ວັນສຸກ ທີ 3 ທັນວາ 2021

ຮູ້ຈັກ "ເຈນ-ນຸ້ນ-ໂບ" ຊຸບເປີວາເລນທາຍ ເຈົ້າຂອງບົດເພງທີ່ກຳລັງເປັນກະແສດັງທົ່ວໂລກອອນລາຍໃນຊົ່ວໂມງນີ້

ຮູ້ຈັກ "ເຈນ-ນຸ້ນ-ໂບ" ຊຸບເປີວາເລນທາຍ ເຈົ້າຂອງບົດເພງທີ່ກຳລັງເປັນກະແສດັງທົ່ວໂລກອອນລາຍໃນຊົ່ວໂມງນີ້
S! Muan

ສະໜັບສະໜູນເນື້ອຫາ

ມາ​ຮູ້​ຈັກກັບ  ‘ເຈນ​-ນຸ້ນ​-ໂບ’  3 ນັກ​ຮ້ອງ​ສາວໄທ ວົງ​ຊຸບເປີວາເລນທາຍ ທີ່​ມາ​ແຮງ​ສຸດ​ບໍ່​ຢູ່​ກັບ​ເພງຍອດນິຍົມໃນຕອນ​ນີ້ ‘ຊຸບເປີວາເລນທາຍ’ ຈົນ​ໃຜ​ກໍ​ບອກ​ວ່າ 'ຊ່ວຍ​ເອົາ​ຊື່​ນີ້​ອອກຈາກ​ຫົວ​ຂ້ອຍແດ່'.

ມາ​ແຮງ​ໃນ​ຊົ່ວ​ໂມງ​ນີ້​ຕ້ອງ​ຍົກ​ໃຫ້ ເຈນ​-ນຸ້ນ​-ໂບ  3 ສາວ​ລູກ​ທົ່ງ​ຊຸບເປີວາເລນທາຍ (Super ວາເລນທາຍ) ຫຼັງ​ຈາກ​ເພງ ຊຸບເປີວາເລນທາຍ ໃນ​ອາລະບໍ້າ​ຢາກ​ເປັນ​ຊຸບຕາ ທີ່​ພວກເພິ່ນ​ໃຊ້​ຮ້ອງເອີ້ນ​ແຂກ​ເຂົ້າ​ມາເບິ່ງ​ຄອນ​ເສີດ ເມື່ອ 10 ປີ​ທີ່​ແລ້ວ ກາຍ​ເປັນ​ກະແສ​ເພງ​ຮິດ​ຕິດ​ຫູ ໂດຍ​ສະເພາະ​ທ່ອນ​ຂຶ້ນ​ຕົ້ນ​ແນະ​ນຳ​ຕົວ.

“ເຈນ​ຄ່ະ ເຈນ​ຄ່ະ ໜູ​ຊື່​ເຈນ ມາ​ກັບນຸ້ນ ​ແລະ ​ກໍ​ມາ​ກັບໂບ. ນຸ້ນ​ຄ່ະ ນຸ້ນ​ຄ່ະ ໜູ​ຊື່ນຸ້ນ ມາ​ກັບ​ເຈນ ແລະ ​ກໍ​ມາ​ກັບໂບ. ໂບຄ່ະ ໂບຄ່ະ ໜູ​ຊື່ໂບ ມາ​ກັບນຸ້ນ ​ແລະ​ ກໍ​ມາ​ກັບ​ເຈນ”. 

ມີ​ຄົນ​ນຳ​ມາ Cover ແລະ ​ເຕັ້ນ Tiktok ຫຼວງ​ຫຼາຍ ຈົນ​ຢຸດ​ຮ້ອງ​ຢຸດ​ເຕັ້ນ​ຕາມ​ກັນ​ບໍ່​ໄດ້ ແພ່ກະ​ຈາຍ​ເປັນຕ່ອງໂສ້ ທັງ​ເພງ ​ແລະ ​ຊື່ ເຈນ​-ນຸ້ນ​-ໂບ ຝັງ​ຢູ່ໃນ​ຫົວ ຂະໜາດ​ນັກ​ຮ້ອງ​ດັງ​ຢ່າງ ‘ເບນ ຊ​ະລາ​ທິດ’ ແລະ ​ນັກ​ຮ້ອງ​ໄວໃສ ‘ນ້ອງ​ນ້ຳ​ໃສ BNK48’ ຍັງ​ອອກ​ປາກ ໃຜ​ກໍ​ໄດ້​ຊ່ວຍ​ເອົາ ເຈນ​-ນຸ້ນ​-ໂບ ອອກຈາກ​ຫົວແດ່!! ຂ້ອຍ​ເອົາ​ເພງ​ນີ້​ອອກຈາກ​ຫົວ​ບໍ່​ໄດ້​ແທ້ໆ.

ນອກຈາກກະແສຈະດັງຢູ່ໃນໄທແລ້ວ ຍັງຂ້າມຝັ່ງມາຮອດລາວ ແລະ ມີຄົນດັງ ແລະ ຜູ້ໃຊ້ອິນເຕີເນັດຈຳນວນຫຼາຍນຳເອົາມາເຕັ້ນ ແລະ cover ຕາມເປັນວົງກວ້າງ.

ມື້ນີ້ເຮົາຈະພາ​ໄປ​ທຳຄວາມ​ຮູ້​ຈັກ​ເຈົ້າ​ຂອງ​ສຽງ​ຮ້ອງ໌ເວີ​ຊັນ​ຕົ້ນ​ສະບັບ​ຊຸບເປີວາເລນທາຍ ເພງ​ທີ່​ກັບ​ມາ​ໄດ້ຮັບ​ຄວາມ​ນິຍົມ​ອີກ​ເທື່ອ ຫຼັງ​ຈາກ​ຖືກ​ລືມ​ໄປ​ດົນ​ເຖິງ 1 ທົດສະວັດ. ຂະໜາດ​ຕົວ​ນັກ​ຮ້ອງ​ຍັງ​ຕ້ອງ​ປັດ​ຝຸ່ນ​ເນື້ອ​ຮ້ອງ​ກັນ​ໃໝ່.

