ວັນເສົາ ທີ 8 ພຶດສະພາ 2021

ກຽມຟື້ນຟູການທ່ອງທ່ຽວ! ຫຼາຍປະເທດມີແຜນຍົກເລີກຄຳສັ່ງຫ້າມຄົນຕ່າງຊາດເຂົ້າປະເທດໃນເດືອນມິຖຸນານີ້

ກຽມຟື້ນຟູການທ່ອງທ່ຽວ! ຫຼາຍປະເທດມີແຜນຍົກເລີກຄຳສັ່ງຫ້າມຄົນຕ່າງຊາດເຂົ້າປະເທດໃນເດືອນມິຖຸນານີ້
S! Muan

ສະໜັບສະໜູນເນື້ອຫາ

ບາງ​ປະເທດ​ເຮັດ​ຂໍ້​ຕົກລົງ 'ຍົກ​ເລີກ​ຄຳ​ສັ່ງ​ຫ້າມ​ເດີນທາງ' ລະຫວ່າງ​ກັນ ແລະ​ ອີກ​ຫຼາຍ​ປະເທດ​ກຽມ​ເປີດ​ເສັ້ນ​ທາງ​ບິນ ຟື້ນ​ຟູ​ການ​ທ່ອງ​ທ່ຽວ ​ແລະ​ ເສດຖະກິດ​ຊຶ່ງ​ໄດ້ຮັບ​ຜົນ​ກະທົບ​ຈາກ​ພະຍາດ​ໂຄ​ວິດ​-19 ແຕ່​ຄາດ​ວ່າ​ເງື່ອນ​ໄຂ​ການເດີນທາງ​ເຂົ້າ​ແຕ່​ລະ​ປະເທດ​ຈະເຂັ້ມ​ງວດ ​ແລະ ​ແຕກ​ຕ່າງ​ກັນ​ໄປ.

ວາລະສານ Forbes ລາຍງານ​ອ້າງ​ອິງ​ຂໍ້​ມູນ​ຂອງ ອົງການ​ການ​ທ່ອງ​ທ່ຽວ​ໂລກ​ແຫ່ງສະຫະປະຊາຊາດ (UNWTO) ບົ່ງ​ຊີ້​ວ່າ ທຸລະກິດການ​ທ່ອງ​ທ່ຽວ​ສ້າງວຽກ​ງານ​ໃຫ້​ 10% ຂອງ​ປະຊາກອນ​ໂລກ ແຕ່ມາດຕະການລັອກດາວ ປິດ​ເມືອງ ປິດ​ຊາຍ​ແດນ ແລະ ​ຫ້າມ​ຊາວ​ຕ່າງ​ຊາດ​ເດີນທາງ​ເຂົ້າ​ປະເທດ​ເພື່ອ​ປ້ອງ​ກັນ​ການ​ແພ່ລະບາດ​ຂອງ​ພະຍາດ​ໂຄ​ວິດ​-19 ຕະຫຼອດໄລຍະ 2 ເດືອນ​ກວ່າ​ທີ່​ຜ່ານມາ ສົ່ງ​ຜົນ​ໃຫ້​ທຸລະກິດ​ທ່ອງ​ທ່ຽວ​ທົ່ວໂລກ​ສູຍ​ເສຍ​ລາຍໄດ້​ໄປ​ແລ້ວ​ກວ່າ 450 ຕື້ໂດລາ ຫຼື ປະ​ມານ 4,056 ລ້ານລ້ານກີບ.

ດ້ວຍ​ເຫດ​ນີ້ UNWTO ຈຶ່ງ​ຮຽກ​ຮ້ອງ​ໃຫ້​ລັດຖະບານ​ທົ່ວໂລກ​ພິຈາລະນາມາດຕະການຊ່ວຍ​ເຫຼືອ​ຢຽວ​ຢາ​ຢ່າງ​ທົ່ວເຖິງ​ແກ່​ບຸກຄະລາກອນໃນ​ຂະແໜງການທຸລະກິດ​ທ່ອງ​ທ່ຽວ ເພາະຄາດ​ວ່າ​ອຸດສາຫະກຳ​ການ​ທ່ອງ​ທ່ຽວ​ທົ່ວໂລກ​ຈະປະ​ສົບ​ພາ​ວະ​ຖົດ​ຖອຍ​ຕໍ່​ເນື່ອງ​ໄປ​ອີກ​ໄລຍະ​ໜຶ່ງ ເນື່ອງ​ຈາກ​ທຸລະກິດ​ທ່ອງ​ທ່ຽວປະ​ສົບ​ພາ​ວະ​ຖົດ​ຖອຍ​ຢ່າງ​ຮຸນແຮງ​ໃນໄລຍະ​ທີ່​ຜ່ານມາ.

