ວັນສຸກ ທີ 26 ກຸມພາ 2021

"ຢາສູບໄຟຟ້າ" ບໍ່ເປັນອັນຕະລາຍ ຫຼື ນັ້ນເປັນພຽງເລ່ກົນຮູບແບບໃໝ່ຂອງບໍລິສັດຢາສູບ?

"ຢາສູບໄຟຟ້າ" ບໍ່ເປັນອັນຕະລາຍ ຫຼື ນັ້ນເປັນພຽງເລ່ກົນຮູບແບບໃໝ່ຂອງບໍລິສັດຢາສູບ?
S! Muan

ສະໜັບສະໜູນເນື້ອຫາ

"ມີສານເຄມີໜ້ອຍກວ່າຢາສູບທຳມະດາແບບເປັນກອກ ສູບແລ້ວບໍ່ຕິດດອກ" ນີ້ອາດເປັນຂໍ້ຄວາມ ຫຼື ຄຳເວົ້າທີ່ໄວໜຸ່ມ ຫຼື ຫຼາຍໆຄົນຄົງຈະໄດ້ຍິນກັນຜ່ານມາແດ່ແລ້ວ ເພື່ອເຊີນຊວນໃຫ້ລອງໃຊ້ຢາສູບໄຟຟ້າ ແທນການສູບຢາແບບທຳມະດາ ບາງສ່ວນກໍອ້າງວ່າ ສູບຢາແບບນີ້ເຮັດໃຫ້ອອກຢາສູບແບບກອກໄດ້.

ແຕ່ຄວາມຈິງແລ້ວມັນເປັນແບບນັ້ນແທ້ ຫຼື ບໍ່? ຫຼື ເປັນພຽງເລ່ກົນຂອງບໍລິສັດຢາສູບທີ່ເຮັດໃຫ້ໄວໜຸ່ມຕົກເປັນເຫຍື່ອຂອງການຊວນເຊື່ອດັ່ງກ່າວ?

ຢາສູບໄຟຟ້າ ເປັນຢາສູບທີ່ບໍ່ມີການເຜົາໄໝ້ໃບຢາສູບ ແຕ່ໃຊ້ຄວາມຮ້ອນຈາກພະລັງງານໄຟຟ້າເພື່ອເຮັດໃຫ້ເກີດອາຍນໍ້າ ເພື່ອໃຫ້ຜູ້ສູບສູດດົມເອົາ ໃນນັ້ນ ນໍ້າຢາຂອງຢາສູບໄຟຟ້າແມ່ນມີສານນິໂຄຕິນ ເຊິ່ງເປັນສານຊະນິດດຽວກັນກັບໃນຢາສູບທຳມະດາ ທີ່ເຮັດໃຫ້ເກີດການເສບຕິດ. ຕົວຢ່າງຂອງຢາສູບແບບນີ້ກໍມີ ແບບທີ່ເປັນຮູບຮ່າງຄ້າຍຄືປາກກາທີ່ເອີ້ນວ່າ E-Cigarrette ລວມທັງຊີຊາ ຫຼື ບາລາກູ ນຳ.

ຈຳນວນຜູ້ສູບຢາສູບປະເພດນີ້ ເພີ່ມຂຶ້ນຢ່າງໄວວາ ເຊິ່ງຂໍ້ມູນໃນປີ 2010 ຢູ່ອາເມລິກາມີຜູ້ສູບພຽງ 0.3% ແຕ່ເພີ່ມຂຶ້ນມາຢູ່ທີ່ 6.8% ໃນປີ 2013. ສ່ວນໃນລາວ ກໍມີໄວໜຸ່ມຊາຍສູບເຖິງ 5% ແລະ ໄວໜຸ່ມຍິງ 3.7% ອີງຕາມຂໍ້ມູນໃນປີ 2015. ນີ້ເຮັດໃຫ້ຫຼາຍພາກສ່ວນເກີດຄວາມກັງວົນໃຈ ເພາະອາດກ້າວໄປສູ່ການເສບຕິດຮູບແບບໃໝ່ເກີດຂຶ້ນ.

ໃນກອງປະຊຸມຮ່ວມກັບສື່ມວນຊົນ ກ່ຽວກັບວຽກງານຄວບຄຸມຢາສູບ ຈັດໂດຍກົມອະນາໄມ ແລະ ສົ່ງເສີມສຸຂະພາບກະຊວງສາທາລະນະສຸກ ເມື່ອວັນທີ 21 ພຶດສະພາ 2020 ໄດ້ມີການສົມທຽບໃຫ້ເຫັນປະລິມານນິໂຄຕິນໃນຢາສູບທົ່ວໄປ ແລະ ຢາສູບໄຟຟ້າ, ໃນນັ້ນ ຢາສູບທົ່ວໄປມີສານນິໂຄຕິນປະມານ 3 ມິນລີກຣາມຕໍ່ 1 ກອກ ໃນທຸກໆປະເພດຂອງຢາສູບ ແຕ່ຢາສູບໄຟຟ້າສາມາດເພີ່ມຄວາມແຮງຂອງນິໂຄຕິນໄດ້ ເຊິ່ງຈາກແບບອ່ອນໆມີ 8 ມິນລີກຣາມ ໄປຈົນເຖິງແບບເຂັ້ມຂຸ້ນສຸດເຊິ່ງອາດຫຼາຍເຖິງ 36 ມິນລີກຣາມ. ຖ້າເບິ່ງຈາກປະລິມານແລ້ວ ກໍຄົງສະຫຼຸບໄດ້ເອງວ່າ ມີຄວາມອັນຕະລາຍ ຫຼື ບໍ່.

