ຕິດຕັ້ງເຄື່ອງກວດວິເຄາະຫາເຊື້ອ COVID-19 ທີ່ໂຮງໝໍແຂວງຈຳປາສັກ ພ້ອມຮັບຕົວຢ່າງຈາກ 4 ແຂວງພາກໃຕ້

ໂຮງໝໍ​ແຂວງ​ຈຳປາ​ສັກ ຮ່ວມ​ກັບ​ຊ່ຽວຊານ​ທີ່​ມາ​ຈາກ ສປ ຈີນ ຊ່ຽວຊານ​ມາ​ຈາກ​ສູນ​ກາງ ກະຊວງ​ສາ​ທານະ​ລະ​ສຸກ ແລະ ຊ່ຽວຊານ​ອົງການ​ອະນາໄມ​ໂລກ ໃດ້​ທຳ​ການ​ຕິດ​ຕັ້ງ​ປະກອບ​ເຄື່ອງ​ກວດ Polymerase Chain Reaction (PCR) R (real-time) ເຄື່ອງ​ກວດ​ຊອກ​ຫາ​ເຊື້ອ​ອັກເສບ​ປອດ COVID-19 ເຄື່ອງ​ໃຫຍ່ ທີ່​ສາມາດ​ກວດ​ໃດ້​ເຖິງ 92 ຕົວຢ່າງ.

ເຄື່ອງດັງກ່າວນີ້ສາມາດອ່ານ​ຜົນໄດ້​ໃນ​ເວລາພຽງ 120 ນາທີ ຈະ​ສາມາດ​ຮອງ​ຮັບ​ຕົວ​ຍ່າງ​ທີ່​ສົ່ງ​ມາ​ຈາກ 4 ແຂວງ​ພາກ​ໃຕ້ (ຈຳປາສັກ, ອັດຕະປື, ເຊກອງ ແລະ ສາລະວັນ) ​ໄດ້ ເຊິ່ງ​ມັນ​ຈະ​ສາມາດ​ກວດ​ຈຳນວນ​ຫຼາຍ ແລະ ສະດວກ​ໃນ​ການ​ສົ່ງ​ຕົວຢ່າງ.