ວັນອາທິດ ທີ 7 ມິຖຸນາ 2020

ຜູ້ຕິດໂຄວິດ-19 ລາຍທີ 2 ຂອງລາວອອກມາກ່າວຂໍໂທດ ຊີ້ ປິດເຟສບຸກ ຍ້ອນຖືກເອົາຮູບໄປໂພສທາງບໍ່ດີ

ຜູ້ຕິດໂຄວິດ-19 ລາຍທີ 2 ຂອງລາວອອກມາກ່າວຂໍໂທດ ຊີ້ ປິດເຟສບຸກ ຍ້ອນຖືກເອົາຮູບໄປໂພສທາງບໍ່ດີ
S! Muan

ສະໜັບສະໜູນເນື້ອຫາ

ຜູ້ຕິດເຊື້ອໂຄວິດກໍລະນີທີ 2 ຂອງ ສປປ ລາວ ເຊິ່ງເປັນເພດຊາຍ ອາຍຸ 28 ປີ ແລະ ເປັນພະນັກງານຢູ່ໂຮວແຮມຊື່ດັງແຫ່ງໜຶ່ງຂອງນະຄອນຫຼວງວຽງຈັນ ໄດ້ອອກມາໂພສເຟສບຸກເລົ່າເລື່ອງລາວທີ່ເກີດຂຶ້ນທັງໝົດໃນໄລຍະກ່ອນ ແລະ ຫຼັງທີ່ຕົນເອງຕິດເຊື້ອແລ້ວ ບອກວ່າ ຕົນເອງຢາກຂໍໂທດຈາກໃຈຕໍ່ທຸກຄົນ ແລະ ທີ່ປິດເຟສບຸກກ່ອນໜ້ານີ້ບໍ່ແມ່ນຍ້ອນໜີ ແຕ່ຍ້ອນຖືກເອົາຮູບໄປໂພສໃນທາງບໍ່ດີ.

ໂພສດັ່ງກ່າວນີ້ ໄດ້ຖືກເຜີຍແພ່ອອກມາຫຼັງຈາກທີ່ ຜູ້ຕິດເຊື້ອກໍລະນີທີ 3 ເຊິ່ງເປັນໝູ່ກັບກໍລະນີທີ 2 ນີ້ ໄດ້ອອກມາໂພສລັກສະນະດຽວກັນນີ້ ເມື່ອວັນທີ 2 ມີນາ ທີ່ຜ່ານມາ.

ເລື່ອງລາວດັ່ງກ່າວຖືກໂພສລົງໃນເຟສບຸກຊື່ Sang Viradet ເມື່ອຕອນເຊົ້າຂອງມື້ນີ້ (3 ມີນາ 2020) ໂດຍມີເນື້ອໃນລະອຽດດັ່ງຕໍ່ໄປນີ້:

"ສະບາຍດີ, ກ່ອນອື່ນໝົດຂ້າພະເຈົ້າຢາກອອກມາຂໍໂທດຈາກໃຈຂອງຂ້ອຍເອງ, ຂ້ອຍເອງຮູ້ສຶກເສຍໃຈຫຼາຍຫຼັງຈາກທີ່ໄດ້ຮັບຮູ້ວ່າຕົວເອງໄດ້ຕິດເຊື້ອ, ຄວາມຮູ້ສຶກ ແລະ ຈິດໃຈໃນມື້ນັ້ນ ມັນທໍລະມານ, ສະຕິບໍ່ຢູ່ກັບເນື້ອກັບໂຕ ຢູ່ດີໆນ້ຳກະໄຫຼບໍ່ຍຸດ ຈົນເມື່ອຍໄຫ້ ແລະ ຕັ້ງສະຕິ ຢຸດຖາມໂຕເອງບໍ່ໄດ້ເລີຍວ່າເປັນຫຍັງຕ້ອງແມ່ນຂ້ອຍ. ຂ້ອຍຢາກບອກວ່າຂ້ອຍບໍ່ໄດ້ມີເຈດຕະນາ ຫຼື ຢາກເປັນຜູ້ຕິດເຊື້ອໂຄວິດເລີຍ, ຂ້ອຍໄດ້ລະວັງໂຕເອງຫຼາຍທີ່ສຸດ ແຕ່ສຸດທ້າຍຂ້ອຍກໍບໍ່ລອດຈາກການຕິດເຊື້ອໄວຣັສຕົວນີ້,