ເປັນຫຍັງຈຶ່ງເອີ້ນວ່າເລ່ກົນຂອງບໍລິສັດຢາສູບ? ດ້ວຍຮູບຮ່າງຂອງເຄື່ອງສູບຢາທີ່ທັນສະໄໝ ລວມທັງການທີ່ເພີ່ມລົດຊາດ-ກິ່ນ ທີ່ຫຼາກຫຼາຍເຂົ້າໄປ ເຮັດໃຫ້ເດັກນ້ອຍ ແລະ ໄວໜຸ່ມຄິດວ່ານັ້ນເປັນເລື່ອງທີ່ໜ້າຄົ້ນຫາ ແລະ ໜ້າທົດລອງ ຈົນສຸດທ້າຍກໍນຳໄປສູ່ວັງວົນຂອງການຕິດຢາສູບຊະນິດນີ້.

ພ້ອມນີ້ ຂໍ້ມູນຈາກອົງການອະນາໄມໂລກຍັງລະບຸວ່າ ຢາສູບໄຟຟ້າມີອັນຕະລາຍໂດຍສະເພາະແມ່ນໃນເດັກນ້ອຍ ແລະ ໄວໜຸ່ມ ເພາະວ່ານິໂຄຕິນເຮັດໃຫ້ເກີດພາວະເສບຕິດເປັນຢ່າງສູງ ແລະ ສະໝອງຂອງເກນອາຍຸນີ້ກຳລັງຢູ່ໃນໄວທີ່ກຳລັງພັດທະນາຈຶ່ງເຮັດໃຫ້ຕິດໄດ້ງ່າຍ. ພ້ອມດຽວກັນ ມັນກໍ່ສົງຜົນໃນໄລຍະຍາວ ແລະ ສ້າງຄວາມເສຍຫາຍຕໍ່ກັບການພັດທະນາສະໝອງອີກດ້ວຍ.

ໃນທ້າຍເດືອນທັນວາ 2019 ທີ່ຜ່ານມາ ມີລາຍງານຢູ່ໃນສະຫະລັດອາເມລິກາວ່າ ມີຜູ້ໃຊ້ຢາສູບໄຟຟ້າເປັນພະຍາດອັກເສບປອດຮຸນແຮງເຖິງ 2,409 ຄົນ ແລະ ໃນນັ້ນມີຜູ້ເສຍຊີວິດ 52 ຄົນ. ພ້ອມນີ້ກໍມີຜູ້ທີ່ປະສົບອຸບັດເຫດຈາກການສູບ ຫຼື ການລະເບີດຂອງແບັດເຕີຣີ ເຊິ່ງພົບຢູ່ເປັນປະຈຳ.

ແນວໃດກໍຕາມ ເຖິງວ່າໃນຕອນນີ້ຈະຍັງບໍ່ທັນມີຂໍ້ສະຫຼຸບທີ່ຊັດເຈນ, ແຕ່ສິ່ງສຳຄັນກໍຄື ມີເດັກນ້ອຍ ແລະ ໄວໜຸ່ມຈຳນວນຫຼາຍສູບ ແລະ ຕິດຢາສູບໄຟຟ້າເປັນຈຳນວນຫຼາຍ ຈົນກາຍເປັນ ການເສບຕິດຮູບແບບໃໝ່ ເຊິ່ງຂໍ້ນີ້ເອງທີ່ຫຼາຍປະເທດບໍ່ສາມາດລໍຖ້າໃຫ້ປະຊາຊົນຕົນເອງເຈັບປ່ວຍ ຫຼື ຕາຍ ຈຶ່ງໄດ້ອອກກົດໝາຍເກືອດຫ້າມການຊື້-ຂາຍ, ນໍາເຂົ້າ ຫຼື ຜະລິດ ແລະ ໃນບາງປະເທດກໍມີການຫ້າມສູບນຳອີກ.

ສຳລັບໃນລາວເອງ, ກໍໄດ້ມີການອອກມາດຕະການຄວບຄຸມຢາສູບໄຟຟ້າເຊັ່ນກັນ ໂດຍໃນປີ 2018 ຫ້ອງວ່າການສຳນັກງານນາຍົກລັດຖະມົນຕີໄດ້ອອກແຈ້ງການສະເໜີຫ້າມນຳເຂົ້າ, ຈຳໜ່າຍ ແລະ ບໍລິໂພກຢາສູບໄຟຟ້າ ແລະ ຢາສູບຊີຊາໃນລາວ. ແນວໃດກໍຕາມ ຍັງພົບເຫັນວ່າມີການຈຳໜ່າຍຢາສູບຊະນິດດັ່ງກ່າວນີ້ໃນລາວຢ່າງກວ້າງຂວາງ ແລະ ເປີດແປນ ໂດຍສະເພາະໃນສື່ສັງຄົມອອນລາຍທີ່ມີການປະກາດຊື້-ຂາຍກັນຢ່າງເປັນປົກກະຕິ.

