ມີດີຕ້ອງໂຊ ສາວຮັອດ "ນໍ້ານໍ້າ" ບໍ່ຊີຣຽດ! ເຜີຍມຸມມອງຂອງນາງແບບລາວກັບການຖ່າຍແບບເຊັກຊີ່

ຖ້າຈະເວົ້າເຖິງຄົນດັງໃນບັນເທີງ ທີ່ໄດ້ຮັບງານຖ່າຍແບບເຊັ່ກຊີ່ເປັນປະຈຳ ຄົງໜີບໍ່ພົ້ນຊື່ຂອງສາວຄົນນີ້ ນໍ້ານໍ້າ ກອງມະນີ ສາວຮັອດຂອງວົງການ! ເມື່ອເວ້າເຖິງການຖ່າຍແບບເຊັກຊີ່ກໍເປັນອາຊີບໜຶ່ງທີ່ສຸດຈະຫຼິດ ແລະ ສາມາດສ້າງໄດ້ໃຫ້ແກ່ຕົນເອງໄດ້ ແຕ່ສຳລັບບາງຄົນກໍຍັງບໍ່ເປີດໃຈ ແລະ ຍັງຄິດວ່າການຖ່າຍແບບນີ້ເປັນສິ່ງທີ່ບໍ່ດີ, ແລ້ວທ່ານເດຄິດແນວໃດກັບເລື່ອງນີ້? ມື້ນີ້ເຮົາຈະນຳເອົາປະເດັນນີ້ມາຖາມເຈົ້າແມ່ວົງການແຫ່ງຄວາມເຊັກຊີ່ ທີ່ບໍ່ໄດ້ມີດີແຕ່ຫຸ່ນງາມ ໜ້າຕາດີ ແຕ່ມາພ້ອມກັບຄວາມສາມາດ ແລະ ທັດສະນະຄະຕິຂອງຄົນຮຸ່ນໃໝ່, ນໍ້າໆໄດ້ມີໂອກາດມາໃຫ້ສຳພາດກັບເລື່ອງນີ້ແລ້ວຈະເປັນແນວໃດໄປຮູ້ຈັກກັບນໍ້າ ແລະ ມຸມມອງຂອງການຖ່າຍແບບເຊັກຊີ່ນຳກັນໄດ້ເລີຍ:

ສະບາຍດີ ນໍ້ານໍ້າເດີ (ຈັນສຸກ ກອງມະນີ) ປັດຈຸບັນ ນໍ້າກຳລັງຝຶກຮຽນດີເຈ ແລະ ຈະເປັນດີເຈມືອາຊີບໄດ້ໄວໆນີ້ ແລະຕອນນີ້ ນໍ້າກຳລັງສຶກສາຢູ່ວິທະຍາໄລ ຮັດຕະນະ, ນໍ້າໄດ້ກ້າວເຂົ້າວົງການບັນເທີງລາວຕັ້ງແຕ່ປີ 2017 ທີຜ່ານມານໍ້າ ມີຜົນງານໃຫ້ແຟນໆຕິດຕາມຕະຫລອດ ບໍ່ວ່າຈະປະກວດ, ເດີນແບບ, ຖ່າຍແບບ, ຖ່າຍໂຄສະນາ ແລະ ຖ່າຍ MV ອອກລາຍການ takemeout thailand ຕອນນີ້ກຳລັງສິມີຜົນງານຖ່າຍ Mv ໃຫ້ແຟນໆໄດ້ ຕິດຕາມໃນໄວໆນີ້!

ນໍ້າເອງກໍ່ຮູ້ສຶກດີໃຈ ທີ່ແຟນໆ ມັກທີ່ນໍ້າຖ່າຍແບບ ເຊັ່ກຊີ່ ເພາະນໍ້າເອງກໍ່ບໍ່ເຄີຍຄິດມາກ່ອນເລີຍວ່າໂຕເອງຈະມາສາຍນີ້ ແຕ່ກີ້ນ້ຳບໍ່ຄ່ອຍກ້າທີຈະສະແດງອອກ, ບໍ່ກ້າທີຈະຖ່າຍແນວເຊັກຊີ່ ແຕ່ຕອນນີ້ກ້າແລ້ວ ຖ່າຍແບບເຊັກຊີ່ລະຮູ້ສຶກຫມັ້ນໃຈນໍ້າຄິດວ່າ: ຫນ້າຈະແມ່ນຫນ້າອົກທີນໍ້າຄິດວ່າເຊັດຊີ່ ສ່ວນທີ່ມີສະເໝ່ທີ່ສຸດ ນໍ້າຄິດວ່າທຸກສ່ວນຂອງຮ່າງກາຍເລີຍ.

