ວັນອາທິດ ທີ 19 ກັນຍາ 2021

ເຮັດແນວໃດຈຶ່ງປະສົບຄວາມສຳເລັດ? ນີ້ແມ່ນ 5 ເຄັດລັບທີ່ຄວນຮຽນຮູ້ຈາກ Taylor Swift ຖ້າຢາກເກັ່ງການຕະຫຼາດ

ເຮັດແນວໃດຈຶ່ງປະສົບຄວາມສຳເລັດ? ນີ້ແມ່ນ 5 ເຄັດລັບທີ່ຄວນຮຽນຮູ້ຈາກ Taylor Swift ຖ້າຢາກເກັ່ງການຕະຫຼາດ
S! Muan

ສະໜັບສະໜູນເນື້ອຫາ

ຖ້າເວົ້າເຖິງສິລະປິນທີ່ປະສົບຄວາມສຳເລັດໃນລະດັບໂລກ ມີໃຜແດ່ທີ່ຈະບໍ່ເຄີຍໄດ້ຍິນຊື່ຂອງ (Taylor Swift) ຫຼື ຖ້າບໍ່ຮູ້ຈັກຊື່ຂອງນາງ ຖ້າເປັນຄໍເພງສາກົນ ກໍໜ້າຈະເຄີຍໄດ້ຍິນເພງຜ່ານໆຫູມາຢູ່ ຕັ້ງແຕ່ສະໄໝປີ 2008 ເປັນຕົ້ນມາມີຫຼາຍເພງທີ່ດັງແຮງ ຍົກຕົວຢ່າງ ເພງ You Belong with Me ເຊິ່ງໄດ້ຮັບລາງວັນ Grammy Awards ສາຂາເພງແຫ່ງປີໃນປີ 2009. ເພງນີ້ເຂົ້າເຖິງຈິດໃຈຂອງຜູ້ຟັງ ທີ່ຢູ່ໃນຫ້ວງຂອງການຕົກຫຼຸມຮັກໃຜຄົນໃດຄົນໜຶ່ງແບບໄວລຸ້ນໃສໆ ຈົນເປັນກະແສໄປທົ່ວໂລກ ຈຶ່ງບໍ່ແປກໃຈທີ່ຈະໄດ້ລາງວັນນັ້ນໄປຄອງ.

ໃນຫຼາຍໆປີທີ່ຜ່ານມາ ຫຼາຍເພງຂອງນັກຮ້ອງສາວຊາວອາເມລິກາຄົນນີ້ກໍໄດ້ຮັບການຕອບຮັບເປັນຢ່າງດີ ແບບວ່າບໍ່ມີເພງໃດເລີຍທີ່ປ່ອຍອອກມາແລ້ວຈະບໍ່ດັງ ເຖິງວ່າຈະມີເລື່ອງລາວທີ່ບໍ່ຄ່ອຍດີກັບສິລະປິນຄົນອື່ນໂດຍສະເພາະກັບນັກຮ້ອງດັງຢ່າງ ຄານເຢ ເວສ (Kanye West) ແລະ ພັນລະຍາ ຄິມ ຄາເດຊຽນ (Kim Kadashian) ຈົນເປັນປະເດັນຮ້ອນແຮງເລື້ອຍມາ ແລະ ປະເດັນເລື່ອງຂອງຄວາມຮັກທີ່ບໍ່ຄ່ອຍຍືນຍາວຂອງສາວຄົນນີ້ ກໍບໍ່ເຄີຍຖ່ວງດຶງໃຫ້ຜົນງານທີ່ປ່ອຍອອກມາໃຫ້ບໍ່ດັງປ້ຽງປ້າງຈັກໜ້ອຍ.

ຊໍ້າບໍ່ໜຳ ຫຼັງຈາກທີ່ເກີດເຫດການບໍ່ດີ ສາວຄົນນີ້ຊໍ້າພັດສາມາດລຸກຢືນຂຶ້ນມາໃໝ່ໄດ້ອີກຄັ້ງຢ່າງເຂັ້ມແຂງ ແລະ ສະຫງ່າຜ່າເຜີຍກວ່າເກົ່າ ຍົກຕົວຢ່າງການທົວຄອນເສີດ Reputation ເມື່ອປີ 2018 ທີ່ຖືກກ່າວວ່າເປັນຄອນເສີດທີ່ປະສົບຄວາມສຳເລັດຫຼາຍທີ່ສຸດໃນຊີວິດຂອງນາງ ສ້າງລາຍຮັບໄດ້ຫຼາຍທີ່ສຸດໃນສະຫະລັດອາເມລິກາ. ພ້ອມນີ້ ດ້ວຍຄວາມທີ່ ເທລີ ສະວິຟ ມີຄວາມຊ່ຽວຊານໃນການຮ່ວມມືຢ່າງມີກົນລະຍຸດ, ການສ້າງຄວາມຮັບຮູ້ຢ່າງຕໍ່ເນື່ອງ ແລະ ການປະຕິສຳພັນກັບແຟນເພງ ຈຶ່ງຖືກວາລະສານ Forbe ຈັດໃຫ້ເປັນໜຶ່ງໃນແມ່ຍິງທີ່ລວຍທີ່ສຸດດ້ວຍຕົວເອງຂອງສະຫະລັດປະຈຳປີ 2018 ດ້ວຍລາຍໄດ້ທີ່ຫຼາຍເຖິງ 320 ລ້ານໂດລາໃນອາຍຸພຽງ 29 ປີ.

