ວັນເສົາ ທີ 6 ມິຖຸນາ 2020

ກະຊວງສຶກສາທິການ ແລະ ກີລາ ຂໍໃຫ້ທົ່ວສັງຄົມເຊື່ອໝັ້ນການປ້ອງກັນ-ຄວບຄຸມພະຍາດໂຄວິດ-19 ໃນໂຮງຮຽນ

ກະຊວງສຶກສາທິການ ແລະ ກີລາ ຂໍໃຫ້ທົ່ວສັງຄົມເຊື່ອໝັ້ນການປ້ອງກັນ-ຄວບຄຸມພະຍາດໂຄວິດ-19 ໃນໂຮງຮຽນ
S! Muan

ສະໜັບສະໜູນເນື້ອຫາ

ກະຊວງສຶກສາທິການ ແລະ ກີລາ (ສສກ) ໄດ້ແຈ້ງໃຫ້ສັງຄົມ ໂດຍສະເພາະແມ່ນພໍ່ແມ່ ຜູ້ປົກຄອງນັກຮຽນໃຫ້ມີຄວາມເຊື່ອໝັ້ນໃນມາດຕະການປ້ອງກັນ ແລະ ຄວບຄຸມການແຜ່ລະບາດຂອງພະຍາດ ໃນໂຮງຮຽນ ພາຍຫຼັງໄດ້ມີການເປີດການຮຽນການສອນຄືນໃໝ່ຂັ້ນ ປ.5, ມ.4 ແລະ ມ.7 ເມື່ອວັນທີ 18 ພຶດສະພາ ຜ່ານມາ ໃນຂອບເຂດທົ່ວປະເທດ.

ທ່ານ ຮສ.ປອ ກອງສີ ແສງມະນີ ຮອງລັດຖະມົນຕີ ກະຊວງສຶກສາທິການ ແລະ ກີລາ ໄດ້ຖະແຫຼງການຕໍ່ສື່ມວນຊົນ ເມື່ອວັນທີ 20 ພຶດສະພາ ຜ່ານມາ ທີ່ກະຊວງສາທາລະນະສຸກ, ໂດຍມີ ທ່ານ ຮສ.ປອ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ, ຫົວໜ້າກອງເລຂາຄະນະສະເພາະກິດ, ພ້ອມດ້ວຍບັນດາສື່ມວນຊົນເຂົ້າຮ່ວມ.

ໂອກາດດັ່ງກ່າວ, ທ່ານຮອງລັດຖະມົນຕີ ສສກ ໄດ້ລາຍງານຜົນການຈັດຕັ້ງປະຕີບັດ ການສືບຕໍ່ປະຕິບັດຄຳສັ່ງເລກທີ 06 ຂອງທ່ານນາຍົກລັດຖະມົນຕີ ຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 580/ຫສນຍ, ລົງວັນທີ 15 ພຶດສະພາ 2020 ວ່າດ້ວຍການສືບຕໍ່ປະຕິບັດບັນດາມາດຕະການຜ່ອນຜັນ ແລະ ມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດ COVID-19

 ໃນໄລຍະແຕ່ວັນທີ 18 ພຶດສະພາ ຫາ ວັນທີ 1 ມິຖຸນາ 2020, ຊຶ່ງກະຊວງສຶກສາທິການ ແລະ ກີລາ ໄດ້ມີການຜັນຂະຫຍາຍ ຄື: ໄດ້ອອກແຈ້ງການຂອງລັດຖະມົນຕີ 1 ສະບັບ ໃນວັນທີ 16 ພຶດສະພາ 2020 ສະບັບເລກທີ 465/ສສກ, ວ່າດ້ວຍການຜັນຂະຫຍາຍແຈ້ງການຂອງສຳນັກງານນາຍົກລັດຖະມົນຕີ ສະບັບເລກທີ 580/ຫສນຍ ແລະ ໄດ້ອອກຄຳແນະນຳ ສະບັບເລກທີ 466/ສສກ, ລົງວັນທີ 17 ພຶດສະພາ 2020 ກ່ຽວກັບມາດຕະການເປີດຮຽນຄືນໃນສະຖານການສຶກສາ ແລະ ສະຖານທີ່ອອກກໍາລັງກາຍ, ກີລາກາງແຈ້ງ ແລະ ໃນຮົ່ມ ເພື່ອຮັບປະກັນການປ້ອງກັນ, ຄວບຄຸມ ແລະ ເຝົ້າລະວັງການລະບາດຂອງພະຍາດໂຄວິດ-19.

