ວັນອາທິດ ທີ 18 ເມສາ 2021

ເກືອບເຄິ່ງປີຫຼັງການແພ່ລະບາດຂອງໂຄວິດ-19 ເຮົາຮູ້ຫຍັງແດ່ກ່ຽວກັບພະຍາດນີ້?

ເກືອບເຄິ່ງປີຫຼັງການແພ່ລະບາດຂອງໂຄວິດ-19 ເຮົາຮູ້ຫຍັງແດ່ກ່ຽວກັບພະຍາດນີ້?
S! Muan

ສະໜັບສະໜູນເນື້ອຫາ

ຕັ້ງແຕ່ໄລຍະທຳອິດທີ່ພະຍາດ ມີການເລີ່ມລະບາດໃນເມືອງອູ່ຮັ້ນ ແຂວງຫູເປີ່ຍ ສປ ຈີນ ຕອນນັ້ນ ເຮົາຍັງມີຄວາມຮູ້ກ່ຽວກັບພະຍາດນີ້ໜ້ອຍຫຼາຍ ເພາະວ່າເປັນພະຍາດທີ່ເກີດຈາກເຊື້ອຈຸລະໂລກ (ໄວຣັດ) ໂຄໂຣນາສາຍພັນໃໝ່ທີ່ວົງການແພດທົ່ວໂລກຍັງບໍ່ຮູ້ຈັກມາກ່ອນ ຈົນມາຮອດປັດຈຸບັນທີ່ການລະບາດກາຍເປັນວິກິດການລະດັບໂລກມີຜູ້ຕິດເຊື້ອຫຼາຍກວ່າ 5 ລ້ານຄົນຫຼັງຈາກທີ່ເລີ່ມລະບາດມາຕັ້ງແຕ່ທ້າຍປີ 2019.

ມາຮອດຕອນນີ້ເຮົາກໍເລີ່ມທີ່ຈະມີຄວາມຮູ້ກ່ຽວກັບເຊື້ອພະຍາດນີ້ຫຼາຍຂຶ້ນ ລວມທັງເຂົ້າໃຈວ່າວິທີການແພ່ກະຈາຍຂອງມັນເກີດຂຶ້ນໄດ້ແນວໃດ ແລະ ມີວິທີການໃດແດ່ທີ່ສາມາດປ້ອງກັນການຕິດເຊື້ອໄດ້.

muan.la ຊວນທຸກຄົນມາອັບເດດຂໍ້ມູນກ່ຽວກັບພະຍາດ COVID-19 ຫຼັງຈາກທີ່ລະບາດມາໄດ້ເກືອບເຄິ່ງປີແລ້ວ.

ໄວຣັດໂຄໂຣນາແມ່ນຫຍັງ?

ໄວຣັດໂຄໂຣນາ ເປັນສະກຸນໃຫຍ່ຂອງໄວຣັດກຸ່ມໜຶ່ງທີ່ເຮັດໃຫ້ເກີດອາການປ່ວຍໃນຄົນ ຫຼື ສັດ. ໃນຄົນ ມີໄວຣັດໂຄໂຣນາຫຼາຍຊະນິດທີ່ເປັນທີ່ຮູ້ຈັກກັນດີວ່າເປັນສາເຫດຂອງພະຍາດຕິດເຊື້ອໃນລະບົບຫາຍໃຈ ເຊັ່ນ: ໄຂ້ຫວັດໃຫຍ່ ໄປຈົນຮອດພະຍາດທີ່ຮ້າຍແຮງ ເຊັ່ນ ເມີສ໌ (MERS) ແລະ ຊາສ໌ (SARS). ສ່ວນໄວຣັດໂຄໂຣນາສາຍພັນຫຼ້າສຸດທີ່ກໍ່ໃຫ້ເກີດພະຍາດໃນຄົນແມ່ນ SAR-CoV-2 ເຊິ່ງເຮັດໃຫ້ເກີດພະຍາດໂຄວິດ-19 (COVID-19) ທີ່ກຳລັງລະບາດທົ່ວໂລກໃນປັດຈຸບັນ.

