ວັນເສົາ ທີ 4 ເມສາ 2020

ຫວຽດນາມໄດ້ຮັບສຽງຊົມເຊີຍ ຄວບຄຸມໄວຣັດໄດ້ດີເຖິງວ່າຈະມີຊັບພະຍາກອນຈຳກັດ

ຫວຽດນາມໄດ້ຮັບສຽງຊົມເຊີຍ ຄວບຄຸມໄວຣັດໄດ້ດີເຖິງວ່າຈະມີຊັບພະຍາກອນຈຳກັດ

​ເປັນ​ອີກ​ປະເທດ​ໜຶ່ງ​ທີ່​ເບິ່ງ​ຈະ​ສາມາດ​ຄວບ​ຄຸມ​ການ​ລະບາດ​ຂອງ​ພະຍາດ​ໂຄ​ວິດ​-19 ໄດ້​ດີ ຊຶ່ງ​ສື່​ຕ່າງ​ປະເທດ​ຊີ້​ວ່າ​ປັດໄຈ​ຄວາມສຳເລັດ​ມາ​ຈາ​ການ​ຈັດການແບບບຸກ​ ເຖິງວ່າຈະ​ມີ​ຊັບພະຍາກອນ​ຈຳ​ກັດ ໂດຍ​ໃຫ້​ຄວາມ​ສຳຄັນ​ຕໍ່​ການ​ຈຳກັດບໍລິເວນ ​ແລະ ​ຕິດ​ຕາມ​ຜູ້​ສຳ​ຜັດ​ພະຍາດ.

ເວັບ​ໄຊ​ Financial Times ກ່າວ​ວ່າ​ ໃນ​ຂະນະ​ທີ່​ປະຊາຊົນ​ສ່ວນ​ໃຫຍ່​ກຳ​ລັງ​ສະຫຼອງ​ເທດ​ການ​ເຕ​ດ ຫຼື ​ປີໃໝ່​ຂອງ​ຫວຽດນາມ, ນາຍົກ​ລັດຖະມົນຕີ 'ຫງວຽນ ຊວນ ຟຸກ' ຂອງ​ຫວຽດນາມ​ກໍ​ກຳ​ລັງ​ປະ​ຊຸມລັດຖະມົນຕີ​ເພື່ອ​ປະ​ກາດ​ສົງຄາມ​ກັບ​ໄວ​ຣັດ​ໂຄ​ໂຣ​ນາ​ທີ່​ກຳ​ລັງ​ລະບາດ​ຢູ່ໃນ​ຈີນ. ໄລຍະ​ປາຍ​ເດືອນ​ມັງກອນ, ຜູ້​ນຳ​ຫວຽດນາມ​ໄດ້​ເຕືອນ​ວ່າ ​ການ​ຕິດ​ເຊື້ອ​ອາດ​ມາ​ເຖິງ​ຫວຽດນາມ​ໃນ​ໄວ​ໆ​ນີ້ ​ແລະ ​ການ​ຕໍ່ສູ້​ກັບ​ການ​ລະບາດ​ກໍ​ຄື​ການ​ຕໍ່ສູ້​ກັບ​ສັດຕູ.

ໃນ​ຂະນະ​ທີ່​ການ 'ກວດ​ຫຼາຍ​-​ພົບ​ຫຼາຍ' ຄື​ປັດໄຈ​ຄວາມສຳເລັດ​ໃນ​ການ​ຄວບຄຸມ​ພະຍາດ​ຂອງ​ເກົາ​ຫຼີ​ໃຕ້, ແຕ່​ຫວຽດນາມ​ຊຶ່ງ​ຮັ່ງມີໜ້ອຍ​ກວ່າ ມີ​ຊັບພະຍາກອນ​ທີ່​ຈຳ​ກັດ​ຫຼາຍກວ່າ​ໃຫ້​ຄວາມ​ສຳຄັນ​ກັບ​ການ​ແຍກ​ຜູ້​ຕິດ​ເຊື້ອ​ອອກ​ມາ ແລະ ​ຕິດ​ຕາມ​ຫາ​ຜູ້​ທີ່​ມີ​ປະຫວັດ​ສຳ​ຜັດ​ກັບ​ຜູ້​ຕິດ​ເຊື້ອ​ຕໍ່ເປັນກຸ່ມທີສອງ​ ແລະ ​ສາມ.