ແມ່ນຫຍັງຄືເບື້ອງຫຼັງທີ່ເຮັດໃຫ້ສິລະປິນສາວຜູ້ເຂັ້ມແຂງ ແລະ ເກັ່ງກ້າຄົນນີ້ປະສົບຄວາມສຳເລັດໃນວົງການເພງລະດັບໂລກໄດ້? ເຮົາຈະພາໄປເບິ່ງບົດຮຽນຈາກ Taylor Swift ທີ່ບັນດານັກການຕະຫຼາດຄວນຮູ້ໄວ້.

ເມື່ອຊີວິດເຖິງຈຸດວິກິດ ຈະລຸກຂຶ້ນໃໝ່ໄດ້ໃນແນວໃດ?

ຫຼາຍຄົນໜ້າຈະຈື່ເຫດການເມື່ອປີ 2009 ໃນງານປະກາດລາງວັນ VMAs ຂອງ MTV ທີ່ເປັນຊະນວນຂອງການຜິດໃຈກັນລະຫວ່າງ ເທເລີ ແລະ ຄານເຢ ເວສ (ເຊິ່ງຕໍ່ມາຖືກສຸມໄຟຕື່ມຈາກການສະແດງຄວາມເຫັນຂອງ ຄິມ ຄາເດຊຽນ ທີ່ເວົ້າວ່າ ເທເລີ ເປັນ "ນາງງູພິດ"). ເຫດການນີ້ເວົ້າໄດ້ວ່າເປັນການທົດສອບຄວາມສາມາດຂອງ ເທເລີ ຢ່າງແທ້ຈິງ. ແທນທີ່ນາງຈະເອົາໂຕເອງເຂົ້າໄປຕອບໂຕ້ຢູ່ໃນດົງຂອງກະແສລົບໆ ນາງຊໍ້າພັດເອົາກະແສນັ້ນມາສົ່ງເສີມຄວາມຄິດສ້າງສັນຂອງໂຕເອງ. ເທເລີ ເອົາ "ງູ" ມາເປັນຈຸດຂາຍໃນອາລະບຳ Reputation ແລະ ກາຍເປັນສັນຍາລັກທີ່ຊົງພະລັງໃນການກັບຄືນມາຂອງນາງ. ເທເລີ້ ບອກວ່າ ສິ່ງທີ່ນາງຮຽນຮູ້ໄດ້ຈາກການຖືກຂົ່ມເຫງ ເປັນເລື່ອງງ່າຍດາຍຫຼາຍ ຄືກັບການ "ຫົວ".

ໃນເວລາທີ່ເຮົາເຮັດການຕະຫຼາດ ບໍ່ວ່າຈະໃນນາມແບຣນ ຫຼື ໃນນາມບຸກຄົນ, ການຖືກຕອບຮັບແບບລົບໆເປັນເລື່ອງທີ່ບໍ່ງ່າຍ. ໃນນີ້ເຮົາບໍ່ໄດ້ບອກວ່າເຈົ້າຕ້ອງ "ຫົວ" ເມື່ອຖືກຕຳນິ ແຕ່ເຈົ້າຕ້ອງເລືອກວິທີຕອບໂຕ້ຢ່າງເໝາະສົມ. ຖ້າແບຣນເຈົ້າເຮັດຜິດ ກໍພຽງແຕ່ຍອມຮັບຂໍ້ຜິດພາດນັ້ນ ແລະ ແກ້ໄຂ. ຢ່າພະຍາຍາມເຮັດເປັນບໍ່ຮູ້ເລື່ອງຮູ້ລາວ ຫຼື ເຮັດໃຫ້ເບິ່ງຄືວ່າບໍ່ເຄີຍມີຫຍັງເກີດຂຶ້ນ.

