ວັນອາທິດ ທີ 16 ພຶດສະພາ 2021

ກວດເບິ່ງເລີຍ! ບໍລິສັດທີ່ຈະເປີດດຳເນີນການຄືນຕ້ອງມີເງື່ອນໄຂ ແລະ ມາດຕະການເຫຼົ່ານີ້ຄົບຖ້ວນ

ກວດເບິ່ງເລີຍ! ບໍລິສັດທີ່ຈະເປີດດຳເນີນການຄືນຕ້ອງມີເງື່ອນໄຂ ແລະ ມາດຕະການເຫຼົ່ານີ້ຄົບຖ້ວນ
S! Muan

ສະໜັບສະໜູນເນື້ອຫາ

ບໍລິສັດ ຫຼື ອົງກອນຂອງເຈົ້າມີເງື່ອນໄຂ ແລະ ມາດຕະການທີ່ຄົບຖ້ວນ ຫຼື ບໍ່ ເພື່ອສືບຕໍ່ເຄື່ອນໄຫວໃນໄລຍະທີ່ປະເທດຍັງສືບຕໍ່ຈັດຕັ້ງປະຕິບັດມາດຕະການຕ່າງໆໃນການປ້ອງກັນພະຍາດ? ທ່ານສາມາດຮູ້ໄດ້ໂດຍກວດສອບເບິ່ງໃນຄຳແນະນຳກ່ຽວກັບການປັບປຸງເງື່ອນໄຂ ແລະ ມາດຕະການ ສໍາລັບການເຄື່ອນໄຫວ ຂອງພາກທຸລະກິດ ໃນໄລຍະທີ່ມີການລະບາດຂອງພະຍາດ COVID-19 ເຊິ່ງຫາກໍເຜີຍແຜ່ອອກມາໃນມື້ນີ້ (11 ພຶດສະພາ).

ຄຳແນະນຳດັ່ງກ່າວມີຂຶ້ນເພື່ອເປັນການຫຼຸດຜ່ອນຜົນກະທົບຕໍ່ເສດຖະກິດຂອງລາວ ຈາກການສືບຕໍ່ປະຕິບັດມາດຕະການ ໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແຜ່ລະບາດ ຂອງ Covid-19 ໃນໄລຍະແຕ່ວັນທີ 04-17 ພຶດສະພາ 2020 ຕາມການແຈ້ງການຂອງຫ້ອງການສໍານັກງານນາຍົກລັດຖະມົນຕີ ສະບັບເລກທີ 524/ຫສນຍ, ລົງວັນທີ 1 ພຶດສະພາ 2020, ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ກໍານົດການປັບປຸງ ເງື່ອນໄຂ ແລະ ມາດຕະການ ສໍາລັບການສືບຕໍ່ເຄື່ອນໄຫວຂອງ ພາກທຸລະກິດ ໃນໄລຍະທີ່ມີການລະບາດຂອງ - ພະຍາດ COVID-19 ຕາມທີ່ໄດ້ກໍານົດໃນຄໍາແນະນໍາ 031/ສພກ, ລົງວັນທີ 21 ເມສາ 2020 ດັ່ງນີ້:

ເງື່ອນໄຂຂອງພາກທຸລະກິດ ທີ່ສາມາດເປີດດໍາເນີນກິດຈະການ ມີດັ່ງນີ້:

  1. ມີສະຖານທີ່ເຮັດວຽກ ທີ່ບໍ່ແອອັດ ແລະ ຮັບປະກັນໄລຍະຫ່າງ 1 ແມັດຂຶ້ນໄປ;
  2. ມີຫ້ອງອາຫານທີ່ບໍ່ແອອັດ, ຮັບປະກັນຫຼັກການອະນາໄມ, ບໍ່ໃຫ້ໃຊ້ເຄື່ອງຮ່ວມກັນ ແລະ ເວລານັ່ງກິນ;
  3. ອາຫານຕ້ອງມີໄລຍະຫ່າງ 1 ແມັດຂຶ້ນໄປ ແລະ ມີສະຖານທີ່ແຍກປ່ຽວສໍາລັບ ກໍລະນີສົງໄສພະຍາດ Covid-19;
  4. ມີນໍ້າດື່ມ, ນໍ້າໃຊ້ ທີ່ສະອາດ, ມີ ຜ້າອັດປາກ-ດັງ, ບ່ອນລ້າງມື, ສະບູ ແລະ ເຈລລ້າງມື ໃຫ້ພະນັກງານ, ກໍາມະກອນ ຢ່າງພຽງພໍ ແລະ ໃຫ້ຖືກຕາມຫຼັກການອະນາໄມ;

