ວັນເສົາ ທີ 6 ມິຖຸນາ 2020

ເຮັດວຽກໜ້ອຍມື້ຊ່ວຍເສດຖະກິດໄດ້? ນີ້ແມ່ນເຫດຜົນທີ່ນາຍົກນິວຊີແລນສະເໜີໃຫ້ເຮັດວຽກ 4 ມື້ຕໍ່ອາທິດ

ເຮັດວຽກໜ້ອຍມື້ຊ່ວຍເສດຖະກິດໄດ້? ນີ້ແມ່ນເຫດຜົນທີ່ນາຍົກນິວຊີແລນສະເໜີໃຫ້ເຮັດວຽກ 4 ມື້ຕໍ່ອາທິດ
S! Muan

ສະໜັບສະໜູນເນື້ອຫາ

ການລະບາດຂອງພະຍາດໂຄວິດ-19 ຈຳກັດການເດີນທາງຂອງຄົນທົ່ວໂລກ ສົ່ງຜົນກະທົບຢ່າງຮຸນແຮງຕໍ່ທຸລະກິດການທ່ອງທ່ຽວ ເຮັດໃຫ້ຂະແໜງການນີ້ສູນເສຍເມັດເງິນຈຳນວນມະຫາສານ.

ແຕ່ແນວໃດກໍຕາມຫຼັງຈາກທີ່ສະຖານະການຜ່ອນຄາຍ ຫຼື ຄວບຄຸມໄດ້ແລ້ວ ຫຼາຍປະເທດກໍເລີ່ມເປີດການເດີນທາງ ແລະ ການທ່ອງທ່ຽວພາຍໃນປະເທດຄືນ ເພື່ອກະຕຸ້ນເສດຖະກິດ. ໃນນັ້ນນາຍົກລັດຖະມົນຕີສ້າງຄວາມຕື່ນເຕັ້ນໃຫ້ກັບຊາວນິວຊີແລນເປັນຈຳນວນຫຼາຍ ເພາະໄດ້ອອກມາແນະນຳໃຫ້ນາຍຈ້າງພິຈາລະນາຫຼຸດມື້ເຮັດວຽກໃຫ້ເຫຼືອພຽງອາທິດລະ 4 ມື້ ເພື່ອເປີດໂອກາດໃຫ້ປະຊາຊົນໄດ້ມີເວລາໃນການເດີນທາງທ່ອງທ່ຽວ ເຊິ່ງນີ້ຈະສາມາດຊ່ວຍຂະແໜງການທ່ອງທ່ຽວໄດ້ຫຼາຍ.

ທ່ານນາງ ຈາຊິນດາ ອາເດິນ ຜູ້​ນຳ​ນິວ​ຊີແລນກ່າວ​ວ່າ ​ການ​ທ່ອງ​ທ່ຽວ​ຂອງ​ປະເທດ​ໄດ້ຮັບ​ຜົນ​ກະທົບ​ໜັກ​ຫຼາຍ ແລະ​ ການ​ເຮັດ​ວຽກງານ​ອາທິດ​ລະ 4 ມື້ ຈະ​ເຮັດໃຫ້​ປະຊາຊົນ​ສາມາດເດີນທາງ​ທ່ອງ​ທ່ຽວ​ໃນ​ປະເທດ​ໄດ້​ງ່າຍ​ຂຶ້ນ. ຊາວ​ນິວ​ຊີແລນຈຳນວນ​ຫຼາຍ​ບອກ​ວ່າ​ ພວກ​ເຂົາ​ຈະ​ເດີນທາງ​ທ່ອງ​ທ່ຽວ​ໃນ​ປະເທດ​ຫຼາຍ​ຂຶ້ນ ຫາກ​ມີ​ຊີວິດ​ການ​ເຮັດ​ວຽກງານ​ທີ່​ຜ່ອນຜັນ​ຫຼາຍກວ່າ​ນີ້.

