເອດ. ການອອກລິດແມ່ນຄ້າຍຄືກັນກັບເຣມເດຊິເວຍ ໂດຍການຕ້ານບໍ່ໃຫ້ໂປຣຕີນທີ່ໃຊ້ເພີ່ມຈຳນວນໄວຣັດເຮັດວຽກ.

ຕົວຢາດັ່ງກ່າວນີ້ຍັງພົບອີກວ່າມີປະສິດທິພາບໃນການຕ້ານເຊື້ອ SARS-CoV-2 ໃນຈານເພາະເຊວໃນຫ້ອງທົດລອງ ລວມທັງໃນໜູທົດລອງ ເຊິ່ງໃຊ້ຄຽງຄູ່ກັບຢາຕ້ານເຊື້ອທີ່ເອີ້ນວ່າ interferon beta. ພ້ອມນີ້ຕົວຢານີ້ຍັງໃຊ້ເພື່ອປິ່ນປົວພະຍາດເປືອກປະສາດເສື່ອມແຂງ ແລະ ຊ່ວຍເພີ່ມການປ້ອງກັນຕາມທຳມະຊາດຂອງເຊວໃນຮ່າງກາຍຕ້ານກັບເຊື້ອໂຄວິດ-19.

ພາບ: GEORGE FREY / AFP

ໄຮດຣອກຊີຄລໍໂຣຄວິນ (Hydroxychloroquine)

ຕົວຢານີ້ໃຊ້ເພື່ອປິ່ນປົວພະຍາດມາລາເຣຍ ແລະ ພະຍາດທີ່ກ່ຽວຂ້ອງກັບການອັກເສບ. ໄຮດຣອກຊີຄລໍໂຣຄວິນໄດ້ຮັບການທົດສອບວ່າ ສາມາດຕ້ານການຕິດເຊື້ອຫຼາຍຊະນິດ ເພາະວ່າໃນຫ້ອງທົດລອງມັນສາມາດຕ້ານເຊື້ອໄວຣັດຕ່າງໆໄດ້ ລວມທັງ SARS-CoV-2 ເພື່ອບໍ່ໃຫ້ພວກມັນເຂົ້າໄປໃນເຊວເຊິ່ງຢູ່ໃນຈານທົດລອງ ແລະ ປ້ອງກັນການຕິດເຊື້ອ.

ຢູ່ນອກຫ້ອງທົດລອງ ຢາໄຮດຣອກຊີຄລໍໂຣຄວິນຍັງບໍ່ໄດ້ຮັບການທົດລອງວ່າມີຜົນທີ່ແນ່ນອນໃນການປ້ອງກັນພະຍາດໂຄວິດ-19 ແລະ ຍັງມີຫຼັກຖານສະໜັບສະໜຸນທີ່ໜ້ອຍ ວ່າມັນສາມາດໃຊ້ເພື່ອປິ່ນປົວ ແລະ ປ້ອງກັນໂຄວິດ-19 ໄດ້. ຢາຊະນິດດັ່ງກ່າວນີ້ຈຳເປັນຕ້ອງການມີການທົດລອງໃຊ້ກັບຄົນເຈັບຈຳນວນຫຼາຍເພື່ອສຶກສາເຖິງປະສິດທິພາບ ແລະ ຜົນຂ້າງຄຽງ.

ແຕ່ຫຼ້າສຸດເມື່ອບໍ່ດົນມານີ້ ອົງການອະນາໄມໂລກໄດ້ອອກມາສັ່ງໃຫ້ທົ່ວໂລກໂຈະການທົດລອງໃຊ້ຄລໍໂຣຄວິນກັບຄົນເຈັບໂຄວິດ-19 ເພາະມີຜົນການວິໄຈທີ່ຊີ້ໃຫ້ເຫັນວ່າ ຜູ້ຕິດເຊື້ອທີ່ໄດ້ຮັບຕົວຢາດັ່ງກ່າວມີອັດຕາການເສຍຊີວິດທີ່ສູງກວ່າຄົນເຈັບທີ່ບໍ່ໄດ້ຮັບ ແຕ່ກໍມີບາງປະເທດຍົກຕົວຢ່າງເຊັ່ນ ບຣາຊິນທີ່ອອກມາກ່າວວ່າ ຈະບໍ່ຢຸດການນຳໃຊ້ຕົວຢາດັ່ງກ່າວກັບຄົນເຈັບ ເຖິງວ່າອົງການອະນາໄມໂລກຈະສັ່ງຫ້າມກໍຕາມ.