  5. ມີເຈົ້າໜ້າທີ່ຮັກສາເວນຍາມ ແລະ ມີການກວດກາ ພະນັກງານ, ກໍາມະກອນ ທີ່ເຂົ້າ-ອອກ ຢ່າງເຂັ້ມງວດ; 5. ມີໜ່ວຍງານອະນາໄມ ແລະ ມີກະຕ່າຂີ້ເຫຍື້ອແບບມີຝາປິດ ຢູ່ແຕ່ລະຈຸດ ເພື່ອບັນຈຸຂີ້ເຫຍື້ອ ແລະ ສິ່ງເສດເຫຼືອ ທີ່ມີຄວາມສ່ຽງຕໍ່ການຕິດເຊື້ອພະຍາດ;

  6. ມີການອໍານວຍຄວາມສະດວກໃຫ້ແກ່ທີມແພດ ແລະ ພາກສ່ວນທີ່ກ່ຽວຂ້ອງ ເຂົ້າໄປຕິດຕາມກວດກາ ຫຼື ເຜີຍແຜ່ຄວາມຮູ້ ກ່ຽວກັບພະຍາດ COVID-19 ເປັນແຕ່ລະໄລຍະ ສໍາລັບໂຄງການ, ບໍລິສັດ ແລະ ໂຮງງານ ຕ່າງໆ.

ມາດຕະການທີ່ຕ້ອງປະຕິບັດສໍາລັບພາກທຸລະກິດ ທີ່ຈະດໍາເນີນກິດຈະການ ມີດັ່ງນີ້:

  1. ຕ້ອງມີຈຸດກວດອຸນຫະພູມ ແລະ ສະຫນອງເຈວລ້າງມື ໃຫ້ພະນັກງານ-ກໍາມະກອນ ຢູ່ທາງເຂົ້າ-ອອກ ບ່ອນເຮັດວຽກ, ຫໍພັກ ແລະ ຫ້ອງອາຫານ ຕອນເຊົ້າ-ແລງໃນແຕ່ລະວັນ ແລະ ຖ້າພົບເຫັນຜູ້ ມີອາການໄຂ້ (ອຸນຫະພູມສູງກວ່າ 37.5 ອົງສາ) ຫຼື ໄອ ຫຼື ຫາຍໃຈຍາກ ແມ່ນໃຫ້ບັນທຶກໄວ້ ແລະ ຕ້ອງໄດ້ສົ່ງເຂົ້າຫ້ອງ ແຍກປ່ຽວຂອງໂຄງການ, ບໍລິສັດ ແລະ ໂຮງງານ ທີ່ຈັດໄວ້ ຢ່າງຮີບດ່ວນ ແລ້ວໂທປຶກສາສາຍດ່ວນ 166 ຫຼື 165 ແລະ ພົວພັນໃຫ້ ແພດໝໍ ເຂົ້າກວດທັນທີ;
  2. ຕ້ອງມີຜ້າອັດປາກ-ດັງ ສະໜອງໃຫ້ພະນັກງານ-ກໍາມະກອນ ທຸກຄົນໃສ່ ຕະຫຼອດໄລຍະເວລາເຮັດວຽກ ແລະ ເວລາຢູ່ຮ່ວມກັນໃນສະຖານທີ່ໃດໜຶ່ງ ແລະມີສະຖານທີ່ສະດວກສໍາລັບລ້າງມື ໃສ່ສະບູ ຫຼື ເຈວລ້າງມື;
  3. ຕ້ອງມີການຮັກສາໄລຍະຫ່າງ ຢ່າງໜ້ອຍ 01 ແມັດຂຶ້ນໄປ ສໍາລັບ ພະນັກງານ-ກໍາມະກອນ, ຫ້າມດໍາເນີນກິດຈະກໍາທີ່ບໍ່ສາມາດຮັກສາໄລຍະຫ່າງໄດ້ເຊັ່ນ: ກິລາ, ງານລ້ຽງ ລວມທັງການຊຸມນຸມ ຕ່າງໆ;
  4. ຕ້ອງມີມາດຕະການກວດກາ ຄົນຂັບລົດຂົນສົ່ງສິນຄ້າ ຫຼື ຜູ້ມາພົວພັນວຽກຈາກພາຍນອກຢ່າງເຄັ່ງຄັດຕາມມາດຕະການທີ່ວາງອອກຄືກັນກັບ ພະນັກງານ-ກໍາມະກອນຂອງຕົນ;
  5. ຕ້ອງອະນາໄມ ສະຖານທີ່ເຮັດວຽກຂອງພະນັກງານ-ກໍາມະກອນ, ຫ້ອງອາຫານ, ຫ້ອງນໍ້າ, ບ່ອນພັກ ແລະ ສາງບ່ອນທີ່ຮັບສົ່ງສິນຄ້າ ພາຍຫຼັງສິ້ນສຸດກິດຈະກໍາ ທຸກໆມື້ ສໍາລັບ ໂຄງການ, ບໍລິສັດ ແລະ ໂຮງງານ;

