ວັນອາທິດ ທີ 7 ມິຖຸນາ 2020

ໜຶ່ງໃນນັກສຶກສາທີ່ກັບຈາກອັງກິດ ຊີ້ແຈງກ່ຽວກັບການສົ່ງຕໍ່ຂໍ້ມູນເທັດກ່ຽວກັບຜູ້ຕິດເຊື້ອໂຄວິດ-19

ໜຶ່ງໃນນັກສຶກສາທີ່ກັບຈາກອັງກິດ ຊີ້ແຈງກ່ຽວກັບການສົ່ງຕໍ່ຂໍ້ມູນເທັດກ່ຽວກັບຜູ້ຕິດເຊື້ອໂຄວິດ-19
S! Muan

ສະໜັບສະໜູນເນື້ອຫາ

ໜຶ່ງໃນນັກສຶກສາທີ່ເດີນທາງມາຈາກອັງກິດໄດ້ອອກມາໂພສຂໍ້ຄວາມຊີ້ແຈງກ່ຽວກັບການສົ່ງຂໍ້ມູນທີ່ບໍ່ແມ່ນຄວາມຈິງໃນໂລກອອນລາຍ ກ່ຽວກັບກໍລະນີການຕິດເຊື້ອ ຫຼັງຈາກທີ່ ມີນັກສຶກສາທີ່ເດີນທາງມາຈາກອັງກິດໄດ້ຮັບການຢັ້ງຢືນຢ່າງເປັນທາງການວ່າຕິດເຊື້ອແລ້ວ 3 ກໍລະນີ (ນັບຮອດວັນທີ 8 ເມສາ 2020).

ຂໍ້ຄວາມດັ່ງກ່າວໄດ້ຖືກໂພສໂດຍຜູ້ໃຊ້ເຟສບຸກຊື່ Sengpasert Thiengchanhxay ເມື່ອເວລາ 10:39 ໂມງ ຂອງວັນທີ 8 ເມສາ 2020 ໂດຍໄດ້ເລົ່າເຖິງສາເຫດທີ່ຕ້ອງເດີນທາງກັບປະເທດ, ການປ້ອງກັນໂຕເອງໃນໄລຍະທີ່ເດີນທາງກັບລາວ ແລະ ການຈຳກັດບໍລິເວນຂອງຕົນເອງ ແລະ ໝູ່ເພື່ອນຫຼັງຈາກທີ່ເດີນທາງກັບມາຮອດລາວແລ້ວ.

ທັງນີ້ ນັກສຶກສາລາວທີ່ເດີນທາງກັບຈາກປະເທດອັງກິດລາຍນີ້ບໍ່ແມ່ນຜູ້ຕິດເຊື້ອ ແຕ່ເປັນໝູ່ຂອງນັກສຶກສາ 3 ຄົນທີ່ໄດ້ຮັບການຢັ້ງຢືນວ່າຕິດເຊື້ອຜ່ານມາ ແລະ ຕອນນີ້ກໍໄດ້ໄປກວດຫາເຊື້ອໂຄວິດ-19 ແລ້ວ ແຕ່ບໍ່ພົບເຊື້ອ ແລະ ຍັງຄົງສືບຕໍ່ຈຳກັດບໍລິເວນຕໍ່ໄປອີກຈົນຄົບ 21 ມື້ ເພື່ອໃຫ້ໝັ້ນໃຈວ່າຕົນເອງບໍ່ໄດ້ຕິດເຊື້ອແທ້ໆ.

ສຳລັບຂໍ້ຄວາມລະອຽດສາມາດອ່ານໄດ້ຈາກລຸ່ມນີ້:

"ນ້ອງແມ່ນໜຶ່ງໃນນັກສຶກສາລາວທີ່ເດີນທາງກັບມາຈາກປະເທດອັງກິດ ແລະ ໄດ້ມາຮອດນະຄອນຫຼວງວຽງຈັນໃນວັນທີ 22 ມີນາ. ນ້ອງຢາກຊີ້ແຈງກ່ຽວກັບກໍລະນີຕິດເຊື້ອທີ່ກັບມາຈາກປະເທດອັງກິດໃຫ້ທຸກຄົນໄດ້ຮັບຮູ້ຄວາມຈິງນຳກັນ ເພາະສ່ວນໃຫຍ່ແລ້ວແມ່ນໄດ້ມີການສົ່ງຕໍ່ຂໍ້ມູນທີ່ບໍ່ແມ່ນຄວາມຈິງເປັນວົງກວ້າງໃນສັງຄົມເຮົາ ເຊິ່ງເຮັດໃຫ້ຄົນທີ່ໄດ້ຮັບຂ່າວສານທີ່ຜິດໆນັ້ນເກີດຄວາມວິຕົກກັງວົນ ແລະ ຕໍ່ວ່າລັດຖະບານລາວລວມທັງຜູ້ທີ່ຕິດເຊື້ອເອງໄປໃນທິດທາງທີ່ບໍ່ດີ. ພ້ອມກັນນັ້ນ, ຍັງມີນັກສຶກສາອີກຈຳນວນຫຼາຍທີ່ຖືກກ່າວຫາວ່າຕິດເຊື້ອ ແລະ ໄດ້ສົ່ງຕໍ່ຮູບໄປເລື້ອຍໆໂດຍທີ່ບໍ່ມີມູນຄວາມຈິງ.

ພາຍຫຼັງທີ່ມະຫາວິທະຍາໄລ ແລະ ສະຖາບັນການສຶກສາຕ່າງໆໃນປະເທດອັງກິດໄດ້ປະກາດຢຸດການຮຽນການສອນຊົ່ວຄາວ, ນັກສຶກສາຕ່າງຊາດສ່ວນໃຫຍ່ກໍແມ່ນໄດ້ເດີນທາງກັບປະເທດຂອງຕົນເອງຢ່າງຮີບດ່ວນກ່ອນທີ່ສະຖານະການຢູ່ປະເທດອັງກິດຈະໜັກຂຶ້ນ ແລະ ກ່ອນທີ່ສາຍການບິນຕ່າງໆຈະຢຸດບິນຊົ່ວຄາວ. ທຸກຄົນທີ່ເດີນທາງສ່ວນໃຫຍ່ກໍຮັບຮູ້ດີວ່າໃນໄລຍະທີ່ຜ່ານມາທາງສາຍການບິນເພິ່ນໄດ້ມີມາດຕະການທີ່ເຂັ້ມງວດຂຶ້ນ ເພາະທຸກຄົນຕ້ອງໄດ້ມີໃບກວດສຸຂະພາບ (Fit to Fly certificate) ເພື່ອເປັນການຢັ້ງຢືນວ່າສາມາດເດີນທາງທາງອາກາດໄດ້.

ພວກນ້ອງທຸກຄົນຮັບຮູ້ດີວ່າເຊື້ອພະຍາດນີ້ສາມາດຕິດຕໍ່ກັນໄດ້ງ່າຍ ແລະ ການເດີນທາງໃນຊ່ວງນັ້ນກໍຖືວ່າມີຄວາມສ່ຽງຫຼາຍ. ດັ່ງນັ້ນ, ເພື່ອເປັນການຫຼຸດຜ່ອນຄວາມສ່ຽງ, ທຸກຄົນໃສ່ໜ້າກາກ, ຖົງມື ແລະ ຫຼີກລ່ຽງບ່ອນທີ່ມີຄົນຫຼາຍຕະຫຼອດໄລຍະທີເດີນທາງ. ເມື່ອເດີນທາງມາຮອດລາວແລ້ວກໍ່ໄດ້ພາກັນກັກໂຕແຍກປ່ຽວ 14 ມື້ ຕາມແນວທາງທີ່ລັດຖະບານເພິ່ນໄດ້ວາງອອກໄວ້ຢ່າງເຂັ້ມງວດ. ບາງຄົນແມ່ນຂັບລົດສ່ວນໂຕກັບເອງ ແຍກກັບຄົນທີ່ມາຮັບເລີຍ ແລະ ນ້ອງເອງແມ່ນໄດ້ນັ່ງກະບະກັບ. ທຸກຄົນແມ່ນຢູ່ເຮືອນອີກຫຼັງໜຶ່ງ ເພື່ອຫ່າງຈາກຄອບຄົວ. ນ້ອງເຊື່ອວ່າບໍ່ແມ່ນແຕ່ພວກນ້ອງທີ່ປະຕິບັດການກັກໂຕຢ່າງເຂັ້ມງວດແຕ່ຍັງມີໝູ່ແລະຄົນອື່ນໆອີກຫຼາຍຄົນທີ່ປະຕິບັດໄດ້ດີຫຼາຍເພື່ອຫຼຸດຜ່ອນຜົນກະທົບໃຫ້ແກ່ສັງຄົມຂອງຕົນເອງແລະເພື່ອຜົນປະໂຫຍດຂອງສ່ວນລວມຫຼັງຈາກທີ່ກັບມາຈາກປະເທດທີ່ມີຄວາມສ່ຽງ.