ຄຳແນະນຳດັ່ງກ່າວມີຂຶ້ນຫຼັງຈາກທີ່ທ່ານນາງ ອາເດິນ ໄດ້ເປີດເຜີຍໃນເຟສບຸກໄລ​ຟ​໌​ຢ່າງບໍ່ເປັນທາງການເມື່ອ​ວັນຈັນ​ທີ່​ຜ່ານມາ​ຫຼັງ​ການ​ປະ​ຊຸມ​ຂະແໜງການ​ອຸດສາຫະກຳ​ບໍລິການ​ໃນ​ເມືອງ​ໂຣ​ໂຕຣົວ ແຫຼ່ງ​ທ່ອງ​ທ່ຽວ​ສຳຄັນ​ຂອງ​ນິວ​ຊີ​ແລນ​ ໂດຍ​ບອກ​ວ່າ​ໄດ້ຍິນ​ຄົນ​ຈຳນວນ​ຫຼາຍ​ແນະ​ນຳ​ວ່າ​ ການ​ຫຼຸດ​ຈຳນວນ​ມື້​ເຮັດວຽກ​ຕໍ່​ອາທິດ​ລົງ​ໄປ ລວມທັງ​ການ​ເພີ່ມວັນພັກທາງລັດຖະການ ເປັນ​ວິທີ​ການ​ກະຕຸ້ນ​ເສດຖະກິດ​ ແລະ ​ການ​ທ່ອງ​ທ່ຽວ​ພາຍ​ໃນ​ປະເທດ.

ຢ່າງໃດ​ກໍ​ຕາມ, ສຸດ​ທ້າຍ​ແລ້ວ ​ເລື່ອງ​ນີ້​ຂຶ້ນ​ຢູ່​ກັບ​ນາຍ​ຈ້າງ ​ແລະ ​ພະ​ນັກ​ງານ​ວ່າ​ຈະ​ຕັດ​ສິນ​ໃຈຫຼຸດ​ຈຳນວນ​ມື້​ເຮັດວຽກ​ຕໍ່​ອາທິດ​ ຫຼື ​ບໍ່, ແຕ່​ກໍ​ສະໜັບ​ສະໜຸນ​ໃຫ້​ນາຍ​ຈ້າງ​ລອງ​ພິຈາລະນາ​ເງື່ອນ​ໄຂ​ນີ້​ວ່າ​ຈະ​ສາມາດ​ເຮັດ​ໄດ້​ກັບ​ອົງກອນຂອງ​ຕົວ​ເອງ ​ຫຼື​ ບໍ່ ເພາະແນ່ນອນ​ວ່າ​ເງື່ອນ​ໄຂ​ເຮັດວຽກ 4 ມື້​ຕໍ່​ອາທິດ​ຈະ​ເປັນ​ປະໂຫຍດ​ຕໍ່​ການ​ທ່ອງ​ທ່ຽວທົ່ວ​ປະເທດ.

ເນື່ອງ​ຈາກ​ຂະແໜງການ​ທ່ອງ​ທ່ຽວ​ມີ​ຄວາມ​ສຳຄັນ​ຢ່າງ​ຍິ່ງ​ຕໍ່​ເສດຖະກິດ​ຂອງ​ນິວ​ຊີ​ແລນ ໂດຍ​ເມື່ອ​ປີ 2019 ສ້າງ​ເງິນ​ໃຫ້​ກັບ​ປະເທດ​ຫຼາຍ​ເຖິງ 16,200 ລ້ານໂດລາ ຄິດ​ເປັນ​ 6% ຂອງ​ຈີ​ດີ​ພີ (GDP). ຄວາມໝາຍກໍຄື​ໃນ​ຈຳນວນ​ຊາວ​ນິວ​ຊີແລນທຸກ​ໆ 8 ຄົນ ຈະ​ມີ 1 ຄົນທີ່​ເຮັດວຽກ​ໃນ​ຂະແໜງການເສດຖະກິດ​ນີ້.

