ວັນເສົາ ທີ 6 ມິຖຸນາ 2020

ວັນກຳມະກອນສາກົນ: ນີ້ແມ່ນ 14 ຂໍ້ກົດໝາຍແຮງງານທີ່ທ່ານຄວນຮູ້!

ວັນກຳມະກອນສາກົນ: ນີ້ແມ່ນ 14 ຂໍ້ກົດໝາຍແຮງງານທີ່ທ່ານຄວນຮູ້!
S! Muan

ສະໜັບສະໜູນເນື້ອຫາ

ເນື່ອງໃນວັນກຳມະກອນສາກົນ ປະຈຳປີ 2020 ເຊິ່ງກົງກັບວັນທີ 1 ພຶດສະພາ ນີ້ ເຮົາໄດ້ນຳເອົາຂໍ້ຈຳນວນໜຶ່ງທີ່ຄວນຮູ້ ມາໃຫ້ທຸກທ່ານໄດ້ອ່ານກັນ.

1.ເວລາເຮັດວຽກ (ມາດຕາ 51): ຜູ້ໃຊ້ແຮງງານຕ້ອງກຳນົດເວລາເຮັດວຽກ ແລະ ເວລາພັກຜ່ອນໃຫ້ຜູ້ອອກແຮງງານທີ່ຢູ່ໃນຄວາມຮັບຜິດຊອບຂອງຕົນ ໂດຍສອດຄ່ອງກັບສະຖານທີ່ຕັ້ງຂອງຫົວໜ່ວຍແຮງງານ ແລະ ເງື່ອນໄຂຕົວຈິງຂອງວຽກ. ເວລາເຮັດວຽກປົກກະຕິ ຂອງຜູ້ອອກແຮງງານໃນທຸກຫົວໜ່ວຍແຮງງານບໍ່ໃຫ້ເກີນ 6 ວັນຕໍ່ອາທິດ ແລະ 8 ຊົ່ວໂມງຕໍ່ວັນ ຫຼື ອາທິດໜຶ່ງບໍ່ໃຫ້ເກີນ 48 ຊົ່ວໂມງ ໂດຍບໍ່ຂຶ້ນກັບປະເທດການຮັບເງິນເດືອນ ຫຼື ຄ່າແຮງງານ. ເວລາພັກຜ່ອນ ເພື່ອຮັບປະທານອາຫານທ່ຽງບໍ່ໃຫ້ຫຼຸດ 60 ນາທີ ເຊິ່ງບໍ່ໃຫ້ນັບເຂົ້າໃນເວລາເຮັດວຽກປະຈຳວັນ.

ສຳລັບອາຊີບ ຫຼື ຂະແໜງການເສດຖະກິດໃດໜຶ່ງທີ່ມີຄວາມຈຳເປັນ ຫົວໜ່ວຍແຮງງານກໍ່ສາມາດກຳນົດເວລາເຮັດວຽກສະເພາະໄດ້ ໂດຍການເຫັນດີຈາກອົງການຄຸ້ມຄອງວຽກງານແຮງງານ ພາຍຫຼັງປຶກສາຫາລີ ແລະ ເປັນເອກະພາບກັບອົງການສາມຝ່າຍ.

ຜູ້ອອກແຮງງານທີ່ອະນຸຍາດໃຫ້ເຮັດວຽກບໍ່ເກີນ 6 ຊົ່ວໂມງຕໍ່ວັນ ຫຼື 30 ຊົ່ວໂມງຕໍ່ອາທິດແມ່ນວຽກກ່ຽວກັບ: (1) ກຳມັນຕະພາບລັງສີ ຫຼື ພະຍາດຕິດແປດ; (2) ກິ່ນອາຍ, ຄວັນ ທີ່ເປັນອັນຕະລາຍ ເປັນຕົ້ນວັດຖຸລະເບີດ; (3) ຢູ່ຂຸມ ຫຼື ອຸມົງໃຕ້ດິນ, ຢູ່ພື້ນນໍ້າ ຫຼື ຢູ່ບ່ອນສູງ; (4) ສະຖານທີ່ ເຊິ່ງມີຄວາມຮ້ອນ ຫຼື ຄວາມເຢັນ ຜິດປົກກະຕິ; ແລະ (5) ເຄື່ອງມີສັ່ນສະເທືອນເປັນປະຈຳ. ນອກຈາກນີ້ ຍັງມີວຽກອັນຕະລາຍອື່ນ ເຊິ່ງໄດ້ກຳນົດໄວ້ໃນສາລະບານສະເພາະ.