ຢ່າງໃດ​ກໍ​ຕາມ ຫຼາຍ​ປະເທດເລີ່ມພິຈາລະນາ​ຜ່ອນ​ຜັນມາດຕະການລັອກດາວ ໂດຍ​ສັ່ງ​ເປີດ​ໂຮງຮຽນ, ສູນການຄ້າ, ສະຖານ​ປະກອບ​ການ​ທີ່​ກ່ຽວ​ຂ້ອງ​ກັບ​ການ​ບໍລິການ ລວມທັງອະນຸຍາດ​ໃຫ້​ສາຍ​ການ​ບິນ​ໃນ​ປະເທດ​ກັບມາ​ໃຫ້​ບໍລິການ​ໄດ້​ບາງ​ສ່ວນ, ກຽມ​ຍົກ​ເລີກ​ຄຳ​ສັ່ງ​ຫ້າມ​ຊາວ​ຕ່າງ​ຊາດ​ເດີນທາງ​ເຂົ້າ​ປະເທດ ໂດຍ​ລັດຖະບານ​ບາງ​ແຫ່ງ​ໃຊ້​ວິທີ​ເຈລຈາຂອບ​ທະວິ​ພາ​ຄີ ອະນຸຍາດ​ໃຫ້​ພົນລະເມືອງ​ຂອງ​ປະເທດ​ທີ່​ມີ​ຂໍ້​ຕົກລົງ​ຮ່ວມ​ກັນ​ສາມາດ​ເດີນທາງ​ເຂົ້າ​ປະເທດ​ໄດ້​ໂດຍສະເພາະ.

ສ່ວນ​ອີກ​ຫຼາຍ​ປະເທດ​ໃຊ້​ຂໍ້​ຕົກລົງ​ພະ​ຫຸ​ພາ​ຄີ ເຈລະຈາ​ກັບ​ປະເທດ​ອື່ນ​ໆ ໃນ​ພາກພື້ນ​ດຽວ​ກັນ ຫຼື ​ເປັນ​ສະມາຊິກ​ກຸ່ມ​ຄວາມ​ຮ່ວມ​ມື​ລະຫວ່າງ​ປະເທດ​ດຽວ​ກັນ ແຕ່​ກໍ​ມີ​ກາ​ນວາງ​ເງື່ອນ​ໄຂ​ຢ່າງເຂັ້ມ​ງວດ​ເພື່ອ​ຄວບ​ຄຸມ ​ແລະ ​ປ້ອງ​ກັນ​ການ​ກັບມາ​ແພ່ລະບາດ​ຮອບ​ໃໝ່​ຂອງ​ພະຍາດ​ໂຄ​ວິດ​-19 ຊຶ່ງ​ນັກ​ວິ​ເຄາະ​ມີທັດສະນະວ່າ​ທຸລະກິດການ​ທ່ອງ​ທ່ຽວ​ທົ່ວໂລກ​ຈະ​ປ່ຽນ​ແປງ​ໄປ​ຢ່າງ​ແນ່ນອນ.