ພາບ: AFP

ວິທີການປິ່ນປົວອື່ນໆອີກ 2 ແບບ

ຕົວຢາທັງໝົດທີ່ເຮົາກ່າວເຖິງຜ່ານມາ ອອກລິດໂດຍການຕ້ານບາງຄຸນສົມບັດທີ່ສຳຄັນຂອງໄວຣັດໂດຍນຳໃຊ້ໂມເລກຸນຂະໜາດນ້ອຍ. ແຕ່ອີກ 2 ວິທີການທີ່ເຮົາຈະກ່າວເຖິງຕໍ່ໄປນີ້ມີວິທີການອອກລິດທີ່ແຕກຕ່າງອອກໄປ.

ທຳອິດແມ່ນ ການສ້າງພູມຕ້ານທານທີ່ຮັບມາ ເຊິ່ງເປັນການໂອນຖ່າຍສານພູມຄຸ້ມກັນຈາກຜູ້ທີ່ເຄີຍຕິດເຊື້ອ ແລະ ເຊົາຈາກພະຍາດໂຄວິດ-19 ແລ້ວ ໃຫ້ກັບຄົນເຈັບທີ່ມີຄວາມຮຸນແຮງຂອງພະຍາດສູງ. ນີ້ເອີ້ນວ່າ ເຊຣຸມໄລຍະຟື້ນພະຍາດ (convalescent sera) ເຊິ່ງເປັນເລືອດຂອງຄົນທີ່ເຊົາຈາກໂຄວິດ-19 ແລ້ວ ທີ່ສາມາດຕ້ານ SARS-CoV-2 ໃນຈານເພາະເຊວ ແລະ ມີຄວາມເປັນໄປໄດ້ໃນການຊ່ວຍປິ່ນປົວ. ວິທີການປິ່ນປົວແບບ ການສ້າງພູມຕ້ານທານທີ່ຮັບມາ ກຳລັງໄດ້ຮັບການທົດລອງໃນທົ່ວໂລກ ແລະ ຕອນນີ້ກໍເບິ່ງຄືວ່າມີຄວາມປອດໄພໃນການນຳໃຊ້.

ສ່ວນການປິ່ນປົວອີກແບບໜຶ່ງກໍຄື ການຕ້ານບາງສ່ວນຂອງລະບົບພູມຕ້ານທານຂອງເຮົາທີ່ມີໂອກາດເຮັດໃຫ້ເກີດປະຕິກິລິຍາຕໍ່ການຕິດເຊື້ອ SARS-CoV-2 ຫຼາຍເກີນໄປ ລວມທັງເຮັດໃຫ້ເກີດຄວາມເສຍຫາຍໃນປອດຂອງເຮົາ.

ໃນການທົດລອງແບບຈຳກັດພົບວ່າ ໃນບາງກໍລະນີທີ່ມີອາການຮຸນແຮງ ລະບົບພູມຕ້ານທານຂອງເຮົາມີປະຕິກິລິຍາຕໍ່ການຕິດເຊື້ອຫຼາຍເກີນໄປໂດຍທີ່ບໍ່ສາມາດກຳຈັດການຕິດເຊື້ອໄດ້ ແລະ ນັ້ນສາມາດເພີ່ມຄວາມຮຸນແຮງຂອງພະຍາດໄດ້. ສະນັ້ນເມື່ອເກີດພາວະດັ່ງກ່າວ ຈຶ່ງມີການອັກເສບໃນລະດັບສູງໃນປອດຂອງເຮົາ.