ທີ່ມາຂອງພະຍາດ

ໄວຣັດໂຄໂຣນາສ່ວນໃຫຍ່ແລ້ວຈະລະບາດໃນສັດ ແຕ່ກໍມີບາງສາຍພັນທີ່ແພ່ສູ່ຄົນໄດ້ ເຊິ່ງໃນປັດຈຸບັນມີທັງໝົດ 7 ສາຍພັນ ແລະ ໂຄວິດ-19 ກໍເປັນໜຶ່ງໃນນັ້ນ.

ໂຄວິດ-19 ເລີ່ມແພ່ລະບາດຄັ້ງທຳອິດໃນເມືອງອູ່ຮັ້ນ ປະເທດຈີນ ເຊິ່ງນັກວິທະຍາສາດຄາດວ່າມີຈຸດເລີ່ມຕົ້ນມາຈາກຕະຫຼາດອາຫານທະເລທີ່ຢູ່ໃນເມືອງ ທີ່ມີການຄ້າຂາຍສັດປ່າຫຼາຍຊະນິດ. ກ່ອນໜ້ານີ້ມີການຄາດຄະເນກັນວ່າ ໄວຣັດກໍ່ໂຄວິດ-19 ອາດມາຈາກເຈຍ ແຕ່ເມື່ອມີການສຶກສາເພີ່ມເຕີມນັກວິທະຍາສາດກໍພົບວ່າ ມັນອາດມີທີ່ມາຈາກງູ. ເມື່ອບໍ່ດົນມານີ້ ກໍມີຜົນການວິໄຈຈາກມະຫາວິທະຍາໄລໃນຈີນທີ່ທົດສອບຕົວຢ່າງຈາກສັດປ່າຈຳນວນ 1,000 ຕົວຢ່າງ ພົບວ່າລະຫັດພັນທຸກຳຂອງໄວຣັດທີ່ພົບໃນໂຕລິ້ນກັບລະຫັດກຳມະພັນຂອງໂຄວິດ-19 ທີ່ພົບໃນຄົນກົງກັນເຖິງ 99% ເຮັດໃຫ້ໂຕລິ້ນກາຍເປັນຜູ້ຖືກສົງໄສລາຍໃໝ່. ແນວໃດກໍຕາມ ມີຫຼາຍຄົນໂຕ້ແຍ້ງວ່າ ຄວາມຄ້າຍຄືຂອງລະຫັດພັນທຸລກຳອາດບໍ່ພຽງພໍທີ່ຈະຢັ້ງຢືນວ່າລິ້ນເປັນຕົ້ນຕໍຂອງການແພ່ເຊື້ອ ເພາະອາດມີການປົນເປື້ອນຈາກສະພາບແວດລ້ອມທີ່ເຮັດໃຫ້ມີໂອກາດໃນການຕິດເຊື້ອສູງໄດ້. ຕອນນີ້ຈຶ່ງຍັງບໍ່ທັນມີຂໍ້ສະຫຼຸບທີ່ຊັກເຈນວ່າ ເຊື້ອທີ່ກໍ່ໃຫ້ເກີດໂຄວິດ-19 ມາຈາກສັດຊະນິດໃດກັນແທ້.

ມີຢາປິ່ນປົວ ຫຼື ວັກຊີນປ້ອງກັນພະຍາດແລ້ວ ຫຼື ຍັງ?

