ວັນເສົາ ທີ 6 ມິຖຸນາ 2020

ມີທັງໝົດຈັກແຫ່ງ? ເປີດລາຍຊື່ເຂື່ອນນໍ້າຂອງໃນລາວ ທີ່ກໍ່ສ້າງແລ້ວ ກຳລັງກໍ່ສ້າງ ແລະ ມີແຜນຈະສ້າງ

ມີທັງໝົດຈັກແຫ່ງ? ເປີດລາຍຊື່ເຂື່ອນນໍ້າຂອງໃນລາວ ທີ່ກໍ່ສ້າງແລ້ວ ກຳລັງກໍ່ສ້າງ ແລະ ມີແຜນຈະສ້າງ
S! Muan

ສະໜັບສະໜູນເນື້ອຫາ

ເຂື່ອນນໍ້າຂອງຢູ່ຊະນະຄາມທີ່ຫາກໍຖືກນຳສະເໜີອອກມາຈາກສື່ຕ່າງໆວ່າ ລັດຖະບານກຳລັງຈະເລີ່ມກໍ່ສ້າງໃນປີ 2020 ນີ້ ແລະ ຄາດວ່າຈະສຳເລັດໃນປີ 2028 ເປັນພຽງໜຶ່ງໃນຈຳນວນພະລັງງານນໍ້າໃນແມ່ນໍ້າຂອງຂອບເຂດປະເທດລາວ ເພາະນອກຈາກເຂື່ອນນີ້ແລ້ວມີເຂື່ອນອື່ນໆອີກຫຼາຍແຫ່ງທີ່ກໍ່ສ້າງສຳເລັດ, ກຳລັງກໍ່ສ້າງ ແລະ ມີແຜນຈະກໍ່ສ້າງໃນອະນາຄົດ.

ມື້ນີ້ muan.la ຈະພາໄປສຳຫຼວດເບິ່ງວ່າ ໃນບັນດາເຂື່ອນເຫຼົ່ານັ້ນ ມີເຂື່ອນໃດແດ່?

ເຂື່ອນນໍ້າຂອງໄຊຍະບູລີ

ເຂື່ອນໄຟຟ້າພະລັງງານນໍ້າແຫ່ງນີ້ ເປັນເຂື່ອນທີ່ໄດ້ຮັບການຈັບຕາຫຼາຍທີ່ສຸດ ໂດຍເລີ່ມກໍ່ສ້າງມາຕັ້ງແຕ່ປີ 2012 ດ້ວຍມູນຄ່າໂຄງການ 3.8 ຕື້ໂດລາສະຫະລັດ ແລະ ໄດ້ເລີ່ມຜະລິດໄຟຟ້າໃນທ້າຍປີ 2019 ທີ່ຜ່ານມາ. ບໍລິສັດ ຊ. ການຊ່າງ ຂອງໄທ ເປັນຜູ້ດຳເນີນການກໍ່ສ້າງ ແລະ ເຂື່ອນແຫ່ງນີ້ເປັນສ່ວນໜຶ່ງຂອງສັນຍາຊື້ຂາຍພະລັງງານໄຟຟ້າລະຫວ່າງ ການໄຟຟ້າຝ່າຍຜະລິດແຫ່ງປະເທດໄທ (ກຟຜ) ແລະ ລັດວິສາຫະກິດໄຟຟ້າລາວ. ໄຟຟ້າທີ່ໄດ້ຈາກເຂື່ອນນີ້ 92.5% ຈະຈຳໜ່າຍໃຫ້ການໄຟຟ້າຝ່າຍຜະລິດຂອງໄທ ແລະ 7.5% ຈຳໜ່າຍໃຫ້ລັດວິສາຫະກິດໄຟຟ້າລາວ.