ການກະກຽມເປີດໂຮງຮຽນຄືນທົ່ວປະເທດທັງພາກລັດ ແລະ ເອກະຊົນ ແມ່ນມີຄວາມພ້ອມ ແຕ່ຈະຕ້ອງໄດ້ປະຕິບັດຕາມຄຳແນະນຳຂອງຄະນະສະເພາະກິດຢ່າງເຂັ້ມງວດ. ການເປີດຮຽນ ປ.5, ມ.4 ແລະ ມ.7 ໃນວັນທີ 18 ພຶດສະພາ ທີ່ຜ່ານມາ ມີໂຮງຮຽນປະຖົມສຶກສາ ແລະ ມັດທະຍົມທັງໝົດ 17,462 ແຫ່ງ, ມີນັກຮຽນ 293,986 ຄົນ ໃນຂອບເຂດທົ່ວປະເທດກັບເຂົ້າຮຽນ.

 ຜ່ານການລາຍງານ ແລະ ຕິດຕາມຂອງກະຊວງເຫັນວ່າ, ນັກຮຽນ ແລະ ພໍ່ແມ່ມີຄວາມດີໃຈທີ່ລູກຫຼານໄດ້ກັບເຂົ້າມາຮຽນຄືນ ແລະ ແຕ່ກໍຂາດບໍ່ໄດ້ ພໍ່ແມ່ຜູ້ປົກຄອງຈຳນວນໜຶ່ງຍັງມີຄວາມເປັນຫ່ວງເປັນໄຍລູກຫຼານຂອງຕົນຢູ່ ຕໍ່ສະພາບດັ່ງກ່າວຂໍແຈ້ງໃຫ້ທົ່ວສັງຄົມຮູ້ວ່າ ກະຊວງໄດ້ມີຄຳແນະນຳໃຫ້ໂຮງຮຽນນຳໃຊ້ເງິນຮ່ວງບໍລິຫານໂຮງຮຽນ ເພື່ອຊື້ສະບູ ແລະ ອຸປະກອນສຸຂະອະນາໄມຈຳນວນໜຶ່ງໃຫ້ນັກຮຽນ ແລະ ຄູອາຈານໃຊ້ລ້າງມືໃນເວລາຢູ່ໂຮງຮຽນ. ໂຮງຮຽນຈຳນວນໜຶ່ງທີ່ຢູ່ພູດອຍຫ່າງໄກສອກຫຼີກທີ່ບໍ່ມີນໍ້າໃຊ້ ແມ່ນໄດ້ແນະນຳໃຫ້ນັກຮຽນ ແລະ ຄູ ເອົານ້ຳມາແຕ່ບ້ານ.

 ກະຊວງໄດ້ສະເໜີຂໍການຊ່ວຍເຫຼືອຈາກຄະນະສະເພາະກິດ ແລະ ຄູ່ຮ່ວມພັດທະນາ ເພື່ອຊື້ອຸປະກອນປ້ອງກັນ ແລະ ຄວບຄຸມການລະບາດຂອງພະຍາດໂຄວິດ-19 ເຊັ່ນ: ສະບູ, ເຈວລ້າງມື, ໜ້າກາກອະນາໄມ ແລະ ເຄື່ອງວັດແທກອຸນຫະພູມ ເພື່ອແຈກຢາຍໃຫ້ສະຖານການສຶກສາ, ຄູອາຈານ ແລະ ນັກຮຽນໃນຂອບເຂດທົ່ວປະເທດ.