ຈີນ​-​ເກົາ​ຫຼີ​ໃຕ້

ທັງ​ສອງ​ປະເທດ​ເຄີຍ​ຢູ່ໃນ​ກຸ່ມ​ສ່ຽງ​ພະຍາດ​ໂຄ​ວິດ​-19 ຫຼາຍ​ທີ່ສຸດ​ໃນ​ໂລກ ເພາະຈີນ​ເປັນ​ສູນກາງ​ການ​ແພ່ລະບາດ​ໄລຍະ​ທຳອິດ. ສ່ວນ​ເກົາ​ຫຼີ​ໃຕ້​ເຄີຍ​ເປັນ​ປະເທດ​ທີ່​ມີ​ຜູ້​ຕິດ​ເຊື້ອ ​ແລະ​ ຜູ້​ເສຍຊີວິດ​ຫຼາຍ​ທີ່ສຸດ​ໃນອາຊີ ຮອງ​ຈາກ​ຈີນ. ແຕ່​ສະຖານະການຜ່ອນຄາຍລົງ​ນັບ​ຕັ້ງ​ແຕ່​ເດືອນເມສາທີ່​ຜ່ານມາ ເພາະສາມາດ​ຄວບ​ຄຸມ​ບໍ່​ໃຫ້​ມີ​ຜູ້​ຕິດ​ເຊື້ອ​ລາຍໃໝ່​ເກີນ​ຫຼັກ​ຮ້ອຍ​ຄົນ​ໄດ້​ຢ່າງ​ຕໍ່​ເນື່ອງ. ທັງ​ສອງ​ປະເທດ​ຈຶ່ງ​ເຈລະຈາ​ໃນຂອບທະວິພາຄີ ຫາ​ຂໍ້​ຕົກລົງ​ຮ່ວມ​ໃຫ້​ພົນລະເມືອງ​ແຕ່​ລະ​ຝ່າຍ​ເດີນທາງ​ໄປ​ປະເທດ​ປາຍ​ທາງ​ໄດ້.

The Japan Times ລາຍງານ​ວ່າ ສາຍ​ການ​ບິນ​ໂຄ​ຣຽນ​ແອ​ລາຍຂອງ​ເກົາ​ຫຼີ​ໃຕ້ ກຽມ​ຕົວຟື້ນຟູ​ເສັ້ນ​ທາງ​ບິນ​ຈາກ​ສະໜາມ​ບິນ​ນານາ​ຊາດ​ອິນ​ຊອນ​ໃນ​ນະຄອນຫຼວງໂຊລ ເພື່ອ​ໄປ​ຍັງສະໜາມ​ບິນ​ໃນ​ນະຄອນຫຼວງປັກ​ກິ່ງ, ນະຄອນ​ຊ່ຽງ​ໄຮ້, ເມືອງ​ຊິງ​ເຕົ່າ ແລະ ​ເມືອງ​ເສີ່ນ​ຢາງ​ຂອງ​ຈີນ​ໃນ​ເດືອນມິຖຸນາ. ເຊັ່ນ​ດຽວ​ກັບ​ສາຍ​ການ​ບິນ​ຈີນ ​ຈະ​ເດີນທາງ​ຈາກ 4 ສະໜາມ​ບິນ​ໄປ​ຍັງເກົາ​ຫຼີ​ໃຕ້ ໂດຍ​ຂະນະ​ນີ້​ບັດ​​ໂດຍ​ສານ​ຂອງ​ຖ້ຽວບິນ​ຈາກ​ເກົາ​ຫຼີ​ໃຕ້​ໄປ​ຈີນ​ໃນ​ເດືອນ ມິຖຸນາ 'ຂາຍ​ໝົດ​ແລ້ວ'.

ເງື່ອນ​ໄຂ​ສຳຄັນ ຄື ຜູ້​ປະສົງ​ຈະ​ເດີນທາງ​ໄປ​ຍັງປະເທດ​ຄູ່​ພາ​ຄີ ຕ້ອງ​ເຝົ້າ​ລະວັງ​ອາການ​ຕົວ​ເອງ 14 ມື້​ກ່ອນ​ເດີນທາງ ແລະ​ ຕ້ອງ​ມີ​ໃບ​ກວດ​ສຸຂະພາບເພື່ອ​ຢັ້ງຢືນ​ວ່າ​ປລອດ​ເຊື້ອ​ໂຄ​ວິດ​-19. ຂະນະ​ຢູ່​ເທິງ​ເຮືອບິນ​ກໍ​ຈະ​ຕ້ອງ​ເວັ້ນ​ໄລຍະ​ຫ່າງ​ຈາກ​ຜູ້​ໂດຍ​ສານ​ຄົນ​ອື່ນ​ໆ ຢ່າງ​ໜ້ອຍ 1.5 ແມັດ ແລະ​ ເມື່ອ​ໄປ​ເຖິງ​ຈຸດ​ໝາຍ​ປາຍ​ທາງ​ຈະ​ຕ້ອງ​ຖືກ​ກັກ​ຕົວ​ຕໍ່​ອີກ 2 ມື້.