ເວລາເຮັດວຽກປົກກະຕິ ອາດຈະຫຼຸດລົງຕາມຄວາມເໝາະສົມ ໃນກໍລະນີທີ່ເຫັນວ່າ ຄວາມອັນຕະລາຍຢູ່ໃນໜ້າວຽກບໍ່ສາມາດປ້ອງກັນ ຫຼື ຄວບຄຸມໄດ້.

2.ການເຮັດວຽກເພີ່ມໂມງ ຫຼຶ ທີ່ພາສາເວົ້າເຮົາເອີ້ນວ່າ ໂອທີ (OT) (ມາດຕາ 53): ໃນກໍລະນີມີຄວາມຈຳເປັນຜູ້ໃຊ້ແຮງງານສາມາດຮຽກຮ້ອງໃຫ້ຜູ້ອອກແຮງງານ ເຮັດວຽກເພີ່ມໂມງ ແຕ່ຕ້ອງໄດ້ຮັບຄວາມເຫັນດີຈາກໜ່ວຍກຳມະບານ ຫຼື ຜູ້ຕາງໜ້າຜູ້ອອກແຮງງານ ຫຼື ຜູ້ອອກແຮງງານສ່ວນຫຼາຍກ່ອນ. ຊົ່ວໂມງເຮັດວຽກເພີ່ມໃນເດືອນໜຶ່ງ ບໍ່ໃຫ້ເກີນ 45 ຊົ່ວໂມງ ຫຼື ວັນໜຶ່ງບໍ່ໃຫ້ເກີນ 3 ຊົ່ວໂມງ, ແຕ່ບໍ່ໃຫ້ເຮັດວຽກເພີ່ມໂມງເກີນ 4 ວັນຕິດຕໍ່ກັນ ເວັ້ນເສຍແຕ່ທີ່ມີເຫດສຸກເສີນເກີດຂຶ້ນເຊັ່ນ: ໄພພິບັດ ຫຼື ເຫດບັງເອີນ ທີ່ຈະນຳຄວາມເສຍຫາຍອັນໃຫຍ່ຫຼວງມາສູ່ຫົວໜ່ວຍແຮງງານ.

ໃນການເຮັດວຽກເພີ່ມໂມງ ແຕ່ລະຄັ້ງ ຜູ້ໃຊ້ແຮງງານຕ້ອງແຈ້ງລ່ວງໜ້າ ແລະ ອະທິບາຍຄວາມຈຳເປັນໃນການເຮັດວຽກນີ້ ໃຫ້ຜູ້ອອກແຮງງານ ພ້ອມທັງຈ່າຍຄ່າແຮງງານເພີ່ມໂມງ ຕາມທີ່ກຳນົດໄວ້ໃນກົດໝາຍສະບັບບນີ້.

3.ວັນພັກປະຈຳອາທິດ (ມາດຕາ 54): ຜູ້ອອກແຮງງານ ມີສິດໄດ້ພັກວຽກຢ່າງໜ້ອຍ 1 ວັນຕໍ່ອາທິດ ຫຼື 4 ວັນຕໍ່ເດືອນ, ຈະເປັນວັນອາທິດ ຫຼື ວັນໃດວັນໜຶ່ງກໍ່ໄດ້ ຕາມການຕົກລົງກັນລະຫວ່າງຜູ້ອອກແຮງງານກັບຜູ້ໃຊ້ແຮງງານ.