ການຈັດຕັ້ງປະຕິບັດ:

  1. ບັນດາໂຄງການ, ບໍລິສັດ ແລະ ໂຮງງານຂະໜາດໃຫ່ຍທີ່ມີແຮງງານຈໍານວນຫຼວງຫຼາຍ ຕາມທີ່ລະບຸໃນແຈ້ງການ 524/ຫສນຍ, ລົງວັນທີ 1 ພຶດສະພາ 2020 ຕ້ອງເປັນເຈົ້າການໃນການສ້າງແຜນການປ້ອງກັນ ແລະ ຄວບຄຸມການລະບາດຂອງພະຍາດໂຄວິດ-19 ຂອງຕົນໃຫ້ຖືກຕ້ອງຕາມ 6 ເງື່ອນໄຂ ແລະ 5 ມາດຕະການ ທີ່ກ່າວມາຂ້າງເທິງນັ້ນ ຢ່າງເຂັ້ມງວດ, ຖ້າເຫັນວ່າສາມາດຮັບປະກັນໄດ້ວ່າຈະບໍ່ມີຄວາມສ່ຽງໃນການຕິດເຊື້ອ ແມ່ນລາຍງານຂໍອະນຸຍາດດໍາເນີນກິດຈະການ ຈາກຂະແຫນງການກ່ຽວຂ້ອງ ທີ່ຮັບຜິດຊອບຄຸ້ມຄອງຕາມພາລະບົດບາດ, ສ່ວນໂຄງການ, ບໍລິສັດ ແລະ ໂຮງງານຂະໜາດກາງ ແລະ ຂະໜາດນ້ອຍ ທີ່ຂຶ້ນນໍາການຄຸ້ມ ຄອງຂອງທ້ອງຖິ່ນ ກໍໃຫ້ເປັນເຈົ້າການສ້າງແຜນປ້ອງກັນ ແລະ ຄວບຄຸມດ້ວຍຕົນເອງ ຕາມເງື່ອນໄຂ ແລະ ມາດຕະການ ຕາມຄໍາແນະນໍາຂອງຄະນະສະເພາະກິດ, ແລ້ວສະເໜີໃຫ້ອົງການປົກຄອງທ້ອງຖິ່ນ ເປັນຜູ້ກວດກາ ແລະ ພິຈາລະນາອະນຸຍາດ.

