ວັນສຸກ ທີ 24 ກັນຍາ 2021

ພົ້ນວິກິດໂຄວິດ-19 ທ່ຽວໃສດີ? ແນະນຳ 10 ສະຖານທີ່ທ່ອງທ່ຽວໃນລາວເອກະລັກໜຶ່ງດຽວໃນໂລກ

ພົ້ນວິກິດໂຄວິດ-19 ທ່ຽວໃສດີ? ແນະນຳ 10 ສະຖານທີ່ທ່ອງທ່ຽວໃນລາວເອກະລັກໜຶ່ງດຽວໃນໂລກ
S! Muan

ສະໜັບສະໜູນເນື້ອຫາ

ລາວ​ແມ່ນ​ປະ​ເທດ​ທີ່ມີ​ເອກະ​ລັກ​ ວັດ​ທະ​ນະ​ທຳ ສະ​ຖານ​ທີ່​ທ່ອງ​ທ່ຽວ ອັນ​ມີມູນ​ເຊື້ອ​ມາ​ຢ່າງ​ຍາວ​ນານ. ມີ​ຫຼາຍ​ສະ​ຖານ​ທີ່​ທ່ອງ​ທ່ຽວ​ທີ່ທັງ​ພາຍ​ໃນ ​ແລະ​ ຕ່າງ​ປະ​ເທດຍອມ​ຮັບ ໄດ້​ຖື​ອົງ​ການຢູ​ເນ​ສໂກ ຍອມ​ຮັບ​ວ່າ​ເປັນ​ມໍ​ລະ​ດົກ​ໂລກ, ນອກ​ຈາກ​ນັ້ນ ລາວ​ເຮົາ​ຍັງ​ມີ​ສະ​ຖານ​ທີ່​ທ່ອງ​ທ່ຽວ​ຫຼາຍ​ແຫ່ງ​ທີ່​ຫ​າກໍ່​ຖືກ​ຄົ້ນ​ພົບ ແລະ ຍັງ​ອີກ​ຫຼາຍ​ແຫ່ງ​ຍັງ​ບໍ່​ທັນ​ຖືກ​ຄົ້ນ​ພົບ.

ມື້ນີ້ກໍ່ໄດ້ນຳເອົາ 11 ສະຖານທີ່ທ່ອງທ່ຽວທີ່ຖືວ່າເປັນຍອດນິຍົມຂອງນັກທ່ອງທ່ຽວທັງພາຍໃນ ແລະ ຕ່າງປະເທດ ມາແນະນຳກັນວ່າ ຫຼັງຜ່ານວິກິດການແຜ່ລະບາດຂອງເຊື້ອພະຍາດໂຄວິດ-19 ນີ້ ຢາກໄປທ່ຽວໃສ່ດີ

 1. ວັງວຽງ

 ເປັນເມືອງທີ່ຕັ້ງຢູ່ເຂດຕອນເໜືອແຂວງວຽງຈັນຂອງລາວ ຖືກປົກຄຸມໄປດ້ວຍສາຍພູ, ປ່າດົງພົງໄພ ແລະ ລຳນ້ຳຊອງ. ວັງວຽງໄດ້ສ້າງເປັນເຂດທ່ອງທ່ຽວທຳມະຊາດ ຕັ້ງແຕ່ປີ 1990 ແລະ ດຶງດູດນັກທ່ອງທ່ຽວຈຳນວນຫຼວງຫຼາຍມາທ່ຽວຊົມທັດສະນິຍະພາບທຳມະຊາດ ອັນສວຍງາມດັ່ງໃນຝັນ ທີ່ເຕັມໄປດ້ວຍສະເໜ່ໃນນ້ຳໃຈຮັກແພງແຂກຄົນຂອງຊາວບ້ານແຫ່ງນີ້.