ທ່ານ '​ເຈີ່ນ ດັກ ຟູ' ເຈົ້າໜ້າທີ່​ສາທາລະນະສຸກ​ອາ​ວຸ​ໂສ​ຊຶ່ງ​ເປັນ​ທີ່​ປຶກ​ສາ​ສູນ​ປະຕິບັດການ​ສຸກ​ເສີນ​ຂອງ​ຫວຽດນາມ​ກ່າວ​ວ່າ Mass Testing ຫຼື ການ​ພະຍາຍາມ​ຄົ້ນ​ຫາ​ຜູ້​ທີ່​ມີ​ເຊື້ອ​ໃຫ້​ໄດ້​ຫຼາຍ​ທີ່ສຸດ​ນັ້ນ​ເປັນ​ເລື່ອງ​ດີ, ແຕ່​ກໍ​ຂຶ້ນ​ຢູ່​ກັບ​ຊັບພະຍາກອນ​ຂອງ​ແຕ່​ລະ​ປະເທດ. ສິ່ງ​ສຳຄັນ​ຄື ເຮົາ​ຈຳ​ເປັນ​ຕ້ອງ​ຮູ້​ຈຳນວນ​ຂອງ​ຄົນທີ່​ອາດ​ສຳ​ຜັດ​ກັບ​ພະຍາດ ຫຼື ເດີນທາງ​ກັບ​ຈາກ​ພື້ນ​ທີ່​ລະບາດ​ໃຫຍ່ ຈາກ​ນັ້ນ​ກໍ​ກວດ​ຫາ​ເຊື້ອ​ຄົນ​ເຫຼົ່າ​ນີ້. ​ນອກ​ຈາກ​ມາດຕະການ​ເຂັ້ມ​ຂຸ້ນ​ໃນ​ການ​ສືບ​ຫາ​ຜູ້​ທີ່​ສຳ​ຜັດ​ກັບ​ຜູ້​ຕິດ​ເຊື້ອ​ແລ້ວ, ມາດຕະການ​ຂອງ​ພັກ​ກອມມູນິດຍັງ​ລວມທັງ​ການ​ບັງຄັບ​ໃຫ້​ຈຳກັດບໍລິເວນ ແລະ ​ເກນ​ນັກ​ຮຽນ​ແພດ ລວມທັງ​ແພດ ​ແລະ ພະຍາບານ​ທີ່​ກະສຽນ​ໄປ​ແລ້ວ​ມາ​ຮ່ວມ​ສູ້​ໂຄ​ວິດ​-19 ອີກ​ດ້ວຍ.

ໃນໄລຍະທ້າຍ​ອາທິດ​ທີ່​ຜ່ານມາ, ລັດຖະບານ​ຫວຽດນາມ​ໄດ້​ອອກ​ຄຳ​ສັ່ງ​ໃຫ້​ທຸກ​ຄົນທີ່​ເດີນທາງ​ເຂົ້າ​ປະເທດ​ຕ້ອງ​ຖືກ​ຈຳກັດບໍລິເວນ 14 ມື້ ແລະ​ ຍົກເລີກ​ຖ້ຽວ​ບິນ​ຕ່າງ​ປະເທດ​ທັງ​ໝົດ. ທ່ານ 'ເຈີ່ນ ດັກ ຟູ' ກ່າວ​ວ່າ ​ທາງ​ການ​ໄດ້​ລະ​ດົມ​ທຸກ​ພາກ​ສ່ວນ​ຂອງ​ສັງຄົມ​ມາ​ເຕີມ​ຄວາມ​ສາມາດ​ເພື່ອ​ຕໍ່ສູ້​ກັບ​ໄວ​ຣັດ​ຮ່ວມ​ກັນ ເປັນ​ເລື່ອງ​ສຳຄັນ​ຢ່າງ​ຍິ່ງ​ໃນ​ການ​ຫາ​ຜູ້​ຕິດ​ເຊື້ອ​ໃຫ້​ພົບຕັ້ງ​ແຕ່​ຕົ້ນ ​ແລະ ​ແຍກ​ຜູ້​ຕິດ​ເຊື້ອ​ອອກ​ມາ. ຫຼ້າ​ສຸດ ຫວຽດນາມ​ມີ​ຜູ້​ຕິດ​ເຊື້ອ​ໃນ​ປະເທດ 123 ກໍລະນີ ແລະ ຍັງ​ບໍ່​ມີ​ລາຍງານ​ຜູ້​ເສຍຊີວິດ. ​ຈົນ​ເຖິງ​ວັນທີ 20 ມີນາ ຫວຽດນາມ​ໄດ້​ກວດ​ຫາ​ເຊື້ອ​ປະຊາຊົນ​ໄປ​ແລ້ວ 15,637 ກໍລະນີ ຖື​ເປັນ​ຈຳນວນ​ທີ່​ຫ່າງ​ໄກຈາກ​ເກົາ​ຫຼີ​ໃຕ້​ຊຶ່ງ​ມີ​ການ​ກວດ​ຫາ​ເຊື້ອ​ໄປ​ຫຼາຍ​ເຖິງ 338,000 ກໍລະນີ.  

