ວັນເສົາ ທີ 6 ມິຖຸນາ 2020

ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນແນະນຳໃຫ້ການເງິນຈຸລະພາກແກ້ໄຂລູກໜີ້ທີ່ຮັບຜົນກະທົບຈາກໂຄວິດ-19

ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນແນະນຳໃຫ້ການເງິນຈຸລະພາກແກ້ໄຂລູກໜີ້ທີ່ຮັບຜົນກະທົບຈາກໂຄວິດ-19
S! Muan

ສະໜັບສະໜູນເນື້ອຫາ

ໃນ​ກອງ​ປະຊຸມ​ລັດຖະບານ​ປະ​ຈໍາ​ເດືອນ​ເມສາ 2020 ໄດ້​ຮັບຮອງ​ເອົາ​ຫຼາຍ​ບັນຫາ ໜຶ່ງ​ໃນ​ວຽກ​ງານ​ທີ່​ສໍາ​ຄັນ​ແມ່ນ​ມາດ​ຕະການ ແລະ ນະໂຍບາຍ​ກ່ຽວ​ກັບ​ການ​ແກ້​ໄຂ​ຜົນ​ກະທົບ​ທາງ​ດ້ານ​ເສດຖະກິດ​ຂອງ ສປປ ລາວ ຈາກ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19. ສໍາ​ລັບຂະແໜງ​ທະນາຄານ, ລັດ ຖະບານ ໄດ້​ກໍາ​ນົດ​ມາດ​ຕະ ການ​ໃນ​ການ​ຊຸກຍູ້​ຫຼຸດຜ່ອນ​ຕົ້ນ​ທຶນ, ດອກ​ເບ້ຍ ແລະ ອື່ນໆ ໂດຍ​ສະເໜີ​ໃຫ້​ທະນາຄານ​ແຫ່ງ ສປປ ລາວ (ທຫລ) ອອກ​ແຈ້ງ​ການ​ໃຫ້​ທະນາຄານ​ທຸລະ​ກິດ​ສ້າງ​ແຜນ​ຜ່ອນຜັນ ແລະ ເພີ່ມ​ສິນ​ເຊື່ອ​ເປັນຕົ້ນ​ທຸລະ​ກິດ​ທ່ອງ​ທ່ຽວ, ກະ​ສິ​ກໍາ​ສົ່ງ​ອອກ ແລະ ຜະລິດ​ການ​ທົດ​ແທນ​ການ​ນໍາ​ເຂົ້າ.

ກອງ​ທຶນ​ສົ່ງເສີມ​ການ​ຜະລິດ​ຂະໜາດກາງ​  ແລະ​ ນ້ອຍ SMEs, ການຈັດຕັ້ງ ປະ ຕິບັດ​ໂຄງການ​ສິນ​ເຊື່ອ​ເພື່ອ​ສົ່ງເສີມ SMEs ຈາກແຫຼ່ງເງິນ​ ກູ້​ທະນາຄານ​ຕ່າງປະເທດ ແລະ ອີງໃສ່​ທິດ​ຊີ້​ນໍາ​ຂອງ​ລັດ ຖະບານ, ທຫລ​ ໄດ້​ຈັດ​ຕັ້ງຜັນ​ ຂະຫຍາຍ​ໂດຍ​ອອກ​ນະໂຍ ບາຍ​ສິນ​ເຊື່ອ​ສະເພາະ​ເພື່ອ​ຊ່ວຍ​ຂະແໜງການ​ເສດຖະກິດ​ທີ່​ໄດ້​ຮັບ​ຜົນ​ກະທົບ​ຈາກ​ການ​ລະບາດ​ຂອງ​ພະຍາດ​ດັ່ງກ່າວ​ຕາມ​ຂໍ້​ຕົກລົງ​ເລກ​ທີ 238/ທຫລ, ລົງ​ວັນ​ທີ 26 ມີນາ 2020.