ເຂື່ອນນໍ້າຂອງໄຊຍະບູລີ / ພາບ: http://www.xayaburi.com

ເຂື່ອນດັ່ງກ່າວຕັ້ງຢູ່ຫ່າງຈາກຕົວເມືອງໄຊຍະບູລີໄປທາງທິດຕາເວັນອອກປະມານ 30 ກິໂລແມັດ ມີກຳລັງການຜະລິດລວມ 1,285 ເມກາວັດ ປະກອບດ້ວຍກັງຫັນນໍ້າ ແລະ ເຄື່ອງກຳເນີດໄຟຟ້າລວມ 8 ລະບົບ ແລະ ສາມາດຜະລິດໄຟຟ້າໄດ້ 7,370 ຈີກາວັດຊົ່ວໂມງຕໍ່ປີ.

ເຂື່ອນນໍ້າຂອງປາກລາຍ

ອີງຕາມຂໍ້ມູນຈາກຄະກຳມາທິການແມ່ນໍ້າຂອງສາກົນ ເຊິ່ງເຜີຍແພ່ອອກມາເມື່ອປີ 2018, ເຂື່ອນນໍ້າຂອງປາກລາຍ ເປັນອີກໜຶ່ງເຂື່ອນໄຟຟ້າພະລັງງານນໍ້າເຊິ່ງຕັ້ງໃນແມ່ນ້ໍາຂອງຕອນລຸ່ມ ໃນຂອບເຂດຂອງແຂວງໄຊຍະບູລີ. ເຂື່ອນແຫ່ງນີ້ມີກຳລັງການຜະລິດລວມ 770 ເມກາວັດ ເຊິ່ງໄດ້ມີການເລີ່ມຕົ້ນຂະບວນການຫາລືລ່ວງໜ້າ 6 ເດືອນ ເມື່ອເດືອນສິງຫາ 2018.

ເຂື່ອນແຫ່ງນີ້ຈະສາມາດຜະລິດກະແສໄຟຟ້າໄດ້ 4,124 ຈີກາວັດຊົ່ວໂມງ (GWh) ຕໍ່ປີ ໂດຍມີເປົ້າໝາຍເພື່ອຜະລິດໄຟຟ້າສະໜອງຄວາມຕ້ອງການພາຍໃນ. ມູນຄ່າຂອງໂຄງການຢູ່ທີ່ປະມານ 2,134 ລ້ານໂດລາສະຫະລັດ ແລະ ຄາດວ່າຈະເລີ່ມກໍ່ສ້າງໃນປີ 2022 ພ້ອມທັງຄາດວ່າຈະສາມາດເປີດຜະລິດໄຟຟ້າໄດ້ພາຍໃນປີ 2029. ສ່ວນຜູ້ພັດທະນາໂຄງການແມ່ນບໍລິສັດ ພາວເວີ ໄຊນາ ຣີຊອສ ຈຳກັດ (Power China Resources Ltd.).

ເຂື່ອນນໍ້າຂອງປາກແບງ

ໂຄງການສ້າງເຂື່ອນໄຟຟ້ານ້ຳຕົກປາກແບງຕັ້ງຢູ່ເຂດພູສູງຊັນ ເມືອງປາກແບງ ແຂວງອຸດົມໄຊ ອີງຕາມຂໍ້ມູນຈາກສື່ເຊິ່ງເຜີຍແຜ່ເມື່ອປີ 2017.

ໂຄງການດັ່ງກ່າວມີກຳລັງຜະລິດລວມ 912 ເມກາວັດ, ປະກອບມີ 16 ໜ່ວຍຜະລິດ ໂດຍໜ່ວຍໜຶ່ງມີກຳລັງຕິດຕັ້ງ 57 ເມກາວັດ. ໃນນັ້ນອັດຕາການຜະລິດສະເລ່ຍແມ່ນ 4,765 ຈີກາວັດຊົ່ວໂມງຕໍ່ປີ (GWh), ລະດູຝົນສາມາດຜະລິດໄດ້ 2,947 GWh, ລະດູແລ້ງຜະລິດໄດ້ 1,818 GWh, ໂດຍພາຍຫຼັງທີ່ສ້າງສຳເລັດຈະສົ່ງຂາຍໃຫ້ໄຟຟ້າລາວ 10% ແລະ ເຫຼືອນັ້ນແມ່ນສົ່ງຂາຍໃຫ້ໄທ.