95366265_865015203973678_5844

ວັງວຽງ ມີສະຖານທີ່ທ່ອງທ່ຽວຫຼາຍແຫ່ງ ເຊັ່ນ: ພູຫິນປູນ, ຖ້ຳ, ໃນນັ້ນທີ່ໜ້າອອນຊອນທີ່ສຸດແມ່ນຖ້ຳປູຄຳທີ່ມີຫິນຍ້ອຍຮູບຊົງ ຄ້າຍໄກ່ປ່າ, ຄັນຄາກ, ມັງກອນ… ເຊິ່ງເຮັດໃຫ້ນຶກເຖິງນິຍາຍບູຮານແຫ່ງໂລກມະຫັດສະຈັນກໍວ່າໄດ້. ນັກທ່ອງທ່ຽວອາດສາມາດເລືອກວິທີພັກຜ່ອນໃນຕູບຕັ້ງຢູ່ເທິງໜ້ານ້ຳ ຫຼື ນອນເທິງທຸ່ນລອຍ ຫຼື ຈະນັ່ງເຮືອຈັກ ຫຼື ພາຍເຮືອກາຢັກລ່ອງໄປຕາມລຳນ້ຳຊອງ ຢ່ອນອາລົມໄປກັບຍ່ານເວຫາ, ທິວທັດ ແລະ  ສະພາບແວດລ້ອມທີ່ສົດໃສ, ເຢັນດີ.

96255010_269987074398545_3881

2. ເມືອງມໍລະດົກໂລກນະຄອນຫຼວງພະບາງ

ຫຼວງພະບາງ ເປັນເມືອງເອກຂອງແຂວງຫຼວງພະບາງ ປະເທດລາວ, ຕັ້ງຢູ່ທາງພາກເໜືອຂອງປະເທດ, ຕົວເມືອງຕັ້ງຢູ່ແຄມຝັ່ງແມ່ນໍ້າຂອງ ແລະ ແມ່ນໍ້າຄານ ທີ່ໄດ້ໄຫຼມາພົບພໍ້ກັນ. ເປັນເມືອງທີ່ອົງການຢູເນັສໂກ (UNESCO) ໄດ້ຍົກຍ້ອງໃຫ້ເປັນມໍລະດົກໂລກອີກດ້ວຍ.

95481779_711559959648994_5733

 ຫຼວງພະບາງ ເປັນເມືອງເກົ່າແກ່ ຂອງອານາຈັກລາວລ້ານຊ້າງ ຕັ້ງແຕ່ສະໄໝສະຖາປະນາອານາຈັກລາວລ້ານຊ້າງ ເຊິ່ງແຕ່ກ່ອນນັ້ນມີຊື່ວ່າ “ເມືອງຊວາ” ແລະ ເມື່ອ ພ.ສ 1300 ຂຸນລໍ ເຊິ່ງຖືວ່າເປັນປະຖົມມະກະສັດຂອງອານາຈັກລາວ ໃນແຕ່ກ່ອນ ໄດ້ສ້າງຕັ້ງເມືອງຊວາ ເປັນລາຊະທານີ ຂອງອານາຈັກລາວລ້ານຊ້າງ ແລະ ໄດ້ປ່ຽນຊື່ໃໝ່ວ່າ “ຊຽງທອງ”.ບັນດາທາງທຳມະຊາດ ທີ່ໄດ້ຮັບຄວາມນິຍົມ ປະກອບມີ: ນໍ້າຕົກຕາດກວາງຊີ ແລະ ຖໍ້າປາກອູ, ກິດຈະກຳຂີ່ຊ້າງ ໄປຢ້ຽມຊົມສະຖານທີ່ບາງແຫ່ງ, ພູສີ ເຊິ່ງຢູ່ໃຈກາງຂອງຕົວເມືອງ ທີ່ສາມາດແນມເຫັນ ທິວທັດຂອງຕົວເມືອງ ແລະ ແມ່ນໍ້າອີກດ້ວຍ.