  ຕໍ່​ບັນຫາ​ດັ່ງກ່າວ; ທ່ານ ອາ​ລຸນ ບຸນ​ຍົງ ຫົວໜ້າ​ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນ (ກຄສງ)  ທຫລ ໄດ້​ກ່າວ​ວ່າ: ໃນ​ຜ່ານ​ມາ​ພວກ​ເຮົາ ໄດ້​ຈັດ​ຕັ້ງ​ຜັນ​ຂະຫຍາຍ​ປະຕິບັດ​ຕາມ​ຄໍາ​ສັ່ງ ແລະ ຂໍ້​ຕົກລົງ​ຂອງ​ຂັ້ນ​ເທິງໂດຍ​ສະເພາະ​ແມ່ນ​ຂໍ້​ຕົກລົງ​ຂອງ​ຜູ້​ວ່າການ ທຫລ ເລກ​ທີ 238/ທຫລ​ໃຫ້​ຖືກຕ້ອງ​ແລະ​ເພີ່ມ​ທະວີ​ການ​ມີ​ສ່ວນ​ຮ່ວມ​ຂອງ​ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະນາຄານ​ທີ່ຢູ່​ພາຍ​ໃຕ້​ການ​ດູແລ​ຂອງ ທຫລ.

ກຄສງ ຈຶ່ງ​ອອກ​ຄຳ​ແນະນຳ ສະບັບ​ເລກ​ທີ 118/ກຄສງ, ລົງ​ວັນ​ທີ 11 ພຶດສະພາ 2020 ໃຫ້​ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະນາຄານ​ໃນ​ຂອບ​ເຂດ​ທົ່ວ​ປະເທດ​ທີ່ຢູ່​ພາຍ​ໃຕ້​ການ​ດູແລ​ຂອງ ທຫລ ຄື: ສະ​ຖາ​ບັນ​ການ​ເງິນ​ຈຸ​ລະ​ພາກ​ທີ່​ຮັບ​ເງິນ​ຝາກ (ສກຈຮ), ສະ​ຖາ​ບັນ​ການ​ເງິນ​ຈຸ​ລະ​ພາກ​ທີ່​ບໍ່​ຮັບ​ເງິນ​ຝາກ (ສກຈບ), ສະຫະກອນ​ສິນ​ເຊື່ອ ແລະ ເງິນ​ຝາກ​ປະຢັດ (ສສງ), ບໍລິສັດ​ເຊົ່າ​ສິນ​ເຊື່ອ ແລະ ໂຮງ​ຊວດ​ຈໍາ​ເປັນ​ເຈົ້າ​ການ​ຜັນ​ຂະຫຍາຍ ແລະ ປະຕິບັດ​ນະໂຍບາຍ​ສິນ​ເຊື່ອ​ໃຫ້​ແກ່​ລູກ​ຄ້າ​ທີ່​ໄດ້​ຮັບ​ຜົນ​ກະທົບ​ຈາກ​ການ​ແຜ່​ລະບາດ​ຂອງ​ພະຍາດ COVID-19.

  ສໍາ​ລັບ​ນະໂຍບາຍ​ຜ່ອນ ຜັນ​ສິນ​ເຊື່ອ ປະກອບ​ດ້ວຍ:ການ​ເລື່ອນ​ເວລາ​ການ​ຊຳລະ​ຕົ້ນ​ທຶນ ແລະ/ຫຼື ດອກ​ເບ້ຍ​ໃຫ້​ແກ່​ລູກ​ຄ້າ​ທີ່​ໄດ້​ຮັບ​ຜົນ​ກະທົບ​ຈາກ​ການ​ແຜ່​ລະບາດ​ຂອງ​ພະຍາດ COVID-19;  ການ​ປັບປຸງໂຄງ ສ້າງໜີ້​ຄືນໃໝ່​ຕາມ​ຄວາມ​ເໝາະ​ສົມ; ການ​ປັບ​ຫຼຸດ​ອັດຕາ​ດອກ​ເບ້ຍ,  ຫຼຸດ ຫຼື ຍົກເວັ້ນ​ຄ່າ​ທຳນຽມ​ຕາມ​ຄວາມ​ເໝາະ​ສົມ; ການ​ປ່ອຍ​ສິນ​ເຊື່ອ​ໃໝ່​ໃຫ້​ແກ່​ລູກ​ຄ້າ​ຕາມ​ວົງ​ເງິນ​ ແລະ​  ອັດຕາ​ດອກ​ເບ້ຍ​ໃໝ່​ທີ່​ເໝາະ​ສົມ ເພື່ອ​ແກ້​ໄຂ​ສະພາບ​ຄ່ອງ ຫຼື ເພື່ອ​ຟື້ນ​ຟູ​ການ​ຜະລິດ​ທຸລະ​ກິດ​ຂອງ​ລູກ​ຄ້າ;ໃຫ້​ນະໂຍບາຍ​ອື່ນໆ​ທີ່​ເຫັນ​ວ່າ​ເປັນ​ການ​ຊຸກຍູ້​ສົ່ງເສີມ​ໃຫ້​ແກ່​ລູກ​ຄ້າ.ການ​ປັບປຸງ​ໂຄງ​ສ້າງ​ໜີ້ ແມ່ນ​ການ​ປັບປຸງ​ແກ້​ໄຂ​ສັນຍາ​ເງິນ​ກູ້​ຄືນໃໝ່​ເຊັ່ນ: ດັດແກ້​ແຜນການ​ຊຳລະ, ປັບປຸງ​ອັດຕາ​ດອກ​ເບ້ຍ, ເພີ່ມ​ ຫຼື​ ຫຼຸດ​ວົງເງິນ​ກູ້​ຢືມ, ຕໍ່​ກຳນົດ​ສັນຍາ ​ເນື່ອງຈາກ​ລູກ​ໜີ້​ບໍ່​ສາມາດ​ຊຳລະໜີ້​ຕາມ​ເງື່ອນໄຂ​ຂອງ​ສັນຍາ​ໃນ​ເບື້ອງ​ຕົ້ນ​ເພື່ອ​ສ້າງ​ເງື່ອນໄຂ​ໃຫ້​ລູກ​ໜີ້​ສາມາດ​ສືບ ຕໍ່​ດຳເນີນ​ທຸລະ​ກິດ​ ແລະ​ ຊຳລະ​ໜີ້​ຄືນ​ໃຫ້​ແກ່​ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະນາຄານ;