ກວ່າ​ຈະ​ເປັນ ຊຸບເປີວາເລນທາຍ

ເສັ້ນ​ທາງ​ນັກ​ຮ້ອງ ເຈນ​-ນຸ້ນ​-ໂບ ເຕີບໂຕ​ມາ​ຈາກ​ການ​ເປັນ​ນັກ​ຮ້ອງ​ວົງ​ດົນຕີ ‘ວາເລນທາຍ’ ຫຼື ‘ວາເລນທາຍ ອ່າງ​ທອງ’ ກໍ່​ຕັ້ງ​ໂດຍ ‘ສະຫວັດ ສັງທອງ’ ອະ​ດີດ​ນັກ​ດົນຕີ​ໄທ​ເດີມ ຮັບ​ງານ​ທົ່ວ​ໄປ​ຕາມ​ວ່າ​ຈ້າງ ໂດຍ​ສະເພາະ​ງານ​ວັດ, ງານ​ແຕ່ງ, ງານ​ບວດ ເປັນ​ທີ່​ນິຍົມ​ໃນ​ໝູ່​ຄົນ​ພູ​ທອນ ແລະ ​ຄົນ​ທົ່ວ​ໄປ ເພາະ​ການ​ສະແດງ​ໜ້າ​ເວ​ທີ​ມີ​ຄວາມ​ຫຼາກ​ຫຼາຍ ຫຼິ້ນ​ທັງ​ເພງ​ລູກ​ທົ່ງ, ເພງ​ໄທ​ສາກົນ ແລະ ​ເພງ​ສາກົນ ສະ​ສົມ​ຊື່​ສຽງ​ແບບ ‘ປ່າ​ອ້ອມ​ເມືອງ’ ຄື​ມີ​ຊື່​ສຽງ​ເປັນ​ທີ່​ຮູ້​ຈັກ​ຂະຫຍາຍ​ວົງ​ກວ້າງ​ຈາກ​ຕ່າງ​ແຂວງ​ເຂົ້າ​ສູ່​ເມືອງ​ຫຼວງ.

ພາຍ​ຫຼັງ​ທີ່​ທັງ 3 ຄົນ ອອກຈາກ​ວ​ົງວາເລນທາຍ​ໃນ​ເວລາ​ທີ່​ໄລ່​ເລ່ຍ​ກັນ ດ້ວຍ​ເຫດຜົນ​ທີ່​ແຕກ​ຕ່າງ​ກັນ ‘ດຣ. ທະວີ​ໄຊ ຈ​ະຣິຍະ​ອ່ຽມ​ອຸດົມ’ ຫຼື ‘ນາຍ​ຫ້າງ​ທະວີ​ໄຊ’ ເຈົ້າ​ຂອງ​ຄ້າຍ​ທັອບ​ລາຍ​ມິວ​ສິກ ເປັນ​ເສືອ​ປືນ​ໄວ​ຄວ້າ​ສິລະປິນສາວທັງ 3 ຄົນ ມາ​ເຊັນ​ສັນຍາ​ເປັນ​ສິລະປິນ​ໃນ​ສັງ​ກັດ​ທັອບ​ລາຍ ມິວ​ສິກ ຈັບ​ໃຫ້​ເຮັດ​ເພງ​ລູກທົ່ງຮ່ວມ​ກັນ​ໃນ​ຊື່​ວ່າ ຊຸບເປີວາເລນທາຍ (Super ວາເລນທາຍ).

ໃນ​ປີ 2010 ອອກ​ຜົນ​ງານ​ອາລະບໍ້າ​ທຳອິດ ​ຢາກ​ເປັນ​ຊຸບຕາ ມີ​ເພງ ​ຊຸບເປີວາເລນທາຍ ທີ່​ກັບ​ມາ​ໄດ້ຮັບ​ຄວາມ​ນິຍົມ​ໃນ​ເວລານັ້ນ ເປີດ​ໂຕແນະ​ນຳ​​ໃຫ້​ຮູ້​ວ່າ ນັກຮ້ອງ​ທັງ 3 ຄົນ​ມີ​ຊື່​ວ່າ​ຫຍັງແດ່ ສ້າງ​ຈຸດຈື່​ຈຳ​ໃຫ້​ແຟນ​ເພງ ລວມທັງໃຊ້​ເອີ້ນ​ແຂກ​ເຂົ້າ​ມາເບິ່ງ​ຄອນ​ເສີດ​ໄດ້​ເປັນ​ຢ່າງ​ດີ ເພາະ​ມີ​ທ່ວງ​ທຳນອງ​ມ່ວນຊື່ນປຸກ​ໃຈ ຫຼື​ ເປີ້ນ​ກັນ​ຕາມ​ພາສາ​ລູກທົ່ງ ຄື​ຈັງ​ຫວະ ໂຈະ​ໆ ຊວນ​ເຕັ້ນ ດ້ວຍ​ລີ​ລາ​ການ​ສ້າງຄວາມບັນເທີງ​ໜ້າ​ເວ​ທີ ຮ້ອງ​ເຕັ້ນ​ມ່ວນ​ໃຈ ກ້າ​ໄດ້​ກ້າ​ເສຍ ເຜັດ​ຮ້ອນ​ເຖິງ​ເຄື່ອງ. ຫຼັງ​ຈາກລວມຕົວ​ກັນ​ພຽງບໍ່​ດົນ​ກໍ​ແຈ້ງ​ເກີດ ຈົນແຟນເພງ​ລູກທົ່ງເປີ້ນ​ກັນ​ຕິດ​ປາກ ‘ເຈນ​-ນຸ້ນ​-ໂບ ຊຸບເປີວາເລນທາຍ’ ແລະ ‘3 ສາວ​ຊຸບເປີວາເລນທາຍ’ ມີ​ງານ​ເດີນ​ສາຍ​ຄອນ​ເສີດ​ທົ່ວ​ໄທ ພາຍ​ໃນ​ເວລາ 8 ປີ ມີ​ອາລະບໍ້າ​ຮ່ວມ​ກັນ ປະກອບ​ດ້ວຍ ຢາກ​ເປັນ​ຊຸບຕາຊູບເປີ​ຊຸບຕາຢ່າ​ຫຼາຍເລື່ອງ, ລຳ​ວົງ​ຄອມ​ໂບ້. 

ຕໍ່​ມາ​ຕົ້ນ​ສັງ​ກັດ​ໄດ້ຮັບ​ຜົນ​ກະທົບ​ຈາກ​ພາ​ວະ​ເສດຖະກິດ​ບໍ່ດີ ລວມທັງການ​ເຂົ້າ​ມາ​ຂອງ​ສື່​ດິ​ຈິຕອນ ເຮັດໃຫ້​ຍອດ​ຈຳ​ໜ່າຍ​ຊີ​ດີ​ຕົກ​ລົງ ​ແລະ ​ເຖິງ​ຈຸດຈົບ​ໄປ​ໃນ​ທີ່ສຸດ. ນາຍ​ຫ້າງ​ທະວີ​ໄຊ ປັບ​ແຜນ​ການ​ເຮັດ​ວຽກ​ໃໝ່​ຈັບ​​ທັງ 3 ຄົນ ແຍກ​ເຮັດ​ເພງ​ດ່ຽວ​ປ່ອຍ​ອອກ​ມາ​ເປັນ​ຊິງ​ເກິ້ນ ເຮັດໃຫ້​ເຫັນ​ທັງ 3 ຄົນ ໄປ​ຂຶ້ນ​ເວ​ທີ​ຄອນ​ເສີດ​ພ້ອມ​ກັນ​ໜ້ອຍ​ລົງ​ໃນ​ໄລຍະ 3-4 ປີ​ທີ່​ຜ່ານມາ. ຕ້ອງ​ແຍກ​ກັນ​ໄປ​ສະແດງ​ລູກ​ຄໍ​ແບບ​ບິນ​ດ່ຽວ​ຫຼາຍ​ຂຶ້ນ ເພື່ອ​ຄວາມ​ຢູ່ລອດ ເນື່ອງ​ຈາກ​ເຈົ້າ​ພາບ​ຈັດ​ງານ ບໍ່​ສະ​ດວກ​ຈ້າງ​ເຕັມ​ວົງ​ຄືໄລຍະ​ເສ​ດຖະ​ກິດ​ດີ​ມີ​ເງິນຫຼາຍ.