4.ວັນພັກທາງລັດຖະການ ແລະ ພັກບຸນປະເພນີ (ມາດຕາ 55): ຜູ້ອອກແຮງງານ ມີສິດພັກວຽກໃນວັນພັກທາງລັດຖະການ ໂດຍໄດ້ຮັບເງິນເດືອນ ຫຼື ຄ່າແຮງງານ ປົກກະຕິດັ່ງນີ້: (1) ວັນຊາດ ວັນທີ 2 ທັນວາ ພັກໜຶ່ງວັນ, (2) ວັນບຸນປີໃໝ່ສາກົນ ວັນທີ 1 ມັງກອນ ພັກໜຶ່ງວັນ, (3) ວັນແມ່ຍິງສາກົນ 8 ມີນາ ພັກໜຶ່ງວັນ ສຳລັບເພດຍິງ, (4) ວັນບຸນປີໃໝ່ລາວ ພັກສາມວັນ, (5) ວັນກຳມະກອນສາກົນ ວັນທີ 1 ພຶດສະພາ ພັກໜຶ່ງວັນ, (6) ວັນຄູແຫ່ງຊາດ ວັນທີ 7 ຕຸລາ ພັກໜຶ່ງວັນ ສຳລັບຄູ ແລະ ຜູ້ບໍລິຫານການສຶກສາ, (7) ຜູ້ອອກແຮງງານຕ່າງປະເທດໃຫ້ພັກໜຶ່ງວັນ ສຳລັບວັນຊາດຂອງຕົນ.

ໃນກໍລະນີວັນພັກທາງລັດຖະບານ ຫາກກົງກັບວັນພັກປະຈຳອາທິດນັ້ນ ໃຫ້ມີການພັກທົດແທນຄືນ.

5.ການພັກວຽກເນື່ອງຈາກການເຈັບເປັນ (ມາດຕາ 56): ຜູ້ອອກແຮງງານທີ່ເຮັດວຽກຕາມລະບອບເງິນເດືອນ ມີສິດພັກວຽກ ຍ້ອນການເຈັບເປັນ ໂດຍມີການຢັ້ງຢືນຈາກແພດ ທັງໝົດບໍ່ໃຫ້ເກີນ 30 ວັນໃນໜຶ່ງປີ ໂດຍໄດ້ຮັບເງິນເດືອນ ຫຼື ຄ່າແຮງງານເຕັມຕາມປົກກະຕິ.

ສຳລັບຜູ້ອອກແຮງງານທີ່ໄດ້ຮັບຄ່າແຮງງານເປັນວັນ, ເປັນຊົ່ວໂມງ, ຕາມຜະລິດຕະພັນ ຫຼື ຕາມການມອບເໝົາ ທີ່ມີສັນຍາແຮງງານນຳກັນ ທີ່ເຮັດວຽກເກີນ 90 ວັນ ຈະໄດ້ຮັບເງິນຄ່າແຮງງານໃນເວລາພັກວຽກເນື່ອງຈາກການເຈັບເປັນ.

6.ການລາພັກເພື່ອກິດທຸລະສ່ວນຕົວ (ມາດຕາ 58): ຜູ້ອອກແຮງງານມີສິດລາພັກເພື່ອກິດທຸລະສ່ວນຕົວ ຢ່າງໜ້ອຍບໍ່ໃຫ້ຫຼຸດ 3 ວັນ ໂດຍໄດ້ຮັບເງິນເດືອນ ຫຼື ຄ່າແຮງງານຕາມປົກກະຕິ ໃນກໍລະນີດັ່ງນີ້: (1) ພໍ່, ແມ່, ຜົວ ຫຼື ເມຍ ແລະ ລູກ ຂອງຕົນເອງເຈັບເປັນ ນອນໂຮງໝໍ ເຊິ່ງບໍ່ມີຜູ້ເບິ່ງແຍງດູແລ, (2) ພໍ່, ແມ່,​ ຜົວ ຫຼື ເມຍ ແລະ ລູກຂອງຕົນເສຍຊີວິດ, (3) ຕົນເອງແຕ່ງດອງ, (4) ເມຍອອກລູກ, ຫຼຸລູກ, (5) ໄດ້ຮັບຜົນກະທົບຈາກໄພພິບັດທີ່ຮ້າຍແຮງ.