95730472_3620563997959981_180

 3. ນໍ້າກັດຢໍລະປາ

ສະຖານທີ່ທ່ອງທ່ຽວນໍ້າກັດຢໍລະປ່າ ຕັ້ງຢູ່ເມືອງໄຊ ແຂວງອຸດົມໄຊ ຖືກເນລະມິດຂື້ນມາໃຫ້ກາຍເປັນສະຖານທີ່ ທ່ອງທ່ຽວຄົບວົງຈອນ ທີ່ສຸດໃນເມືອງລາວກໍວ່າໄດ້. ມາທີ່ນີ້ທ່ານຈະສາມາດເຮັດກິດຈະກໍາການທ່ອງທ່ຽວຕ່າງໆ ທີ່ຫຼາກຫຼາຍ ນັບແຕ່ຣີສອດອັນງົດງາມ ເຮັດໃຫ້ການຜັກຜ່ອນຂອງທ່ານສະດວກສະບາຍທ່າມກາງທໍາມະຊາດ ຫຼື ນອນເຕັ້ນທ້າຄວາມໝາວສົມສາຍໝອກ, ຂີ່ລົດຖີບຊົມຜືນປ່າ, ຂີ່ສະລິງທ້າຄວາມສູງ, ຂີ່ຊ້າງຊົມປ່າມາປິກນິກກິນເຂົ້າປ່າກໍໄດ້

95093365_244908843286896_5266

95390678_268944057621083_2405

4. ເມືອງປາກຊ່ອງ ແຂວງຈໍາປາສັກ

ຖືວ່າເປັນເມືອງແຫ່ງນໍ້າຕົກເລີຍກໍ່ວ່າໄດ້ ສຳຫຼັບເມືອງປາກຊ່ອງເປັນເມືອງທີ່ໜ້າທ່ຽວທີ່ສຸດອີກເມືອງໜື່ງຂອງລາວ ປັດຈຸບັນມີຫຼາຍກິດຈະກໍາການທ່ອງທ່ຽວ ແຕ່ທີ່ໂດດເດັ່ນແມ່ນນໍ້າຕົກຕາດຫຼາຍແຫ່ງທີ່ງົດງາມ ແລ້ວແຕ່ຄວາມສະດວກທີ່ທ່ານສາມາດເລືອດໄປໄດ້ເຊັ່ນ: ຕາດຢານ, ຕາດເຍືອງ, ຕາດຖໍ້າຈໍາປີ. ແຕ່ຫາກທ່ານໃດມັກຄວາມທ້າທາຍແດ່ ກໍໄປຂີ່ສະລິງ ເບິ່ງຕາດຂະເມີດກາງປ່າສະຫງວນດົງຫົວສາວ ນອກນັ້ນທີ່ປາກຊ່ອງຍັງມີສວນດອກໄມ້ນາໆພັນທີ່ກໍາລັງໄດ້ຮັບຄວາມນະຍົມເຊິ່ງ​ຕັ້ງຢູ່ບໍ່ໄກຈາກຕົວເມຶອງປານໃດນນັ້ນຄືສວນມົນຕາ.

95489080_258615871958758_9056

95699487_563168214335383_2814

5. ຖໍ້ານໍ້າລອດເຊບັ້ງໄຟ

ຖໍ້ານໍ້າລອດເຊບັ້ງໄຟ ຕັ້ງຢູ່ບ້ານໜອງປີງ ເມືອງບົວລະພາ ແຂວງຄໍາມ່ວນ ຖືເປັນຄວາມມະຫັດສະຈັນຂອງທໍາມະຊາດທີ່ສັນສ້າງຄວາມງົດງາມນີ້ຂື້ນມາ.ຖໍ້ານໍ້າລອດເຊບັ້ງໄຟເປັນຖໍ້າທີ່ມີຄວາມຍາວປະມານ 12 ກິໂລແມັດ ໂດຍມີນໍ້າໄຫຼຜ່ານຄືກັບຖໍ້າກອງລໍ ແຕ່ຄວາມງົດງາມດ້ານໃນຂອງຖໍ້າຍິ່ງໃຫຍ່ອະລັງການງານສ້າງ. ກິດຈະກໍາທີ່ສໍາຄັນຢູ່ທີ່ນີ້ແມ່ນການຂີ່ເຮືອເຂົ້າສູ່ຖໍ້າ ແລ້ວ ຍ່າງຊົມຄວາມງາມອັດສະຈັນຂອງຜາຫິນ, ຫິນງອກຫິນຍ້ອຍ, ໂດຍແມ່ນຊາວບ້ານໜອງປີງເປັນຜູ້ໃຫ້ບໍລິການ ແລະ ພາທ່ຽວ.