ຕອນນີ້ຍັງບໍ່ທັນມີຢາ ຫຼື ວັກຊີນໃດທີ່ໄດ້ຮັບການຢັ້ງຢືນວ່າ ໃຊ້ປິ່ນປົວ ຫຼື ປ້ອງກັນພະຍາດດັ່ງກ່າວນີ້ໄດ້ ແຕ່ໃນທົ່ວໂລກກຳລັງມີການວິໄຈກັນຢູ່ ແລະ ມີຄວາມຄືບໜ້າຫຼາຍຂຶ້ນ. ໃນເດືອນມັງກອນ 2020 ນັກວິທະຍາສາດຈີນສາມາດຖອດລະຫັດພັນທຸກຳຂອງໄວຣັດ SARS-CoV-2 ໄດ້ສຳເລັດ ແລະ ມີການເຜີຍແພ່ຂໍ້ມູນນີ້ໄປທົ່ວໂລກ ເຮັດໃຫ້ນັກວິໄຈຄົນອື່ນໆສາມາດສຶກສາການເຕີບໂຕຂອງໄວຣັດ ແລະ ພຶດຕິກຳຂອງມັກນທີ່ເຮັດໃຫ້ເກີດພະຍາດໃນຄົນ ເພື່ອຫາວັກຊີນປ້ອງກັນຕໍ່ໄດ້.

ທັງນີ້ ຂະບວນການພັດທະນາວັກຊີນປ້ອງກັນຄາດວ່າຈະໃຊ້ເວລາປະມານ 1-2 ປີ ຈຶ່ງຈະນຳມ່ໃຊ້ໄດ້ ເພາະຕ້ອງໃຊ້ແຮງຄົນເປັນພັນໆ ລວມທັງມີຫຼາຍຂັ້ນຕອນທີ່ຈຳເປັນເຊັ່ນ: ການອອກແບບວັກຊີນ, ການໃຊ້ວັກຊີນກັບສັດ ເພື່ອປະເມີນວ່າໃຊ້ໄດ້ ຫຼື ບໍ່ ແລະ ມີຜົນຂ້າງຄຽງຮຸນແຮງ ຫຼື ບໍ່, ການທົດສອບທາງຄລີນິກ ໂດຍທຳອິດ ຈະທົດສອບກັບຄົນເປັນກຸ່ມນ້ອຍໆ ແລະ ທົດສອບຄວາມປອດໄພ ກ່ອນທີ່ຈະທົດສອບຄັ້ງຕໍ່ໄປເພື່ອວິເຄາະການເຮັດວຽກຂອງວັກຊີນໃຫ້ເລິກເຊິ່ງຫຼາຍຂຶ້ນ ໃນຄົນເຈັບກຸ່ມໃຫຍ່ກວ່າ ແລະ ຫຼັງຈາກນັ້ນຈຶ່ງທົດສອບທາງຄລີນິກຮອບທີ 3 ເພື່ອທົດລອງໃຊ້ວັກຊີນກັບຄົນເຈັບກຸ່ມທີ່ໃຫຍ່ຂຶ້ນ ໂດຍໃຊ້ເວລາທົດສອບດົນຂຶ້ນ. ສຸດທ້າຍຖ້ຈຶ່ງຈະໄດ້ຮັບການຮັບຮອງຕາມກົດໝາຍ ອົງການຕ່າງໆເຊັ່ນ ອົງການອາຫານ ແລະ ຢາ ຫຼື ອົງການຢາຂອງສະຫະພາບເອີຣົບ ຈະກວດສອບຂໍ້ມູນທີ່ໄດ້ມາຈາກການທົດລອງ ແລະ ສະຫຼຸບວ່າວັກຊີນສາມາດນຳມາໃຊ້ເປັນທາງເລືອກໃນການປິ່ນປົວພະຍາດໄດ້ ຫຼື ບໍ່.