 ທ່ານ​ຫົວໜ້າ ກຄສງ ​ໄດ້​ເນັ້ນ​ວ່າ: ຕໍ່​ກັບ​ລູກ​ຄ້າ​ທີ່​ໄດ້​ຮັບ​ຜົນ​ກະທົບ​ຈາກ​ການ​ແຜ່​ລະບາດ​ຂອງ​ພະຍາດ COVID-19 ມີ​ດັ່ງນີ້:ບຸກຄົນ ຫຼື ນິຕິບຸກຄົນ​ທີ່​ເປັນ​ເຈົ້າ​ຂອງ ຫຼື ດຳເນີນ​ກິດຈະການ​ທີ່​ຕ້ອງ​ປິດ​ກິດຈະການ, ຢຸດ​ເຊົາ​ກິດຈະ ການ​ທັງ​ໝົດ ຫຼື ສ່ວນ​ໃດ​ໜຶ່ງ ເນື່ອງ​ຈາກ​ການ​ແຜ່​ລະບາດ​ຂອງ​ພະຍາດ COVID-19; ພະນັກງານ ຫຼື ລູກຈ້າງ​ຂອງ​ຫົວໜ່ວຍ​ທຸລະ​ກິດ​ທີ່​ປິດ​ກິດ ຈະການ, ຢຸດ​ກິດຈະການ​ທັງ​ໝົດ ຫຼື ສ່ວນ​ໃດ​ໜຶ່ງ ເນື່ອງຈາກ ​ການ​ແຜ່​ລະບາດ​ຂອງພະ ຍາດ COVID-19 ໂດຍ​ບໍ່​ໄດ້​ຮັບ​ເງິນເດືອນ ຫຼື ໄດ້​ຮັບ​ບໍ່​ເຕັມເມັດ ​ເຕັມ​ໜ່ວຍ; ຜູ້​ປະກອບ​ອາຊີບ​ອິດສະຫຼະ​ທີ່ບໍ່​ສາມາດ​ປະ ກອບ​ອາຊີບ​ຂອງ​ຕົນ​ໄດ້​ຕາມ​ປົກກະຕິ ອັນ​ເນື່ອງ​ຈາກ​ການ​ແຜ່​ລະບາດ​ຂອງ​ພະຍາດ COVID-19;ຜູ້​ທີ່​ຕິດເຊື້ອ​ພະຍາດ COVID-19 ຫຼື ຜູ້​ທີ່​ມີ​ສ່ວນ​ກ່ຽວຂ້ອງ​ຕ້ອງ​ໄດ້​ກັກຕົວ​ຊຶ່ງ​ບໍ່​ສາມາດ​ປະກອບ​ອາ ຊີບ​ໄດ້​ຕາມ​ປົກກະຕິ ແລະ ບໍ່​ໄດ້​ຮັບ​ຄ່າ​ຈ້າງ​ຕາມ​ປົກກະຕິ; ຜູ້​ທີ່​ໄດ້​ຮັບ​ຜົນ​ກະທົບ​ທາງ​ອ້ອມ​ເປັນຕົ້ນ​ແມ່ນ​ຜູ້​ທີ່​ບໍ່​ຖືກ​ປິດ​ກິດ ຈະການ​ແຕ່​ຍ້ອນ​ໄດ້​ຮັບ​ຜົນ​ກະທົບ​ຈາກ​ການ​ແຜ່​ລະບາດ​ຂອງ​ພະຍາດ COVID-19 ເຮັດ​ໃຫ້​ລາຍ​ຮັບ​ຫຼຸດ​ລົງ.