ການປິ່ນປົວດັ່ງກ່າວເຊິ່ງຕ້ານບາງສ່ວນຂອງພູມຕ້ານທານທີ່ກ່ຽວຂ້ອງກັບລະດັບຄວາມຮຸນແຮງຂອງພະຍາດ ກຳລັງມີການເລີ່ມທົດລອງໃຊ້. ນັ້ນໝາຍຄວາມວ່າ ຕ້ອງມີຄວາມລະມັດລະວັງເປັນຢ່າງສູງເມື່ອມີການດຳເນີນກາມທີ່ກ່ຽວຂ້ອງກັບລະບົບພູມຕ້ານທານໃນໄລຍະທີ່ມີການຕິດເຊື້ອ ເພາະວ່າເຮົາຍັງບໍ່ມີການບຳບັດພະຍາດແບບອື່ນໆ ເຮົາຈຶ່ງຍັງຕ້ອງອາໄສລະບົບພູມຕ້ານທານຂອງເຮົາເພື່ອຈຳກັດການເພີ່ມຈຳນວນຂອງໄວຣັດ.

ດັ່ງນັ້ນ ເຖິງແມ່ນວ່າການປິ່ນປົວໂຄວິດ-19 ທີ່ໄດ້ຮັບການຢັ້ງຢືນຈະຍັງບໍ່ທັນມີ, ແຕ່ກໍມີບາງຕົວຢາທີ່ກຳລັງໄດ້ຮັບການທົດສອບ ແລະ ທົດລອງທາງຄລີນິກ ແລະ ກຳລັງເລີ່ມມີໝາກຜົນ. ອີກບໍ່ດົນ ຄວາມຮູ້ທີ່ນັກວິທະຍາສາດເກັບກຳໄດ້ກ່ຽວກັບ SARS-CoV-2 ຈະຊ່ວຍເຮົາໄດ້ເປັນຢ່າງສູງ ຈົນກວ່າວັກຊີນປ້ອງກັນພະຍາດດັ່ງກ່າວນີ້ຈະມີອອກມາໃຫ້ນຳໃຊ້.

Advertisement Replay Ad
ບໍລິສັດ ເບຍລາວ ຈຳກັດ ສຳເລັດກອງປະຊຸມໃຫຍ່ຂອງຄະນະພັກຮາກຖານ ພ້ອມເລືອກໄດ້ຄະນະພັກຊຸດໃໝ່

ບໍລິສັດ ເບຍລາວ ຈຳກັດ ສຳເລັດກອງປະຊຸມໃຫຍ່ຂອງຄະນະພັກຮາກຖານ ພ້ອມເລືອກໄດ້ຄະນະພັກຊຸດໃໝ່

ທ່ານເຄີຍສົງໄສບໍ່ວ່າ ເປັນຫຍັງເຮົາຈຶ່ງຕ້ອງຮຽນເລກ?

ທ່ານເຄີຍສົງໄສບໍ່ວ່າ ເປັນຫຍັງເຮົາຈຶ່ງຕ້ອງຮຽນເລກ?

ຖ້າບໍ່ມີເຊື້ອໄວຣັສ ໂລກຂອງເຮົາຈະເປັນແນວໃດ?

ຖ້າບໍ່ມີເຊື້ອໄວຣັສ ໂລກຂອງເຮົາຈະເປັນແນວໃດ?

ກວດເບິ່ງເລີຍ ຜົນຫວຍວັນທີ 2 ກໍລະກົດ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດເບິ່ງເລີຍ ຜົນຫວຍວັນທີ 2 ກໍລະກົດ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ການລະບາດຂອງຕັກກະແຕນຝູງໃຫຍ່ຢູ່ອາຟຣິກາ ແລະ ອິນເດຍ ກ່ຽວຂ້ອງກັບການລະບາດຢູ່ທາງພາກເໜືອຂອງລາວບໍ?