ພ້ອມກັນນີ້, ເພື່ອເປັນການຮັບປະກັນໃຫ້ນັກຮຽນ-ນັກສຶກສາສືບຕໍ່ຄົ້ນຄວ້າຮໍ່າຮຽນຢູ່ບ້ານ, ກະຊວງໄດ້ແນະນຳໃຫ້ສະຖານການສຶກສາຈັດການຮຽນການສອນ ເຊັ່ນ: ຜ່ານໂທລະພາບ, ວິທະຍຸ, ອິນເຕີເນັດ ແລະ ອື່ນໆ. ພິເສດກະຊວງສຶກສາ ແລະ ກີລາ ໄດ້ທົດລອງອອກອາກາດຊ່ອງໂທລະພາບສຶກສາ ແລະ ກີລາ ຜ່ານຊ່ອງ 8 ຂອງດາວທຽມລາວແຊັດ ແຕ່ວັນທີ 9 ພຶດສະພາ 2020 ຊຶ່ງອອກອາກາດແຕ່ເວລາ 6 ໂມງເຊົ້າ ເຖິງ 22 ໂມງກາງຄືນ.

ສຳລັບເນື້ອໃນຕົ້ນຕໍໃນການອອກອາກາດແມ່ນການຮຽນການສອນສຳລັບຊັ້ນປະຖົມສຶກສາ ແລະ ຊັ້ນມັດທະຍົມສຶກສາ, ລາຍການກີລາກາຍຍະກຳ, ສິລະປະວັນນະຄະດີ, ສາລະຄະດີ, ຂ່າວ ແລະ ອື່ນໆ. ຂໍຂອບໃຈນຳທຸກພາກສ່ວນທີ່ໄດ້ຫັນເອົາວິກິດຄັ້ງນີ້ ເປັນໂອກາດໃຫ້ແກ່ກະຊວງສຶກສາທິການ ແລະ ກີລາ ໄດ້ຂະຫຍາຍຕາໜ່າງການສຶກສາທາງໄກ ຜ່ານໂທລະພາບຂອງຕົນເຕັມເວລາ.

ເຖິງແມ່ນວ່າພວກເຮົາມີຊ່ອງການສຶກສາ ແລະ ກີລາ ເປັນຂອງພວກເຮົາເອງ, ແຕ່ກໍເຫັນວ່າອ້າຍນ້ອງທີ່ຈັດລາຍການຍັງມີປະສົບການ ແລະ ບົດຮຽນບໍ່ຫຼາຍ. ດັ່ງນັ້ນ, ຂ້າພະເຈົ້າຂໍຮຽກຮ້ອງໃຫ້ບັນດາສະຫາຍຊ່ວຍໂຄສະນາໃຫ້ພໍ່ແມ່ຜູ້ປົກຄອງ ລູກຫຼານ ແລະ ສັງຄົມໄດ້ຕິດຕາມ ແລະ ມີຄຳຄິດຄຳເຫັນຄືນໃຫ້ແກ່ພວກເຮົາ ໃນການປັບປຸງດ້ວຍ.

ພ້ອມດຽວກັນນີ້, ຂໍສະແດງຄວາມຂອບໃຈມາຍັງການນຳຂອງກະຊວງໄປສະນີ ໂທລະຄົມມະນາຄົມ ແລະ ການສື່ສານ ແລະ ກະຊວງຖະແຫຼງຂ່າວ ວັດທະນະທຳ ແລະ ການທ່ອງທ່ຽວ ທີ່ໄດ້ປະກອບສ່ວນ ແລະ ສະແດງຄວາມເປັນຫ່ວງເປັນໄຍຕໍ່ການສຶກສາຂອງລູກ-ຫຼານ ໃນໄລຍະທີ່ພົບຄວາມຫຍຸ້ງຍາກ ຖືວ່າພວກເຮົາໄດ້ຫັນເອົາວິກິດຄັ້ງນີ້ເປັນກາລະໂອກາດໃຫ້ການສຶກສາແຫ່ງຊາດຂອງພວກເຮົາມີໃບໜ້າໃໝ່.