ມຸມມອງຂອງນໍ້າໃນການຖ່າຍແບບເຊັກຊີ່: ບໍ່ຄ່ອຍຊີຣຽດກັບການຖ່າຍແບບເຊັກຊີ ເພາະນໍ້າຖ່າຍຫລິ້ນໆ ນໍ້າຍັງບໍ່ໄປຮອດຈຸດທີ່ວ່າຖ່າຍວາບວິວ ເພາະນໍ້າເປັນຄົນຍຸກໃຫມ່ ນໍ້າເລີຍຄິດແບບວ່າ ເຮົາມີດີ ມີຫຸ່ນທີ່ງາມ ເຮົາກໍຕ້ອງໂຊ ແຕ່ບໍ່ໂຊຈົນຫນ້າກຽດ ໂຊພໍເປັນແຟຊັ່ນ, ນໍ້າຄິດວ່າຖ່າຍແບບເຊັກຊີ່ມັນກະບໍ່ໄດ້ມີຫຍັງເສຍຫາຍ ມັນກະໄດ້ມີມຸມທີ່ແບບວ່າ ນໍ້າໄປສາຍໃດກໍໄດ້ ສາມາດຖ່າຍແບບ ແຟຊັ່ນໄດ້ ສາມາດຖ່າຍເຊັກຊີ່ໄດ້ ເພາະມັນເຮັດໃຫ້ຄົນທີຈະຈ້າງງານເຮົາເບີ່ງເຮົາວ່າເຮົາເຫມາະກັບໂຕໃດ ບາງທີຄົນທີຈະຈ້າງນໍ້າອາດຈະເລືອກນໍ້າໃນສອງແບບກໍໄດ້ ຮາຮຮາ ແລະຢາກຈະຝາກບອກຄົນທີບໍ່ຄ່ອຍເຂົ້າໃຈໃນການຖ່າຍແບບເຊັກຊີ່ ຄວນເປີດໃຈແລະທຳຄວາມເຂົ້າໃຈໄດ້ແລ້ວ ເພາະປັດຈຸບັນ 2020 ແລ້ວ, ຖ່າຍເຊັກຊີ່ກໍຄືຖ່າຍງານປົກກະຕິ ສັງຄົມປັດຈຸບັນ ເລີ່ມທີຈະເຂົ້າໃຈ ແຕ່ມີໜ້ອຍຄົນທີຍັງບໍ່ເຂົ້າໃຈ ແລະ ບໍ່ເປີດໃຈເບິ່ງວ່າຖ່າຍແບບເຊັກຊີ່ລະຄິດວ່າເປັນຄົນບໍ່ດີ ບໍ່ແມ່ນເດີ້!

ເຄັດລັບສະບັບຂອງນໍ້າໆກໍບໍ່ມີຫຍັງຫລາຍ ກິນເຂົ້າໃຫ້ຖືກເວລານອນໃຫ້ຖືກໂມງ ຕື່ນເຊົ້າອອກກຳລັງກາຍ 20-30 ນາທີ ເທົ່ານີ້ກໍຫຸ່ນດີຄືນໍ້າໄດ້ແລ້ວ ສ່ວນຜິວຂາວໃສນໍ້າບໍ່ມີເຄັດລັບ ເພາະນໍ້າຂາວໃສມາແຕ່ນ້ອຍແລ້ວ ອິອິອິ!

ໂດຍ ສຸດທ້າຍນໍ້າຢາກຝາກຜົນງານຖ່າຍ Mv ເພງຂອງອ້າຍຕ່າຍອາກາດທີກຳລັງຈະປ່ອຍໃນໄວໆນີ້ ແລະຖ່າຍແບບແຟຊັນ ຖ່າຍແບບເຊັກຊີ ທີກຳລັງຈະໃຫ້ແຟນໆ ໄດ້ຕິດຕາມໃນໄວໆນີ້ ແລະສຸດທ້າຍນໍ້າຢາກຝາກບອກແຟນໆ ທຸກຄົນ ນໍ້າຖ່າຍແບບເຊັກຊີມັນເປັນງານແລະໃຫ້ທຸກຄົນເບີ່ງວ່າມັນເປັນສິນລະປະ ບໍ່ຢາກໃຫ້ທຸກຄົນຄິດວ່າຖ່າຍແບບເຊັກຊີແລ້ວຈະເປັນຄົນບໍ່ດີ ນໍ້າຝາກໄວ້ແຕ່ຊຳນີ້ ຂອບໃຈຫລາຍໆ.