ນິວຊີແລນ-​ອອສເຕຣເລຍ

ຈາ​ຊິນ​ດາ ອາ​ເດິນ ນາຍົກ​ລັດຖະມົນຕີ​ນິວ​ຊີ​ແລນ ກ່າວ​ວ່າ ລັດຖະບານ​ຂອງ​ຕົນ​ໄດ້​ເຈລະຈາ​ກັບ​ຜູ້​ນຳ​ອອສເຕຣເລຍ ເພື່ອ​ສ້າງເຄືອ​ຂ່າຍ​ປະເທດປອດໄພຈາກ​ພະຍາດ​ໂຄ​ວິດ​-19 ແລະ ​ຈະ​ອະນຸຍາດ​ໃຫ້​ພົນລະເມືອງ​ຂອງ​ແຕ່​ລະ​ຝ່າຍ​ເດີນທາງ​ໂດຍ​ເຮືອບິນ​ເຂົ້າ​ປະເທດ​ໄດ້​ໂດຍ​ຕ້ອງ​ປະຕິບັດ​ຕາມ​ເງື່ອນ​ໄຂ​ດ້ານ​ການ​ຄວບ​ຄຸມ ​ແລະ​ ປ້ອງ​ກັນ​ພະຍາດ​ຢ່າງ​ເຄັ່ງຄັດ.

ຢ່າງໃດ​ກໍ​ຕາມ ນາຍ​ົກນິວຊີແລນກ່າວ​ວ່າ ຍັງມີ​ເລື່ອງ​ທີ່​ຕ້ອງ​ເຈລະຈາ​ອີກ​ຫຼາຍ ຈົນກວ່າມາດຕະການຜ່ອນ​ຜັນ​ການເດີນທາງ​ລະຫວ່າງ​ທັງ​ສອງ​ປະເທດ​ຈະ​ເປັນ​ຮູບ​ເປັນ​ຮ່າງ​ ແລະ​ ມີ​ຜົນ​ບັງຄັບ​ໃຊ້.

ຂະນະ​ທີ່ 'ເອັມ​ມາ ແມັກ​ໄບ​ຣ​' ສາ​ດສະດ​າ​ຈາ​ນດ້ານ​ລະບາດ​ວິທະຍາ​ຂອງ​ມະຫາ​ວິທະຍາ​ໄລ​ເຈມ​ສ​໌​ຄຸກ​ໃນ​ອອສເຕຣເລຍ ກ່າວວ່າ ການ​ຈະ​ຫາ​ປະເທດ​ພາ​ຄີ​ທີ່​ຈະ​ເຂົ້າ​ຮ່ວມເຄືອ​ຂ່າຍ​ປະເທດປອດໄພຈາກ​ພະຍາດ​ໂຄ​ວິດ​-19 ຕ້ອງ​ອາໄສ​ຄວາມ​ໄວ້​ວາງ​ໃຈ​ລະຫວ່າງ​ກັນ ເພາະອາດ​ບໍ່​ແມ່ນ​ທຸກ​ປະເທດ​ທີ່​ຈະ​ເປີດ​ເຜີຍ​ຂໍ້​ມູນ​ເລື່ອງ​ການ​ຕິດ​ເຊື້ອ​ ແລະ​ ການ​ແພ່ລະບາດ​ຢ່າງ​ກົງ​ໄປ​ກົງ​ມາ.