ສຳລັບສະຖານທີ່ອອກກຳລັງກາຍ ແລະ ປະເພດກີລາໃນຮົ່ມ ແລະ ກາງແຈ້ງ ແມ່ນໄດ້ຮັບອະນຸຍາດໃຫ້ດຳເນີນກິດຈະການ ແຕ່ວັນທີ 18 ພຶດສະພາ ເປັນຕົ້ນມານັ້ນ ເຫັນວ່າສັງຄົມມີຄວາມເພິ່ງພໍໃຈຫຼາຍທີ່ໄດ້ອອກກຳລັງກາຍຕາມສະຖານທີ່ສາທາລະນະ, ສູນອອກກຳລັງກາຍຕ່າງໆ ແຕ່ພວກເຮົາກໍຍັງຮຽກຮ້ອງໃຫ້ທ່ານວ່າ ຈະຕ້ອງໄດ້ປະຕິບັດມາດຕະການຂອງຄະນະສະເພາະກິດໃຫ້ເຄັ່ງຄັດສືບຕໍ່ໄປ. ສ່ວນກີລາປະເພດທີ່ມີການຈັດການແຂ່ງຂັນທີ່ມີຜູ້ເຂົ້າຊົມຫຼາຍນັ້ນໃຫ້ໂຈະໄວ້ກ່ອນ.

ນອກຈາກນີ້, ກະຊວງໄດ້ມີແຜນກຽມຄວາມພ້ອມ ຖ້າລັດຖະບານ ແລະ ຄະນະສະເພາະກິດອະນຸຍາດໃຫ້ເປີດຮຽນຄືນໃນທຸກຊັ້ນ ທຸກປີຮຽນຂອງສາມັນສຶກສາ ແລະ ການສຶກສາອື່ນໆ ຄາດຄະເນວ່າຈະມີນັກຮຽນ-ນັກສຶກສາທັງໝົດປະມານ 1.670.893 ຄົນ ເຂົ້າຮຽນ, ຊຶ່ງກະຊວງສຶກສາທິການ ແລະ ກີລາ ຂໍສະເໜີເປີດການຮຽນການການສອນ ໃນສະຖານການສຶກສາຄືນ ເຊັ່ນ: ສະເໜີເປີດຮຽນຄືນຕື່ມໃນວັນທີ 2 ມິຖຸນາ 2020 ສຳລັບຊັ້ນລ້ຽງເດັກ-ອະນຸບານ, ຊັ້ນປະຖົມສຶກສາ ປີທີ 1 ເຖິງ ປີທີ 4, ຊັ້ນມັດທະຍົມສຶກສາ ປີທີ 1 ເຖິງ ປີທີ 3 ແລະ ຊັ້ນມັດທະຍົມສຶກສາ ປີທີ 5 ເຖິງ ປີທີ 6 ຕື່ມອີກ ສົມທົບກັບປີສຸດທ້າຍ ຊັ້ນປະຖົມສຶກສາປີທີ 5, ມັດທະຍົມສຶກສາປີທີ 4 ແລະ ປີທີ 7 ທີ່ໄດ້ເປີດໃນວັນທີ 18 ພຶດສະພາ ແລະ ສະເໜີເພີ່ມເຕີມປີສຸດທ້າຍຂອງວິທະຍາໄລອາຊີວະສຶກສາ, ວິທະຍາໄລຄູ ແລະ ມະຫາວິທະຍາໄລ (ເພາະກຸ່ມເປົ້າໝາຍເລົ່ານີ້ສ່ວນໃຫຍ່ແມ່ນຂຽນບົດຈົບຊັ້ນ).

 ເພື່ອປະຕິບັດມາດຕະການຮັກສາໄລຍະຫ່າງ ແລະ ບໍ່ໃຫ້ແອອັດ ແມ່ນຈະໄດ້ຜັດປ່ຽນກັນຮຽນຄາບເຊົ້າ-ບ່າຍ ສຳລັບຊັ້ນປະຖົມສຶກສາ, ມັດທະຍົມສຶກສາ, ໂຮງຮຽນສົງ, ໂຮງຮຽນກິນນອນຊົນເຜົ່າ ແລະ ໂຮງຮຽນພອນສະຫວັນກີລາ-ກາຍຍະກຳ (ໝາຍຄວາມວ່າຫ້ອງໜຶ່ງ ຖ້າມີຫຼາຍກວ່າ 30 ຄົນຂຶ້ນໄປ ແມ່ນໃຫ້ແບ່ງເປັນ 2 ຫ້ອງຮຽນ ເຄິ່ງໜຶ່ງຮຽນຕອນເຊົ້າ ແລະ ອິກເຄິ່ງໜຶ່ງຮຽນຕອນບ່າຍ. ສ່ວນເວລາທີ່ເຫຼືອແມ່ນໃຫ້ຄູອາຈານມອບວຽກບ້ານໃຫ້ເຮັດຢູ່ເຮືອນ). ສະເພາະຊັ້ນລ້ຽງເດັກ-ອະນຸບານ ຖ້າຈຳນວນເດັກບໍ່ເກີນ 15 ຄົນຕໍ່ຫ້ອງແມ່ນໃຫ້ຮຽນໝົດມື້ ແລະ ຖ້າຫຼາຍກວ່າ 15 ຄົນຕໍ່ຫ້ອງແມ່ນໃຫ້ແບ່ງຫ້ອງຮຽນ ຫ້ອງໜຶ່ງຮຽນແຕ່ເຄິ່ງມື້.