ສ່ວນຢາຮັກສາ, ຕອນນີ້ຍັງງບໍ່ທັນມີເຊັ່ນກັນ ແຕ່ວ່າທີ່ຜ່ານມາ ນັກວິທະຍາສາດໄດ້ທົດລອງໃຊ້ຢາບາງປະເພດທີ່ມີຄຸນສົມບັດໃນການຕ້ານໄວຣັດກັບຄົນເຈັບເຊັ່ນ: ຢາກຸ່ມຕ້ານໄວຣັດເອັດໄອວີ (HIV), Remdesivir (ຢາຕ້ານໄວຣັດອີໂບລາ), Favipiravir (ຢາຮັກສາພະຍາດໄຂ້ຫວັດໃຫຍ່) ແລະ ເມື່ອບໍ່ດົນມານີ້ມີການທົດລອງໃຊ້ Chloroquine ແລະ Hydroxychloroquine (ກຸ່ມຢາຕ້ານພະຍາດມາລາເຣຍ). ແນວໃດກໍຕາມ ເຖິງວ່າຈະມີລາຍງານວ່າ ກໍລະນີທີ່ໄດ້ຮັບຢາເຫຼົ່ານີ້ອາການດີຂຶ້ນ ແຕ່ຍັງບໍ່ສາມາດສະຫຼຸບໄດ້ວ່າມີປະສິດທິພາບໃນການປິ່ນປົວແທ້ ຫຼື ບໍ່ ເພາະບໍ່ແມ່ນວ່າຄົນເຈັບທຸກລາຍຈະມີອາການດີຂຶ້ນໝົດເມື່ອໄດ້ຮັບຢາ.

ການແພ່ກະຈາຍຂອງເຊື້ອພະຍາດ

ອົງການອະນາໄມໂລກ (WHO) ລວມທັງສູນຄວບຄຸມ ແລະ ປ້ອງກັນພະຍາດຕິດຕໍ່ຂອງສະຫະລັດ (CDC) ອອກມາຢັ້ງຢືນວ່າ ໄວຣັດທີ່ເປັນຕົ້ນກຳເນີດຂອງພະຍາດໂຄວິດ-19 ສາມາດເແພ່ກະຈາຍຜ່ານທາງລະອອງຈາກດັງ ຫຼື ປາກ ຂອງຜູ້ທີ່ຕິດເຊື້ອ ເມື່ອໄອ, ຈາມ ຫຼື ເວົ້າ ໄປສູ່ຜູ້ທີ່ຢູ່ໃກ້ຊິດທີ່ຫາຍໃຈເອົາລະອອງດັ່ງກ່າວໃນໄລຍະປະມານ 1-2 ແມັດ.

ລະອອງຝອຍດັ່ງກ່າວຂ້ອນຂ້າງມີນໍ້າໜັກ ສະນັ້ນຈຶ່ງບໍ່ໄດ້ກະຈາຍໄປໄກເກີນກວ່າທີ່ກ່າວມາຂ້າງເທິງ ແລະ ຈະຕົກລົງສູ່ພື້ນຢ່າງໄວ. ພ້ອມນີ້ລະອອງທີ່ມີເຊື້ອໄວຣັດຍັງສາມາດຕິດຕາມວັດຖຸ ແລະ ພື້ນຜິວຕ່າງໆເຊັ່ນ ໂຕະ, ຕັ່ງ, ຫູຈັບປະຕູ ແລະ ລູກບິດ ເປັນຕົ້ນ ແລະ ໄວຣັດກໍສາມາດແພ່ກະຈາຍໄປສູ່ຄົນອື່ນໆໄດ້ຈາກການຈັບພື້ນຜິວເຫຼົ່ານີ້ ແລ້ວໃຊ້ມືຈັບຕາ, ດັງ ຫຼື ປາກ.