Financial Times ຍັງ​ກ່າວ​ວ່າ​ໃນ​ຂະນະ​ທີ່​ປະເທດ​ອື່ນ​ໆ​ໃນ​ອາຊີ​ຕາເວັນ​ອອກ​ສ່ຽງ​ໃຕ້​ທີ່​ມີ​ການ​ກວດ​ຫາ​ເຊື້ອ​ຈຳ​ກັດ, ຈຳນວນ​ຜູ້​ຕິດ​ເຊື້ອ​ທີ່​ແທ້​ຈິງ​ອາດ​ສູງ​ກວ່າ​ທີ່​ລາຍງານຫຼາຍ ແຕ່​ການ​ຕອບສະໜອງ​ຂອງ​ຫວຽດນາມຍັງ​ຄົງ​ໜ້າ​ປະ​ທັບ​ໃຈ ໂດຍ​ຫວຽດນາມ​ສັ່ງ​ໂຈະ​ຖ້ຽວ​ບິນ​ທັງ​ຂາ​ໄປ​ ແລະ​ ມາ​ຈາກ​ຈີນ​ເມື່ອ​ວັນທີ 1 ກຸມພາ, ໂຮງຮຽນ​ໃນ 2 ເມືອງ​ໃຫຍ່​ຂອງ​ຫວຽດນາມ​ເຊັ່ນ: ​ນະຄອນຫຼວງຮ່າໄນ້ຍ ​ແລະ ​ນະຄອນ​ໂຮ​ຈິ​ມິງ ແລະ ​ເກືອບ​ທຸກ​ແຂວງ​ຖືກ​ສັ່ງ​ໃຫ້ຍັງ​ຄົງ​ປິດ​ການ​ຮຽນ​ການ​ສອນ​ຫຼັງ​ເທດ​ການປີໃໝ່ຫວຽດ. ເມື່ອ​ວັນທີ 13 ກຸມພາ ຫວຽດນາມ​ເປັນ​ປະເທດ​ທຳອິດ​ຕໍ່​ຈາກ​ຈີນ​ທີ່​ປິດ​ພື້ນ​ທີ່​ຢູ່​ອາໄສ​ເປັນ​ວົງ​ກວ້າງ ໂດຍ​ບັງຄັບ​ໃຊ້​ມາດຕະການ​ຄວບ​ຄຸມ​ພະຍາດ 21 ມື້ ໃນ​ບາງ​ພື້ນ​ທີ່​ຂອງ​ແຂວງ​ຫວິນ​ຟຸກ ທາງພາກ​ເໜືອ​ຂອງ​ນະຄອນຫຼວງ​ຮ່າໂນ້ຍ​ຊຶ່ງ​ມີ​ປະຊາກອນ​ກວ່າ 10,000 ຄົນ ຫຼັງ​ພົບ​ຜູ້​ຕິດ​ເຊື້ອ​ທີ່​ມີ​ປະຫວັດ​ກັບ​ຈາກ​ການ​ເຮັດ​ວຽກງານ​ທີ່​ເມືອງ​ອູ່​ຮັ້ນ.

ການ​ຕອບສະໜອງ​ຕໍ່​ພະຍາດລະບາດ​ເທື່ອ​ນີ້​ຂອງ​ຫວຽດນາມ​ໄດ້ຮັບ​ສຽງ​​ຊົມເຊີຍ​ຈາກ​ຜູ້​ແທນ​ອົ​ງ​ການ​ອະນາໄມ​ໂລກ​ປະຈຳ​ນະຄອນຫຼວງຮ່າໂນ້ຍ​ເຖິງ​ມາດຕະການ​ແບບບຸກ ​ແລະ ​ການ​ຕອບສະໜອງ​ຢ່າງ​ຄົງ​ເສັ້ນ​ຄົ​ງວາ.