ແລະຄືທີ່ຫຼາຍຄົນສົງໄສເຫດຜົນທີ່ປິດເຟສບຸກໄປໄລຍະໜຶ່ງ, ບໍ່ແມ່ນຂ້ອຍປິດໜີຍ້ອນຢ້ານຫຍັງ ແຕ່ການທີ່ຂ້ອຍປິດເຟສບຸກ ຍ້ອນຖືກຄົນກຸ່ມໜຶ່ງມາກັອບຮູບຂອງຂ້ອຍ ລະໄປໂພສໃນທາງບໍ່ດີ, ຮູບສ່ວນໃຫຍ່ແມ່ນຮູບເກົ່າແລ້ວໄດ້ນຳໄປເວົ້າໄປຂຽນໃນທາງທີ່ບໍ່ດີ ແລະ ພາດພິງຄົນອື່ນ ຄົນທີ່ຂ້ອຍຮັກ ແລະ ຮັກຂ້ອຍ ໄປໃນທາງເສຍຫາຍ ແລະ ບໍ່ມີມູນຄວາມຈິງ.

ດັ່ງນັ້ນ, ຂ້ອຍຂໍໂອກາດ ແລະ ໃຊ້ພື້ນທີ່ນ້ອຍໆໃນເຟສບຸກຂອງຂ້ອຍຊີ້ແຈງ ແລະ ອະທິບາຍ ເພື່ອຈະເປັນປະໂຫຍດໃຫ້ແກ່ຫຼາຍໆຄົນດັ່ງນີ້:

  • ຂ້ອຍໄດ້ເດີນທາງໄປສຳມະນາຢູ່ບາງກອກ ຫຼື ກຸງເທບແຕ່ວັນທີ່ 3 ຫາ ວັນທີ 9 ມີນາ (ກ່ອນໄປ, ທາງເຮົາໄດ້ຕິດຕໍ່ສອບຖາມຜູ້ຈັດງານຕະຫຼອດວ່າ ຈະມີການຍົກເລີກ ຫຼື ມີການເລື່ອນງານອອກໄປບໍ່, ເພາະທຳອິດທາງເຮົາຈະຍົກເລີກການເດີນທາງທັນທີຖ້າງານມີການຍົກເລີກ, ທາງຜູ້ຈັດງານເພິ່ນຢືນຢັນວ່າ ງານຍັງຄົງສືບຕໍ່ຈັດ ແລະ ຕອນນັ້ນທາງໄທເພິ່ນຍັງບໍ່ທັນມີການປະກາດເຂົ້າຂັ້ນວິກິດກ່ຽວກັບ Corona virus ຫຼື Covid - 19 ແລະ ທາງເຮົາກໍສອບຖາມກ່ຽວກັບການຮັບມື ແລະ ຄວາມປອດໄພຂອງແຂກກ່ອນເຂົ້າງານ, ຜູ້ຈັດງານຢືນຢັນກ່ຽວກັບຂະບວນການດ້ານຄວາມປອດໄພ ແລະ ວິທີຮັບມືກັບຄົນມາງານຕາມມາດຕະຖານສາກົນ - ມີບ່ອນວັດອຸນຫະພູມ, ຈຸດບໍລິການລ້າງມື, ຈຸດກອງຄົນເຂົ້າອອກ) ເພື່ອຢັ້ງຢືນຖຶງຄວາມປອດໄພຂອງທຸກຄົນທີ່ເຂົ້າຮ່ວມງານຢ່າງເຄັ່ງຄັດ.
  • ທຸກມື້ທີ່ຂ້ອຍຢູ່ກຸງເທບ, ຂ້ອຍໄດ້ພະຍາຍາມປ້ອງກັນໂຕເອງໃຫ້ດີທີ່ສຸດ, ຂ້ອຍໄດ້ໃສ່ຜ້າປິດປາກ ແລະ ລ້າງມືທຸກໆ 20 ນາທີຈົນມືແຫ້ງ ແລະ ລອກ (ນີ້ບໍ່ແມ່ນປະເດັນ, ແຕ່ຢາກໃຫ້ເຂົ້າໃຈວ່າຂ້ອຍໃສ່ໃຈຫຼາຍ ແລະ ບໍ່ໄດ້ປ່ອຍປະລະເລີຍ, ເພາະຂ້ອຍກາຢາກຫຼີກຫຼ່ຽງຄວາມສ່ຽງທີ່ໃນການຕິດເຊື້ອໃຫ້ຫຼາຍທີ່ສຸດ)
  • ວັນທີ 10 ມີນາ ຫຼັງຈາກມາຮອດລາວ, ຕາມກົດລະບຽບຂອງບໍລິສັດ ແລະ ຄວາມສະບາຍໃຈຂອງໂຕເອງນຳ, ທາງຂ້ອຍໄດ້ເດີນທາງໄປກວດສຸຂະພາບຢູ່ໂຮງໝໍ 150 ຕຽງເພື່ອຄອນເຟີມວ່າຂ້ອຍບໍ່ມີເຊື້ອໂຄວິດ, ຂ້ອຍໄດ້ເລົ່າໃຫ້ໝໍຟັງວ່າຂ້ອຍຫາແຕ່ເດີນທາງກັບມາຈາກບາງກອກ ແລະ ຕ້ອງການກວດ Covid ກ່ອນກັບໄປເຮັດວຽກເພື່ອຢັ້ງຢືນວ່າຂ້ອຍບໍ່ມີເຊື້ອກ່ອນ ຈິງຈະກັບໄປເຮັດວຽກຳງໄດ້, ແລະ ທ່ານໝໍໄດ້ຕອບວ່າ, ເພິ່ນບໍ່ສາມາດກວດໃຫ້ໄດ້, ເຊິ່ງເພິ່ນຈະສາມາດກວດໃຫ້ໄດ້ສະເພາະຄົນທີ່ກັບມາຈາກປະເທດກຸ່ມສ່ຽງເທົ່ານັ້ນ ເຊັ່ນວ່າ: ຈີນ, ຮອງກົງ, ເກົາຫຼີ, ອີຕາລີ, ຝຣັ່ງ ແລະ ມື້ນັ້ນ, ທາງໂຮງໝໍພຽງແຕ່ວັດແທກອຸນຫະພູມຂອງຂ້ອຍ ແລະ ເພິ່ນກໍໃຫ້ກັບ ເພາະຈັ່ງໃດເພິ່ນກໍ່ບໍ່ສາມາດກວດໃຫ້ໄດ້ ເພາະເງື່ອນໄຂບໍ່ຄົບ (ຕາມທີ່ເປັນຂ່າວວ່າທາງ ໂຮງໝໍແນະນຳໃຫ້ຂ້ອຍກັກໂຕເອງ 14 ວັນແມ່ນບໍ່ມີມູນຄວາມຈິງ, ເພາະຕອນນັ້ນຍັງບໍ່ມີຂໍ້ແນະນຳສຳລັບການກັກໂຕເອງສຳລັບການເດີນທາງຈາກຕ່າງປະເທດໄທເທື່ອ ),

ແຕ່ນີ້ກໍ່ແມ່ນສິ່ງທີ່ຂ້ອຍປະຕິບັດຫຼັງຈາກກັບມາ:

  1. Health Declaration - ຂ້ອຍໄດ້ກອກຂໍ້ມູນເພື່ອຢືນຢັນກັບຫ້ອງການໂຕເອງ ວ່າໂຕເອງມີສຸຂະພາບປົກກະຕິ ແລະ ບໍ່ມີອາການທີ່ກ່ຽວກັບການຕິດເຊື້ອ ເຊັ່ນ: (ບໍ່ມີໄອ, ໄຂ້, ເຈັບຫົວ, ຫາຍໃຈຍາກ ຫຼືມີນຳມູກ)
  2. ຕາມທີ່ໄດ້ກ່າວມາທາງເທິງ, ຕອນນັ້ນຍັງບໍ່ມີ ໃບແຈ້ງການກ່ຽວກັບ Quarantine ຈາກທາງລັດຖະບານເຮົາເທື່ອ, ຂ້ອຍກໍ່ໄດ້ເຮັດວຽກຢູ່ບ້ານ ຫຼື ເອີ້ນວ່າ work from home ແລະ ເຂົ້າອອບຟິດເປັນຄັ້ງຄາວໃນຍາມຈຳເປັນ (ທຸກຄັ້ງທີ່ເຂົ້າໄປຈະມີຜ້າປິດປາກ ແລະ ເຈວລ້າງມືຕິດໂຕ)
  3. ມີການກວດເຊັກອຸນຫະພູມໂຕເອງທຸກມື້ ເພື່ອກວດໂຕເອງວ່າມີໄຂ້ບໍ່
  4. ການອອກໄປເຈິໝູ່ຄູ່ ຫຼື ໄປທ່ຽວແມ່ນເກືອບຈະບໍ່ມີ, ສ່ວນໃຫຍ່ແມ່ນເຈິບາງຄົນທີ່ເປັນເພື່ອນຮ່ວມງານຫຼັງຈາກເຮັດປະຊຸມ ຜ່ານທາງອອນລາຍແລ້ວ (VDO Call) ແລະ ໝູ່ຂອງແຟນຂ້ອຍເອງ 1 ຄັ້ງ ແລະ ຂ້ອຍຢາກຂໍໂທດຈາກໃຈຂອງຂ້ອຍອີ່ຫຼີ, ເພາະຂ້ອຍບໍ່ຮູ້ ແລະ ເສຍໃຈຫຼາຍກັບເຫດການນີ້ ແລະ ຂ້ອຍເອງທໍລະມານຫຼາຍ ແລະ ພາວະນາຂໍໃຫ້ມັນຜ່ານໄປໄດ້ດີ.

ຄືກັນກັບໝູ່ຂອງຂ້ອຍກໍລະນີທີ 3 ທີ່ຕົວລາວ ຫຼັງຈາກກັບຈາກປະເທດສຸ່ມສ່ຽງກໍຄືປະເທດຝຣັ່ງ ແລະ ດ້ວຍຄວາມທີ່ລາວກໍ່ມິອາການໄອຈິ່ງໄປກວດຫາເຊື້ອພະຍາດໃນວັນທີ 17 ມີນາ 2020 ແຕ່ຜົນກວດພ້ອມທັງມີໃບຢັ້ງຢືນຈາກແພດໃນວັນທີ18 ມີນາ 2020 ອອກມາແລ້ວວ່າບໍ່ພົບເຊື້ອ.