ຢ່າງໃດ​ກໍ​ຕາມ ກອງ​ທຶນ​ການ​ເງິນ​ລະຫວ່າງ​ປະເທດ ຫຼື ໄອ​ເອັມ​ເອ​ຟ (IMF) ຄາດ​ການ​ວ່າ​ການ​ເຕີບໂຕ​ທາງ​ເສດຖະກິດ​ຂອງ​ນິວ​ຊີແລນຈະ​ຫົດ​ຕົວ​ເຖິງ​ 8% ໃນ​ປີ​ນີ້. ຂະນະ​ທີ່​ຕົວ​ເລກ​ກາ​ນວ່າງ​ງານ​ອາດ​ສູງ​ເກີນ 15% ແລະ ​ອາດ​ແຕະ​ສູງ​ສຸດ​ເຖິງ 30%.

ທັງນີ້ ນິວ​ຊີແລນເປັນ​ອີກ​ປະເທດ​ໜຶ່ງ​ທີ່​ໄດ້ຮັບ​ສຽງ​ຊົມເຊີຍ​ໃນ​ການ​ຄວບ​ຄຸມ​ການ​ລະ​ບາດ​ຂອງ​ໂຄ​ວິດ​-19 ລັດຖະບານ​ໄດ້​ຕັດ​ສິນ​ໃຈ​ລັອກ​ດາວ​ຢ່າງ​ວ່ອງໄວ ຊຶ່ງ​ພາຍໃຕ້​ມາ​ດຕະການ​ລັອກ​ດາວ​ລະ​ດັບ 4 ທີ່​ບັງຄັບ​ໃຊ້​ເປັນ​ເວລາ 1 ເດືອນ ໄດ້​ຫ້າມ​ປະຊາຊົນ​ມີ​ປະຕິ​ສຳພັນ​ກັບ​ຄົນທີ່​ຢູ່​ນອກເຮືອນ, ມີ​ພຽງ​ຊູ​ເປ​ີ​ມາ​ເກັດ ​ແລະ ຮ້ານ​ຂາຍ​ຢາ​ເທົ່າ​ນັ້ນ​ທີ່​ເປີດ​ດຳເນີນການ. ແຕ່ຫຼ້າ​ສຸດ​ລັດຖະບານ​ກໍ​ໄດ້​ຄາຍ​ມາດຕະການ​ລັອກ​ດາວ​​ແລ້ວ​ເມື່ອໄລຍະ​ປາຍ​ເດືອນ​ເມສາ ແລະ ​ຈົນ​ເຖິງ​ຕອນ​ນີ້ຍັງ​ບໍ່​ມີ​ລາຍ​ງານ​ການ​ລະ​ບາດ​ຮອບ 2 ໂດຍ​ເມື່ອ​ອາທິດ​ທີ່​ຜ່ອນມາ, ​ສະຖານ​ທີ່​ເຮັດວຽກ​ຕ່າງ​ໆຂອງ​ນິວ​ຊີແລນສາມາດ​ກັບ​ມາ​ເປີດດຳເນີນການ​ໄດ້​ແລ້ວ​ຫຼັງ​ນາຍົກ​ລັດຖະມົນຕີ​ອາ​ເດິນ​ຍົກ​ເລີກ​ຂໍ້​ຫ້າມ​ເກືອບ​ທັງ​ໝົດ. ເຊັ່ນ​ດຽວ​ກັບ​ອະນຸຍາດ​ໃຫ້​ເປີດ​ຮ້ານ​ອາຫານ, ຮ້ານເຫຼົ້າ, ຮ້ານຄ້າຍ່ອຍ ​ແລະ ​ໂຮງຮຽນ​ອີກ​ເທື່ອ ໂດຍ​ຍັງ​ຄົງ​ຕ້ອງ​ຮັກສາ​ໄລຍະ​ຫ່າງ​ທາງ​ສັງຄົມ. ນອກ​ຈາກ​ນີ້ ​ຜູ້​ທີ່​ພັກ​ໃນ​ນິວ​ຊີແລນຍັງ​ໄດ້ຮັບ​ອະນຸຍາດ​ໃຫ້​ເດີນທາງ​ຂ້າມພາກພື້ນ ລວມທັງ​ສາມາດ​ຈັດ​ກິດຈະກຳ​ທີ່​ມີຄົນຊຸມນຸມ​ໄດ້​ສູງ​ສຸດ 10 ຄົນ. 