ລັດຖະບານ​ຫວຽດນາມ​ອາດ​ຮຽນ​ຮູ້​ຄວາມ​ຜິດ​ພາດ​ຈາກ​ຈີນ 

Financial Times ກ່າວ​ວ່າ ​ເຈົ້າໜ້າທີ່​ລັດຖະບານ​ຫວຽດນາມ​ເບິ່ງ​ຈະ​ມີ​ຄວາມ​ໂປ່ງ​ໃສ​ໃນ​ການ​ຮັບ​ມື​ໄວ​ຣັດ​ລະບາດ​ເທື່ອ​ນີ້. ກົງກັນຂ້າມ​ຈາກ​ວິກິດ​ກາ​ນ​​ອື່ນ​ໆ ເຊັ່ນ: ​ເຫດການ​ສານ​ເຄ​ມີ​ຮົ່ວ​ໄຫຼ​ເມື່ອ​ປີ 2016 ທີ່​ສ້າງ​ຄວາມ​ບໍ່​ພໍ​ໃຈ​ໃຫ້​ກັບ​ປະຊາຊົນ ໂດຍ​ໃນ​ການ​ຕໍ່ສູ້​ກັບ​ໂຄ​ວິດ​-19 ກະ​ຊວງ​ສາທາລະນະສຸກ​ຫວຽດນາມ​ໄດ້​ສົ່ງ​ຂໍ້ຄວາມ​ທັງ​ຂ່າວ​ທີ່​ກ່ຽວກັບ​ໄວ​ຣັດ​ ແລະ ​ເຄັດ​ລັບ​ເບິ່ງ​ແຍງ​ສຸຂະພາບ​ໄປຍັງ​ໂທລະ​ສັບ​ມື​ຖື​ຂອງ​ປະຊາຊົນ​ຢູ່​ເປັນ​ປະຈຳ. ຜົນ​ສຳ​ຣວດ​ເມື່ອ​ບໍ່​ດົນ​ມາ​ນີ້​ຂອງ 'ນີລ​ເສນ ຫວຽດນາມ' ບໍລິສັດ​ວິ​ໄຈ​ກາ​ນຕະຫຼາດ​ພົ​ບວ່າ ຜູ້​ຕອບ​ແບບ​ສຳ​ຫຼວດ​ສ່ວນ​ໃຫຍ່​ມີ​ຄວາມ​ເຂົ້າໃຈ​ຢ່າງ​ສູງ​ເຖິງ​ອາການ​ຕ່າງ​ໆ​ຂອງ​ໂຄ​ວິດ​-19. ຂະນະ​ທີ່​ຄວາມ​ພະຍາຍາມ​ຂອງ​ລັດຖະບານ​ໃນ​ການ​ຕໍ່ສູ້​ການ​ລະບາດ​ຂອງ​ໂຄ​ວິດ​-19 ໄດ້ຮັບ​ການ​ສະໜັບ​ສະໜຸນ​ຈາກ​ປະຊາຊົນ​ໂດຍ​ການ​ວັດ​ຈາກ​ໂພ​ສ​ຕ່າງ​ໆ​ເທິງ​ໂຊ​ຊຽວ​ມີ​ເດຍ​ທີ່​ໃຫ້​ກຳ​ລັງ​ໃຈ​ບຸກ​ຄະລາກ​ອນທາງ​ການ​ແພດ ແລະ​ ມີມແບບໂປສ​ເຕ​ີ​ໂຄສະ​ນາ​ຊວນ​ເຊື່ອ​ທີ່​ເປັນ​ກະແສ​ເທິງ​ອິນ​ເທ​ີ​ເນັດ ຊຶ່ງ​ມີ​ຂໍ້ຄວາມ​ວ່າ​ການ “ການ​ຢູ່​ເຮືອນ​ຄື​ການ​ຮັກ​ປະເທດ​ຊາດ”. 

ສ່ວນ​ບົດ​ຄວາມ​ຈາກ​ເວັບ​ໄຊ The Diplomat ເຫັນ​ວ່າ ​ໃນ​ຖານະ​ປະເທດ​ທີ່​ປົກຄອງ​ດ້ວຍ​ພັກ​ການ​ເມືອງ​ພັກ​ດຽວ, ຫວຽດນາມ​ມີສະ​ຖາ​ບັນ​ທາງ​ການ​ເມືອງ​ຂ້ອນ​ຂ້າງ​ຄ້າຍ​ຈີນ ແຕ່​ທີ່​ຜ່ານມາ​ຫວຽດນາມ​ກໍ​ຖືກ​ເຫັນ​ວ່າ ​ມີ​ຄວາມ​ເປີດ​ກວ້າງ​ກວ່າ​ຫຼາຍ​ໃນ​ເລື່ອງ​ການ​ເຊັນ​ເຊ​ີ​ສື່​ ແລະ ​ການ​ຄວບ​ຄຸມ​ຂໍ້​ມູນ. ປະຊາຊົນ​ໃນ​ຫວຽດນາມ​ສາມາດ​ໃຊ້​ສື່​ໂຊ​ຊຽວ​ມີ​ເດຍ​ເກືອບ​ທຸກ​ຢ່າງ​ທີ່​ມີ​ຢູ່ ໂດຍ​ສະເພາະ​ເຟ​ສ​ບຸກ​ທີ່​ຖືກ​ໃຊ້​ຢ່າງ​ກວ້າງ​ຂວາງ ​ແລະ ​ເປັນ​ແພລດ​ຟອມ​ສຳລັບ​ການ​ແບ່ງປັນ​ຂໍ້​ມູນ. ເຊັ່ນ​ດຽວ​ກັບ​ສະແດງ​ຄວາມ​ເຫັນ​ວິ​ຈານ​ນະໂຍ​ບາຍ​ລັດຖະບານ​ທັງ​ທາງ​ກົງ ​ແລະ ​ທາງ​ອ້ອມ.