ອາການປ່ວຍ

ອົງການອະນາໄມໂລກໃຫ້ຂໍ້ມູນວ່າ ອາການຂອງພະຍາດໂຄວິດ-19 ທີ່ພົບເຫັນເລື້ອຍໆແມ່ນ ມີໄຂ້, ໄອແຫ້ງ ແລະ ອ່ອນເພຍ. ສ່ວນອາການອື່ນໆທີ່ບໍ່ຄ່ອຍພົບ ແລະ ອາດພົບໃນຄົນເຈັບຈຳນວນໜຶ່ງປະກອບມີ ປວດເມື່ອຍຕົນໂຕ, ຕັນດັງ, ປວດຫົວ, ເປືອກຕາອັກເສບ, ເຈັບຄໍ, ຖອກທ້ອງ, ສູນເສຍການຮັບລົດ ຫຼື ໄດ້ກິ່ນ, ມີຜື່ນແດງຕາມຜິວໜັງ ຫຼື ການປ່ຽນສີຂອງນິ້ວມື ຫຼື ນິ້ວຕີນ. ອາການເຫຼົ່ານີ້ໂດຍທົ່ວໄປແລ້ວແມ່ນຈະເບົາບາງ ແລະ ຄ່ອຍໆເພີ່ມທະວີຂຶ້ນ.

ຄົນເຈັບທີ່ເປັນພະຍາດໂຄວິດ-19 ອາດຈະສະແດງອາການພາຍໃນ 2-14 ມື້ ແລະ ມີລັກສະນະອາການໜັກ-ເບົາທີ່ແຕກຕ່າງກັນໄປ ແລະ ບາງຄົນອາດຈະບໍ່ສະແດງອາການເລີຍກໍມີ.

ກຸ່ມທີ່ສ່ຽງເສຍຊີວິດຈາກການຕິດເຊື້ອ

ອາການສ່ວນໃຫຍ່ຂອງຜູ້ທີ່ຕິດເຊື້ອມັກຈະບໍ່ຮຸນແຮງ ຫຼື ມີອາການທີ່ຮຸນແຮງປານກາງ ຂໍ້ມຸູນຈາກອົງການອະນາໄມໂລກເປີດເຜີຍວ່າ ປະມານ 1 ໃນ 5 ຂອງຜູ້ຕິດເຊື້ອ ມີອາການປ່ວຍຢ່າງຮຸນແຮງ ແລະ ເກີດອາການຂັດຂ້ອງທາງລະບົບຫາຍໃຈ.

ແຕ່ຖ້າຖາມວ່າແມ່ນກຸ່ມໃດທີ່ສ່ຽງຕໍ່ການເສຍຊີວິດຈາກການຕິດເຊື້ອຫຼາຍທີ່ສຸດ? ຄຳຕອບກໍຄື ຄົນເຈັບທີ່ມີອາຍຸສູງ ແລະ ຜູ້ທີ່ມີບັນຫາດ້ານສຸຂະພາບເຊັ່ນ: ຄວາມດັນສູງ, ມີບັນຫາຫ່ຽວກັບຫົວໃຈ ແລະ ປອດ, ເປັນເບົາຫວານ, ມະເຮັງ ເປັນຕົ້ນ.

ອົງການອະນາໄມໂລກແນະນຳວ່າ ຜູ້ທີ່ມີອາການໄຂ້, ໄອ ພ້ອມທັງຫາຍໃຈຝືດ, ເຈັບໜ້າເອິກ, ເວົ້າບໍ່ໄດ້ ຫຼື ເຄື່ອນເໜັງບໍ່ໄດ້ ຄວນເຂົ້າຮັບການກວດ ແລະ ປິ່ນປົວໂດຍແພດໝໍໃນທັນທີ. ຖ້າເປັນໄປໄດ້ແມ່ນໃຫ້ຕິດຕໍ່ສອບຖາມກັບສາຍດ່ວນດ້ານສຸຂະພາບ (ຢູ່ລາວແມ່ນສາຍດ່ວນໂຄວິດ 166 ແລະ 165) ເພື່ອຮັບຄຳແນະນຳທີ່ຖືກຕ້ອງ.