ເຈນ ຊຸບເປີວາເລນທາຍ ມີ​ຊື່​ແທ້​ວ່າ ເຈນ​ຈິ​ຣາ ຫຼຽນ​ທອງ​ຄຳ ເປັນຄົນຈາກ ອຳເພີໂຄກ​ສຳ​ໂຣງ ແຂວງລົບ​ບຸ​ຣີ ປະເທດໄທ ເກີດ​ເມື່ອ​ວັນທີ 25 ກັນຍາ 1985. ປັດຈຸບັນອາຍຸ 34 ປີ ຈົບ​ການສຶກສາ​ລະດັບປະລິນຍາຕີ ຄະນະ​ສິລະປະ​ກຳ ສາ​ຂາ​ດົນຕີ​ສະໄໝ​ນິຍົມ ມະຫາວິທະຍາໄລຣາມ​ຄຳ​ແຫງ. ຜູ້ກ່ຽວບອກວ່າ​ບອກ​ວ່າ ເປັນ​ຄົນ​ມີ​ນິໄສ​ມັກມ່ວນຊື່ນ ມັກ​ການ​ສະແດງ​ອອກ​ມາ​ຕັ້ງ​ແຕ່​ຍັງນ້ອຍ ເຖິງວ່າຄອບຄົວ​ບໍ່​ໄດ້​ລຳ​ບາກ​ແຕ່​ມີ​ຄວາມ​ຮູ້ສຶກ​ຢາກ​ຊ່ວຍ​ພໍ່​ແມ່​ເຮັດວຽກ​ແບ່ງ​ເບົາ​ພາລະ ດ້ວຍ​ຄວາມ​ທີ່​ມັກ​ເຕັ້ນ ຈຶ່ງ​ໄປ​ເປັນ​ນັກເຕັ້ນ ເຕັ້ນ​ໃຫ້​ກັບ​ວົງ​ດົນຕີ​ຕັ້ງ​ແຕ່ ປ​. 6 ແລກ​ຄ່າ​ເມື່ອຍ​ຄັ້ງ​ລະ 50 ບາດ ນຳ​ມາ​ເປັນ​ຄ່າ​ເຂົ້າ​ຄ່າເຂົ້າໜົມ​ໄປ​ໂຮງຮຽນ​ໂດຍ​ບໍ່​ຕ້ອງ​ຂໍ​ເງິນ​ພໍ່​ແມ່. ລະຫວ່າງ​ທີ່​ຮຽນອາຊີວະຊ່າງ​ໄຟ​ຟ້າ ວິທະຍາ​ໄລ​ການ​ອາ​ຊີບ​ໂຄກ​ສຳ​ໂຣງ ແຂວງລົບ​ບຸ​ຣີ ຄ່າ​ຕົວ​ອັບ​ຂຶ້ນ​ມາ 150 ບາດ ເກັບ​ຫອມ​ອອມເງິນ​ເປັນ​ທຶນ​ການສຶກສາ​ສົ່ງ​ຕົວ​ເອງ​ຮຽນ. ຈາກ​ນັ້ນ​ຍ້າຍ​ໄປ​ເປັນ​ນັກເຕັ້ນ​ໃນ​ວົ​ງວາເລນທາຍ​ ອ່າງ​ທອງ ຕໍ່​ມາ​ທີ່ວົ​ງ​ປະ​ສົບ​ບັນຫາ​ຂາດ​ນັກ​ຮ້ອງ ເຈົ້າ​ຂອງ​ວົງ​ເຫັນ​ວ່າມີຄວາມສາມາດ ຈຶ່ງ​ຖືກຊຸກຍູ້​ໃຫ້​ຂຶ້ນ​ມາ​ເປັນ​ນັກ​ຮ້ອງ​ນຳ ຢູ່​ກັບ​ວ​ົງວາເລນທາຍ​ ອ່າງ​ທອງ​ປະ​ມານ 6 ປີ ກໍຍ້າຍ​ມາ​ເປັນ​ສິລະປິນ​ໃນ​ສັງ​ກັດ​ຄ້າຍ​ທັອບລາຍ ມິວ​ສິກ. ຫຼັງ​ຈາກ​ຮ່ວມ​ຫົວ​ຈົມ​ທ້າຍ​ກັບ ນຸ້ນ  ແລະ ໂບ ຈົນ​ແຍກ​ກັບ​ເຮັດ​ເພງ​ດ່ຽວ, ໄລຍະ 2-3 ປີ​ຫຼັງ​ມາ​ນີ້ ນອກ​ຈາກ​ຮັບ​ງານ​ຄອນ​ເສີດ​ແບບ​ໄປ​ສະແດງ​ລູກ​ຄໍ​ຄົນ​ດຽວ ສ​ະຫຼັບກັບ​ເຕັມ​ວົງ​ແດ່ ສິລະປິນສາວຄົນນີ້ຍັງ​ເປີດ​ຮ້ານ​ຂາຍຂອງກິນສຸກ ຫາ​ລາຍ​ໄດ້​ເພີ່ມ​ອີກ​ຊ່ອງ​ທາງ​ໜຶ່ງ ພ້ອມ​ກັບ​ເຮັດ​ໜ້າທີ່​ແມ່​ເຮືອນ ເບິ່ງ​ແຍງ​ເອົາ​ໃຈ​ໃສ່​ສາມີ​ຜູ້​ພິ​ທັກ​​ສັນ​ຕິລາດ ແລະ ​ລູກ​ສາວ 2 ຄົນ ໄວກຳ​ລັງ​ດື້.

“ຫຼາຍ​ຄົນ​ບອກ​ວ່າ ຊຸບເປີວາເລນທາຍ ແຕກ​ແລ້ວ. ຄວາມຈິງແລ້ວຍັງ​ບໍ່​ແຕກ​ເດີ ພຽງ​ແຕ່​ຕົ້ນ​ສັງ​ກັດ​ຕ້ອງ​ປັບ​ຮູບ​ແບບ​ການ​ເຮັດ​ວຽກໃຫ້​ຍເດີນ​ຕໍ່ໄປ​ໄດ້​ໃນ​ໄລຍະ​ເສດຖະກິດ​ຂະຫຍາຍຕົວຊ້າ. ໄລຍະ​ຫຼັງ​ມາ​ນີ້ ເຮົາ 3 ຄົນ ມີ​ງານ​ໄປ​ຮ້ອງ​ຄົນ​ດຽວ​ຫຼາຍ​ຂຶ້ນ ເພາະ​ເຈົ້າ​ພາບ​ເພິ່ນ​ສະ​ດວກ​ຈ້າງ​ຄົນ​ດຽວ ແຕ່​ກໍ​ມີ​ແດ່ບາງຄັ້ງ​ທີ່​ຈ້າງ​ພວກ​ເຮົາ​ພ້ອມ​ກັນ 3 ຄົນ ກໍ​ມາ​ລວມຕົວກັນ​ໄດ້​ຕະຫຼອດ.” 