ເຂົ້າເຖິງທຸກໆຄວາມຮູ້ສຶກດ້ວຍການໂອບກອດຄວາມອ່ອນແອ

ທີ່ຜ່ານມາ ທຸກໆເລື່ອງລາວຊີວິດຂອງ ເທເລີ ຖືກສັງຄົມກວດສອບ ແລະ ວິພາກວິຈານຢ່າງໜັກ. ນາງຈະຢຸດການຄາດຄະເນຕ່າງໆນານາຂອງສັງຄົມ ແລະ ສື່ ໂດຍເອົາມາເວົ້າເຖິງໃນວິດີໂອເພງຂອງຕົນເອງ ແລະ ລວມທັງໃນການທົວຄອນເສີດ. ວິທີການນີ້ຈະເຮັດໃຫ້ນາງສາມາດທວງຄືນອຳນາດຂອງຕົນເອງໄດ້ຢ່າງກັບນາງພະຍາ.

ໃນນາມຂອງແບຣນ, ຮູບພາບທີ່ສົດໃສສວຍງາມພຽງຢ່າງດຽວສາມາດກີດກັນລູກຄ້າອອກຈາກການເຊື່ອມຕໍ່ກັບເຈົ້າໄດ້ ແຖມຍັງເຮັດໃຫ້ຍາກທີ່ຈະເຂົ້າເຖິງອີກ. ການເປີດກວ້າງໃຫ້ມີການຖົກຖຽງ ແລະ ເວົ້າເຖິງຄວາມທ້າທາຍທີ່ແບຣນເຈົ້າກຳລັງປະສົບພົບພໍ້ ສາມາດກາຍເປັນວິທີທາງທີ່ຊົງພະລັງໃນການເຊື່ອມຕໍ່ກັບລູກຄ້າຂອງເຈົ້າໄດ້ ໂດຍນຳສະເໜີຜ່ານເລື່ອງລາວທີ່ກ່ຽວຂ້ອງກັບພວກເຂົາ. Corporate radical transparency ຫຼື ການເປີດເຜີຍທຸກຢ່າງ ເພື່ອເຮັດໃຫ້ຄົນຈຳນວນຫຼາຍຮັບຮູ້ ແລະ ກາຍມາເປັນພວກຂອງຕົນເອງ ແນວຄິດນີ້ໄດ້ຮັບການຢັ້ງຢືນວ່າ ເຮັດໃຫ້ຄົນມີຄວາມເຊື່ອມໂຍງກັບແບຣນຂອງເຈົ້າຫຼາຍຂຶ້ນເມື່ອເຈົ້າເປີດໃຈ ແລະ ສະແດງໃຫ້ເຂົາເຫັນວ່າ ເຈົ້າເຮັດແນວໃດໃນການແກ້ບັນຫາໃຫ້ພວກເຂົາ.

ເຮັດແນວໃດຈຶ່ງຈະກາຍເປັນ "ເທບໂຊຊຽວມີເດຍ"?

ຄົນແບບ ເທເລີ ສະວິຟ ສາມາດຂໍຄວາມຊ່ວຍເຫຼືອຈາກໃຜກໍໄດ້ໃນໂລກນີ້ ແຕ່ມີຢ່າງໜຶ່ງທີ່ນາງບໍ່ເຄີຍໃຫ້ໃຜເຮັດແທນກໍຄື ການພົວພັນກັບແຟນເພງຂອງນາງ. ເທເລີ ຈະຮັບຟັງ, ຕອບກັບ ແລະ ຣີທະວີດຂໍ້ຄວາມຂອງແຟນເພງດ້ວຍຕົນເອງ ເພື່ອສະແດງໃຫ້ເຫັນວ່ານາງມີຄວາມໃສ່ໃຈ ແລະ ຊາບຊຶ້ງໃນທຸກສິ່ງທີ່ແຟນເພງເຮັດໃຫ້ຕົນເອງຢ່າງແທ້ຈິງ ບໍ່ວ່າຕົນເອງຈະມີວຽກຫຍຸ້ງຫຼາຍປານໃດກໍຕາມ. ຫຼາຍຄັ້ງ ມີການພົບເຫັນວ່າ ເທເລີ ກຳລັງນັ່ງເບິ່ງວິດີໂອທີ່ແຟນຄລັບຖ່າຍທອດສົດ, ອ່ານຄວາມເຫັນຂອງແຟນເພງ ລວມທັງເລືອກເອົາແຟນພັນແທ້ເພື່ອໃຫ້ໄປຮ່ວມງານຕ່າງໆນຳ.