ແລ້ວຢາສູບເປັນກອກແບບທຳມະດາເດ ກໍອັນຕະລາຍເຊັ່ນກັນ ເຮົາບໍ່ຄວບຄຸມບໍ?

ແນ່ນອນວ່າ ການຄວບຄຸມຢາສູບໄຟຟ້າກໍດຳເນີນໄປຄຽງຄູ່ກັບການຄວບຄຸມຢາສູບທຳມະດາ ໂດຍຕອນນີ້ຢູ່ລາວເຮົາກໍການດຳເນີນມາດຕະການຕ່າງໆເພື່ອປຸກລະດົມໃຫ້ປະຊາຊົນອອກຢາສູບ ໂດຍສະເພາະກໍແມ່ນການປະຕິບັດກົດໝາຍ ແລະ ນິຕິກຳຕ່າງໆຂອງລັດເຊັ່ນ: ກົດໝາຍວ່າດ້ວຍການຄວບຄຸມຢາສູບ ສະບັບປີ 2009, ດຳລັດວ່າດ້ວຍ ການຫ້າມໂຄສະນາ ແລະ ສົ່ງເສີມການບໍລິໂພກ ຜະລິດຕະພັນຢາສູບ ປີ 2010, ດຳລັດ ວ່າດ້ວຍການພິມຄຳເຕືອນກ່ຽວກັບສຸຂະພາບໃສ່ວັດຖຸຫຸ້ມຫໍ່ຜະລິດຕະພັນຢາສູບ ປີ 2010, ຄຳສັ່ງແນະນຳ ກ່ຽວກັບການຊຸກຍູ້ສົ່ງເສີມ, ການຄຸ້ມຄອງ ແລະ ກວດກາ ກິດຈະການໂຮງງານຜະລິດຢາສູບ ປີ 2010, ດຳລັດວ່າດ້ວຍກອງທຶນ ຄວບຄຸມຢາສູບ ປີ 2013, ຂໍ້ຕົກລົງ ກ່ຽວກັບການຈັດຕັ້ງປະຕິບັດກົດໝາຍວ່າດ້ວຍການຄວບຄຸມຢາສູບ ປີ 2016, ຄຳສັ່ງ ກ່ຽວກັບການຄວບຄຸມຜະລິດຕະພັນຢາສູບ ດ້ວຍການກຳນົດລາຄາຂາຍຍ່ອຍ ແລະ ຂາຍຍົກຕ່ຳສຸດ ປີ 2018, ດຳລັດວ່າດ້ວຍ ການປັບໄໝ ແລະ ນຳໃຊ້ມາດຕະການອື່ນຕໍ່ການລະເມີດກົດໝາຍ ແລະ ລະບຽບການກ່ຽວກັບການຄວບຄຸມຢາສູບ ປີ 2019.

ທັງນີ້ ນອກຈາກມາດຕະການທັງໝົດທີ່ກຳລັງຈັດຕັ້ງປະຕິບັດກັນຢູ່ເພື່ອຄວບຄຸມຢາສູບແບບທຳມະດາ, ໃນອະນາຄົດທາງພາກສ່ວນທີ່ກ່ຽວຂ້ອງກໍຍັງຈະມີການຊຸກຍູ້ເພື່ອໃຫ້ປະຕິບັດມາດຕະການອື່ນໆຕື່ມອີກ ເຊັ່ນ: ໃຫ້ພິມຄຳເຕືອນກ່ຽວກັບສຸຂະພາບແບບເຕັມໃສ່ວັດຖຸຫຸ້ມຫໍ່ ແລະ ສະແດງໂລໂກ້ ຫຼື ຊື່ຜະລິດຕະພັນທີ່ນ້ອຍລົງ ລວມທັງຄົ້ນຄວ້າການຫ້າມວາງສະແດງຢາສູບໃນຮ້ານຄ້າຍ່ອຍ ຄືກັບທີ່ຫຼາຍໆປະເທດຈັດຕັ້ງປະຕິບັດກັນແລ້ວ ແລະ ໄດ້ຮັບຜົນດີ.

Advertisement Replay Ad

ຂໍຂອບໃຈ

ຂໍ້ມູນ : WHO

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

10 ທັກສະທີ່ເຈົ້າຕ້ອງມີໃນ Resume (ຊີວະປະຫວັດຫຍໍ້) ຖ້າເຈົ້າຢາກໄດ້ວຽກທີ່ຕ້ອງການ

10 ທັກສະທີ່ເຈົ້າຕ້ອງມີໃນ Resume (ຊີວະປະຫວັດຫຍໍ້) ຖ້າເຈົ້າຢາກໄດ້ວຽກທີ່ຕ້ອງການ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