95615101_3259348817417493_808

6. ທ່າລາດ ທະເລລາວ

ສຳລັບໃຜທີ່ຍັງບໍ່​ເຄີຍ​ໄປ ຫຼື ເຄີຍໄປແລ້ວ  ບໍ່​ທັນ​ຮູ້ວ່າ ທະເລເມືອງລາວ ສະຫວັນເທິງດິນ ທີ່ທ່າລາດ ເມືອງແກ້ວອຸດົມ ແຂວງວຽງຈັນ ມີ​ບັນ​ຍາ​ກາດ​ດີ ມີຫຼາຍກິດ​ຈະ​ກຳ​ ໂດຍບໍ່​ຕ​ອ້ງ​ໄປໃສໄກ ບໍ່​ຕ້ອງ​ຈ່າຍ​ຄ່າ​​ປີ້​ຍົນ ແລະ ບອ່ນພັກແພງໆ ມີ​ໃຫ້ທຸກຄົນສຳພັດໄດ້ ທີ່ອ່າງ​ນ້ຳ​ງື່ມ ຫຼື ເຂື່ອນນ້ຳ​ງື່ມນັ້ນ​ເອງ.

95592478_907242466366387_4093

7. ວັດພູຈໍາປາສັກ ຜາສາດຫິນວັດພູ

ຜາສາດຫິນວັດພູ ຖືເປັນຕົວແທນອັນສໍາຄັນທາງດ້ານສະຖາປັດຕະຍະກໍາໃນຍຸກສະໄໝກ່ອນ ແລະ ຍຸກສະໄໝອັງກໍວັດ ໃນສັດຕະວັດທີ 7 ຫາ 12. ຜາສາດຫິນວັດພູຮັບຮອງເປັນມໍລະດົກໂລກທີ່ມີຄວາມເກົ່າແກ່ ແລະ ສວຍສົດງົດງາມຫຼາຍ ທີ່ທ່ານຄວນໄປຢາມຢາມສໍາຜັດ ເບິ່ງຕົວຈິງເຖິງຄວາມເກັ່ງກ້າຄົນສະໄຫມກ່ອນໃນການກໍ່ສ້າງ. ຫາກທ່ານໃດທີ່ມາທ່ຽວປາກເຊແລ້ວບໍ່ມາສະຖານທີ່ນີ້ກໍ່ຖືວ່າມາບໍ່ຮອດປາກເຊ.

96239836_857471171441163_6163

8. ທົ່ງໄຫຫິນຊຽງຂວາງ

ທົ່ງໄຫຫິນຕັ້ງຢູ່​ທີ່​ເມືອງ​ໂພນ​ສະ​ຫວັນ​ ແຂວງ​ຊຽງ​ຂວາງ​ ເປັນ​ແຫຼ່ງ​ທ່ອງ​ທ່ຽວ​ທີ່​ທາງ​ປະຫວັດສາດ ​ແລະ ​ວັດ​ທະນະທຳ​ທີ່​ສຳຄັນ​ຂອງ​ເມືອງ​ ເຊິ່ງໄຫຫິນແຂວງຊຽງຂວາງໄດ້ຖືກຮັບຮອງເຂົ້າເປັນມໍລະດົກໂລກ ແຫ່ງທີ 3 ຂອງ ສປປ ລາວ ເປັນທີ່ຮຽບຮ້ອຍແລ້ວເມື່ອບໍ່ດົນມານີ້