ວິທີປ້ອງກັນການຕິດເຊື້ອ

ມີຄຳແນະນຳຫຼາຍຢ່າງກ່ຽວກັບການປ້ອງກັນພະຍາດໂຄວິດ-19 ໃນນັ້ນມີທັງເລື່ອງຂອງການລ້າງມືເລື້ອຍໆດ້ວຍສະບູ ແລະ ນໍ້າສະອາດ ລວມທັງເຈວລ້າງມືທີ່ມີສ່ວນປະສົມຂອງທາດເຫຼົ້າ (ເອທານໍຢ່າງໜ້ອຍ 60% ຫຼື ໄອໂຊໂພຣພິລຢ່າງໜ້ອຍ 70%), ຢູ່ຫ່າງຈາກຜູ້ທີ່ມີອາການໄອ ຫຼື ຈາມຢ່າງໜ້ອຍ 1 ແມັດ ຫຼື ເວັ້ນໄລຍະຫ່າງທາງສັງຄົມ ລວມທັງການໃສ່ຜ້າອັດປາກ-ດັງເວລາໄປຢູ່ໃນສະຖານທີ່ທີ່ມີຄົນຫຼາຍ ແລະ ເບິ່ງແຍງຄົນເຈັບຕິດເຊື້ອໂຄວິດ-19. 

ອາຍຸຂອງເຊື້ອໄວຣັດນອກຮ່າງກາຍ

ຜົນການວິໄຈສະແດງໃຫ້ເຫັນວ່າ ເຊື້ອໄວຣັດໂຄໂຣນາທີ່ກໍ່ໃຫ້ເກີດພະຍາດໂຄວິດ-19 ສາມາດຢູ່ນອກຮ່າງກາຍຂອງຄົນໄດ້ດົນຫຼາຍຊົ່ວໂມງໄປຈົນເຖິງຫຼາຍມື້ ຂຶ້ນກັບພື້ນທີ່ທີ່ມັນອາໄສຢູ່.

ຂໍ້ມູນຈາກອົງການອະນາໄມໂລກລະບຸວ່າ ເຊື້ອໂຄວິດ-19 ອາດມີຊີວິດຢູ່ໃນພື້ນຜິວທີ່ເປັນພລາສຕິກ ຫຼື ສະແຕນເລສ ໄດ້ດົນເຖິງ 72 ຊົ່ວໂມງ (3 ມື້), ໃນພື້ນຜິວທີ່ເປັນທອງ ໄດ້ໜ້ອຍກວ່າ 4 ຊົ່ວໂມງ ແລະ ພື້ນຜິວທີ່ເປັນແກັດເຈ້ຍ ໄດ້ໜ້ອຍກວ່າ 24 ຊົ່ວໂມງ. ພ້ອມນີ້ ການອະນາໄມພື້ນຜິວເພື່ອກຳຈັດເຊື້ອສາມາດເຮັດໄດ້ ໂດຍໃຊ້ນໍ້າຢາຂ້າເຊື້ອທົ່ວໄປທີ່ເຮົາໃຊ້ໃນເຮືອນໃນແຕ່ລະມື້.

ນອກຈາກນີ້ຍັງມີຜົນການວິໄຈສະບັບໜຶ່ງເປີດເຜີຍວ່າ ອຸນຫະພູມອາດສົ່ງຜົນຕໍ່ການມີຊີວິດຢູ່ຂອງເຊື້ອໄວຣັດນີ້ອີກດ້ວຍ. ຜົນການວິໄຈດັ່ງກ່າວຊີ້ວ່າ ອຸນຫະພູມສູງ ແລະ ຄວາມຊຸ່ມສູງ ມີຄວາມສຳພັນກັບການແພ່ເຊື້ອທີ່ຫຼຸດລົງ. ທີມວິໄຈລະບຸວ່າ ເມື່ອອຸນຫະພູມເພີ່ມສູງຂຶ້ນ 1 ອົງສາເຊລຊຽສ ແລະ ຄວາມຊຸ່ມເພີ່ມຂຶ້ນ 1% ກໍສາມາດສົ່ງຜົນໃຫ້ເຊື້ອໄວຣັດຫຼຸດລົງໄດ້. 

Advertisement Replay Ad
"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