ຫຼາຍບໍລິສັດບໍ່ມັກສ້າງປະຕິສຳພັນໃນໂຊຊຽວມີເດຍໃນແຕ່ລະວັນ ແລະ ເລືອກທີ່ຈະຈັດການໂຊຊຽວມີເດຍແທນໂດຍການເລືອກທີ່ຈະຕັ້ງເວລາໂພສ ແລະ ເຜີຍແຜ່ຂ່າວຫຼາຍກວ່າທີ່ຈະສື່ສານກັບຜູ້ຕິດຕາມ ແລະ ສ້າງການສົນທະນາ. ການປະຕິສຳພັນໃນໂຊຊຽວມີເດຍດ້ວຍຕົນເອງ ສາມາດຊ່ວຍສ້າງໃຫ້ແບຣນເຊື່ອມຕໍ່ກັບລູກຄ້າໄດ້ດີຂຶ້ນ ພ້ອມທັງເປັນການສ້າງຄວາມສຳພັນ ແລະ ສະແດງໃຫ້ເຫັນວ່າແບຣນເຈົ້າ "ມີຊີວິດ" ບໍ່ແມ່ນຫຸ່ນຍົນທີ່ບໍ່ມີຄວາມຮູ້ສຶກຮູ້ສາ.

ຈະສ້າງປະສົບການທີ່ລືມບໍ່ລົງໄດ້ແນວໃດ?

ໃນຄອນເສີດ Reputation ເທເລີ ສະວິຟ ໄດ້ຮ່ວມມືກັບ PixMob ແຈກສາຍແຂນ LED ໃຫ້ກັບຜູ້ມາຄອນເສີດ. ສາຍແຂນນີ້ບໍ່ແມ່ນສາຍແຂນທຳມະດາ ແຕ່ສາມາດສ່ອງແສງທີ່ເຊື່ອມໂຍງກັບສຽງດົນຕີ ແລະ ການເຄື່ອນໄຫວຂອງຄົນໃນງານເປັນຈັງຫວະດຽວກັນ ເຮັດໃຫ້ຜູ້ມາຮ່ວມຄອນເສີດມີຄວາມຮູ້ສຶກວ່າເຊື່ອມໂຍງກັບປະສົບການທີ່ເກີດຂຶ້ນ. ນີ້ໝາຍຄວາມວ່າ ພວກເຂົາບໍ່ໄດ້ມາເບິ່ງຄອນເສີດຢ່າງດຽວ ແຕ່ມາເປັນສ່ວນໜຶ່ງຂອງຄອນເສີດນຳ.

ໃນໂລກຂອງການຕະຫຼາດ, ຫຼາຍທຸລະກິດເລີ່ມຫັນໂຕເອງມາສູ່ອອນລາຍຫຼາຍຂຶ້ນ ແຕ່ການຕະຫຼາດເພື່ອສ້າງປະສົບການໃນໂລກແຫ່ງຄວາມຈິງກໍຍັງເປັນສິ່ງທີ່ສຳຄັນ. ການສ້າງ ຫຼື ແບ່ງປັນປະສົບການທີ່ລືມບໍ່ລົງ ເພື່ອເຮັດໃຫ້ເກີດການເຊື່ອມຕໍ່ກັບລູກຄ້າສາມາດເຮັດໄດ້ໂດຍ ການຈັດງານ, ເປີດຫ້ອງວາງສະແດງທີ່ໃຫ້ລູກຄ້າໄດ້ມາສຳຜັດປະສົບການຕົວຈິງ ຫຼື ການໃຊ້ເຄື່ອງມືອອນລາຍເພື່ອສ້າງປະສົບການທີ່ແປກໃໝ່ໃຫ້ພວກເຂົາ ເປັນຕົ້ນ.

ເຮັດແນວໃດຈຶ່ງຈະໃຊ້ເຕັກໂນໂລຊີເພື່ອໃຫ້ເກີດຜົນທາງທຸລະກິດທີ່ດີຂຶ້ນ?

ເທເລີ ສະວິຟ ບໍ່ເຄີຍທີ່ຈະບໍ່ນຳໃຊ້ນະວັດຕະກຳໃໝ່ໆເຂົ້າໃນການເຮັດວຽກ ບໍ່ວ່າຈະເປັນສາຍແຂນ LED ໄປຈົນເຖິງຊອບແວໃນການລະບຸຕົວຕົນ ແລະ ປ້ອງກັນບໍ່ໃຫ້ເກີດການຄຸກຄາມໃນລະຫວ່າງການຂຶ້ນສະແດງ. ໃນການເປີດໂຕຄອນເສີດ Reputation, ນາງໄດ້ຂໍໃຫ້ແຟນເພງລົງທະບຽນໃນລະບົບຂອງນາງ ເພື່ອເພີ່ມໂອກາດໃນການຊື້ປີ້ໄດ້ ແລະ ປ້ອງກັນການກວາດຊື້ປີ້ຂອງນາຍໜ້າຕ່າງໆ.