ໃນ​ຂະນະ​ທີ່​ສື່​ຈີນ​ຊ້າ​ເລື່ອງ​ການ​ເປີດ​ເຜີຍ​ຄວາມ​ຄວາມ​ສ່ຽງ ​ແລະ ​ຂໍ້​ມູນ​ກ່ຽວກັບ​ພະຍາດ​ອັກ​ເສບປອດປິ​ດສະໜາ​ໃນ​ເມືອງ​ອູ່​ຮັ້ນ. ແຕ່​ຂໍ້​ສົງ​ໄສ​ຕ່າງ​ໆ​ກ່ຽວກັບ​ສ​ະຖິ​ຕິ​ພະຍາດ​ດັ່ງ​ກ່າວ​ຈາກ​ຈີນ​ໃນໄລຍະ​ທຳອິດ​ຂອງ​ການ​ລະບາດ ໄດ້​ຖືກ​ເປີດ​ເຜີຍ​ຕໍ່​ຜູ້​ໃຊ້​ອິນ​ເຕີ​ເນັດ​ໃນ​ຫວຽດນາມ​ຈົນ​ເຮັດໃຫ້​ເກີດ​ຄວາມ​ຮັບຮູ້​ໃນ​ການ​ປ້ອງ​ກັນ​ຕົວ​ຫຼາຍ​ຂຶ້ນ. ນັກ​ວິ​ຊາ​ການ​ບາງ​ຄົນ​ຖືກ​ວິ​ຈາ​ນຢ່າງໜັກ​ເມື່ອ​ສະເໜີວ່າ​ ໜ້າ​ກາກ​ອະນາໄມ​ບໍ່​ຈຳ​ເປັນ ຫຼື ໄວ​ຣັດ​ໂຄ​ໂຣ​ນາ​ບໍ່​ອັນຕະລາຍ​ເທົ່າ​ໄຂ້​ຫວັດ​ຕາມ​ລະດູ​ການ​ໃນ​ສະ​ຫະລັດ ຊຶ່ງ​ການ​ຕອບສະໜອງ​ເຫຼົ່າ​ນີ້​ສະແດງ​ໃຫ້​ລັດຖະບານ​ຫວຽດນາມ​ເຫັນ​ເຖິງ​ພະລັງ​ຂອງ​ໂຊ​ຊຽວເນັດ​ເ​ວີກ. 

ຂະນະ​ດຽວ​ກັນ ລັດຖະບານ​ຫວຽດນາມ​ເບິ່ງ​ຄືວ່າຈະ​ຍອມ​ຮັບ​ວ່າ​ການ​ປິດ​ກັ້ນ​ຂໍ້​ມູນ​ແບບ​ຈີນ​ມີ​ແຕ່​ຈະ​ເຮັດໃຫ້​ສະຖານະການ​ເຮັ່ງຮ້າຍ​ລົງ ຈຶ່ງ​ຄົງ​ຄວາມ​ໂປ່ງ​ໃສ​ໃນ​ເລື່ອງ​ຂໍ້​ມູນ​ກ່ຽວກັບ​ໂຄ​ວິດ​-19 ເຊັ່ນ​ດຽວ​ກັບ​ອະນຸຍາດ​ໃຫ້​ຂໍ້​ມູນ​ທີ່​ບໍ່​ຈຳ​ກັດ​ເຜີຍແຜ່​ເທິງ​ເຟ​ສບຸກ. 