ໃນວັນທີ 19 ມີນາ 2020, ຕອນເວລາປະມານ 5 ໂມງແລງ, ຂ້ອຍໄດ້ໄປເຈິໝູ່ຜູ້ກໍລະນີທີ 3 ຕາມຄຳຊວນຂອງໝູ່ທີ່ຊວນກິນເຂົ້າ,

ກ່ອນລາວຈະເຈິກັບຂ້ອຍ, ລາວໄດ້ເຈິກັບພະນັກງານ DHL (ຜູ້ຕິດເຊື້ອ ກໍລະນີທີ8) ເພື່ອສົ່ງພັດສະດຸບາງຢ່າງ ໃນຕອນເຊົ້າ ແລະ ພະນັກງານຄົນນີ້ເອງ ກໍ່ແມ່ນຜູ້ຕິດເຊື້ອເຊັ່ນດຽວກັນ, ເຊິ່ງຖ້າເບິ່ງຕາມທາມລາຍແລ້ວ, ເປັນໄປໄດ້ຫວາ ວ່າໝູ່ຂອງຂ້ອຍ ຈະຕິດເຊື້ອຈາກຂ້ອຍ? (ເພາະຂ້ອຍກັບລາວບໍ່ໄດ້ເຈິກັນເທື່ອ, ນີ້ກໍໝາຍຄວາມວ່າ ລາວອາດຈະມີເຊື້ອມາກ່ອນ ແຕ່ກວດບໍ່ເຈິໃນຄັ້ງທຳອິດ) ແລະ ເປັນໄປບໍ່ໄດ້ຢ່າງຍິ່ງທີ່ລາວຈະຕິດເຊື້ອຈາກຂ້ອຍ ແລະ ໄປແພ່ເຊື້ອໃຫ້ ພະນັກງານ DHL (ຢ້ຳອີກບາດ1, ໝູ່ຂ້ອຍກໍລະນີທີ 3 ເຈິນຳ ພະນັກງານ DHL ຕອນເຊົ້າ ແລະ ລາວເຈິນຳຂ້ອຍຕອນແລງ, ເຊິ່ງເປັນໄປບໍ່ໄດ້ທີ່ລາວຈະຕິດຈາກຂ້ອຍກ່ອນ, ເພາະວ່າພະນັກງານ DHL ເຈິນຳລາວຕອນເຊົ້າກໍຕິດເຊື້ອເຊັ່ນດຽວກັນ).

ແຕ່ໃນຂະນະດຽວກັນທາງຄອບຄົວຄົນທີ່ໃກ້ຊິດຂ້ອຍທີ່ສຸດກໍ່ຄືພໍ່ຂອງຂ້ອຍ ແລະ ແຟນຂ້ອຍ ເຊິ່ງພວກເຮົາໃຊ້ຊີວິດຮ່ວມກັນທຸກມື້ຈົນຮອດວັນທີ່ 23 ລາວກໍ່ໄດ້ເຂົ້າກວດເຊັ່ນກັນ ແລະ ຜົນອອກມາເປັນລົບ ແລະ ໃນເວລາດຽວກັນ ເພື່ອນຮ່ວມງານຂອງຂ້ອຍທີ່ເປັນຄົນໄທທີ່ໄປຮ່ວມງານນຳກັນ ໄດ້ເດີນທາງໄປກວດ ເຊັ່ນກັນ ແລະ ຜົນກວດຂອງພວກເຂົາ ແມ່ນລົບທັງໝົດ ແລະ ປະຈຸບັນທຸກຄົນກໍຍັງສືບຕໍ່ກັກໂຕອີກ 14 ມື້.

ທີ່ຂຽນເຖິງກໍລະນີທີ 3 ນີ້, ຂ້ອຍຮູ້ສຶກບໍ່ສະບາຍໃຈທີ່ຖືກກ່າວຫາວ່າຍ້ອນພົວພັນນຳຂ້ອຍ, ລາວອາດຈະຕິດເຊື້ອມາແຕ່ຝຣັ່ງ, ພຽງແຕ່ຫາເຊື້ອຄັ້ງທຳອິດບໍ່ເຈິ ແລະ ຂ້ອຍອາດຈະໂຊກຮ້າຍທີ່ໄດ້ຮັບເຊື້ອມາຕໍ່ ແລະ ຂ້ອຍບໍ່ໂທດໃຜໝົດ ເພາະຂ້ອຍກໍເປັນຄົນຮັບເຊື້ອ ແລະ ຮູ້ວ່າມັນທໍລະມານສໍ່າໃດທີ່ເປັນຄົນຖືກເຊື້ອນີ້ ແລະ ຂ້ອຍເຊື່ອວ່າບໍ່ໃຜຢາກນຳເຊື້ອມາແຜ່ໃຫ້ຄົນໃກ້ໂຕ ຫຼື ຄົນທີ່ຮັກດອກ.