ຍ້ອນແນວນັ້ນ, ປະຫວັດການໄປມາຂອງຜູ້ຕິດເຊື້ອທັງສາມຄົນທີ່ກັບມາຈາກອັງກິດຈຶ່ງມີໜ້ອຍ ເພາະໄດ້ກັກໂຕເອງຕັ້ງແຕ່ມາຮອດປະເທດລາວຈົນຮອດມື້ທີ່ກວດພົບເຊື້ອ. ນ້ອງບໍ່ແມ່ນຜູ້ຕິດເຊື້ອທັງໃນຂ່າວຂອງມື້ທີ່ຜ່ານມາ ແລະ ໃນມື້ນີ້ ແຕ່ສາມຄົນນີ້ກໍແມ່ນໜຶ່ງໃນໝູ່ຂອງພວກນ້ອງເອງ. ນ້ອງທັງ 5 ຄົນທີ່ເດີນທາງຖ້ຽວບິນ TG574 BKK-VTE ແລະ ໄດ້ໃກ້ຊິດກັບຜູ້ກ່ຽວລາຍທີ 14 ໄດ້ໄປກວດແລ້ວ ແລະ ຜົນອອກມາເປັນລົບ ແຕ່ກໍຍັງຈະສືບຕໍ່ກັກໂຕໃຫ້ຄົບ 21 ມື້ ຈົນກວ່າຈະໝັ້ນໃຈວ່າບໍ່ໄດ້ມີເຊື້ອແທ້ໆແລ້ວ ເພາະຄືທີ່ທຸກໆຄົນຮູ້ເຊື້ອພະຍາດນີ້ອາດຈະບໍ່ສະແດງອາການຫຍັງເລີຍກໍເປັນໄດ້.

ສຸດທ້າຍນີ້ ຢາກຂໍສົ່ງກຳລັງໃຈໃຫ້ຜູ້ທີ່ຕິດເຊື້ອ Covid-19 ທຸກຄົນທີ່ຕໍ່ສູ້ກັບໂລກນີ້ຢູ່ໃຫ້ຜ່ານພົ້ນວິກິດໄປດ້ວຍດີໃນເວລາອັນໃກ້ນີ້ ແລະ ຂໍຮຽກຮ້ອງໃຫ້ປະຊາຊົນລາວທຸກຄົນເສບຂ່າວກັນຢ່າງມີສະຕິ. ຢ່າຫຼົງເຊື່ອໃຫ້ກັບຂ່າວໃດໜຶ່ງຖ້າບໍ່ມີຫຼັກຖານອ້າງອີງທີ່ຖືກຕ້ອງ. ໄພຮ້າຍທີ່ຍິ່ງໃຫຍ່ກວ່າໂລກລະບາດນີ້ອາດແມ່ນໄພຄຸກຄາມຈາກທາງສັງຄົມທີ່ຮູ້ເທົ່າບໍ່ເຖິງການ. ຂໍໃຫ້ທຸກຄົນພາກັນປະຕິບັດຕາມຄຳສັ່ງຂອງທາງຂັ້ນເທິງຢ່າງເຂັ້ມງວດ ຢູ່ເຮືອນເພື່ອຊາດ ເພື່ອແພດໝໍ ແລະ ເພື່ອສ່ວນລວມໃຫ້ມີປະສິດທິພາບທີ່ສຸດເດີ."

Advertisement Replay Ad

ຂໍຂອບໃຈ

ຂໍ້ມູນ : Sengpasert Thiengchanhxay

"ທ່ານໝໍນຸ້ຍ" ທຸ້ມເທກາຍ ແລະ ໃຈ ໃນການປະຕິບັດໜ້າທີ່ ສູ້ກັບໂຄວິດ-19

"ທ່ານໝໍນຸ້ຍ" ທຸ້ມເທກາຍ ແລະ ໃຈ ໃນການປະຕິບັດໜ້າທີ່ ສູ້ກັບໂຄວິດ-19

ສົມຫວັງ ໄຊສັກດີ ມືລະນາດວົງຕິ່ງນ່ອຍໆ ຄິດໄກກວ່າການຫຼິ້ນດົນຕີລາວເດີມ!

ສົມຫວັງ ໄຊສັກດີ ມືລະນາດວົງຕິ່ງນ່ອຍໆ ຄິດໄກກວ່າການຫຼິ້ນດົນຕີລາວເດີມ!