7.ການເຮັດວຽກກາງຄືນ (ມາດຕາ 61): ເວລາກາງຄືນໃຫ້ນັບແຕ່ 22 ໂມງ ຫາ 6 ໂມງເຊົ້າ. ວຽກກາງຄືນແມ່ນທຸກວຽກທີ່ໄດ້ປະຕິບັດບໍ່ຕໍ່າກວ່າ 7 ຊົ່ວໂມງ ຕິດຕໍ່ກັນໃນເວລາກາງຄືນຜູ້ອອກແຮງງານທີ່ເຮັດວຽກກາງຄືນ ມີສິດໄດ້ພັກວຽກຢ່າງໜ້ອຍ 11 ຊົ່ວໂມງ ກ່ອນຈະເລີ່ມວຽກໃນມື້ໃໝ່

8.ການນຳໃຊ້ແຮງງານເພດຍິງທີ່ຖືພາ ຫຼື ໃນໄລຍະລ້ຽງລູກນ້ອຍ (ມາດຕາ 97): ວຽກທີ່ບໍ່ອະນຸຍາດໃຫ້ເຮັດສຳລັບຜູ້ອອກແຮງງານເພດຍິງທີ່ຖືພາ ຫຼື ໃນໄລຍະລ້ຽງລູກນ້ອຍທີ່ມີອາຍຸຕ່ຳກວ່າ 1 ປີ ມີດັ່ງນີ້: (1) ວຽກເຮັດເທິງຮ້ານທີ່ມີຄວາມສູງກວ່າ 2 ແມັດ, (2) ວຽກຍົກ ແລະ ລາກແກ່ດ້ວຍມື,​ ແບກ, ຫາມ, ຫາບ ວັດຖຸສິ່ງຂອງທີ່ມີນໍ້າໜັກເກີນກວ່າ 10 ກິໂລກຣາມ, (3) ວຽກກາງຄືນ, (4) ວຽກເພີ່ມໂມງ ແລະ ວຽກໃນວັນພັກ, (5) ວຽກທີ່ຕ້ອງໄດ້ຢືນເປັນເວລາ 2 ຊົ່ວໂມງຕິດຕໍ່ກັນ, (6) ວຽກທີ່ໄດ້ກຳນົດໄວ້ໃນສາລະບານວຽກອັນຕະລາຍ.

ສຳລັບຜູ້ອອກແຮງງງານເພດຍິງທີ່ຖືພາ ຫຼື ໃນໄລຍະລ້ຽງລູກນ້ອຍ ທີ່ມາອາຍຸຕ່ຳກວ່າ 1 ປີ ເຊິ່ງຜ່ານມາເຮັດວຽກຕາມທີ່ກ່າວມາຂ້າງເທິງນີ້ ຜູ້ໃຊ້ແຮງງານຕ້ອງສັບຊ້ອນໃຫ້ຜູ້ກ່ຽວໄປເຮັດວຽກໃໝ່ທີ່ເໝາະສົມຊົ່ວຄາວ ແຕ່ໃຫ້ຮັກສາລະດັບເງິນເດືອນ ຫຼື ຄ່າແຮງງານໄວ້ຄືເກົ່າ.

9.ການພັກວຽກຂອງຜູ້ອອກແຮງງານເພດຍິງກ່ອນ ແລະ ຫຼັງອອກລູກ (ມາດຕາ 98): ຜູ້ອອກແຮງງານເພດຍິງມີສິດໄດ້ພັກວຽກກ່ອນ ແລະ ຫຼັງອອກລູກຢ່າງໜ້ອຍ 105 ວັນ, ແຕ່ຢ່າງໜ້ອຍຕ້ອງໄດ້ພັກວຽກບໍ່ໃຫ້ຫຼຸດ 42 ວັນຫຼັງຈາກອອກລູກ.

ໃນກໍລະນີລູກຝາແຝດ ໃຫ້ພັກຢ່າງໜ້ອຍ 120 ວັນ. ໃນເວລາພັກວຽກນັ້ນຜູ້ກ່ຽວໄດ້ຮັບເງິນເດືອນ ຫຼື ຄ່າແຮງງານເຕັມຕາມປົກກະຕິຈາກຜູ້ໃຊ້ແຮງງານ ພາຍຫຼັງການອອກລູກໃນໄລຍະ 1 ປີ ລົງມາ ຜູ້ອອກແຮງງານເພດຍິງ ມີສິດພັກວຽກ 1 ຊົ່ວໂມງຕໍ່ມື້ ເພື່ອໃຫ້ນົມ ຫຼື ເບິ່ງແຍງລູກ ແລະ ມີສິດພັກເອົາລູກໄປສັກຢາກັນພະຍາດຕາມລະບຽບການ. ຜູ້ອອກແຮງງານເພດຍິງທີ່ຫຼຸລູກ ຫຼື ລູກຕາຍໃນທ້ອງ ຈະໄດ້ພັກວຽກຕາມການກຳນົດຂອງແພດໂດຍໄດ້ຮັບເງິນເດືອນ ຫຼື ຄ່າແຮງງານປົກກະຕິ