ນຸ້ນ ຊຸບເປີວາເລນທາຍ ມີ​ຊື່ແທ້​ວ່າ ນັດ​ທະ​ມົນ ນິນ​ຄູ​ຫາ ເກີດ​ທີ່ນະຄອນຫຼວງບາງກອກ ແຕ່​ໄປ​ເຕີບໂຕ​ທີ່ ແຂວງອ່າງ​ທອງ ກ່ອນ​ຄອບຄົວ​ຍ້າຍ​ມາ​ລົງ​ຫຼັກ​ປັກ​ຖານ​ທີ່ ອຳເພີທ່າ​ເຮືອ ແຂວງພະ​ນະຄອນ​ສີອະ​ຍຸດ​ຍາ ເກີດ​ເມື່ອ​ວັນທີ 21 ພຶດສະພາ 1984 ປັດຈຸບັນອາຍຸ 35 ກ້າວເຂົ້າ 36 ປີ ກຳ​ລັງ​ສຶກ​ສາ​ລະດັບປະລິນຍາຕີ ຄະນະ​ສິລະປະ​ກຳ​ສາດ ມະຫາວິທະຍາໄລຣາມ​ຄຳ​ແຫງ. ຜູ້ກ່ຽວ​ບອກ​ວ່າ ຕອນ​ເປັນ​ເດັກນ້ອຍ​ບໍ່​ຢາກ​ເປັນ​ນັກ​ຮ້ອງ ເພາະ​ເປັນ​ຄົົນທີ່​ມີ​ໂລກ​ສ່ວນ​ຕົວ​ສູງ ມັກ​ຢູ່​ງຽບ​ໆ ກັບ​ທຳມະຊາດ. ແຕ່​ເນື່ອງ​ຈາກ​ຄອບຄົວ​ມີ​ຖານະ​ທຸກຍາກ ມີ​ຊີວິດ​ຄວາມ​ເປັນ​ຢູ່​ຂ້ອນ​ຂ້າງ​ລຳ​ບາກ ເຮັດໃຫ້​ຕ້ອງ​ຈຳ​ໃຈ​ໄປ​ຮ້ອງ​ເພງ​ກັບ​​ພໍ່​ທີ່​ເປັນ​ນັກ​ຮ້ອງ​ວົງ​ດົນຕີ ຊ່ວຍ​ຫາ​ລາຍ​ໄດ້​ອີກ​ແຮງ​ໜຶ່ງ.

“ໄລຍະ​ປະ​ມານ ປ​. 4 - ປ​ .5 ເລີ່ມ​ໄປ​ຊ່ວຍ​ແມ່​ຂາຍ​ເຄື່ອງ. ຕອນເຊົ້າ​ໄປ​ຮຽນ​ໜັງສື​ ຕົກ​ແລງ​ກໍ​ມາ​ນັ່ງ​ສຽບ​ລູກ​ຊີ້ນ ນັ່ງ​ລົດ​ສາມ​ລໍ້​ໄປ​ຂາຍ​ເຄື່ອງ​ຕາມ​ງານ​ວັດ, ໂຮງ​ໜັງ, ໂຮງ​ລິ​ເກ. ຕອນ​ນັ້ນ​ລຳ​ບາກ​ຫຼາຍ ຄອບຄົວ​ເປັນ​ໜີ້​ຫຼາຍ ແມ່​ບັງຄັບ​ໃຫ້​ຮ້ອງ​ເພງ ຊຶ່ງ​ພໍ່​ບໍ່​ໄດ້​ສະໜັບ​ສະໜຸນ​ເລີຍ ແຕ່​ເຮັດແນວໃດ​ໄດ້​ກໍ​ຕ້ອງ​ຈຳ​ໃຈ​ຮ້ອງ. ຊ້ອນ​ລົດຈັກ​ພໍ່​ໄປ​ຂຶ້ນ​ລົດ​ສິບ​ລໍ້ ໄປ​ຮ້ອງ​ເພງ​ກັບ​ວົງ​ດົນຕີ​ຄ່າ​ໂຕ 50 ບາດ. ກັບ​ເຮືອນ​ທ່ຽງ​ຄືນ​ ໜຶ່ງໂມງເດິກ ຕອນເຊົ້າ​ຕື່ນ​ໄປ​ໂຮງຮຽນ​ຕໍ່ ມື້​ໃດ​ພໍ່​ມີ​ງານ​ຮ້ອງ​ເພງ​ກໍ​ໄປ​ກັບ​ພໍ່ ຈົນ​ຄ່າ​ຕົວ​ປັບ​ຂຶ້ນ​ມາ 100 ບາດ ແລະ 150 ບາດ ຕາມ​ລຳ​ດັບ. ບໍ່​ມີ​ງານ​ກໍ​ໄປ​ຊ່ວຍ​ແມ່​ຂາຍ​ເຄື່ອງ​ຕາມ​ງານ​ວັດ ຈົນ ມ​. 3 ຕັດ​ສິນ​ໃຈ​ໄປ​ຮ້ອງ​ເພງ​ກັບ​ວົງ​ດົນຕີ ພັກ​ການ​ຮຽນ​ໄວ້​ກ່ອນ ຄິດວ່າ​ເຮັດວຽກ​ຫາ​ເງິນ​ກ່ອນ​ດີກວ່າ ໄວ້​ກັບ​ມາ​ຮຽນ​ໃໝ່​ກໍ​ຄົງ​ບໍ່​ຊ້າສວາຍ ແຕ່​ຖ້າ​ບໍ່​ເຮັດວຽກ​ຄອບຄົວ​ບໍ່​ມີກິນ​ແທ້​ໆ.” 

ນຸ້ນ ບອກ​ຕໍ່ວ່າ ກ່ອນ​ກ້າວ​ມາ​ເປັນ​ສິລະ​ປິນ​ໃນ​ສັງ​ກັດ​ຄ້າຍ​ທັອບ​ລາຍ ​ມິວ​ສິກ ຕົນເອງເປັນ​ນັກ​ຮ້ອງ​ນຳ​ວົ​ງວາເລນທາຍ ຮ່ວມ​ກັບ ເຈນ ແລະ ໂບ ຢູ່​ປະ​ມານ 7-8 ປີ ກ່ອນ​ຕັດ​ສິນ​ໃຈ​ລາ​ອອກ​ເພາະ​ເບື່ອ​ການເດີນທາງ​ໄກ ເນື່ອງ​ຈາກ​ປະ​ສົບ​ອຸບັດເຫດ​ລະຫວ່າງ​ເດີນທາງ​ໄປ​ສະແດງ​ຄອນ​ເສີດ ມີ​ອາການ​ປວດ​ຂາ​ຊຳເຮື້ອ, ເວລາ​ເດີນທາງ​ໄກ​ອາການ​ປວດ​ກໍໜັກຂຶ້ນ ລວມ​ທັງ​ມີ​ແຟນ​ຄລັບ​ໂລກຈິດ​ຄຸກ​ຄາມ​ຊີວິດ​ສ່ວນ​ຕົວ ໜັກ​ສຸດ​ເຖິງ​ຂັ້ນ​ດັກພົບ​ກາງ​ທາງ​ລະຫວ່າງ​ເດີນທາງກັບ​ບ້ານ. 