ຂະນະ​ທີ່​ຜົນ​ສຳ​ຫຼວດ​ຈາກ Newshub-Reid Research ຊຶ່ງ​ເຜີຍແຜ່​ເມື່ອ​ວັນ​ຈັນ​ທີ່​ຜ່ານມາ​ຊີ້​ວ່າ ຜົນ​ງານ​ຈາກ​ການ​ຕອບສະໜອງ​ຕໍ່​ການ​ລະ​ບາດ​ໃຫຍ່​ຂອງ​ໂຄ​ວິດ​-19 ເຮັດໃຫ້​ນາຍົກ​ລັດຖະມົນຕີ​ອາ​ເດິນ​ກາຍ​ເປັນ​ຜູ້​ນຳ​ທີ່​ໄດ້ຮັບ​ຄວາມ​ນິຍົມ​ສູງ​ສຸດ​ໃນ​ຮອບ 1 ສະຕະວັດ​ຂອງ​ນິວ​ຊີ​ແລນ ຄະ​ແນນ​ຄວາມ​ນິຍົມ​ໃນ​ພັກ​ແຮງ​ງານ​ຂອງ​ນາງ​ພຸ່ງ​ຂຶ້ນ​ໄປ​ເຖິງ​ເກືອບ 60% ຈາກ​ຜົນ​ສຳ​ຫຼວດ​ດັ່ງ​ກ່າວ ແລະ​ ປະຊາຊົນ​ສ່ວນ​ໃຫຍ່​ສະໜັບ​ສະໜຸນ​ມາດຕະ​ການ​ລັອກ​ດາວຂອງ​ລັດຖະບານ.

Advertisement Replay Ad

ຂໍຂອບໃຈ

ຂໍ້ມູນ : Voice TV

ພາບ : MARTY MELVILLE / AFP

"ທ່ານໝໍນຸ້ຍ" ທຸ້ມເທກາຍ ແລະ ໃຈ ໃນການປະຕິບັດໜ້າທີ່ ສູ້ກັບໂຄວິດ-19

"ທ່ານໝໍນຸ້ຍ" ທຸ້ມເທກາຍ ແລະ ໃຈ ໃນການປະຕິບັດໜ້າທີ່ ສູ້ກັບໂຄວິດ-19

ສົມຫວັງ ໄຊສັກດີ ມືລະນາດວົງຕິ່ງນ່ອຍໆ ຄິດໄກກວ່າການຫຼິ້ນດົນຕີລາວເດີມ!

ສົມຫວັງ ໄຊສັກດີ ມືລະນາດວົງຕິ່ງນ່ອຍໆ ຄິດໄກກວ່າການຫຼິ້ນດົນຕີລາວເດີມ!