95834872_745601806357275_7172

ທົ່ງໄຫຫິນຊຽງຂວາງ ມີໄຫ​ຫິນບູຮານຫຼາຍ​ພັນ​ໜ່ວຍ ມີ​ນ້ຳໜັກ​ແຕ່ 600 ກິ​ໂລກາມ ​ເຖິງ 1 ​ໂຕນ ມີ​ອາຍຸ​ແຕ່ 2,500 - 3,000 ປີ ຕັ້ງ​ຢາຍ​ເດຍລະດາດ ​​ໃນທົ່ງ​ຢູ່ ​ເມືອງ​​ແປກ ​ແຂວງ ຊຽງ​ຂວາງ. ໄຫ​ຫິນ​ຈຳນວນຫຼວງ​ຫຼາຍ​​ຕັ້ງ​ລຽງ​ກັນ​ຢູ່​ເທິງ​ໂນນພູ​ສ່ວນ​ໃຫຍ່​ເຮັດ​ມາ​ຈາກ​ຫິນ​ຊາຍ​ ພາຍ​ໃນ​ໄຫ​ບາງ​ໄຫ​ພົບ​ໂຄງ​ກະດູກ​ມະນຸດ​ ບາງ​ໄຫ​ພົບ​ລູກ​ປັດ​ຈາກ​ຈີນ​ ເຄື່ອງ​ປະ​ດັບ​ຊົນ​ເຜົ່າ​ ແລະ​ ຮູບ​ສຳ​ຣິດ​ ຕອນ​ນີ້​ຈຶ່ງ​ຍັງ​ບໍ່​ມີ​ໃຜ​ຮູ້​ທີ່​ມາ​ທີ່​ໄປ​ຍ່າງ​ຊັດເຈນ​ຂອງ​ໄຫ​ຫິນ​ເຫຼົ່າ​ນີ້​ ແຕ່​ຖື​ເປັນ​ສະຖານ​ທີ່​ທ່ອງ​ທ່ຽວ​ແຫ່ງ​ໜຶ່ງ​ທີ່​ບໍ່​ຄວນ​ພາດ. ຕົ້ນ​ກຳ​ເນີ​ດຂອງ​ບັນດາ​ໄຫ​ຫິນ​​ເຫຼົ່ານີ້ ພວມ​​ເປັນ​ສິ່ງ​ທີ່ປິດສະໜາສຳ​ລັບ​ນັກ​ຄົ້ນ​ຄ້ວາບູຮານຄະດີ ກໍ​ຄື​ນັກ​ທ່ອງ​ທ່ຽວ​ມາ​ຈາກ​ທົ່ວທຸກ​ສາລະ​ທິດ.

9. ໜອງຂຽວ ເມືອງງອຍ

ເມືອງງອຍ ແຂວງຫຼວງພະບາງ ຕັ້ງຫ່າງຈາກເທສະບານແຂວງ ໄປທາງທິດເໜືອປະມານ 142 ກິໂລແມັດ ເປັນເມືອງອ້ອມດ້ວຍພູຜາປ່າໄມ້ອັນຂຽວງາມ ແລະ ມີອາກາດທີ່ສົດຊື່ນ ສິ່ງນີ້ກາຍເປັນສິ່ງດຶງດູດ ນັກທ່ອງທ່ຽວ ໃຫ້ເຂົ້າມາທ່ຽວຊົມ ເປັນອັນດັບ 2 ຮອງ ຈາກນະຄອນຫຼວງພະບາງ, ປະຊາຊົນສ່ວນໃຫຍ່ ແມ່ນຢຶດຖືອາຊີບປະມົງ, ປູກຝັງ, ລ້ຽງສັດ, ຄ້າຂາຍ ແລະ ການບໍລິການຈຳນວນໜຶ່ງ