ການລະບາດຂອງຕັກກະແຕນຝູງໃຫຍ່ຢູ່ອາຟຣິກາ ແລະ ອິນເດຍ ກ່ຽວຂ້ອງກັບການລະບາດຢູ່ທາງພາກເໜືອຂອງລາວບໍ?

Life Coach ແມ່ນຫຍັງກັນແທ້ ແລະ ມັນສຳຄັນແນວໃດກັບຊີວິດຂອງເຈົ້າ?

Life Coach ແມ່ນຫຍັງກັນແທ້ ແລະ ມັນສຳຄັນແນວໃດກັບຊີວິດຂອງເຈົ້າ?

ໄຂປະເດັນ: ພົບໄວຣັດໄຂ້ຫວັດໃຫຍ່ສາຍພັນໃໝ່ຢູ່ຈີນ ເຊິ່ງຄ້າຍຄືໄວຣັດໄຂ້ຫວັດໝູທີ່ລະບາດໃນປີ 2009

ໄຂປະເດັນ: ພົບໄວຣັດໄຂ້ຫວັດໃຫຍ່ສາຍພັນໃໝ່ຢູ່ຈີນ ເຊິ່ງຄ້າຍຄືໄວຣັດໄຂ້ຫວັດໝູທີ່ລະບາດໃນປີ 2009

ອະນຸຍາດໃຫ້ຈັດແຂ່ງກີລາ ເປີດກາຊີໂນ ຈັດງານແຕ່ງດອງ ງານປະເພນີ ງານຊຸມນຸມ ໄດ້ແລ້ວ

ອະນຸຍາດໃຫ້ຈັດແຂ່ງກີລາ ເປີດກາຊີໂນ ຈັດງານແຕ່ງດອງ ງານປະເພນີ ງານຊຸມນຸມ ໄດ້ແລ້ວ

ຈັ່ງໃດນໍ? ໂອລິມປິກຢູ່ຍີ່ປຸ່ນໃນປີໜ້າຈະເກີດ ຫຼື ບໍ່ ຫຼື ວ່າງານນີ້ຈະຖືກເລື່ອນອອກໄປອີກຄັ້ງ?

ຈັ່ງໃດນໍ? ໂອລິມປິກຢູ່ຍີ່ປຸ່ນໃນປີໜ້າຈະເກີດ ຫຼື ບໍ່ ຫຼື ວ່າງານນີ້ຈະຖືກເລື່ອນອອກໄປອີກຄັ້ງ?

ໃສ່ໃຈໄດ້ແຕ່ມອງ... "ມອງ" ໃນນີ້ເປັນຄຳສັບພາສາລາວ ຫຼື ບໍ່? ເຮົາມີຄຳຕອບ

ໃສ່ໃຈໄດ້ແຕ່ມອງ... "ມອງ" ໃນນີ້ເປັນຄຳສັບພາສາລາວ ຫຼື ບໍ່? ເຮົາມີຄຳຕອບ

ກວດເບິ່ງເລີຍ ຜົນຫວຍວັນທີ 29 ມິຖຸນາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດເບິ່ງເລີຍ ຜົນຫວຍວັນທີ 29 ມິຖຸນາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ສະຫຼຸບມາດຕະການແກ້ໄຂກ່ຽວກັບເງິນຕາຕ່າງປະເທດ ອັດຕາແລກປ່ຽນ ອັດຕາເງິນເຟີ້ ຂອງທະນາຄານກາງ

ສະຫຼຸບມາດຕະການແກ້ໄຂກ່ຽວກັບເງິນຕາຕ່າງປະເທດ ອັດຕາແລກປ່ຽນ ອັດຕາເງິນເຟີ້ ຂອງທະນາຄານກາງ