ຢ່າງໃດ​ກໍ​ຕາມ ວິທີ​ການ​ບາງຢ່າງ​ຂອງ​ຫວຽດນາມ​ກໍ​ເຂັ້ມ​ງວດ, ຜູ້​ທີ່​ຖືກ​ພົ​ບວ່າ​ແຊ​ “ຂ່າວ​ປອມ” ກ່ຽວກັບ​ໄວ​ຣັດ​ດັ່ງ​ກ່າວ​ຈະ​ຖືກ​ຕຳ​ຫຼວດ​ເອີ້ນມາ​ສອບ​ປາກ​ຄຳ​ ແລະ ​ມີ​ປະ​ມານ 800 ຄົນ​ແລ້ວ​ທີ່​ຖືກ​ລົງໂທດ​ປັບໃໝ. ຂະນະ​ທີ່​ເຄືອ​ຂ່າຍ​ຜູ້​ແຈ້ງ​ຂໍ້​ມູນ​ແຫ່ງ​ຊາດ​ຂອງ​ຫວຽດນາມ​ໄດ້​ຊ່ວຍ​ໃນ​ການ​ຕິດ​ຕາມ​ຜູ້​ຕິດ​ເຊື້ອ ຊຶ່ງ​ຫົວ​ໜ້າ​ໜ່ວຍ​ງານ​ພະຍາດ​ຕິດ​ເຊື້ອ​ທີ່​ໂຮງໝໍ​ເດັກ​ນະຄອນ​ໂຮ່​ຈິ​ມິງ​ເປີດເຜີຍ​ວ່າ ເພື່ອນ​ບ້ານ​ຈະ​ຮູ້​ຖ້າ​ເຮົາ​ເດີນທາງ​ກັບ​ມາ​ຈາກ​ຕ່າງ​ປະເທດ ​ແລະ ​ຫາກ​ມີ​ຜູ້​ຕິດ​ເຊື້ອຈັກ​ຄົນ​ໃນ​ພື້ນ​ທີ່​ພວກ​ເຂົາ​ກໍ​ຈະ​ລາຍ​ງານ.

ທັງ​ນີ້ ໂຄສົ​ກ​ລັດຖະບານ​ຫວຽດນາມ​ກ່າວ​ວ່າ ລັດຖະບານ​ໄດ້​ດຳ​ເນີນ​ມາດຕະການ​ຫຼາຍ​ຢ່າງ​ທີ່​ເຄັ່ງຄັດ​ ແລະ ​ເໝາະ​ສົມ​ເພື່ອ​ຄວບ​ຄຸມ​ການ​ລະບາດ​ຂອງ​ໄວ​ຣັດ ແລະ​ ຈົນ​ເຖິງ​ມື້​ນີ້​ຫວຽດນາມ​ກໍຍັງ​ຄົງ​ມີ​ອັດຕາ​ຜູ້​ຕິດ​ເຊື້ອ​ຕ່ຳ​ ແລະ ​ບໍ່​ມີ​ຜູ້​ເສຍຊີວິດ.

Advertisement Replay Ad

ຂໍຂອບໃຈ

ຂໍ້ມູນ : Voice TV

ບໍ່ແກ້ວແຈ້ງປິດທຸກເສັ້ນທາງໃນຕອນກາງຄືນ ຈົນກວ່າໂຄວິດ-19​ ຈະຢຸດເຊົາ ຝ່າຝືນປະຕິບັດຕາມລະບຽບກົດໝາຍ

ບໍ່ແກ້ວແຈ້ງປິດທຸກເສັ້ນທາງໃນຕອນກາງຄືນ ຈົນກວ່າໂຄວິດ-19​ ຈະຢຸດເຊົາ ຝ່າຝືນປະຕິບັດຕາມລະບຽບກົດໝາຍ

ຍອດຕິດເຊື້ອຍັງຄົງທີ່! ຄະນະສະເພາະກິດເຜີຍ ຍອດຜູ້ຕິດເຊື້ອໂຄວິດ-19 ໃນລາວ ຍັງຢູ່ທີ່ 10 ກໍລະນີ

ຍອດຕິດເຊື້ອຍັງຄົງທີ່! ຄະນະສະເພາະກິດເຜີຍ ຍອດຜູ້ຕິດເຊື້ອໂຄວິດ-19 ໃນລາວ ຍັງຢູ່ທີ່ 10 ກໍລະນີ

ຂໍຊົມເຊີຍນໍ້າໃຈພົນລະເມືອງດີ “ຫຼຸດຄ່າເຊົ່າຫ້ອງ” ເພື່ອຊ່ວຍເຫຼືອກັນ ໃນວິກິດໂຄວິດ-19

ຂໍຊົມເຊີຍນໍ້າໃຈພົນລະເມືອງດີ “ຫຼຸດຄ່າເຊົ່າຫ້ອງ” ເພື່ອຊ່ວຍເຫຼືອກັນ ໃນວິກິດໂຄວິດ-19

'ເຊິນເຈິ້ນ' ຫ້າມຊື້-ຂາຍໝາ ແລະ ແມວ ເພື່ອການບໍລິໂພກ ເປັນເມືອງທຳອິດຂອງຈີນ

'ເຊິນເຈິ້ນ' ຫ້າມຊື້-ຂາຍໝາ ແລະ ແມວ ເພື່ອການບໍລິໂພກ ເປັນເມືອງທຳອິດຂອງຈີນ

ສູນຂ່າວຂອງທາງການໂຕ້ ຂ່າວລືພົບຜູ້ຕິດເຊື້ອໂຄວິດ-19 ໃໝ່ 10 ກໍລະນີ ແມ່ນ "ຂ່າວປອມ"