"ຂ້ອຍເຄີຍຖືກເຂົາເວົ້າໃຫ້ວ່າຂີ້ລ້າຍ" ເລື່ອງລາວການຖືກຂົ່ມເຫງ ບັນຫາທີ່ຝັງຮາກເລິກໃນສັງຄົມລາວ

"ຂ້ອຍເຄີຍຖືກເຂົາເວົ້າໃຫ້ວ່າຂີ້ລ້າຍ" ເລື່ອງລາວການຖືກຂົ່ມເຫງ ບັນຫາທີ່ຝັງຮາກເລິກໃນສັງຄົມລາວ

ບາງຂໍ້ກົດໝາຍທີ່ຄູ່ຜົວເມຍຄວນຮູ້ ກ່ອນທີ່ຈະຕັດສິນໃຈໄປມີເລັກມີນ້ອຍ

ບາງຂໍ້ກົດໝາຍທີ່ຄູ່ຜົວເມຍຄວນຮູ້ ກ່ອນທີ່ຈະຕັດສິນໃຈໄປມີເລັກມີນ້ອຍ

ຄວນຢຸດໄດ້ແລ້ວ ຄອມເມັ້ນ "ສົນໃຈເດີ" ຖ້າຢາກໄດ້ວຽກ ຢ່າເຮັດ!

ຄວນຢຸດໄດ້ແລ້ວ ຄອມເມັ້ນ "ສົນໃຈເດີ" ຖ້າຢາກໄດ້ວຽກ ຢ່າເຮັດ!

ລົດໜັກພາຂົວຫັກ: ຂົວນໍ້າພະນາຍ ບ້ານເກິນຫັກ ກະທົບການສັນຈອນ

ລົດໜັກພາຂົວຫັກ: ຂົວນໍ້າພະນາຍ ບ້ານເກິນຫັກ ກະທົບການສັນຈອນ

ຢາກເດີນທາງເຂົ້າ-ອອກລາວຕ້ອງເຮັດແນວໃດ? ນີ້ແມ່ນທຸກຢ່າງທີ່ເຈົ້າຕ້ອງຮູ້ໄວ້

ຢາກເດີນທາງເຂົ້າ-ອອກລາວຕ້ອງເຮັດແນວໃດ? ນີ້ແມ່ນທຸກຢ່າງທີ່ເຈົ້າຕ້ອງຮູ້ໄວ້

ທຸກຢ່າງທີ່ຜູ້ອອກແຮງງານຕ້ອງຮູ້ ກ່ຽວກັບມາດຕະການດ້ານແຮງງານໃນໄລຍະ ແລະ ຫຼັງການລະບາດຂອງໂຄວິດ-19

ທຸກຢ່າງທີ່ຜູ້ອອກແຮງງານຕ້ອງຮູ້ ກ່ຽວກັບມາດຕະການດ້ານແຮງງານໃນໄລຍະ ແລະ ຫຼັງການລະບາດຂອງໂຄວິດ-19

ນີ້ແມ່ນກົນໂກງຂອງແມ່ຫວຍອອນລາຍ ໃຊ້ຕົວະຕົ້ມເອົາເງິນຂອງລູກຫວຍຫຼາຍກວ່າ 1,500 ລ້ານກີບ

ນີ້ແມ່ນກົນໂກງຂອງແມ່ຫວຍອອນລາຍ ໃຊ້ຕົວະຕົ້ມເອົາເງິນຂອງລູກຫວຍຫຼາຍກວ່າ 1,500 ລ້ານກີບ

ສະຫຼຸບເຫດການ ຊາຍຜິວດຳຢູ່ສະຫະລັດເສຍຊີວິດຫຼັງຖືກຕຳຫຼວດຈັບກຸມ ຈົນກາຍເປັນກະແສໄປທົ່ວໂລກ

ສະຫຼຸບເຫດການ ຊາຍຜິວດຳຢູ່ສະຫະລັດເສຍຊີວິດຫຼັງຖືກຕຳຫຼວດຈັບກຸມ ຈົນກາຍເປັນກະແສໄປທົ່ວໂລກ

ໂຄວິດ-19 ມີຜົນກະທົບແນວໃດ ຕໍ່ການປ່ຽນແປງດິນຟ້າອາກາດ?

ໂຄວິດ-19 ມີຜົນກະທົບແນວໃດ ຕໍ່ການປ່ຽນແປງດິນຟ້າອາກາດ?

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