ຫຼັງ​ຈາກ​ງານ​ຈ້າງ​ຄອນ​ເສີດ 3 ສາວ​ຊຸບເປີວາເລນທາຍ​ແບບ​ເຕັມ​ວົງ​ເລີ່ມ​ຫຼຸດລົງ, ນອກ​ຈາກ​ຮັບ​ງານ​ຄອນ​ເສີດ​ດ່ຽວ​ເປັນ​ຫຼັກ​ແລ້ວ ກ່ອນ​ໂຄ​ວິດ​-19 ລະ​ບາດ ສົ່ງ​ຜົນ​ໃຫ້​ການ​ດຳ​ເນີນ​ຊີວິດ​ເປັນ​ໄປ​ດ້ວຍ​ຄວາມ​ຍາກ​ລຳ​ບາກ. ນຸ້ນ ຍັງ​ຂາຍເຄື່ອງ​ອອນລາຍ ແລະ​ ໄປ​ຊ່ວຍ​ແມ່​ຂາຍຂອງກິນ, ຂາຍ​ໄກ່​ທອດຕາມ​ຕະຫຼາດ​ນັດ ໂດຍ​ບໍ່​ຮູ້ສຶກ​ອາຍ​ເວລາ​ມີ​ຄົນ​ຈື່ໄດ້​ມາ​ທ້ວງວ່າ ເປັນ​ນັກ​ຮ້ອງ​ມີ​ຊື່​ສຽງ​ແລ້ວ​ເປັນຫຍັງ​ຍັງ​ຕ້ອງ​ມາ​ຂາຍເຄື່ອງ​ຕາມ​ຕ​ະຫຼາດ​ນັດ​ອີກ ​ແລະ ​ໄປ​ຮຽນ​ຕັດ​ຜົມ​ຊາຍ ເມື່ອ​ຈົບ​ຫຼັກ​ສູດ​ແລ້ວ​ຕັ້ງ​ໃຈ​ເປີດ​ຮ້ານ​ຕັດ​ຜົມ​ຊາຍ​ສ້າງ​ລາຍ​ໄດ້​ອີກ​ຊ່ອງ​ທາງ​ໜຶ່ງ.

“ກ່ອນ​ໂຄ​ວິດ​ມາ​ ໄປ​ຂາຍ​ເຄື່ອງ​ກັບ​ພໍ່​ກັບ​ແມ່​ຕາມ​ຕະຫຼາດ​ນັດ, ຂາຍ​ໄກ່​ທອດ ຫາເຄື່ອງ​ຢ່າງ​ອື່ນ​ໄປ​ຂາຍນຳ. ແຟນ​ຄລັບ​ທີ່​ຈື່​ໄດ້​ກໍ​ມາ​ຖາມວ່າ​ບໍ່​ອາຍ​ບໍເປັນ​ເຖິງ​ນັກ​ຮ້ອງ​ແລ້ວ ມາ​ຢືນ​ຂາຍ​ເຄື່ອງ​ມາ​ຢືນ​ສັບ​ໄກ່ ກໍ​ຕອບ​ເຂົາເຈົ້າວ່າ​ ບໍ່​ອາຍ​ພູູມໃຈ​ອີກ​ຊ້ຳ ໄດ້​ເລືອດ​ພໍ່​ເລືອດ​ແມ່​ມາ​ເຕັມ​ຕົວ. ພໍ່​ເປັນ​ນັກ​ຮ້ອງ ນຸ້ນ​ກໍ​ເປັນ​ນັກ​ຮ້ອງ ແມ່​ເປັນ​ແມ່​ຄ້າ ນຸ້ນ​ກໍ​ເປັນ​ແມ່​ຄ້າ ສາມາດ​ເຮັດ​ໄດ້​ທຸກ​ຢ່າງ. ເຮັດ​ແລ້ວ​ມີ​ຄວາມ​ສຸກ​ເປັນ​ຊ່ອງ​ທາງ​ທຳ​ມາ​ຫາ​ກິນ ເປັນ​ທາງ​ເລືອກ​ທີ່​ດີ ມີ​ເວລາ​ວ່າງ​ກໍ​ໄປ​ຮຽນ​ຕັດ​ຜົມ. ທີ່​ຮຽນ​ຕັດ​ຜົມ​ຊາຍ​ເພາະ​ຢາກ​ເປີດ​ຮ້ານ​ຕັດ​ຜົມ​ຜູ້​ຊາຍ ​ຄິດວ່າ​ບໍ່​ຈຸກ​ຈິກ​ດີ​ຄືກັບ​ຮ້ານ​ເສີມຄວາມ​ງາມ. ອະນາຄົດ​ຄິດວ່າ​ຄົງ​ຮ້ອງ​ເພງ​ໄປ​ບໍ່​ຕະຫຼອດ ຢາກ​ເລີ່ມ​ປູ​ທາງ​ຮອງ​ຮັບ​ອະນາຄົດ​ໄວ້​ຕັ້ງ​ແຕ່​ຕອນ​ທີ່​ຍັງມີເຫື່ອມີແຮງ​ດີ.” 

ນຸ້ນ ບອກ​ອີກ​ວ່າ ຫຼັງ​ຈາກ​ເພງ​ຊຸບ​ເປ​ີວາ​ເລນ​ທາຍກັບ​ມາ​ໄດ້ຮັບ​ຄວາມ​ນິຍົມ​ອີກ​ເທື່ອ​ໃນ​ຮອບ 10 ປີ, ທຳອິດ​ຮູ້ສຶກ​ຕົກ​ໃຈ​ທີ່​ມີ​ຄົນ​ຈຳນວນຫຼາຍ​ທັງ​ຄົນ​ດັງ ແລະ​ ຄົນ​ທົ່ວ​ໄປ​ປຸກ​ກະ​ແສ​ຂຶ້ນ​ມາ​ໃນ​ໄລຍະ​ນີ້. 