ການກໍ່ສ້າງເຂື່ອນດັ່ງກ່າວດຳເນີນການໂດຍ ບໍລິສັດ Datang (Lao) Pak Beng Hydropower Co., Ltd. ຄາດວ່າຈະໃຊ້ເວລາກໍ່ສ້າງ 5 ປີ ໃນມູນຄ່າປະມານ 2,372 ລ້ານໂດລາສະຫະລັດ. ການກໍ່ສ້າງເລີ່ມມາຕັ້ງແຕ່ປີ 2017 ແລະ ຄາດວ່າຈະສຳເລັດພາຍໃນປີ 2022.

ເຂື່ອນນໍ້າຂອງຊະນະຄາມ

ເປັນເຂື່ອນທີ່ກຳລັງເປັນທີ່ສົນໃຈຂອງສັງຄົມໃນຕອນນີ້ ໂດຍເຂື່ອນໄຟຟ້າພະລັງງານນໍ້າແຫ່ງດັ່ງກ່າວ ມີແຜນຈະກໍ່ສ້າງຂຶ້ນໃນເມືອງຊະນະຄາມ ແຂວງວຽງຈັນ ໃນປີ 2020 ແລະ ຄາດວ່າຈະສຳເລັດພາຍໃນປີ 2028.

ຈຸດທີ່ຕັ້ງຂອງໂຄງການນີ້ແມ່ນຢູ່ລະຫວ່າງ ແຂວງໄຊຍະບູລີ ແລະ ແຂວງວຽງຈັນ, ເຊິ່ງຫ່າງຈາກ ຊາຍແດນ ຈັງຫວັດເລີຍ ປະເທດໄທປະມານ 2 ກິໂລແມັດ, ຫ່າງຈາກ ເມືອງຊະນະຄາມ ແຂວງວຽງຈັນ ປະມານ 25 ກິໂລແມັດ, ຫ່າງຈາກ ນະຄອນຫຼວງວຽງຈັນ ປະມານ 155 ກິໂລແມັດ ແລະ ຫ່າງຈາກ ເມືອງປາກລາຍ ແຂວງໄຊຍະບູລີ ປະມານ 84 ກິໂລແມັດ.

ອີງຕາມເອກະສານທີ່ໄດ້ຍື່ນແກ່ຄະນະກໍາມະການ ອົງກອນແມ່ນໍ້າຂອງ, ໂຄງການກໍ່ສ້າງເຂື່ອນນີ້ ມີກຳລັງຕິດຕັ້ງ 684 ເມກາວັດ ຈະໃຊ້ງົບປະມານຂອງໂຄງການ 2,073 ລ້ານ ໂດລາສະຫະລັດ, ສ່ວນພະລັງງານໄຟຟ້າ ທີ່ຜະລິດໄດ້ ຈະສົ່ງອອກຂາຍ ໃຫ້ປະເທດໄທ ເປັນສ່ວນໃຫຍ່.