ເລື່ອງ "ເມຍນ້ອຍ" ບໍ່ແມ່ນເລື່ອງຫຼິ້ນໆ ເຂົ້າໃຈບັນຫານີ້ໃຫ້ຫຼາຍຂຶ້ນຜ່ານຂໍ້ກຳນົດກົດໝາຍ

ເລື່ອງ "ເມຍນ້ອຍ" ບໍ່ແມ່ນເລື່ອງຫຼິ້ນໆ ເຂົ້າໃຈບັນຫານີ້ໃຫ້ຫຼາຍຂຶ້ນຜ່ານຂໍ້ກຳນົດກົດໝາຍ

ພາຮູ້ຈັກ "ອາວິແກນ" (Avigan) ຢາທີ່ຍີ່ປຸ່ນມອບໃຫ້ລາວເພື່ອໃຊ້ເປັນອາວຸດໃນການຕໍ່ສູ້ຕ້ານໂຄວິດ-19

ພາຮູ້ຈັກ "ອາວິແກນ" (Avigan) ຢາທີ່ຍີ່ປຸ່ນມອບໃຫ້ລາວເພື່ອໃຊ້ເປັນອາວຸດໃນການຕໍ່ສູ້ຕ້ານໂຄວິດ-19

ເຈົ້າຮູ້ບໍ່ວ່າ ໂລກກໍາລັງຈະຂາດແຄນ “ຊາຍ” ໃນອະນາຄົດອັນໃກ້?

ເຈົ້າຮູ້ບໍ່ວ່າ ໂລກກໍາລັງຈະຂາດແຄນ “ຊາຍ” ໃນອະນາຄົດອັນໃກ້?

ຍ້ອນຫຍັງການປູກຕົ້ນໄມ້ຈຶ່ງບໍ່ຊ່ວຍຫຼຸດຜ່ອນພາວະໂລກຮ້ອນໄດ້ສະເໝີໄປ?

ຍ້ອນຫຍັງການປູກຕົ້ນໄມ້ຈຶ່ງບໍ່ຊ່ວຍຫຼຸດຜ່ອນພາວະໂລກຮ້ອນໄດ້ສະເໝີໄປ?

ຄວາມແຕກຕ່າງຂອງ ຄວາມລໍ່າລວຍແບບໃໝ່ (New Rich) ແລະ ຄວາມລໍ່າລວຍແບບເກົ່າ (Old Rich)

ຄວາມແຕກຕ່າງຂອງ ຄວາມລໍ່າລວຍແບບໃໝ່ (New Rich) ແລະ ຄວາມລໍ່າລວຍແບບເກົ່າ (Old Rich)

ປະມວນພາບ ການນຳພັກ-ລັດ ຄົນດັງ ຊາວພຸດ ຮ່ວມພິທີສົ່ງສະການ ຍາທ່ານໃຫຍ່ ມະຫາງອນ ດຳຣົງບຸນ

ປະມວນພາບ ການນຳພັກ-ລັດ ຄົນດັງ ຊາວພຸດ ຮ່ວມພິທີສົ່ງສະການ ຍາທ່ານໃຫຍ່ ມະຫາງອນ ດຳຣົງບຸນ

ກາຍເປັນເສດຖີພຽງຂ້າມຄືນ! ຊາຍຊາວແທນຊາເນຍຮັບເງິນເບົາໆ 3.35 ລ້ານໂດລາ ຫຼັງຂຸດພົບອັນຍະມະນີຫາຍາກ

ກາຍເປັນເສດຖີພຽງຂ້າມຄືນ! ຊາຍຊາວແທນຊາເນຍຮັບເງິນເບົາໆ 3.35 ລ້ານໂດລາ ຫຼັງຂຸດພົບອັນຍະມະນີຫາຍາກ

ກວດເບິ່ງເລີຍ ຜົນຫວຍວັນທີ 25 ມິຖຸນາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດເບິ່ງເລີຍ ຜົນຫວຍວັນທີ 25 ມິຖຸນາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