10.ການບໍ່ອະນຸຍາດໃຫ້ກະທຳຕໍ່ແຮງງານເພດຍິງ (ມາດຕາ 100): ຜູ້ໃຊ້ແຮງງານບໍ່ສາມາດກະທຳຕໍ່ແຮງງານເພດຍິງໃນກໍລະນີດັ່ງນີ້: (1) ກວດກາການຖືພາ ກ່ອນຮັບເຂົ້າເຮັດວຽກ, (2) ສ້າງເງື່ອນໄຂການເຮັດວຽກທີ່ມີລັກສະນະກີດກັ້ນ ຫຼື ປະຕິເສດແຮງງານເພດຍິງ ທີ່ແຕ່ງດອງແລ້ວ ຫຼື ພວມຖືພາ, (3$ ສ້າງເງື່ອນໄຂເພື່ອຍົກເລີກສັນຍາແຮງງານ ຍ້ອນການແຕ່ງດອງ ຫຼື ການຖືພາ.

11.ການເບີກຈ່າຍເງິນເດືອນ (ມາດຕາ 110): ຜູ້ໃຊ້ແຮງງານ ຕ້ອງເບີກຈ່າຍເງິນເດືອນ ຫຼື ຄ່າແຮງງານໃຫ້ຜູ້ອອກແຮງງານຢ່າງໜ້ອຍ 1 ຄັ້ງຕໍ່ເດືອນ. ຖ້າຜູ້ໃຊ້ແຮງງານຫາກຈ່າຍເງິນເດືອນ ຫຼື ຄ່າແຮງງານຊັກຊ້າ ໂດຍບໍ່ມີເຫດຜົນພຽງພໍ ຜູ້ໃຊ້ແຮງງານຕ້ອງຈ່າຍເພີ່ມໃຫ້ຜູ້ອອກແຮງງານ ໃນກໍລະນີທີ່ໄດ້ຕົກລົງກັນໄວ້ໃນສັນຍາ.

12.ບຸລິມະສິດໃນການຮັບເງິນເດືອນຫຼື ຄ່າແຮງງານ (ມາດຕາ 112): ຖ້າຫົວໜ່ວຍແຮງງານຫາກຖືກຍຸບເລີກ, ລົ້ມລະລາຍ ຫຼື ຖືກສານຕັດສິນ, ຮິບຊັບສິນນັ້ນ ຜູ້ໃຊ້ແຮງງານຕ້ອງໃຫ້ບູລິມະສິດແກ່ຜູ້ອອກແຮງງານ ໃນການໄດ້ຮັບເງິນເດືອນ ຫຼື ຄ່າແຮງງານ.

13.ຄ່າເຮັດວຽກເພີ່ມໂມງ (ມາດຕາ 114): ຄ່າເຮັດວຽກເພີ່ມໂມງຂອງວັນເຮັດວຽກປົກກະຕິນັບແຕ່ເວລາ 17 ໂມງ ຫາ 22 ໂມງ ຈະໄດ້ຮັບເງິນຄ່າແຮງງານເພີ່ມເທົ່າກັບ 150% ຂອງຄ່າແຮງງານປົກກະຕິ.