    ໃນການອະນຸຍາດນັ້ນ ແມ່ນໃຫ້ລະບຸໄວ້ຊັດເຈນວ່າ ກໍລະນີ ຜູ້ປະກອບການໃດ ບໍ່ປະຕິບັດຕາມ ເງື່ອນໄຂ ແລະ ມາດຕະການທີ່ກ່າວມາ ເຮັດໃຫ້ເກີດມີການຕິດເຊື້ອພາຍໃນໂຄງການ, ບໍລິສັດ ແລະໂຮງງານ ຂອງຕົນ ແມ່ນຕ້ອງຮັບຜິດຊອບຕໍ່ຜົນເສຍຫາຍທີ່ເກີດຂຶ້ນທັງໝົດ, ຖ້າຫາກມີກໍລະນີຈໍາເປັນ ທັງສອງຄະນະສະເພາະກິດຂັ້ນສູນກາງ ສາມາດແຕ່ງຕັ້ງຄະນະວິຊາການລົງກວດກາ ແລະ ຕິດຕາມ ສະເພາະຕື່ມອີກ.
  2. ຖ້າຫາກໂຄງການ, ບໍລິສັດ ແລະ ໂຮງງານໃດ ບໍ່ເປັນເຈົ້າໃນການປະຕິບັດຕາມເງື່ອນໄຂ ແລະ ມາດຕະການທີ່ໄດ້ກໍານົດໄວ້ ແມ່ນຈະຖືກຕັກເຕືອນ, ຖ້າບໍ່ມີການແກ້ໄຂຢ່າງຮີບດ່ວນ ແມ່ນຈະຖືກສັ່ງໂຈະ ຫຼື ປັບໃໝ ແລະ ດໍາເນີນການຕາມລະບຽບກົດໝາຍ ຂອງ ສປປ ລາວ.

  3. ຄໍາແນະນໍາສະບັບນີ້ ປ່ຽນແທນຄໍາແນະນໍາສະບັບເລກທີ 031/ສພກ, ລັງວັນທີ 21 ເມສາ 2020 ແລະ ມີຜົນສັກສິດນັບແຕ່ມື້ລົງລາຍເຊັນເປັນຕົ້ນໄປ ຈົນກວ່າຈະມີການປ່ຽນແປງ.

  4. ມອບໃຫ້ຂະແຫນງການກ່ຽວຂ້ອງ ແລະ ອົງການປົກຄອງທ້ອງຖິ່ນ ພ້ອມກັນຈັດຕັ້ງປະຕິບັດ, ເຜີຍແຜ່, ແນະນໍາ ແລະ ຕິດຕາມກວດກາຕາມພາລະບົດບາດຂອງຕົນ ຢ່າງໃກ້ຊິດ.

Advertisement Replay Ad
ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ອອກແລ້ວເດີ້! ຜົນຫວຍລາວງວດວັນທີ 15 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 15 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 9 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 9 ມີນາ 2021

[LIVE UPDATE] ສະຫຼຸບຜົນຂອງການເລືອກຕັ້ງສະມາຊິກສະພາແຫ່ງຊາດ & ສະພາປະຊາຊົນຂັ້ນແຂວງ 2021

[LIVE UPDATE] ສະຫຼຸບຜົນຂອງການເລືອກຕັ້ງສະມາຊິກສະພາແຫ່ງຊາດ & ສະພາປະຊາຊົນຂັ້ນແຂວງ 2021

ອອກແລ້ວເດີ້! ຜົນຫວຍລາວງວດວັນທີ 4 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 4 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 1 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 1 ມີນາ 2021

ເລື່ອງໜ້າຮູ້ກ່ຽວກັບ "ປາຂ່າ" ໂລມານໍ້າຈືດແຫ່ງແມ່ນໍ້າຂອງ ສາຍພັນທີ່ຖືກຄຸກຄາມຢ່າງໜັກ

ເລື່ອງໜ້າຮູ້ກ່ຽວກັບ "ປາຂ່າ" ໂລມານໍ້າຈືດແຫ່ງແມ່ນໍ້າຂອງ ສາຍພັນທີ່ຖືກຄຸກຄາມຢ່າງໜັກ

ອອກແລ້ວເດີ້! ຜົນຫວຍລາວງວດວັນທີ 22 ກຸມພາ 2021

ອອກແລ້ວເດີ້! ຜົນຫວຍລາວງວດວັນທີ 22 ກຸມພາ 2021

ໃນມື້ທີ່ໂຄວິດກີດກັ້ນໄທ ແລະ ລາວ ຄົນໄທຈຶ່ງຜຸດໄອເດຍ "ຫຼວງພະບາງຈຳລອງ" ຢູ່ໃຈກາງບາງກອກ

ໃນມື້ທີ່ໂຄວິດກີດກັ້ນໄທ ແລະ ລາວ ຄົນໄທຈຶ່ງຜຸດໄອເດຍ "ຫຼວງພະບາງຈຳລອງ" ຢູ່ໃຈກາງບາງກອກ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