ການ​ປະຕິບັດ​ນະໂຍບາຍ​ຜ່ອນຜັນ​ສິນ​ເຊື່ອ​ແມ່ນ​ລູກ​ຄ້າ​ທີ່​ໄດ້​ຮັບ​ຜົນ​ກະທົບ​ຈາກ​ການ​ແຜ່​ລະບາດ​ຂອງ​ພະຍາດ COVID-19 ທີ່​ຈະ​ໄດ້​ຮັບ​ນະ ໂຍບາຍ​ຈາກ​ສະ​ຖາ​ບັນການ ​ເງິນ​ທີ່​ບໍ່​ແມ່ນ​ທະນາຄານຕ້ອງ​ໄດ້​ຂຽນ​ໜັງສື​ສະເໜີ​ເຖິງ​ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະ ນາຄານ ທີ່​ເປັນ​ເຈົ້າ​ໜີ້ຂອງຕົນ;  ປະກອບ​ເອກະສານຢັ້ງຢືນ​ຜົນ​ກະທົບ​ທີ່​ຕົນ​ໄດ້​ຮັບໂດຍ​ຢັ້ງຢືນ​ຈາກ​ອົງການ​ຈັດ​ຕັ້ງ​ທີ່​ກ່ຽວຂ້ອງ; ປະກອບເອກະສານ​ອື່ນໆ​ທີ່​ກ່ຽວຂ້ອງ ແລະ ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະນາຄານ​ທີ່​ໄດ້​ຮັບ​ການ​ສະເໜີ​ຈາກ​ລູກ​ຄ້າ​ຂອງ​ຕົນ ຕ້ອງ​ດຳເນີນ​ການ​ສຳຫຼວດ, ເກັບ​ກຳ​ຂໍ້​ມູນ​ໃຫ້​ລະອຽດ ແລ້ວ​ປະ​ເມີນ​ຜົນ​ກະທົບ​ຕາມ​ກໍລະນີ​ໜັກ​-​ເບົາ ແລ້ວ​ປະຕິບັດ​ນະໂຍບາຍ​ຜ່ອນຜັນ​ສິນ​ເຊື່ອ​ໃດ​ໜຶ່ງ​ຕາມ​ຄວາມ​ເໝະ​ສົມ.

ໃຫ້​ບໍລິສັດ​ເຊົ່າ​ສິນ​ເຊື່ອ ແລະ ໂຮງ​ຊວດ​ຈຳ ພິຈາລະນາ​ໂຈະ ຫຼື ເລື່ອນ​ເວລາ​ການ​ຢຶດ ຫຼື ຂາຍ​ທອດ​ຊັບ​ສິນ​ຂອງ​ລູກ​ຄ້າ​ໄປ​ອີກ​ຢ່າງ​ໜ້ອຍ 2 ງວດ; ຫຼຸດຜ່ອນ ຫຼື ຍົກເລີກ​ຄ່າ ​ທຳນຽມ, ຄ່າ​ປັບ​ໃໝ​ຕ່າງໆ​ໃຫ້​ແກ່​ລູກ​ຄ້າ​ຜູ້​ທີ່​ໄດ້​ຮັບ​ຜົນ​ກະທົບ​ຈາກ​ການ​ແຜ່​ລະບາດ​ຂອງ​ພະຍາດCOVID-19 ຕາມ​ຄວາມ​ເໝາະ​ສົມ.

ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະນາຄານ​ທີ່​ປະຕິບັດ​ນະໂຍບາຍ​ຜ່ອນຜັນ​ສິນ​ເຊື່ອ​ໃຫ້​ແກ່​ລູກ​ຄ້າ​ຂອງ​ຕົນ ຈະ​ໄດ້​ຮັບ​ນະໂຍບາຍ​ຈາກ ທຫລ ແລະ ພາກສ່ວນ​ກ່ຽວຂ້ອງ​ດັ່ງ ນີ້:ສຳລັບ​ສະ​ຖາ​ບັນ​ການ​ເງິນ​ຈຸ​ລະ​ພາກ​ທີ່​ຮັບ​ເງິນ​ຝາກ, ສະ​  ຖາ​ບັນ​ການ​ເງິນ​ຈຸ​ລະ​ພາກ​ທີ່​ ບໍ່​ຮັບ​ເງິນ​ຝາກ ແລະ ສະຫະກອນ​ສິນ​ເຊື່ອ ແລະ ເງິນ​ຝາກ​ປະຢັດ ຈະ​ໄດ້​ຮັບ​ການ​ຜ່ອນ ຜັນ​ຍົກເວັ້ນ​ການ​ຈັດ​ຊັ້ນ​ໜີ້, ການ​ຫັກ​ຄັງ​ແຮ, ການ​ຜ່ອນຜັນ​ການ​ປະຕິບັດ​ບາງ​ອັດຕາສ່ວນ ​ຮັກສາຄວາມ​ໝັ້ນຄົງ​ຕາມ ຄວາມເໝາະ​ສົມ; ສຳລັບບໍລິ ສັດ​ເຊົ່າ​ສິນ​ເຊື່ອ​ທີ່​ກູ້​ຢືມ​ເງິນ ​ຈາກ​ທະນາຄານ​ທຸລະ​ກິດ​ພາຍ​ ໃນ​ປະເທດ ຈະ​ໄດ້​ຮັບ​ການ​ຜ່ອນຜັນ​ການ​ຈ່າຍ​ຕົ້ນ​ທຶນ, ດອກ​ເບ້ຍ, ຄ່າ​ທຳນຽມ​ຕາມນະ ໂຍບາຍ​ຂອງ​ທະນາຄານ​ກ່ຽວ ຂ້ອງ;ສະ​ຖາ​ບັນ​ການເງິນທີ່​ບໍ່​ແມ່ນ​ທະນາຄານ ໄດ້​ປະຕິບັດ​ນະໂຍບາຍ​ຜ່ອນຜັນ​ສິນ​ເຊື່ອ​ໃຫ້​ແກ່​ລູກ​ຄ້າ​ທີ່​ໄດ້​ຮັບ​ຜົນກະ ທົບ​ຈາກ​ການ​ແຜ່​ລະບາດ​ຂອງ​ເຊື້ອ​ພະຍາດ COVID-19, ຕ້ອງ​ສຳ​ເນົາ​ຂໍ້​ມູນ​ຫຼັກ​ຖານ ເພື່ອ​ຮັບ​ໃຊ້​ວຽກ​ງານ​ກວດກາ​ຂອງ​ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນ;

 ນອກຈາກ​ນະໂຍບາຍ​ທີ່​ກ່າວ​ມາ​ຂ້າງ​ເທິງ​ແລ້ວ ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະ ນາຄານ​ທີ່​ໄດ້​ປະຕິບັດ​ນະໂຍ ບາຍ​ຜ່ອນຜັນ​ສິນ​ເຊື່ອຍັງ​ຈະ​ໄດ້​ຮັບ​ນະໂຍບາຍ​ອື່ນໆ ຈາກ​ຂະແໜງການ​ທີ່​ກ່ຽວຂ້ອງຕາມ​ນະໂຍບາຍ ແລະ ລະບຽບ​ການ​ທີ່​ລັດຖະບານ​ກຳ​ນົດ.

Advertisement Replay Ad

ຂໍຂອບໃຈ

ຂໍ້ມູນ : ໜັງສືພິມ ປະຊາຊົນ

"ທ່ານໝໍນຸ້ຍ" ທຸ້ມເທກາຍ ແລະ ໃຈ ໃນການປະຕິບັດໜ້າທີ່ ສູ້ກັບໂຄວິດ-19

"ທ່ານໝໍນຸ້ຍ" ທຸ້ມເທກາຍ ແລະ ໃຈ ໃນການປະຕິບັດໜ້າທີ່ ສູ້ກັບໂຄວິດ-19

ສົມຫວັງ ໄຊສັກດີ ມືລະນາດວົງຕິ່ງນ່ອຍໆ ຄິດໄກກວ່າການຫຼິ້ນດົນຕີລາວເດີມ!

ສົມຫວັງ ໄຊສັກດີ ມືລະນາດວົງຕິ່ງນ່ອຍໆ ຄິດໄກກວ່າການຫຼິ້ນດົນຕີລາວເດີມ!