“ເອົາ​ແທ້ໆເດີ ​ເມື່ອ 10 ປີ​ກ່ອນ​ພໍ​ຮູ້​ວ່າ​ຕ້ອງ​ຮ້ອງ​ເພງ​ນີ້ ເຮີ້ຍ ​ຮູ້ສຶກ​ຕ​ະຫຼົກ ຢາກຫົວ. ເພງ​ຫຍັງ​ເດັກ​ນ້ອຍຫຼາຍ ເປັນຫຍັງ​ຕ້ອງ​ແນະ​ນຳ​ຕົວ ນຸ້ນ​ຄ່ະ ໂບຄ່ະ ເຈນ​ຄ່ະ. ແນະ​ນຳ​ຕົວ​ຈະ​ໄດ້​ບໍ. ຢູ່ດີໆ ເພງ​ນີ້​ກໍກັບ​ມາ​ດັງ​ພາຍ​ໃນ​ເວລາ​ຂ້າມ​ຄືນ​ຕອນ​ທຳອິດ​ຮູ້ສຶກ​ຕົກ​ໃຈ. ມາ​ໄດ້​ແນວໃດ. ບໍ່​ເຄີຍ​ຄິດວ່າ​ຈະ​ຟື້ນ​ຄືນ​ຊີບ​ຂຶ້ນ​ມາ ພວກ​ເຮົາ​ຍັງຈື່ເນື້ອຮ້ອງ​ບໍ່​ໄດ້​ເລີຍ. ພໍ​ຕັ້ງ​ສະຕິ​ໄດ້​ກໍ​ຮູ້ສຶກ​ດີ​ໃຈ ຕື່ນ​ເຕັ້ນ​ບໍ່​ຄິດ​ເພງ​ນີ້​ຈະ​ທະ​ລຸ​ໄປ​ເຖິງ​ສິລະ​ປິນ​ດາ​ລາ​ດັງ ແລະ ​ຄົນ​ຫຼາກ​ຫຼາກ​ຫຼາຍ​ວົງ​ການ​ມາ​ກັນ​ໝົດ. ຍິ່ງ​ຕອນ​ນີ້​ກາຍ​ເປັນ​ຄວາມ​ພູູມໃຈ​ທີ່​ເພງ​ນີ້​ກັບ​ມາ​ຊ່ວຍ​ຄົນ​ໃນໄລຍະ​ວິກິດ​ກຳ​ລັງເຄັ່ງຕຶງ ໃຫ້​ຮູ້ສຶກ​ຜ່ອນ​ຄາຍ​ຕອນ​ທີ່​ກັກ​ຕົວ​ຢູ່​ເຮືອນ​ໄປ​ໃສບໍ່​ສະ​ດວກ ທຸກ​ຄົນ​ອັດ​ຄລິບ​ແຊ​ໃຫ້​ເບິ່ງ​ກັນ ຢ່າງ​ໜ້ອຍ​ເພງ​ເຮົາ​ເພງ​ນີ້​ເຮັດໃຫ້​ຄົນ​ໄດ້ຫົວ​ ໄດ້​ບັນ​ເທົາ​ຄວາມ​ທຸກ​ໄດ້. ເລິກ​ໆ ກໍ​ມີ​ລັກ​ເສຍ​ດາຍ​ໃດ. ເຮີ້ຍ​ເປັນຫຍັງ​ບໍ່​ດັງ​ກ່ອນ​ໜ້າ​ນີ້ ຕອນ​ທີ່​ຍັງ​ຮັບ​ວຽກ​ກັນ​ໄດ້​ຢູ່. ມາ​ດັງ​ຕອນ​ນີ້ ເຮົາ​ເປັນ​ຕົວ​ຈິງ​ສຽງ​ຈິງ​ແຕ່​ໄປ​ໃດ​ມາ​ໃດ​ບໍ່​ໄດ້ ຮັບ​ງານ​ໄປ​ສະແດງ​ໃຫ້​ແຟນ​ເພງ​ທີ່​ເຂົາ​ຢາກ​ເຫັນ​ຕົວ​ເປັນ​ໆບໍ່​ໄດ້.” 

ໂບ ຊຸບເປີວາເລນທາຍ ມີ​ຊື່ແທ້​ວ່າ ກັນ​ລະຍາ​ນັດ​ສະ​ນາ ແກ່ນ​ແກ້ວ ເປັນ​ຊາວ ອຳເພີປາ​ໂມກ ແຂວງອ່າງ​ທອງ ເກີດ​ເມື່ອ​ວັນທີ 6 ສິງ​ຫາ 1986 ຈົບ​ການສຶກສາ ມ​. 6 ລາຍ​ນີ້​ຮັກ​ການ​ຮ້ອງ​ເພງ​ມາ​ຕັ້ງ​ແຕ່ຍັງນ້ອຍ ເພາະ​​ພໍ່​ຮ້ອງ​ເພງ​ຂອງ ໄວ​ພົດ ເພັດ​ສຸ​ພັນ ສິລະ​ປິນ​ແຫ່ງ​ຊາດ ປະຈຳ​ປີ 1997 ສາ​ຂາ​ສິລະ​ປະ​ການ​ສະແດງ (ນັກ​ຮ້ອງ​ເພງ​ລູກທົ່ງ) ໃຫ້​ຟັງ​ທຸກ​ມື້. ມີ​​ປູ່ ແລະ​ ຍ່າ​ເປັນ​ລິ​ເກ​ເກົ່າ ກ່ອນ​ຮ້ອງ​ເພງ​ເປັນ​ອາ​ຊີບ​. ຫຼັງ​ຈາກຈົບ ປ​ .6 ໄປ​ສະໝັກ​ເປັນ​ນັກ​ຮ້ອງ​ວົງ​ດົນຕີ​ເດືອນ​ເພັນ ທີ່​ມາ​ປັກ​ຫຼັກ​ສະແດງ​ທີ່ ອຳເພີດອນ​ເຈ​ດີ​ ແຂວງສຸ​ພັນ​ບຸ​ຣີ ໄດ້​ຄ່າ​ຕົວ​ຄັ້ງທຳອິດ 50 ບາດ ເປັນ​ນັກ​ຮ້ອງ​ປະຈຳ​ວົງ​ດົນຕີ​ເດືອນ​ເພັນ 3 ປີ ຍ້າຍ​ໄປ​ຢູ່​ກັບ​ວົ​ງວາເລນທາຍ​ອ່າງ​ທອງ. ຫຼັງ​ຈາກ​ຫົວ​ໜ້າວົ​ງ​ມາ​ທາບ​ທາມ ເນື່ອງ​ຈາກ​ໃນ​ວົງ​ບໍ່​ມີ​ນັກ​ຮ້ອງ​ລູກທົ່ງຜູ້ຍິງ ເປັນ​ນັກ​ຮ້ອງ​ນຳ​ວົ​ງວາ​ເລນ​ທາຍຢູ່ 9 ປີ ຕັດ​ສິນ​ໃຈ​ລາ​ອອກ​ມາ​ຊ່ວຍ​ອ້າຍ​ກັບ​​ພໍ່​ເຮັດ​ວົງ​ດົນຕີ​ຊື່​ວົງ​ແຟນ​ຕ້າ ແລະ ​ໄດ້ຮັບ​ການ​ຊັກຊວນ​ຈາກ​ຄ້າຍ​ທັອບ​ລາຍ ມິວ​ສິກ ໃຫ້ເປັນ​ສິລະ​ປິນ​ໃນ​ສັງ​ກັດ ເຮັດວຽກ​ຮ່ວມ​ກັບ ເຈນ ແລະ ນຸ້ນ ອີກ​ຄັ້ງ​ຫຼັງ​ຈາກ​ເດີນ​ສາຍ​ຮ່ວມ​ກັນ​ມາ​ຍາວ​ນານ​ໃນ​ຖານະ​ນັກ​ຮ້ອງ​ງານ​ລ້ຽງ​ງານ​ບຸນ​ງານ​ບວດ. ຈາກ​ມື້​ນັ້ນ​ເຖິງ​ມື້​ນີ້ ​ນາງ​ເປັນ​ສິລະ​ປິນ​ຄ້າຍ​ທັອບ​ລາຍ ມາ 8 ປີ ທຸກ​ມື້​ນີ້​ຍັງ​ຢຶດ​ອາ​ຊີບ​ນັກ​ຮ້ອງ​ຫາ​ລາຍ​ໄດ້​ຊ່ອງ​ທາງ​ດຽວ. 