ຄ່າເຮັດວຽກເພີ່ມໂມງຂອງວັນເຮັດວຽກປົກກະຕິນັ້ບແຕ່ເວລາ 22 ໂມງ ຫາ 6 ໂມງເຊົ້າ ຈະໄດ້ຮັບເງິນຄ່າແຮງງານເພີ່ມເທົ່າກັບ 200% ຂອງຄ່າແຮງງານປົກກະຕິ ຄ່າເຮັດວຽກເພີ່ມໂມງ ໃຫ້ຄິດໄລ່ດ້ວຍການເອົາເງິນເດືອນ ຫຼື ຄ່າແຮງງານຫານໃຫ້ 26 ວັນ, ຈາກນັ້ນຈຶ່ງຫານໃຫ້ 8 ຊົ່ວໂມງ ແລ້ວຄູນໃຫ້ຈຳນວນສ່ວນຮ້ອຍ ແລະ ຄູນໃຫ້ຈຳນວນຊົ່ງໂມງທີ່ເຮັດວຽກເພີ່ມນັ້ນ.

14.ຄ່າເຮັດວຽກໃນວັນພັກປະຈຳອາທິດ ແລະ ວັນພັກທາງລັດຖະການ (ມາດຕາ 115): ຄ່າເຮັດວຽກໃນວັນພັກປະຈຳອາທິດ ແລະ ວັນພັກທາງລັດຖະການ ຈະໄດ້ຮັບເທົ່າກັບ 250% ຂອງຄ່າແຮງງານປົກກະຕິ.

ຄ່າເຮັດວຽກໃນວັນພັກປະຈຳອາທິດ ແລະ ວັນພັກທາງລັດຖະການນັບແຕ່ເວລາ 16 ໂມງ ຫາ 22 ຈະໄດ້ຮັບເທົ່າກັບ 300% ຂອງຄ່າແຮງງານປົກກະຕິ.

ຄ່າເຮັດວຽກເວລາກາງຄືນ ໃນວັນພັກປະຈຳອາທິດ ແລະ ວັນພັກທາງລັດຖະການ ນັບແຕ່ເວລາ 22 ໂມງ ຫາກ 6 ໂມເຊົ້າ ຈະໄດ້ຮັບເທົ່າກັບ 350% ຂອງຄ່າແຮງງານຄ່າເຮັດວຽກໃນວັນພັກປະຈຳອາທິດ ແລະ ວັນພັກທາງລັດຖະການ.

ໃຫ້ຄິດໄລ່ດ້ວຍການເອົາເງິນເດືອນ ຫຼື ຄ່າແຮງງານຫານໃຫ້ 26 ວັນ, ຈາກນັ້ນຈຶ່ງຫານໃຫ້ 8 ຊົ່ວໂມງ ແລ້ວຄູນໃຫ້ຈຳນວນສ່ວນຮ້ອຍ ແລະ ຄູນໃຫ້ຈຳນວນຊົ່ງໂມງທີ່ເຮັດວຽກເພີ່ມນັ້ນ.

Advertisement Replay Ad

ຂໍຂອບໃຈ

ຂໍ້ມູນ : ກົດໝາຍແຮງງານ

ວິທີປ່ຽນສານລາວເດີມມາເປັນແຄັບຊັ້ນ Facebook ແບບເກ໋ໆ

ວິທີປ່ຽນສານລາວເດີມມາເປັນແຄັບຊັ້ນ Facebook ແບບເກ໋ໆ

ເບື່ອບໍ່ກັບການດື່ມກາເຟແບບເກົ່າໆ? ມາທໍາຄວາມຮູ້ຈັກກັບວິທີການຊົງກາເຟດຳ 3ແບບ 3 ວິທີ 3 ລົດຊາດ

ເບື່ອບໍ່ກັບການດື່ມກາເຟແບບເກົ່າໆ? ມາທໍາຄວາມຮູ້ຈັກກັບວິທີການຊົງກາເຟດຳ 3ແບບ 3 ວິທີ 3 ລົດຊາດ