ສຸດທ້າຍນີ້, ຂ້າພະເຈົ້າຢາກໃຫ້ທຸກຄົນ ມີສະຕິ ແລະ ບໍປະຫມາດ ເລື່ອງກ່ຽວກັບ ພະຍາດໂຄວິດ 19, ຢາກໃຫ້ທຸກຄົນປະຕິບັດຕາມຄຳແນະນຳຂອງພັກລັດ ຢ່າງເຄັ່ງຄັດ ເພາະວ່າພະຍາດນີ້ ເປັນພະຍາດທີ່ແນມບໍ່ເຫັນ ຫຼື ບໍ່ມີອາການເລີຍ. ເພາະວ່າການພົບປະກັນຫຼາຍກວ່າ 2 ຄົນຂື້ນໄປໝາຍເຖິງວ່າ ມັນຈະມີຄວາມສ່ຽງຕໍໂຕເຈົ້າເອງ ແລະ ສາມາດຕິດເຊື້ອໂດຍບໍຮູ້ໂຕເລີຍ ແລະ ເຈົ້າອາດຈະເອົາເຊື້ອໄປແພ່ຕໍ່ໂດຍທີ່ເຈົ້າບໍ່ໄດ້ເຈດຕະນາ ຫຼື ຕັ້ງໃຈໃຫ້ຄົນອື່ນ.

ສຳລັບຂ້ອຍເອງ, ຂ້ອຍຍັງສືບຕໍ່ຮັກສາປິ່ນປົວ ແລະ ແພດໝໍໄດ້ຕິດຕາມອາການຂອງຂ້ອຍ ຢ່າງໄກ້ຊິດ ແລະ ເຄັ່ງຄັດ. ຫວັງວ່າຂ້ອຍຈະເຊົາ ແລະ ມີອາການດີຂຶ້ນໄວໆນີ້."

Advertisement Replay Ad

ຂໍຂອບໃຈ

ຂໍ້ມູນ : Sang Viradet

"ທ່ານໝໍນຸ້ຍ" ທຸ້ມເທກາຍ ແລະ ໃຈ ໃນການປະຕິບັດໜ້າທີ່ ສູ້ກັບໂຄວິດ-19

"ທ່ານໝໍນຸ້ຍ" ທຸ້ມເທກາຍ ແລະ ໃຈ ໃນການປະຕິບັດໜ້າທີ່ ສູ້ກັບໂຄວິດ-19

ສົມຫວັງ ໄຊສັກດີ ມືລະນາດວົງຕິ່ງນ່ອຍໆ ຄິດໄກກວ່າການຫຼິ້ນດົນຕີລາວເດີມ!

ສົມຫວັງ ໄຊສັກດີ ມືລະນາດວົງຕິ່ງນ່ອຍໆ ຄິດໄກກວ່າການຫຼິ້ນດົນຕີລາວເດີມ!