“ຂ້ອຍຮັກ​ການ​ຮ້ອງ​ເພງ​ຫຼາຍ. ຮ້ອງ​ມາ​ຕັ້ງ​ແຕ່ຍັງນ້ອຍ. ໄລຍະ​ໜຶ່ງ​ເຄີຍ​ຮຽນ​ໂຮງຮຽນ​ສິລະປະ ທີ່​ບໍ່​ຈົບ​ເພາະ​ປີນ​ຮົ້ວ​ອອກ​ໄປ​ຮ້ອງ​ເພງ. ເມື່ອ​ກ່ອນ​ຮ້ອງ​ງານ​ລ້ຽງ ລົດ​ຕູ້ວ​ົງ​ຈະ​ອອກເດີນທາງ​ແລ້ວ ໂຮງຮຽນ​ຍັງ​ບໍ່​ເລີກ ກໍ​ປີນ​ຮົ້ວ​ໂຮງຮຽນ​ອອກ​ໄປ​ເລີຍ ບໍ່​ຢາກ​ໃຫ້​ວົງ​ລໍຖ້າ ​ຫຼື ​ຮູ້ສຶກ​ວ່າ​ເປັນ​ພາລະ. ຂ້ອຍ​ເປັນ​ຄົນ​ເກງ​ໃຈ​ຄົນ.” 

ດ້ວຍ​ລີ​ລາ​ການ​ຮ້ອງ​ ແລະ ສ້າງຄວາມບັນເທີງ​ໜ້າ​ເວ​ທີ​ເນັ້ນ​ໄປ​ທີ່​ການ​ຂາຍ​ຄວາມ​ເຊັກ​ຊີ່ປຸກ​ໃຈ ສວນ​ທາງ​ກັບ​ຕົວ​ຕົນ​ແທ້​ຈິງ​ທີ່​ເປັນ​ຄົນ​ບໍ່​ມັກ​ການ​ແຕ່ງ​ຕົວ, ໂບ ຍອມ​ຮັບ​ວ່າ ເທິງ​ເສັ້ນ​ທາງ​ສິລະ​ປິນ​ຕອນທຳອິດເຄີຍ​ຖືກ​ດູໝິ່ນວ່າ ເຕັ້ນ​ກິນລຳ​ກິນ​ຈະ​ໄປ​ໄດ້ໄກເທົ່າໃດ. ມາຮອດ​ມື້​ນີ້ ນາງ​ຮູ້ສຶກ​ພູູມໃຈ​ທີ່​ອາ​ຊີບ​ນັກ​ຮ້ອງ​ຊ່ວຍ​ໃຫ້​ເບິ່ງ​ແຍງ​ຕົວ​ເອງ​ໄດ້ ເປັນ​ເສົາ​ຫຼັກ​ຍົກ​ລະດັບ​ຄອບຄົວ​ໃຫ້​ມີ​ຄວາມ​ເປັນ​ຢູ່​ທີ່​ດີ​ຂຶ້ນ.

ຂໍຂອບໃຈ

ຂໍ້ມູນ : Voice TV

Dispatch ເປີດເຜີຍຂໍ້ຄວາມແຊັດລະຫວ່າງ ຄິມຊອນໂຮ ແລະ ອະດີດແຟນສາວ ທີ່ເຮັດໃຫ້ຮູ້ເລື່ອງລາວຫຼາຍຂຶ້ນ

Dispatch ເປີດເຜີຍຂໍ້ຄວາມແຊັດລະຫວ່າງ ຄິມຊອນໂຮ ແລະ ອະດີດແຟນສາວ ທີ່ເຮັດໃຫ້ຮູ້ເລື່ອງລາວຫຼາຍຂຶ້ນ

ຮູ້ຈັກ "ນຸ່ຍ ນົບຊະພອນ" ນັກອອກແບບຄົນສະຫວັນ ເຈົ້າຂອງແບບຊຸດປະຈໍາຊາດປີນີ້

ຮູ້ຈັກ "ນຸ່ຍ ນົບຊະພອນ" ນັກອອກແບບຄົນສະຫວັນ ເຈົ້າຂອງແບບຊຸດປະຈໍາຊາດປີນີ້

ເອະ ຄົນນີ້ໜ້າຄຸ້ນໆ! ໃຜເປັນໃຜໃນ Miss Universe Laos 2021?

ເອະ ຄົນນີ້ໜ້າຄຸ້ນໆ! ໃຜເປັນໃຜໃນ Miss Universe Laos 2021?

ສຽງເພງນຳພາເຮົາມາພົບກັນ ຮູ້ຈັກ ບຸ່ຍ ຕວນ ຫງັອກ ບ່າວຫວຽດນາມຜູ້ຮ້ອງເພງ 'ຜູ້ສາວວຽງຈັນ'

ສຽງເພງນຳພາເຮົາມາພົບກັນ ຮູ້ຈັກ ບຸ່ຍ ຕວນ ຫງັອກ ບ່າວຫວຽດນາມຜູ້ຮ້ອງເພງ 'ຜູ້ສາວວຽງຈັນ'