"ຂ້ອຍເຄີຍຖືກເຂົາເວົ້າໃຫ້ວ່າຂີ້ລ້າຍ" ເລື່ອງລາວການຖືກຂົ່ມເຫງ ບັນຫາທີ່ຝັງຮາກເລິກໃນສັງຄົມລາວ

"ຂ້ອຍເຄີຍຖືກເຂົາເວົ້າໃຫ້ວ່າຂີ້ລ້າຍ" ເລື່ອງລາວການຖືກຂົ່ມເຫງ ບັນຫາທີ່ຝັງຮາກເລິກໃນສັງຄົມລາວ

ບາງຂໍ້ກົດໝາຍທີ່ຄູ່ຜົວເມຍຄວນຮູ້ ກ່ອນທີ່ຈະຕັດສິນໃຈໄປມີເລັກມີນ້ອຍ

ບາງຂໍ້ກົດໝາຍທີ່ຄູ່ຜົວເມຍຄວນຮູ້ ກ່ອນທີ່ຈະຕັດສິນໃຈໄປມີເລັກມີນ້ອຍ

ຄວນຢຸດໄດ້ແລ້ວ ຄອມເມັ້ນ "ສົນໃຈເດີ" ຖ້າຢາກໄດ້ວຽກ ຢ່າເຮັດ!

ຄວນຢຸດໄດ້ແລ້ວ ຄອມເມັ້ນ "ສົນໃຈເດີ" ຖ້າຢາກໄດ້ວຽກ ຢ່າເຮັດ!

ລົດໜັກພາຂົວຫັກ: ຂົວນໍ້າພະນາຍ ບ້ານເກິນຫັກ ກະທົບການສັນຈອນ

ລົດໜັກພາຂົວຫັກ: ຂົວນໍ້າພະນາຍ ບ້ານເກິນຫັກ ກະທົບການສັນຈອນ

ຢາກເດີນທາງເຂົ້າ-ອອກລາວຕ້ອງເຮັດແນວໃດ? ນີ້ແມ່ນທຸກຢ່າງທີ່ເຈົ້າຕ້ອງຮູ້ໄວ້

ຢາກເດີນທາງເຂົ້າ-ອອກລາວຕ້ອງເຮັດແນວໃດ? ນີ້ແມ່ນທຸກຢ່າງທີ່ເຈົ້າຕ້ອງຮູ້ໄວ້

ທຸກຢ່າງທີ່ຜູ້ອອກແຮງງານຕ້ອງຮູ້ ກ່ຽວກັບມາດຕະການດ້ານແຮງງານໃນໄລຍະ ແລະ ຫຼັງການລະບາດຂອງໂຄວິດ-19

ທຸກຢ່າງທີ່ຜູ້ອອກແຮງງານຕ້ອງຮູ້ ກ່ຽວກັບມາດຕະການດ້ານແຮງງານໃນໄລຍະ ແລະ ຫຼັງການລະບາດຂອງໂຄວິດ-19

ນີ້ແມ່ນກົນໂກງຂອງແມ່ຫວຍອອນລາຍ ໃຊ້ຕົວະຕົ້ມເອົາເງິນຂອງລູກຫວຍຫຼາຍກວ່າ 1,500 ລ້ານກີບ

ນີ້ແມ່ນກົນໂກງຂອງແມ່ຫວຍອອນລາຍ ໃຊ້ຕົວະຕົ້ມເອົາເງິນຂອງລູກຫວຍຫຼາຍກວ່າ 1,500 ລ້ານກີບ

ສະຫຼຸບເຫດການ ຊາຍຜິວດຳຢູ່ສະຫະລັດເສຍຊີວິດຫຼັງຖືກຕຳຫຼວດຈັບກຸມ ຈົນກາຍເປັນກະແສໄປທົ່ວໂລກ

ສະຫຼຸບເຫດການ ຊາຍຜິວດຳຢູ່ສະຫະລັດເສຍຊີວິດຫຼັງຖືກຕຳຫຼວດຈັບກຸມ ຈົນກາຍເປັນກະແສໄປທົ່ວໂລກ

ໂຄວິດ-19 ມີຜົນກະທົບແນວໃດ ຕໍ່ການປ່ຽນແປງດິນຟ້າອາກາດ?

ໂຄວິດ-19 ມີຜົນກະທົບແນວໃດ ຕໍ່ການປ່ຽນແປງດິນຟ້າອາກາດ?

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