ສູນຂ່າວຂອງທາງການໂຕ້ ຂ່າວລືພົບຜູ້ຕິດເຊື້ອໂຄວິດ-19 ໃໝ່ 10 ກໍລະນີ ແມ່ນ "ຂ່າວປອມ"

ຜູ້ຕິດໂຄວິດ-19 ລາຍທີ 2 ຂອງລາວອອກມາກ່າວຂໍໂທດ ຊີ້ ປິດເຟສບຸກ ຍ້ອນຖືກເອົາຮູບໄປໂພສທາງບໍ່ດີ

ຜູ້ຕິດໂຄວິດ-19 ລາຍທີ 2 ຂອງລາວອອກມາກ່າວຂໍໂທດ ຊີ້ ປິດເຟສບຸກ ຍ້ອນຖືກເອົາຮູບໄປໂພສທາງບໍ່ດີ

ສະຖານສຶກສາເອກະຊົນ ຕ້ອງຈ່າຍເງິນເດືອນຄູ-ອາຈານ ພະນັກງານໃຫ້ເປັນປົກກະຕິ ໄລຍະພັກຮຽນຊົ່ວຄາວ

ສະຖານສຶກສາເອກະຊົນ ຕ້ອງຈ່າຍເງິນເດືອນຄູ-ອາຈານ ພະນັກງານໃຫ້ເປັນປົກກະຕິ ໄລຍະພັກຮຽນຊົ່ວຄາວ

ໂຄວິດ-19: ຍອດຜູ້ຕິດເຊື້ອທົ່ວໂລກຮອດ 1 ລ້ານລາຍແລ້ວ - ປິດເມືອງໃນຫຼາຍກວ່າ 90 ປະເທດ ແລະ ເຂດປົກຄອງ

ໂຄວິດ-19: ຍອດຜູ້ຕິດເຊື້ອທົ່ວໂລກຮອດ 1 ລ້ານລາຍແລ້ວ - ປິດເມືອງໃນຫຼາຍກວ່າ 90 ປະເທດ ແລະ ເຂດປົກຄອງ

ກໍລະນີຕິດໂຄວິດ-19 ລາຍທີ 3 ຂອງລາວ ໂພສເຟສບຸກຂໍໂທດທຸກຄົນ ພ້ອມຮ້ອງຂໍໃຫ້ທຸກຄົນມີສະຕິລະວັງຕົວ

ກໍລະນີຕິດໂຄວິດ-19 ລາຍທີ 3 ຂອງລາວ ໂພສເຟສບຸກຂໍໂທດທຸກຄົນ ພ້ອມຮ້ອງຂໍໃຫ້ທຸກຄົນມີສະຕິລະວັງຕົວ

ສາທາແຂວງຫົວພັນ​ຖະແຫຼງ ມີຜູ້ເດີນທາງເຂົ້າແຂວງທີ່ມາຈາກປະເທດກຸ່ມສ່ຽງທັງໝົດ 434 ຄົນ​ ມີ 6 ກໍລະນີສົງໄສ

ສາທາແຂວງຫົວພັນ​ຖະແຫຼງ ມີຜູ້ເດີນທາງເຂົ້າແຂວງທີ່ມາຈາກປະເທດກຸ່ມສ່ຽງທັງໝົດ 434 ຄົນ​ ມີ 6 ກໍລະນີສົງໄສ