ເຂື່ອນໄຟຟ້າດອນສະໂຮງ ເຊິ່ງຕັ້ງຢູ່ໃນເຂດເມືອງໂຂງ ແຂວງຈຳປາສັກ / ພາບ: muan.la

ເຂື່ອນນໍ້າຂອງດອນສະໂຮງ

ໂຄງການ​ເຂື່ອນ​ໄຟຟ້າດອນ​ສະ​ໂຮງ ເປັນ​ເຂື່ອນປະເພດ​ຄອນ​ກຣີດ​ອັດ​ແໜ້ນ ມີ​ກຳລັງ​ຕິດ​ຕັ້ງ 260 ເມກາວັດ ສາມາດ​ຜະລິດ​ກະແສ​ໄຟຟ້າ​ໄດ້ 2,000 ກວ່າ ຈີກາວັດຊົ່ວໂມງຕໍ່ປີ ໂດຍເລີ່ມກໍ່ສ້າງມາຕັ້ງແຕ່ປີ 2016 ແລະ ກໍ່ສ້າງສຳເລັດ ພ້ອມເລີ່ມຜະລິດໄຟຟ້າເມື່ອທ້າຍປີ 2019 ທີ່ຜ່ານມາ. ທີ່ຕັ້ງຂອງເຂື່ອນດັ່ງກ່າວແມ່ນຢູ່ໃນເຂດສີພັນດອນ ເມືອງໂຂງ ແຂວງຈຳປາສັກ ໃກ້ກັບຊາຍແດນກຳປູເຈຍ.

ສຳລັບຜູ້ພັດທະນາໂຄງການດັ່ງກ່າວແມ່ນບໍລິສັດຈາກມາເລເຊຍຊື່ Mega First Corporation Berhad ເຊິ່ງດຳເນີນການໃນ ສປປ ລາວ ພາຍໃຕ້ Don Sahong Power Company.

ເຂື່ອນນໍ້າຂອງສັງທອງ-ປາກຊົມ

ກະຊວງພະລັງງານ ແລະ ບໍ່ແຮ່ ຂອງ ສປປ ລາວ ແລະ ກະຊວງພະລັງງານຂອງໄທ ເປັນຜູ້ດຳເນີນການຮ່ວມໃນການກໍ່ສ້າງເຂື່ອນດັ່ງກ່າວ ເຊິ່ງຕັ້ງຢູ່ບໍລິເວນນໍ້າຂອງລະຫວ່າງເມືອງສັງທອງ ນະຄອນຫຼວງວຽງຈັນ ແລະ ແຂວງເລີຍ ປະເທດໄທ.

ເຂື່ອນໄຟຟ້າພະລັງງານນໍ້າດັ່ງກ່າວນີ້ມີກຳລັງຕິດຕັ້ງ 1,080 ເມກາວັດ ປະກອບດ້ວຍ 13 ໜ່ວຍຜະລິດ ໜ່ວຍລະ 83 ເມກາວັດ ມູນຄ່າການກໍ່ສ້າງ 1,300 ລ້ານໂດລາສະຫະລັດ. ຕອນນີ້ຍັງບໍ່ມີກຳນົດການວ່າຈະເລີ່ມກໍ່ສ້າງໃນປີໃດ.

ເຂື່ອນນໍ້າຂອງບ້ານກຸ່ມ

ເຂື່ອນແຫ່ງນີ້ມີກຳລັງການຜະລິດ 1,872 ເມກາວັດ ຕັ້ງຢູ່ໃນນໍ້າຂອງແລວຊາຍແດນລາວ-ໄທ ບໍລິເວນເມືອງຊະນະສົມບູນ ແຂວງຈຳປາສັກ ແລະ ອຳເພີໂຂງຈຽມ ແຂວງອຸບົນຣາຊະທານີ ປະເທດໄທ ດຳເນີນການກໍ່ສ້າງໂດຍ Italian Thai Asia Corp. Holdings ຈາກປະເທດໄທ. ໃນແຕ່ລະປີເຂື່ອນດັ່ງກ່າວນີ້ຈະສາມາດຜະລິດໄຟຟ້າໄດ້ 8,434 ຈີກາວັດຊົ່ວໂມງ. ການກໍ່ສ້າງໄດ້ມີການເຊັນບົດບັນທຶກຄວາມເຂົ້າໃຈໃນປີ 2008 ແລະ ຍັງບໍ່ທັນມີກຳນົດການກໍ່ສ້າງເທື່ອ.