ເອສໂຕເນຍ-​ລັດ​ເວຍ​-​ລິ​ທົວ​ເນຍ

The Guardian ລາຍງານ​ວ່າ ສາມ​ປະເທດ​ນີ້​ໄດ້​ເຮັດ​ຂໍ້​ຕົກລົງ​ໄຕພາຄີ ອະນຸຍາດ​ໃຫ້​ພົນລະເມືອງ​ຂອງ​ຕົວ​ເອງ​ເດີນທາງ​ໄປ​ມາ​ຫາ​ສູ່​ກັນ​ໄດ້ ທັງ​ທາງ​ບົກ​ ແລະ​ ທາງ​ອາ​ກາດ ໂດຍ​ຈະປະ​ກາດ​ຜ່ອນ​ຜັນ​ຂໍ້​ຫ້າມ​ເດີນທາງ​ຂ້າມ​ຊາຍ​ແດນ​ຢ່າງ​ເປັນ​ທາງ​ການ​ອີກ​ເທື່ອ​ໃນ​ເດືອນມິຖຸນາທີ່​ຈະ​ເຖິງ​ນີ້.

ສື່​ຕ່າງ​ປະເທດ​ມີທັດສະນະ​ວ່າ​ ນີ້​ເປັນມາດຕະການປົກ​ປ້ອງ​ການ​ທ່ອງ​ທ່ຽວ (travel bubble) ລະຫວ່າງ​ປະເທດ ໂດຍ​ມີ​ເງື່ອນ​ໄຂ​ວ່າ​ຜູ້​ທີ່​ຈະ​ເດີນທາງ​ໄປ​ຍັງຕ່າງ​ປະເທດ​ທີ່​ຢູ່ໃນ​ກຸ່ມ​ໄຕພາຄີ ຈະ​ຕ້ອງ​ລາຍງານ​ຕົວ​ກັບ​ເຈົ້າ​ໜ້າທີ່​ປະຈຳ​ຈຸດ​ກວດ​ກັ່ນຕອງ​ຕາມ​ເວລາ​ ຫຼື​ ເງື່ອນ​ໄຂ​ອື່ນ​ໆທີ່​ກຳນົດ ເພື່ອ​ຕິດ​ຕາມ​ວ່າ​ນັກ​ທ່ອງ​ທ່ຽວ​ ຫຼື​ ຊາວ​ຕ່າງ​ຊາດ​ມີ​ສຸຂະພາບແຂງ​ແຮງ ບໍ່​ມີ​ອາການ​ຂອງ​ພະຍາດ.

ປະເທດ​ສະມາຊິກ 'ສະຫະພາບເອີຣົບ' (EU)

ອິ​ຕາ​ລີ ເປັນ​ປະເທດ​ທຳອິດ​ໃນ​ກຸ່ມ​ອີ​ຢູ​ທີ່ປະ​ກາ​ດວ່າ​ຈະ​ຍົກ​ເລີກ​ຄຳ​ສັ່ງ​ຫ້າມ​ຊາວ​ຕ່າງ​ຊາດ​ເດີນທາງ​ເຂົ້າ​ປະເທດ ໂດຍ​ຈະເລີ່ມຕັ້ງ​ແຕ່​ວັນທີ 3 ມິຖຸນາ. ເຖິງວ່າ​ອິ​ຕາ​ລີ​ຈະ​ໄດ້ຮັບ​ຜົນ​ກະທົບ​ຈາກ​ການ​ແພ່ລະບາດ​ຂອງ​ພະຍາດ​ໂຄ​ວິດ​-19 ໜັກ​ທີ່ສຸດ ເພາະສະ​ຖິ​ຕິ​ຜູ້​ຕິດ​ເຊື້ອ​ ແລະ ​ເສຍຊີວິດ​ຫຼາຍ​ເປັນ​ອັນ​ດັບ​ຕົ້ນ​ໆຂອງ​ໂລກ ແລະ ​ເປັນ​ສູນກາງ​ການ​ລະບາດ​ຂອງ​ພະຍາດ​ໃນ​ພາກພື້ນ​ເອີຣົບ,