8 ເຄັດ (ບໍ່) ລັບທີ່ຈະຊ່ວຍໃຫ້ທຸກຄົນເອົາຊະນະຄວາມໃຈຮ້າຍ

8 ເຄັດ (ບໍ່) ລັບທີ່ຈະຊ່ວຍໃຫ້ທຸກຄົນເອົາຊະນະຄວາມໃຈຮ້າຍ

ຂ້ອຍສະກົດຖືກ ຫຼື ຍັງ? ລວມຄຳສັບພາສາລາວທີ່ຫຼາຍຄົນມັກຂຽນຜິດຢູ່ຕະຫຼອດ

ຂ້ອຍສະກົດຖືກ ຫຼື ຍັງ? ລວມຄຳສັບພາສາລາວທີ່ຫຼາຍຄົນມັກຂຽນຜິດຢູ່ຕະຫຼອດ

ຊີວິດຕ້ອງການສີຂຽວ! ລວມສາຍພັນຕົ້ນໄມ້ປະດັບທີ່ປູກໃນເຮືອນໄດ້ ພ້ອມວິທີບົວລະບັດຮັກສາ

ຊີວິດຕ້ອງການສີຂຽວ! ລວມສາຍພັນຕົ້ນໄມ້ປະດັບທີ່ປູກໃນເຮືອນໄດ້ ພ້ອມວິທີບົວລະບັດຮັກສາ

5 ແນວຄວາມຄິດທີ່ເຈົ້າຄວນເຝິກປະຕິບັດ ເພື່ອຮັບມືກັບເຫດການຕ່າງໆໄດ້ດີຂຶ້ນ

5 ແນວຄວາມຄິດທີ່ເຈົ້າຄວນເຝິກປະຕິບັດ ເພື່ອຮັບມືກັບເຫດການຕ່າງໆໄດ້ດີຂຶ້ນ

HOW TO ຮຽນພາສາຕ່າງປະເທດແນວໃດໃຫ້ໄດ້ ແລະ ເຂົ້າໃຈໄວທີ່ສຸດ

HOW TO ຮຽນພາສາຕ່າງປະເທດແນວໃດໃຫ້ໄດ້ ແລະ ເຂົ້າໃຈໄວທີ່ສຸດ

ຢາກເກັ່ງອັງກິດຕ້ອງອ່ານ! ລວມ 8 ເວັບໄຊທີ່ຈະຊ່ວຍໃຫ້ເຮົາເກັ່ງໄວຍາກອນພາສາອັງກິດຍິ່ງຂຶ້ນ

ຢາກເກັ່ງອັງກິດຕ້ອງອ່ານ! ລວມ 8 ເວັບໄຊທີ່ຈະຊ່ວຍໃຫ້ເຮົາເກັ່ງໄວຍາກອນພາສາອັງກິດຍິ່ງຂຶ້ນ

ກົດແຊເລີຍ! ແບບແຕ່ງຕາສຳລັບສາວເອເຊຍ 20 ລຸກໜ້າຮັກ ແຕ່ງງ່າຍໆ ໄດ້ທຸກລຸກ ທຸກໂອກາດ

ກົດແຊເລີຍ! ແບບແຕ່ງຕາສຳລັບສາວເອເຊຍ 20 ລຸກໜ້າຮັກ ແຕ່ງງ່າຍໆ ໄດ້ທຸກລຸກ ທຸກໂອກາດ

"ຂຸນກອງແລງ" ບລູລາກູນແຫ່ງຄຳມ່ວນ ກຽມ 30 ກວ່າກິດຈະກຳ ຕ້ອນຮັບນັກທ່ອງທ່ຽວໃນປີ 2021

"ຂຸນກອງແລງ" ບລູລາກູນແຫ່ງຄຳມ່ວນ ກຽມ 30 ກວ່າກິດຈະກຳ ຕ້ອນຮັບນັກທ່ອງທ່ຽວໃນປີ 2021

ເກືອບເຄິ່ງປີຫຼັງການແພ່ລະບາດຂອງໂຄວິດ-19 ເຮົາຮູ້ຫຍັງແດ່ກ່ຽວກັບພະຍາດນີ້?

ເກືອບເຄິ່ງປີຫຼັງການແພ່ລະບາດຂອງໂຄວິດ-19 ເຮົາຮູ້ຫຍັງແດ່ກ່ຽວກັບພະຍາດນີ້?

ເປີດເພງ-ຮ້ອງເພງສຽງດັງເນືອງນັນລົບກວນໂສດປະສາດ ນອນບໍ່ໄດ້ ໃຜຊ່ວຍໄດ້ແດ່?

ເປີດເພງ-ຮ້ອງເພງສຽງດັງເນືອງນັນລົບກວນໂສດປະສາດ ນອນບໍ່ໄດ້ ໃຜຊ່ວຍໄດ້ແດ່?