95487182_935351153570242_8126

 ດ້ານພື້ນຖານໂຄງລ່າງຂອງເມືອງ ໄດ້ມີການພັດທະນາດີຂຶ້ນ ເປັນກ້າວໆມາ, ທົ່ວເມືອງ ມີລີສອດ 3 ແຫ່ງ, ເຮືອນພັກ 28 ແຫ່ງ, ຮ້ານອາຫານ 23 ແຫ່ງ ແລະ ບໍລິສັດທ່ອງທ່ຽວ 8 ບໍລິສັດ, ມີແຫຼ່ງທ່ອງທ່ຽວທັງໝົດ 33 ແຫ່ງ, ປະຫວັດສາດ 14 ແຫ່ງ, ທຳມະຊາດ12 ແຫ່ງ, ວັດທະນະທຳ 7 ແຫ່ງ. ເພື່ອຮອງຮັບນັກທ່ອງທ່ຽວ ທີ່ນັບມື້ເພີ່ມຂຶ້ນທາງເມືອງຍັງໄດ້ພັດທະນາໃຫ້ມີການລ່ອງເຮືອທີ່ນໍ້າອູ, ມີການຂີ່ສະລິງ, ຍ່າງປ່າ ແລະ ປັບປຸງ ແຫຼ່ງທ່ອງທ່ຽວ ຖໍ້າຜາກວາງຕື່ມອີກ, ສະນັ້ນຫາກໃຜຍັງບໍ່ໄດ້ທ່ອງທ່ຽວເມືອງງອຍ ເມື່ອໄປຮອດເມືອງຫຼວງພະບາງ ແລ້ວ ກໍຢ່າລືມແບ່ງເວລາໄດ້ທ່ຽວຊົມ ເມືອງງອຍ (ໜອງຂຽວ) ແລະ ຂີ່ເຮືອຂຶ້ນໄປຊົມທຳມະຊາດ ແລະ ແຫຼ່ງທ່ອງທ່ຽວ ຂອງເມືອງເກົ່າ ຮັບຮອງວ່າທ່ານຈະປະທັບໃຈ ແລະ ໄດ້ພາບງາມຕິດກ້ອງກັບບ້ານຢ່າງແນ່ນອນ.

10. ມະຫານະທີ ສີພັນດອນ

ເຂດມະຫານະທີ ສີພັນດອນ ທີ່ເປັນເຂດເກາະດອນນ້ອຍໃຫຍ່ ມີດອນທີ່ມີຄົນອາໄສຢູ່ ດອນທີ່ໃຊ້ລ້ຽງສັດປູກຝັງ ແລະ ດອນທີ່ຟູ ຫຼື ພົ້ນນ້ຳແຕ່ຍາມແລ້ງກໍ່ເປັນອີກເລື່ອງຫນຶ່ງຕາມການສຳຫລວດຈາກ ພາກສ່ວນທີ່ກ່ຽວຂ້ອງ ດອນ ທີ່ມີປະຊາຊົນອາໄສຕັ້ງບ້ານເຮືອນຢູ່ທັງຫມົດ 364 ດອນ, ດອນໃຫຍ່ກວ່າຫມູ່ ກໍ່ແມ່ນດອນໂຂງ ຖັດນັ້ນກໍ່ມີດອນເບັງ ຫຼື ດອນສົມ, ດອນລົບປາດີ, ດອນຊ້າງໄພ, ດອນພິມານ, ດອນຂະເຫມົາ, ດອນຮີ, ດອນໄຊ, ດອນສັນ, ດອນແດງ, ດອນໂລງ, ດອນຄອນ, ດອນເດດ ແລະ ອື່ນໆ

95592770_242775013463182_8893

ປັດຈຸບັນ ບັນດາເຂດເກາະດອນແຫ່ງມະຫານະທີສີ່ພັນດອນໄດ້ຖືກພັດທະນາ ເປັນເຂດທ່ອງທ່ຽວທີ່ມີແຂກຄົນໄປຢາມບໍ່ຂາດ ເປັນດິນແດນທີ່ບໍ່ມີຍາມຫຼັບໄຫຼເປັນບ່ອນທີ່ມີການເໜັງຕີງ ຕາມການຂະຫຍາຍຕົວຂອງປະເທດຊາດ ດ້ວຍຄວາມຢາກໃຫ້ຮູ້ ໃຫ້ເຫັນວ່າເປັນຈິງ ຫລື ເທັດນັ້ນ ຄວນແທ້ຕ້ອງລົງໄປນັບດອນວ່າ ເປັນສີ່ພັນດອນແທ້ຈິງ ຫລື ຄວນມີການພິສູດກັນລະນໍ.

(ໜຸ່ມໂສດ)

Advertisement Replay Ad

ຂໍຂອບໃຈ

ພາບ : laogov.gov.la, Laos pictures, wattaohai Lpb, Phoosab thevongsa

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