ຈູ​ເຊບ​ເປ ຄອນ​ເຕ ນາຍົກ​ລັດຖະມົນຕີ​ອິ​ຕາ​ລີ ຍອມ​ຮັບ​ວ່າ ​ການ​ເປີດ​ປະເທດ​ໃຫ້​ນັກ​ທ່ອງ​ທ່ຽວ​ຊາວ​ຕ່າງ​ຊາດ​ເຂົ້າ​ມາ​ໄດ້ ຫຼັງ​ຈາກ​ທີ່​ຫາກໍ່​ພົ້ນ​ພາ​ວະ​ວິກິດ​ໂຄ​ວິດ​-19 ໄດ້​ບໍ່​ດົນ 'ມີ​ຄວາມ​ສ່ຽງ' ທີ່​ຈະ​ເຮັດໃຫ້​ພະຍາດ​ກັບມາ​ແພ່ລະບາດຮອບ​ໃໝ່ ແຕ່​ອິ​ຕາ​ລີ​ກໍ​ບໍ່​ສາມາດ​ປິດ​ປະເທດ​ຕໍ່ໄປ​ໄດ້ ແລະ​ ບໍ່​ອາດລໍຈົນກວ່າ​ຈະ​ມີ​ຜູ້​ຜະລິດ​ວັກ​ຊີນ​ອອກ​ມາ​ໄດ້​ສຳ​ເລັດ. ຢ່າງໃດ​ກໍ​ຕາມ ຄວາມ​ສ່ຽງ​ນີ້​ຜ່ານ​ການປະ​ເມີນ​ຢ່າງ​ຮອບ​ດ້ານ​ແລ້ວ ພ້ອມ​ຢັ້ງຢືນ​ວ່າ​ຈະ​ບັງຄັບ​ໃຊ້ມາດຕະການປ້ອງ​ກັນ​ການ​ແພ່ລະບາດ​ຢ່າງເຂັ້ມ​ງວດ.

ໂປ​ແລນ ຈະເລີ່ມເປີດ​ໃຫ້​ບໍລິການ​ຖ້ຽວບິນ​ລະຫວ່າງ​ປະເທດ​ຢ່າງ​ເປັນ​ທາງ​ການ​ໃນ​ວັນທີ 23 ພຶດສະພາ ທີ່​ຈະ​ເຖິງ​ນີ້ ເຮັດໃຫ້​ປະຊາກອນ​ໂປແລນ​ເດີນທາງ​ໄປ​ຍັງຕ່າງ​ປະເທດ​ໄດ້. ແຕ່​ການ​ຍົກ​ເລີກ​ຄຳ​ສັ່ງ​ຫ້າມ​ຊາວ​ຕ່າງ​ຊາດ​ເຂົ້າ​ປະເທດ​ໂປແລນ​ຈະ​ມີ​ຜົນ​ຢ່າງ​ເປັນ​ທາງ​ການ​ໃນ​ວັນທີ 13 ມິຖຸນາ ເພື່ອ​ເປີດ​ຮັບ​ນັກ​ທ່ອງ​ທ່ຽວ​ເຂົ້າ​ມາ​ໃນ​ປະເທດ​ອີກ​ເທື່ອ.

ຂະນະ​ນີ້​ລັດຖະບານ​ໂປ​ແລນ​ຜ່ອນ​ຜັນມາດຕະການລັອກດາວ ຄ່ອຍໆ​ເປີດ​ເສັ້ນ​ທາງ​ການ​ທ່ອງ​ທ່ຽວ​ໃນ​ປະເທດ, ເປີດ​ສວນ​ສາທາລະນະ, ​ຫາດຊາຍ, ພິ​ພິທະ​ພັນ, ຄາ​ເຟ ແລະ​ ຫ້ອງວາງສະແດງຮູບພາບ. ແຕ່​ມີ​ຂໍ້​ບັງຄັບ​ໃຫ້​ຜູ້​ໃຊ້​ລົດ​ໂດຍ​ສານ​ສາທາລະນະ​ທຸກ​ຄົນ​ໃສ່ໜ້າ​ກາກ​ອະນາໄມ ລວມທັງສົ່ງ​ເສີມ​ໃຫ້​ປະຊາຊົນ​ ແລະ ​ນັກ​ທ່ອງ​ທ່ຽວ​ຫັນ​ໄປ​ໃຊ້​ລົດຖີບ​ໃນ​ເຂດ​ເມືອງ​ແທນ ເພື່ອຫຼຸ​ດ​ຄວາມ​ສ່ຽງ​ຂອງ​ພະຍາດ​ຕິດ​ຕໍ່.