ເຂື່ອນນໍ້າຂອງຫຼວງພະບາງ

ດຳເນີນການກໍ່ສ້າງໂດຍ Luang Prabang Power Company Limited ເຊິ່ງເປັນການຮ່ວມທຶນລະຫວ່າງລັດຖະບານລາວ ແລະ ບໍລິສັດ PetroVietnam Power Corporation ຈາກຫວຽດນາມ ດ້ວຍທຶນປະມານ ໂດຍມີເປົ້າໝາຍເພື່ອຜະລິດໄຟຟ້າສະໜອງການຊົມໃຊ້ພາຍໃນ ແລະ ສົ່ງອອກຕ່າງປະເທດ.


ເຂື່ອນນໍ້າຂອງຫຼວງພະບາງ / ພາບ: MRC

ທີ່ຕັ້ງຂອງໂຄງການຢູ່ຫ່າງຈາກຕົວເມືອງນະຄອນຫຼວງພະບາງໄປທາງທິດຕາເວັນອອກສ່ຽງເໜືອປະມານ 25 ກິໂລແມັດ. ເຂື່ອນແຫ່ງນີ້ມີກຳລັງຕິດຕັ້ງ 1,460 ເມກາວັດ ປະກອບດ້ວຍ 7 ໜ່ວຍຜະລິດ ໜ່ວຍລະ 200 ເມກາວັດ.

ການກໍ່ສ້າງຄາດວ່າຈະເລີ່ມພາຍໃນປີ 2020 ນີ້ ແລະ ຈະສຳເລັດພາຍໃນປີ 2027.

ເຂື່ອນນໍ້າຂອງພູງອຍ (ຊື່ເກົ່າແມ່ນ ລາດເສືອ)

ເຂື່ອນພູງອຍຕັ້ງຢູ່ຫ່າງຈາກນະຄອນປາກເຊໄປທາງທິດໃຕ້ປະມານ 10 ກິໂລແມັດ ເຊິ່ງຜູ້ພັດທະນາໂຄງການແມ່ນ Charoen Energy and Water Asia Co.Ltd. (Thailand) ຈາກກຸ່ມ CP ຂອງໄທ.

ເຂື່ອນໄຟຟ້າແຫ່ງນີ້ມີກຳລັງຕິດຕັ້ງ 726 ເມກາວັດ ມີການລົງນາມຂໍ້ຕົກລົງພັດທະນາໂຄງການ ເມື່ອເດືອນທັນວາ 2010 ເຊິ່ງຕອນນີ້ຍັງບໍ່ທັນມີການເລີ່ມໂຄງການແຕ່ຢ່າງໃດ ແລະ ຍັງຕ້ອງມີຂັ້ນຕອນອີກຫຼາຍຢ່າງ ແລະ ຍັງຄົງບໍ່ທັນມີການກໍ່ສ້າງໃນມໍ່ໆນີ້.

"ທ່ານໝໍນຸ້ຍ" ທຸ້ມເທກາຍ ແລະ ໃຈ ໃນການປະຕິບັດໜ້າທີ່ ສູ້ກັບໂຄວິດ-19

"ທ່ານໝໍນຸ້ຍ" ທຸ້ມເທກາຍ ແລະ ໃຈ ໃນການປະຕິບັດໜ້າທີ່ ສູ້ກັບໂຄວິດ-19

ສົມຫວັງ ໄຊສັກດີ ມືລະນາດວົງຕິ່ງນ່ອຍໆ ຄິດໄກກວ່າການຫຼິ້ນດົນຕີລາວເດີມ!

ສົມຫວັງ ໄຊສັກດີ ມືລະນາດວົງຕິ່ງນ່ອຍໆ ຄິດໄກກວ່າການຫຼິ້ນດົນຕີລາວເດີມ!