ເຈົ້າແຂວງບໍລິຄຳໄຊລົງຕິດຕາມກວດກາສະພາບການປ້ອງກັນການແພ່ລະບາດ ໂຄວິດ-19

ເຈົ້າແຂວງບໍລິຄຳໄຊລົງຕິດຕາມກວດກາສະພາບການປ້ອງກັນການແພ່ລະບາດ ໂຄວິດ-19

ສປ ຈີນ​ ກວດພົບຜູ້ຕິດເຊື້ອໂຄວິດ-19 ທີ່ບໍ່ສະແດງອາການ 1,367​ ຄົນ​

ສປ ຈີນ​ ກວດພົບຜູ້ຕິດເຊື້ອໂຄວິດ-19 ທີ່ບໍ່ສະແດງອາການ 1,367​ ຄົນ​

ຄະນະນໍາແຂວງໄຊສົມບູນ ໃຫ້ແພດ-ໝໍກຽມພ້ອມຮັບມືກັບທຸກສະຖານະການ ໂດຍສະເພາະໂຄວິດ-19

ຄະນະນໍາແຂວງໄຊສົມບູນ ໃຫ້ແພດ-ໝໍກຽມພ້ອມຮັບມືກັບທຸກສະຖານະການ ໂດຍສະເພາະໂຄວິດ-19

ຄົນຫາປາເຂົ້າໄປຕິດໃນຖ້ຳລອດ​ເປັນເວລາ 7 ມື້ ຍັງຄົ້ນຫາບໍ່ພົບ​ ຊາວບ້ານເຊື່ອອາດມີອາຖັນ

ຄົນຫາປາເຂົ້າໄປຕິດໃນຖ້ຳລອດ​ເປັນເວລາ 7 ມື້ ຍັງຄົ້ນຫາບໍ່ພົບ​ ຊາວບ້ານເຊື່ອອາດມີອາຖັນ

ແພດຊີ້ ຜູ້​ຕິດ­ເຊື້ອໂຄວິດ-19 ຈຳ­ນວນ 7 ຄົນຢູ່ນະຄອນຫຼວງວຽງຈັນ​ ​​ອາ­ການ​ດີ​ຂຶ້ນ​ເປັນ​ລຳ­ດັບ

ແພດຊີ້ ຜູ້​ຕິດ­ເຊື້ອໂຄວິດ-19 ຈຳ­ນວນ 7 ຄົນຢູ່ນະຄອນຫຼວງວຽງຈັນ​ ​​ອາ­ການ​ດີ​ຂຶ້ນ​ເປັນ​ລຳ­ດັບ

ຊົມເຊີຍຄົນດີຂອງສັງຄົມຍັງມີຢູ່ຈິງ ບໍ່ເກັບຄ່າເຊົ່າຫ້ອງ ໃນໄລຍະໂຄວິດ-19!

ຊົມເຊີຍຄົນດີຂອງສັງຄົມຍັງມີຢູ່ຈິງ ບໍ່ເກັບຄ່າເຊົ່າຫ້ອງ ໃນໄລຍະໂຄວິດ-19!

ລາວບໍ່ມີຜູ້ຕິດເຊື້ອໂຄວິດ-19 ເພີ່ມອີກ ຍອດສະສົມຍັງຢູ່ທີ່ 10 ກໍລະນີ

ລາວບໍ່ມີຜູ້ຕິດເຊື້ອໂຄວິດ-19 ເພີ່ມອີກ ຍອດສະສົມຍັງຢູ່ທີ່ 10 ກໍລະນີ

ກະຊວງສຶກສາທິການ ແລະ ກີລາ ຜະລິດສື່ການຮຽນ-ການສອນ ເຜີຍແຜ່ຜ່ານໂທລະພາບ ວິທະຍຸ ສື່ອອນລາຍ

ກະຊວງສຶກສາທິການ ແລະ ກີລາ ຜະລິດສື່ການຮຽນ-ການສອນ ເຜີຍແຜ່ຜ່ານໂທລະພາບ ວິທະຍຸ ສື່ອອນລາຍ

ນະໂຍບາຍ ແລະ ມາດຕະການ ຢ່າງລະອຽດຂອງລັດຖະບານ ເພື່ອຫຼຸດຜ່ອນຜົນກະທົບຂອງໂຄວິດ-19 ຕໍ່ເສດຖະກິດ

ນະໂຍບາຍ ແລະ ມາດຕະການ ຢ່າງລະອຽດຂອງລັດຖະບານ ເພື່ອຫຼຸດຜ່ອນຜົນກະທົບຂອງໂຄວິດ-19 ຕໍ່ເສດຖະກິດ

ຊາວອັງກິດປອມໂຕເປັນພຸ່ມໄມ້ ໃຫ້ລູກແຕ່ງໂຕເປັນຖົງຂີ້ເຫຍື້ອ ລັກອອກເຮືອນໄປຊື້ເຄື່ອງໄລຍະປິດເມືອງ

ຊາວອັງກິດປອມໂຕເປັນພຸ່ມໄມ້ ໃຫ້ລູກແຕ່ງໂຕເປັນຖົງຂີ້ເຫຍື້ອ ລັກອອກເຮືອນໄປຊື້ເຄື່ອງໄລຍະປິດເມືອງ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