ອອສເຕຣຍ ກຽມ​ເປີດ​ຊາຍ​ແດນ​ໃນ​ວັນທີ 15 ມິຖຸນາ ໂດຍ​ອະນຸຍາດ​ໃຫ້​ພົນລະເມືອງ​ຈາກ​ປະເທດ​ສະມາຊິກ​ອີ​ຢູ​ບາງ​ສ່ວນ​ເດິນທາງ​ເຂົ້າ​ປະເທດ​ຜ່ານ​ເສັ້ນ​ທາງເດີນ​ລົດ​ໄຟ​ຈາກ​ເຢຍລະມັນ, ສະວິດເຊີແລນ, ລິກ​ເທນ​ສ​ຕາຍ, ສາທາລະນະ​ລັດ​ເຊັກ, ສະ​ໂລ​ວາ​ເກຍ ແລະ​ ຮັງ​ກາ​ຣີ ແຕ່​ຍັງ​ບໍ່​ເປີດ​ຮັບ​ນັກ​ທ່ອງ​ທ່ຽວ​ຈາກ​ປະເທດ​ນອກ​ກຸ່ມ​ອີ​ຢູ.

ເບລຢຽມ ມີ​ແຜນ​ຈະ​ເປີດ​ຮັບ​ນັກ​ທ່ອງ​ທ່ຽວ​ຕ່າງ​ຊາດ​ໃນ​ວັນທີ 15 ມິຖຸນາ ແລະ​ ຄາດ​ວ່າ​ລັດຖະບານ​ເບລຢຽມ​ຈະ​ປະກາດ​ເງື່ອນ​ໄຂ​ແລະ​ກອບ​ເວລາ​ທີ່​ຊັດເຈນ​ອີກ​ເທື່ອ​ໄລຍະ​ປາຍ​ເດືອນພຶດສະພາທີ່​ຈະ​ເຖິງ. ແຕ່​ລົດ​ໄຟ​ລະຫວ່າງ​ປະເທດ 'ຢູ​ໂຣສະ​ຕາ' ຍັງ​ຖືກ​ຈຳ​ກັດ​ຈຳນວນ​ຖ້ຽວ ບໍ່​ໄດ້​ເປີດ​ໃຫ້​ບໍລິການ​ເຕັມ​ຮູບ​ແບບ​ຄືນ​ກ່ອນ​ໄລຍະ​ວິກິດ​ໂຄ​ວິດ​-19 ແລະ ​ຜູ້​ໂດຍ​ສານ​ຈະ​ຕ້ອງ​ໃສ່​ໜ້າ​ກາກ​ອະນາໄມ. ຜູ້​ບໍ່​ປະຕິບັດ​ຕາມ​ກົດ​ຈະ​ຖືກ​ປະຕິເສດ​ການ​ໃຫ້​ບໍລິການ.

ເກຣັກ ກຽມ​ເປີດ​ຮັບ​ນັກ​ທ່ອງ​ທ່ຽວ​ຕ່າງ​ຊາດ​ຢ່າງ​ເປັນ​ທາງ​ການ​ໃນ​ວັນທີ 1 ກໍລະກົດ ແຕ່​ຖ້າ​ເກີດ​ການ​ແພ່ລະ​ບາດຮອບ​ໃໝ່ ກຳນົດ​ເວລາ​ດັ່ງ​ກ່າວ​ອາດ​ຖືກ​ເລື່ອນ​ອອກ​ໄປ​ກ່ອນ.