ຖ້າຫາກສະພາບຫາກສືບຕໍ່ຜ່ອນຄາຍ, ລັດຖະບານ ແລະ ຄະນະສະເພາະກິດຜ່ອນຜັນອິກຫຼາຍມາດຕະການ. ຂະແໜງການສຶກສາ ແລະ ກີລາ ຂໍສະເໜີເປີດຮຽນຄືນທຸກຊັ້ນ-ທຸກສາຍ-ທຸກປີຮຽນເປັນປົກກະຕິ ທັງພາກລັດ ແລະ ເອກະຊົນ ໃນວັນທີ 15 ມິຖຸນາ 2020 ແຕ່ໃຫ້ປະຕິບັດບັນດາມາດຕະການຮັກສາຄວາມປອດໄພຂອງຄະນະສະເພາະກິດຢູ່.

ສຳລັັບນັກສຶກສາລາວທີ່ຕ້ອງການກັບໄປຮຽນຄືນຢູ່ຕ່າງປະເທດ ແມ່ນສາມາດເດີນທາງໄປໄດ້ ແຕ່ຕ້ອງປະຕິບັດຕາມລະບຽບການຂອງ ສປປ ລາວ ແລະ ຂອງປະເທດທີ່ໄປຮຽນຢ່າງເຂັ້ມງວດ ໂດຍໃຫ້ນັກສຶກສາໄປລົງທະບຽນຢູ່ພະແນກສຶກສາທິການ ແລະ ກີລາແຂວງ/ນະຄອນຫຼວງ ເພື່ອສັງລວມໃຫ້ກົມກິດຈະການນັກສຶກສາ ກະຊວງສຶກສາທິການ ແລະ ກີລາ ຂໍອະນຸຍາດກັບກະຊວງການຕ່າງປະເທດ.

Advertisement Replay Ad

ຂໍຂອບໃຈ

ຂໍ້ມູນ : ໜັງສືພິມ ສຶກສາ-ກິລາ

ພາບ : ໜັງສືພິມ ສຶກສາ-ກິລາ

"ທ່ານໝໍນຸ້ຍ" ທຸ້ມເທກາຍ ແລະ ໃຈ ໃນການປະຕິບັດໜ້າທີ່ ສູ້ກັບໂຄວິດ-19

"ທ່ານໝໍນຸ້ຍ" ທຸ້ມເທກາຍ ແລະ ໃຈ ໃນການປະຕິບັດໜ້າທີ່ ສູ້ກັບໂຄວິດ-19

ສົມຫວັງ ໄຊສັກດີ ມືລະນາດວົງຕິ່ງນ່ອຍໆ ຄິດໄກກວ່າການຫຼິ້ນດົນຕີລາວເດີມ!

ສົມຫວັງ ໄຊສັກດີ ມືລະນາດວົງຕິ່ງນ່ອຍໆ ຄິດໄກກວ່າການຫຼິ້ນດົນຕີລາວເດີມ!