ໃນລະບົບນັ້ນ ແຟນເພງຕ້ອງໄດ້ເຮັດຫຼາຍໆຢ່າງເພື່ອພິສູດວ່າພວກເຂົາບໍ່ແມ່ນຫຸ່ນຍົນ (ໃນນັ້ນມີຮອດໃຫ້ຊື້ເຄື່ອງຕ່າງໆໃນມູນຄ່າ 60 ໂດລາ ເຊິ່ງນີ້ໃຊ້ໄດ້ຜົນກັບກຸ່ມແຟນພັນແທ້ທີ່ແນວໃດກໍຕ້ອງໄປງານໃຫ້ໄດ້). ພ້ອມນີ້ກໍຍັງມີການຕັ້ງລາຄາຫຼາກຫຼາຍຮູບແບບຄືກັບທີ່ສາຍການບິນ ແລະ ໂຮງແຮມເຮັດ ແລະ ມີການປ່ຽນແປງລາຄາໄປເລື້ອຍໆເພື່ອໃຫ້ກົງກັບຄວາມຕ້ອງການຂອງຕະຫຼາດ.

ປີ້ຄອນເສີດ "1989" ເມື່ອປີ 2015 ຂາຍໝົດຢ່າງໄວວາຫຼັງຈາກເປີດຂາຍ ແຕ່ສຳລັບຄອນເສີດ Reputation ຕອນນັ້ນແມ່ນຍັງມີບ່ອນວ່າງເຫຼືອຢູ່ຫຼາຍ. ຜູ້ຊ່ຽວຊານຈຳນວນໜຶ່ງກ່າວວ່າ ຖ້າເຈົ້າຂາຍໝົດຢ່າງວ່ອງໄວ ສະແດງວ່າເຈົ້າບໍ່ໄດ້ຕັ້ງລາຄາທີ່ເໝາະສົມ. ເຖິງວ່າລະບົບທີ່ເທເລີໃຊ້ຈະສ້າງຄວາມສັບສົນໃຫ້ກັບແຟນເພງ ແຕ່ຜູ້ຊ່ຽວຊານບອກວ່າ ນັ້ນເປັນວິທີການທີ່ຈຳເປັນເພື່ອສ້າງກຳໄລ ໃນຂະນະທີ່ວົງການເພງມີການປ່ຽນແປງຢູ່ຕະຫຼອດເວລາ.

ການນຳໃຊ້ນະວັດຕະກຳໃໝ່ໆມາພ້ອມກັບຄວາມຫຍຸ້ງຍາກໃນການຮຽນຮູ້ສຳລັບນັກການຕະຫຼາດ, ແຕ່ນັ້ນເປັນສິ່ງທີ່ຈຳເປັນເພື່ອກອບກຳເອົາໂອກາດທີ່ນະວັດຕະກຳນັ້ນສ້າງຂຶ້ນ. ສະນັ້ນ ໃຫ້ທົດລອງໃຊ້ເຄື່ອງມື ແລະ ວິທີການຕ່າງໆຫຼາຍແບບ ເພື່ອຄົ້ນຫາວ່າອັນໃດທີ່ໄດ້ຜົນດີທີ່ສຸດສຳລັບແບຣນຂອງເຈົ້າ ເຊິ່ງທີ່ສຳຄັນທີ່ສຸດແມ່ນຕ້ອງຮຽນຮູ້ ແລະ ພັດທະນາຕົນເອງຢູ່ຕະຫຼອດເວລາ.

ທັງໝົດນັ້ນກໍຄືເຄັດລັບຂອງສາວນັກຮ້ອງດັງທີ່ບັນດານັກການຕະຫຼາດຄວນຮຽນຮູ້ນຳ. ອ່ານມາຮອດຕອນນີ້ແລ້ວ ເຮົາຄິດວ່າເຮົາຄວນຍົກມຸງກຸດ "ອັດສະລິຍະດ້ານການຕະຫຼາດ" ໃຫ້ກັບ ເທເລີ ສະວິຟ ໄດ້ແລ້ວ ວ່າບໍ່?

Advertisement Replay Ad

ຂໍຂອບໃຈ

ພາບ : IG: taylorswift

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