ຕະຫຼອດ​ເດືອນພຶດສະພາ ແລະ ມິຖຸນາ ລັດຖະບານ​ເກຣັກ​ຈະ​ຄ່ອຍໆ​ຜ່ອນ​ຜັນ​ມາດຕະການ​ລັອກ​ດາວ​ ອະນຸຍາດ​ໃຫ້​ຮ້ານ​ອາຫານ ສູນການ​ຄ້າ, ໂຮງ​ແຮມ, ສວນ​ສະໜຸກ, ສວນ​ສາທາລະນະ ແລະ​ ສະຖານ​ທີ່​ອອກ​ກຳ​ລັງ​ກາຍ ກັບມາ​ເປີດ​ບໍລິການ​ຕາມ​ປົກກະຕິ. ແຕ່​ຍັງ​ຫ້າມ​ເຮັດ​ກິດຈະກຳ​ທີ່​ມີ​ຜູ້​ຊຸມນຸມ​ເປັນ​ຈຳນວນ​ຫຼາຍ ເຊັ່ນ: ຄອນ​ເ​ສີດ, ການ​ແຂ່ງ​ຂັນ​ກີລາ ແລະ ​ເທດສະ​ການ​ສະເຫຼີມ​ສະຫຼອງ​ຕ່າງ​ໆ.

ສ່ວນ​ການເດີນທາງ​ໂດຍ​ລົດ​ແທັກ​ຊີ​ຈະ​ຕ້ອງ​ຈຳ​ກັດ​ຈຳນວນ​ຜູ້​ໂດຍ​ສານ ບໍ່​ເກີນ 2 ຄົນ​ຕໍ່ 1 ຄັນ ແລະ ​ລົດ​ຂົນ​ສົ່ງ​ສາທາລະນະ​ມີກົ​ດ​ໃຫ້​ຜູ້​ໂດຍ​ສານ​ໃສ່​ໜ້າ​ກາກ​ອະນາໄມ ​ແລະ​ ເວັ້ນ​ໄລຍະ​ຫ່າງ.

Advertisement Replay Ad

ຂໍຂອບໃຈ

ຂໍ້ມູນ : Voice TV , Forbes , Japan Times , The Guardian , BBC

ພາບ : Jung Yeon-je / AFP

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ອອກແລ້ວເດີ້! ຜົນຫວຍລາວງວດວັນທີ 15 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 15 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 9 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 9 ມີນາ 2021

[LIVE UPDATE] ສະຫຼຸບຜົນຂອງການເລືອກຕັ້ງສະມາຊິກສະພາແຫ່ງຊາດ & ສະພາປະຊາຊົນຂັ້ນແຂວງ 2021

[LIVE UPDATE] ສະຫຼຸບຜົນຂອງການເລືອກຕັ້ງສະມາຊິກສະພາແຫ່ງຊາດ & ສະພາປະຊາຊົນຂັ້ນແຂວງ 2021

ອອກແລ້ວເດີ້! ຜົນຫວຍລາວງວດວັນທີ 4 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 4 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 1 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 1 ມີນາ 2021

ເລື່ອງໜ້າຮູ້ກ່ຽວກັບ "ປາຂ່າ" ໂລມານໍ້າຈືດແຫ່ງແມ່ນໍ້າຂອງ ສາຍພັນທີ່ຖືກຄຸກຄາມຢ່າງໜັກ

ເລື່ອງໜ້າຮູ້ກ່ຽວກັບ "ປາຂ່າ" ໂລມານໍ້າຈືດແຫ່ງແມ່ນໍ້າຂອງ ສາຍພັນທີ່ຖືກຄຸກຄາມຢ່າງໜັກ

ອອກແລ້ວເດີ້! ຜົນຫວຍລາວງວດວັນທີ 22 ກຸມພາ 2021

ອອກແລ້ວເດີ້! ຜົນຫວຍລາວງວດວັນທີ 22 ກຸມພາ 2021

ໃນມື້ທີ່ໂຄວິດກີດກັ້ນໄທ ແລະ ລາວ ຄົນໄທຈຶ່ງຜຸດໄອເດຍ "ຫຼວງພະບາງຈຳລອງ" ຢູ່ໃຈກາງບາງກອກ

ໃນມື້ທີ່ໂຄວິດກີດກັ້ນໄທ ແລະ ລາວ ຄົນໄທຈຶ່ງຜຸດໄອເດຍ "ຫຼວງພະບາງຈຳລອງ" ຢູ່ໃຈກາງບາງກອກ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