"ຂ້ອຍເຄີຍຖືກເຂົາເວົ້າໃຫ້ວ່າຂີ້ລ້າຍ" ເລື່ອງລາວການຖືກຂົ່ມເຫງ ບັນຫາທີ່ຝັງຮາກເລິກໃນສັງຄົມລາວ

"ຂ້ອຍເຄີຍຖືກເຂົາເວົ້າໃຫ້ວ່າຂີ້ລ້າຍ" ເລື່ອງລາວການຖືກຂົ່ມເຫງ ບັນຫາທີ່ຝັງຮາກເລິກໃນສັງຄົມລາວ

ບາງຂໍ້ກົດໝາຍທີ່ຄູ່ຜົວເມຍຄວນຮູ້ ກ່ອນທີ່ຈະຕັດສິນໃຈໄປມີເລັກມີນ້ອຍ

ບາງຂໍ້ກົດໝາຍທີ່ຄູ່ຜົວເມຍຄວນຮູ້ ກ່ອນທີ່ຈະຕັດສິນໃຈໄປມີເລັກມີນ້ອຍ

ຄວນຢຸດໄດ້ແລ້ວ ຄອມເມັ້ນ "ສົນໃຈເດີ" ຖ້າຢາກໄດ້ວຽກ ຢ່າເຮັດ!

ຄວນຢຸດໄດ້ແລ້ວ ຄອມເມັ້ນ "ສົນໃຈເດີ" ຖ້າຢາກໄດ້ວຽກ ຢ່າເຮັດ!

ລົດໜັກພາຂົວຫັກ: ຂົວນໍ້າພະນາຍ ບ້ານເກິນຫັກ ກະທົບການສັນຈອນ

ລົດໜັກພາຂົວຫັກ: ຂົວນໍ້າພະນາຍ ບ້ານເກິນຫັກ ກະທົບການສັນຈອນ

ຢາກເດີນທາງເຂົ້າ-ອອກລາວຕ້ອງເຮັດແນວໃດ? ນີ້ແມ່ນທຸກຢ່າງທີ່ເຈົ້າຕ້ອງຮູ້ໄວ້

ຢາກເດີນທາງເຂົ້າ-ອອກລາວຕ້ອງເຮັດແນວໃດ? ນີ້ແມ່ນທຸກຢ່າງທີ່ເຈົ້າຕ້ອງຮູ້ໄວ້

ທຸກຢ່າງທີ່ຜູ້ອອກແຮງງານຕ້ອງຮູ້ ກ່ຽວກັບມາດຕະການດ້ານແຮງງານໃນໄລຍະ ແລະ ຫຼັງການລະບາດຂອງໂຄວິດ-19

ທຸກຢ່າງທີ່ຜູ້ອອກແຮງງານຕ້ອງຮູ້ ກ່ຽວກັບມາດຕະການດ້ານແຮງງານໃນໄລຍະ ແລະ ຫຼັງການລະບາດຂອງໂຄວິດ-19

ນີ້ແມ່ນກົນໂກງຂອງແມ່ຫວຍອອນລາຍ ໃຊ້ຕົວະຕົ້ມເອົາເງິນຂອງລູກຫວຍຫຼາຍກວ່າ 1,500 ລ້ານກີບ

ນີ້ແມ່ນກົນໂກງຂອງແມ່ຫວຍອອນລາຍ ໃຊ້ຕົວະຕົ້ມເອົາເງິນຂອງລູກຫວຍຫຼາຍກວ່າ 1,500 ລ້ານກີບ

ສະຫຼຸບເຫດການ ຊາຍຜິວດຳຢູ່ສະຫະລັດເສຍຊີວິດຫຼັງຖືກຕຳຫຼວດຈັບກຸມ ຈົນກາຍເປັນກະແສໄປທົ່ວໂລກ

ສະຫຼຸບເຫດການ ຊາຍຜິວດຳຢູ່ສະຫະລັດເສຍຊີວິດຫຼັງຖືກຕຳຫຼວດຈັບກຸມ ຈົນກາຍເປັນກະແສໄປທົ່ວໂລກ

ໂຄວິດ-19 ມີຜົນກະທົບແນວໃດ ຕໍ່ການປ່ຽນແປງດິນຟ້າອາກາດ?

ໂຄວິດ-19 ມີຜົນກະທົບແນວໃດ ຕໍ່ການປ່ຽນແປງດິນຟ້າອາກາດ?

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