ພາກັນຮູ້ແລ້ວບໍ່? 10 ອັນດັບສັດທີ່ມີອາຍຸສັ້ນທີ່ສຸດໃນໂລກມີສັດໃດແດ່?

ພາກັນຮູ້ແລ້ວບໍ່? 10 ອັນດັບສັດທີ່ມີອາຍຸສັ້ນທີ່ສຸດໃນໂລກມີສັດໃດແດ່?

ເຮັດແນວໃດຈຶ່ງປະສົບຄວາມສຳເລັດ? ນີ້ແມ່ນ 5 ເຄັດລັບທີ່ຄວນຮຽນຮູ້ຈາກ Taylor Swift ຖ້າຢາກເກັ່ງການຕະຫຼາດ

ເຮັດແນວໃດຈຶ່ງປະສົບຄວາມສຳເລັດ? ນີ້ແມ່ນ 5 ເຄັດລັບທີ່ຄວນຮຽນຮູ້ຈາກ Taylor Swift ຖ້າຢາກເກັ່ງການຕະຫຼາດ

"ຢາສູບໄຟຟ້າ" ບໍ່ເປັນອັນຕະລາຍ ຫຼື ນັ້ນເປັນພຽງເລ່ກົນຮູບແບບໃໝ່ຂອງບໍລິສັດຢາສູບ?

"ຢາສູບໄຟຟ້າ" ບໍ່ເປັນອັນຕະລາຍ ຫຼື ນັ້ນເປັນພຽງເລ່ກົນຮູບແບບໃໝ່ຂອງບໍລິສັດຢາສູບ?

ຍຸງລາຍຫຼົບໄປ! ປະຕິບັດຫຼັກການ "5ປ" ສະກັດພະຍາດໄຂ້ຍຸງລາຍຕັ້ງແຕ່ຫົວທີ

ຍຸງລາຍຫຼົບໄປ! ປະຕິບັດຫຼັກການ "5ປ" ສະກັດພະຍາດໄຂ້ຍຸງລາຍຕັ້ງແຕ່ຫົວທີ

10 ສຳນວນອັງກິດທີ່ເຈົ້າຄວນໃຊ້ ເພື່ອເພີ່ມສະເໜ່ໃຫ້ຕົວເອງ

10 ສຳນວນອັງກິດທີ່ເຈົ້າຄວນໃຊ້ ເພື່ອເພີ່ມສະເໜ່ໃຫ້ຕົວເອງ

ຢຸດແຊພາບຜູ້ເສຍຊີວິດ ເພາະເປັນການກະທຳທີ່ບໍ່ໃຫ້ກຽດ ແລະ ຜິດກົດໝາຍ ໃຫ້ຄິດເຖິງ "ໃຈເຂົາໃຈເຮົາ"

ຢຸດແຊພາບຜູ້ເສຍຊີວິດ ເພາະເປັນການກະທຳທີ່ບໍ່ໃຫ້ກຽດ ແລະ ຜິດກົດໝາຍ ໃຫ້ຄິດເຖິງ "ໃຈເຂົາໃຈເຮົາ"

ໃສ່ "ຜ້າອັດປາກ-ດັງ" ອອກກຳລັງກາຍ ສ່ຽງອັອກຊີເຈນບໍ່ພຽງພໍ ປອດ-ຫົວໃຈເຮັດວຽກໜັກ

ໃສ່ "ຜ້າອັດປາກ-ດັງ" ອອກກຳລັງກາຍ ສ່ຽງອັອກຊີເຈນບໍ່ພຽງພໍ ປອດ-ຫົວໃຈເຮັດວຽກໜັກ

ຄົນລ້ຽງແມວຄວນລະວັງ! ງານວິໄຈເຜີຍໂຄວິດ-19 ສາມາດແພ່ໃນກຸ່ມແມວໄດ້ໄວ ແຕ່ບໍ່ສະແດງອາການ

ຄົນລ້ຽງແມວຄວນລະວັງ! ງານວິໄຈເຜີຍໂຄວິດ-19 ສາມາດແພ່ໃນກຸ່ມແມວໄດ້ໄວ ແຕ່ບໍ່ສະແດງອາການ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