"ຂ້ອຍເຄີຍຖືກເຂົາເວົ້າໃຫ້ວ່າຂີ້ລ້າຍ" ເລື່ອງລາວການຖືກຂົ່ມເຫງ ບັນຫາທີ່ຝັງຮາກເລິກໃນສັງຄົມລາວ

"ຂ້ອຍເຄີຍຖືກເຂົາເວົ້າໃຫ້ວ່າຂີ້ລ້າຍ" ເລື່ອງລາວການຖືກຂົ່ມເຫງ ບັນຫາທີ່ຝັງຮາກເລິກໃນສັງຄົມລາວ

ບາງຂໍ້ກົດໝາຍທີ່ຄູ່ຜົວເມຍຄວນຮູ້ ກ່ອນທີ່ຈະຕັດສິນໃຈໄປມີເລັກມີນ້ອຍ

ບາງຂໍ້ກົດໝາຍທີ່ຄູ່ຜົວເມຍຄວນຮູ້ ກ່ອນທີ່ຈະຕັດສິນໃຈໄປມີເລັກມີນ້ອຍ

ຄວນຢຸດໄດ້ແລ້ວ ຄອມເມັ້ນ "ສົນໃຈເດີ" ຖ້າຢາກໄດ້ວຽກ ຢ່າເຮັດ!

ຄວນຢຸດໄດ້ແລ້ວ ຄອມເມັ້ນ "ສົນໃຈເດີ" ຖ້າຢາກໄດ້ວຽກ ຢ່າເຮັດ!

ລົດໜັກພາຂົວຫັກ: ຂົວນໍ້າພະນາຍ ບ້ານເກິນຫັກ ກະທົບການສັນຈອນ

ລົດໜັກພາຂົວຫັກ: ຂົວນໍ້າພະນາຍ ບ້ານເກິນຫັກ ກະທົບການສັນຈອນ

ຢາກເດີນທາງເຂົ້າ-ອອກລາວຕ້ອງເຮັດແນວໃດ? ນີ້ແມ່ນທຸກຢ່າງທີ່ເຈົ້າຕ້ອງຮູ້ໄວ້

ຢາກເດີນທາງເຂົ້າ-ອອກລາວຕ້ອງເຮັດແນວໃດ? ນີ້ແມ່ນທຸກຢ່າງທີ່ເຈົ້າຕ້ອງຮູ້ໄວ້

ທຸກຢ່າງທີ່ຜູ້ອອກແຮງງານຕ້ອງຮູ້ ກ່ຽວກັບມາດຕະການດ້ານແຮງງານໃນໄລຍະ ແລະ ຫຼັງການລະບາດຂອງໂຄວິດ-19

ທຸກຢ່າງທີ່ຜູ້ອອກແຮງງານຕ້ອງຮູ້ ກ່ຽວກັບມາດຕະການດ້ານແຮງງານໃນໄລຍະ ແລະ ຫຼັງການລະບາດຂອງໂຄວິດ-19

ນີ້ແມ່ນກົນໂກງຂອງແມ່ຫວຍອອນລາຍ ໃຊ້ຕົວະຕົ້ມເອົາເງິນຂອງລູກຫວຍຫຼາຍກວ່າ 1,500 ລ້ານກີບ

ນີ້ແມ່ນກົນໂກງຂອງແມ່ຫວຍອອນລາຍ ໃຊ້ຕົວະຕົ້ມເອົາເງິນຂອງລູກຫວຍຫຼາຍກວ່າ 1,500 ລ້ານກີບ

ສະຫຼຸບເຫດການ ຊາຍຜິວດຳຢູ່ສະຫະລັດເສຍຊີວິດຫຼັງຖືກຕຳຫຼວດຈັບກຸມ ຈົນກາຍເປັນກະແສໄປທົ່ວໂລກ

ສະຫຼຸບເຫດການ ຊາຍຜິວດຳຢູ່ສະຫະລັດເສຍຊີວິດຫຼັງຖືກຕຳຫຼວດຈັບກຸມ ຈົນກາຍເປັນກະແສໄປທົ່ວໂລກ

ໂຄວິດ-19 ມີຜົນກະທົບແນວໃດ ຕໍ່ການປ່ຽນແປງດິນຟ້າອາກາດ?

ໂຄວິດ-19 ມີຜົນກະທົບແນວໃດ ຕໍ່ການປ່ຽນແປງດິນຟ້າອາກາດ?

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