ຟັງ ຫຼື ຍັງ? "ອໍານາດເງິນຕາ" ເພງໃໝ່ ຈາກແບ້ງ ຮັນນີ

ຟັງ ຫຼື ຍັງ? "ອໍານາດເງິນຕາ" ເພງໃໝ່ ຈາກແບ້ງ ຮັນນີ

ສົ່ງຕໍ່ຄວາມຮູ້ສຶກເສຍໃຈໂດຍບໍ່ມີວັນສິ້ນສຸດຜ່ານ ເພງ "ມີແຕ່ເຈັບ" ຈາກ ນົກ The WOW

ສົ່ງຕໍ່ຄວາມຮູ້ສຶກເສຍໃຈໂດຍບໍ່ມີວັນສິ້ນສຸດຜ່ານ ເພງ "ມີແຕ່ເຈັບ" ຈາກ ນົກ The WOW

ພົບກັບຄ້າຍເພງນ້ອງໃໝ່ NEW WAVE MUSIC ເສີບທັບທຸກລົດຊາດຂອງສຽງດົນຕີ

ພົບກັບຄ້າຍເພງນ້ອງໃໝ່ NEW WAVE MUSIC ເສີບທັບທຸກລົດຊາດຂອງສຽງດົນຕີ

ຟັງ ຫຼື ຍັງ? "ຝັນລະເມີ" ເພງລາວ ທໍານອງດີ ຈາກນັກຮ້ອງໜຸ່ມ ກະຕ່າຍ ຕີ່ງນ່ອຍໆ

ຟັງ ຫຼື ຍັງ? "ຝັນລະເມີ" ເພງລາວ ທໍານອງດີ ຈາກນັກຮ້ອງໜຸ່ມ ກະຕ່າຍ ຕີ່ງນ່ອຍໆ

ເຈັບໃຫ້ສຸດຢຸດທີ່ເພງ "ຊີວິດຫຼັງຄວາມຕາຍ" ພ້ອມຈະຈົມອາລົມໄປກັບເພງນີ້ແລ້ວ ຫຼື ຍັງ?

ເຈັບໃຫ້ສຸດຢຸດທີ່ເພງ "ຊີວິດຫຼັງຄວາມຕາຍ" ພ້ອມຈະຈົມອາລົມໄປກັບເພງນີ້ແລ້ວ ຫຼື ຍັງ?

ຈາກນັກກີລາ ສູ່ຊາຍງາມບໍ່ແມ່ນເລື່ອງງ່າຍ! "ໂດ່ໂດ້" ມ້າມືດ ພຽງ 3 ອາທິດ ຟິດຫຸ່ນແບບຈັດເຕັມ

ຈາກນັກກີລາ ສູ່ຊາຍງາມບໍ່ແມ່ນເລື່ອງງ່າຍ! "ໂດ່ໂດ້" ມ້າມືດ ພຽງ 3 ອາທິດ ຟິດຫຸ່ນແບບຈັດເຕັມ

ດາລາແຝດສາວຜູ້ຊົງອິດທິພົນໃນໃຈຊາວເນັດ! ຮູ້ຈັກ 2 ສາວ ມາຍ-ມີ້ນ ໃຫ້ຫຼາຍຂຶ້ນ

ດາລາແຝດສາວຜູ້ຊົງອິດທິພົນໃນໃຈຊາວເນັດ! ຮູ້ຈັກ 2 ສາວ ມາຍ-ມີ້ນ ໃຫ້ຫຼາຍຂຶ້ນ

ລວມທັບນັກສະແດງນ້ອງໃໝ່! ມີໃຜແດ່ທີ່ໄດ້ຮັບບົດຫຼັກ ໃນຊີຣີໄວລຸ້ນລາວ My Melody?

ລວມທັບນັກສະແດງນ້ອງໃໝ່! ມີໃຜແດ່ທີ່ໄດ້ຮັບບົດຫຼັກ ໃນຊີຣີໄວລຸ້ນລາວ My Melody?

ຟັງກັນ ຫຼື ຍັງ? "ແຂນເປັນຟໍ" ເພງຮັກຫວານໆ ຈາກນັກຮ້ອງໜຸ່ມໆຫຼວງພະບາງ

ຟັງກັນ ຫຼື ຍັງ? "ແຂນເປັນຟໍ" ເພງຮັກຫວານໆ ຈາກນັກຮ້ອງໜຸ່ມໆຫຼວງພະບາງ

ບໍ່ທໍາມະດາ! ເນັດໄອດໍ້ ປາບູ່ ກ້າວສູ່ວົງການ ເປັນນາງເອກ ແລະ ຜູ້ກຳກັບເອງ ໃນຊີຣີແດນປິດສະໜາ

ບໍ່ທໍາມະດາ! ເນັດໄອດໍ້ ປາບູ່ ກ້າວສູ່ວົງການ ເປັນນາງເອກ ແລະ ຜູ້ກຳກັບເອງ ໃນຊີຣີແດນປິດສະໜາ

ສ່ອງ ຜົນງານ ບອສ Black Modeling ດາວດວງໃໝ່ ທີ່ບໍ່ເຄີຍຢຸດພັດທະນາຕົນເອງ

ສ່ອງ ຜົນງານ ບອສ Black Modeling ດາວດວງໃໝ່ ທີ່ບໍ່ເຄີຍຢຸດພັດທະນາຕົນເອງ

"ຜິດຫວັງ" ເພງລາວອົກຫັກກະຊາກອາລົມ ຈາກນັກຮ້ອງໜຸ່ມ Gomen

"ຜິດຫວັງ" ເພງລາວອົກຫັກກະຊາກອາລົມ ຈາກນັກຮ້ອງໜຸ່ມ Gomen

ຈາກເນັດໄອດໍ້ ສູ່ສິລະປິນຄຸນນະພາບ! ສ່ອງ "ຕຸກຕາ" ນາງເອກ MV ເພງຫຼົງສາວຊຽງຂວາງ

ຈາກເນັດໄອດໍ້ ສູ່ສິລະປິນຄຸນນະພາບ! ສ່ອງ "ຕຸກຕາ" ນາງເອກ MV ເພງຫຼົງສາວຊຽງຂວາງ

ເຊຍຈົນວິນາທີສຸດທ້າຍ! "ອາສຸນ" ໜຸ່ມຜົ້ງສາລີ ໝາຍເລກ 01 ຈາກນັກທຸລະກິດ ສູ່ເວທີປະກວດຊາຍງາມ

ເຊຍຈົນວິນາທີສຸດທ້າຍ! "ອາສຸນ" ໜຸ່ມຜົ້ງສາລີ ໝາຍເລກ 01 ຈາກນັກທຸລະກິດ ສູ່ເວທີປະກວດຊາຍງາມ

ເຜີຍສາເຫດ "ເບຍ ດາໃນ" ຖອນໂຕກະທັນຫັນ ຈາກໂປຣເຈັກໃຫຍ່ 7Days 7Boys ເພື່ອສິ່ງນີ້!

ເຜີຍສາເຫດ "ເບຍ ດາໃນ" ຖອນໂຕກະທັນຫັນ ຈາກໂປຣເຈັກໃຫຍ່ 7Days 7Boys ເພື່ອສິ່ງນີ້!

ພ້ອມເດີນຕາມຝັນ! ເຊຍເລີຍ ບ່າວກົດໝາຍ "ໂບ່ລິ້ງ" ຜູ້ຫຼົງຮັກສຽງດົນຕີເປັນຊີວິດຈິດໃຈ

ພ້ອມເດີນຕາມຝັນ! ເຊຍເລີຍ ບ່າວກົດໝາຍ "ໂບ່ລິ້ງ" ຜູ້ຫຼົງຮັກສຽງດົນຕີເປັນຊີວິດຈິດໃຈ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