"ຂ້ອຍເຄີຍຖືກເຂົາເວົ້າໃຫ້ວ່າຂີ້ລ້າຍ" ເລື່ອງລາວການຖືກຂົ່ມເຫງ ບັນຫາທີ່ຝັງຮາກເລິກໃນສັງຄົມລາວ

"ຂ້ອຍເຄີຍຖືກເຂົາເວົ້າໃຫ້ວ່າຂີ້ລ້າຍ" ເລື່ອງລາວການຖືກຂົ່ມເຫງ ບັນຫາທີ່ຝັງຮາກເລິກໃນສັງຄົມລາວ

ບາງຂໍ້ກົດໝາຍທີ່ຄູ່ຜົວເມຍຄວນຮູ້ ກ່ອນທີ່ຈະຕັດສິນໃຈໄປມີເລັກມີນ້ອຍ

ບາງຂໍ້ກົດໝາຍທີ່ຄູ່ຜົວເມຍຄວນຮູ້ ກ່ອນທີ່ຈະຕັດສິນໃຈໄປມີເລັກມີນ້ອຍ

ຄວນຢຸດໄດ້ແລ້ວ ຄອມເມັ້ນ "ສົນໃຈເດີ" ຖ້າຢາກໄດ້ວຽກ ຢ່າເຮັດ!

ຄວນຢຸດໄດ້ແລ້ວ ຄອມເມັ້ນ "ສົນໃຈເດີ" ຖ້າຢາກໄດ້ວຽກ ຢ່າເຮັດ!

ລົດໜັກພາຂົວຫັກ: ຂົວນໍ້າພະນາຍ ບ້ານເກິນຫັກ ກະທົບການສັນຈອນ

ລົດໜັກພາຂົວຫັກ: ຂົວນໍ້າພະນາຍ ບ້ານເກິນຫັກ ກະທົບການສັນຈອນ

ຢາກເດີນທາງເຂົ້າ-ອອກລາວຕ້ອງເຮັດແນວໃດ? ນີ້ແມ່ນທຸກຢ່າງທີ່ເຈົ້າຕ້ອງຮູ້ໄວ້

ຢາກເດີນທາງເຂົ້າ-ອອກລາວຕ້ອງເຮັດແນວໃດ? ນີ້ແມ່ນທຸກຢ່າງທີ່ເຈົ້າຕ້ອງຮູ້ໄວ້

ທຸກຢ່າງທີ່ຜູ້ອອກແຮງງານຕ້ອງຮູ້ ກ່ຽວກັບມາດຕະການດ້ານແຮງງານໃນໄລຍະ ແລະ ຫຼັງການລະບາດຂອງໂຄວິດ-19

ທຸກຢ່າງທີ່ຜູ້ອອກແຮງງານຕ້ອງຮູ້ ກ່ຽວກັບມາດຕະການດ້ານແຮງງານໃນໄລຍະ ແລະ ຫຼັງການລະບາດຂອງໂຄວິດ-19

ນີ້ແມ່ນກົນໂກງຂອງແມ່ຫວຍອອນລາຍ ໃຊ້ຕົວະຕົ້ມເອົາເງິນຂອງລູກຫວຍຫຼາຍກວ່າ 1,500 ລ້ານກີບ

ນີ້ແມ່ນກົນໂກງຂອງແມ່ຫວຍອອນລາຍ ໃຊ້ຕົວະຕົ້ມເອົາເງິນຂອງລູກຫວຍຫຼາຍກວ່າ 1,500 ລ້ານກີບ

ສະຫຼຸບເຫດການ ຊາຍຜິວດຳຢູ່ສະຫະລັດເສຍຊີວິດຫຼັງຖືກຕຳຫຼວດຈັບກຸມ ຈົນກາຍເປັນກະແສໄປທົ່ວໂລກ

ສະຫຼຸບເຫດການ ຊາຍຜິວດຳຢູ່ສະຫະລັດເສຍຊີວິດຫຼັງຖືກຕຳຫຼວດຈັບກຸມ ຈົນກາຍເປັນກະແສໄປທົ່ວໂລກ

ໂຄວິດ-19 ມີຜົນກະທົບແນວໃດ ຕໍ່ການປ່ຽນແປງດິນຟ້າອາກາດ?

ໂຄວິດ-19 ມີຜົນກະທົບແນວໃດ ຕໍ່ການປ່ຽນແປງດິນຟ້າອາກາດ?

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