"ຂ້ອຍເຄີຍຖືກເຂົາເວົ້າໃຫ້ວ່າຂີ້ລ້າຍ" ເລື່ອງລາວການຖືກຂົ່ມເຫງ ບັນຫາທີ່ຝັງຮາກເລິກໃນສັງຄົມລາວ

"ຂ້ອຍເຄີຍຖືກເຂົາເວົ້າໃຫ້ວ່າຂີ້ລ້າຍ" ເລື່ອງລາວການຖືກຂົ່ມເຫງ ບັນຫາທີ່ຝັງຮາກເລິກໃນສັງຄົມລາວ

ບາງຂໍ້ກົດໝາຍທີ່ຄູ່ຜົວເມຍຄວນຮູ້ ກ່ອນທີ່ຈະຕັດສິນໃຈໄປມີເລັກມີນ້ອຍ

ບາງຂໍ້ກົດໝາຍທີ່ຄູ່ຜົວເມຍຄວນຮູ້ ກ່ອນທີ່ຈະຕັດສິນໃຈໄປມີເລັກມີນ້ອຍ

ຄວນຢຸດໄດ້ແລ້ວ ຄອມເມັ້ນ "ສົນໃຈເດີ" ຖ້າຢາກໄດ້ວຽກ ຢ່າເຮັດ!

ຄວນຢຸດໄດ້ແລ້ວ ຄອມເມັ້ນ "ສົນໃຈເດີ" ຖ້າຢາກໄດ້ວຽກ ຢ່າເຮັດ!

ລົດໜັກພາຂົວຫັກ: ຂົວນໍ້າພະນາຍ ບ້ານເກິນຫັກ ກະທົບການສັນຈອນ

ລົດໜັກພາຂົວຫັກ: ຂົວນໍ້າພະນາຍ ບ້ານເກິນຫັກ ກະທົບການສັນຈອນ

ຢາກເດີນທາງເຂົ້າ-ອອກລາວຕ້ອງເຮັດແນວໃດ? ນີ້ແມ່ນທຸກຢ່າງທີ່ເຈົ້າຕ້ອງຮູ້ໄວ້

ຢາກເດີນທາງເຂົ້າ-ອອກລາວຕ້ອງເຮັດແນວໃດ? ນີ້ແມ່ນທຸກຢ່າງທີ່ເຈົ້າຕ້ອງຮູ້ໄວ້

ທຸກຢ່າງທີ່ຜູ້ອອກແຮງງານຕ້ອງຮູ້ ກ່ຽວກັບມາດຕະການດ້ານແຮງງານໃນໄລຍະ ແລະ ຫຼັງການລະບາດຂອງໂຄວິດ-19

ທຸກຢ່າງທີ່ຜູ້ອອກແຮງງານຕ້ອງຮູ້ ກ່ຽວກັບມາດຕະການດ້ານແຮງງານໃນໄລຍະ ແລະ ຫຼັງການລະບາດຂອງໂຄວິດ-19

ນີ້ແມ່ນກົນໂກງຂອງແມ່ຫວຍອອນລາຍ ໃຊ້ຕົວະຕົ້ມເອົາເງິນຂອງລູກຫວຍຫຼາຍກວ່າ 1,500 ລ້ານກີບ

ນີ້ແມ່ນກົນໂກງຂອງແມ່ຫວຍອອນລາຍ ໃຊ້ຕົວະຕົ້ມເອົາເງິນຂອງລູກຫວຍຫຼາຍກວ່າ 1,500 ລ້ານກີບ

ສະຫຼຸບເຫດການ ຊາຍຜິວດຳຢູ່ສະຫະລັດເສຍຊີວິດຫຼັງຖືກຕຳຫຼວດຈັບກຸມ ຈົນກາຍເປັນກະແສໄປທົ່ວໂລກ

ສະຫຼຸບເຫດການ ຊາຍຜິວດຳຢູ່ສະຫະລັດເສຍຊີວິດຫຼັງຖືກຕຳຫຼວດຈັບກຸມ ຈົນກາຍເປັນກະແສໄປທົ່ວໂລກ

ໂຄວິດ-19 ມີຜົນກະທົບແນວໃດ ຕໍ່ການປ່ຽນແປງດິນຟ້າອາກາດ?

ໂຄວິດ-19 ມີຜົນກະທົບແນວໃດ ຕໍ່ການປ່ຽນແປງດິນຟ້າອາກາດ?

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